MEABHRÁN MÍNIÚCHÁIN

1.           Cúlra an togra

· Cúiseanna agus cuspóirí an togra

In Airteagal 28(3) de Rialachán (CE) Uimh. 1260/1999 ón gComhairle sainaithníodh na cineálacha éagsúla cúnaimh a d'fhéadfaí a thabhairt trí rannchuidiú ó na Cistí Struchtúracha, eadhon cúnamh díreach nach bhfuil inaisíoctha chomh maith le cineálacha eile cúnaimh, amhail cúnamh inaisíoctha, fóirdheontas ráta úis, ráthaíocht, sealúchas cothromais, sealúchas caipitil fiontair nó foirm eile airgeadais. Sainíodh i Rialachán (CE) Uimh. 448/2004 ón gCoimisiún gurb í an riail ghinearálta incháilitheachta go gcaithfidh na tairbhithe deiridh an caiteachas i ndáiríre agus go mbeidh sonraisc admhaithe ina gcruthúnas de sin nó doiciméid chuntasaíochta a bhfuil an fiúntas céanna cruthúnais iontu (Riail Uimh. 1) agus sainíodh tuilleadh rialacha sonracha incháilitheachta maidir le rannchuidiú ó na Cistí Struchtúracha le cistí caipitil fiontair agus iasachta (Riail Uimh. 8) agus le cistí ráthaíochta (Riail Uimh. 9) agus leagadh amach freisin go gcaithfear le híocaíochtaí isteach i gcistí den sórt sin mar chaiteachas incháilithe a íocadh i ndáiríre (Riail uimh.1 mír 1.3). Bhunaigh na Ballstáit na cineálacha cúnaimh sin le linn na tréimhse cláraithe 2000‑2006 le haghaidh Cistí Struchtúracha trí chistí sonracha a chur ar bun i gcomhréir le rialacha Uimh. 8 agus Uimh. 9, agus trí chúnaimh inaisíoctha a thugtar trí bhíthin ionstraimí eile. I mBallstát amháin ar a laghad, rinneadh meastóireacht neamhspleách inar moladh na hionstraimí sin mar dhea‑chleachtas.

I gcodarsnacht leis sin, ní shainítear i Rialachán (CE) Uimh. 1083/2006 ón gComhairle go bhfuil cúnamh inaisíoctha nó nach bhfuil. Tá forálacha in Airteagal 44 den Rialachán maidir le "Ionstraimí Innealtóireachta Airgeadais". Tá na forálacha sin mós cúng, sa tréimhse chláraithe atá ann faoi láthair, ós rud é go gceadaíonn siad maoiniú caiteachais i ndáil le hoibríocht lena bhfuil sé i gceist rannchuidiú a thabhairt chun tacú a) le hionstraimí innealtóireachta airgeadais le haghaidh gnóthas, b) le cistí forbartha uirbí agus c) le cistí nó le scéimeanna dreasachtaí eile le haghaidh éifeachtúlachta fuinnimh agus úsáid fuinnimh in‑athnuaite i bhfoirgnimh. Mar thoradh air sin, go cuí – agus gan dochar d'fhorálacha Airteagal 11 de Rialachán (CE) Uimh. 1081/2006, ina bhforáiltear cheana go bhféadtar cúnamh a thabhairt i bhfoirm deontais inaisíoctha – tá an chuma ar an scéal nach gcumhdaíonn an Rialachán is infheidhme cúnamh inaisíoctha.

Lean Ballstáit de chineálacha cúnaimh inaisíoctha a úsáid bunaithe ar an taithí dhearfach a fuarthas le linn na tréimhse cláraithe deireanaí 2000-2006 agus chuir roinnt acu tuairiscí ar na córais sin lena ndoiciméid chláraithe le haghaidh na tréimhse 2007-2013, ar doiciméid iad a d'fhormheas an Coimisiún. Thairis sin, cuireadh tús an athuair i roinnt Ballstát le scéimeanna den sórt sin sa tréimhse chláraithe atá ann faoi láthair.

Dá bhrí sin, is gá sainmhíniú ginearálta ar chúnamh inaisíoctha a thabhairt isteach i Rialachán (CE) Uimh. 1083/2006 agus sa bhreis ar sin foráil a dhéanamh go gcoinneofar an cúnamh arna íoc ar ais i gcuntas ar leith agus go n‑athúsáidfear é chun na críche céanna nó i gcomhréir le cuspóirí an chláir. Cumhdaíonn an "cúnamh inaisíoctha" mar atá sé sainmhínithe deontais inaisíoctha (i.e. deontais is féidir a aisíoc, ina n‑iomláine nó i bpáirt, gan ús) agus línte creidmheasa arna mbainistiú ag an údarás bainistíochta trí bhíthin comhlachtaí idirmheánacha (ar institiúidí airgeadais poiblí iad).

Thairis sin, maidir le hinnealtóireacht airgeadais, i.e. ionstraimí a chumhdaítear in Airteagal 44 de Rialachán (CE) Uimh. 1083/2006, is é an tuiscint a bhfuil an Coimisiún cleachtaithe lena ghlacadh faoi láthair nach bhfuil na rialacha maidir le tionscadail mhóra, tionscadail ghinte ioncaim agus maidir le marthanacht oibríochtaí infheidhme. Maidir leis an gcleachtas sin, ar chúiseanna a bhaineann le deimhneacht dhlíthiúil, is caoithiúil a shoiléiriú i dtéacs iomchuí dlí nach bhfuil na rialacha maidir le tionscadail mhóra, tionscadail ghinte ioncaim agus maidir le marthanacht oibríochtaí (Airteagail 39, 55 agus 57 de Rialachán (CE) Uimh. 1083/2006 ón gComhairle) infheidhme maidir leis na hoibríochtaí a thagann faoi Airteagal 44. Go deimhin, i gcás innealtóireachta airgeadais faoi Airteagal 44, is éard atá i gceist leis an oibríocht an rannchuidiú airgeadais a thugtar don ionstraim innealtóireachta airgeadais agus an cúnamh a thugann na hionstraimí innealtóireachta airgeadais do thairbhithe deiridh ina dhiaidh sin. Tugtar cúnamh den sórt sin trí thacaíocht inaisíoctha agus ní mór na hacmhainní gaolmhara arna dtabhairt ar ais d'oibríochtaí a athúsáid de bhun na rialacha sonracha atá leagtha síos in Airteagal 78(7) de Rialachán (CE) Uimh. 1083/2006. De réir an méid sin is léir nach gá agus nach bhfuil sé inchosanta Airteagail 39, 55 agus 57 a chur i bhfeidhm maidir le hoibríochtaí faoi Airteagal 44.

Ina theannta sin, maidir leis an ngá a áirithiú go gcaithfear go tráthúil (i gcás caiteachais incháilithe) na hacmhainní arna gcur ar fáil d'ionstraimí innealtóireachta airgeadais ag na cláir oibríochta agus go ndéanfaidh na Ballstáit chomh maith leis an gCoimisiún faireachán iomchuí ar chur chun feidhme ionstraimí innealtóireachta airgeadais a bunaíodh faoi Airteagal 44, is gá na nithe seo a leanas a thabhairt isteach: (i) oibleagáid dhlíthiúil go gcaithfidh ionstraimí innealtóireachta airgeadais laistigh de thréimhse dhá bhliain, i gcomhréir le hAirteagal 78(6) (a) go (e) de Rialachán (CE) Uimh. 1083/2006, an rannchuidiú airgeadais arna íoc ag údaráis bhainistíochta chun cistí den sórt sin a bhunú nó chun rannchuidiú leo (murab amhlaidh an cás, ceartófar na dearbhuithe caiteachais a dhéanfar ina dhiaidh sin dá réir sin trí na méideanna nár caitheadh a asbhaint); (ii) foráil dhlíthiúil maidir le faireachán a dhéanamh ar chur chun feidhme, inter alia chun na Ballstáit a chumasú tuairisciú iomchuí a dhéanamh chuig an gCoimisiún i dtaobh na gcineálacha ionstraimí arna gcur i bhfeidhm agus na gníomhaíochtaí ábhartha arna ndéanamh ag na hionstraimí sin ar an talamh.

