(1)

Forlíontar le Rialachán Tarmligthe (AE) 2020/692 (2) na rialacha maidir le sláinte ainmhithe a leagtar síos i Rialachán (AE) 2016/429, a mhéid a bhaineann le teacht isteach coinsíneachtaí ainmhithe áirithe, táirgí geirmeacha áirithe agus táirgí áirithe de bhunadh ainmhíoch san Aontas, lena ngluaiseacht agus lena láimhseáil tar éis a dteacht isteach san Aontas.

(2)

Le cur i bhfeidhm na rialacha a leagtar síos i ndréacht-Rialachán Tarmligthe (AE) 2020/692 maidir le hainmhithe uisceacha agus a dtáirgí, cuireadh in iúl go bhfuil soiléireacht níos mó de dhíth maidir le cibé tráchtearraí atá eisiata ó raon an dréacht-Rialacháin sin. Go háirithe, ba cheart a shoiléiriú go bhfuil ainmhithe uisceacha fiáine agus táirgí de bhunadh ainmhíoch ó na hainmhithe uisceacha fiáine sin a thugtar i dtír ó shoithí iascaireachta agus a thagann isteach sa bhiashlabhra atá beartaithe lena gcaitheamh go díreach ag an duine eisiata ó raon an Rialacháin sin. Ina theannta sin, ba cheart a shoiléiriú go bhfuil táirgí de bhunadh ainmhíoch ó ainmhithe uisceacha cé is moite d’ainmhithe uisceacha beo, nach bhfuil sé beartaithe lena bpróiseáil tuilleadh san Aontas, eisiata ó raon Rialachán Tarmligthe (AE) 2020/692. Ba cheart Airteagal 1(6) de Rialachán Tarmligthe (AE) 2020/692 a leasú dá réir.

(3)

Chuir roinnt Ballstát agus páirtithe leasmhara in iúl gur cheart do na foirne sin a dhéanann úicítí nach bhfuil toirchithe a bhailiú agus a láimhseáil amháin a áireamh sa sainmhíniú ar “foirne bailithe suthanna” in Airteagal 2 de Rialachán Tarmligthe (AE) 2020/692 i ndiaidh na bhforbairtí agus na speisialtóireachtaí in earnáil na dtáirgí geirmeacha le déanaí. Dá bhrí sin, ba cheart an sainmhíniú sin a leasú chun na foirne sin a chuimsiú ann.

(4)

Ina theannta sin, chun críoch na gceanglas sonrach le haghaidh each-ainmhithe a mhéid a bhaineann le tinneas Afracach eachaí agus einceifealaimiailíteas eachaí Veiniséalach a leagtar amach in Iarscríbhinn XI, pointí 2.1 agus 2.2, a ghabhann le Rialachán Tarmligthe (AE) 2020/692, is gá sainmhíniú ar “bunaíocht atá cosanta ar veicteoirí” a leagan amach in Airteagal 2 den Rialachán Tarmligthe sin. Tá sainmhíniú ar “bunaíocht atá cosanta ar veicteoirí” ann cheana in Airteagal 2 de Rialachán Tarmligthe (AE) 2020/689 ón gCoimisiún (3) i gcomhthéacs ionfhabhtú leis an víreas gormtheanga (séiritíopa 1-24). Dá bhrí sin, ba cheart don sainmhíniú ar “bunaíocht veicteoir-chosanta” in Airteagal 2 de Rialachán Tarmligthe (AE) 2020/692, chun críoch thinneas Afracach na gcapall agus Einceifilimiailíteas eachaí Veiniséalach, a bheith comhsheasmhach leis an sainmhíniú ar “bunaíocht atá cosanta ar veicteoirí” in Airteagal 2 de Rialachán Tarmligthe (AE) 2020/689. Ba cheart Airteagal 2 de Rialachán Tarmligthe (AE) 2020/692, dá bhrí sin, a leasú dá réir.

