Togra le haghaidh RIALACHÁIN Ó PHARLAIMINT NA hEORPA AGUS ÓN gCOMHAIRLE maidir leis an gCiste Eorpach um Choigeartú don Domhandú (2014 - 2020) /* COIM/2011/0608 leagan deireanach - 2011/0269 (COD) */
{SEC(2011)1130
final} {SEC(2011)1131
final} MEABHRÁN MÍNIÚCHÁIN 1. COMHTHÉACS AN TOGRA ·
Comhthéacs ginearálta Ina Theachtaireacht 'Buiséad don Eoraip 2020'[1]
chuir an Coimisiún béim ar an ngá dul i ngleic go héifeachtach le roinnt
dúshlán ar ionann iad agus bagairt thromchúiseach ar chomhtháthú sóisialta agus
ar iomaíochas. Go príomha, is iad na dúshláin
phráinneacha atá le sárú: gannchion scileanna, tearcfheidhmíocht an bheartais
ghníomhaigh i leith mhargadh an tsaothair agus tearcfheidhmíocht na gcóras oideachais,
grúpaí ar an imeall a bheith faoi eisiamh sóisialta, agus soghluaisteacht lucht
saothair ar leibhéal íseal. Sa chomhthéacs seo, aithnítear an gá atá le
tacaíocht shonrach, aonuaire a sholáthar, ar feadh thréimhse an Chreata
Airgeadais Ilbhliantúil (MFF) 2014 – 2020, d’oibrithe arna ndéanamh iomarcach
mar thoradh ar mhórathruithe struchtúracha de bharr gur mhéadaigh domhandú
táirgthe agus patrúin trádála. Mar is amhlaidh i gcás
na tréimhse clárúcháin 2007-2013, ba cheart an tacaíocht shonrach seo a chur ar
fáil tríd an gCiste Eorpach um Choigeartú don Domhandú (CECD), atá ar cheann de
na hionstraimí speisialta atá ann cheana nach mbíonn tionchar ag a n‑úsáid
ar na huasteorainneacha airgeadais sa CAI. Sa Teachtaireacht chéanna thug
an Coimisiún le fios gur cheart go mbeadh an tAontas in ann tacaíocht a
sholáthar tríd an CECD i gcás ina dtarlóidh iomarcaíochtaí mórscála a
eascraíonn ó mhíshocraíocht thromchúiseach an gheilleagair áitiúil, réigiúnaigh
nó náisiúnta a tharla de dhroim géarchéime gan choinne. Cuirfear síneadh breise
le raon feidhme an CECD d’fhonn tacaíocht neamhbhuan a chur ar fáil
d’fheirmeoirí chun éascaíocht a dhéanamh dóibh agus iad ag dul i dtaithí ar
chás margaidh nua a eascraíonn de bharr gur chuir an tAontas comhaontuithe
trádála chun críche a dhéanfaidh difear do tháirgí talmhaíochta. ·
Forais agus cuspóirí an togra Bunaíodh an Ciste Eorpach um Choigeartú don
Domhandú i dtosach d’fhad na tréimhse clárúcháin 2007 – 2013 le Rialachán (CE)
Uimh. 1927/2006[2] chun ionstraim a
thabhairt don Aontas le dlúthpháirtíocht a léiriú le hoibrithe arna ndéanamh
iomarcach mar thoradh ar athruithe struchtúracha i bpatrúin trádála domhanda a
tharla de dhroim domhandaithe agus tacú leis na hoibrithe sin, i gcás ina raibh
tionchar díobhálach suntasach ag na hiomarcaíochtaí seo ar an ngeilleagar
réigiúnach nó ar an ngeilleagar áitiúil. Tá sé
d’aidhm ag an CECD éascú a dhéanamh ar oibrithe a chur ag obair athuair i
réimsí, in earnálacha, i gcríocha nó i margaí saothair atá ag fulaingt de bharr
míshocrachta tromchúisí eacnamaíche. I bhfianaise scála agus luas theacht chun cinn na
géarchéime airgeadais agus eacnamaíche in 2008 bheartaigh an Coimisiún ina
Phlean don Téarnamh Eacnamaíoch Eorpach[3], go ndéanfaí
athbhreithniú ar Rialachán (CE) Uimh. 1927/2006. Seachas
roinnt athruithe buana bunaithe ar na chéad bhlianta de chur chun feidhme an
CECD, ba é príomhaidhm an athbhreithnithe seo[4]
raon feidhme an CECD a shíneadh ón 1 Bealtaine 2009 go dtí an 30 Nollaig 2011
le cur ar a chumas dlúthpháirtíocht an Aontais a léiriú agus tacaíocht a chur
ar fáil d’oibrithe arna ndéanamh iomarcach mar iarmhairt dhíreach ar an
ngéarchéim airgeadais agus eacnamaíochta agus an ráta cómhaoinithe a ardú ó 50 %
go 65 %, rud a laghdódh ualach na mBallstát. Agus
an staid eacnamaíoch i láthair na huaire agus an gá atá le comhdhlúthú fioscach
á chur san áireamh tá an Coimisiún ag beartú[5]
go gcuirfí síneadh leis an maolú sealadach géarchéime sin, go dtí an 31 Nollaig 2013,
i.e. go dtí deireadh thréimhse cur chun feidhme Rialachán (CE) Uimh. 1927/2006. Is é príomhchuspóir an togra seo a áirithiú go
leanfaidh an CECD ag feidhmiú sa chéad tréimhse chlárúcháin eile i gcomhréir
leis na bunphrionsabail atá leagtha síos don CAI 2014 – 2020, lenar cuireadh
síneadh chomh maith le raon feidhme an CECD chun feirmeoirí a chur san áireamh. I gcomhréir le príomhaidhm Rialachán (CE)
Uimh. 1927/2006 tá sé mar aidhm ag an togra dlúthpháirtíocht a léiriú ar
leibhéal an Aontais le hoibrithe a fágadh iomarcach agus a bhfuil dálaí
eisceachtúla ag cur orthu, agus tacaíocht a chur ar fáil lena n‑athimeascadh
go tapa san fhórsa saothair i gcomhréir le cuspóirí Straitéis Eoraip 2020. Go háirithe, cuirfidh an CECD tacaíocht ar fáil i
gcásanna inar fágadh oibrithe iomarcach mar thoradh ar mhórathruithe
struchtúracha i bpatrúin na trádála domhanda, i gcomhréir le raon feidhme
tosaigh an CECD mar atá leagtha síos in Airteagal 1 de Rialachán (CE)
Uimh. 1927/2006. Beidh an CECD in ann gníomhú
chomh maith i gcás ina dtarlóidh géarchéimeanna gan choinne a mbeidh
míshocracht thromchúiseach an gheilleagair áitiúil, réigiúnaigh nó náisiúnta
mar thoradh orthu. D’fhéadfaí a áireamh le géarchéimeanna gan choinne den sórt
sin, mar shampla, cúlú ollmhór i gcomhpháirtithe tábhachtacha trádála, dul ar
gcúl an chórais airgeadais inchomparáide leis an gceann a tharla in 2008, fadhb
thromchúiseach a bheith le soláthar fuinnimh nó tráchtearraí bunúsacha,
tubaiste nádúrtha, etc. Beidh an CECD ar fáil chomh maith chun cúnamh a
thabhairt d’fheirmeoirí oiriúnú do chás margaidh nua mar thoradh ar chomhaontuithe
trádála, amhail comhaontú maidir le táirgí talmhaíochta arna chur i gcrích ag
an Aontas. Is samplaí de na comhaontuithe féideartha atá ag teacht chun cinn na
comhaontuithe sin atá faoi chaibidlíocht le tíortha Mercosur, nó i gcomhthéacs
na hEagraíochta Domhanda Trádála faoi Chlár Oibre Doha um Fhorbairt. D'fhonn a áirithiú go mbeidh an CECD fós ina
ionstraim bhailí ar an leibhéal Eorpach, is féidir iarratas a dhéanamh ar
thacaíocht an CECD d’oibrithe nuair a shroichfidh líon na n‑iomarcaíochtaí
íostairseach. Léirigh taithí ar fheidhmiú Rialachán
(CE) Uimh. 1927/2006 go bhfuil tairseach 500 iomarcaíocht i dtréimhse
thagartha ar leith inghlactha, go háirithe nuair a chuirtear san áireamh go
bhféadfaí iarratais a chur isteach i gcás líon níos lú iomarcaíochtaí i margaí
saothair bheaga nó i ndálaí eisceachtúla. I gcás earnáil na talmhaíochta, dhéanfaí iarratas
CECD a spreagadh ar bhonn difriúil. Faisnéis ex-ante
maidir leis na hearnálacha agus / nó na táirgí is dóigh a mbeidh tionchar ag
allmhairithe méadaithe orthu mar thoradh díreach ar chomhaontuithe trádála,
cuirfear ar fáil í san anailís a dhéanfaidh ranna an Choimisiúin le haghaidh na
gcaibidlíochtaí trádála. Nuair atá inisileacha curtha leis an gcomhaontú
trádála, déanfaidh ranna an Choimisiúin seiceáil bhreise ar na hearnálacha nó
ar na táirgí a bhfuiltear ag súil le méadú mór allmhairí díobh isteach san
Aontas agus le titim mhór ar a bpraghas, agus déanfaidh siad measúnú ar an
tionchar dóchúil ar ioncam na hearnála. Ar an mbonn seo, d’ainmneodh an
Coimisiún earnálacha nó táirgí talmhaíochta agus, nuair is iomchuí, réigiúin
mar chinn a d’fhéadfadh a bheith incháilithe le tacaíocht a fháil ón CECD.
D’fhéadfadh sé go mbeadh Ballstáit in ann iarratais a chur isteach ar
ranníocaíocht an CECD, ar an gcoinníoll gur féidir leo a chruthú gur fhulaing
earnálacha incháilithe caillteanais shuntasacha a bhaineann le trádáil, go
bhfuil feirmeoirí atá ag oibriú sna hearnálacha sin buailte agus gur
shainaithin siad na feirmeoirí sin. D'fhonn a áirithiú go bhfuil tacaíocht an CECD ar
fáil d’oibrithe beag beann ar an gconradh fostaíochta nó ón gcaidreamh
fostaíochta atá acu, síntear an nóisean a bhaineann le ‘oibrithe’ chun go n‑áireofaí
leis oibrithe a bhfuil conarthaí ar théarma seasta acu, oibrithe gníomhaireachta
sealadacha agus bainisteoirí úinéirí micreafhiontar agus fiontar beag agus meánmhéide
agus oibrithe féinfhostaithe (lena n‑áirítear feirmeoirí), mar aon le
hoibrithe a bhfuil conarthaí fostaíochta le tréimhse éiginnte acu mar atá i
Rialachán (CE) Uimh. 1927/2006. Toisc go mbíonn rochtain ar thacaíocht an CECD
coinníollach ar oibrithe a bheith fágtha iomarcach, nó i gcás feirmeoirí go
mbíonn an rochtain sin coinníollach ar iad a bheith ag oiriúnú an chuid dá
ngníomhaíocht a ndéanann an comhaontú trádála iomchuí difear dó, tá forálacha
sonracha sa togra maidir leis an gcaoi ar cheart an iomarcaíocht a chomhaireamh
le haghaidh gach oibrí. Tá an CECD deartha le
rannchuidiú le cuspóirí fáis agus fostaíochta na Straitéise Eoraip 2020.
Dá bhrí sin, díríonn sé ar bhearta gníomhacha i leith mhargadh an tsaothair,
atá dírithe ar oibrithe atá briste as a bpost a chur ar ais i bhfostaíocht
sheasta go tapa. Mar aon le Rialachán (CE) Uimh. 1927/2006, foráiltear leis
an togra seo ranníocaíocht ón CECD le haghaidh pacáiste gníomhach beart i leith
mhargadh an tsaothair. Ní féidir leis rannchuidiú le cistiú beart éighníomhach
mar nach bhfuil siad comhoiriúnach le cuspóirí fáis agus fostaíochta na
Straitéise Eoraip 2020. Ní féidir liúntais a chur san áireamh ach amháin
má dheartar iad mar dhreasachtaí chun rannpháirtíocht oibrithe a briseadh as a
bpoist a éascú i mbearta beartais gníomhacha i leith mhargadh an tsaothair.