· An comhthéacs ginearálta

Forbraíodh cineálacha nua maoinithe le haghaidh cúnaimh le linn na tréimhse cláraithe 2007-2013, lenar casadh ón maoiniú traidisiúnta atá bunaithe ar dheontais i dtreo cineálacha nua maoinithe atá roithleánach. Amharctar ar na hionstraimí airgeadais nua sin mar chatalaígh d'acmhainní poiblí agus príobháideacha, chun na leibhéil infheistíochta a bhaint amach a bhfuil gá leo chun straitéis 2020 an AE a chur chun feidhme.

I dtéarmaí an raoin feidhme, tá cineálacha maoinithe atá roithleánach á n‑úsáid faoi láthair le haghaidh raoin fhairsing gníomhaíochtaí seachas le haghaidh innealtóireachta airgeadais amháin. Is gá an Rialachán a mhodhnú chun tacaíocht d'oibríochtaí a chur isteach i gcás ina bhforálfar go n‑aisíocfar an tacaíocht airgeadais agus más oibríochtaí iad nach mbaineann saintréithe ionstraimí innealtóireachta airgeadais leo agus a thagann lasmuigh de mheicníochtaí na n‑ionstraimí sin mar atá sainmhínithe in Airteagal 44 de Rialachán (CE) Uimh. 1083/2006 ón gComhairle. Cumhdaítear leis sin deontais inaisíoctha agus línte creidmheasa arna mbainistiú ag údaráis bhainistíochta nó ag comhlachtaí idirmheánacha.

Ag an am céanna, i bhfianaise an mhéadaithe atá ag teacht ar ionstraimí innealtóireachta airgeadais faoi Airteagal 44 a chur chun feidhme ar an talamh agus i bhfianaise a theoranta a bhíonn an fhaisnéis a bhíonn ar fáil don Choimisiún maidir leis na hionstraimí sin, is gá an Rialachán a mhodhnú chun a áirithiú go bhféadfaidh Ballstáit, chomh maith leis an gCoimisiún, faireachán iomchuí a dhéanamh ar na cineálacha cúnaimh inaisíoctha sin agus iad a thuairisciú don Choimisiún. Ag an am céanna, tabharfaidh an méid sin uirlis fhónta don Choimisiún chun measúnú foriomlán a dhéanamh ar fheidhmíocht na gcineálacha cúnaimh sin.

· Forálacha atá i bhfeidhm i réimse beartais an togra

Sainítear in Airteagal 44 de Rialachán (CE) Uimh. 1083/2006 ón gComhairle na foirmeacha is féidir a bheith ag ionstraimí innealtóireachta airgeadais le linn na tréimhse cláraithe reatha chomh maith le raon feidhme na hidirghabhála a bhaineann leo: tacaíocht a thabhairt do FBManna rochtain a fháil ar mhaoiniú, athnuachan uirbeach agus éifeachtúlacht fuinnimh. In Airteagal 78(6) den Rialachán thuasluaite tá forálacha speisialta maidir le haisíocaíocht caiteachais arna íoc ag Ballstáit nó ag údaráis bhainistíochta agus atá bunaithe ar rannchuidiú le hionstraimí den sórt sin.

In Airteagal 11 de Rialachán (CE) Uimh. 1081/2006 léirítear an cineál cúnaimh a thugann Ciste Sóisialta na hEorpa: deontais aonair nó deontais fhoriomlána nach bhfuil inaisíoctha, deontais inaisíoctha, lacáistí ar ús ar iasachtaí, micrichreidmheasa, cistí ráthaíochta agus ceannach earraí agus seirbhísí i gcomhréir le rialacha an tsoláthair phoiblí.

· Comhsheasmhacht le beartais agus cuspóirí eile an Aontais

Neamhbhainteach.

2.           COMHAIRLIÚCHÁN LEIS NA PÁIRTITHE LEASMHARA AGUS ANAILÍS AR AN TIONCHAR

· Comhairliúchán leis na páirtithe leasmhara

Shainaithin Cúirt Iniúchóirí na hEorpa saincheist an chúnaimh inaisíoctha lasmuigh d'Airteagal 44 ina hiniúchtaí ar oibríochtaí Chiste Forbraíochta Réigiúnaí na hEorpa, rud a spreag an togra seo le haghaidh leasú ar Rialachán (CE) Uimh. 1083/2006 ón gComhairle. Tionscnaíodh an modhnú atá beartaithe tar éis mapáil chríochnaitheach a bheith déanta ar an staid mar atá sí ar an talamh sna Ballstáit agus, dá thoradh sin, pléadh é leis na Ballstáit faoi chuimsiú chruinnithe Choiste Comhordúcháin na gCistí. Thairis sin, bunaithe ar mholadh Chúirt Iniúchóirí na hEorpa maidir le faireachán ar na hionstraimí innealtóireachta airgeadais, tá forálacha ar leith sa togra seo maidir le caiteachas a dhéanamh go tráthúil agus go héifeachtach agus maidir le hionstraimí innealtóireachta airgeadais faoi Airteagal 44 a thuairisciú.

· Saineolais a sholáthar agus a úsáid

Níor ghá saineolas seachtrach a úsáid.

· Anailís ar Thionchar

Leis an togra seo soiléireofar an úsáid a bhaintear as cineálacha cúnaimh inaisíoctha ar leibhéal tionscadal, cleachtas ar cuireadh bonn maith faoi le linn na tréimhse cláraithe 2000‑2006, agus treiseofar úsáid na gcistí struchtúracha agus tabharfar breis giarála don úsáid sin.

Trí na rialacha a rialaíonn beartas comhtháthaithe a shoiléiriú, athdheimhnítear do na Ballstáit gur féidir leanúint leis na scéimeanna sin atá bunaithe ar chineálacha cúnaimh inaisíoctha a úsáideadh ar bhealach rathúil san am a chuaigh thart, agus gur féidir tógáil ar na scéimeanna sin. Imreoidh sé tionchar dearfach ar an luas ag a gcuirtear cláir chun feidhme freisin, go háirithe trí dheis a thabhairt d'údaráis náisiúnta, réigiúnacha agus áitiúla cistí a athúsáid chun na críche céanna.

Leis an oibleagáid nua an caiteachas a dhéanamh go tráthúil (laistigh de dhá bhliain ón uair a théann an íocaíocht isteach sa chiste) agus ionstraimí innealtóireachta airgeadais a thuairisciú, cuirfear uirlis fhónta ar fáil don Choimisiún chun faireachán agus measúnú foriomlán a dhéanamh ar fheidhmíocht na gcineálacha cúnaimh sin.

Tá sé d'aidhm ag an togra soiléireacht a sholáthar i dtaobh dlíthiúlachta cleachtais dlí atá ann cheana. Is é an tionchar is mó lena bhfuiltear ag súil dá bhrí sin go laghdófar éideimhneacht dhlíthiúil. Beidh tionchar an togra ar chleachtais teoranta, agus bainfidh sé le méadú ar an oibleagáid atá ar ionstraimí innealtóireachta airgeadais atá i bhfeidhm cheana tuairisc a thabhairt. Ní iarrtar aon bhuiséad nua.

3.           Eilimintí dlí an togra

· Achoimre ar na bearta atá beartaithe

Tá an modhnú atá beartaithe bunaithe ar an raon feidhme níos fairsinge atá ag cineálacha éagsúla cúnaimh mar atá sonraithe in Airteagal 28(3) de Rialachán (CE) Uimh. 1260/1999 ón gComhairle agus déanfaidh sé an creat rialála atá ann faoi láthair a chomhlánú agus a choigeartú mar is gá, rud a bhfuil tuairisc mhionsonraithe air thíos.

Tá sé beartaithe mír 8 a chur isteach in Airteagal 2, agus leis sin foráil a dhéanamh d'fhonn deontas inaisíoctha a shainmhíniú mar rannchuidiú airgeadais díreach trí bhíthin dámhachtana is féidir a aisíoc, ina hiomláine nó i bpáirt, gan ús.

