(1)

Le Rialachán Tarmligthe (AE) Uimh. 1062/2014 ón gCoimisiún (2) bunaítear liosta de shubstaintí gníomhacha atá ann cheana a bhfuil meastóireacht le déanamh orthu maidir lena bhformheas féideartha i dtaca lena n-úsáid i dtáirgí bithicídeacha. Airítear fosfáit siorcóiniam hidrigine sóidiam airgid sa liosta sin (Uimh. CE: 422-570-3; Uimh. CAS: 265647-11-8) le haghaidh cineál táirge 4.

(2)

Ainmníodh an tSualainn mar an Ballstát is rapóirtéir. Rinne údarás inniúil na Sualainne (‘an t-údarás inniúil meastóireachta’) meastóireacht ar fhosfáit siorcóiniam hidrigine sóidiam airgid lena húsáid i dtáirgí bithicídeacha de chineál 4 agus i ndífhabhtáin do láithreacha bia agus beatha, dá dtagraítear in Iarscríbhinn V a ghabhann le Rialachán (AE) Uimh. 528/2012.

(3)

An 12 Meitheamh 2017, chuir an t-údarás inniúil meastóireachta an tuarascáil mheasúnaithe maidir leis an iarratas mar aon le conclúidí a mheastóireachta féin faoi bhráid na Gníomhaireachta Eorpaí Ceimiceán (‘ECHA’). Phléigh ECHA an tuarascáil mheasúnaithe agus na conclúidí ag cruinnithe teicniúla.

(4)

I gcomhréir le hAirteagal 75(1), an dara fomhír, pointe (a), de Rialachán (AE) Uimh. 528/2012, ullmhaíonn an Coiste um Tháirgí Bithicídeacha an tuairim ó ECHA maidir le hiarratais ar fhormheas substaintí gníomhacha. I gcomhréir le hAirteagal 7(2) de Rialachán Tarmligthe (AE) Uimh. 1062/2014 arna léamh i gcomhar le hAirteagail 75(1) agus (4) de Rialachán (AE) Uimh. 528/2012, ghlac an Coimisiún um Tháirgí Bithicídeacha an tuairim ó ECHA an 3 Márta 2021 (3), ag féachaint do chonclúidí an údaráis inniúil mheastóireachta.

(5)

De réir chonclúidí na tuairime ó ECHA, níor léiríodh éifeachtúlacht leordhóthanach i gcás na húsáide a bhaineann leis an táirge bithicídeach ionadaíoch a ionchorprú in earraí a bhíonn i dteagmháil le bia. Dá bharr sin, ní mheastar go gcomhlíonfaidh táirgí de chineál táirge 4 ina bhfuil fosfáit siorcóiniam hidrigine sóidiam airgid na critéir a leagtar amach in Airteagal 19(1), pointe (b)(i) de Rialachán (AE) Uimh. 528/2012.

(6)

Is í conclúid ECHA freisin gur sainaithníodh rioscaí do-ghlactha do shláinte an duine de thoradh ar bhia a bhí i dteagmháil le polaiméirí cóireáilte a thomhailt, agus nach bhféadfaí aon bheart maolaithe riosca leordhóthanach a shainaithint chun na rioscaí sin a mhaolú. Dá bharr sin, ní mheastar go gcomhlíonfaidh táirgí de chineál táirge 4 ina bhfuil fosfáit siorcóiniam hidrigine sóidiam airgid na critéir a leagtar amach in Airteagal 19(1), pointe (b)(iii) de Rialachán (AE) Uimh. 528/2012.

(7)

Rinneadh measúnú ar fosfáit siorcóiniam hidrigine sóidiam airgid de bhun Rialachán (CE) Uimh. 1935/2004 ó Pharlaimint na hEorpa agus ón gComhairle (4). An 26 Bealtaine 2004, ghlac an tÚdarás Eorpach um Shábháilteacht Bia (EFSA) tuairim lena ndéantar meastóireacht ar shábháilteacht fosfáite siorcóiniam hidrigine sóidiam lena húsáid in ábhair phlaisteacha a bhíonn i dteagmháil le plaisteach (5). Sa tuairim sin, tháinig an tÚdarás ar an gconclúid go ndéanfadh srian 0,05 mg/kg bia (mar airgead) le haghaidh fosfáit siorcóiniam hidrigine sóidiam an iontógáil a theorannú go níos lú ná 12,5 % den leibhéal ag a mbreathnaítear aon éifeacht dhíobhálach i ndaoine, agus dá bhrí sin mhol sé teorainn ascnaimh ghrúpa shonrach 0,05 mg Ag/kg bia. Cé nach n-údaraítear fosfáit siorcóiniam hidrigine sóidiam lena húsáid in ábhair phlaisteacha a bhíonn i dteagmháil le Bia ar leibhéal an Aontais, áiríodh í i liosta breiseán sealadach a fhéadfar a úsáid in ábhair phlaisteacha a bhíonn i dteagmháil le bia faoi réir an dlí náisiúnta, i gcomhréir le hAirteagal 6(5) de Rialachán (AE) Uimh. 10/2011 (6).

(8)

I gcomhthéacs na meastóireachta ar chomhdhúile airgid faoi Rialachán (AE) Uimh. 528/2012, d’eisigh EFSA agus ECHA doiciméad comhpháirteach (7) i mí Feabhra 2020 (‘doiciméad comhpháirteach EFSA-ECHA’), doiciméad inar tháinig siad ar an gconclúid go bhfuil a dtuairimí faoi seach maidir le húsáid comhdhúl airgid comhsheasmhach le Rialachán (CE) Uimh. 1935/2004 agus Rialachán (AE) Uimh. 528/2012, faoi seach, agus go mbaineann na difríochtaí ina gconclúidí ar an measúnú riosca lena spriocanna, tacair sonraí agus modheolaíochtaí éagsúla.

(9)

Agus an tuairim ó ECHA agus an doiciméad comhpháirteach EFSA-ECHA á gcur san áireamh, is iomchuí gan fosfáit siorcóiniam hidrigine sóidiam a fhormheas mar shubstaint ghníomhach lena húsáid i dtáirgí bithicídeacha de chineál táirge 4.

(10)

Na bearta dá bhforáiltear sa Chinneadh seo, is bearta iad atá i gcomhréir leis an tuairim ón mBuanchoiste um Tháirgí Bithicídeacha,