(1)

Le Rialachán (CE) Uimh. 1831/2003 déantar foráil maidir le breiseáin a údarú lena n-úsáid i gcothú ainmhithe agus maidir leis an bhforas agus na nósanna imeachta chun an t-údarú sin a dheonú, a mhodhnú agus a athnuachan.

(2)

Ullmhóid Bacillus velezensis ATCC PTA-6737, baictéar a sainaithníodh go tacsanomaíoch roimhe seo mar Bacillus subtilis ATCC PTA-6737, údaraíodh í ar feadh tréimhse 10 mbliana mar bhreiseán beathaithe le haghaidh sicíní lena ramhrú le Rialachán (AE) Uimh. 107/2010 ón gCoimisiún (2), le haghaidh sicíní a thógtar le bheith ina mbéaróga, lachain lena ramhrú, gearg, piasún, patraiscí, éanlaith ghuine, colúr, géanna lena ramhrú agus ostraisí le Rialachán Cur Chun Feidhme (AE) Uimh. 885/2011 ón gCoimisiún (3), le haghaidh bainbh scoite agus Suidae scoite seachas Sus scrofa domesticus le Rialachán Cur Chun Feidhme (AE) Uimh. 306/2013 ón gCoimisiún (4), le haghaidh turcaithe lena ramhrú agus turcaithe a thógtar le haghaidh pórúcháin le Rialachán Cur Chun Feidhme (AE) Uimh. 787/2013 ón gCoimisiún (5), le haghaidh béaróg agus mionspeicis éanlaithe clóis le haghaidh breithe le Rialachán Cur Chun Feidhme (AE) 2015/1020 ón gCoimisiún (6) agus le haghaidh cránacha le Rialachán Cur Chun Feidhme (AE) 2017/2276 ón gCoimisiún (7).

(3)

I gcomhréir le hAirteagal 14(1) de Rialachán (CE) Uimh. 1831/2003, cuireadh isteach iarratas chun údarú ullmhóid Bacillus velezensis ATCC PTA-6737 a athnuachan le haghaidh sicíní lena ramhrú, sicíní a thógtar le bheith ina mbéaróga agus mionspeicis éanlaithe clóis seachas mionspeicis éanlaithe clóis le haghaidh breithe, iarratas lena n-áirítear modhnú ar íostiúchan an oibreáin ghníomhaigh san ullmhóid. I gcomhréir le hAirteagal 7 de Rialachán (CE) Uimh. 1831/2003, cuireadh isteach iarratas eile ar úsáid nua maidir leis an ullmhóid sin le haghaidh éin ornáideacha, éin spóirt agus éin ghéim. Sna hiarratais sin iarradh go n-aicmeofaí an breiseán sin sa chatagóir breiseán “breiseáin zóiteicniúla” agus san fheidhmghrúpa “cobhsaitheoirí fhlóra na stéige” agus bhí na sonraí agus na doiciméid a cheanglaítear faoi Airteagal 14(2) agus Airteagal 7(3) den Rialachán sin, faoi seach, ag gabháil leis na hiarratais.

(4)

I gcomhréir le hAirteagal 13(3) de Rialachán (CE) Uimh. 1831/2003, cuireadh isteach iarratas ar mhodhnú ar théarmaí údarú ullmhóid Bacillus subtilis ATCC PTA-6737 mar a leagtar síos i Rialachán Cur Chun Feidhme (AE) Uimh 306/2013, Rialachán Cur Chun Feidhme (AE) Uimh. 787/2013, Rialachán Cur Chun Feidhme (AE) 2015/1020 agus Rialachán Cur Chun Feidhme (AE) 2017/2276, i ndáil le hathrú ainm an bhreiseáin ó Bacillus subtilis ATCC PTA-6737 go dtí Bacillus velezensis ATCC PTA-6737, a mhéid a bhaineann le tacsanomaíocht an tréithchineáil. Bhí na sonraí ábhartha a thacaigh leis an iarraidh ar athrú, sonraí a cheanglaítear faoi Airteagal 13(3) de Rialachán (CE) Uimh. 1831/2003, ag gabháil leis an iarratas sin.

(5)

Tháinig an tÚdarás Eorpach um Shábháilteacht Bia (“an tÚdarás”) ar an gconclúid sa tuairim uaidh an 30 Meán Fómhair 2020 (8) gur sholáthair an t-iarratasóir fianaise go bhfuil ullmhóid Bacillus velezensis ATCC PTA-6737 i gcónaí sábháilte le haghaidh sicíní lena ramhrú, sicíní a thógtar le bheith ina mbéaróga agus mionspeicis éanlaithe clóis (seachas mionspeicis éanlaithe clóis le haghaidh breithe) (9), tomhaltóirí agus an chomhshaoil, go háirithe nuair a chuirtear an modhnú ar íostiúchan an oibreáin ghníomhaigh san ullmhóid san áireamh. Tháinig sé ar an gconclúid freisin nach greannaitheoir craicinn ná súl atá san ullmhóid agus nach íogróir deirmeach atá inti. Ina theannta sin, tháinig an tÚdarás ar an gconclúid go bhféadfadh an ullmhóid a bheith éifeachtúil mar bhreiseán zóiteicniúil le haghaidh éin ornáideacha, éin spóirt agus éin ghéim. Ní mheasann an tÚdarás go bhfuil gá le ceanglais shonracha maidir le faireachán iarmhargaidh.

(6)

Sa tuairim uaidh an 23 Márta 2022 (10), tháinig an tÚdarás ar an gconclúid gur cheart an breiseán a ainmniú go tacsanomaíoch mar Bacillus velezensis ATCC PTA-6737. Tháinig sé ar an gconclúid thairis sin nach greannaitheoir deirmeach ná súl atá sa bhreiseán agus nach íogróir craicinn atá ann, ach gur cheart a mheas gur íogróir riospráide atá ann.