I Roinn 3a, atá nua agus a bheartaítear a chur isteach faoi Theideal III de Chaibidil II tugtar forálacha maidir le "cúnamh inaisíoctha" isteach. Tá Airteagal 43a nua agus tá sé d'aidhm aige a leagan síos go bhféadfaidh na Cistí Struchtúracha caiteachas a mhaoiniú i ndáil le hoibríocht a chuimsíonn rannchuidiú chun tacú le cúnamh inaisíoctha. Cumhdaítear leis an bhforáil sin deontais inaisíoctha agus línte creidmheasa arna mbainistiú ag údaráis bhainistíochta trí chomhlachtaí idirmheánacha ar institiúidí airgeadais poiblí "inmheánacha" iad. Ar mhaithe le soiléireacht, is ionann i gcónaí an mheicníocht lena ndearbhaítear caiteachas agus aisíocaíocht le haghaidh cúnaimh inaisíoctha den sórt sin agus an mheicníocht le haghaidh cúnaimh nach bhfuil inaisíoctha (i.e. le haghaidh deontas ar deontais amach is amach iad), ós rud é go bhfuil sí bunaithe ar shonraisc admhaithe nó ar dhoiciméid a bhfuil an fiúntas céanna cruthúnais iontu (de réir Airteagal 78 (1) go (5) de Rialachán (CE) Uimh. 1083/2006).

Ina theannta sin, cuirtear Airteagal 43b isteach chun a shoiléiriú go ndéanfar an cúnamh a aisíocfar leis an gcomhlacht a thug an cúnamh, nó le húdarás inniúil poiblí eile de chuid an Bhallstáit, go ndéanfar é a choinneáil i gcuntas ar leith agus go n‑athúsáidfear é chun na críche céanna nó i gcomhréir le cuspóirí an chláir oibríochta."

Tá sé beartaithe Airteagal 44a a thabhairt isteach chun a shoiléiriú nach bhfuil na forálacha maidir le tionscadail mhóra (Airteagal 39), tionscadail ghinte ioncaim (Airteagal 55) agus maidir le marthanacht oibríochtaí (Airteagal 57) infheidhme mar phrionsabal maidir le hionstraimí innealtóireachta airgeadais faoi Airteagal 44, ós rud é gur ceapadh na rialacha sin le haghaidh cineálacha eile cúnaimh i ndáiríre.

Sa chomhthéacs céanna, tugtar isteach Airteagal 67a maidir le hionstraimí innealtóireachta airgeadais a thuairisciú faoi Airteagal 44. Tá an méid sin á dhéanamh ag féachaint don ghá a áirithiú go ndéanfaidh na Ballstáit chomh maith leis an gCoimisiún faireachán iomchuí ar chur chun feidhme ionstraimí innealtóireachta airgeadais, inter alia ionas gur féidir leis na Ballstáit faisnéis iomchuí a thabhairt don Choimisiún i dtaobh na gcineálacha ionstraimí arna gcur i bhfeidhm agus i dtaobh na ngníomhaíochtaí ábhartha arna ndéanamh ag na hionstraimí sin ar an talamh.

Sa chomhthéacs céanna, tá sé d'aidhm ag an mír nua atá beartaithe in Airteagal 78(6) de Rialachán (CE) Uimh. 1083/2006 oibleagáid dhlíthiúil a thabhairt isteach chun a áirithiú go ndéanfar an rannchuidiú airgeadais arna íoc ag údaráis bhainistíochta chun ionstraimí innealtóireachta airgeadais a bhunú nó chun rannchuidiú leo a chaitheamh ar chaiteachas incháilithe laistigh de thréimhse dhá bhliain ón uair a théann an íocaíocht isteach sa chiste. Murab amhlaidh an cás, ní mór an ráiteas caiteachais a dhéanfar ina dhiaidh sin a cheartú dá réir trí na méideanna nár caitheadh a asbhaint. Táthar á dhéanamh sin d'fhonn a sheachaint go bhfanfadh airgead curtha i leataobh gan a chaitheamh i gcistí den sórt sin ar feadh i bhfad.

Le hAirteagal 78a atá nua, cuirfear isteach foráil ghinearálta maidir leis na ceanglais i dtaca leis an ráiteas caiteachais. Maidir le hAirteagal 61(2) de Rialachán (CE) Uimh. 1605/2002 ón gComhairle maidir leis an Rialachán Airgeadais is infheidhme maidir le buiséad ginearálta na gComhphobal Eorpach, cuirfidh sé ar chumas an Choimisiúin cuntais a sholáthar a léireoidh go fírinneach sócmhainní na gComhphobal agus cur chun feidhme an bhuiséid.

· Bunús dlí

Sainítear na rialacha coiteanna atá infheidhme maidir leis na trí Chiste i Rialachán (CE) Uimh. 1083/2006 ón gComhairle an 11 Iúil 2006 lena leagtar síos forálacha ginearálta maidir le Ciste Forbraíochta Réigiúnaí na hEorpa, Ciste Sóisialta na hEorpa agus leis an gCiste Comhtháthaithe, agus lena n-aisghairtear Rialachán (CE) Uimh. 1260/1999. Ar bhonn phrionsabal na bainistíochta comhpháirtí idir an Coimisiún agus na Ballstáit, tá forálacha sa Rialachán seo maidir leis an bpróiseas cláraithe chomh maith le socruithe le haghaidh bainistithe clár (bainistiú airgeadais san áireamh), faireacháin, rialaithe airgeadais agus meastóireachta ar thionscadail.

· Prionsabal na coimhdeachta

Comhlíonann an togra prionsabal na coimhdeachta sa mhéid go bhfuil sé d'aidhm aige deimhneacht dhlíthiúil a chur ar fáil ar leibhéal an Aontais Eorpaigh gur ceadmhach agus gur dlisteanach, faoi na rialacháin a rialaíonn na Cistí Struchtúracha faoi láthair, an tacaíocht a thugann Ballstáit trí bhíthin Cistí Struchtúracha do scéimeanna atá bunaithe ar chineálacha cúnaimh inaisíoctha agus a cuireadh chun feidhme go dleathach le linn na tréimhse cláraithe roimhe sin agus/nó a thosaigh le linn na tréimhse reatha ach nach mbaineann saintréithe ionstraimí innealtóireachta airgeadais leo. Sa chomhthéacs sin, is gá a shainiú freisin ar an leibhéal Eorpach an chaoi a gcaithfear le cúnamh arna aisíoc i gcás na gcineálacha sin scéimeanna nach mbaineann saintréithe ionstraimí innealtóireachta airgeadais leo.

Thairis sin, tabharfar isteach oibleagáid caiteachas a dhéanamh go tráthúil (laistigh de dhá bhliain ón uair a théann an íocaíocht isteach sa chiste) agus oibleagáid ionstraimí innealtóireachta airgeadais faoi Airteagal 44 a thuairisciú chun a chur ar chumas na mBallstát na hionstraimí a chur chun feidhme go tapa agus chun faisnéis iomchuí a sholáthar don Choimisiún maidir leis an gcineál ionstraime arna gcur i bhfeidhm agus maidir leis na gníomhaíochtaí ábhartha arna ndéanamh ag ionstraimí den sórt sin ar an talamh. Ag an am céanna, tabharfaidh an méid sin uirlis fhónta don Choimisiún chun measúnú foriomlán a dhéanamh ar fheidhmíocht fhoriomlán na gcineálacha cúnaimh sin.

· Prionsabal na comhréireachta

Luíonn an togra le prionsabal na comhréireachta:

Go deimhin, tá an togra seo comhréireach ós rud é nach dtéann sé thar an íosmhéid rialacha is gá chun deimhneacht dhlíthiúil a sholáthar do na Ballstáit gur ceadmhach sa tréimhse chláraithe reatha scéimeanna atá bunaithe ar chúnamh inaisíoctha lena dtacaíonn Cistí Struchtúracha ach nach mbaineann saintréithe ionstraimí innealtóireachta airgeadais leo. Chun ligean do na Ballstáit tairbhe a bhaint as na soiléirithe ar feadh na tréimhse cláraithe ina hiomláine, is gá an togra a chur i bhfeidhm go haisghníomhach.