D'fhonn cothromaíocht réasúnta a áirithiú idir bearta beartais gníomhacha i
leith mhargadh an tsaothair agus liúntais ‘ghníomhaithe’, déantar an sciar
liúntas i bpacáiste comhordaithe de bhearta gníomhacha i leith mhargadh an
tsaothair a chaidhpeáil. I gcás feirmeoirí, lena n‑áirítear gach ball
de theaghlach feirme atá gníomhach ar an bhfeirm, dhíreodh na bearta ar
oiliúint agus ar shealbhú scileanna iomchuí agus ar úsáid seirbhísí
comhairleacha chun a chur ar a gcumas a gcuid gníomhaíochtaí a oiriúnú, lena n‑áirítear
gníomhaíochtaí nua a chur i gcrích, laistigh agus/nó lasmuigh den talmhaíocht,
mar aon le tacaíocht theoranta a thabhairt do na hinfheistíochtaí tosaigh chun
a gcuid gníomhaíochtaí a athrú nó a choigeartú d'fhonn cuidiú leo a bheith níos
iomaíche ó thaobh struchtúir de agus a slí bheatha a chur ó bhaol. D’fhéadfaí tacaíocht a thabhairt chomh maith do
ghníomhaíochtaí comhair d'fhonn roghanna margaidh nua a chruthú, go háirithe
d’fheirmeoirí ar scála beag. Tá an CECD á chur lasmuigh den CAI toisc nach
féidir na himthosca ina gcaithfear é a úsáid a thuar ná chomh práinneach is a
bheidh siad. Mar sin féin, ní raibh sé chomh
héifeachtach mar gheall ar fhad an phróisis chinnteoireachta agus mar gheall ar
na ceanglais nós imeachta a bhaineann leis an bpróiseas sin. Ba cheart go
mbeadh sé mar chúram ar gach páirtí atá bainteach le próiseas an CECD an t-achar
ama idir dáta an iarratais ar thacaíocht an CECD agus an dáta íocaíochta a
ghiorrú a mhéid agus is féidir, agus na nósanna imeachta a shimpliú: Ba cheart
go ndéanfadh na Ballstáit iarracht mhór iarratas comhlánaithe a chur isteach a
luaithe agus is féidir tar éis na critéir iomchuí a chomhlíonadh; ba cheart don
Choimisiún measúnú a dhéanamh maidir le hincháilitheacht agus conclúid a
thabhairt ina leith go luath tar éis iarratas comhlánaithe a bheith curtha
isteach, agus ba cheart go nglacfadh an t-údarás buiséadach a chinneadh maidir
le húsáid chistithe an CECD go tapa. D'fhonn na riachtanais a eascraíonn ag tús
gach bliana a chumhdach, leanfaidh an Coimisiún ag moladh laistigh den nós
imeachta buiséadach bliantúil íosmhéid i leithreasaí faoi chomhair íocaíochtaí
maidir leis an líne bhuiséadach iomchuí. Toisc nach féidir na cineálacha riachtanas a
thiocfaidh chun cinn le haghaidh tacaíochta ón gCiste a thuar, is gá cuid den
uasmhéid bliantúil a chur ar leataobh le haghaidh iarratas a fhaigheann
ranníocaíochtaí tar éis an 1 Meán Fómhair gach bliain. I gcás inar mó na
riachtanais le haghaidh tacaíochta ón gCiste ná an méid a bheidh ar fáil go
fóill, léireoidh tograí an Choimisiúin an chion atá socraithe le haghaidh
tacaíochta na hearnála talmhaíochta fad is a bheidh an CAI ar bun. Beidh cúnamh an CECD anuas ar
iarrachtaí na mBallstát, ar leibhéal náisiúnta, leibhéal réigiúnach agus
leibhéal áitiúil. Ar mhaithe le bainistíocht fhónta airgeadais ní féidir leis
an CECD bearta a ionadú atá cumhdaithe cheana féin ag Cistí an Aontais agus ag
Cláir an Aontais atá san áireamh sa CAI. Ní féidir le ranníocaíocht an CECD
ionadaíocht a dhéanamh ach an oiread ar bhearta atá mar fhreagracht ar
chuideachtaí a bhriseann oibrithe óna bpoist faoin dlí náisiúnta nó faoi
chomhaontuithe comhchoiteanna. Leanann an nós imeachta buiséid sa togra seo go
díreach ó phointe 13 den Dréachtchomhaontú Idirinstitiúideach[6]ón
gCoimisiún mar chúnamh ag an gCoimisiún. Nuair is féidir, giorrófar agus
déanfar sruthlíniú ar an bpróiseas. Ag cur san áireamh go gcuirtear na bearna arna
gcómhaoiniú ag an CECD chun feidhme trí bhíthin comhbhainistíochta leis na
Ballstáit, beidh an mheicníocht íocaíochta le haghaidh na ranníocaíochta fós i
gcomhréir leo sin atá i bhfeidhm don mhodh bainistíochta seo ar bhuiséad an
Aontais. Ag an am céanna, ba cheart go léireodh na
comhaontuithe maoinithe raon feidhme na ngníomhaíochtaí a bheidh le comhlíonadh
ag na Ballstáit mar atá beartaithe acu ina gcuid iarratas. Déanfar modhnú ar an ráta cómhaoinithe, le
ranníocaíocht 50 % ag dul do chostas an phacáiste agus a chur chun feidhme
mar ghnáthrud, agus an fhéidearthacht an ráta sin a ardú go dtí 65 % i
gcás iarratas arna gcur isteach ag na Ballstáit sin i gcríoch ina bhfuil
réigiún amháin ar a laghad ar leibhéal NUTS II incháilithe faoi chuspóir
“Cóineasaithe” na gCistí Struchtúracha. Is é is aidhm
don mhodhnú seo a áirithiú nach gcuirtear isteach ar ráiteas dlúthpháirtíochta
an Aontais le hoibrithe sna Ballstáit agus sna réigiúin sin mar gheall ar easpa
acmhainní cómhaoinithe ag Ballstáit, arna aithint leis na rátaí níos airde
cómhaoinithe atá leagtha síos faoi na Cistí Struchtúracha. Cinnfidh an
Coimisiún, ina mheasúnú ar iarratais den sórt sin, cibé an bhfuil call leis an
ráta cómhaoinithe níos airde sa chás sonrach arna bheartú ag an mBallstát. Ceann de na príomhtheachtaireachtaí don tréimhse 2014
– 2020 is ea gur cheart go mbeadh caiteachas ar leibhéal an Aontais dírithe ar
thorthaí, ionas go n‑áiritheofaí go gcuireann aschur agus iarmhairt an
chaiteachais dlús faoi chur chun feidhme na Straitéise Eoraip 2020 agus
faoi bhaint amach a cuid spriocanna. Maidir le
caiteachas a bhaineann leis an CECD, leagann an CAI amach an sprioc gur cheart
go bhfaigheadh 50 % ar a laghad d’oibrithe a fhaigheann cúnamh trí bhíthin
an CECD post nua seasmhach tar éis 12 mhí. D’fhonn a chur ar chumas an
Choimisiúin faireachán a dhéanamh ar cibé an bhfuil na Ballstáit ag obair i
dtreo na sprice seo nó nach bhfuil, déanfaidh na Ballstáit tuarascáil
eatramhach a thíolacadh maidir le cur chun feidhme tacaíochta an CECD tar éis 15
mhí. Sa chur chuige céanna sin atá dírithe ar thorthaí, foráiltear leis an
togra gur féidir le Ballstáit, faoi réir fhormheas an Choimisiúin, na bearta
beartais ghníomhacha i leith mhargadh an tsaothair a leasú má fheictear dóibh
le linn na tréimhse cur chun feidhme 24 mí go bhfuil bearta eile níos ábhartha
agus geall fúthu go sroichfidh siad ráta athimeasctha níos airde. ·
Forálacha atá ann cheana i réimse an togra Mar a tugadh le fios sa Teachtaireacht[7]
maidir le CAI, cuirfidh na Cistí Struchtúracha, ina gcuimsítear Ciste Sóisialta
na hEorpa (CSE) agus Ciste Forbraíochta Réigiúnaí na hEorpa (ERDF) cistiú ar
fáil do ghníomhaíochtaí struchtúracha le haghaidh comhtháthaithe eacnamaíoch,
shóisialta agus chríochaigh. Díreofar an cistiú seo
ar phríomhthosaíochtaí na Straitéise Eoraip 2020, amhail fostaíocht a chur
chun cinn, infheistíocht i scileanna, oideachas agus foghlaim ar feadh an
tsaoil, cuimsiú sóisialta agus an comhrac in aghaidh na bochtaineachta mar aon
le cumas institiúideach agus riarachán poiblí éifeachtúil a fheabhsú. Is cláir
ilbhliantúla atá sa CSE agus sa ERDF araon a thacaíonn le spriocanna
straitéiseacha, fadtéarmacha, go háirithe réamh-mheas agus bainistiú a dhéanamh
ar athruithe agus ar athstruchtúrú. Bunaítear an CECD, dá réir sin, chun
tacaíocht a chur ar fáil i ndálaí eisceachtúla agus lasmuigh de ghnáth-chlárú
ilbhliantúil. Mar a tugadh le fios sa Teachtaireacht chéanna,
cothóidh an Comhbheartas Talmhaíochta an struchtúr reatha dhá philéar atá aige
agus leanfaidh sé ag cur tacaíochta dírí ar fáil d’fheirmeoirí agus ag tacú le
bearta margaidh, arna maoiniú go hiomlán ag buiséad an Aontais. Leanfar freisin ag seachadadh earraí poiblí comhshaoil
sonracha, ag feabhsú iomaíochais na n‑earnálacha talmhaíochta agus foraoiseachta
agus ag cur chun cinn éagsúlú i ngníomhaíocht eacnamaíoch agus caighdeán saoil
i limistéir thuaithe faoina dhara piléar, agus go háirithe faoin tacaíocht arna
soláthar ag an gCiste Eorpach Talmhaíochta um Fhorbairt Tuaithe (CETFT). Amhail
na Cistí Struchtúracha, is cláir ilbhliantúla atá sa CETFT a thacaíonn le
spriocanna straitéiseacha, fadtéarmacha. Bunaítear an CECD, dá réir
sin, chun dlúthpháirtíocht an Aontais Eorpaigh a chur ar fáil trí bhíthin
tacaíochta ar feadh achar teoranta d’oibrithe a bhfuiltear á ndéanamh iomarcach
agus d’fheirmeoirí a chaithfidh na gníomhaíochtaí talmhaíochta a bhí ar bun
roimhe sin acu a athrú i ndálaí eisceachtúla agus lasmuigh den ghnáth-chlárú
ilbhliantúil. D’fhonn úsáid éifeachtach a bhaint as ionstraimí
an Aontais maidir le comhtháthú eacnamaíoch, sóisialta agus críochach a chur
chun cinn, beidh an rogha ionstraime a úsáidfear bunaithe ar mheasúnú maidir le
cibé ar tharla na hiomarcaíochtaí mar thoradh ar thosca struchtúracha nó mar
thoradh ar mheath sealadach ar chúrsaí fostaíochta a tharla de dhroim na dtosca
a sainítear sa Rialachán. ·
Comhsheasmhacht le beartais agus le cuspóirí
eile an Aontais Tacaíonn an CECD le cuspóirí na straitéise
Eoraip 2020, rud ba cheart a chuirfeadh ar chumas an Aontais a bheith níos
treise i ndiaidh na géarchéime, agus a gheilleagar a stiúradh i dtreo fáis
chliste, inbhuanaithe agus chuimsithigh, agus go mbeadh ardleibhéal
fostaíochta, táirgiúlachta agus comhtháthaithe shóisialta ag dul leis an bhfás
sin. Ina Theachtaireacht[8]
'An Eoraip 2020 – Straitéis maidir le fás cliste, inbhuanaithe agus
cuimsitheach', cuireann an Coimisiún béim ar ról an CECD faoin tionscnamh
suaitheanta ‘Beartas tionsclaíoch i ré an domhandaithe’, go háirithe d’fhonn
scileanna a ath-imlonnú go tapa chuig earnálacha agus margaí atá ag teacht chun
cinn agus iad ag fás go tapa. ·
An tionchar ar chearta bunúsacha Níl aon tionchar ag an togra seo ar chearta
bunúsacha. 2. TORTHAÍ NA gCOMHAIRLIÚCHÁN LE PÁIRTITHE
LEASMHARA AGUS MEASÚNÚ TIONCHAIR ·
Comhairliúchán leis na páirtithe leasmhara Tionóladh dhá chomhdháil le páirtithe leasmhara
chun todhchaí an CECD a phlé an 25-26 Eanáir 2011[9]
agus an 8 Márta 2011[10]ón gCoimisiún mar chúnamh
ag an gCoimisiún. Bailíodh fianaise[11] maidir le
glacadh an CECD trí cheist a chur ar shaineolaithe Ballstát maidir le
todhchaíocht an CECD trí bhíthin dhá cheistneoir a cuireadh chucu an 26 Lúnasa 2010 agus an 12 Deireadh Fómhair 2010 agus ar eagraíochtaí comhpháirtíochta
sóisialta san Eoraip trí cheistneoir a cuireadh chucu an 2 Feabhra 2011. D’fhreagair cúig Bhallstát is fiche; níor fhreagair mórán
eagraíochtaí comhpháirtíochta sóisialta ach ghlac siad páirt go gníomhach sna
comhdhálacha. Chuathas i gcomhairliúchán níos mó le saineolaithe Ballstát ag
cruinniú saineolaithe in Porto an 29-30 Meán Fómhair 2010[12]
agus sa Bhruiséil an 9 Márta 2011[13]ón gCoimisiún mar chúnamh
ag an gCoimisiún. Ba é príomhthoradh na gcomhairliúchán seo gur tugadh
tacaíocht ollmhór d’ionstraim idirghabhála géarchéime tapa i gcás ina dtarlódh
iomarcaíochtaí ar mhórscála. Dá ainneoin sin, cháin
gach duine go láidir castacht an nós imeachta agus chomh mall is atá an
próiseas cinnteoireachta i láthair na huaire. ·
Saineolas a bhailiú agus a úsáid Ní raibh aon ghá le saineolas seachtrach. ·
Measúnú tionchair Clúdaítear measúnú iarmharta an CECD sa Mheasúnú
Tionchair[14] maidir leis na
hionstraimí airgeadais atá ar fáil don Ard-Stiúrthóireacht um Fhostaíocht,
Gnóthaí Sóisialta agus Cuimsiú, i.e. Ciste Sóisialta na hEorpa (CSE), an CECD,
clár PROGRESS, EURES agus Áis Mhicrea-mhaoinithe PROGRESS. Rinneadh trí rogha a mheas sa mheasúnú iarmharta
don CECD: –
Rogha 1 – Gan athrú ar an mbeartas, i.e. leanann an CECD gan a bhuiséad féin. Tar
éis gach iarratais, caithfidh an t-údarás buiséadach cinneadh a ghlacadh maidir
le cibé an fiú tacaíocht a thabhairt don chás áirithe seo. Is é an
príomh-mhíbhuntáiste an mhoill fhada a tharlaíonn de dhroim na nósanna imeachta
riaracháin a bhaineann leis an bpróiseas cinnteoireachta. Is iad na
príomhbhuntáistí solúbthacht na hionstraime, go háirithe agus cineál nach
féidir a thuar an chaiteachais á chur san áireamh, an fheasacht a ardaíonn sé i
bParlaimint na hEorpa ar olliomarcaíochtaí, ard-infheictheacht gach iarratas,
mar aon le hard-infheictheacht an CECD féin. –
Rogha 2 – Ionchorprú gníomhaíochtaí an CECD
sa CSE. Is iad na
príomh-mhíbhuntáistí an gá le leithdháileadh buiséid soiléir le linn na
tréimhse clárúcháin, in ainneoin chineál ‘dochláraithe’ na n‑olliomarcaíochtaí,
an choimhlint fhéideartha leis na critéir leithdháilte fhoriomlána a úsáidtear
i mbeartas comhtháthaithe agus laghdú in infheictheacht pholaitiúil thacaíocht
an Aontais mar nach mbeadh an t-údarás buiséadach páirteach. Is iad na
príomhbhuntáistí a bhaineann leis an rogha seo comhchuibheas agus comhlántacht
méadaithe le CSE, giorrú an phróisis chinnteoireachta agus simpliú agus
sruthlíniú iarratas ar an CECD mar go bhféadfadh an CECD tairbhe a bhaint as
struchtúir, nósanna imeachta, córais bhainistíochta agus rialaithe CSE, mar aon
le simplithe CSE i réimsí amhail costais incháilithe. –
Rogha 3 – An CECD mar chiste neamhspleách
lena leithdháileadh buiséid féin. Is iad na príomh-mhíbhuntáistí solúbthacht buiséid a
chailliúint mar chuirfeadh sé san áireamh suim sheasta caiteachais le haghaidh
patrúin chaiteachais athraithigh, an mheicníocht sheachadta (tionchar diúltach
ar an meicníocht sheachadta i gcomparáid le rogha 2 mar ní bhainfeadh an CECD
tairbhe as struchtúir, nósanna imeachta agus simpliú CSE) agus ar deireadh an
baol go mbeadh forluí ann le CSE. Is é an príomhbhuntáiste an ardleibhéal
infheictheachta do dhlúthpháirtíocht Eorpach. Is léir ón measúnú gur fearr roghanna 2 agus 3 i
dtéarmaí luas seachadta chúnamh an CECD. Mar sin féin, baineann riosca
méadaithe leis na roghanna seo d’éifeachtúlacht laghdaithe mar gheall ar
neamhúsáid acmhainní leithdháilte. Ráthaíonn
rannpháirtíocht lucht ceaptha beartas i rogha 1 an leibhéal tiomantais phoiblí
is airde ón Aontas maidir le leas na n‑oibrithe a ndearnadh iomarcach. Dá
bhrí sin, is é rogha 1 an rogha tosaíochta, mar soláthraítear leis an rogha sin
an tsolúbthacht is gá le húsáid éifeachtach acmhainní a chumasú, gan difear a
dhéanamh don Chreat Airgeadais Ilbhliantúil. Tá scóip ann simpliú breise a
dhéanamh ar an meicníocht sheachadta agus ar an gcaoi sin feabhas a chur ar
éifeachtacht an chúnaimh a thugtar d’oibrithe a ndearnadh iomarcach iad agus
d’fheirmeoirí a mbíonn tionchar ag domhandú orthu. Fad is a bhaineann sé leis an socrú airgeadais
tá an togra seo bunaithe ar rogha 1, i.e. ionstraim shonrach ag feidhmiú taobh
amuigh de CAI. Rinneadh measúnú breise ar ábhar
sonrach na bhforálacha, agus go háirithe oiriúnú rialacha an CECD chun
feirmeoirí a chumhdach, sa mheastóireacht ex ante a ghabhann leis an togra seo. Chuir an mheastóireacht ex-ante[15]
trí rogha san áireamh: –
Rogha 1 – Gan athrú ar an mbeartas, i.e. leanann an CECD ag feidhmiú faoina rialacha reatha arna leasú
leis an ‘maolú géarchéime’ mar a thugtar air agus sraith gníomhaíochtaí
incháilithe; –
Rogha 2 – An daonra incháilithe a shíneadh, i.e. leanann an CECD ag feidhmiú faoina rialacha reatha arna leasú
leis an ‘maolú géarchéime’ mar a thugtar air agus sraith gníomhaíochtaí
incháilithe mar atá i rogha 1, ach síntear a chritéir idirghabhála chun
oibrithe gníomhaireachta sealadacha agus oibrithe a bhfuil conarthaí ar théarma
seasta acu a chur san áireamh; –
Rogha 3 – An daonra incháilithe agus an
tsraith gníomhaíochtaí incháilithe a shíneadh a thuilleadh, i.e. síneann an CECD rogha 2 trí bhíthin bainisteoirí úinéirí