(7)

I gcomhréir le hAirteagal 5(4), pointí (a), (b) agus (c) de Rialachán (CE) Uimh. 378/2005 ón gCoimisiún (11), mheas an Saotharlann Tagartha a bunaíodh le Rialachán (CE) Uimh. 1831/2003 go bhfuil na conclúidí agus na moltaí ar ar thángthas sa mheasúnú roimhe seo infheidhme maidir leis na hiarratais atá ann faoi láthair.

(8)

Léirítear sa mheasúnú ar ullmhóid Bacillus velezensis ATCC PTA-6737 go gcomhlíontar na coinníollacha maidir le húdarú dá bhforáiltear in Airteagal 5 de Rialachán (CE) Uimh. 1831/2003. Maidir le lachain lena ramhrú, gearga, piasúin, patraiscí, éanlaith ghuine, colúir, géanna lena ramhrú agus ostraisí, éin spóirt agus éin ghéim, ba cheart iad a mheas mar mhionspeicis éanlaithe clóis agus dá bhrí sin ba cheart iad a áireamh i raon feidhme athnuachan an údaraithe. Dá réir sin, ba cheart údarú an bhreiseáin sin a athnuachan le haghaidh sicíní lena ramhrú, sicíní a thógtar le bheith ina mbéaróga agus mionspeicis éanlaithe clóis seachas mionspeicis éanlaithe clóis le haghaidh breithe agus ba cheart úsáid an bhreiseáin sin a údarú le haghaidh éin ornáideacha.

(9)

Measann an Coimisiún gur cheart bearta cosanta iomchuí a dhéanamh chun éifeachtaí díobhálacha ar shláinte an duine a chosc, go háirithe a mhéid a bhaineann le húsáideoirí an bhreiseáin. Ba cheart do na bearta cosanta sin reachtaíocht an Aontais maidir le ceanglais sábháilteachta oibrithe a chomhlíonadh.

(10)

Ba cheart ainm an bhreiseáin a ainmniú go tacsanomaíoch mar Bacillus velezensis ATCC PTA-6737 agus dá bhrí sin ba cheart Rialachán Cur Chun Feidhme (AE) Uimh. 306/2013, Rialachán Cur Chun Feidhme (AE) Uimh. 787/2013, Rialachán Cur Chun Feidhme (AE) 2015/1020 agus Rialachán Cur Chun Feidhme (AE) 2017/2276 a leasú dá réir.

(11)

De thoradh údarú ullmhóid Bacillus velezensis ATCC PTA-6737 mar bhreiseán beathaithe a athnuachan, ba cheart Rialachán (AE) Uimh. 107/2010 agus Rialachán Cur Chun Feidhme (AE) Uimh. 885/2011 a aisghairm.

(12)

Ós rud é nach gceanglaítear, ar chúiseanna sábháilteachta, go gcuirfear na modhnuithe ar na coinníollacha maidir le húdarú ullmhóid Bacillus velezensis ATCC PTA-6737 i bhfeidhm láithreach, is iomchuí foráil a dhéanamh maidir le hidirthréimhse do na páirtithe leasmhara chun iad féin a ullmhú chun na ceanglais nua a eascraíonn as athnuachan an údaraithe agus as athrú ainm an bhreiseáin a chomhlíonadh.

(13)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

1.

Sa teideal, cuirtear na focail “Bacillus velezensis ATCC PTA-6737” in ionad na bhfocal “Bacillus subtilis (ATCC PTA-6737)”.

2.

Sa tríú colún den Iarscríbhinn, “Breiseán”, cuirtear na focail “Bacillus velezensis ATCC PTA-6737” in ionad na bhfocal “Bacillus subtilis (ATCC PTA-6737)”;

3.

Sa cheathrú colún den Iarscríbhinn, “Comhdhéanamh, foirmle cheimiceach, tuairisc, modh anailíse”, cuirtear na focail “Bacillus velezensis ATCC PTA-6737” in ionad na bhfocal “Bacillus subtilis (ATCC PTA-6737)”.

1.

Sa teideal, cuirtear na focail “Bacillus velezensis ATCC PTA-6737” in ionad na bhfocal “Bacillus subtilis (ATCC PTA-6737)”;

2.

Sa tríú colún den Iarscríbhinn, “Breiseán”, cuirtear na focail “Bacillus velezensis ATCC PTA-6737” in ionad na bhfocal “Bacillus subtilis (ATCC PTA-6737)”;

3.

Sa cheathrú colún den Iarscríbhinn, “Comhdhéanamh, foirmle cheimiceach, tuairisc, modh anailíse”, cuirtear na focail “Bacillus velezensis ATCC PTA-6737” in ionad na bhfocal “Bacillus subtilis (ATCC PTA-6737)”.

1.

Sa teideal, cuirtear na focail “Bacillus velezensis ATCC PTA-6737” in ionad na bhfocal “Bacillus subtilis (ATCC PTA-6737)”;

2.

Sa tríú colún den Iarscríbhinn, “Breiseán”, cuirtear na focail “Bacillus velezensis ATCC PTA-6737” in ionad na bhfocal “Bacillus subtilis ATCC PTA-6737”;

3.

Sa cheathrú colún den Iarscríbhinn, “Comhdhéanamh, foirmle cheimiceach, tuairisc, modh anailíse”, cuirtear na focail “Bacillus velezensis ATCC PTA-6737” in ionad na bhfocal “Bacillus subtilis (ATCC PTA-6737)”.