An oibleagáid go gcaithfear laistigh de dhá bhliain rannchuidiú airgeadais na n‑údarás bainistíochta chun ionstraimí innealtóireachta airgeadais a bhunú (murab amhlaidh an cás, ní mór an ráiteas caiteachais a dhéanfar ina dhiaidh sin a cheartú dá réir trí na méideanna nár caitheadh a asbhaint) agus roinnt oibleagáidí maidir le tuairisciú, leagtar iad amach i gcomhair ionstraimí innealtóireachta airgeadais amháin (murab ionann is cúnamh inaisíoctha nach mbaineann saintréithe Airteagal 44 leis, cuirtear chun feidhme trí bhíthin "cistí" iad), agus bunaítear iad chun an t‑íosmhéid faisnéise a chur ag sreabhadh ó na Ballstáit chuig an gCoimisiún maidir le hionstraimí innealtóireachta airgeadais a chur chun feidhme ar an talamh go tráthúil ceart. Ina theannta sin, ní chuirfear an oibleagáid caiteachas a dhéanamh go tráthúil ná na hoibleagáidí maidir le tuairisciú breise i bhfeidhm go haisghníomhach.

· Rogha ionstraimí

An ionstraim atá beartaithe: rialachán.

Ní bheadh ionstraimí eile iomchuí ar na cúiseanna seo a leanas:

D'fhiosraigh an Coimisiún na deiseanna beartaíochta faoin gcreat dlí chun a dhearbhú i leith an chleachtais atá bunaithe le haghaidh oibríochtaí a bhainistíonn comhlachtaí idirmheánacha nó údaráis bhainistíochta go díreach agus nach mbaineann saintréithe ionstraimí innealtóireachta airgeadais leo, go bhfuil sé i gcomhréir mar chleachtas leis an rialachán atá ann faoi láthair maidir le Cistí Struchtúracha. Tar éis comhairliúcháin inmheánaigh chríochnaithigh áfach, ba léir go raibh sé riachtanach ar mhaithe le cinnteacht leasú a dhéanamh ina leith sin ar Rialachán (CE) Uimh. 1083/2006 ón gComhairle. Is é cuspóir na leasuithe sin úsáid acmhainní an Aontais a éascú a thuilleadh le haghaidh tionscadal éagsúil atá lasmuigh de raon feidhme Airteagal 44 agus leis sin líon na dtionscadal a bhaineann tairbhe as tacaíocht na gCistí Struchtúracha a mhéadú. Ionstraimí arna gcur ar bun faoi fhorálacha Airteagal 44 den Rialachán seo, ní fhéadfaí iad a bhunú i gcomhair na n‑oibríochtaí neamhchaighdeánacha sin, toisc go bhfuil Airteagal 44 teoranta do chistí a infheistíonn i bhfabhar FBManna, athnuachana uirbí agus éifeachtúlachta fuinnimh.

Faoi láthair, níl aon oibleagáid dhlíthiúil ann an rannchuidiú airgeadais arna íoc isteach ag na húdaráis bhainistíochta in ionstraimí innealtóireachta airgeadais a chaitheamh laistigh d'amchlár sainithe faoi dheireadh an chláir, ós rud é nach ndéantar "glanluacháil" an rannchuidithe sin (i dtéarmaí "caiteachas incháilithe" a fhíorú) ach ar dhúnadh an chláir oibríochta; ina theannta sin, níor tugadh isteach ach le déanaí ar bhonn deonach an faireachán agus an tuairisciú a dhéanann na Ballstáit ar ionstraimí innealtóireachta airgeadais. Ní leor sin chun go mbeadh an Coimisiún in ann pictiúr foriomlán a fháil de chur chun feidhme na gcineálacha cúnaimh inaisíoctha sin ar an talamh. Ina theannta sin, mhol Cúirt Iniúchóirí na hEorpa don Choimisiún seiceáil iomchuí a dhéanamh go gcaitear go hiomchuí na hacmhainní arna leithdháileadh ar ionstraimí innealtóireachta airgeadais chomh maith le faireachán iomchuí a dhéanamh ar chur chun feidhme ghníomhaíochtaí na n‑ionstraimí sin. I bhfianaise a bhfuil thuas, tá forálacha ar leith sa togra seo (i) maidir leis an rannchuidiú airgeadais arna íoc isteach in ionstraimí innealtóireachta airgeadais faoi Airteagal 44 a chaitheamh go tráthúil (murab amhlaidh an cás, ní mór an ráiteas caiteachais a dhéanfar ina dhiaidh sin a cheartú dá réir trí na méideanna nár caitheadh a asbhaint) agus (ii) maidir le hionstraimí innealtóireachta airgeadais faoi Airteagal 44 a thuairisciú.

4.           Tionchar buiséadach

Níl aon tionchar ar leithreasaí faoi chomhair oibleagáidí ós rud é nach mbeartaítear aon athrú ar na huasmhéideanna maoinithe ó Chistí Struchtúracha dá bhforáiltear sna Cláir Oibríochta i gcomhair na tréimhse cláraithe 2007‑2013.

Creideann an Coimisiún go bhféadfadh an beart atá beartaithe cur chun feidhme a fheabhsú trí bhíthin deimhneacht dhlíthiúil a mhéadú do na Ballstáit.

2011/0210 (COD)

Togra le haghaidh

RIALACHÁIN Ó PHARLAIMINT NA hEORPA AGUS ÓN gCOMHAIRLE

lena leasaítear Rialachán (CE) Uimh. 1083/2006 ón gComhairle maidir le cúnamh inaisíoctha agus innealtóireacht airgeadais

TÁ PARLAIMINT NA hEORPA AGUS COMHAIRLE AN AONTAIS EORPAIGH

Ag féachaint don Chonradh ar Fheidhmiú an Aontais Eorpaigh, agus go háirithe Airteagal 177 de,

Ag féachaint don togra ón gCoimisiún Eorpach,

Tar éis dóibh an dréachtghníomh reachtach a chur chuig na Parlaimintí Náisiúnta,

Ag féachaint don tuairim ó Choiste Eacnamaíoch agus Sóisialta na hEorpa[1],

Ag féachaint don tuairim ó Choiste na Réigiún[2],

Ag gníomhú dóibh i gcomhréir leis an ngnáthnós imeachta reachtach,

De bharr an méid seo a leanas:

(1) Eispéiris dhearfacha a bhí ag na Ballstáit le scéimeanna cúnaimh inaisíoctha ar leibhéal na n‑oibríochtaí le linn na tréimhse cláraithe 2000-2006 agus dá bhrí sin lean siad le scéimeanna den sórt sin nó thosaigh siad ag cur scéimeanna cúnaimh inaisíoctha chun feidhme sa tréimhse chláraithe reatha 2007-2013. Chuir roinnt Ballstát tuairiscí ar na scéimeanna sin ar áireamh ina ndoiciméid chláraithe, doiciméid a d'fhormheas an Coimisiún.

(2) Rialachán (CE) Uimh. 1083/2006 ón gComhairle an 11 Iúil 2006 lena leagtar síos forálacha ginearálta maidir le Ciste Forbraíochta Réigiúnaí na hEorpa, Ciste Sóisialta na hEorpa agus leis an gCiste Comhtháthaithe, agus lena n-aisghairtear Rialachán (CE) Uimh. 1260/1999[3], leagtar amach ann ionstraimí innealtóireachta airgeadais lena mbaineann réimsí beachta agus raon feidhme idirghabhála beacht. Na scéimeanna a chuireann Ballstáit chun feidhme i bhfoirm deontas inaisíoctha agus línte creidmheasa arna mbainistiú ag údaráis bhainistíochta trí chomhlachtaí idirmheánacha, ámh, ní iomchuí mar a chumhdaíonn na forálacha maidir le hionstraimí innealtóireachta airgeadais, ná na forálacha eile de chuid Rialachán (CE) Uimh. 1083/2006 iad. Dá bhrí sin, i gcomhréir le hAirteagal 11(1) de Rialachán (CE) Uimh. 1081/2006 ó Pharlaimint na hEorpa agus ón gComhairle an 5 Iúil 2006 maidir le Ciste Sóisialta na hEorpa agus lena n‑aisghairtear Rialachán (CE) Uimh. 1784/1999[4], lena bhforáiltear go bhféadtar cúnamh a thabhairt i bhfoirm deontas inaisíoctha, is gá a leagan amach i Roinn nua de chuid Rialachán (CE) Uimh. 1083/2006 gur féidir cúnamh inaisíoctha a chómhaoiniú as na Cistí Struchtúracha. Ba cheart go gcumhdódh an Roinn sin deontais inaisíoctha agus línte creidmheasa arna mbainistiú ag údaráis bhainistíochta trí chomhlachtaí idirmheánacha ar institiúidí airgeadais poiblí iad.