micreafhiontar agus fiontar beag agus meánmhéide agus oibrithe féinfhostaithe
(lena n‑áirítear feirmeoirí) a chur san áireamh sa daonra incháilithe,
agus trí bhíthin síneadh a chur leis an tsraith gníomhaíochtaí incháilithe chun
ceanglais shonracha bainisteoirí úinéirí a chur san áireamh. Ar bhonn an mheasúnaithe ar na buntáistí agus na
míbhuntáistí atá leis na trí rogha thuas, leathnaíonn an togra seo tacaíocht
chuig an gcuid sin den lucht saothair a raibh drochthionchar ag domhandú
gníomhaíochtaí eacnamaíocha, cásanna géarchéime gan choinne nó comhaontuithe
trádála orthu, mar fhostaí buan nó mar fhostaí sealadach nó mar úinéir ina
bhainisteoir nó oibrí féinfhostaithe. 3. EILIMINTÍ DLÍ AN TOGRA ·
Achoimre ar an ngníomhaíocht atá beartaithe Is é aidhm an togra a áirithiú go leanann an CECD
ag feidhmiú sa chéad tréimhse chlárúcháin eile i gcomhréir leis na
bunphrionsabail atá leagtha síos don CAI 2014 – 2020. Ba
cheart go gcuirfeadh an CECD ar chumas an Aontais dlúthpháirtíocht a léiriú ar
leibhéal an Aontais agus tacaíocht a thabhairt d’oibrithe ar fágadh iomarcach
iad de thoradh ar dhomhandú trádála, de thoradh ar ghéarchéim gan choinne nó
mar iarmhairt comhaontuithe trádála a bhfuil tionchar acu ar earnáil na
talmhaíochta. ·
Bunús dlí An Conradh ar Fheidhmiú an Aontais Eorpaigh, agus
go háirithe an tríú mír d’Airteagal 175 agus Airteagal 42 agus Airteagal 43. Ceadaíonn Airteagal 175(3)
do Pharlaimint na hEorpa agus don Chomhairle gníomhaíocht a ghlacadh i
gcomhréir le gnáthnós imeachta reachtach agus tar éis dul i gcomhairle leis an
gCoiste Eacnamaíoch agus Sóisialta agus le Coiste na Réigiún, más gá
gníomhaíochtaí ar leith a úsáid lasmuigh de na Cistí Struchtúracha agus den
Chomhbheartas Talmhaíochta agus gan dochar do na bearta a ndearnadh cinneadh
fúthu faoi chuimsiú bheartais eile an Aontais. I dtaca leis na forálacha sa Rialachán seo a
bhaineann le tacaíocht d’fheirmeoirí gníomhacha, is féidir a mheas gurb é atá i
gcúnamh an CECD cabhair do ghníomhaíochtaí talmhaíochta agus gníomhaíocht a
ghlactar chun cuspóir sainráite de chuid Bheartas Talmhaíochta an Aontais a
shaothrú. Dá bhrí sin, cuimsíonn Airteagal 42 agus Airteagal 43 den
Chonradh ar Fheidhmiú an Aontais Eorpaigh an bunús dlí iomchuí le haghaidh na
mbeart a dhírítear ar fheirmeoirí. ·
Prionsabal na coimhdeachta Tá feidhm ag prionsabal na coimhdeachta a mhéid is
nach bhfuil an togra faoi inniúlacht eisiach an Aontais. Ní féidir leis na Ballstáit na cuspóirí a
bhaineann le dlúthpháirtíocht a léiriú ar leibhéal an Aontais i ndálaí
eisceachtúla don chuid sin den lucht saothair a raibh tionchar diúltach ag
domhandú, ag géarchéim gan choinne nó ag comhaontuithe trádála orthu, a bhaint
amach go leordhóthanach astu féin. Is féidir iad a
bhaint amach níos fearr ar leibhéal an Aontais, ag cur san áireamh gur léiriú
ar dhlúthpháirtíocht i measc Ballstát agus eatarthu atá san CECD. Beidh gá le
comhaontú ón dá shraith den údarás buiséadach, ar an gcaoi sin ag léiriú
dlúthpháirtíochta ón Aontas agus ó na Ballstáit, chun ranníocaíocht ón CECD a
chur sa tsiúil. Ar an mbealach sin, rannchuideoidh an togra leis an gcuspóir
maidir le dlúthpháirtíocht an Aontais i ndálaí eisceachtúla a dhéanamh níos nithiúla
don chuid sin den fhórsa saothair atá i dteannta, go háirithe, agus do
shaoránaigh an Aontais i gcoitinne. ·
Prionsabal na comhréireachta I gcomhréir le prionsabal na comhréireachta, ní
théann forálacha an togra seo thar a bhfuil riachtanach chun na spriocanna sin
a bhaint amach. Léirítear sna hoibleagáidí a fhorchuirtear ar na Ballstáit an
gá le cúnamh a thabhairt don lucht saothair atá i dteannta le dul in oiriúint
do na dálaí athraitheacha agus lena n‑athimeascadh go tapa san fhórsa
saothair. Tá an t-ualach riaracháin ar an Aontas agus ar na húdaráis náisiúnta
teoranta don mhéid is gá le haghaidh an Choimisiúin lena fhreagracht a
chleachtadh maidir le cur chun feidhme bhuiséad an Aontais. Ós rud é go ndéantar an ranníocaíocht leis an mBallstát
faoin phrionsabal na comhbhainistíochta, caithfidh an Ballstát tuairisc a
thabhairt ar an úsáid a bhaintear as an ranníocaíocht airgeadais. ·
Rogha na hionstraime An ionstraim atá beartaithe: Rialachán. Ní bheadh modhanna eile
iomchuí ar an gcúis seo a leanas: ní féidir an cuspóir maidir le
dlúthpháirtíocht ar leibhéal an Aontais a léiriú ach trí ionstraim dlí atá
infheidhme go díreach. 4. IMPLEACHT BHUISÉADACH Tá an CECD ar cheann de na hionstraimí speisialta
nach bhfuil san áireamh sa CAI, le huasmhéid EUR 3 billiún idir Eanáir 2014
agus 31 Nollaig 2020, agus ní bheidh an méid a thacóidh leis an earnáil
talmhaíochta níos mó ná EUR 2,5 billiún (praghsanna 2011). Déantar a fheidhmiú a rialú de réir phointe 13 den
Dréacht-Chomhaontú Idirinstitiúideach[16] idir Parlaimint na
hEorpa, an Chomhairle agus an Coimisiún maidir le comhar i gcúrsaí buiséid agus
maidir le bainistíocht fhónta airgeadais. Ní fhéadfaidh sé dul thar
uasmhéid bliantúil EUR 429 milliún. 5. EILIMINTÍ ROGHNACHA 2011/0269 (COD) Togra le haghaidh RIALACHÁIN Ó PHARLAIMINT NA hEORPA AGUS
ÓN gCOMHAIRLE maidir leis an gCiste Eorpach um Choigeartú
don Domhandú (2014 - 2020) TÁ PARLAIMINT NA hEORPA AGUS
COMHAIRLE AN AONTAIS EORPAIGH, Ag féachaint don Chonradh ar Fheidhmiú an
Aontais Eorpaigh, agus go háirithe don tríú mír d’Airteagal 175 de, mar
aon le hAirteagal 42 agus Airteagal 43 de, Ag féachaint don togra ón gCoimisiún, Tar éis dóibh an
dréachtghníomh reachtach a chur chuig na Parlaimintí náisiúnta, Ag féachaint don tuairim ó
Choiste Eacnamaíoch agus Sóisialta na hEorpa[17], Ag féachaint don tuairim ó Choiste na Réigiún[18], Ag gníomhú dóibh i gcomhréir leis
an ngnáthnós imeachta reachtach, De bharr an méid seo a leanas: (1)
An 26 Márta 2010 d’aontaigh an Chomhairle Eorpach
le moladh an Choimisiúin straitéis nua dar teideal Eoraip 2020 a sheoladh.
Ar cheann de thrí thosaíocht na straitéise tá fás cuimsitheach a chothú trí dhaoine
a chumasú le hardleibhéil fostaíochta, infheistiú i scileanna, bochtaineacht a
chomhrac agus margaí saothair a nuachóiriú, oiliúint agus córais um chosaint
shóisialta chun cúnamh a thabhairt do dhaoine athruithe a thuar a láimhseáil,
agus sochaí chomhtháite a fhorbairt. (2)
Bunaíodh an Ciste Eorpach um Choigeartú don
Domhandú (an CECD) le Rialachán (CE) Uimh. 1927/2006 ó Pharlaimint na
hEorpa agus ón gComhairle an 20 Nollaig 2006 maidir leis an gCiste Eorpach um
Choigeartú don Domhandú a bhunú[19] ar feadh thréimhse an
Chreata Airgeadais ón 1 Eanáir 2007 go dtí an 31 Nollaig 2013 le cur ar chumas
an Aontais dlúthpháirtíocht a léiriú d'oibrithe a fágadh iomarcach i ngeall ar
athruithe i bpatrúin trádála domhanda agus chun tacaíocht a chur ar fáil lena n‑athimeascadh
go tapa san fhórsa saothair. Tá cuspóir tosaigh seo
an CECD fós bailí. (3)
In Buiséad don Eoraip 2020[20],
Teachtaireacht ón gCoimisiún chuig Parlaimint na hEorpa, chuig an gComhairle, chuig
Coiste Eacnamaíoch agus Sóisialta na hEorpa agus chuig Coiste na Réigiún maidir
le ról an CECD mar chiste solúbtha chun tacaíocht a thabhairt d’oibrithe a
chailleann a bpost agus chun cuidiú leo post eile a aimsiú gan mhoill. Ba cheart don Aontas, feadh thréimhse an Chreata Airgeadais
Ilbhliantúil ón 1 Eanáir 2014 go dtí an 31 Nollaig 2020, leanúint de bheith ag tabhairt
tacaíochta sonraí aonuaire d'oibrithe i limistéir, in earnálacha, i gcríocha nó
i margaí saothair atá buailte go dona ag mórshuaitheadh eacnamaíoch. I
bhfianaise na haidhme atá ag an CECD, i.e. tacaíocht a thabhairt i gcásanna
práinne agus in imthosca gan choinne, ba cheart dó fanacht lasmuigh den Chreat
Airgeadais Ilbhliantúil. (4)
Rinneadh raon feidhme Rialachán (CE) Uimh. 1927/2006
in 2009 a leathnú le Rialachán (CE) Uimh. 546/2009 ó Pharlaimint na
hЕorpa agus ón gComhairle[21] mar chuid den phlean don
Téarnamh Eacnamaíoch Eorpach le hoibrithe arna ndéanamh iomarcach mar thoradh
ar an ngéarchéim airgeadais agus eacnamaíochta domhanda a chur san áireamh. D’fhonn cur ar chumas an CECD idirghabháil a dhéanamh i
gcásanna amach anseo, ba cheart go gclúdódh a raon feidhme iomarcaíochtaí a
d'eascair ó mórshuaitheadh eacnamaíoch, nuair a tharla sé de dhroim géarchéime
gan choinne atá inchomparáide leis an ngéarchéim airgeadais agus eacnamaíochta
a tharla sa gheilleagar ó 2008 ar aghaidh. (5)
D'fhonn an Teachtaireacht 'Buiséad don Eoraip 2020'
a chomhlíonadh ba cheart raon feidhme an CECD a leathnú d'fhonn cuidiú le
feirmeoirí iad féin a chur in oiriúint do dhálaí nua margaidh a eascróidh ó
chomhaontuithe trádála idirnáisiúnta in earnáil na talmhaíochta agus a bheidh
faoi deara athrú nó coigeartú mór i ngníomhaíochtaí talmhaíochta feirmeoirí atá
buailte, d'fhonn cuidiú leo bheith níos iomaíche ó thaobh struchtúir de agus
dul i mbun gníomhaíochtaí neamhthalmhaíocha. (6)
D'fhonn gné Eorpach an CECD a áirithiú, ba cheart
iarratas ar thacaíocht a chur ar obair nuair a shroicheann líon na n‑iomarcaíochtaí
íostairseach. I margaí saothair beaga, amhail
Ballstáit bheaga nó réigiúin iargúlta, agus i ndálaí eisceachtúla, féadfar
iarratais a chur isteach i gcás líon níos lú iomarcaíochtaí. Maidir le
feirmeoirí, ba cheart don Choimisiún na critéir riachtanacha a chinneadh i
bhfianaise iarmhairtí gach comhaontaithe trádála. (7)
Ba cheart go mbeadh rochtain chothrom ag oibrithe a
rinneadh iomarcach ar an CECD, beag beann ar an gcineál conartha fostaíochta nó
ar an gcineál caidrimh fostaíochta a bhí acu. Dá bhrí
sin, oibrithe a bhfuil conarthaí ar théarma seasta acu agus oibrithe
gníomhaireachta sealadacha arna ndéanamh iomarcach mar aon le bainisteoirí
úinéirí micreafhiontar agus fiontar beag agus meánmhéide agus oibrithe
féinfhostaithe a scoireann dá ngníomhaíochtaí agus feirmeoirí a athraíonn nó a choigeartaíonn
a gcuid gníomhaíochtaí i bhfianaise dalaí nua margaidh tar éis comhaontuithe
trádála, ba cheart a mheas gur oibrithe arna ndéanamh iomarcach iad chun
críocha an Rialacháin seo. (8)
Maidir le feirmeoirí, ba cheart go n‑áireofaí
le raon feidhme an CECD na tairbhithe dá ndéanann difear comhaontuithe
déthaobhacha arna gcur i gcrích ag an Aontas i gcomhréir le
hAirteagal XXIV den GATT nó ag comhaontuithe déthaobhacha arna gcur i
gcrích laistigh den Eagraíocht Dhomhanda Trádála. Cumhdaíonn sé sin feirmeoirí
a athraíonn nó a choigeartaíonn na gníomhaíochtaí talmhaíochta a bhí á ndéanamh
acu roimhe sin taobh istigh de thréimhse a thosaíonn nuair a chuirtear
inisileacha le comhaontuithe trádála dá leithéid agus a chríochnaíonn trí
bliana tar éis chur chun feidhme iomlán na gcomhaontuithe sin. (9)
Ba cheart go ndíreofaí ranníocaíochtaí ón CECD go
príomha ar bhearta gníomhacha mhargadh an tsaothair atá dírithe ar oibrithe
arna ndéanamh iomarcach a áth‑imeascadh go tapa san fhórsa saothair, san
earnáil ina raibh siad ag obair i dtús nó in earnáil eile, earnáil na
talmhaíochta san áireamh. Dá bhrí sin, ba cheart
cuimsiú liúntas airgid i bpacáiste comhordaithe seirbhísí pearsantaithe a
shrianadh. (10)
Agus an pacáiste comhordaithe de bhearta um beartas
gníomhach i leith mhargadh an tsaothair á dhréachtú, ba cheart go dtabharfadh
Ballstáit tús áite do bhearta lena gcuirfear go suntasach le hinfhostaitheacht
na n‑oibrithe arna ndéanamh iomarcach. Ba
cheart go bhféachfadh na Ballstáit le dhul i dtreo ar a laghad 50 % de na
hoibrithe a ndírítear orthu a athimeascadh san fhórsa saothair nó i
ngníomhaíochtaí nua laistigh de 12 mhí ó dháta an iarratais. (11)
D'fhonn tacaíocht éifeachtach thapa a thabhairt
d’oibrithe ba cheart go ndéanfadh na Ballstáit a ndícheall iarratais
chomhlánaithe a chur isteach. Ba cheart go mbeadh
soláthar faisnéise breise eisceachtúil agus ba cheart srian ama bheith leis. (12)
D'fhonn prionsabal na bainistíochta fónta
airgeadais a chomhlíonadh, níor cheart ranníocaíochtaí an CECD a chur in ionad
beart tacaíochta atá ar fáil i gCistí Struchtúracha an Aontais nó i mbeartais
nó i gcláir eile an Aontais d’oibrithe arna ndéanamh iomarcach. (13)
Ba cheart forálacha speisialta a dhéanamh maidir le
gníomhaíochtaí faisnéise agus cumarsáide a bhaineann leis na cásanna a
chumhdaíonn an CECD agus le torthaí a ghnóthaítear. Ina theannta sin, d'fhonn
cumarsáid níos éifeachtaí a dhéanamh leis an bpobal i gcoitinne agus neartú ar
na sineirgí idir na gníomhaíochtaí cumarsáide a dhéantar ar thionscnamh an
Choimisiúin, ba cheart do na hacmhainní a leithdháiltear ar ghníomhaíochtaí
cumarsáide faoin Rialachán seo rannchuidiú le cumarsáid institiúideach
tosaíochtaí polaitiúla an Aontais, ar chuntar go mbaineann siad le cuspóirí
ginearálta an Rialacháin seo. (14)
D’fhonn a áirithiú nach gcuirfidh easpa acmhainní
cómhaoinithe na mBallstát isteach ar an Aontas dlúthpháirtíocht a léiriú
d'oibrithe, ba cheart an ráta cómhaoinithe a mhodhnú sa chaoi is go mbeidh
ranníocaíocht 50 % ag dul do chostas an phacáiste agus dá chur chun
feidhme sa ghnáthchás, agus an fhéidearthacht an ráta sin a ardú go dtí 65 %
i gcás iarratas arna gcur isteach ag na Ballstáit sin i gcríoch ina bhfuil
réigiún amháin ar a laghad ar leibhéal NUTS II incháilithe faoi chuspóir 'Cóineasaithe'
na gCistí Struchtúracha. (15)
Chun cur chun feidhme an Rialacháin seo a éascú, ba
cheart go mbeadh caiteachas incháilithe ón dáta ar a dtabhaíonn Ballstát
caiteachas riaracháin maidir le cur chun feidhme an CECD nó ón dáta ar a
dtosaíonn Ballstát ag soláthar seirbhísí pearsantaithe, nó, i gcás feirmeoirí,
ón dáta atá leagtha síos sa i ngníomh de chuid an Choimisiúin i gcomhréir le
hAirteagal 4(3). (16)
D'fhonn na riachtanais a thiocfaidh chun cinn i
míonna deiridh gach bliana a chumhdach, is gá a áirithiú go mbeidh ar a laghad
an ceathrú cuid d'íosmhéid bliantúil an CECD fós ar fáil an 1 Meán Fómhair. Ba
cheart ranníocaíochtaí arna ndéanamh sa chuid eile den bhliain a leithdháileadh
agus aird á tabhairt ar an uasteorainn fhoriomlán atá leagtha síos do
thacaíocht d'fheirmeoirí sa chreat airgeadais ilbhliantúil. (17)
Is é an Comhaontú Idirinstitiúideach idir
Parlaimint na hEorpa, an Chomhairle agus an Coimisiún an […………..] maidir le
comhar i gcúrsaí buiséid agus maidir le bainistíocht fhónta airgeadais[22]
(an Comhaontú Idirinstitiúideach’) a chineann creat buiséadach an CECD. (18)
Ar mhaithe le hoibrithe arna ndéanamh iomarcach, ba
cheart go ndéanfadh na Ballstáit agus institiúidí an Aontais atá páirteach i
bpróiseas cinnteoireachta an CECD a ndícheall amanna próiseála a laghdú agus
nósanna imeachta a shimpliú. (19)
Ionas go bhféadfaidh an Coimisiún faireachán
leanúnach a dhéanamh ar na torthaí a bhaintear amach le cúnamh an CECD, ba
cheart go gcuirfeadh Ballstáit tuarascálacha eatramhacha agus tuarascálacha
deiridh isteach maidir le cur chun feidhme an CECD. (20)
Ba cheart go leanfadh na Ballstáit de bheith freagrach
as cur chun feidhme na ranníocaíochta agus as bainistíocht agus rialú na
ngníomhaíochtaí a dtugtar tacaíocht dóibh le maoiniú ón Aontas, i gcomhréir
leis an Rialachán (CE, Euratom) Uimh. 1605/2002 an 25 Meitheamh 2002 ón
gComhairle i leith an Rialacháin Airgeadais is infheidhme maidir le buiséad
ginearálta na gComhphobal Eorpach (an Rialachán Airgeadais)[23].
