(1)   

ciallaíonn ‘luachanna fógartha’ na luachanna arna soláthar ag an soláthróir i leith na bparaiméadar teicniúil sonraithe, ríofa nó tomhaiste sa doiciméadacht theicniúil de bhun Airteagal 3(3) de Rialachán (AE) 2017/1369 agus i gcomhréir le hAirteagal 3(1), pointe (d), agus le hIarscríbhinn VI den Rialachán seo, chun comhlíonadh údaráis na mBallstát a fhíorú;

(2)   

ciallaíonn ‘buanseasmhacht ceallraí in aghaidh an timthrialla’ an t-am is féidir le fón cliste nó le ríomhaire táibléid oibriú agus cás tástála sainithe á rith aige le ceallra lánluchtaithe tosaigh, sula stopann an gaireas go huathoibríoch mar gheall ar cheallra draenáilte, arna shloinneadh in uaireanta an chloig (h);

(3)   

ciallaíonn ‘toilleadh ainmniúil’ an méid leictreachais arna dhearbhú ag an monaróir is féidir le ceallra a sheachadadh le linn tréimhse 5 uair an chloig nuair a dhéantar é a thomhas faoi dhálaí sonraithe, arna shloinneadh ina n-uaireanta miollaimpéir (mAh);

(4)   

ciallaíonn ‘an toilleadh atá fágtha’ an toilleadh a bhíonn ann nuair a bhíonn an ceallra ag buaicphointe a fheidhmithe i gcónaí agus an toilleadh á thomhas i gcoibhneas leis an toilleadh a bhí ann nuair a bhí an táirge nua;

(5)   

ciallaíonn ‘buanseasmhacht ceallraí i dtimthriallta’ méid na dtimthriallta luchtaithe/díluchtaithe is féidir le ceallra a sheasamh go dtí go mbeidh 80 % dá thoilleadh ainmniúil de leictreachas in-úsáidte sroichte, arna shloinneadh i dtimthriallta;

(6)   

Ciallaíonn ‘END gaireas [h]’ buanseasmhacht na gceallraí in aghaidh an timthrialla a ríomhtar mar luach ualaithe bunaithe ar an mbuanseasmhacht tomhaiste i gcomhair feidhmeanna sainithe, lena n-áirítear fuireachas, arna sloinneadh in uaireanta an chloig;

(7)   

Ciallaíonn ‘C’ tomhas ar an ráta ag a ngearrtar ceallra i gcoibhneas lena thoilleadh, a shainmhínítear mar an sruth luchtaithe roinnte ar an toilleadh, arna shloinneadh in 1/h;

(8)   

ciallaíonn ‘voltas ainmniúil’ voltas ceallra arna thomhas ag an lárphointe idir é a luchtú go hiomlán agus é a dhíluchtú go hiomlán bunaithe ar ráta scaoilte 0,2 C;

(9)   

ciallaíonn ‘ voltas deiridh le haghaidh buanseasmhacht ceallraí i dtimthriallta tástála’ an voltas ciorcaid iata sonraithe ag a gcuirtear deireadh le díluchtú ceallra, le linn na tástála;

(10)   

ciallaíonn ‘innéacs éifeachtúlachta fuinnimh’ an cóimheas idir buanseasmhacht na gceallraí in aghaidh an timthrialla (ENDgaireas) agus voltas ainmniúil an cheallra arna iolrú faoi thoilleadh ainmniúil an cheallra;

(11)   

ciallaíonn ‘rátáil cosanta iontrála’ méid na cosanta arna sholáthar ag iatán in aghaidh dul isteach ábhar soladach coimhthíoch agus/nó méid na cosanta in aghaidh dul isteach uisce, arna thomhas de réir modhanna tástála caighdeánaithe agus arna shloinneadh le córas códaithe chun méid na cosanta sin a léiriú;

(12)   

ciallaíonn ‘staid bhreisithe go hiomlán’ staid an ghairis ina ndéantar páirteanna sochorraithe mar atá beartaithe lena n-úsáid, amhail taispeáintí agus méarchláir, a nochtadh, a shnámhadh ar oscailt nó a leathnú ar an gcaoi chéanna ionas go ndéantar an t-achar réamh-mheasta a mhaireann leithead a uasmhéadú;