(3) Ó tharla go n‑aisíocann na tairbhithe i bpáirt nó ina n‑iomláine na hacmhainní airgeadais a úsáidtear le haghaidh cúnaimh inaisíoctha, is gá forálacha iomchuí a thabhairt isteach go n‑athúsáidfear cúnamh arna aisíoc chun na críche céanna nó i gcomhréir le cuspóirí an chláir ar leith.

(4) Na forálacha maidir le tionscadail mhóra, tionscadail ghinte ioncaim agus marthanacht oibríochtaí, is gá a shoiléiriú nár cheart feidhm a bheith acu mar phrionsabal maidir le hionstraimí innealtóireachta airgeadais, ós rud é gur ceapadh na rialacha sin i gcomhair oibríochtaí de chineálacha eile.

(5) Maidir leis an ngá a áirithiú go ndéanfaidh na Ballstáit chomh maith leis an gCoimisiún faireachán iomchuí ar chur chun feidhme ionstraimí innealtóireachta airgeadais, inter alia ionas gur féidir leis na Ballstáit faisnéis iomchuí a thabhairt don Choimisiún i dtaobh na gcineálacha ionstraimí arna gcur i bhfeidhm agus i dtaobh na ngníomhaíochtaí ábhartha arna ndéanamh ag na hionstraimí sin ar an talamh, is gá foráil a thabhairt isteach maidir le tuairisciú. Chuirfeadh an méid sin ar chumas an Choimisiúin measúnú níos fearr a dhéanamh ar fheidhmíocht ionstraimí innealtóireachta airgeadais freisin.

(6) Chun a áirithiú go gcaithfear go héifeachtach agus laistigh d'amchlár sainithe an rannchuidiú airgeadais arna íoc isteach ag na húdaráis bhainistíochta in ionstraimí innealtóireachta airgeadais agus arna áireamh i ráiteas caiteachais, is gá oibleagáid a thabhairt isteach nach mór d'ionstraimí innealtóireachta airgeadais an rannchuidiú le haghaidh caiteachais incháilithe a chaitheamh laistigh de dhá bhliain ó dháta an ráitis chaiteachais dheimhnithe ábhartha. Ba cheart an ráiteas caiteachais ina dhiaidh sin a cheartú dá réir sin, trí na méideanna nár caitheadh a asbhaint, más rud é nár caitheadh an rannchuidiú i dtrácht laistigh den tréimhse shonraithe.

(7) Chun a áirithiú go gcomhlíonfar Airteagal 61(2) de Rialachán (CE) Uimh. 1605/2002 ón gComhairle maidir leis an Rialachán Airgeadais is infheidhme maidir le buiséad ginearálta na gComhphobal Eorpach[5], is gá a cheangal go soláthrófar sa ráiteas caiteachais a chuirfear faoi bhráid an Choimisiúin an fhaisnéis ar fad is gá ionas gur féidir leis an gCoimisiún cuntais a sholáthar a léireoidh go fírinneach sócmhainní na gComhphobal agus cur chun feidhme an bhuiséid.

(8) Ba cheart éifeacht aisghníomhach arna háireamh ó thús na tréimhse cláraithe reatha 2007-2013 a bheith ag an leasú lena mbeartaítear soiléiriú a dhéanamh ar dhlíthiúlacht cur i bhfeidhm cleachtais atá ann cheana agus a bhfuil éifeacht aige ó thús na tréimhse incháilitheachta mar atá leagtha amach i Rialachán (CE) Uimh. 1083/2006.

(9) Ba cheart mar sin Rialachán (CE) Uimh. 1083/2006 a leasú dá réir sin,

TAR ÉIS AN RIALACHÁN SEO A GHLACADH:

Airteagal 1

Leasaítear Rialachán (CE) Uimh. 1083/2006 mar seo a leanas:

(1)          Cuirtear pointe 8 mar seo a leanas le hAirteagal 2:

"(8)    "deontas inaisíoctha": rannchuidiú airgeadais díreach ar mhodh dámhachtana ar féidir dó a bheith inaisíoctha, ina iomláine nó i bpáirt, gan ús."

(2)          I gCaibidil II de Theideal III, cuirtear Roinn 3a isteach mar seo a leanas:

"Roinn 3a

Cúnamh inaisíoctha

Airteagal 43a Cineálacha cúnaimh inaisíoctha

1.       Mar chuid de chlár oibríochta, féadfar cómhaoiniú a thabhairt as na Cistí Struchtúracha le haghaidh cúnaimh inaisíoctha i bhfoirm deontas inaisíoctha, nó línte creidmheasa arna mbainistiú ag údaráis bhainistíochta trí chomhlachtaí idirmheánacha ar institiúidí airgeadais poiblí iad.

2.       Déanfar an ráiteas caiteachais maidir le cúnamh inaisíoctha a chur isteach i gcomhréir le hAirteagal 78(1) go (5).

Airteagal 43b Cúnamh inaisíoctha a athúsáid

Déanfar cúnamh a aisíocfar leis an gcomhlacht a thug an cúnamh nó le húdarás inniúil eile de chuid an Bhallstáit a choinneáil i gcuntas ar leith agus athúsáidfear é chun na críche céanna nó i gcomhréir le cuspóirí an chláir oibríochta."

(3)          Cuirtear Airteagal 44a isteach mar seo a leanas isteach:

"Airteagal 44a Gan forálacha áirithe a chur i bhfeidhm

Ní bheidh feidhm ag Airteagail 39, 55 ná 57 maidir le hoibríochtaí a thagann faoi Airteagal 44."

(4)          Cuirtear isteach Airteagal 67a mar seo a leanas:

"Airteagal 67a Tuarascálacha maidir le cur chun feidhme ionstraimí innealtóireachta airgeadais.

1.       Faoin 31 Eanáir agus faoin 15 Meán Fómhair gach bliain, cuirfidh an t‑údarás bainistíochta tuarascáil shonrach chuig an gCoimisiún ina gcumhdófar na hoibríochtaí a chuimsíonn ionstraimí innealtóireachta airgeadais le haghaidh na tréimhse go dtí an 31 Nollaig agus go dtí an 30 Meitheamh faoi seach.

2.       Beidh an fhaisnéis seo a leanas, i gcás gach ionstraime innealtóireachta airgeadais, ar áireamh sna tuarascálacha dá dtagraítear i mír 1:

(a)     tuairisc ar an ionstraim innealtóireachta airgeadais agus ar na socruithe cur chun feidhme;

(b)     sainaithint na n‑eintiteas a chuireann an ionstraim innealtóireachta airgeadais chun feidhme, lena n‑áirítear iad siúd a ghníomhaíonn trí chistí sealbhaíochta, chomh maith le tuairisc ar a bpróiseas roghnúcháin;

(c)     dátaí na n‑íocaíochtaí agus méideanna an chúnaimh ó na Cistí Struchtúracha agus ó chómhaoiniú náisiúnta arna íoc leis an ionstraim innealtóireachta airgeadais;

(d)     dátaí agus méideanna comhfhreagracha atá ar áireamh i ráitis chaiteachais arna gcur faoi bhráid an Choimisiúin agus dátaí agus méideanna arna n‑aisíoc ag an gCoimisiún;

(e)     méideanna an chúnaimh ó na Cistí Struchtúracha agus ó chómhaoiniú náisiúnta arna íoc ag an ionstraim innealtóireachta airgeadais;"

(5)          Cuirtear an fhomhír seo a leanas le hAirteagal 78(6):

"An rannchuidiú airgeadais le hionstraimí innealtóireachta airgeadais mar atá sainithe in Airteagal 44, ar rannchuidiú airgeadais é atá ar áireamh i ráiteas caiteachais agus nár íocadh mar chaiteachas incháilithe i gcomhréir leis an dara fomhír den mhír seo laistigh de dhá bhliain ó dháta an ráitis chaiteachais dheimhnithe lena mbaineann, bainfear an rannchuidiú sin as an gcéad ráiteas caiteachas deimhnithe eile."