Ba cheart go dtabharfadh na Ballstáit údar le húsáid na ranníocaíochta a fhaightear
ón CECD. (21)
Ó tharla nach féidir leis na Ballstáit cuspóirí an
Rialacháin seo a bhaint amach go leordhóthanach agus gur fearr is féidir dá
bhrí sin, de bharr a bhfairsinge agus a n‑éifeachtaí, iad a bhaint amach
ar leibhéal an Aontais, féadfaidh an tAontas bearta a ghlacadh, i gcomhréir le
prionsabal na coimhdeachta mar atá leagtha amach in Airteagal 5 den
Chonradh ar an Aontas Eorpach. I gcomhréir le
prionsabal na comhréireachta, mar atá leagtha amach san Airteagal sin, ní
théann an Rialachán seo thar a bhfuil riachtanach chun na cuspóirí sin a bhaint
amach, TAR ÉIS AN RIALACHÁN SEO A GHLACADH: Airteagal 1
Cuspóirí Bunaítear leis an Rialachán seo an Ciste
Eorpach um Choigeartú don Domhandú (an CECD) feadh thréimhse an Chreata
Airgeadais Ilbhliantúil ón 1 Eanáir 2014 go dtí an 31 Nollaig 2020. Is é is aidhm don CECD rannchuidiú le fás
eacnamaíoch agus le fostaíocht san Aontas tríd an Aontas a chumasú dlúthpháirtíocht
a léiriú d'oibrithe arna ndéanamh iomarcach i ngeall ar mhórathruithe struchtúracha
ar phatrúin na trádála domhanda de thoradh an domhandaithe, i ngeall ar
chomhaontuithe trádála a dhéanann difear do thalmhaíocht, nó i ngeall ar
ghéarchéim gan choinne, agus chun tacaíocht airgeadais a chur ar fáil d'athimeascadh
tapa na n-oibrithe sin san fhórsa saothair, nó chun a gcuid gníomhaíochtaí
talmhaíochta a athrú nó a choigeartú. Gníomhaíochtaí a bhainfidh tairbhe as
ranníocaíochtaí ón gCiste de bhun Airteagal 2(a) agus (b), féachfaidh
siad lena áirithiú go bhfaighidh ar a laghad 50 % d’oibrithe a bheidh
rannpháirteach sna gníomhaíochtaí sin fostaíocht sheasta taobh istigh de
bhliain ón dáta cur i bhfeidhm. Airteagal 2
Raon feidhme Beidh feidhm ag an Rialachán seo maidir le hiarratais
a dhéanfaidh na Ballstáit ar ranníocaíochtaí a chuirfear ar fáil dóibh seo a
leanas: (a)
oibrithe arna ndéanamh iomarcach mar thoradh ar
mhórathruithe struchtúracha i bpatrúin na trádála domhanda de thoradh domhandú,
arna léiriú, go háirithe le méadú substaintiúil ar allmhairí chuig an Aontas,
meath tapa a theacht ar an sciar den margadh atá ag an Aontas in earnáil ar
leith nó athshuí gníomhaíochtaí chuig tíortha nach ballstáit iad, i gcás ina
bhfuil drochthionchar suntasach ag na hiomarcaíochtaí sin ar an ngeilleagar
áitiúil, réigiúnach nó náisiúnta; (b)
oibrithe arna ndéanamh iomarcach mar thoradh ar mhórshuaitheadh
sa gheilleagair áitiúil, réigiúnaigh nó náisiúnta a tharla de dhroim géarchéime
gan choinne, ar choinníoll go bhfuil nasc díreach inléirithe idir na
hiomarcaíochtaí agus an ghéarchéim sin; (c)
oibrithe a athraíonn nó a dhéanann coigeartú ar na
gníomhaíochtaí talmhaíochta a bhí ar bun acu roimhe i rith tréimhse a thosaigh
tar éis don Aontas inisileacha a chur leis an gcomhaontú trádála ina raibh
bearta léirscaoilte trádála don earnáil talmhaíochta iomchuí agus a chríochnaigh
trí bliana tar éis chur chun feidhme iomlán na mbeart sin, ar choinníoll go
mbeidh mar thoradh ar na bearta trádála sin méadú suntasach in allmhairí an
Aontais de tháirge nó de tháirgí talmhaíochta agus go mbeidh ag gabháil leis
sin laghdú suntasach ar phraghsanna táirgí den sórt sin ar leibhéal an Aontais
nó, nuair is iomchuí, ar an leibhéal náisiúnta nó réigiúnach. Airteagal 3
Sainiú Chun críocha an Rialacháin seo, beidh feidhm
ag na sainmhínithe seo a leanas maidir le hoibrí: (a)
ciallaíonn ‘oibrí’ oibrithe a bhfuil conarthaí
fostaíochta ar feadh tréimhse éiginnte acu, a bhfuil a gconradh fostaíochta nó
a gcaidreamh fostaíochta i gcomhréir le hAirteagal 4; nó (b)
ciallaíonn ‘oibrí’ oibrithe téarma sheasta mar a
shainítear i dTreoir 1999/70/CE ón gComhairle[24], a bhfuil a
gconradh nó a gcaidreamh fostaíochta i gcomhréir le hAirteagal 4(1)(a) nó
(b), agus ar conradh nó caidreamh é a gcuirtear deireadh leis agus nach
ndéantar a athnuachan laistigh den tréimhse atá leagtha amach sa phointe sin
d’Airteagal 4; nó (c)
ciallaíonn ‘oibrí’ oibrithe
gníomhaireachtaí sealadacha mar a shainítear in Airteagal 3 de Threoir 2008/104/CE
ó Pharlaimint na hEorpa agus ón gComhairle[25], ar fiontar é a ngnóthas úsáideora i gcomhréir le hAirteagal 4(1)(a)
nó (b), agus a gcuirtear deireadh lena thréimhse leis an úsáideoir agus nach
ndéantar athnuachan air laistigh den tréimhse atá leagtha amach sa phointe sin
d’Airteagal 4; nó (d)
ciallaíonn ‘oibrí’ bainisteoirí
úinéirí micreafhiontar agus fiontar beag agus meánmhéide agus oibrithe
féinfhostaithe (lena n‑áirítear feirmeoirí) agus gach ball de theaghlach
atá gníomhach sa ghnó, ar an gcoinníoll, más feirmeoirí iad, go raibh siad ag
táirgeadh cheana féin an aschuir a ndearna an comhaontú ábhartha trádála difear
dó sular cuireadh chun feidhme na bearta a bhaineann leis an earnáil shonrach. Airteagal 4
Critéir idirghabhála 1.
Cuirfear ranníocaíocht ar fáil ón CECD i gcás in
arb ann d'aon cheann de na coinníollacha atá leagtha amach i bpointí (a), (b)
agus (c) d’Airteagal 2 agus nuair a atá na nithe seo a leanas mar thoradh
orthu: (a)
ar a laghad 500 oibrí á ndéanamh iomarcach thar
thréimhse ceithre mhí i bhfiontar i mBallstát, lena n‑áirítear oibrithe á
ndéanamh iomarcach i gceann dá soláthraithe nó i gceann dá tháirgeoirí
iartheachtacha; (b)
ar a laghad 500 oibrí á ndéanamh iomarcach thar
thréimhse naoi mí, go háirithe i bhfiontair bheaga nó mheánmhéide, ag feidhmiú
in earnáil eacnamaíoch amháin arna sainiú i leibhéal rannáin NACE
Athbhreithnithe 2 agus iad suite i réigiún amháin nó in dhá réigiún
theorantacha ar leibhéal NUTS II, nó i níos mó ná dhá réigiún theorantacha ar
leibhéal NUTS II ar an gcoinníoll gur fágadh níos mó ná 500 oibrí iomarcach in
dhá cheann de na réigiúin le chéile. 2.
I gcás margaí saothair beaga nó i ndálaí
eisceachtúla, agus nuair a thugann an Ballstát iarrthach bunús cuí leis,
féadfar a mheas go bhfuil iarratas ar ranníocaíocht faoin
Airteagal inghlactha fiú mura féidir na critéir atá leagtha síos i bpointe
(a) nó i bpointe (b) de mhír 1 a chomhlíonadh ina n‑iomláine, nuair a
bhíonn mórthionchar ag iomarcaíochtaí ar fhostaíocht agus ar an ngeilleagar
áitiúil. Sonróidh an Ballstát cé na critéir
idirghabhála atá leagtha amach i bpointe (a) agus i bpointe (b) de mhír 1 nár
comhlíonadh ina n‑iomláine. 3.
I dtaca le feirmeoirí, nuair a mheasann an Coimisiún,
tar éis dó inisileacha a chur le comhaontú trádála agus ar bhonn na faisnéise,
na sonraí agus na n‑anailísí atá ar fáil dó, gur dóigh go gcomhlíonfar na
coinníollacha maidir le tacaíocht i gcomhréir le hAirteagal 2(c) i gcás
líon suntasach feirmeoirí, glacfaidh sé gníomhartha tarmligthe i gcomhréir le
hAirteagal 24 lena saineofar na hearnálacha nó na táirgí incháilithe, lena
saineofar, nuair is iomchuí, na limistéir thíreolaíocha atá buailte, lena
leagfar síos uasmhéid le haghaidh tacaíochta féideartha ar leibhéal an Aontais,
lena leagfar síos tréimhsí tagartha agus coinníollacha incháilitheachta
d’fheirmeoirí agus dátaí incháilitheachta maidir le caiteachas agus lena
mbunófar spriocdháta faoina gcaithfear iarratais a chur isteach, agus más gá, lena
mbunófar ábhar na n‑iarratas sin i gcomhréir le hAirteagal 8(2). 4.
Nuair a athraíonn bainisteoirí úinéirí
micreafhiontar agus fiontar beag agus meánmhéide agus oibrithe féinfhostaithe
na gníomhaíochtaí a bhí ar bun acu roimhe, nó i gcás feirmeoirí, nuair a choigeartaíonn
siad a ngníomhaíochtaí, measfar gur iomaíochtaí cásanna den sórt sin chun
críocha an Rialacháin seo. Airteagal 5
Iomarcaíochtaí a ríomh Ar mhaithe le líon na n‑iomarcaíochtaí
dá bhforáiltear in Airteagal 4(1) a ríomh, comhairfear iomarcaíocht: (a)
i gcás oibrithe a bhfuil conarthaí fostaíochta
tréimhse éiginnte acu nó oibrithe a bhfuil conarthaí téarma sheasta acu a
thagann chun deiridh sula n‑éagann sé: (1)
ó dháta fhógra indibhidiúil an fhostóra go bhfuil
sé chun an oibrí a leagan as nó chun conradh fostaíochta an oibrí a
fhoirceannadh; nó (2)
ó dháta foirceanta de facto an chonartha
fostaíochta, más roimh dháta éaga an chonartha é sin; nó (3)
ón dáta ar a dtugann an fostóir, i gcomhréir le
hAirteagal 3(1) de Threoir 98/59/CE ón gComhairle[26],
fógra don údarás inniúil poiblí i scríbhinn maidir leis na hiomarcaíochtaí
comhchoiteanna réamh-mheasta; sa chás sin, cuirfidh an Ballstát iarrthach
faisnéis bhreise ar fáil don Choimisiún maidir le líon iarbhír na n‑iomarcaíochtaí
arna gcur i gcrích i gcomhréir le hAirteagal 4(1), sula gcuirfidh an
Coimisiún an measúnú i gcrích. (b)
i gcás oibrithe téarma sheasta agus oibrithe
gníomhaireachtaí sealadacha: (1)
ó dháta foirceanta de facto an chonartha
fostaíochta, nó (2)
ó dheireadh na tréimhse leis an ngnóthas
úsáideora, nó (3)
ón dáta ar a mbíonn siad dífhostaithe. (c)
I gcás bainisteoirí úinéirí micreafhiontar agus
fiontar beag agus meánmhéide agus oibrithe féinfhostaithe (lena n‑áirítear
feirmeoirí), comhairfear an iomarcaíocht ón dáta ar a scoirtear de na
gníomhaíochtaí de dhroim aon cheann de na coinníollacha atá leagtha amach in
Airteagal 2, agus cinnfear í i gcomhréir leis an dlí náisiúnta nó le
forálacha riaracháin, nó ón dáta atá sonraithe ag an gCoimisiún sa ghníomh
tarmligthe arna ghlacadh i gcomhréir le Airteagal 4(3). I gcás gach fiontair nó oibrí féinfhostaithe
arna chlúdach faoi iarratas, sonróidh an Ballstát san iarratas an tslí ina
bhfuil na hiomarcaíochtaí á gcomhaireamh. Airteagal 6
Oibrithe incháilithe Féadfaidh an Ballstát iarrthach seirbhísí
pearsantaithe, arna gcómhaoiniú ag an CECD, a chur ar fáil do na hoibrithe i
gceist, oibrithe amhail: (a)
gach oibrí a rinneadh iomarcach i gcomhréir le
hAirteagal 5, laistigh den tréimhse dá bhforáiltear in Airteagal 4(1),
(2) nó (3), (b)
oibrithe a rinneadh iomarcach roimh an tréimhse dá bhforáiltear
i Airteagal 4(1)(a) nó (2), nó tar éis na tréimhse sin, i gcásanna ina
maolaíonn iarratas arna dhéanamh faoi Airteagal 4(2) ó na critéir atá
leagtha amach in Airteagal 4(1)(a), (c)
feirmeoirí a athraíonn nó a dhéanann coigeartú ar na
gníomhaíochtaí talmhaíochta a raibh siad ag gabháil dóibh roimhe, tar éis don
Aontas inisileacha a chur le comhaontú trádála dá dtagraítear sa ghníomh
tarmligthe arna ghlacadh i gcomhréir le hAirteagal 4(3). Meastar na hoibrithe dá dtagraítear i bpointe
(b) a bheith incháilithe, ar an gcoinníoll go ndearnadh iomarcach iad tar éis
an fhógra ginearálta maidir leis na hiomarcaíochtaí réamh‑mheasta agus
gur féidir nasc cúisíoch soiléir a aithint leis an eachtra a spreag na
hiomarcaíochtaí le linn na tréimhse tagartha. Airteagal 7
Gníomhaíochtaí incháilithe 1.
