(1)

I Rialachán Tarmligthe (AE) 2020/2015 ón gCoimisiún (2) , tugtar mionsonraí maidir leis an gcaoi an oibleagáid gabhálacha a thabhairt i dtír a chur chun feidhme i gcás iascaigh ghrinnill áirithe in Uiscí an Iarthair le haghaidh na tréimhse 2021-2023.

(2)

Is le Rialachán Tarmligthe (AE) 2022/2290 ón gCoimisiún (3) a leasaíodh Rialachán (AE) 2020/2015 go deireanach.

(3)

An 25 Deireadh Fómhair 2022 chuir an Fhrainc an Coimisiún ar an eolas faoi earráid a tugadh isteach i Rialachán (AE) 2020/2015 le Rialachán (AE) 2022/2290. Baineann an earráid le díolúine inmharthanachta nua le haghaidh sól coiteann (Solea solea) atá faoi bhun na híosmhéide tagartha caomhnaithe (MCRS) a ghabhann soithí atá níos lú ná 12 m ar fad i roinn 7e ICES agus a úsáideann tráil dobharchú (OTB), ina bhfuil méid mhogaill ag ceann an tráil atá níos mó ná 80 mm. Is éard atá san earráid gan méid mhogaill 80 mm i gceann an tráil a chuimsiú agus gan teorainn méide a shainiú.

(4)

D’iarr an Fhrainc ar an gCoimisiún an earráid sin a cheartú, chun go gcuimseodh an díolúine lena mbaineann méid mhogaill atá coibhéiseach le 80 mm. Mhínigh an Fhrainc go n-úsáideann soithí a bhfuil an díolúine sin de dhíth orthu raonta méideanna mogaill lena n-áirítear méid mhogaill 80 mm. Eascraíonn an mearbhall as difríocht dréachtaithe idir corp an mholta chomhpháirtigh ar a bhfuil an gníomh tarmligthe bunaithe agus an iarscríbhinn a ghabhann leis. Cé gur cuimsíodh go sainráite san iarscríbhinn a ghabhann leis an moladh comhpháirteach méid mhogaill 80 mm go 99 mm, níorbh ionann ar an drochuair an dréachtú i gcorp an mholta chomhpháirtigh.

(5)

Thairis sin, sa chomhairle uaidh, rinne STECF measúnú ar an díolúine a iarradh freisin le haghaidh méid mhogaill 80 mm (agus ní hamháin méid mhogaill níos mó ná 80 mm) a bhfuil teorainn 99 mm ag gabháil leis.

(6)

Ba cheart, dá bhrí sin, an díolúine le haghaidh gabhálacha sól coiteann faoi bhun MCRS a dhéanann soithí atá níos lú ná 12 m ar fad trí úsáid a bhaint as trealaimh tráil dobharchú ina bhfuil méid mhogaill ag ceann an tráil idir 80 agus 99 mm a dheonú go dtí an 31 Nollaig 2023.

(7)

Dá bhrí sin, ba cheart Airteagal 4(1) de Rialachán Tarmligthe (AE) 2020/2015 a leasú chun trealaimh tráil dobharchú ina bhfuil méid mhogaill ag ceann an tráil idir 80 agus 99 mm, seachas na trealaimh sin amháin atá níos mó ná 80 mm.

(8)

Ós rud é go bhfuil tionchar díreach ag na bearta dá bhforáiltear sa Rialachán seo ar phleanáil an tséasúir iascaireachta le haghaidh soithí an Aontais agus ar na gníomhaíochtaí eacnamaíocha a bhaineann leo, ba cheart an Rialachán seo a theacht i bhfeidhm a luaithe is féidir. Ba cheart feidhm a bheith aige ón 1 Eanáir 2023, ós rud é go n-úsáideann soithí atá níos lú ná 12 m, a bhfuil an díolúine sin de dhíth orthu, raonta méideanna mogaill lena n-áirítear méid mhogaill 80 mm,