(5)

Foráiltear le hAirteagal 3(5) de Rialachán (AE) 2016/429 nach mór do ghluaiseachtaí peataí, cé is moite de ghluaiseachtaí neamhthráchtála, na ceanglais maidir le sláinte ainmhithe a chomhlíonadh a leagtar síos i gCodanna IV agus V de. Le hAirteagal 3(5) den Rialachán sin, tugtar cumhacht freisin don Choimisiún rialacha a leagan síos maidir leis na hoiriúnuithe is gá chun a áirithiú go gcuirfear Cuid IV agus V de i bhfeidhm ar bhealach cuí ar pheataí, go háirithe chun a chur san áireamh go bhfuil peataí á gcoimeád i dteaghlaigh ag coimeádaithe peataí. Dá réir sin, is gá na ceanglais ghinearálta a oiriúnú i dtaca le modh iompair ainmhithe talún a leagtar síos in Airteagal 17 de Rialachán Tarmligthe (AE) 2020/692 agus i dtaca leis na ceanglais maidir le gluaiseacht agus láimhseáil ainmhithe talún tar éis a dteacht isteach san Aontas a leagtar síos in Airteagal 19 den Rialachán Tarmligthe sin maidir le peataí atá á gcoimeád i dteaghlaigh. Dá bhrí sin, ba cheart Airteagail 17 agus 19 de Rialachán Tarmligthe (AE) 2020/692 a leasú dá réir sin.

(6)

Foráiltear le hAirteagal 21(1), pointe (b) de Rialachán Tarmligthe (AE) 2020/692, nach gceadófar teacht isteach coinsíneachtaí crúbach, cé is moite d’each-ainmhithe, san Aontas ach amháin sa chás gur sainaithníodh ainmhithe na coinsíneachta go haonarach sular seoladh ón mbunaíocht tionscnaimh iad, le modh fisiciúil sainaitheanta a bhfuil cód na tíre is onnmhaireoir i gcomhréir le Caighdeán ISO 3166 i bhformáid cóid dhá litreach ar taispeáint go sofheicthe, go soléite agus doscriosta, i measc nithe eile. Is gá foráil a dhéanamh do mhaolú ón gceanglas sin chun gur féidir leis na Ballstáit teacht isteach crúbacha den sórt sin san Aontas a cheadú, a sainaithnítear le modh fisiciúil sainaitheanta iad ina dtaispeántar cód na tíre is onnmhaireoir atá éagsúil ón gcód atá de réir Chaighdeán ISO 3166. Níor cheart maolú den sórt sin a bheith tugtha ach amháin ag an gCoimisiún agus arna iarraidh sin do thríú tír nó críoch lena mbaineann.

(7)

Foráiltear le hAirteagal 38(2) de Rialachán Tarmligthe (AE) 2020/692, i ndiaidh briseadh amach fliú éanúil ardphataigineach i dtríú tír nó críoch, nó crios di a measadh roimhe seo a bheith saor ó ghalar, go meastar an tríú tír nó críoch, nó crios di, a bheith saor ó fhliú éanúil ardphataigineach, nuair a dhéanann údarás inniúil na tríú tíre nó críche, tar éis beartas díbeartha agus glanadh agus díghalrú leordhóthanach a dhéanamh ar gach bunaíocht a bhí ionfhabhtaithe roimhe seo, clár faireachais le linn tréimhse ar a laghad 3 mhí i ndiaidh an beartas díbeartha agus an glanadh agus an díghalrú a chur i gcrích. Mar sin féin, níl an tréimhse ama sin comhsheasmhach leis an tréimhse ama is infheidhme i ndiaidh bristeacha amach fliú éanúil ardphataigineach i mBallstát. Dá bhrí sin, ba cheart Airteagal 38(2) de Rialachán Tarmligthe (AE) 2020/692 a leasú dá réir.

(8)

Foráiltear le hAirteagal 53, pointe (a), de Rialachán Tarmligthe (AE) 2020/692, nach gceadófar teacht isteach coinsíneachtaí éan i mbraighdeanas san Aontas ach amháin i gcás ina sainaithnítear na hainmhithe sa choinsíneacht le huimhir shainaitheanta aonair, ina bhfuil, inter alia, cód na tríú tíre nó críche tionscnaimh lena gcomhlíontar Caighdeán ISO 3166 i bhformáid dhá litreach. De bharr roinnt éan a bheith sainaitheanta go bailí sna tríú tíortha nó críocha nach iad na tríú tíortha nó críocha óna dtagann na héin isteach san Aontas nó a bhfuil uimhir aitheantais aonair acu, lena n-áirítear cód na tríú tíre nó críche tionscnaimh i bhformáid trí litreach lena gcomhlíontar Caighdeán ISO 3166, ba cheart Rialachán Tarmligthe (AE) 2020/692 a leasú dá réir sin.