D’fhéadfaí ranníocaíocht a dhéanamh le haghaidh
beart gníomhach um margadh an tsaothair atá ina gcuid de phacáiste comhordaithe
seirbhísí pearsantaithe, arna cheapadh d'fhonn athimeascadh tapa na hoibrithe
iomarcacha a bhfuiltear ag díriú orthu san fhórsa saothair nó i bhféinfhostaíocht
a éascú, nó i gcás feirmeoirí, na gníomhaíochtaí a raibh siad ag gabháil dóibh
roimhe a athrú nó a choigeartú. Féadfaidh na nithe
seo a leanas, go háirithe, a bheith sa phacáiste chomhordaithe seirbhísí
pearsantaithe sin: (a)
cúnamh um chuardach poist, treoir ghairme,
seirbhísí comhairleacha, meantóireacht, cúnamh um shocrúchán seachtrach, cur
chun cinn na fiontraíochta, cúnamh le féinfhostaíocht agus le bunú gnó nó
gníomhaíocht a athrú nó a choigeartú (lena n‑áirítear infheistíochtaí i
sócmhainní fisiceacha), gníomhaíochtaí comhair, oiliúint agus athoiliúint
saincheaptha, lena n‑áirítear scileanna i dteicneolaíocht na faisnéise
agus na cumarsáide agus deimhniú taithí arna fáil; (b)
bearta speisialta a bhfuil teorainn ama leo, amhail
liúntais um chuardach poist, dreasachtaí earcaíochta d’fhostóirí, liúntais
soghluaisteachta, liúntais chothabhála nó oiliúna (lena n‑áirítear
liúntais do chúramóirí nó seirbhísí faoisimh feirme), agus gach ceann acu sin
teoranta do thréimhse an chuardaigh poist ghníomhaigh arna thuairisciú, nó do
thréimhse na foghlama ar feadh an tsaoil nó do thréimhse na ngníomhaíochtaí
oiliúna, (c)
bearta chun oibrithe faoi mhíbhuntáiste nó níos
sine a spreagadh le fanacht i margadh an tsaothair nó le filleadh air. Ní féidir costais na mbeart faoi (b) a bheith os
cionn 50 % de chostais iomlána an phacáiste chomhordaithe de sheirbhísí
pearsantaithe atá liostaithe sa mhír seo. Ní fhéadfaidh an costas a
bhainfidh le hinfheistíochtaí i sócmhainní fisiceacha maidir le féinfhostaíocht
agus bunú gnó nó le hathrú nó coigeartú a dhéanamh ar ghníomhaíocht a bheith os
cionn EUR 35 000. 2.
Ní bheidh na bearta seo a leanas incháilithe i
gcomhair ranníocaíochta ón CECD: (a)
bearta speisialta a bhfuil teorainn ama leo arna
liostú i mír 1 (b) agus nach bhfuil coinníollach ar na hoibrithe ar a
bhfuiltear ag díriú bheith páirteach go gníomhach i gcuardach poist agus i
ngníomhaíochtaí oiliúna; (b)
gníomhaíochtaí atá de chúram ar fhiontair de bhua
an dlí náisiúnta nó de bhua comhaontuithe comhchoiteanna. 3.
Ar thionscnamh an Bhallstáit iarrthaigh, féadfar
ranníocaíocht a dhéanamh as na gníomhaíochtaí ullmhúcháin, bainistíochta,
faisnéise agus poiblíochta, rialaithe agus tuairiscithe. Airteagal 8
Iarratais 1.
Cuirfidh an Ballstát isteach iarratas iomlán chuig
an gCoimisiún laistigh de thréimhse dhá sheachtain déag sheachtain ón dáta a
gcomhlíontar na critéir atá leagtha amach in Airteagal 4(1) nó (2) nó, más
infheidhme, roimh an spriocdháta atá leagtha síos ag an gCoimisiún i gcomhréir
le hAirteagal 4(3). I ndálaí eisceachtúla a bhfuil údar cuí tugtha leo féadfaidh
an Ballstát iarrthach faisnéis bhreise a chur leis an iarratas laistigh de shé
mhí ó dháta an iarratais, agus ina dhiaidh sin déanfaidh an Coimisiún measúnú
ar an iarratas ar bhonn na faisnéise atá ar fáil. Cuirfidh an Coimisiún a
mheasúnú ar an iarratas i gcrích laistigh de dhá sheachtain déag ón dáta a
fhaightear iarratas comhlánaithe nó (i gcás iarratais nach bhfuil comhlánaithe)
sé mhí tar éis dáta an iarratais tosaigh, cibé acu is luaithe. 2.
Beidh an fhaisnéis seo a leanas san iarratas: (a)
anailís réasúnaithe ar an nasc idir na
hiomarcaíochtaí agus na mórathruithe struchtúracha i bpatrúin na trádála
domhanda, nó ar an mórshuaitheadh ar an ngeilleagair áitiúil, réigiúnaigh nó náisiúnta
a tharla de dhroim géarchéime gan choinne, nó an staid nua margaidh in earnáil
na talmhaíochta sa Bhallstát a d'eascair ó éifeachtaí comhaontaithe trádála ar
chuir an tAontas Eorpach inisileacha leo i gcomhréir le hAirteagal XXIV
den GATT nó comhaontaithe iltaobhacha ar cuireadh inisileacha leo laistigh den
Eagraíocht Dhomhanda Trádála de réir Airteagal 2(c). Beidh an anailís sin bunaithe ar fhaisnéis staitistiúil
agus ar fhaisnéis eile ar an leibhéal is iomchuí lena léiriú gur comhlíonadh na
critéir idirghabhála atá leagtha amach in Airteagal 4; (b)
measúnú ar líon na n‑iomarcaíochtaí i
gcomhréir le hAirteagal 5, agus míniú ar na teagmhais as ar tháinig na
hiomarcaíochtaí sin; (c)
sainaithint, nuair is iomchuí, na bhfiontar a rinne
an dífhostú, na soláthraithe nó na dtáirgeoirí iartheachtacha, na n‑earnálacha
agus na gcatagóirí oibrithe a ndírítear orthu; (d)
an tionchar a mheastar a bheidh
ag na hiomarcaíochtaí i dtaca leis an ngeilleagar áitiúil, réigiúnach nó
náisiúnta agus i dtaca le fostaíocht; (e)
buiséad measta gach ceann de
chomhpháirteanna an phacáiste comhordaithe de sheirbhísí pearsantaithe a bheidh
ina dtaca ag na hoibrithe a ndírítear orthu; (f)
na dátaí ar ar cuireadh tús
leis na seirbhísí pearsantaithe do na hoibrithe atá buailte agus leis na
gníomhaíochtaí chun an CECD a chur chun feidhme, mar atá leagtha amach in
Airteagal 7(1) agus (3) faoi seach, nó na dátaí ar a bhfuil sé i gceist
tús a chur leo; (g)
na nósanna imeachta a leanadh
chun comhairliúchán a dhéanamh leis na comhpháirtithe sóisialta nó le heagraíochtaí
ábhartha eile de réir mar is infheidhme; (h)
ráiteas comhlíontachta maidir
leis an tacaíocht arna hiarraidh ón CECD, i leith rialacha nós imeachta agus
ábhair an Aontais maidir le státchabhair chomh maith le ráiteas nach dtagann na
seirbhísí pearsantaithe in ionad beart atá mar chúram ar na cuideachtaí de bhua
an dlí náisiúnta nó de bhua comhaontuithe comhchoiteanna; (i)
foinsí cómhaoinithe náisiúnta; (j)
más infheidhme, aon cheanglais
bhreise a d’fhéadfadh a bheith leagtha amach sa ghníomh tarmligthe arna ghlacadh
i gcomhréir le hAirteagal 4(3). 3.
Ar bhonn na faisnéise a ndéantar foráil maidir léi
i mír 2 agus aon fhaisnéis bhreise a chuireann an Ballstát iarrthach isteach sa
tréimhse a ndéantar foráil maidir léi i mír 1, déanfaidh an Coimisiún measúnú,
i gcomhairliúchán leis an mBallstát lena mbaineann, ar cé acu atá na coinníollacha
maidir le ranníocaíocht a dhéanamh comhlíonta nó nach bhfuil. Airteagal 9
Comhlántacht, comhlíonadh agus comhordú 1.
Comhlánóidh tacaíocht d’oibrithe iomarcacha
gníomhaíochtaí na mBallstát, ar leibhéil náisiúnta, réigiúnacha agus áitiúla. 2.
Beidh an ranníocaíocht teoranta don mhéid is gá le
dlúthpháirtíocht agus tacaíocht a chur ar fáil d’oibrithe iomarcacha aonair. Comhlíonfaidh na gníomhaíochtaí arna dtacú ag an CECD dlí an Aontais
agus an dlí náisiúnta, lena n‑áirítear na rialacha maidir le
státchabhair. 3.
I gcomhréir lena bhfreagrachtaí féin, áiritheoidh
an Coimisiún agus an Ballstát iarrthach comhordú an chúnaimh ó chistí an
Aontais. 4.
Maidir leis na gníomhaíochtaí sonracha atá ag fáil
ranníocaíochta, áiritheoidh an Ballstát iarrthach nach bhfaighidh siad cúnamh ó
ionstraimí airgeadais eile an Aontais freisin. Airteagal 10
Comhionannas idir fir agus mná agus neamh-idirdhealú Áiritheoidh an Coimisiún agus na Ballstáit go
gcuirfear chun cinn comhionannas idir fir agus mná agus comhtháthú ghné na
hinscne le linn na gcéimeanna éagsúla i gcur chun feidhme na ranníocaíochta.
Glacfaidh an Coimisiún agus an Ballstát céimeanna iomchuí chun aon idirdhealú
atá bunaithe ar inscne, ar chine nó ar bhunadh eitneach, ar reiligiún nó ar
chreideamh, ar mhíchumas, ar aois nó ar chlaonadh gnéasach a chosc le linn an
chonartha fostaíochta nó an chaidrimh fostaíochta maidir le rochtain ar an
ranníocaíocht agus le linn na gcéimeanna éagsúla de chur chun feidhme na ranníocaíochta. Airteagal 11
Cúnamh teicniúil ar thionscnamh ón gCoimisiún 1.
Ar thionscnamh ón gCoimisiún, faoi réir uasteorainn
0,5 % d’uasmhéid bliantúil an CECD, féadfar an CECD a úsáid i dtaca le
maoiniú a dhéanamh ar ullmhú, ar fhaireachán, ar bhailiú sonraí agus ar bhunú
bhonn eolais a bhaineann le cur chun feidhme an CECD. Féadfar
é a úsáid freisin chun maoiniú a dhéanamh ar chúnamh teicniúil agus riaracháin,
ar ghníomhaíochtaí faisnéise agus cumarsáide, mar aon le gníomhaíochtaí
iniúchta, rialaithe agus measúnaithe is gá chun an Rialachán seo a chur chun
feidhme. 2.
Faoi réir na huasteorann a leagtar amach in mír 1,
cuirfidh an t-údarás buiséadach méid ar fáil le haghaidh cúnaimh theicniúil ag
tús gach bliana ar bhonn togra ón gCoimisiún. 3.
Comhlíonfar na cúraimí a
leagtar amach i mír 1 i gcomhréir leis an Rialachán Airgeadais, mar aon leis na
rialacha cur chun feidhme is infheidhme chun an buiséad a chur i gcrích sa
chaoi sin. 4.
Áireofar ar chúnamh teicniúil
an Choimisiúin faisnéis agus treoir a chur ar fáil do na Ballstáit maidir le
húsáid an CECD, agus maidir le faireachán agus le meastóireacht a dhéanamh air.
Féadfaidh an Coimisiún faisnéis a chur ar fáil freisin do na comhpháirtithe
sóisialta náisiúnta agus Eorpacha maidir leis an CECD a úsáid. Airteagal 12
Faisnéis, cumarsáid agus poiblíocht 1.
Cuirfidh an Ballstát iarrthach faisnéis ar fáil
maidir le gníomhaíochtaí cistithe agus foilseoidh sé iad. Cuirfear an fhaisnéis
in iúl do na hoibrithe ar a ndíreofar, do na húdaráis áitiúla agus réigiúnacha,
do chomhpháirtithe sóisialta, do na meáin agus don phobal i gcoitinne. Cuirfear
béim ar ról an Aontais inti agus áiritheofar gur féidir an ranníocaíocht ón
CECD a fheiceáil. 2.
Bunóidh an Coimisiún suíomh idirlín, a bheidh ar
fáil i ngach teanga de chuid an Aontais, chun faisnéis a chur ar fáil maidir
leis an CECD, mar aon le treoir maidir le hiarratais a chur isteach, agus
faisnéis maidir le hiarratais ar glacadh leo agus a diúltaíodh, agus cuirfear
béim ar ról an údaráis bhuiséadaigh ann. 3.
Cuirfidh an Coimisiún gníomhaíochtaí faisnéise agus
cumarsáide chun feidhme maidir le cásanna agus torthaí an CECD. 4.
Na hacmhainní a leithdháilfear ar ghníomhaíochtaí
cumarsáide faoin Rialachán seo, rannchuideoidh
siad le cumarsáid institiúideach thosaíochtaí polaitiúla an Aontais freisin, ar
chuntar go mbaineann siad le cuspóirí ginearálta an Rialacháin seo. Airteagal 13
Ranníocaíocht a chinneadh 1. Ar bhonn an mheasúnaithe arna
chur i gcrích i gcomhréir le hAirteagal 8(3), ag cur san áireamh go
háirithe an líon oibrithe a ndírítear orthu, na gníomhaíochtaí beartaithe agus
na costais mheasta, déanfaidh an Coimisiún meastóireacht agus moladh a luaithe
is féidir ar mhéid na ranníocaíochta, más ann di, a fhéadfar a íoc laistigh de
theorainneacha na n‑acmhainní atá ar fáil. Ní
rachaidh an méid thar 50 % d’iomlán na gcostas measta dá dtagraítear in
Airteagal 8(2)(e) nó 65 % de na costais sin i gcás iarratas arna gcur
isteach ag Ballstát i gcríoch ina bhfuil réigiún amháin ar a laghad ar leibhéal
NUTS II incháilithe faoi chuspóir 'Cóineasaithe' na gCistí Struchtúracha.
Cinnfidh an Coimisiún, ina mheasúnú ar chásanna den sórt sin, cé acu a bhfuil
call leis an ráta cómhaoinithe 65 % nó nach bhfuil. 2. I gcás ina gcinneann an
Coimisiún, ar bhonn measúnaithe arna dhéanamh i gcomhréir le hAirteagal 8(3),
gur comhlíonadh na coinníollacha maidir le ranníocaíocht faoin Rialachán seo, cuirfidh
sé tús láithreach an nós imeachta atá leagtha amach in Airteagal 15. 3. I gcás ina gcinneann an
Coimisiún, ar bhonn measúnaithe arna dhéanamh i gcomhréir le hAirteagal 8(3),
nár comhlíonadh na coinníollacha maidir le ranníocaíocht, cuirfidh sé sin in
iúl don Bhallstát iarrthach a luaithe is féidir. Airteagal 14
Incháilitheacht caiteachais Beidh caiteachas incháilithe do ranníocaíocht
ó na dátaí atá leagtha amach in Airteagal 8(2)(h) ar a dtosaíonn an
Ballstát ag soláthar na seirbhísí pearsantaithe do na hoibrithe a ndírítear
orthu nó an caiteachas riaracháin chun an CECD a chur chun feidhme i gcomhréir
le hAirteagal 7(1) agus (3) faoi seach. I
gcás feirmeoirí, beidh caiteachas incháilithe do ranníocaíocht ón dáta atá
socraithe sa ghníomh tarmligthe arna ghlacadh i gcomhréir le hAirteagal 4(3). Airteagal 15
Nós imeachta buiséid 1. Cloífear sna socruithe don
CECD le pointe 13 den Chomhaontú Idirinstitiúideach. 2. Iontrálfar mar fhoráil na
leithreasaí a bhaineann leis an CECD i mbuiséad ginearálta an Aontais Eorpaigh. 3. I gcás ina gcinneann an
Coimisiún go gcomhlíontar na coinníollacha maidir leis an CECD a chur i
bhfeidhm, cuirfidh sé togra isteach chun é a chur in úsáid. Glacfaidh an dá shraith den údarás buiséadach an Cinneadh
chun an CECD a chur in úsáid. Feidhmeoidh an Chomhairle mar thromlach cáilithe
agus feidhmeoidh Parlaimint na hEorpa trí thromlach de na comhaltaí a
chomhdhéanann í agus trí chúigiú de na vótaí arna gcaitheamh. A chomhuain is a chuireann sé an togra i láthair
le haghaidh Cinnidh chun an CECD a chur in úsáid, déanfaidh an Coimisiún togra a
chur i láthair dhá bhrainse an údaráis bhuiséadaigh maidir le haistriú chuig na
línte iomchuí buiséadacha. I gcás easaontais,
cuirfear tús le nós imeachta tríbhealach. Déanfar aistrithe a bhaineann
leis an CECD i gcomhréir leis an Rialachán Airgeadais. 4. I gcomhpháirteach leis an
togra le haghaidh Cinnidh chun an CECD a chur in úsáid, glacfaidh an Coimisiún
Cinneadh maidir le ranníocaíocht airgeadais, trí bhíthin gnímh cur chun
feidhme, a thiocfaidh i bhfeidhm ar an dáta a nglacfaidh an t-údarás buiséadach
leis an gCinneadh chun an CECD a chur in úsáid. 5. Áireofar na nithe seo a
leanas in aon togra de bhun mhír 3: (k)
an measúnú a rinneadh i gcomhréir le
hAirteagal 8(3), mar aon le hachoimre ar an bhfaisnéis ar a bhfuil an
measúnú sin bunaithe; (l)
fianaise gur comhlíonadh na critéir atá leagtha
síos in Airteagal 4 agus in Airteagal 9; agus (m)
na cúiseanna lena dtugtar údar maith leis na
méideanna beartaithe. 6. An 1 Meán Fómhair gach
bliain, beidh ar a laghad an ceathrú cuid d’uasmhéid bhliantúil an CECD fós ar
fáil d'fhonn na riachtanais a thiocfaidh chun cinn i míonna deiridh a chumhdach. Airteagal 16
Íocaíocht agus úsáid na ranníocaíochta 1.