(13)   

(14)   

ciallaíonn ‘páirt spártha’ páirt ar leithligh ar féidir léi an fheidhm chéanna nó an fheidhm chomhchosúil i bhfón cliste nó i ríomhaire táibléid a chur in ionad páirte. Déantar feidhmiúlacht an fhóin chliste nó an ríomhaire táibléid a athchóiriú nó a uasghrádú nuair a chuirtear páirt spártha in ionad na páirte. Féadfar páirteanna spártha a bheith ina bpáirteanna úsáidte;

(15)   

ciallaíonn ‘díchóimeáil’ próiseas trína scartar táirge ina bpáirteanna nó ina gcomhpháirteanna ar bhealach ina bhféadfaí é a athchóimeáil agus é a dhéanamh oibríochtúil ina dhiaidh sin;

(16)   

ciallaíonn ‘ceanglóir’ gaireas crua-earraí nó substaint lena nasctar nó lena ndaingnítear dhá réad nó dhá pháirt nó dhá phíosa nó níos mó go meicniúil, go maighnéadach nó ar bhealaí eile. Gaireas crua-earraí a bhfuil feidhm leictreach leis de bhreis air sin, measfar gur ceanglóir é;

(17)   

ciallaíonn ‘ceanglóir in-athúsáidte’ ceanglóir is féidir a athúsáid go hiomlán san athchóimeáil chun na críche céanna agus nach ndéanann aon damáiste don táirge ná don cheanglóir féin le linn an díchóimeála nó an phróisis athchóimeála ar bhealach a fhágann nach féidir iad a athúsáid níos mó ná uair amháin;

(18)   

ciallaíonn ‘ceanglóir athsholáthartha’ ceanglóir inbhainte a sholáthraítear gan aon chostas breise leis an bpáirt spártha a bhfuil sé beartaithe aige a nascadh nó a dhaingniú; measfar gur ceanglóirí athsholáthartha iad greamacháin má sholáthraítear an pháirt spártha dóibh i gcainníocht atá leordhóthanach i gcomhair na hathchóimeála, gan aon chostas breise;

(19)   

ciallaíonn ‘ceanglóir inbhainte’ ceanglóir nach ceanglóir in-athúsáide é, ach nach ndéanann damáiste don táirge nó go bhfágfar iarmhar lena gcoisctear athchóimeáil;

(20)   

ciallaíonn ‘céim’ oibríocht a chríochnaíonn agus páirt (nó cuach) á baint nó le hathrú uirlise; measfar gur baint bheidh ann freisin má chuirtear páirt in aon áit eile seachas a suíomh tosaigh, fiú más rud é go bhfuil páirt-dhícheangal nó díphlugáil i gceist;

(21)   

ciallaíonn ‘nuashonrú slándála’ nuashonrú ar an gcóras oibriúcháin, lena n-áirítear paistí slándála, más ábhartha iad le haghaidh gaireas ar leith, a bhfuil sé de phríomhchuspóir ag an ngaireas sin slándáil fheabhsaithe a sholáthar le haghaidh an ghairis;

(22)   

ciallaíonn ‘nuashonrú ceartaitheach’ nuashonrú ar an gcóras oibriúcháin, lena n-áirítear paistí ceartaitheacha, arb é is cuspóir dóibh ceartúcháin a sholáthar d’fhabhtanna, d’earráidí nó do mhífheidhmeanna sa chóras oibriúcháin;

(23)   

ciallaíonn ‘nuashonrú feidhmiúlachta’ nuashonrú ar an gcóras oibriúcháin arb é an príomhchuspóir atá le feidhmiúlachtaí nua a chur chun feidhme;

(24)   

ciallaíonn ‘ceallra’ aon pháirt de chomhdhéanamh cille ceallra amháin nó roinnt ceall ceallra, lena n-áirítear, a mhéid a bhaineann leis an múnla táirge, ciorcadra leictreonach a bhfuil braiteoirí ann a bhaineann le ceallraí agus ar le haghaidh bainistíocht ceallraí iad, cásálacha, tráidire ceallra, bracanna, díonadh, ábhair comhéadain teirmigh, agus naisc leictreacha le cóimeálacha eile den ghaireas;