(6)          Cuirtear isteach Airteagal 78a mar seo a leanas:

"Airteagal 78a Ceanglas maidir le faisnéis a sholáthar sa ráiteas caiteachais

Soláthrófar sa ráiteas caiteachais a chuirfear faoi bhráid an Choimisiúin an fhaisnéis ar fad is gá ionas gur féidir leis an gCoimisiún cuntais a sholáthar i gcomhréir le hAirteagal 61(2) de Rialachán (CE) Uimh. 1605/2002.

Chun na coinníollacha aonfhoirmeacha a shainiú le haghaidh chur i bhfeidhm an Airteagail seo, tabharfar de chumhacht don Choimisiún gníomhartha tarmligthe a ghlacadh i gcomhréir le hAirteagal 291 den Chonradh ar Fheidhmiú an Aontais Eorpaigh."

Airteagal 2

Tiocfaidh an Rialachán seo i bhfeidhm an tríú lá tar éis lá a fhoilsithe in Iris Oifigiúil an Aontais Eorpaigh.

Beidh feidhm aige ón 1 Eanáir 2007 ar aghaidh.

Beidh feidhm ag míreanna 4, 5 agus 6 d'Airteagal 1 le héifeacht ó dháta theacht i bhfeidhm an Rialacháin seo, áfach.

Chun críocha Airteagal 1(5), i gcás inar áiríodh an rannchuidiú airgeadais i ráiteas caiteachais cheana féin roimh theacht i bhfeidhm an Rialacháin seo, tosóidh an tréimhse dhá bhliain an lá a thiocfaidh an Rialachán seo i bhfeidhm.

Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.

Arna dhéanamh sa Bhruiséil, an

Thar ceann Pharlaimint na hEorpa,             Thar ceann na Comhairle,

An tUachtarán                                               An tUachtarán

RÁITEAS AIRGEADAIS REACHTACH

1.           AINM AN TOGRA:

Togra le haghaidh RIALACHÁIN (AE) Uimh. .../2011 Ó PHARLAIMINT NA hEORPA AGUS ÓN gCOMHAIRLE lena leasaítear Rialachán (CE) Uimh. 1083/2006 maidir le cúnamh inaisíoctha agus innealtóireacht airgeadais.

2.           CREAT ABM/ABB (bainistiú de réir gníomhaíochtaí/bunú an bhuiséid de réir gníomhaíochtaí)

Réimsí beartais lena mbaineann agus aon Ghníomhaíochtaí gaolmhara:

Beartas réigiúnach; Gníomhaíocht ABB 13.03

Fostaíocht agus Gnóthaí Sóisialta; Gníomhaíocht ABB 04.02

3.           NA LÍNTE BUISÉID

3.1.        Na línte buiséid (línte oibríochtúla agus línte a bhaineann le cúnamh teicniúil agus riaracháin (na seanlínte B.A.)):

Cuirfear an ghníomhaíocht nua atá beartaithe chun feidhme ar na línte buiséid seo a leanas:

· 13.031600 Cóineasú (Ciste Forbraíochta Réigiúnaí na hEorpa - CFRE)

· 13.031700 Síocháin (CFRE)

· 13.031800 Fostaíocht agus iomaíocht réigiúnach (CFRE)

· 13.031900 Comhar críochach (CFRE)

· 04.0217 Cóineasú (Ciste Sóisialta na hEorpa - CSE)

· 04.0219 Fostaíocht agus iomaíocht réigiúnach (CSE)

3.2.        Fad thréimhse na gníomhaíochta agus an tionchair airgeadais:

D'fhéadfadh an beart atá beartaithe feabhas a chur ar chur chun feidhme toisc go soláthróidh sé deimhneacht dhlíthiúil do na Ballstáit maidir le húsáid gach cineáil cúnaimh inaisíoctha.

Ina theannta sin, tabharfar oibleagáidí dlíthiúla isteach go gcaithfidh ionstraimí innealtóireachta airgeadais laistigh de thréimhse dhá bhliain an rannchuidiú airgeadais arna íoc ag údaráis bhainistíochta chun cistí den sórt sin a bhunú nó chun rannchuidiú leo; thairis sin tá oibleagáidí tuairiscithe leagtha amach le haghaidh ionstraimí innealtóireachta airgeadais, agus bunófar iad chun an t‑íosmhéid faisnéise a chur ag sreabhadh ó na Ballstáit chuig an gCoimisiún maidir le hionstraimí innealtóireachta airgeadais a chur chun feidhme ar an talamh. Ní chuirfear na hoibleagáidí sin i bhfeidhm go haisghníomhach. Níl aon tionchar airgeadais aige ar bhuiséad an Aontais toisc nach gá aon acmhainní breise.

3.3.        Saintréithe buiséadacha:

Líne buiséid || Saghas caiteachais || Nua || Ranníocaíocht CSTE || Ranníocaíochtaí na dtíortha is iarrthóirí || Ceannteideal sa Pheirspictíocht Airgeadais

13.031600 || Neamhéigeantach || Difreáilte || Níl || Níl || Níl || Uimh. 1b

13.031700 || Neamhéigeantach || Difreáilte || Níl || Níl || Níl || Uimh. 1b

13.031800 || Neamhéigeantach || Difreáilte || Níl || Níl || Níl || Uimh. 1b

13.031900 || Neamhéigeantach || Difreáilte || Níl || Níl || Níl || Uimh. 1b

04.0217 || Neamhéigeantach || Difreáilte || Níl || Níl || Níl || Uimh. 1b

04.0219 || Neamhéigeantach || Difreáilte || Níl || Níl || Níl || Uimh. 1b

4.           ACHOIMRE AR NA hACMHAINNÍ

4.1.        Acmhainní Airgeadais

4.1.1.     Achoimre ar na leithreasaí faoi chomhair oibleagáidí (LO) agus na leithreasaí faoi chomhair íocaíochtaí (LÍ)

Léirítear sna táblaí a leanas an tionchar a mheastar a bheidh ag na bearta atá beartaithe idir 2011 agus 2013.

EUR milliúin (go dtí an 3ú deachúil)

Saghas caiteachais || Uimh. na coda || || Bliain n || n + 1 || n + 2 || n + 3 || n + 4 || n+5 agus níos déanaí || Iomlán

Caiteachas oibríochtúil[6] || || || || || || || ||

Leithreasaí faoi chomhair oibleagáidí (LO) || 8.1 || a || neamhbhainteach || neamhbhainteach || neamhbhainteach || neamhbhainteach || neamhbhainteach || neamhbhainteach || neamhbhainteach

Leithreasaí faoi chomhair íocaíochtaí (LÍ) || || b || neamhbhainteach || neamhbhainteach || neamhbhainteach || neamhbhainteach || neamhbhainteach || neamhbhainteach || neamhbhainteach

Caiteachas riaracháin laistigh den mhéid tagartha[7] || || || ||

Cúnamh teicniúil agus riaracháin – (Leithreasaí neamhdhifreáilte) || 8.2.4 || c || neamhbhainteach || neamhbhainteach || neamhbhainteach || neamhbhainteach || neamhbhainteach || neamhbhainteach || neamhbhainteach

AN MÉID TAGARTHA IOMLÁN || || || || || || ||

Leithreasaí faoi chomhair oibleagáidí || || a+c || neamhbhainteach || neamhbhainteach || neamhbhainteach || neamhbhainteach || neamhbhainteach || neamhbhainteach || neamhbhainteach

Leithreasaí faoi chomhair íocaíochtaí || || b+c || neamhbhainteach || neamhbhainteach || neamhbhainteach || neamhbhainteach || neamhbhainteach || neamhbhainteach || 0,000

Caiteachas riaracháin nach n-áirítear sa mhéid tagartha[8] || ||

Acmhainní daonna agus caiteachas a bhaineann leo (LN) || 8.2.5 || d || neamhbhainteach || neamhbhainteach || neamhbhainteach || neamhbhainteach || neamhbhainteach || neamhbhainteach || neamhbhainteach