Tar éis teacht i bhfeidhm Cinnidh maidir le
ranníocaíocht i gcomhréir le hAirteagal 15(4) íocfaidh an Coimisiún an
ranníocaíocht leis an mBallstát i bhfoirm réamh-mhaoinithe de 50 % ar a
laghad de ranníocaíocht an Aontais don Bhallstát, agus déanfar sin i
bprionsabal laistigh de 15 lá, agus íocfar é ina dhiaidh sin más gá i bhfoirm
íocaíochtaí idirmheánaí agus deiridh. Déanfar an
réamh-mhaoiniú a imréiteach nuair a dhéanfar an ranníocaíocht a fhoirceannadh i
gcomhréir le hAirteagal 18(3). 2.
Déanfar an ranníocaíocht a chur chun feidhme
laistigh de chreat na comhbhainistíochta idir na Ballstáit agus an Coimisiún, i
gcomhréir leis an Rialachán Airgeadais. 3.
Cinnfidh an Coimisiún téarmaí mionsonraithe maoinithe,
go háirithe an ráta réamh‑mhaoinithe agus na módúlachtaí a bhaineann le
híocaíochtaí idirmheánacha agus deiridh sa Chinneadh maidir le ranníocaíocht dá
dtagraítear in Airteagal 15(4). Déanfar íocaíochtaí idirmheánacha d’fhonn an
caiteachas arna thabhú ag na Ballstáit agus iad ag cur na ngníomhaíochtaí
incháilithe i gcrích a aisíoc, faoi réir dearbhú caiteachais a chur faoi bhráid
an Choimisiúin arna shíniú ag ionadaí comhlacht poiblí creidiúnaithe de bhun
Airteagal 21. 4.
Déanfaidh an Ballstát na gníomhaíochtaí incháilithe
atá leagtha amach in Airteagal 6 a luaithe agus is féidir, ach tráth nach
déanaí ná 24 mí tar éis dháta an iarratais, de bhun Airteagal 8(1). 5.
Féadfaidh an Ballstát a mholadh
don Choimisiún nuair atá na gníomhaíochtaí atá sa phacáiste seirbhísí
pearsantaithe á ndéanamh aige go n‑athrófaí na gníomhaíochtaí a áirítear
trí ghníomhaíochtaí incháilithe eile atá liostaithe in Airteagal 7(1)(a)
agus (c), ar an gcoinníoll go bhfuil údar cuí tugtha leis na leasuithe sin agus
nach dtéann an t‑iomlán thar an ranníocaíocht de bhun mhír 1. Déanfaidh
an Coimisiún measúnú ar na hathbhreithnithe arna mbeartú agus, má aontaíonn sé,
cuirfidh sé an Ballstát ar an eolas dá réir sin. 6.
Beidh caiteachas de bhun Airteagal 7(3)
incháilithe go dtí spriocdháta chur isteach na tuarascála. Airteagal 17
Úsáid an euro Is in euro a léireofar gach méid in iarratais,
i gcinntí maidir le ranníocaíochtaí, i dtuarascálacha agus i ngach doiciméid
eile, arna ndéanamh faoin Rialachán seo. Airteagal 18
Tuarascáil eatramhach agus tuarascáil deiridh agus dúnadh 1.
Tráth nach déanaí ná 15 mhí tar éis dháta an
iarratais de bhun Airteagal 8(1) nó faoin dáta atá leagtha síos sa ghníomh
tarmligthe arna ghlacadh i gcomhréir le hAirteagal 4(3) déanfaidh an
Ballstát tuarascáil eatramhach a chur faoi bhráid an Choimisiúin maidir le cur
chun feidhme na ranníocaíochta, lena n‑áirítear maidir le cistiú, uainiú
agus cineál na ngníomhaíochtaí a rinneadh cheana féin agus maidir leis an ráta
athimeasctha san fhórsa saothair nó i ngníomhaíochtaí nua a baineadh amach 12
mhí tar éis dháta an iarratais. Ina theannta sin, beidh faisnéis maidir leo seo a
leanas sa tuarascáil eatramhach: (n)
tuairisc ar an bpacáiste comhordaithe seirbhísí
pearsantaithe agus ar an gcaiteachas gaolmhar, lena n‑áirítear mar a
chomhlánaíonn sé na gníomhaíochtaí arna maoiniú ag Cistí náisiúnta eile nó ag
cistí eile an Aontais mar aon le faisnéis maidir le gníomhaíochtaí atá
éigeantach d’fhiontair lena mbaineann de bhrí an dlí náisiúnta nó de bhun
comhaontuithe comhchoiteanna; (o)
tuairisc ar na gníomhaíochtaí arna nglacadh agus
arna bpleanáil ag na húdaráis náisiúnta, réigiúnacha nó áitiúla, ag Cistí an
Aontais, ag comhpháirtithe sóisialta agus ag fiontair, lena n‑áirítear
meastachán ar an gcaoi a rannchuidíonn siad le hathimeascadh oibrithe san
fhórsa saothair nó i ngníomhaíochtaí nua. 2.
Tráth nach déanaí ná sé mhí tar éis dhul in éag na
tréimhse atá sonraithe in Airteagal 16(4) déanfaidh an Ballstát tuarascáil
deiridh a chur faoi bhráid an Choimisiúin maidir le cur chun feidhme na
ranníocaíochta, lena n‑áirítear faisnéis maidir leis an gcineál
gníomhaíochtaí agus na príomhthorthaí, saintréithe na n‑oibrithe a
ndírítear orthu agus a stádas fostaíochta, mar aon le ráiteas lena dtugtar údar
maith le caiteachas agus lena léirítear, nuair is féidir, comhlántacht na
ngníomhaíochtaí leo sin atá cistithe ag Ciste Sóisialta na hEorpa. 3.
Tráth nach déanaí ná sé mhí tar
éis don Choimisiún an fhaisnéis ar fad is gá faoi mhír 2 a fháil, cuirfidh sé
deireadh leis an ranníocaíocht trí mhéid deiridh na ranníocaíochta a chinneadh
agus, más ann dó, an iarmhéid atá dlite ag an mBallstát i gcomhréir le
hAirteagal 22. Airteagal 19
Tuarascáil dhébhliantúil 1.
Faoin 1 Lúnasa gach dara bliain, agus den
chéad uair in 2015, déanfaidh an Coimisiún tuarascáil chainníochtúil agus
cháilíochtúil a chur faoi bhráid Pharlaimint na hEorpa agus na Comhairle maidir
leis na gníomhaíochtaí a rinneadh faoin Rialachán seo agus Rialachán 1927/2006
an dá bhliain roimhe sin. Díreofar go príomha sa
tuarascáil ar na torthaí a bhain an CECD amach agus go háirithe beidh faisnéis
inti maidir le hiarratais a cuireadh isteach, cinntí a glacadh, gníomhaíochtaí
a maoiníodh, lena n‑áirítear a gcomhlántacht le gníomhaíochtaí arna
maoiniú ó chistí eile an Aontais, go háirithe Ciste Sóisialta na hEorpa (CSE)
agus an Ciste Eorpach Talmhaíochta um Fhorbairt Tuaithe (an CETFT), agus
foirceannadh ranníocaíochtaí a rinneadh. Ba cheart go bhfeicfí ann chomh maith
na hiarratais sin a diúltaíodh nó a laghdaíodh de bharr easpa leithreasaí
leordhóthanacha nó de bharr neamh-incháilitheachta. 2.
Seolfar an tuarascáil ar mhaithe le faisnéis chuig
Coiste Eacnamaíoch agus Sóisialta na hEorpa, chuig Coiste na Réigiún agus chuig
na comhpháirtithe sóisialta. Airteagal 20
Meastóireacht 1.
Déanfaidh an Coimisiún, as a stuaim féin agus i
ndlúthchomhar leis na Ballstáit: (a)
faoin 30 Meitheamh 2018, meastóireacht meán‑téarma
ar éifeachtacht agus ar inbhuanaitheacht na dtorthaí a fuarthas; (b)
faoin 31 Nollaig 2022, meastóireacht
ex-post, le cabhair ó shaineolaithe seachtracha, chun tionchar an CECD agus a
bhreisluach a thomhas. 2.
Seolfar torthaí na meastóireachta, mar fhaisnéis,
chuig Parlaimint na hEorpa, chuig an gComhairle, chuig Coiste Eacnamaíoch agus
Sóisialta na hEorpa, chuig Coiste na Réigiún agus chuig na comhpháirtithe
sóisialta. Airteagal 21
Bainistíocht agus rialú airgeadais 1.
Gan dochar d’fhreagracht an Choimisiúin as buiséad
ginearálta an Aontais Eorpaigh a chur chun feidhme, glacfaidh Ballstáit
freagracht ar an gcéad dul síos as bainistiú gníomhaíochtaí arna dtacú ag an
CECD agus as rialú airgeadais na ngníomhaíochtaí. Chuige sin, áireofar leis na
bearta arna nglacadh acu: (a)
fíorú gur socraíodh bearta bainistíochta agus
rialaithe agus go bhfuil siad á gcur chun feidhme ar bhealach ina n‑áirithítear
go bhfuil cistí an Aontais á n‑úsáid go héifeachtúil agus i gceart, i
gcomhréir le prionsabail na bainistíochta fónta airgeadais; (b)
fíorú go ndearnadh na gníomhaíochtaí arna maoiniú i
gceart; (c)
áirithiú go bhfuil caiteachas arna mhaoiniú
bunaithe ar dhoiciméid tacaíochta infhíoraithe, agus go bhfuil siad ceart agus
rialta; (d)
neamhrialtachtaí a chosc, a bhrath agus a cheartú
mar a shainítear i [Rialachán (AE) Uimh. .../... ó Pharlaimint na
hЕorpa agus ón gComhairle an ... lena leagtar síos forálacha ginearálta
maidir le Ciste Forbraíochta Réigiúnaí na hEorpa, le Ciste Sóisialta na hEorpa
agus leis an gCiste Comhtháthaithe agus lena n‑aisghairtear Rialachán
(CE) Uimh. 1083/2006] maidir leis na Cistí
Struchtúracha agus méideanna a fháil ar ais a íocadh go míchuí, mar aon le hús
ar bith ar íocaíochtaí déanacha nuair is iomchuí. Tabharfaidh siad fógra don
Choimisiún faoi aon neamhrialtachtaí den sórt sin agus coimeádfaidh siad an
Coimisiún ar an eolas faoin dul chun cinn atá déanta maidir le himeachtaí
riaracháin agus dlíthiúla. 2.
Tabharfaidh na Ballstáit creidiúnú do chomhlachtaí
atá freagrach as bainistíocht agus rialú ceart na ngníomhaíochtaí arna dtacú ag
an CECD i gcomhréir le hAirteagal 56 den Rialachán Airgeadais agus leis na
critéir agus na nósanna imeachta atá leagtha síos sa Rialachán Ginearálta
maidir leis na Cistí Struchtúracha. Faoin 1 Feabhra na den bhliain airgeadais ina
dhiaidh sin, tabharfaidh na comhlachtaí creidiúnaithe sin don Choimisiún an
fhaisnéis atá leagtha síos in Airteagal 56(5) den Rialachán Airgeadais. 3.
Déanfaidh an Ballstát na ceartuithe airgeadais is
gá i gcás ina bhfaightear neamhrialtacht. Beidh páirtchealú nó lánchealú na ranníocaíochta
sna ceartuithe a dhéanfaidh an Ballstát. Gnóthóidh an
Ballstát aon suim a chailltear mar thoradh ar neamhrialtacht a bhraitear,
íocfaidh siad ar ais é chuig an gCoimisiún agus, mura n‑íoctar an tsuim
san am a cheadaíonn an Ballstát iomchuí san am a cheadaítear, beidh ús
mainneachtana dlite. 4.
Glacfaidh an Coimisiún, sa
mhéid atá freagracht air as cur chun feidhme bhuiséad ginearálta an Aontais
Eorpaigh, gach céim eile is gá lena fhíorú go ndéantar na gníomhaíochtaí arna
maoiniú go cuí agus de réir phrionsabail na bainistíochta fónta agus
éifeachtúla airgeadais. Tá sé d’fhreagracht ar an mBallstát iarrthach a
áirithiú go bhfuil córais bhainistíochta agus rialaithe a fheidhmítear i gceart
acu. Deimhneoidh an Coimisiún dó féin go bhfuil na córais sin ar bun. Chuige sin, gan dochar do chumhachtaí na Cúirte
Iniúchóirí ná do na seiceálacha a rinne an Ballstát i gcomhréir le dlíthe
náisiúnta, le rialacháin agus le forálacha riaracháin, féadfaidh oifigigh nó
státseirbhísigh de chuid an Choimisiún seiceálacha ar an láthair a dhéanamh,
lena n‑áirítear seiceálacha samplacha, ar ghníomhaíochtaí arna maoiniú ag
an CECD le fógra lá oibre amháin ar a laghad. Tabharfaidh an Coimisiún fógra
maidir leis an mBallstát iarrthach d'fhonn an cúnamh go léir is gá a bhaint
amach. Féadfaidh oifigigh nó státseirbhísigh an Bhallstáit lena mbaineann páirt
a ghlacadh i seiceálacha den sórt sin. 5.
Áiritheoidh an Ballstát go gcoinneofar na doiciméid
tacaíochta ar fad maidir le caiteachas arna thabhú agus go mbeidh siad ar fáil
don Choimisiún agus don Chúirt Iniúchóirí ar feadh tréimhse trí bliana tar éis fhoirceannadh
na ranníocaíochta arna fáil ón CECD. Airteagal 22
Ranníocaíocht a aisíoc 1.
I gcásanna ina mbíonn costas iarbhír na gníomhaíochta
níos lú ná an méid measta a luadh de bhun Airteagal 15, glacfaidh an
Coimisiún Cinneadh, trí bhíthin gnímh cur chun feidhme, ag ceangal ar an
mBallstát an tsuim chéanna den ranníocaíocht a fuarthas a aisíoc. 2.
I gcás ina dteipeann ar Bhallstát cloí leis na
hoibleagáidí a luaitear sa Chinneadh maidir le ranníocaíocht airgeadais,
glacfaidh an Coimisiún na céimeanna is gá trí Chinneadh a ghlacadh, trí bhíthin
gnímh cur chun feidhme, chun iallach a chur ar an mBallstát an ranníocaíocht a
fuarthas a aisíoc ina hiomláine nó i bpáirt. 3.
Roimh ghlacadh le cinneadh faoi
mhíreanna 1 nó 2, déanfaidh an Coimisiún scrúdú oiriúnach ar an gcás agus
ceadóidh sé, go háirithe, tréimhse shonraithe ama don Bhallstát chun a
bharúlacha a chur isteach. 4.