(25)   

ciallaíonn cumhdach cúil’ nó ‘cóimeáil chumhdaigh cúil’ cásáil an phríomhchúil, lena n-áirítear ceann amháin nó níos mó de na heilimintí seo a leanas, a mhéid a bhaineann leis an múnla táirge: an fráma, ciseal cumhdaigh ar chúl ceangailte leis an bpríomhcheap cúil, cumhdaigh lionsa an cheamara cúil, aeróga clóite nó plátáilte, bracanna, sciatha, gaiscéid, naisc leictreacha le cóimeálacha eile den ghaireas agus ábhair chomhéadain theirmigh;

(26)   

ciallaíonn ‘micreafón cúnta’ micreafón nach bhfuil fíor-riachtanach le haghaidh comharthaí gutha úsáideoirí, ach a sholáthraíonn feidhmeanna tánaisteacha, amhail laghdú torainn chomhthimpeallaigh, gan a bheith teoranta dó sin;

(27)   

(28)   

(29)   

ciallaíonn ‘nascóir fuaime seachtraí’ nascóir le haghaidh comharthaí fuaime lena gceangal le fearas cinn nó le callairí nó le gaireas fuaime comhchosúil, lena n-áirítear, a mhéid a bhaineann leis an múnla táirge, bracanna, gaiscéid agus naisc leictreacha le cóimeálacha eile den ghaireas;

(30)   

ciallaíonn ‘port luchtaithe seachtrach’ port le haghaidh ceallra a luchtú trí shreang, ar port é a d’fhéadfadh a bheith in úsáid freisin le haghaidh sonraí a mhalartú agus gaireas eile a luchtú droim ar ais, ar de chomhdhéanamh ghabhdáin USB-C agus cásála gaolmhaire é, a n-áirítear leis, a mhéid a bhaineann leis an múnla táirge, bracanna, gaiscéid agus naisc leictreacha le cóimeálacha eile den ghaireas;

(31)   

ciallaíonn ‘cnaipe meicniúil’ lasc meicniúil nó cóimeáil de lasca meicniúla atá in-íslithe nó cnaipe sleamhnáin ar féidir é a bhogadh ar bhonn meicniúil chun feidhmeanna amhail airde fuaime, an ceamara a spreagadh, nó an gaireas a chur ar siúl nó a mhúchadh agus a n-áirítear leis sin, a mhéid a bhaineann leis an múnla táirge, bracanna, gaiscéid agus naisc leictreacha le cóimeálacha eile den ghaireas;

(32)   

ciallaíonn ‘micreafón príomhúil nó micreafóin phríomhúla’ micreafón nó micreafóin a bheartaítear le haghaidh comharthaí gutha an úsáideora lena n-áirítear, a mhéid a bhaineann leis an múnla táirge, bracanna, gaiscéid agus naisc leictreacha le cóimeálacha eile den ghaireas;

(33)   

ciallaíonn ‘cainteoir’ gach callaire agus gach páirt mheicniúil chun fuaim a ghiniúint, lena n-áirítear, a mhéid a bhaineann leis an múnla táirge, cásálacha modúil, gaiscéid agus naisc leictreacha le cóimeálacha eile den ghaireas;

(34)   

ciallaíonn ‘cóimeáil inse’ páirt lenar féidir gaireas a fhilleadh agus a shláine oibríochtúil á chaomhnú i gcomhthráth, lena n-áirítear, i gcás inarb ábhartha, cásálacha modúil;

(35)   

ciallaíonn ‘meicníocht fhilleadh meicniúil an scáileáin taispeána’ páirt lena gcumasaítear gaireas, lena n-áirítear a scáileán taispeána, chun a bheith fillte, trí bhíthin páirte nó cóimeála, agus a shláine oibríochtúil á chaomhnú i gcomhthráth;

(36)   

ciallaíonn ‘luchtaire’ soláthar cumhachta seachtrach chun an ceallra fóin póca, fóin gan sreang nó ríomhaire táibléid atá cheallra-chumhachtaithe a luchtú agus chun cumhacht leictreach a sholáthar dóibh;

(37)   

(38)   

ciallaíonn ‘deisitheoir gairmiúil’ oibreoir nó gnóthas a dheisíonn fóin chliste nó ríomhairí táibléid agus a dhéanann iad a chothabháil ar bhonn gairmiúil mar sheirbhís nó d’fhonn an gaireas deisithe a athdhíol ina dhiaidh sin;

