(1)

Bunaítear le Rialachán (AE) 2018/1240 an Córas Eorpach um Fhaisnéis agus Údarú Taistil (‘ETIAS’), córas is infheidhme maidir le náisiúnaigh tríú tír atá díolmhaithe ó cheanglas víosa agus atá ag iarraidh teacht isteach i gcríoch na mBallstát.

(2)

Is é is cuspóir don Chinneadh seo na sonraíochtaí teicniúla a leagan síos maidir le cur chun feidhme na gcoinníollacha maidir le sonraí a choinneáil dá bhforáiltear in Airteagal 24(6), pointe (c)(ii) agus Airteagal 54(1), pointe (b), de Rialachán (AE) 2018/1240, chun gur féidir fíoruithe uathoibrithe a dhéanamh a bhraitheann ar an Tairseach Chuardaigh Eorpach (‘ESP’).

(3)

De bhun Airteagal 24(6) agus Airteagal 54(1) de Rialachán (AE) 2018/1240, ba cheart do Lárchóras ETIAS a fhíorú go tráthrialta agus go huathoibríoch go gcomhlíontar na coinníollacha maidir le comhaid iarratais a choinneáil.

(4)

Chun an oibleagáid sin a chomhlíonadh, ba cheart do Lárchóras ETIAS cloí le tréimhse choinneála an chomhaid iarratais, is é sin tréimhse 5 bliana ón gcinneadh deireanach an t-údarú taistil a dhiúltú, a neamhniú nó a chúlghairm.

(5)

Maidir leis an gcinneadh údarú taistil a dhiúltú, a neamhniú nó a chúlghairm, i gcás ina ndéanfar na sonraí uile as a n-eascraíonn an cinneadh sin a scriosadh sula rachaidh an tréimhse choinneála 5 bliana in éag, ba cheart do Lárchóras ETIAS an comhad iarratais a scriosadh go huathoibríoch laistigh de 3 lá. Ar an gcúis sin, agus chun teorainn a chur leis an méid próiseála, ba cheart don chóras comhlíonadh na rialacha maidir le coinneáil sonraí a fhíorú ar bhonn laethúil. Ina theannta sin, i gcás inar cheart taifead a scriosadh, ba cheart é a dhéanamh laistigh de 3 lá.

(6)

Ós rud é go gcuireann Rialachán (AE) 2018/1240 le acquis Schengen, i gcomhréir le hAirteagal 4 de Phrótacal Uimh. 22 maidir le seasamh na Danmhairge, prótacal atá i gceangal leis an gConradh ar an Aontas Eorpach agus leis an gConradh ar Fheidhmiú an Aontais Eorpaigh, thug an Danmhairg fógra faoi chur chun feidhme Rialachán (AE) 2018/1240 ina dlí náisiúnta. Dá bhrí sin, tá an Cinneadh seo ina cheangal ar an Danmhairg.

(7)

Is é atá sa Chinneadh seo forbairt ar fhorálacha acquis Schengen nach bhfuil Éire rannpháirteach iontu. Ní thagann an Cinneadh seo faoi raon feidhme na mbeart dá bhforáiltear i gCinneadh 2002/192/CE ón gComhairle (2). Dá bhrí sin, níl Éire rannpháirteach i nglacadh an Chinnidh seo agus níl sí faoi cheangal aige ná faoi réir a chur i bhfeidhm.

(8)

Maidir leis an Íoslainn agus leis an Iorua, is é atá sa Chinneadh seo forbairt ar fhorálacha acquis Schengen de réir bhrí an Chomhaontaithe arna thabhairt i gcrích ag Comhairle an Aontais Eorpaigh agus Poblacht na hÍoslainne agus Ríocht na hIorua maidir le comhlachas an dá stát sin le acquis Schengen a chur chun feidhme, a chur i bhfeidhm agus a fhorbairt (3), ar forálacha iad a thagann faoi réim an réimse dá dtagraítear in Airteagal 1, pointe A, de Chinneadh 1999/437/CE ón gComhairle (4).

(9)

Maidir leis an Eilvéis, is é atá sa Chinneadh seo forbairt ar fhorálacha acquis Schengen de réir bhrí an Chomhaontaithe arna thabhairt i gcrích idir an tAontas Eorpach, an Comhphobal Eorpach agus Cónaidhm na hEilvéise maidir le comhlachas Chónaidhm na hEilvéise le acquis (5) Schengen a chur chun feidhme, a chur i bhfeidhm agus a fhorbairt, ar forálacha iad a thagann faoi réim an réimse dá dtagraítear in Airteagal 1, pointe A, de Chinneadh 1999/437/CE ón gComhairle, arna léamh i gcomhar le hAirteagal 3 de Chinneadh 2008/146/CE ón gComhairle (6).

(10)

A mhéid a bhaineann le Lichtinstéin, is é atá sa Chinneadh seo forbairt ar fhorálacha acquis Schengen de réir bhrí an Phrótacail idir an tAontas Eorpach, an Comhphobal Eorpach, Cónaidhm na hEilvéise agus Prionsacht Lichtinstéin i ndáil le haontachas Phrionsacht Lichtinstéin leis an gComhaontú idir an tAontas Eorpach, an Comhphobal Eorpach agus Cónaidhm na hEilvéise maidir le comhlachas Chónaidhm na hEilvéise le acquis (7) Schengen a chur chun feidhme, a chur i bhfeidhm agus a fhorbairt, ar forálacha iad a thagann faoi réim an réimse dá dtagraítear in Airteagal 1, pointe A, de Chinneadh 1999/437/CE ón gComhairle arna léamh i gcomhar le hAirteagal 3 de Chinneadh 2011/350/AE ón gComhairle (8).

(11)

A mhéid a bhaineann leis an gCipir, leis an mBulgáir agus leis an Rómáin, is é atá sa Chinneadh seo gníomh atá ag cur le acquis Schengen, nó atá gaolmhar leis ar dhóigh eile, de réir bhrí Airteagal 3(1) d’Ionstraim Aontachais 2003 agus Airteagal 4(1) d’Ionstraim Aontachais 2005 faoi seach.

(12)

Chuathas i gcomhairle leis an Maoirseoir Eorpach ar Chosaint Sonraí i gcomhréir le hAirteagal 42(1) de Rialachán (AE) 2018/1725 ó Pharlaimint na hEorpa agus ón gComhairle (9) agus thug sé tuairim uaidh an 9 Meán Fómhair 2022.

(13)

Tá na bearta dá bhforáiltear sa Chinneadh seo i gcomhréir leis an tuairim ón gCoiste um Theorainneacha Cliste,