Má mheasann an Coimisiún, tar
éis dó na fíoruithe is gá a chríochnú, nach bhfuil Ballstát ag cloí lena
oibleagáidí faoi Airteagal 21 (1), déanfaidh sé cinneadh, mura bhfuil aon
chomhaontú ann agus nach ndearna an Ballstát ceartuithe sa tréimhse a leag an
Coimisiún amach, agus aon bharúlacha de chuid an Bhallstáit á gcur san áireamh,
laistigh de thrí mhí ó dheireadh na tréimhse dá dtagraítear i mír 3, chun na
ceartuithe airgeadais riachtanacha a dhéanamh trí ranníocaíocht an CECD don
ghníomhaíocht i dtrácht a chealú go hiomlán nó i bpáirt. Gheofar ar ais aon
suim a chailltear mar thoradh ar neamhrialtacht a bhraitear agus, mura n‑íocann
an Ballstát iarrthach an tsuim san am a cheadaítear, beidh ús mainneachtana
dlite. Airteagal 23
Bainistíocht airgeadais na
tacaíochta d’fheirmeoirí De mhaolú ar Airteagal 21 agus ar
Airteagal 22, déanfar bainistiú agus rialú ar thacaíocht d’fheirmeoirí i
gcomhréir le Rialachán (CE) Uimh...... maidir le maoiniú, bainistiú agus
faireachán an chomhbheartais talmhaíochta. Airteagal 24
An tarmligean a fheidhmiú 1.
Tugtar de chumhacht don Choimisiún gníomhartha
tarmligthe a ghlacadh faoi réir na gcoinníollacha atá leagtha síos san
Airteagal seo. 2.
Bronnfar tarmligean na cumhachta dá dtagraítear sa
Rialachán seo go ceann tréimhse éiginnte ó dháta theacht i bhfeidhm an
Rialacháin seo. 3.
Féadfaidh Parlaimint na hEorpa
nó an Chomhairle tarmligean na cumhacht dá dtagraítear in Airteagal 4 a
chúlghairm am ar bith. Déanfaidh cinneadh chun cúlghairm a dhéanamh
deireadh a chur le tarmligean na cumhachta atá sonraithe sa chinneadh sin.
Tiocfaidh sé i bhfeidhm an lá tar éis fhoilsiú an chinnidh in Iris Oifigiúil
an Aontais Eorpaigh nó ag dáta níos déanaí a shonrófar sa chinneadh. Ní dhéanfaidh sé difear do bhailíocht aon ghníomhartha
tarmligthe atá i bhfeidhm cheana féin. 4.
A luaithe a ghlacfaidh sé gníomh tarmligthe,
tabharfaidh an Coimisiún fógra ina leith sin do Pharlaimint na hEorpa agus don
Chomhairle ag an am céanna. 5.
Ní thiocfaidh gníomh tarmligthe a ghlacfar de bhun
Airteagal 4(3) i bhfeidhm ach amháin má dhéanann Parlaimint na hEorpa nó
an Chomhairle agóid ina choinne laistigh de thréimhse dhá mhí ón dáta a
dtabharfar fógra faoin ngníomh sin do Pharlaimint na hEorpa agus don Chomhairle
nó, más rud é, sula mbeidh an tréimhse sin caite, go mbeidh sé curtha in iúl don Choimisiún ag Parlaimint na hEorpa agus
ag an gComhairle araon nach ndéanfaidh siad agóid ina choinne. Cuirfear dhá mhí leis an tréimhse sin ar thionscnamh ó
Pharlaimint na hEorpa nó ón gComhairle. Airteagal 25
Aisghairm Aisghairtear leis seo Rialachán (CE) Uimh. 1927/2006,
le héifeacht ón 1 Eanáir 2014. Beidh feidhm i gcónaí aige i gcás iarratas a
chuirfear isteach suas go dtí 31 Nollaig 2013. Airteagal 26
Teacht i bhfeidhm Tiocfaidh an Rialachán seo i bhfeidhm an
fichiú lá tar éis lá a fhoilsithe in Iris Oifigiúil an Aontais Eorpaigh. Beidh feidhm aige ar gach
iarratas a chuirfear isteach idir 1 Eanáir 2014 agus 31 Nollaig 2020. Beidh an Rialachán seo ina
cheangal go huile agus go hiomlán agus beidh sé infheidhme go díreach i ngach
Ballstát. Arna dhéanamh sa Bhruiséil, Thar ceann Pharlaimint na hEorpa Thar
ceann na Comhairle An tUachtarán An
tUachtarán RÁITEAS AIRGEADAIS REACHTACH LE
hAGHAIDH TOGRAÍ 1. LEAGAN AMACH AN TOGRA/TIONSCNAIMH 1.1. Teideal an togra/an tionscnaimh 1.2. Réimse/réimsí
beartais lena mbaineann i gcreat ABM/ABB 1.3. An
cineál togra/tionscnaimh 1.4. Cuspóir(í)
1.5. Na
forais leis an togra/an tionscnamh 1.6. Fad
agus tionchar airgeadais 1.7. Modh(anna)
bainistíochta atá beartaithe 2. BEARTA BAINISTÍOCHTA 2.1. Rialacha
faireacháin agus tuairiscithe 2.2. Córas
bainistíochta agus rialaithe 2.3. Bearta
chun calaois agus neamhrialtachtaí a chosc 3. AN TIONCHAR AIRGEADAIS A MHEASTAR A
BHEIDH AG AN TOGRA/TIONSCNAMH 3.1. Ceannteideal/ceannteidil
an chreata airgeadais ilbhliantúil agus an líne/na línte buiséid lena mbaineann
3.2. An
tionchar a mheastar ar chaiteachas 3.2.1. Achoimre ar an
tionchar a mheastar ar chaiteachas 3.2.2. An tionchar a
mheastar ar leithreasaí faoi chomhair oibríochtaí 3.2.3. An tionchar a
mheastar ar leithreasaí de chineál riaracháin 3.2.4. Comhoiriúnacht don
chreat airgeadais ilbhliantúil reatha 3.2.5. Rannpháirtíocht tríú
páirtí sa mhaoiniú 3.3. An tionchar a mheastar ar
ioncam RÁITEAS
AIRGEADAIS REACHTACH LE hAGHAIDH TOGRAÍ
1.
LEAGAN AMACH AN TOGRA/AN TIONSCNAIMH
1.1.
Teideal an togra/an tionscnaimh
Togra
le haghaidh Rialacháin ó Pharlaimint na hЕorpa agus ón gComhairle maidir
leis an gCiste Eorpach um Choigeartú don Domhandú 2014 - 2020
1.2.
Réimse/réimsí beartais lena mbaineann i gcreat
ABM/ABB[27]
Gníomhaíocht
ABB: An Ciste Eorpach um Choigeartú don Domhandú mar atá áirithe i bPlean
Bainistíochta 2010 Ard-Stiúrthóireacht na Fostaíochta, na nGnóthaí Sóisialta
agus na gComhdheiseanna
1.3.
An cineál togra/tionscnaimh
¨ Baineann an
togra/tionscnamh le gníomhaíocht nua ¨ Baineann an
togra/tionscnamh le gníomhaíocht nua tar éis
treoirthionscadail/réamhghníomhaíochta[28]
X
Baineann an togra/tionscnamh le le síneadh ar ghníomhaíocht atá ann cheana
¨ Baineann an
togra/tionscnamh le gníomhaíocht a atreoraíodh i
dtreo gníomhaíochta nua
1.4.
Cuspóirí
1.4.1.
Cuspóirí straitéiseacha ilbhliantúla an Choimisiúin
ar a bhfuil an togra/tionscnamh dírithe
Titeann
an togra faoin Teachtaireacht maidir le Buiséad don Eoraip 2020 ina bhfuil
an Creat Airgeadais Ilbhliantúil 2014-2020.
1.4.2.
Cuspóirí sonracha agus an ghníomhaíocht nó na
gníomhaíochtaí ABM/ABB lena mbaineann
Cuspóir sonrach Uimh. 1: Oibrithe arna
ndéanamh iomarcach mar thoradh ar athruithe struchtúracha i bpatrúin na trádála
domhanda agus ar ghéarchéimeanna gan choinne. Cuspóir sonrach Uimh. 2: Oibrithe téarma sheasta agus oibrithe
gníomhaireachta sealadacha a áireamh i raon feidhme an CECD. Cuspóir sonrach Uimh. 3: Bainisteoirí úinéirí micreafhiontar agus fiontar
beag agus meánmhéide agus oibrithe féinfhostaithe (lena n‑áirítear feirmeoirí)
a chur san áireamh. Gníomhaíocht(aí) ABM/ABB lena mbaineann: An Ciste Eorpach um Choigeartú don Domhandú
(CECD)
1.4.3.
An toradh agus an tionchar a bhfuil súil leis
Sonraigh an tionchar
ba cheart a bheadh ag an togra/tionscnamh ar na tairbhithe/grúpaí ar a bhfuil
sé dírithe. Cuirfidh
an togra seo ar chumas an Aontais Eorpaigh leanúint de thacaíocht a thabhairt
trí bhíthin an CECD de réir ráta cómhaoinithe 50 % i gcás bhearta
gníomhacha mhargadh an tsaothair le haghaidh oibrithe arna ndéanamh iomarcach
mar thoradh ar dhomhandú a bhaineann le trádáil agus ar ghéarchéim gan choinne.
Is féidir an ráta sin a mhéadú suas go dtí 65% i gcás Ballstát a bhfuil ar a
chríoch ar a laghad réigiún amháin ag leibhéal NUTS II atá incháilithe faoi
chuspóir 'Coinéasaithe' na gCistí Struchtúracha. Síntear
an daonra incháilithe chun oibrithe téarma sheasta, oibrithe gníomhaireachta
sealadacha agus bainisteoirí úinéirí micreafhiontar agus fiontar beag agus meánmhéide
agus oibrithe féinfhostaithe (lena n‑áirítear feirmeoirí) a chur san
áireamh.
1.4.4.
Táscairí a léiríonn toradh agus tionchar
Sonraigh na táscairí
maidir le faireachán ar chur chun feidhme an togra/an tionscnaimh. -
Líon na n‑iarratas ar thacaíocht ón CECD a fuarthas -
Líon na n‑oibrithe iomarcacha ar díríodh orthu chun cúnamh ón CECD a
fháil -
Líon na n‑oibrithe iomarcacha a imeascadh san fhórsa saothair arís i
ndiaidh beart lenar thacaigh an CECD
1.5.
Na forais leis an togra/an tionscnamh
1.5.1.
Na ceanglais is gá a shásamh sa ghearrthéarma nó
san fhadtéarma
Caithfear
athbhreithniú a dhéanamh ar Rialachán (CE) Uimh. 1927/2006 lena mbunaítear
an Ciste Eorpach um Choigeartú don Domhandú faoi dheireadh 2013. Cuirfidh an
t-athbhreithniú sin, a dhéanfar trí bhíthin an Rialacháin arna bheartú, ar
chumas an Chiste leanúint ar aghaidh le haghaidh thréimhse an Chreata
Airgeadais Ilbhliantúil 2014-2020, lena raon feidhme a mhéadú chun daonraí
incháilithe breise a chur ar áireamh, agus chun roinnt sonraí teicniúla a leasú
d’fhonn a fheidhmíocht a fheabhsú.
1.5.2.
Luach breise a bhaineann le rannpháirteachas an
Aontais
De
thoradh ar rannpháirteachas an Aontais tríd an CECD, is féidir acmhainní
náisiúnta a chomhlánú chun oibrithe arna ndéanamh iomarcach mar thoradh ar
dhomhandú na trádála nó ar an ngéarchéim gan choinne a ath-lánpháirtiú.
Léiríonn an taithí a fuarthas go dtí seo maidir leis an CECD gur féidir, de
bharr rannpháirteachas an Aontais, níos mó tacaíochta saincheaptha a chur ar
fáil ar feadh tréimhse níos faide, agus bearta i gceist go minic nach bhféadfaí
a chur ar fáil murach rannpháirteachas an CECD.
1.5.3.
Ceachtanna a foghlaimíodh ó thaithí chosúil roimhe
seo
Féach
an taithí a fuarthas faoi Rialachán (CE) Uimh. 1927/2006 mar atá leagtha
amach sa Mheabhrán míniúcháin.
1.5.4.
Comhchuibheas agus sineirgíocht a d'fhéadfadh a
bheith ann le hionstraimí ábhartha eile
Tá
an CECD comhchuibhithe le Ciste Sóisialta na hEorpa agus d’fhéadfadh
sineirgíocht a bheith ann leis dá bharr.
1.6.
Fad agus tionchar airgeadais
–
X Togra/tionscnamh d'fhad teoranta –
X Togra/tionscnamh in
éifeacht ón 1 Eanáir 2014 go dtí an 31 Nollaig 2020 –
¨ Tionchar airgeadais ó BBBB go BBBB ¨ Togra/tionscnamh d’fhad neamhtheoranta –
Cur chun feidhme le tréimhse dúisithe ó BBBB go
BBBB, –
arna leanúint le hoibríocht ar scála iomlán.
1.7.
Modh(anna) bainistíochta atá beartaithe[29]
¨ Bainistíocht dhíreach láraithe ag an gCoimisiún ¨ Bainistíocht indíreach láraithe trí na cúraimí cur chun feidhme a tharmligean chuig: –
¨ gníomhaireachtaí feidhmiúcháin –
¨ comhlachtaí arna mbunú ag na Comhphobail[30]
–
¨ comhlachtaí náisiúnta san earnáil phoiblí/comhlachtaí a bhfuil misean
de sheirbhís phoiblí acu –
¨ daoine ar cuireadh de chúram orthu gníomhaíochtaí sonracha a chur
chun feidhme de bhun Theideal V den Chonradh ar an Aontas Eorpach agus a
aithnítear sa bhunghníomh ábhartha de réir bhrí Airteagal 49 den Rialachán
Airgeadais X Bainistíocht chomhpháirteach leis na
Ballstáit ¨ Bainistíocht dhíláraithe le tríú tíortha ¨ Comhbhainistíocht le heagraíochtaí
idirnáisiúnta (sonraí le tabhairt) I gcás ina sonraítear níos mó ná
modh bainistíochta amháin, tabhair sonraí sa roinn "Nótaí" le do
thoil. Nótaí
2.
BEARTA BAINISTÍOCHTA
2.1.
Rialacha faireacháin agus tuairiscithe
Sonraigh an
mhinicíocht agus na coinníollacha. Foráiltear
le hAirteagal 19 den Rialachán atá beartaithe go gcuirtear de cheangal ar
an gCoimisiún tuarascáil chainníochtúil agus cháilíochtúil a chur faoi bhráid
Pharlaimint na hEorpa agus na Comhairle gach bliain maidir leis na
gníomhaíochtaí a rinneadh faoin Rialachán seo an dá bhliain roimhe sin. Beidh, inter
alia, barúlacha an Choimisiúin maidir leis na gníomhaíochtaí faireacháin le
linn na mblianta atá á mbreithniú sa tuarascáil sin. I
gcomhréir le hAirteagal 20 den Rialachán atá beartaithe, déanfaidh an
Coimisiún i ndlúthchomhar leis na Ballstáit, faoi dheireadh mhí an Mheithimh 2018,
measúnú meántéarma ar éifeachtacht agus ar inbhuanaitheacht na dtorthaí a
fuarthas faoin CECD. Faoin 31 Nollaig 2022, ní mór don Choimisiún, le
cabhair ó shaineolaithe seachtracha, measúnú ex-post a dhéanamh chun tionchar
an CECD agus a bhreisluach a thomhas.
2.2.
Córas bainistíochta agus rialaithe
2.2.1.
An riosca/na rioscaí a aithníodh
Is
iad na rioscaí na rioscaí a bhaineann le bainistíocht chomhpháirteach Chistí an
Chomhphobail.
2.2.2.
Modh(anna) rialaithe atá beartaithe
Tá
na ceanglais is infheidhme maidir le bainistíocht agus rialú airgeadais leagtha
síos in Airteagal 20 den Rialachán arna bheartú.
2.3.
Bearta chun calaois agus neamhrialtachtaí a chosc
Sonraigh bearta
coisctheacha agus cosanta atá ann cheana nó atá beartaithe. Tá
na bearta chun neamhrialtachtaí a chosc, a bhrath agus a cheartú leagtha síos
in Airteagal 20 (1)(d) agus in Airteagal 20(2) den Rialachán arna
bheartú.
3.
AN TIONCHAR AIRGEADAIS A MHEASTAR A BHEIDH AG AN TOGRA/TIONSCNAMH
3.1.
