TÁ AN COIMISIÚN EORPACH,

Ag féachaint don Chonradh ar Fheidhmiú an Aontais Eorpaigh,

Ag féachaint do Rialachán (AE) Uimh. 305/2011 ó Pharlaimint na hEorpa agus ón gComhairle an 9 Márta 2011 lena leagtar síos coinníollacha comhchuibhithe maidir le táirgí foirgníochta a mhargú agus lena n-aisghairtear Treoir 89/106/CEE ón gComhairle (1), agus go háirithe Airteagal 22 de,

De bharr an mhéid seo a leanas:

(1)

I gcomhréir le Rialachán (AE) Uimh. 305/2011, úsáidfidh Comhlachtaí um Measúnú Teicniúil na modhanna agus na critéir a sholáthraítear i nDoiciméid um Measúnú Eorpach, ar foilsíodh na tagairtí dóibh in Iris Oifigiúil an Aontais Eorpaigh, chun measúnú a dhéanamh ar fheidhmíocht táirgí foirgníochta a chumhdaítear leis na doiciméid sin i ndáil lena mbuntréithe.

(2)	I gcomhréir le hAirteagal 19 de Rialachán (AE) Uimh. 305/2011, ar lorg roinnt iarratas ó mhonaróirí ar Mheasúnuithe Teicniúla Eorpacha, tá 20 Dhoiciméad um Measúnú Eorpach tarraingthe suas agus glactha ag eagraíocht na gComhlachtaí um Measúnú Teicniúil.

(3)

Na Doiciméid um Measúnú Eorpach a tharraing eagraíocht na gComhlachtaí um Measúnú Teicniúil suas agus a ghlac sí, baineann siad leis na táirgí foirgníochta seo a leanas:

—	scannáin atá le húsáid mar fhobhrait dín nó bhalla, nó mar an dá rud,

—	sraithe rialála galuisce a bhraitheann ar bhogthaise,

—	bratuithe mianraí tiubha solúbtha atá modhnaithe le polaiméir,

—	insliú teirmeach le haghaidh foirgnimh atá déanta as burlaí tuí,

—	cúr nasctha a rinneadh i monarcha atá le húsáid mar insliú fuaime agus teirmeach,

—	cláir inslithe déanta as polúireatán athchúrsáilte atá le húsáid mar insliú fuaime agus teirmeach,

—	trealamh de dhúile polúireatáin le haghaidh fráma inslithe teirmigh timpeall fuinneoga atá déanta as próifílí clóiríde polaivinile neamhphlaistithe,

—	trealamh simléir atá frithsheasmhach in aghaidh dóiteáin súiche ag a bhfuil líneálach múcháin cré/ceirmeach, a fheidhmíonn i ndálaí fliucha agus faoi bhrú diúltach/deimhneach (le cur in ionad na sonraíochta teicniúla 060001-00-0802, 060003-00-0802 agus 060008-00-0802’),

—	cláir struchtúracha a rinneadh a neart a ghrádú agus a siúntáladh le méaralt ag a bhfuil bonn méarailt dúnta acu — bogadhmad,

—	leac adhmaid réamhdhéanta de bhogadhmad muilleáilte atá le húsáid mar eilimintí struchtúracha i bhfoirgnimh,

—	fobhrait atá déanta as cúr gránaithe polúireatáin le corc gránaithe nó gan é,

—	eilimintí sprionga chruaigh,

—	painéil chomhchodacha atá bunaithe ar adhmad le haghaidh dearadh balla nó síleála taobh istigh, nó le haghaidh an dá rud,

—	trealamh le haghaidh díonta glasa,

—	marcanna bóithre - eilimintí ais-fhrithchaiteacha;

—	painéil ghloine, tíleanna agus mósáic,

—	ancairí teilgthe ag a bhfuil soicéad snáithithe inmheánach (le cur in ionad na sonraíochta teicniúla ‘EAD 330012-00-0601’),

—	nascóirí plaisteach atá treisithe le snáithín gloine atá le húsáid i mballaí srathaithe agus eiliminte atá déanta as coincréiteach,

—	gairis ancaire chun córais chosanta phearsanta ar thitim a cheangal le fostruchtúir adhmaid,

—	ceanglóirí scriú nasctha atá le húsáid i gcoincréiteach.