(9)

In Airteagal 73 de Rialachán Tarmligthe (AE) 2020/692, leagtar síos na ceanglais maidir le madraí, cait agus firéid a sheoladh chuig an Aontas. Ní fhoráiltear leis oibleagáid formheasa d’ionaid dídine ina seoltar coinsíneachtaí madraí, cat agus firéad chuig an Aontas, de bhrí go bhforáiltear le Rialachán Tarmligthe (AE) 2020/688 ón gCoimisiún (4) oibleagáid formheasa den sórt sin le haghaidh gluaiseachtaí laistigh den Aontas. Dá bhrí sin, ba cheart Rialachán Tarmligthe (AE) 2020/692 a ailíniú i dtaca leis sin le Rialachán Tarmligthe (AE) 2020/688 agus ba cheart Airteagal 73 de Rialachán Tarmligthe (AE) 2020/692 a leasú dá réir.

(10)

Foráiltear le hAirteagal 79 de Rialachán Tarmligthe (AE) 2020/692 nach gceadófar teacht isteach coinsíneachtaí seamhain, úicítí agus suthanna bó-ainmhithe, muc-ainmhithe, ainmhithe den chineál caorach, ainmhithe den chineál gabhair agus each-ainmhithe san Aontas ach amháin i gcás inar bailíodh iad ó ainmhithe a thagann ó thríú tíortha nó críocha a chomhlíonann na ceanglais maidir le sláinte ainmhithe a leagtar síos in Airteagal 22 de. Foráiltear le hAirteagal 22 den Rialachán Tarmligthe sin nach gceadófar do choinsíneachtaí den sórt sin teacht isteach san Aontas i gcás ina gcomhlíonann siad, inter alia, toirmeasc ar bho-ainmhithe, ar mhuc-ainmhithe, ar ainmhithe den chineál caorach, ar ainmhithe den chineál gabhair agus ar each-ainmhithe bronntacha a vacsaíniú i gcoinne galar crúibe agus béil, i measc galair eile. Mar sin féin, ceadaítear le Rialachán Tarmligthe (AE) 2020/686 ón gCoimisiún (5), chomh maith le caighdeáin ábhartha idirnáisiúnta na hEagraíochta Domhanda um Shláinte Ainmhithe (EDSA) bo-ainmhithe, muc-ainmhithe, ainmhithe den chineál caorach, ainmhithe den chineál gabhair agus each-ainmhithe a vacsaíniú i gcoinne galar crúibe agus béil faoi imthosca áirithe. Dá bhrí sin, ba cheart Airteagal 79 de Rialachán Tarmligthe (AE) 2020/692 a leasú chun foráil a dhéanamh do mhaolú ar vacsaíniú den sórt sin agus chun an tAirteagal sin a ailíniú le rialacha inchomparáide is infheidhme laistigh den Aontas chomh maith le caighdeáin idirnáisiúnta.

(11)

In Airteagal 117 de Rialachán Tarmligthe (AE) 2020/692, leagtar síos na ceanglais sláinte ainmhithe maidir le coinsíneachtaí táirgí geirmeacha d’ainmhithe áirithe a bhfuil sé beartaithe iad a chur i mbunaíochtaí comhdhúnta. Ó dháta chur i bhfeidhm Rialachán Tarmligthe (AE) 2020/692, cheistigh roinnt Ballstát agus páirtithe leasmhara comhréireacht na gceanglas sin i bhfianaise sainiúlachtaí na gcoinsíneachtaí sin agus na ndifríochtaí i rioscaí do shláinte ainmhithe lena mbaineann. Dá bhrí sin, is iomchuí an tAirteagal sin a leasú chun foráil a dhéanamh maidir le tuilleadh solúbthachta do na Ballstáit chun na rioscaí faoina n-imthosca ar leith a bhainistiú agus ag brath ar an speiceas ainmhithe lena mbaineann agus liostaithe an Aontais de thríú tíortha, críocha nó criosanna údaraithe díobh á gcur san áireamh a leagtar síos i Rialachán Cur Chun Feidhme (AE) 2021/404 ón gCoimisiún (6).

(12)

Foráiltear le hAirteagal 124, pointe (c)(i) de Rialachán Tarmligthe (AE) 2020/692 nach gceadófar teacht isteach coinsíneachtaí feola úire ainmhithe ar coimeád san Aontas, cé is moite de na hainmhithe sin a choimeádtar mar ghéim saothraithe a maraíodh ar an láthair iad ach amháin i gcás ina bhfuarthas feoil úr na coinsíneachta ó ainmhithe ar coimeád, nach ndeachaigh trí thríú tír nó críoch, nó crios di nach bhfuil liostaithe maidir le teacht isteach speicis agus catagóire áirithe na feola úire san Aontas, i rith an aistir chuig an seamlas. Mar sin féin, a mhéid a bhaineann le coinsíneachtaí éanlaithe clóis, chun an ceanglas sin a chomhlíonadh, bheadh gá le bóithre nach bhfuil chomh díreach céanna a úsáid i gcásanna áirithe, a mbeadh tionchar aige sin ar ghnáthphátrúin trádála ar bhealach díréireach, agus lena gcuirfí fad leis an am taistil freisin. Chun an fhadhb seo a réiteach agus cur i bhfeidhm beart maolaithe riosca a áirithiú chun scaipeadh galar a chosc, ba cheart maolú ón gceanglas sin, faoi réir coinníollacha áirithe, a thabhairt isteach i Rialachán Tarmligthe (AE) 2020/692.