Ceannteidil an chreata airgeadais ilbhliantúil agus
na línte buiséid ar a n‑imrítear tionchar
· Línte buiséid atá ann cheana In ord cheannteidil
agus línte buiséid an chreata airgeadais ilbhliantúil. Ceannteideal an chreata airgeadais ilbhliantúil || Líne buiséid || Saghas caiteachais || Ranníocaíocht Líon [Tuairisc………………………...……….] || LD/LN ([31]) || ó thíortha[32] an CSTE || ó thíortha is iarrthóirí[33] || ó thríú tíortha || de réir bhrí Airteagal 18(1)(aa) den Rialachán Airgeadais neamhbhainteach || 04.0501 An Ciste Eorpach um Choigeartú don Domhandú 04.010414 An Ciste Eorpach um Choigeartú don Domhandú – Caiteachas ar bhainistíocht riaracháin 40.0243 Cúlchiste don Chiste Eorpach um Choigeartú don Domhandú || LD || NÍL || NÍL || NÍL || NÍL · Línte nua buiséid atá á n‑iarraidh In ord cheannteidil agus línte buiséid an chreata
airgeadais ilbhliantúil. Ceannteideal an chreata airgeadais ilbhliantúil || Líne buiséid || Saghas caiteachais || Ranníocaíocht Líon [Ceannteideal………………………...……] || LD/LN || ó thíortha CSTE || ó thíortha is iarrthóirí || ó thríú tíortha || de réir bhrí Airteagal 18(1)(aa) den Rialachán Airgeadais neamhbhainteach || Iarrfar líne buiséid nua chun cuid den CECD a chur chun feidhme ag AS na Talmhaíochta || [LD…] || /NÍ FÉIDIR || /NÍ FÉIDIR || /NÍ FÉIDIR || /NÍ FÉIDIR
3.2.
An tionchar a mheastar ar chaiteachas
3.2.1.
Achoimre ar an tionchar a mheastar a bheidh ar
chaiteachas
EUR milliún (go dtí an 3ú deachúil) Ceannteideal an chreata airgeadais ilbhliantúil: || Líon || Ard-Stiúrthóireacht: EMPL || || || Bliain 2014[34] || Bliain 2015 || IOMLÁN Leithreasaí faoi chomhair oibríochtaí sa mhí || || || Uimhir na líne buiséid || Oibleagáidí || (1) || || || Íocaíochtaí || (2) || || || Uimhir na líne buiséid || Oibleagáidí || (1a) || || || Íocaíochtaí || (2a) || || || Leithreasaí de chineál riaracháin arna maoiniú ó chlúdach na gclár sonrach[35] || || || Uimhir na líne buiséid || || (3) || || || IOMLÁN leithreasaí do Ard-Stiúrthóireacht EMPL || Oibleagáidí || =1+1a +3 || || || Íocaíochtaí || =2+2a +3 || || || IOMLÁN leithreasaí faoi chomhair oibríochtaí || Oibleagáidí || (4) || || || Íocaíochtaí || (5) || || || IOMLÁN leithreasaí de chineál riaracháin arna maoiniú ó chlúdach na gclár sonrach || (6) || || || IOMLÁN leithreasaí faoin gCEANNTEIDEAL EMPL den chreat airgeadais ilbhliantúil || Oibleagáidí || =4+ 6 || || || Íocaíochtaí || =5+ 6 || || || Má tá tionchar ag an togra/tionscnamh ar níos mó ná
ceannteideal amháin: IOMLÁN leithreasaí faoi chomhair oibríochtaí || Oibleagáidí || (4) || || || Íocaíochtaí || (5) || || || IOMLÁN leithreasaí de chineál riaracháin arna maoiniú ó chlúdach na gclár sonrach || (6) || || || IOMLÁN leithreasaí faoi CHEANNTEIDIL 1 go 4 den chreat airgeadais ilbhliantúil (Méid tagartha) || Oibleagáidí || =4+ 6 || || || Íocaíochtaí || =5+ 6 || || || Ceannteideal an chreata airgeadais ilbhliantúil: || 5 || " Caiteachas riaracháin " EUR milliún (go dtí an 3ú deachúil) || || || Bliain 2014 || Bliain 2015 || An bhliain 2016 || Bliain 2017-2020 || IOMLÁN Ard-Stiúrthóireacht: EMPL + AGRI || Acmhainní daonna || 1.271 || 1.271 || 1.271 || 1.271 in aghaidh na bliana || 8.897 || Caiteachas riaracháin eile || 0.140 || 0.140 || 0.140 || 0.140 in aghaidh na bliana || 0.98 || IOMLÁN || || 1.411 || 1.411 || 1.411 || 1.411 in aghaidh na bliana || 9.877 || IOMLÁN leithreasaí faoi CHEANNTEIDEAL 5 den chreat airgeadais ilbhliantúil || (Iomlán oibleagáidí = Iomlán íocaíochtaí) || || || EUR milliún (go dtí an 3ú deachúil) || || || Bliain N[36] || Bliain N+1 || IOMLÁN IOMLÁN leithreasaí faoi CHEANNTEIDIL 1 go 5 den chreat airgeadais ilbhliantúil || Oibleagáidí || || || Íocaíochtaí || || ||
3.2.2.
An tionchar a mheastar a bheidh ar leithreasaí faoi
chomhair oibríochtaí
–
X Ní éilíonn an
togra/tionscnamh go n‑úsáidfear leithreasaí faoi chomhair oibríochtaí –
¨ Éilíonn an togra/an tionscnamh go n‑úsáidfear leithreasaí faoi
chomhair oibríochtaí mar a mhínítear thíos: Leithreasaí faoi chomhair oibleagáidí in EUR milliúin
(go dtí an 3ú deachúil) Sonraigh cuspóirí agus aschuir ò || || || Bliain 2014 || Bliain 2015-2020 || ... tabhair na blianta ar fad a theastaíonn le fad an tionchair a thaispeáint (féach pointe 1.6) || IOMLÁN || || Saghas aschuir[37] || Meánchostas an aschuir || Líon na n‑aschur || Costas || Líon na n‑aschur || Costas || Líon na n‑aschur || Costas || Líon na n‑aschur || Costas || Líon na n‑aschur || Costas || Líon iomlán na n‑aschur || Costas iomlán || CUSPÓIR SONRACH UIMH. 1[38]… || || || || || || || || || || || || || - Aschur || || || || || || || || || || || || || || || - Aschur || || || || || || || || || || || || || || || - Aschur || || || || || || || || || || || || || || || Fo-iomlán chuspóir sonrach Uimh. 1 || || || || || || || || || || || || || CUSPÓIR SONRACH UIMH. 2... || || || || || || || || || || || || || - Aschur || || || || || || || || || || || || || || || Fo-iomlán chuspóir sonrach Uimh. 2 || || || || || || || || || || || || || COSTAS IOMLÁN || || || || || || || || || || || || ||
3.2.3.
An tionchar a mheastar ar leithreasaí de chineál
riaracháin
3.2.3.1.
Achoimre
–
Ní éilíonn an togra/tionscnamh go n‑úsáidfear
leithreasaí de chineál riaracháin –
Ö Éilíonn an togra/an tionscnamh go n‑úsáidfear
leithreasaí riaracháin mar a mhínítear thíos: EUR milliún (go dtí
an 3ú deachúil) || Bliain 2014 [39] || Bliain 2015 || Na blianta 2016-2020 || IOMLÁN CEANNTEIDEAL 5 den chreat airgeadais ilbhliantúil || || || || Acmhainní daonna || 1.271 || 1.271 || 1.271 in aghaidh na bliana || 8.897 Caiteachas riaracháin eile || 0.14 || 0.14 || 0.14 in aghaidh na bliana || 0.98 Fo-iomlán CHEANNTEIDEAL 5 den chreat airgeadais ilbhliantúil || 1.411 || 1.411 || 1.411 in aghaidh na bliana || 9.877 Lasmuigh de CHEANNTEIDEAL 5[40] den chreat airgeadais ilbhliantúil || || || || Acmhainní daonna || || || Caiteachas eile de chineál riaracháin || || || Fo-iomlán lasmuigh de CHEANNTEIDEAL 5 den chreat airgeadais ilbhliantúil || || || IOMLÁN || || || || || ||
3.2.3.2.
Na hacmhainní daonna a mheastar a bheidh
riachtanach
–
¨ Ní éilítear leis an togra/tionscnamh go n‑úsáidfear acmhainní
daonna –
X Éilítear leis an togra/tionscnamh go n‑úsáidfear
acmhainní daonna mar a mhínítear thíos: Sloinnfear an meastachán i méideanna iomlána
(nó go dtí an 1ú deachúil ar a mhéid) || Bliain 2014 || Bliain 2015 || Mar a chéile maidir leis na blianta 2016 go 2020 04 01 01 01 (Ceanncheathrú agus Oifigí Ionadaíocht an Choimisiúin) || 9 || 9 || Ditto XX 01 01 02 (Toscaireachtaí) || || XX 01 05 01 (Taighde indíreach) || || 10 01 05 01 (Taighde díreach) || || 04 01 02 01 (CA, INT, SNE ón “gclúdach iomlánaíoch") || 2 || 2 XX 01 02 02 (CA, INT, JED, LA agus SNE sna toscaireachtaí) || || XX 01 04 yy [41] || - i gCeanncheathrú[42] || || - i dtoscaireachtaí || || XX 01 05 02 (CA, INT, SNE - Taighde indíreach) || || 10 01 05 02 (CA, INT, SNE - Taighde díreach) || || Línte buiséid eile (sonraigh) || || IOMLÁN || 11 || 11 || || 11 || Is é XX an réimse beartais nó an
teideal buiséid lena mbaineann. Déanfar na riachtanais le haghaidh acmhainní
daonna agus acmhainní riaracháin a chumhdach laistigh den leithdháileadh a
deonaíodh cheana féin do bhainistiú na gníomhaíochta seo agus/nó a ath‑imlonnaítear
laistigh den Ard‑Stiúrthóireacht, arna chomhlánú de réir mar is gá ag aon
leithdháileadh breise a d’fhéadfaí a dheonú don Ard‑Stiúrthóireacht atá i
gceannas faoi chuimsiú an nós imeachta don leithdháileadh bliantúil i
bhfianaise na srianta buiséadacha Cur síos ar na
cúraimí a bheidh le cur i gcrích: Oifigigh agus gníomhairí sealadacha || Pearsanra seachtrach ||
3.2.4.
Comhoiriúnacht leis an gcreat airgeadais
ilbhliantúil reatha
–
X Tá an togra/an
tionscnamh comhoiriúnach don chreat airgeadais ilbhliantúil reatha. –
¨ Beidh athchlárú an cheannteidil ábhartha ag gabháil leis an
togra/tionscnamh seo sa chreat airgeadais ilbhliantúil. Mínigh an cineál athchlárúcháin a bhfuil gá leis, agus
sonraigh na línte buiséid lena mbaineann agus na méideanna comhfhreagracha. N/B –
¨ Éilítear leis an togra/tionscnamh go gcuirfear an ionstraim
sholúbthachta i bhfeidhm nó go ndéanfar athbhreithniú ar an gcreat airgeadais
ilbhliantúil[43]ón gCoimisiún mar chúnamh ag an gCoimisiún. Mínigh cad atá ag teastáil, ag sonrú na gceannteideal
agus na línte buiséid lena mbaineann agus na méideanna comhfhreagracha. N/B
3.2.5.
Ranníocaíochtaí ó thríú páirtithe
–
X Ní dhéantar foráil sa
togra/tionscnamh do chómhaoiniú ó thríú páirtithe –
Déantar foráil sa togra/tionscnamh don chómhaoiniú
atá réamh-mheasta thíos: Leithreasaí in EUR milliún (go dtí an 3ú deachúil) || Bliain 2014 || Bliain 2015 || ... tabhair na blianta ar fad a theastaíonn le fad an tionchair a thaispeáint (féach pointe 1.6) || Costas Sonraigh an comhlacht cómhaoinithe || || || || || || IOMLÁN na leithreasaí cómhaoinithe || || || || || ||
3.3.
An tionchar a mheastar ar ioncam
–
X Níl tionchar
airgeadais ar bith ag an togra/tionscnamh ar ioncam. –
¨ Tá an tionchar airgeadais seo a leanas ag an togra/tionscnamh: ¨ ar acmhainní dílse ¨ ar ioncam ilghnéitheach EUR milliún (go dtí an 3ú deachúil) Líne buiséid ioncaim: || Leithreasaí atá ar fáil don chleachtadh buiséadach leanúnach || || Bliain 2012 || Bliain 2013 || ... iontráil na colúin ar fad a theastaíonn le fad an tionchair a thaispeáint (féach pointe 1.6) || Airteagal …………. || || || || || || || I gcás ioncaim
ilghnéithigh shannta, sonraigh na línte buiséid a n‑imrítear tionchar
orthu. N/B Sonraigh an modh chun an
tionchar ar ioncam a ríomh. N/B [1] COIM(2011) 500 leagan deireanach, 29.6.2011. [2] IO L 406, 30.12.2006, lch. 1. [3] COIM(2008) 800 leagan deireanach, 26.11.2008. [4] Rialachán (CE) Uimh. 546/2009 IO L 167,
29.6.2009, lch 26. [5] COIM(2011) 336 leagan deireanach, 10.6.2011. [6] COIM(2011) 403 leagan deireanach, 29.6.2011. [7] COIM(2011) 500 leagan deireanach, 29.6.2011. [8] COIM(2010) 2020 leagan deireanach, 3.3.2010. [9] http://ec.europa.eu/social/main.jsp?langId=en&catId=326&eventsId=320&furtherEvents=yes [10] http://ec.europa.eu/social/main.jsp?langId=en&catId=326&eventsId=323&furtherEvents=yes [11] http://ec.europa.eu/social/BlobServlet?docId=6578&langId=en [12] http://ec.europa.eu/social/main.jsp?langId=en&catId=326&eventsId=285&furtherEvents=yes [13] http://ec.europa.eu/social/main.jsp?langId=en&catId=326&eventsId=330&furtherEvents=yes [14] SEC(2011)xxx. [15] SEC(2011)yyy. [16] COIM(2011) 403 leagan deireanach, 29.6.2011. [17] IO C, , lch. . [18] IO C, , lch. . [19] IO L 48, 22.2.2008, lch. 82. [20] COIM(2011) 500 leagan deireanach, 29.6.2011. [21] IO L 167, 29.6.2009, lch. 27. [22] COIM(2011) 403 leagan deireanach, 29.6.2011. [23] IO L [24] IO L 175, 10.7.1999, lch. 43. [25] IO L 327, 5.12.2008, lch 9. [26] IO L 225, 12.8.1998, lch. 16. [27] ABM: Bainistiú de réir gníomhaíochtaí – ABB: Bunú an
bhuiséid de réir gníomhaíochtaí. [28] Mar a thagraítear dó in Airteagal 49(6)(a) nó (b) den
Rialachán Airgeadais. [29] Is féidir mionsonraí maidir leis na modhanna bainistíochta
agus tagairtí don Rialachán Airgeadais a fheiceáil ar shuíomh Gréasáin BudgWeb:
http://www.cc.cec/budg/man/budgmanag/budgmanag_en.html [30] Mar a thagraítear dóibh in Airteagal 185 den
Rialachán Airgeadais. [31] LD = Leithreasaí difreáilte / LN = Leithreasaí
neamhdhifreáilte [32] CSTE: Comhlachas Saorthrádála na hEorpa. [33] Tíortha is iarrthóirí agus, nuair is iomchuí, tíortha a
d'fhéadfadh a bheith ina n‑iarrthóirí ó na Balcáin Thiar. [34] Is í bliain N an bhliain a gcuirtear tús le cur chun
feidhme an togra/tionscnaimh [35] Cúnamh agus caiteachas teicniúil agus/nó riaracháin ar
mhaithe le cláir agus/nó gníomhaíochtaí an AE (seanlínte "BA"),
taighde indíreach, taighde díreach a chur chun feidhme. [36] Is í bliain N an bhliain a gcuirtear tús le cur chun
feidhme an togra/tionscnaimh [37] Is ionann aschur agus táirgí agus seirbhísí le soláthar
(e.g.: líon na malartuithe mac léinn a fhaigheann maoiniú, iomlán km de
bhóithre a rinneadh, etc.). [38] Mar a thuairiscítear i Roinn 1.4.2. “Cuspóir sonrach nó
cuspóirí sonracha...". [39] Is í bliain N an bhliain a gcuirtear tús le cur chun
feidhme an togra/tionscnaimh [40] Cúnamh agus caiteachas teicniúil agus/nó riaracháin ar
mhaithe le cláir agus/nó gníomhaíochtaí an AE (seanlínte "BA"),
taighde indíreach, taighde díreach a chur chun feidhme. [41] Faoin
uasteorainn do phearsanra seachtrach ó leithreasaí faoi chomhair oibríochtaí
(na seanlínte "BA"). [42] Le haghaidh na gCistí Struchtúracha, an Chiste Eorpaigh
Talmhaíochta um Fhorbairt Tuaithe (CETFT) agus an Chiste Eorpaigh Iascaigh
(CEI) go bunúsach. [43] Féach pointí 19 agus 24 den Chomhaontú
Idirinstitiúideach.