(1)

Le hAirteagal 19(1) de Threoir 2003/87/CE, sular leasaíodh í le Treoir 2009/29/CE ó Pharlaimint na hEorpa agus ón gComhairle (2), ceanglaíodh ar na Ballstáit foráil a dhéanamh maidir le clárlann a bhunú agus a choinneáil ar bun chun cuntasaíocht chruinn ar eisiúint, sealbhú, aistriú agus cealú na lamháltas astaíochtaí gás ceaptha teasa a áirithiú. Chun na críche sin, le hAirteagal 19(3) de Threoir 2003/87/CE agus le hAirteagal 3 de Rialachán (CE) 2216/2004 ón gCoimisiún (3), cruthaíodh córas trádála astaíochtaí gás ceaptha teasa, ar córas é a tháinig i bhfeidhm i mí Eanáir 2005. Áirithíodh leis an gcóras sin cuntasaíocht chruinn ar na lamháltais astaíochtaí gás ceaptha teasa uile a eisíodh faoi chóras trádála astaíochtaí an Aontais (‘CTA AE’) agus coinníodh cuntas ar úinéireacht na lamháltas CTA AE a bhí á gcoinneáil i gcuntais leictreonacha. Is éard a bhí ann clárlanna na mBallstát uile agus Riarthóir Lárnach, arna ainmniú ag an gCoimisiún, a bhí chun loga idirbheartaíochta neamhspleách a choinneáil ar bun ina ndearnadh taifead ar eisiúint, aistriú agus cealú lamháltas. Cruthaíodh an loga idirbheartaíochta neamhspleách sin, is é sin Loga Beartaíochta Neamhspleách an Chomhphobail (CITL), de bhun Airteagal 5 de Rialachán (CE) Uimh. 2216/2004. Rinne CITL gach idirbheart a rinneadh idir na cuntais sna clárlanna náisiúnta a sheiceáil, a thaifeadadh agus a údarú go huathoibríoch. I gcás inar sainaithníodh neamhrialtachtaí trí na seiceálacha uathoibrithe, chuirfeadh CITL deireadh leis na hidirbhearta a raibh neamhrialtachtaí den sórt sin ag baint leo agus bheadh ar an riarthóir lárnach an Ballstát nó na Ballstáit lena mbaineann a chur ar an eolas faoi sin. Ina theannta sin, cuireadh d’oibleagáid ar an mBallstát nó ar na Ballstáit sin gan na hidirbhearta ná aon idirbheart eile a bhaineann leis na lamháltais lena mbaineann a chlárú go dtí gur réitíodh na neamhrialtachtaí.

(2)

Leasaíodh Airteagal 19(1) de Threoir 2003/87/CE le Treoir 2009/29/CE, lenar cuireadh Clárlann an Aontais in ionad na gclárlann náisiúnta. Bhí foráil idirthréimhseach in Airteagal 3 de Threoir 2009/29/CE, áfach, agus de bharr na forála sin, bhí forálacha Threoir 2003/87/CE le leanúint d’fheidhm a bheith acu go dtí an 31 Nollaig 2012. Idir an dá linn, cuireadh Loga Beartaíochta an Aontais Eorpaigh (‘EUTL’), a bunaíodh le hAirteagal 4 de Rialachán (AE) Uimh. 920/2010 ón gCoimisiún (4), in ionad CITL. Cuireadh Rialachán (AE) Uimh. 389/2013 ón gCoimisiún (5) in ionad an Rialacháin sin ón gCoimisiún, inar bunaíodh Clárlann an Aontais in Airteagal 4 de. Ina dhiaidh sin, cuireadh Rialachán Tarmligthe (AE) 2019/1122 ón gCoimisiún (6) in ionad an Rialacháin sin ón gCoimisiún, seachas Airteagal 3, pointe (30) de. Dá bhrí sin, i Rialachán Tarmligthe (AE) 2019/1122 anois tá na rialacha maidir le feidhmiú Chlárlann an Aontais do chéim 4 de chóras trádála astaíochtaí an Aontais (CTA AE), ar cuireadh tús leis l an 1 Eanáir 2021, agus tá gach lamháltas CTA AE a eisíodh ón 1 Eanáir 2012 ar aghaidh le coinneáil i gClárlann an Aontais. Mar thoradh ar lárú na gclárlann, tá EUTL mar chuid de Chlárlann an Aontais anois, rud ba cheart a léiriú i Rialachán Tarmligthe (AE) 2019/1122. Dá bhrí sin, déanann Clárlann an Aontais feidhmeanna uile EUTL ón 1 Eanáir 2012.

(3)

Mar chuid den nuachóiriú ar bhonneagar TF Chlárlann an Aontais, déanann an Coimisiún athmheasúnú tréimhsiúil ar ról agus ar fhorbairt fhéideartha na Clárlainne mar an riarthóir lárnach chun iomarcaíochtaí TF a bhaint (i.e. tagairt do roinnt comhpháirteanna TF seachas feidhmeanna nó seiceálacha) agus chun an bonneagar a ullmhú d’fhorbairtí ar an gcreat TF amach anseo, ach gan difear a dhéanamh dá fheidhmiúlacht ná dá shlándáil. Cé go ndéanfaidh nuachóiriú den sórt sin difear don chaoi a ndéanfar na seiceálacha uathoibrithe, na seiceálacha uile a fhorordaítear le hAirteagal 20(2) de Threoir 2003/87/CE lena n-áirithítear nach bhfuil aon neamhrialtacht ann agus lamháltais á n-eisiúint, á n-aistriú nó á gcealú, ba cheart iad a choinneáil ar bun.

