(1)

Le Rialachán (CE) Uimh. 1831/2003 déantar foráil maidir le húdarú breiseán lena n-úsáid i gcothú ainmhithe agus maidir leis an bhforas agus na nósanna imeachta i leith an t-údarú sin a dheonú agus a athnuachan.

(2)

Le Rialachán (CE) Uimh. 537/2007 ón gCoimisiún (2) údaraíodh ullmhóid den táirge coipthe ó Aspergillus oryzae NRRL 458 ar feadh 10 mbliana mar bhreiseán beathaithe le haghaidh ba déiríochta.

(3)

I gcomhréir le hAirteagal 14 de Rialachán (CE) Uimh. 1831/2003, cuireadh iarratas isteach chun údarú na hullmhóide sin den táirge coipthe ó Aspergillus oryzae NRRL 458 a athnuachan mar bhreiseán beathaithe le haghaidh ba déiríochta i gcatagóir na mbreiseán ‘breiseáin zóiteicniúla’ agus san fheidhmghrúpa ‘feabhsaitheoirí díleáiteachta’. Bhí na sonraí agus na doiciméid a cheanglaítear faoi Airteagal 14(2) den Rialachán sin ag gabháil leis an iarratas.

(4)

Chinn an tÚdarás Eorpach um Shábháilteacht Bia (‘an tÚdarás’) sa tuairim uaidh an 10 Samhain 2021 (3), ag tagairt dá thuairim an 28 Eanáir 2020 (4), gur sholáthair an t-iarratasóir fianaise go bhfuil an ullmhóid den táirge coipthe ó Aspergillus oryzae NRRL 458 fós sábháilte do na spriocspeicis, do na tomhaltóirí agus don chomhshaol faoi na coinníollacha úsáide a údaraítear faoi láthair. Dúirt an tÚdarás gur cheart an ullmhóid a mheas mar íogróir riospráide féideartha, agus chuir sé in iúl nach raibh gá measúnú a dhéanamh ar a héifeachtúlacht i gcomhthéacs athnuachan an údaraithe. D’fhíoraigh sé freisin an tuarascáil ar na modhanna anailíse a úsáidtear chun substaintí gníomhacha na hullmhóide a rialú, lena n-áirítear modh modhnaithe chun gníomhaíocht in-1,4-béite-ghlúcanáise sa bhreiseán beatha a chainniochtú, ar tuarascáil í arna cur isteach ag an Saotharlann Tagartha a bunaíodh le Rialachán (CE) Uimh. 1831/2003. Mhol an tSaotharlann Tagartha sonraíocht agus tuairisciú na heinsíme in-1,4-béite-ghlúcanáis a athrú sa ghníomh údaraithe dá réir.

(5)

Léirítear sa mheasúnú ar an ullmhóid den táirge coipthe ó Aspergillus oryzae NRRL 458 go gcomhlíontar na coinníollacha maidir le húdarú dá bhforáiltear in Airteagal 5 de Rialachán (CE) Uimh. 1831/2003. Dá réir sin, ba cheart údarú na hullmhóide sin a athnuachan.

(6)

Measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte an duine a chosc, go háirithe a mhéid a bhaineann le húsáideoirí an bhreiseáin. Ba cheart na bearta cosanta sin a bheith gan dochar do cheanglais eile sábháilteachta oibrithe faoi dhlí an Aontais.

(7)

Mar thoradh ar údarú na hullmhóide den táirge coipthe ó Aspergillus oryzae NRRL 458 a athnuachan mar bhreiseán beathaithe, ba cheart Rialachán (CE) Uimh. 537/2007 a aisghairm.

(8)

Ós rud é nach gceanglaítear, ar chúiseanna sábháilteachta, go gcuirfear na modhnuithe ar na coinníollacha maidir le húdarú na hullmhóide lena mbaineann i bhfeidhm láithreach, is iomchuí foráil a dhéanamh maidir le hidirthréimhse do na páirtithe leasmhara chun iad féin a ullmhú chun na ceanglais nua a eascraíonn as athnuachan an údaraithe a chomhlíonadh.

(9)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,