(13)

In Airteagal 150 de Rialachán Tarmligthe (AE) 2020/692 leagtar síos ceanglais maidir le teacht isteach coinsíneachtaí táirgí feola san Aontas a mhéid a bhaineann le bunaíocht tionscnaimh na n-ainmhithe óna bhfuarthas an fheoil úr a úsáidtear chun táirgí feola a tháirgeadh. Ba cheart an fhoráil sin a leasú chun tagairt a dhéanamh do dháta mharú na n-ainmhithe in ionad an choinsíneacht a sheoladh chuig an Aontas chun nasc níos láidre a chruthú idir na rioscaí do shláinte ainmhithe a d’fhéadfadh a bheith ann le táirgí ar leith sa choinsíneacht.

(14)

In Airteagal 156 de Rialachán Tarmligthe (AE) 2020/692 leagtar síos ceanglais maidir le teacht isteach coinsíneachtaí táirgí déiríochta nach bhfuil faoi réir cóireáil maolaithe riosca agus a dtáirgtear ó bhainne amh amháin san Aontas. Ba cheart an fhoráil sin a leasú chun teacht isteach táirgí déiríochta a dtáirgtear ó tháirgí déiríochta nach bhfuil faoi réir cóireáil maolaithe riosca atá faoi réir comhlíonadh coinníollacha áirithe a cheadú, mar tá an riosca comhchosúil.

(15)

Le hAirteagal 163 de Rialachán Tarmligthe (AE) 2020/692 maolaítear ó Airteagal 3, pointí (a)(i) agus (c)(i) de agus lena leagtar síos na ceanglais shonracha maidir le táirgí ilchodacha fadré. Ba cheart an fhoráil sin a leasú chun foinsiú táirgí déiríochta ó na Ballstáit agus táirgí déiríochta cóireáilte ó thríú tíortha nó críocha, nó criosanna de thríú tír nó de chríoch atá údaraithe le haghaidh teacht isteach bainne amh san Aontas chun táirgí ilchodacha fadré a thairgeadh a cheadú. Thairis sin, ba cheart na ceanglais a bhaineann le táirgí ilchodacha fadré dá dtagraítear in Airteagal 163(3) a shoiléiriú.

(16)

Foráiltear le hAirteagal 12(2) de Rialachán (AE) 2016/429, féadfaidh gairmithe sláinte ainmhithe uisceacha tabhairt faoi ghníomhaíochtaí atá sannta do thréidlianna faoin Rialachán sin, ar choinníoll go bhfuil siad údaraithe ag an mBallstát lena mbaineann sin a dhéanamh faoin dlí náisiúnta. I dtríú tíortha agus críocha áirithe, rinne gairmithe sláinte ainmhithe uisceacha cigireachtaí cliniciúla ar ainmhithe uisceacha sula n-onnmhairítear iad chuig an Aontas roimhe seo, i dteannta na dtréidlianna. Dá bhrí sin, is iomchuí Airteagal 166 de Rialachán Tarmligthe (AE) 2020/692 a leasú chun cead a thabhairt do ghairmithe sláinte ainmhithe uisceacha cigireachtaí cliniciúla a dhéanamh sula n-onnmhairítear na hainmhithe sin chuig an Aontas, ar choinníoll go bhfuil siad údaraithe sin a dhéanamh, faoi dhlí na tríú tíre nó críche is onnmhaireoir.

