(1)

An 26 Feabhra 2011, ghlac Comhairle Slándála na Náisiún Aontaithe Rún ó Chomhairle Slándála na Náisiún Aontaithe 1970 (2011), lena bhforchuirtear trádbhac arm ar an Libia.

(2)

I Rún 2292 (2016) uaithi, d’údaraigh Comhairle Slándála na Náisiún Aontaithe Stáit, ag gníomhú dóibh go náisiúnta nó trí eagraíochtaí réigiúnacha, cigireacht a dhéanamh ar shoithí ar an mórmhuir amach ó chósta na Libia, ar soithí iad a bhfuil forais réasúnacha acu lena chreidiúint go bhfuil airm nó ábhar gaolmhar á n-iompar acu chuig an Libia nó ón Libia, go díreach nó go hindíreach, de shárú ar thrádbhac arm na Náisiún Aontaithe ar an Libia, agus chinn sí go ndéanfaidh Stáit, a luaithe a aimseofar ítimí arna dtoirmeasc leis an trádbhac arm ar an Libia le linn na gcigireachtaí sin, na hítimí sin a urghabháil agus a dhiúscairt.

(3)

Le Cinneadh (CBES) 2020/472 (2), foráiltear go bhfuil sé de phríomhchúram ar oibríocht chabhlaigh an Aontais EUNAVFOR MED IRINI rannchuidiú le trádbhac arm na Náisiún Aontaithe ar an Libia a chur i bhfeidhm.

(4)

Chun na críche sin, foráiltear le hAirteagal 2(3) de Chinneadh (CBES) 2020/472, i gcomhréir leis na Rúin ábhartha ó Chomhairle Slándála na Náisiún Aontaithe, mar shampla Rún 1970 (2011) ó Chomhairle Slándála na Náisiún Aontaithe agus Rún 2473 (2019) ó Chomhairle Slándála na Náisiún Aontaithe, agus go háirithe Rún 2292 (2016) ó Chomhairle Slándála na Náisiún Aontaithe , agus de réir mar a cheanglaítear sin, go ndéanfaidh EUNAVFOR MED IRINI, laistigh den Limistéar Oibríochta arna chomhaontú ar an mórmhuir amach ó chósta na Libia, cigireachtaí ar shoithí atá ag triall ar an Libia nó ón Libia i gcás ina mbeidh forais réasúnacha ann lena chreidiúint go bhfuil airm nó ábhar gaolmhar á n-iompar ag na soithí sin chuig an Libia nó ón Libia, go díreach nó go hindíreach, de shárú ar an trádbhac arm ar an Libia, agus go bhfuil EUNAVFOR MED IRINI le gníomhaíocht ábhartha a dhéanamh chun na hítimí sin a urghabháil agus a dhiúscairt.

(5)

Thairis sin, foráiltear le hAirteagal 2(5) de Chinneadh (CBES) 2020/472, i bhfianaise na gceanglas eisceachtúil oibríochtúil, agus arna iarraidh sin do Bhallstát, go bhféadfaidh EUNAVFOR MED IRINI soithí a atreorú chuig calafoirt de chuid an Bhallstáit sin, agus airm agus ábhar gaolmhar atá urghafa aige a dhiúscairt, lena n-áirítear trína stóráil, trína scriosadh nó trína n-aistriú chuig Ballstát nó chuig tríú páirtí. Foráiltear leis freisin go bhféadfar diúscairt arm agus ábhair ghaolmhair arna n-urghabháil a bhaint amach le cúnamh ó Bhallstát, a gheallfaidh na nósanna imeachta riachtanacha a chur i gcríoch a luaithe is féidir le go mbeifear in ann na hítimí arna n-urghabháil a dhiúscairt, faoi chuimsiú an dlí agus na nósanna imeachta is infheidhme.

(6)

Le Cinneadh (CBES) 2023/1439 ón gComhairle (3), tugtar isteach foráil i gCinneadh (CBES) 2015/1333 go gceanglaítear ar an mBallstát sin na bearta is gá a dhéanamh chun an diúscairt a éascú thar ceann EUNAVFOR MED IRINI, is é sin an diúscairt arm agus ábhair ghaolmhair arna n-urghabháil ag EUNAVFOR MED IRINI ar an mórmhuir i gcomhréir lena shainordú.

(7)

D’fhonn cur i bhfeidhm aonfhoirmeach na forála sin a áirithiú i ngach Ballstát, tá gá le gníomhaíocht rialála ar leibhéal an Aontais.

(8)

Le Rialachán (AE) 2016/44 (4), tugtar éifeacht do Chinneadh (CBES) 2015/1333. Ba cheart, dá bhrí sin, Rialachán (AE) 2016/44 a leasú dá réir,