Costais riaracháin amach ó acmhainní daonna agus caiteachas a bhaineann leo, nach n-áirítear sa mhéid tagartha (LN) || 8.2.6 || e || neamhbhainteach || neamhbhainteach || neamhbhainteach || neamhbhainteach || neamhbhainteach || neamhbhainteach || neamhbhainteach

Costas táscach iomlán ar an idirghabháil i dtéarmaí airgeadais

IOMLÁN LO agus costas na n-acmhainní daonna san áireamh || || a+c+d+e || neamhbhainteach || neamhbhainteach || neamhbhainteach || neamhbhainteach || neamhbhainteach || neamhbhainteach || neamhbhainteach

IOMLÁN LÍ agus costas na n-acmhainní daonna san áireamh || || b+c+d+e || neamhbhainteach || neamhbhainteach || neamhbhainteach || neamhbhainteach || neamhbhainteach || neamhbhainteach || neamhbhainteach

Sonraí an Chómhaoinithe

EUR milliúin (go dtí an 3ú deachúil)

Comhlacht cómhaoinithe || || Bliain n || n + 1 || n + 2 || n + 3 || n + 4 || n+5 agus níos déanaí || Iomlán

…………………… || f || neamhbhainteach || neamhbhainteach || neamhbhainteach || neamhbhainteach || neamhbhainteach || neamhbhainteach || neamhbhainteach

IOMLÁN LO lena n-áirítear cómhaoiniú || a+c+d+e+f || neamhbhainteach || neamhbhainteach || neamhbhainteach || neamhbhainteach || neamhbhainteach || neamhbhainteach || neamhbhainteach

4.1.2.     Comhoiriúnacht don Chlárú Airgeadais

x     Tá an togra comhoiriúnach don chlárú airgeadais atá ann cheana.

¨      Tiocfaidh den togra seo go ndéanfar athchlárú faoin teideal ábhartha sa pheirspictíocht airgeadais.

¨      Féadfaidh an togra a cheangal go mbeidh gá forálacha an Chomhaontaithe Idirinstitiúidigh[9] a chur chun feidhme (i.e. ionstraim sholúbthachta nó athbhreithniú ar an bpeirspictíocht airgeadais).

4.1.3.     Tionchar airgeadais ar Ioncam

x      Níl tionchar airgeadais ar bith ag an togra ar ioncam

¨      Tá tionchar airgeadais ag an togra seo – is í seo a leanas an tionchar ar ioncam:

EUR milliún (go dtí an 1ú deachúil)

|| || Roimh ghníomhaíocht [Bliain n-1] || || Staid tar éis na gníomhaíochta

Líne buiséid || Ioncam || || [Bliain n] || [n+1] || [n+2] || [n+3] || [n+4] || [n+5][10]

|| a) Ioncam mar ghlanfhigiúr || || || neamhbhainteach || neamhbhainteach || neamhbhainteach || neamhbhainteach || neamhbhainteach || neamhbhainteach

b) Athrú san ioncam ||  D || || neamhbhainteach || neamhbhainteach || neamhbhainteach || neamhbhainteach || neamhbhainteach || neamhbhainteach

(Sonraigh gach líne buiséid ioncaim atá i gceist, ag cur na sraitheanna breise is gá leis an tábla má tá tionchar ar níos mó ná líne buiséid amháin.)

4.2.        Acmhainní daonna FTE (lena n-áirítear oifigigh, foireann shealadach agus foireann sheachtrach) – féach na sonraí faoi phointe 8.2.1.

Riachtanais Bhliantúla || Bliain n || n + 1 || n + 2 || n + 3 || n + 4 || n+5 agus níos déanaí

Líon iomlán na n-acmhainní daonna || neamhbhainteach || neamhbhainteach || neamhbhainteach || neamhbhainteach || neamhbhainteach || neamhbhainteach

5.           SAINTRÉITHE AGUS CUSPÓIRÍ

5.1.        An riachtanas is gá a shásamh sa ghearrthéarma nó san fhadtéarma

Ós rud é go bhfuil sé nasctha le fíorchaiteachas arna thabhú ag tairbhithe, nuair a aisíocfar éilimh íocaíochta lena n‑áirítear cineálacha cúnaimh atá inaisíoctha ar leibhéal oibríochtaí, cuirfear le fad thionchar idirghabhálacha na gcistí struchtúracha i réimsí agus in earnálacha ina dtugtar cúnamh.

5.2.        An breisluach toisc an Comhphobal a bheith páirteach ann, comhchuibheas an togra le hionstraimí airgeadais eile agus sineirgíocht a d'fhéadfadh a bheith ann

Trí leanúint le dea‑chleachtas maidir le cineálacha cúnaimh inaisíoctha ar leibhéal na dtionscadal, cruthófar ionstraimí a mhairfidh i bhfad agus beifear in ann Cistí a athúsáid.

5.3.        Cuspóirí, torthaí a bhfuiltear ag súil leo agus táscairí bainteacha an togra i gcomhthéacs an chreata le haghaidh bainistíochta de réir gníomhaíochta (ABM)

Beidh éifeachtaí dearfacha ar chur chun feidhme clár ar an talamh a bhuí le tuilleadh soiléirithe ar na rialacha a rialaíonn an beartas comhtháthaithe. Déanfar tuilleadh spreagtha chun úsáid a bhaint as cineálacha cúnaimh inaisíoctha agus fágfaidh sin go mbeidh breis giarála agus inmharthanachta in idirghabhálacha.

5.4.        Modhanna cur chun feidhme (táscach)

Léirigh thíos na modhanna a roghnaíodh do chur chun feidhme na gníomhaíochta.

· Leis na Ballstáit

6.           FAIREACHÁN AGUS MEASTÓIREACHT

6.1.        An córas faireacháin

Níl gá le ceann, ós rud é go dtagann sé faoi fhaireachán bunaithe na gCistí Struchtúracha.

6.2.        Meastóireacht

6.2.1.     Meastóireacht ex-ante

Ós rud é go bhfuil sé d'aidhm ag an togra seo cleachtas bunaithe agus inchosanta a cheadú agus go gcuirfidh sé easnamh atá sa Rialachán atá ann faoi láthair ina cheart, ní dhearnadh aon mheastóireacht ex-ante.

6.2.2.     Bearta a rinneadh i ndiaidh meastóireachta idirmheánaí/ex-post (ceachtanna a foghlaimíodh ó thaithí a fuarthas san am atá thart)

Neamhbhainteach

6.2.3.     Téarmaí agus minicíocht meastóireachta sa todhchaí

Neamhbhainteach

7.           BEARTA FRITH-CHALAOISE

neamhbhainteach

8.           SONRAÍ NA nACMHAINNÍ

8.1.        Cuspóirí an togra i dtéarmaí a gcostais airgeadais

Leithreasaí faoi chomhair oibleagáidí in EUR milliúin (go dtí an 3ú deachúil)

(Is ceart ceannteidil na gcuspóirí, na ngníomhaíochtaí agus na n-aschur a sholáthar) || Saghas aschuir || Meán-chostas || Bliain n || Bliain n + 1 || Bliain n + 2 || Bliain n + 3 || Bliain n+4 || Bliain n + 5 agus níos déanaí || IOMLÁN

Líon aschur || Costas iomlán || Líon aschur || Costas iomlán || Líon aschur || Costas iomlán || Líon aschur || Costas iomlán || Líon aschur || Costas iomlán || Líon aschur || Costas iomlán || Líon aschur || Costas iomlán

CUSPÓIR OIBRÍOCHTÚIL Uimh. 1 Cur chun feidhme na gclár oibríochta a chothabháil || || || || || || || || || || || || || || || ||

Gníomhaíocht 1 – ráta cómhaoinithe 100% || || || || 0,000 || || 0,000 || || || || || || || || || || 0,000

COSTAS IOMLÁN || || || || 0,000 || || 0,000 || || || || || || || || || || 0,000

8.2.        Caiteachas Riaracháin

8.2.1.     Líon agus saghas acmhainní daonna

Cineál poist || || Na baill foirne a mbeidh sé de chúram orthu an ghníomhaíocht a bhainistiú ag baint úsáide as acmhainní atá ann cheana agus/nó acmhainní breise (an líon post/FTEnna)

|| || Bliain n || Bliain n + 1 || Bliain n + 2 || Bliain n + 3 || Bliain n+4 || Bliain n + 5