(17)

Déantar ainmhithe uisceacha áirithe a phacáistiú agus a lipéadú lena gcaitheamh ag an duine i gcomhréir le Rialachán (CE) Uimh. 853/2004 ó Pharlaimint na hEorpa agus ón gComhairle (7), sula dtiocfaidh siad isteach san Aontas. Tá riosca níos lú ag baint leis na hainmhithe uisceacha sin maidir le galair a scaipeadh ná an riosca a bhaineann le hainmhithe uisceacha eile a thagann isteach san Aontas, agus nach ndéantar iad a phacáistiú agus a lipéadú sa bhealach céanna. Dá bhrí sin, is iomchuí Airteagal 167, pointe (a) de Rialachán Tarmligthe (AE) 2020/692 a leasú chun na hainmhithe uisceacha beo nach dtagraítear dóibh in Airteagal 172, pointe (d), (e) agus (f) den Rialachán céanna a dhíolmhú ón gceanglas iad a sheoladh go díreach óna n-áit thionscnaimh chuig an Aontas. Leis an leasú seo, ceadófar tráchtearraí den sórt sin a choinneáil i bhfuar-stór formheasta mar shampla, faoi bhealach óna n-áit tionscnaimh i dtríú tír nó críoch, chuig a gceann scríbe san Aontas. Ba cheart feidhm a bheith ag díolúine chomhchosúil le hAirteagal 174(1), pointe (a) de Rialachán Tarmligthe (AE) 2020/692 maidir le láimhseáil táirgí áirithe de bhunadh ainmhíoch ó ainmhithe uisceacha, cé is moite d’ainmhithe uisceacha, tar éis a dteacht isteach san Aontas. Dá bhrí sin, ba cheart na hAirteagail sin a leasú dá réir.

(18)

Chomh maith leis sin, de bharr an riosca níos lú i dtaobh galair a scaipeadh a bhaineann leis na tráchtearraí sin, ba cheart coinsíneachtaí na n-ainmhithe uisceacha dá dtagraítear in Airteagal 172, pointí (d), (e) agus (f) de Rialachán Tarmligthe (AE) 2020/692 a dhíolbhú ón gceanglas dearbhú a bheith ag gabháil leo, a shíníonn máistir ar shoitheach inar iompraíodh na coinsíneachtaí sin é, nuair a thagann siad isteach san Aontas. Dá bhrí sin, ba cheart an Rialachán sin a leasú dá réir.

(19)

Foráiltear le Rialachán (AE) 2016/429 go bhféadfaidh na Ballstáit bearta náisiúnta a ghlacadh maidir le galar nach galar liostaithe é dá dtagraítear in Airteagal 9(1), pointe (d), de Rialachán (AE) 2016/429, faoi réir coinníollacha áirithe. I gcás ina mbaineann na bearta sin le gluaiseachtaí ainmhithe uisceacha agus táirgí de bhunadh ainmhíoch ó ainmhithe uisceacha idir na Ballstáit, éilítear orthu a bheith formheasta i gcomhréir le hAirteagal 226(3) den Rialachán sin. Is féidir go mbeidh feidhm ag na bearta sin le galair liostaithe, ar galair de chatagóir E iad mar a shainmhínítear i Rialachán Cur Chun Feidhme (AE) 2018/1882 ón gCoimisiún (8), agus le galair nach bhfuil liostaithe. Ba cheart, dá bhrí sin, Teideal 2 de Chuid V de Rialachán Tarmligthe (AE) 2020/692 a leasú chun a shoiléiriú nach amháin go bhfuil feidhm ag bearta náisiúnta, ar formheasadh iad i gcomhréir le hAirteagal 226(3) de Rialachán (AE) 2016/429 le galair nach bhfuil liostaithe, ach go bhfuil feidhm acu le galair de chatagóir E freisin.

(20)

Tá earráid chrostagartha braite in Airteagal 170(1), pointe (a)(iv) de Rialachán Tarmligthe (AE) 2020/692. Dá bhrí sin, ba cheart an tAirteagal sin a cheartú tríd an tagairt d’Airteagal 176 a bhaint agus trí thagairt d’Airteagal 175 den Rialachán sin a chur ina áit.

(21)

In Airteagal 178 de Rialachán Tarmligthe (AE) 2020/692, leagtar síos na ceanglais speisialta maidir le teacht isteach crúbach, éanlaithe clóis agus ainmhithe uisceacha san Aontas atá de thionscnamh an Aontais agus atá ag filleadh ar an Aontas tar éis do thríú tír nó críoch diúltú dá dteacht isteach. In Airteagal 179 den Rialachán sin, leagtar síos na ceanglais speisialta maidir le teacht isteach ainmhithe san Aontas nach crúbaigh, éanlaith chlóis agus ainmhithe uisceacha iad atá de thionscnamh an Aontais agus atá ag filleadh ar an Aontas tar éis do thríú tír nó críoch diúltú dá dteacht isteach. Mar sin féin, tá an riosca galair ainmhithe a thabhairt isteach san Aontas ag éin i mbraighdeanas cosúil leis an riosca sin d’éanlaith chlóis. Dá bhrí sin, ba cheart feidhm a bheith ag na ceanglais speisialta a leagtar amach in Airteagal 178 le héin i mbraighdeanas freisin. Dá bhrí sin, ba cheart Airteagail 178 agus 179 de Rialachán Tarmligthe (AE) 2020/692 a leasú dá réir.