(4)

Faoi láthair, is féidir le húsáideoirí Chlárlann an Aontais aistrithe a thionscnamh gan aon teorainn ag brath ar thairseacha (luach) an aistrithe. Chun feabhas a chur ar shlándáil na n-idirbheart ardluacha, ba cheart é a bheith sainordaitheach liostaí cuntas iontaofa a úsáid le haghaidh idirbhearta os cionn tairseach ar leith.

(5)

Sa Teachtaireacht uaidh an 13 Deireadh Fómhair 2021 maidir le praghsanna fuinnimh méadaitheacha (7), d’iarr an Coimisiún ar an Údarás Eorpach um Urrúis agus Margaí scrúdú níos géire a dhéanamh ar phatrúin iompraíochtaí trádála agus ar an ngá a d’fhéadfadh a bheith le gníomhaíochtaí spriocdhírithe ar mhargadh carbóin na hEorpa. Bhí sonraí Chlárlann an Aontais maidir le húinéireacht agus aistrithe lamháltas i gClárlann an Aontais ar cheann de na foinsí tábhachtacha le haghaidh na hanailíse sin a rinne an tÚdarás Eorpach um Urrúis agus Margaí. Léiríodh san anailís go mbeadh sé tairbheach, ar mhaithe le faireachán a dhéanamh ar an margadh, ceanglas a chur le Rialachán Tarmligthe (AE) 2019/1122 chun idirbhearta lamháltas astaíochtaí idir sealbhóirí cuntais atá mar chuid den ghrúpa céanna a shainaithint. Faoi láthair, ní éilítear faisnéis faoi struchtúr an ghrúpa ach amháin le haghaidh cuntais coinneála oibreora. An ceanglas maidir leis an bhfaisnéis sin a sholáthar, ba cheart é a thabhairt isteach maidir le cuntais trádála chomh maith.

(6)

Liostaítear in Airteagal 80(3) de Rialachán Tarmligthe (AE) 2019/1122 eintitis ar féidir leo sonraí a fháil ó Chlárlann an Aontais. Le Rialachán (AE) 2017/1939 ón gComhairle (8), bunaíodh Oifig an Ionchúisitheora Phoiblí Eorpaigh (OIPE), atá freagrach as coireanna in aghaidh leasanna airgeadais an Aontais a imscrúdú, a ionchúiseamh agus a thabhairt chun breithiúnais ó bhí an 1 Meitheamh 2021 ann. Áirítear leis na coireanna sin roinnt cineálacha calaoise, calaois CBL lena ngabhann damáistí os cionn EUR 10 milliún, sciúradh airgid, éilliú, etc. Is iomchuí, dá bhrí sin, OIPE a chur leis na heintitis a liostaítear in Airteagal 80(3) de Rialachán Tarmligthe (AE) 2019/1122.

(7)

Ba cheart, dá bhrí sin, Rialachán Tarmligthe (AE) 2019/1122 a leasú dá réir sin.

(8)

Chuathas i gcomhairle leis an Maoirseoir Eorpach ar Chosaint Sonraí i gcomhréir le hAirteagal 42 de Rialachán (AE) 2018/1725 ó Pharlaimint na hEorpa agus ón gComhairle (9) agus thug sé tuairim uaidh an 20 Aibreán 2023,

(1)

Leasaítear Airteagal 5 mar a leanas:

(2)

Leasaítear Airteagal 6 mar a leanas:

(3)

in Airteagal 7(4), an tríú habairt, scriostar na focail ‘agus EUTL’;

(4)

Leasaítear Airteagal 23 mar a leanas:

(5)

in Airteagal 30(1), pointe (c), scriostar na focail ‘nó EUTL’;

(6)

in Airteagal 52 agus in Airteagal 53(2), cuirtear ‘Clárlann an Aontais’ in ionad an acrainm ‘EUTL’;

(7)

In Airteagal 55, cuirtear an mhír 5 seo a leanas leis:

(8)

i dTeideal III, Forálacha teicniúla coiteanna, cuirtear an méid seo a leanas in ionad theideal Chaibidil 1:

‘CAIBIDIL 1

CEANGLAIS THEICNIÚLA CHLÁRLANN AN AONTAIS ’;

(9)

Leasaítear Airteagal 60 mar a leanas:

(10)

in Airteagal 62, scriostar na focail ‘ag EUTL’;

(11)

in Airteagal 65, scriostar na focail ‘nó EUTL’ agus ‘nó EUTL’;

(12)

in Airteagal 66(2), scriostar na focail ‘nó EUTL’;

(13)

Leasaítear Airteagal 68 mar a leanas:

(14)

in Airteagal 70, cuirtear ‘Clárlann an Aontais’ in ionad an acrainm ‘EUTL’;

(15)

cuirtear an méid seo a leanas in ionad Airteagal 71:

(16)

in Airteagal 72(2), cuirtear ‘Clárlann an Aontais’ in ionad an acrainm ‘EUTL’.

(17)

cuirtear an méid seo a leanas in ionad Airteagal 73:

(18)

cuirtear an méid seo a leanas in ionad Airteagal 74:

(19)

in Airteagal 76, scriostar na focail ‘sula ndéanfar nasc cumarsáide a bhunú agus a ghníomhachtú idir leagan nua nó eisiúint nua na mbogearraí sin agus EUTL’;

(20)

Leasaítear Airteagal 77 mar a leanas:

(21)

in Airteagal 79(1), scriostar na focail ‘in EUTL nó’;

(22)

Leasaítear Airteagal 80 mar a leanas:

(23)

in Airteagal 82, scriostar na focail ‘agus EUTL’;

(24)

Leasaítear Iarscríbhinní III, IV, VI, VII, VIII agus XIII i gcomhréir le hIarscríbhinn I;

(25)

cuirtear an téacs a leagtar amach in Iarscríbhinn II isteach mar Iarscríbhinn XIV.