(1)

An 18 Bealtaine 2022, ghlac an Coimisiún Eorpach agus Ardionadaí an Aontais do Ghnóthaí Eachtracha agus don Bheartas Slándála Teachtaireacht Chomhpháirteach chuig Parlaimint na hEorpa agus chuig an gComhairle maidir le comhpháirtíocht straitéiseach leis an Murascaill. Bhí na conclúidí ón gComhairle ann ina dhiadh sin an 20 Meitheamh 2022.

(2)

Ba cheart Ionadaí Speisialta an Aontais Eorpaigh (ISAE) don Mhurascaill a cheapadh go ceann tréimhse 21 mhí.

(3)

Ba cheart don Chomhairle agus don Choimisiún, le cúnamh ó Ardionadaí an Aontais do Ghnóthaí Eachtracha agus don Bheartas Slándála, comhsheasmhacht a áirithiú idir réimsí éagsúla ghníomhaíocht sheachtrach an Aontais i réigiún na Murascaille agus a bheith ag oibriú i ndlúthchomhar chuige sin. Tacóidh agus oibreoidh ISAE i gcomhar leis na hinstitiúidí chuige sin.

(4)

Tá an sainordú le cur chun feidhme ag ISAE i gcomhthéacs staid a dfhéadfadh dul in olcas, agus a dfhéadfadh bac a chur ar bhaint amach chuspóirí ghníomhaíocht sheachtrach an Aontais mar a leagtar amach in Airteagal 21 den Chonradh ar an Aontas Eorpach iad,

(a)

leasanna bunúsacha, agus slándáil an Aontais a chosaint i réigiún na Murascaille;

(b)

dea-chaidreamh agus dlúthchaidreamh a chur chun cinn idir an tAontas agus tíortha réigiún na Murascaille ar bhonn comhluachanna agus comhleasanna;

(c)

comhpháirtíocht níos láidre, níos cuimsithí agus níos straitéisí a thógáil leis na tíortha i Réigiún na Murascaille chun an rathúnas agus an tslándáil a fheabhsú;

(d)

rannchuidiú leis an gcobhsaíocht agus an tslándáil i réigiún na Murascaille trí mhaolú an teannais a chur chun cinn agus trí bheith ag tacú le hidirphlé agus réitigh réigiúnacha fadtéarmacha i réigiún na Murascaille;

(a)

tacaíocht a thabhairt don Ardionadaí, in éineacht leis an tSeirbhís Eorpach Gníomhaíochta Seachtraí (SEGS), i gcur chun feidhme ghnéithe beartais eachtraigh agus slándála de Theachtaireacht Chomhpháirteach an 18 Bealtaine 2022 maidir le Comhpháirtíocht Straitéiseach leis an Murascaill agus na conclúidí gaolmhara ón gComhairle an 20 Meitheamh 2022;

(b)

rannchuidiú trí bhealaí taidhleoireachta leis an tsíocháin a chaomhnú agus na coinbhleachtaí a chosc sa réigiún, chomh maith lena n-éifeachtaí féideartha a mhaolú, go háirithe trí aghaidh a thabhairt ar bhagairtí comhchoiteanna amhail an sceimhlitheoireacht, an t-athrú aeráide, an díghrádú comhshaoil nó an neamhdheimhneacht fuinnimh;

(c)

cuidiú le comhsheasmhacht ghníomhaíocht sheachtrach an Aontais a áirithiú agus tosaíochtaí, luachanna agus leasanna an Aontais a chur chun cinn sa réigiún;

(d)

cur le tuiscint níos fearr ar ról an Aontais agus a infheictheacht sa réigiún, cuidiú le haghaidh a thabhairt ar an mbréagaisnéis agus teagmhálacha idirphearsanta níos láidre a thógáil;

(e)

teagmhálacha le comhpháirtithe réigiún na Murascaille a neartú ar bhonn indibhidiúil, agus ina theannta sin, trí idirchaidreamh a dhéanamh, i gcás inar gá, leis na heagraíochtaí réigiúnacha ábhartha amhail Comhairle Comhair Stáit Arabacha na Murascaille (CCSAM), Léig na Stát Arabach (LSA) agus eagraíochtaí ábhartha eile ar leibhéal an ISAE;

(a)

plean slándála sonrach a bhunú a bheidh bunaithe ar threoir ó SEGS, lena n-áirítear bearta slándála sonracha fisiciúla, eagraíochtúla agus nós imeachta, lena rialaítear bainistiú ar ghluaiseacht shlán pearsanra chuig an réimse freagrachta agus laistigh de, chomh maith le bainistiú teagmhas slándála, agus lena n-áirítear plean teagmhais agus aslonnaithe;

(b)

a áirithiú go gcumhdófar an pearsanra uile a imscartar lasmuigh den Aontas le hárachas ardriosca mar a cheanglaítear leis na coinníollacha i réimse na freagrachta;

(c)

a áirithiú go mbeidh oiliúint slándála iomchuí faighte ag foireann ISAE a bheidh le himscaradh lasmuigh den Aontas, lena n-áirítear pearsanra a bheidh ar conradh go háitiúil, roimh theacht i réimse na freagrachta nó ar theacht isteach sa réimse sin dóibh, bunaithe ar na rátálacha riosca arna sannadh ag SEGS don réimse sin;

(d)

a áirithiú go ndéanfar na moltaí comhaontaithe uile, a dhéantar tar éis measúnuithe rialta slándála, a chur chun feidhme agus tuarascálacha i scríbhinn a chur ar fáil don Chomhairle, don Ardionadaí, agus don Choimisiún maidir lena gcur chun feidhme agus maidir le saincheisteanna slándála eile faoi chuimsiú na dtuarascálacha rialta ar an dul chun cinn agus na tuarascála cuimsithí críochnaithí ar chur chun feidhme an tsainordaithe.