(22)

In Iarscríbhinn VIII, pointe 4, a ghabhann le Rialachán Tarmligthe (AE) 2020/692, leagtar síos na tréimhsí íosta gan cás nó briseadh amach galar áirithe sa bhunaíocht tionscnaimh d’each-ainmhithe a bheith tuairiscithe. Sa phointe sin fágtar amach rogha ina bhféadfaidh an t-údarás inniúil deireadh a chur le srianta gluaiseachta sa chás go bhfuil an tréimhse 30 lá caite tar éis an t-ainmhí deireanach de speiceas liostaithe ar an mbunaíocht a mharú agus a scriosadh nó a mharú, agus an áitreabh sa bhunaíocht a ghlanadh agus a dhíghalrú. Tá an rogha sin ar fáil i gcás gluaiseachtaí each-ainmhithe idir na Ballstáit i gcomhréir le hAirteagal 22 de Rialachán Tarmligthe (AE) 2020/688 do bhunaíochtaí inar tuairiscíodh surra, galar cúplála eachaí nó ainéime thógálach eachaí. San am céanna, i ndeimhnithe sláinte ainmhithe caighdeánacha a leagtar síos in Iarscríbhinn II, Caibidil 12 go 18, a ghabhann le Rialachán Cur Chun Feidhme (AE) 2021/403 ón gCoimisiún (9) áirítear rogha na tréimhse 30 lá sin cheana féin gan cás tuairiscithe de surra, de ghalar cúplála eachaí nó d’ainéime thógálach eachaí i mbunaíocht tionscnaimh le haghaidh each-ainmhithe. Dá bhrí sin, is gá Iarscríbhinn VIII, pointe 4, a ailíniú le Rialachán Tarmligthe (AE) 2020/692. Ba cheart Iarscríbhinn VIII a ghabhann le Rialachán (AE) 2020/692 a ailíniú dá réir.

(23)

In Iarscríbhinn X, pointe 1, a ghabhann le Rialachán Tarmligthe (AE) 2020/692, leagtar síos na ceanglais shonracha maidir le teacht isteach ainmhithe den chineál caorach san Aontas a mhéid a bhaineann le hionfhabhtú le Brucella dá dtagraítear in Airteagal 24(5) den Rialachán Tarmligthe sin. Ba cheart na ceanglais maidir le tréimhse chónaithe sa bhunaíocht tionscnaimh a ailíniú leis na ceanglais sin dá dtagraítear in Airteagal 11, pointe (b)(iii), den Rialachán Tarmligthe sin agus leis an teacht isteach ábhartha a mhéid a bhaineann le hainmhithe den chineál caorach sa tábla in Iarscríbhinn III a ghabhann leis an Rialachán Tarmligthe sin. Dá bhrí sin, ba cheart Iarscríbhinn X a ghabhann le Rialachán Tarmligthe (AE) 2020/692 a leasú dá réir.

(24)

In Iarscríbhinn XI, pointe 2.1 a ghabhann le Rialachán Tarmligthe (AE) 2020/692, leagtar síos na ceanglais shonracha maidir le tinneas Afracach eachaí atá le comhlíonadh ag each-ainmhithe atá ag teacht isteach san Aontas ó thríú tíortha nó críocha, nó criosanna de thríú tír nó de chríoch, a shanntar do ghrúpa sláintíochta E nó F. Ní mór do na hainmhithe a bheith coimeádta ar leithlis i saoráidí atá cosanta ar veicteoirí ar feadh tréimhse ar leith. Is gá an téarma “saoráid atá cosanta ar veicteoirí” a ailíniú, atá forchoimeádta le haghaidh bunaíocht theoranta dá dtagraítear in Airteagal 34 de Rialachán Tarmligthe (AE) 2020/692, leis an téarma “bunaíocht atá cosanta ar veicteoirí”, a shainmhínítear in Airteagal 2 a ghabhann leis an Rialachán Tarmligthe sin. Dá bhrí sin, ba cheart Iarscríbhinn XI a ghabhann le Rialachán Tarmligthe (AE) 2020/692 a leasú dá réir.