Oifigigh nó foireann shealadach (XX 01 01) || A*/AD || neamhbhainteach || neamhbhainteach || neamhbhainteach || neamhbhainteach || neamhbhainteach || neamhbhainteach

B*, C*/AST || neamhbhainteach || neamhbhainteach || neamhbhainteach || neamhbhainteach || neamhbhainteach || neamhbhainteach

Foireann arna maoiniú faoi Airteagal XX 01 02 || neamhbhainteach || neamhbhainteach || neamhbhainteach || neamhbhainteach || neamhbhainteach || neamhbhainteach

Foireann eile arna maoiniú faoi Airteagal XX 01 04/05 || neamhbhainteach || neamhbhainteach || neamhbhainteach || neamhbhainteach || neamhbhainteach || neamhbhainteach

IOMLÁN || neamhbhainteach || neamhbhainteach || neamhbhainteach || neamhbhainteach || neamhbhainteach || neamhbhainteach

8.2.2.     Tuairisc ar na cúraimí a thagann as an ngníomhaíocht

N/B

8.2.3.     Foinsí na n-acmhainní daonna (reachtúla)

(Nuair a luaitear níos mó ná foinse amháin, sonraigh an líon post a thagann as gach foinse)

¨      Poist leithdháilte faoi láthair ar bhainistiú an chláir agus a bheidh le hathrú nó le síneadh.

¨      Poist leithdháilte roimh ré laistigh de chleachtadh APS/PDB do bhliain n

¨      Poist a iarrfar sa chéad nós imeachta APS/PDB eile

¨      Poist a ath-imscarfar ag baint úsáide as na hacmhainní atá ann cheana laistigh den tseirbhís (ath-imscaradh inmheánach)

¨      Poist is gá do bhliain n cé nach raibh siad á dtuar i gcleachtadh APS/PDB na bliana a bhí i gceist

8.2.4.     Caiteachas Riaracháin eile a chumhdaítear sa mhéid tagartha (XX 01 04/05 – Caiteachas ar bhainistiú riaracháin)

EUR milliúin (go dtí an 3ú deachúil)

Líne buiséid (uimhir agus ceannteideal) || Bliain n || Bliain n + 1 || Bliain n + 2 || Bliain n + 3 || Bliain n+4 || Bliain n + 5 agus níos déanaí || IOMLÁN

1      Cúnamh teicniúil agus riaracháin (lena n-áirítear costais a bhaineann le foireann) || || || || || || ||

Gníomhaireachtaí feidhmiúcháin || neamhbhainteach || neamhbhainteach || neamhbhainteach || neamhbhainteach || neamhbhainteach || neamhbhainteach || neamhbhainteach

Cúnamh teicniúil agus riaracháin eile || neamhbhainteach || neamhbhainteach || neamhbhainteach || neamhbhainteach || neamhbhainteach || neamhbhainteach || neamhbhainteach

- intra muros || neamhbhainteach || neamhbhainteach || neamhbhainteach || neamhbhainteach || neamhbhainteach || neamhbhainteach || neamhbhainteach

- extra muros || neamhbhainteach || neamhbhainteach || neamhbhainteach || neamhbhainteach || neamhbhainteach || neamhbhainteach || neamhbhainteach

Cúnamh teicniúil agus riaracháin iomlán || neamhbhainteach || neamhbhainteach || neamhbhainteach || neamhbhainteach || neamhbhainteach || neamhbhainteach || neamhbhainteach

8.2.5.     Costas airgeadais na n-acmhainní daonna agus costais ghaolmhara nach n-áirítear sa mhéid tagartha

EUR milliúin (go dtí an 3ú deachúil)

Cineál acmhainní daonna || Bliain n || Bliain n + 1 || Bliain n + 2 || Bliain n + 3 || Bliain n+4 || Bliain n + 5 agus níos déanaí

Oifigigh agus foireann shealadach (XX 01 01) || neamhbhainteach || neamhbhainteach || neamhbhainteach || neamhbhainteach || neamhbhainteach || neamhbhainteach

Foireann atá á maoiniú ag Airteagal XX 01 02 (foireann chúnta, END, foireann ar conradh, etc.) (sonraigh an líne sonrach buiséid) || neamhbhainteach || neamhbhainteach || neamhbhainteach || neamhbhainteach || neamhbhainteach || neamhbhainteach

Costas iomlán na nAcmhainní Daonna agus costais ghaolmhara (NACH n-áirítear sa mhéid tagartha) || neamhbhainteach || neamhbhainteach || neamhbhainteach || neamhbhainteach || neamhbhainteach || neamhbhainteach

Ríomh – Oifigigh agus Gníomhairí sealadacha

Is ceart tagairt a dhéanamh do Phointe 8.2.1. más iomchuí

neamhbhainteach

Ríomh – Foireann arna maoiniú faoi Airteagal XX 01 02

Is ceart tagairt a dhéanamh do Phointe 8.2.1. más iomchuí

neamhbhainteach

8.2.6.     Caiteachas eile riaracháin nach n-áirítear sa mhéid tagartha

EUR milliúin (go dtí an 3ú deachúil)

|| Bliain n || Bliain n + 1 || Bliain n + 2 || Bliain n + 3 || Bliain n+4 || Bliain n + 5 agus níos déanaí || IOMLÁN

XX 01 02 11 01 – Misin || neamhbhainteach || neamhbhainteach || neamhbhainteach || neamhbhainteach || neamhbhainteach || neamhbhainteach || neamhbhainteach

XX 01 02 11 02 – Cruinnithe agus comhdhálacha || neamhbhainteach || neamhbhainteach || neamhbhainteach || neamhbhainteach || neamhbhainteach || neamhbhainteach || neamhbhainteach

XX 01 02 11 03 – Coistí || neamhbhainteach || neamhbhainteach || neamhbhainteach || neamhbhainteach || neamhbhainteach || neamhbhainteach || neamhbhainteach

XX 01 02 11 04 – Staidéir agus comhairliúcháin || neamhbhainteach || neamhbhainteach || neamhbhainteach || neamhbhainteach || neamhbhainteach || neamhbhainteach || neamhbhainteach

XX 01 02 11 05 – Córais faisnéise || neamhbhainteach || neamhbhainteach || neamhbhainteach || neamhbhainteach || neamhbhainteach || neamhbhainteach || neamhbhainteach

 2     Caiteachas iomlán eile bainistíochta (XX 01 02 11) || neamhbhainteach || neamhbhainteach || neamhbhainteach || neamhbhainteach || neamhbhainteach || neamhbhainteach || neamhbhainteach

3      Caiteachas eile de chineál riaracháin (sonraigh agus cuir isteach tagairt don líne buiséid) || neamhbhainteach || neamhbhainteach || neamhbhainteach || neamhbhainteach || neamhbhainteach || neamhbhainteach || neamhbhainteach

Iomlán an chaiteachais riaracháin cé is moite d'acmhainní daonna agus costais ghaolmhara (NACH n-áirítear sa mhéid tagartha) || neamhbhainteach || neamhbhainteach || neamhbhainteach || neamhbhainteach || neamhbhainteach || neamhbhainteach || neamhbhainteach

Ríomh – Caiteachas eile riaracháin nach n-áirítear sa mhéid tagartha

neamhbhainteach

[1]               IO L , , lch .

[2]               IO L , , lch .

[3]               IO L 210, 31.7.2006, lch 25.

[4]               IO L 210, 31.7.2006, lch 12.

[5]               IO L 248, 16.9.2002, lch 1.

[6]               Caiteachas nach dtagann faoi Chaibidil xx 01 de Theideal xx atá i gceist

[7]               Caiteachas laistigh d'Airteagal xx 01 04 de Theideal xx.

[8]               Caiteachas laistigh de Chaibidil xx 01, seachas Airteagail xx 01 04 nó xx 01 05.

[9]               Féach pointí 19 agus 24 den Chomhaontú Idirinstitiúideach.

[10]             Ba cheart colúin bhreise a chur leis más gá i.e. má théann tréimhse na gníomhaíochta thar 6 bliana.