(39)   

ciallaíonn ‘faisnéis faoi dheisiú agus faoi chothabháil’ an fhaisnéis faoi dheisiú agus faoi chothabháil amhail ó Iarscríbhinn II, pointe B 1.1 (2)e, a ghabhann le Rialachán (AE) 2023/1670 le haghaidh fóin chliste, agus amhail ó Iarscríbhinn II, pointe D 1.1 (2)e de Rialachán (AE) 2023/1670, le haghaidh ríomhairí táibléid, nach mór do mhonaróirí, d’allmhaireoirí nó d’ionadaithe údaraithe rochtain a thabhairt orthu maidir leis an táirge ábhartha;

(40)   

ciallaíonn ‘dáta chur ar an margadh’ an dáta a chuirtear an chéad aonad de mhúnla táirge ar an margadh;

(41)   

ciallaíonn ‘dáta thógáil as an margadh’ an dáta a chuirtear an t-aonad deireanach de mhúnla táirge ar an margadh;

(42)   

ciallaíonn ‘uirlis dhílseánach’ uirlis nach bhfuil ar fáil lena ceannach ag an bpobal i gcoitinne nó uirlis nach bhfuil aon phaitinn is infheidhme ar fáil ar cheadúnas ina leith faoi théarmaí réasúnacha agus neamh-idirdhealaitheacha;

(43)   

ciallaíonn ‘uirlisí bunúsacha’ scriúire le haghaidh cinn sliotánacha, scriúire le haghaidh scriúnna cros-chuais, scriúire le haghaidh cinn de chuas heicsea-mhaotháiníneach, eochair heicseagánach le haghaidh soicéid, rinse teaglama, greamairí teaglama, greamairí teaglama le haghaidh baint sreinge agus rocáil teirminéil, greamairí leath shoc-chiorclacha, gearrthóirí trasnánacha, greamairí ilghreamanna, greamairí glasála, luamhán bogtha, pionsúirín, gloine formhéadúcháin, uirlis slaite agus piocóid;

(44)   

ciallaíonn ‘uirlis atá ar fáil ar bhonn tráchtála’ uirlis atá ar fáil lena ceannach ag an bpobal i gcoitinne ach nach uirlis bhunúsach ná uirlis dhílseánach í;

(45)   

ciallaíonn ‘cumhdach cosanta ar leithligh’ cumhdach cosanta a fhéadfar a sheoladh le fón cliste nó ríomhaire táibléid, ach nach bhfeidhmíonn mar pháirt riachtanach den chásáil agus nach meastar mar dhlúthchuid den táirge.

1.   

2.   

Tábla 9.

Paraiméadair theicniúla an mhúnla agus a luachanna fógartha

3.   

1.   

I bhfógraí amhairc, chun críocha comhréireacht leis na ceanglais a leagtar síos in Airteagal 3(1), pointe (e), agus in Airteagal 4(1), pointe (c), a áirithiú, déanfar an aicme éifeachtúlachta fuinnimh agus raon na n-aicmí éifeachtúlachta fuinnimh atá ar fáil ar an lipéad a thaispeáint mar a leagtar amach i bpointe 4 den Iarscríbhinn seo.

2.   

In ábhar fógraíochta teicniúil, chun comhréireacht leis na ceanglais a leagtar síos in Airteagal 3(1), pointe (f), agus in Airteagal 4(1), pointe (d), a áirithiú, léireofar an aicme éifeachtúlachta fuinnimh agus raon na n-aicmí éifeachtúlachta fuinnimh atá ar fáil ar an lipéad mar a leagtar amach i bpointe 4 den Iarscríbhinn seo.

3.   

I gcás ciandíol páipéarbhunaithe, taispeánfar an aicme éifeachtúlachta fuinnimh agus raon na n-aicmí éifeachtúlachta fuinnimh atá ar fáil ar an lipéad mar a leagtar amach i bpointe 4 den Iarscríbhinn seo.

4.   