(4)

Na Doiciméid um Measúnú Eorpach atá tarraingthe suas agus glactha ag eagraíocht na gComhlachtaí um Measúnú Teicniúil, comhlíonann siad na riachtanais atá le comhlíonadh maidir leis na buncheanglais i ndáil le hoibreacha foirgníochta a leagtar amach in Iarscríbhinn I a ghabhann le Rialachán (AE) Uimh. 305/2011. Dá bhrí sin, is iomchuí na tagairtí do na Doiciméid um Measúnú Eorpach sin a fhoilsiú in Iris Oifigiúil an Aontais Eorpaigh.

(5)	Foilsítear liosta na dtagairtí do Dhoiciméid um Measúnú Eorpach maidir le táirgí foirgníochta de bhun Chinneadh Cur Chun Feidhme (AE) 2019/450 ón gCoimisiún (2). Ar mhaithe le soiléireacht, ba cheart tagairtí do Dhoiciméid nua um Measúnú Eorpach a chur leis an liosta sin.

(6)	Dá bhrí sin, ba cheart Cinneadh Cur Chun Feidhme (AE) 2019/450 a leasú dá réir.

(7)	Chun gur féidir na Doiciméid um Measúnú Eorpach a úsáid a luaithe is féidir, ba cheart don Chinneadh seo teacht i bhfeidhm lá a fhoilsithe,

TAR ÉIS AN CINNEADH SEO A GHLACADH:

(2) Cinneadh Cur Chun Feidhme (AE) 2019/450 ón gCoimisiún an 19 Márta 2019 maidir le foilsiú na nDoiciméad um Measúnú Eorpach le haghaidh táirgí foirgníochta arna ndréachtú chun tacú le Rialachán (AE) Uimh. 305/2011 ó Pharlaimint na hEorpa agus ón gComhairle (IO L 77, 20.3.2019, lch. 78).

‘030218-01-0402	Scannáin atá le húsáid mar fhobhrait dín nó bhalla, nó mar an dá rud’
‘030271-00-0605	Sraithe rialála galuisce a bhraitheann ar bhogthaise’
‘030295-00-0605	Bratuithe mianraí tiubha solúbtha atá modhnaithe le polaiméir’
‘040146-00-1201	Insliú teirmeach le haghaidh foirgnimh atá déanta as burlaí tuí’
‘040831-00-1201	Cúr nasctha a rinneadh i monarcha atá le húsáid mar insliú fuaime agus teirmeach’
‘041369-00-1201	Cláir inslithe déanta as polúireatán athchúrsáilte atá le húsáid mar insliú fuaime agus teirmeach’
‘041499-00-1201	Trealamh de dhúile polúireatáin le haghaidh fráma inslithe teirmigh timpeall fuinneoga atá déanta as próifílí clóiríde polaivinile neamhphlaistithe’
‘060011-00-0802	Trealamh simléir atá frithsheasmhach in aghaidh dóiteáin súiche ag a bhfuil líneálach múcháin cré/ceirmeach, a fheidhmíonn i ndálaí fliucha agus faoi bhrú diúltach/deimhneach (le cur in ionad na sonraíochta teicniúla ‘060001-00-0802, 060003-00-0802 agus 060008-00-0802’)’
‘130321-00-0304	Cláir struchtúracha a rinneadh a neart a ghrádú agus a siúntáladh le méaralt ag a bhfuil bonn méarailt dúnta acu – bogadhmad’
‘130323-00-0304	Leac adhmaid réamhdhéanta de bhogadhmad muilleáilte atá le húsáid mar eilimintí struchtúracha i bhfoirgnimh’
‘190010-00-0502	Fobhrait atá déanta as cúr gránaithe polúireatáin le corc gránaithe nó gan é’
‘200112-00-0301	Eilimintí sprionga chruaigh’
‘210058-00-0504	Painéil chomhchodacha atá bunaithe ar adhmad le haghaidh dearadh balla nó síleála taobh istigh, nó le haghaidh an dá rud’
‘220009-00-0401	Trealamh le haghaidh díonta glasa’
‘230064-00-0106	Marcanna bóithre - ábhair ais-fhrithchaiteacha’
‘300002-00-1202	Painéil ghloine, tíleanna agus mósáic’
‘330012-01-0601	Ancairí teilgthe ag a bhfuil soicéad snáithithe inmheánach (le cur in ionad na sonraíochta teicniúla ‘EAD 330012-00-0601’)’
‘330387-00-0601	Nascóirí plaisteach atá treisithe le snáithín gloine atá le húsáid i mballaí srathaithe agus eiliminte atá déanta as coincréiteach’
‘331846-00-0603	Gairis ancaire chun córais chosanta phearsanta ar thitim a cheangal le fostruchtúir adhmaid’
‘332795-00-0601	Ceanglóirí scriú nasctha atá le húsáid i gcoincréiteach’.