(25)

In Iarscríbhinn XI, pointe 2.2 a ghabhann le Rialachán Tarmligthe (AE) 2020/692, leagtar síos na ceanglais shonracha maidir le heinceifealaimiailíteas eachaí Veiniséalach atá le comhlíonadh ag each-ainmhithe atá ag teacht isteach san Aontas ó thríú tíortha nó críocha, nó criosanna de thríú tír nó de chríoch, a shanntar do ghrúpa sláintíochta C nó D. Ní mór do na hainmhithe a bheith coimeádta ar leithlis i gcoraintín atá cosanta ar veicteoirí ar feadh tréimhse ar leith. Is gá an téarma “coraintín atá cosanta ar veicteoirí” a ailíniú leis an téarma “bunaíocht atá cosanta ar veicteoirí”, a shainmhínítear in Airteagal 2 a ghabhann leis an Rialachán Tarmligthe sin. Dá bhrí sin, ba cheart Iarscríbhinn XI a ghabhann le Rialachán Tarmligthe (AE) 2020/692 a leasú dá réir.

(26)

Ina theannta sin, ba cheart na critéir íosta chun stádas bunaíochta atá cosanta ar veicteoirí ag an údarás inniúil a shonrú. Dá bhrí sin, is gá na critéir sin a leagan amach in Iarscríbhinn XI a ghabhann le Rialachán Tarmligthe (AE) 2020/692. Ba cheart do na critéir sin a bheith comhsheasmhach leis na critéir dá bhforáiltear in Iarscríbhinn V, Cuid II, Caibidil 3 a ghabhann le Rialachán Tarmligthe (AE) 2020/689 agus Airteagal 12.1.10, pointe 1, de Chód na hEagraíochta Domhanda um Shláinte Ainmhíoch (EDSA) um Shláinte Ainmhithe Talún. Ba cheart Iarscríbhinn XI a ghabhann le Rialachán (AE) 2020/692 a leasú dá réir.

(27)

In Iarscríbhinn XXI a ghabhann le Rialachán Tarmligthe (AE) 2020/692, pointe 2(b), sonraítear an tréimhse ama ina bhfuiltear leis an gcóireáil i gcoinne inmhíolú le Echinoccocus multilocularis a thabhairt. Léiríodh gur deacair an tréimhse ama sin a chomhlíonadh. Féadfar méid áirithe solúbthachta a fhoráil gan na rioscaí do shláinte phoiblí nó ainmhithe a mhéadú. Dá bhrí sin, ba cheart Iarscríbhinn XXI a ghabhann le Rialachán Tarmligthe (AE) 2020/692 a leasú dá réir,

1.

In Airteagal 1, cuirtear an méid seo a leanas in ionad mhír (6):

(*1)  Rialachán Cur Chun Feidhme (AE) 2021/260 ón gCoimisiún an 11 Feabhra 2021 lena bhformheastar bearta náisiúnta arna gceapadh chun an tionchar a bhíonn ag galair áirithe ainmhithe uisceacha a theorannú i gcomhréir le hAirteagal 226(3) de Rialachán (AE) 2016/429 ó Pharlaimint na hEorpa agus ón gComhairle agus lena n-aisghairtear Cinneadh 2010/221/AE ón gCoimisiún (IO L 59, 19.2.2021, lch. 1)” "

2.

Leasaítear Airteagal 2 mar a leanas:

3.

in Airteagal 17, cuirtear an mhír 3 seo a leanas leis:

4.

in Airteagal 19, cuirtear an mhír 4 seo a leanas leis:

5.

in Airteagal 21, cuirtear an mhír 5 seo a leanas leis:

6.

in Airteagal 38(2), cuirtear an méid seo a leanas in ionad phointe (c):

,

7.

in Airteagal 53, cuirtear an méid seo a leanas in ionad na habairte réamhrá agus in ionad phointe (a):

“Ní cheadófar teacht isteach coinsíneachtaí d’éin i mbraighdeanas san Aontas ach amháin i gcás ina sainítear na hainmhithe sa choinsíneacht le huimhir aitheantais aonair trí bhíthin fáinne uathúil dúnta marcáilte ceangailte le cos amháin ar a laghad den ainmhí ar a bhfuil taispeáint shofheicthe, sholéite agus dhoscriosta cód alfa-uimhriúil nó trasfhreagróir in-insteallta ag a bhfuil cód alfa-uimhriúil ar taispeáint ina bhfuil ar a laghad an fhaisnéis seo a leanas:

8.

in Airteagal 73, cuirtear an mhír 3 seo a leanas leis:

9.