(d)

beidh an méid ar chaoi a fhágfaidh go mbeidh an tsaighead sofheicthe agus soléite go soiléir. Déanfar an litir sa tsaighead den aicme éifeachtúlachta fuinnimh a shuíomh i lár na coda dronuilleogaí den tsaighead, agus beidh teorainn 0,5 phointe i ndubh 100 % suite timpeall na saighde agus litir na haicme éifeachtúlachta fuinnimh. De mhaolú air sin, má dhéantar an fógra amhairc, an t-ábhar fógraíochta teicniúil nó an ciandíol páipéarbhunaithe a chlóbhualadh i monacróm, féadfaidh an tsaighead a bheith i monacrómach san fhógra amhairc, san ábhar fógraíochta teicniúil nó sa chiandíol páipéarbhunaithe sin. Fíor 1: Saighead dhaite/mhonacróm ar chlé, agus raon na n-aicmí éifeachtúlachta fuinnimh léirithe

5.   

Cuirfidh ciandíol bunaithe ar theileamhargaíocht an custaiméir ar an eolas go sonrach faoi aicme éifeachtúlachta fuinnimh an táirge agus faoi raon na n-aicmí éifeachtúlachta fuinnimh atá ar fáil ar an lipéad, agus tabharfar an deis don chustaiméir rochtain a fháil ar an lipéad iomlán agus ar an mbileog faisnéise faoin táirge trí shuíomh gréasáin saor-rochtana, nó trí chóip chlóite a iarraidh.

6.   

Maidir leis na cásanna go léir a luaitear i bpointí 1, 2, 3 agus 5, beidh an custaiméir in ann cóip chlóite den lipéad agus den bhileog faisnéise faoin táirge a fháil, arna iarraidh sin.

1.   

An lipéad iomchuí a chuirfidh soláthraithe ar fáil i gcomhréir le hAirteagal 3(1), pointe (g), léireofar é ar an sásra taispeána i ngaireacht do phraghas an táirge. Beidh an méid ar chaoi a fhágfaidh go mbeidh an lipéad sofheicthe agus soléite go soiléir agus go mbeidh sé comhréireach leis an méid a shonraítear in Iarscríbhinn III. Féadfar an lipéad a thaispeáint trí úsáid a bhaint as taispeáint neadaithe, agus sa chás sin comhlíonfaidh an íomhá a úsáidfear chun rochtain a fháil ar an lipéad na sonraíochtaí a leagtar síos i bpointe 2 den Iarscríbhinn seo. Má chuirtear taispeáint neadaithe i bhfeidhm, beidh an lipéad le feiceáil ar an gcéad chliceáil luiche, ar tar-rolladh na luiche nó ar leathnú an scáileáin thadhlaigh ar an íomhá.

2.   

(d)

beidh an fhormáid seo a leanas ann, agus beidh a mhéid de mhéid a fhágfaidh go mbeidh an tsaighead sofheicthe agus soléite go soiléir. Déanfar an litir sa tsaighead den aicme éifeachtúlachta fuinnimh a shuíomh i lár na coda dronuilleogaí den tsaighead, agus beidh teorainn infheicthe i ndubh 100 % suite timpeall na saighead agus litir na haicme éifeachtúlachta fuinnimh: Fíor 2: Saighead dhaite ar chlé, agus raon aicmí éifeachtúlachta fuinnimh léirithe

3.   

4.   

Taispeánfar an bhileog leictreonach faisnéise faoin táirge a chuirfidh an soláthróir ar fáil i gcomhréir le hAirteagal 3(1), pointe (h) ar an sásra taispeána i ngaireacht do phraghas an táirge. Beidh an méid ar chaoi a fhágfaidh go mbeidh an bhileog faisnéise faoin táirge sofheicthe agus soléite go soiléir. Féadfar an bhileog faisnéise faoin táirge a thaispeáint trí úsáid a bhaint as taispeáint neadaithe nó trí thagairt a dhéanamh don bhunachar sonraí táirgí, agus sa chás sin léireofar ‘Bileog faisnéise faoin táirge’ go soiléir soléite sa nasc a úsáidtear chun rochtain a fháil ar an mbileog faisnéise faoin táirge. Má úsáidtear taispeáint neadaithe, beidh an bhileog faisnéise faoin táirge le feiceáil ar an gcéad chliceáil luiche, ar tar-rolladh na luiche nó ar leathnú an scáileáin thadhlaigh ar an nasc.