|
27.9.2023 |
GA |
Iris Oifigiúil an Aontais Eorpaigh |
L 238/147 |
CINNEADH (AE) 2023/2068 ÓN mBANC CEANNAIS EORPACH
an 12 Meán Fómhair 2023
lena leasaítear Cinneadh (AE) 2022/2278 maidir le líon eisiúintí bonn atá le formheas in 2023 (BCE/2022/40) (BCE/2023/23)
TÁ BORD FEIDHMIÚCHÁIN AN BHAINC CEANNAIS EORPAIGH,
Ag féachaint don Chonradh ar Fheidhmiú an Aontais Eorpaigh, agus go háirithe Airteagail 128(2) de,
Ag féachaint do Chinneadh (AE) 2015/2332 ón mBanc Ceannais Eorpach an 4 Nollaig 2015 maidir leis an gcreat nós imeachta d’fhormheas líon eisiúintí bonn euro (BCE/2015/43) (1), agus go háirithe Airteagal 3(7) de,
De bharr an mhéid seo a leanas:
|
(1) |
Tá an ceart eisiach ag an mBanc Ceannais Eorpach (BCE) ón 1 Eanáir 1999 líon na mbonn a eisíonn na Ballstáit a bhfuil an euro mar airgeadra acu a fhormheas. |
|
(2) |
Bunaithe ar na meastacháin ar an éileamh ar bhoinn euro in 2023 a chuir na Ballstáit a bhfuil an euro mar airgeadra acu faoi bhráid BCE, d’fhormheas BCE an líon iomlán bonn euro atá ceaptha lena gcur i gcúrsaíocht agus monaí euro inbhailithe nach bhfuil ceaptha lena gcur i gcúrsaíocht in 2023 i gCinneadh (AE) 2022/2278 ón mBanc Ceannais Eorpach (BCE/2022/40) (2). |
|
(3) |
De bhun Airteagail 3 de Chinneadh (AE) 2015/2332 (BCE/2015/43) ní mór do na Ballstáit a bhfuil an euro mar airgeadra acu fógra a thabhairt do BCE más dócha go sáróidh an t-éileamh iarbhír ar mhonaí euro an líon formheasta d’eisiúint bonn i mbliain féilire amháin agus, i gcás ina leantar de na héilimh mhéadaithe ar mhonaí, ní mór dóibh formheas ad hoc a iarraidh le haghaidh líon breise d’eisiúint bonn sa bhliain féilire sin. |
|
(4) |
An 31 Iúil 2023, fuair BCE iarraidh ón Oesterreichische Nationalbank thar ceann na hOstaire chun líon na monaí euro a fhéadfaidh an Ostair a eisiúint in 2023 a mhéadú de mhéid breise EUR 35,00 mhilliún, ó EUR 81,00 mhilliún go EUR 116,00 milliún. Dá réir sin, ardóidh líon iomlán na monaí euro a eiseofar don Ostair in 2023 go EUR 291,51 milliún, ina mbeidh EUR 116,00 i monaí atá ceaptha lena gcur i gcúrsaíocht agus EUR 175,51 milliún i monaí inbhailithe. Rinneadh an t-iarratas mar fhreagairt ar an éileamh níos láidre ar mhonaí euro in earnálacha atá dian ar airgead tirim, go háirithe i gcás boinn euro ardluacha, mar aon le héileamh ad hoc monaí euro ó bhainc mhórdhíola atá gníomhach san Ostair agus éileamh méadaithe monaí trasteorann ó thíortha comharsanachta. |
|
(5) |
De bhun Airteagal 3(7) de Chinneadh (AE) 2015/2332 (BCE/2015/43) ní mór don Bhord Feidhmiúcháin cinneadh aonair a ghlacadh maidir leis an iarraidh ar fhormheas ad hoc, nuair nach gá aon mhodhnú ar an iarraidh ad hoc. |
|
(6) |
Dá bhrí sin, ba cheart Cinneadh (AE) 2022/2278 (BCE/2022/40) a leasú dá réir sin, |
TAR ÉIS AN CINNEADH SEO A GHLACADH:
Airteagal 1
Leasuithe
Leasaítear an tábla in Airteagal 2 de Chinneadh (AE) 2022/2278 (BCE/2022/40) mar a leanas:
|
1. |
cuirtear an méid seo a leanas in ionad an ró maidir leis an Ostair:
|
|
2. |
cuirtear an méid seo a leanas in ionad an ró dar teideal ‘Iomlán’:
|
Airteagal 2
Teacht in éifeacht
Tiocfaidh an Cinneadh seo i bhfeidhm ar lá a thabharfar fógra do na seolaithe.
Airteagal 3
Seolaithe
Tá an Cinneadh seo dírithe ar na mBallstát arb é an euro an t-airgeadra atá acu.
Arna dhéanamh in Frankfurt am Main, an 12 Meán Fómhair 2023.
Do Chomhairle Rialaithe an BCE
Uachtarán an BCE
Christine LAGARDE
(1) IO L 328, 12.12.2015, lch. 123.
(2) Cinneadh (AE) 2022/2278 ón mBanc Ceannais Eorpach an 8 Samhain 2022 maidir le líon eisiúintí bonn atá le formheas in 2023 (BCE/2022/40) (IO L 300, 21.11.2022, lch. 46).