Cuirtear an méid seo a leanas in ionad Airteagal 79:

10.

i gCuid III, cuirfear an méid seo a leanas in ionad cheannteideal THEIDEAL 3:

“TEIDEAL 3

CEANGLAIS MAIDIR LE SLÁINTE AINMHITHE LE hAGHAIDH TÁIRGÍ GEIRMEACHA AINMHITHE CÉ IS MOITE DE NA TÁIRGÍ SIN DÁ dTAGRAÍTEAR IN AIRTEAGAL 1(4), POINTÍ (A) AGUS (B) A BHFUIL SÉ BEARTAITHE IAD A CHOINNEÁIL I mBUNAÍOCHTAÍ TEORANTA”

11.

Cuirtear an méid seo a leanas in ionad Airteagal 117:

(*2)  Rialachán Cur Chun Feidhme (AE) 2021/404 ón gCoimisiún an 24 Márta 2021 lena leagtar síos liostaí na dtríú tíortha, críoch nó criosanna díobh óna gceadaítear teacht isteach ainmhithe, táirgí geirmeacha agus táirgí de bhunadh ainmhíoch san Aontas i gcomhréir le Rialachán (AE) 2016/429 ó Pharlaimint na hEorpa agus ón gComhairle (IO L 114, 31.3.2021, lch. 1)."

12.

cuirtear pointe (e) isteach in Airteagal 124 mar a leanas:

,

13.

Cuirtear an méid seo a leanas in ionad Airteagal 150:

14.

Cuirtear an méid seo a leanas in ionad Airteagal 156:

15.

Cuirtear an méid seo a leanas in ionad Airteagal 163:

16.

In Airteagal 166, cuirtear an mhír seo a leanas i ndiaidh na habairte tosaigh:

“Mar sin féin, féadfaidh gairmí sláinte ainmhithe uisceacha an chigireacht chliniciúil dá dtagraítear sa chéad alt a dhéanamh, ar choinníoll go bhfuil an gairmí sláinte ainmhithe údaraithe ag tríú tír nó críoch lena mbaineann faoina dlí náisiúnta chun dul i mbun na gníomhaíochta sin.”

17.

in Airteagal 167, cuirtear an méid seo a leanas in ionad phointe (a):

,

18.

in Airteagal 168, cuirtear an méid seo a leanas in ionad an fhrása réamhráitigh:

“Cé is moite de chás na n-ainmhithe uisceacha dá dtagraítear in Airteagal 172, pointí (d), (e) agus (f), sa chás ina n-áirítear iompar soithí nó báid umair le haghaidh cuid den aistear i seoladh coinsíneachtaí ainmhithe uisceacha chuig an Aontas, ní cheadófar teacht isteach coinsíneachtaí ainmhithe uisceacha a iompraítear i gcomhréir le hAirteagal 167 san Aontas ach amháin i gcás ina bhfuil dearbhú ag gabháil le hainmhithe uisceacha na coinsíneachta, atá ceangailte leis an deimhniú sláinte ainmhithe agus atá sínithe le máistir an tsoithigh ar an lá a shroicheann an soitheach calafort a chinn scríbe, lena soláthrófar an fhaisnéis seo a leanas:”

19.

in Airteagal 169, cuirtear an méid seo a leanas in ionad mhír 3:

20.

in Airteagal 174, cuirtear an méid seo a leanas in ionad mhír 1:

21.

i gCuid V, cuirfear an méid seo a leanas in ionad cheannteideal Theideal 2:

“TEIDEAL 2

CEANGLAIS MAIDIR LE SLÁINTE AINMHITHE CHUN TIONCHAR GALAR ÁIRITHE A THEORANNÚ, CÉ IS MOITE DE NA GALAIR SIN DÁ dTAGRAÍTEAR IN AIRTEAGAL 9(1), POINTE (D), DE RIALACHÁN (AE) 2016/429”

22.

cuirtear an méid seo a leanas in ionad an teidil agus an fhrása réamhráitigh de mhír 1 d’Airteagal 178:

23.

cuirtear an méid seo a leanas in ionad an teidil agus an fhrása réamhráitigh de mhír 1 d’Airteagal 179:

24.

Leasaítear Iarscríbhinní VIII, X, XI agus XXI a ghabhann le Rialachán Tarmligthe (AE) 2020/692 i gcomhréir leis an Iarscríbhinn a ghabhann leis an Rialachán seo.

in Airteagal 170(1), cuirtear an méid seo a leanas in ionad phointe (a)(iv):