(1)

Tá sonraíocht na n-ionstraimí a thagraíonn d’ionstraim fholuiteach choimhthíoch dá bhforáiltear in Airteagal 325u(2), pointe (a), de Rialachán (AE) Uimh. 575/2013 sách soiléir chun go bhféadfaidh institiúidí a shainaithint cad is ionstraim fholuiteach coimhthíoch ann chun críocha ríomh na gceanglas cistí dílse le haghaidh priacail iarmharacha a leagtar amach in Airteagal 325u. Dá bhrí sin, níl gá le haon sonraíocht bhreise ar bhrí ionstraime foluití coimhthíche.

(2)

Go háirithe, comhlíonann priacal fad saoil, an aimsir, tubaistí nádúrtha agus luaineacht a réadófar sa todhchaí an tsonraíocht d’ionstraim fholuiteach choimhthíoch, i gcomhréir leis an léiriú a thugtar sa chreat idirnáisiúnta ábhartha arna shainiú ag Coiste Basel um Maoirseacht ar Bhaincéireacht (CBMB).

(3)

Níl an sainmhíniú ar ionstraimí a ngabhann priacail iarmharacha leo dá bhforáiltear in Airteagal 325u(2), pointe (b), de Rialachán (AE) Uimh. 575/2013 soiléir go leor chun go mbeidh institiúidí in ann ionstraimí áirithe lena ngabhann priacail iarmharacha a shainaithint. Dá bhrí sin, ba cheart liosta ionstraimí lena ngabhann priacail iarmharacha, cé nach liosta uileghabhálach a bheadh ann, a shonrú chun méid áirithe comhchuibhithe agus comhsheasmhachta a áirithiú sa chaoi a gcaitear le hionstraimí a ngabhann na priacail sin leo ar fud an Aontais. Ba cheart eilimintí an liosta sin a roghnú agus creat idirnáisiúnta ábhartha CBMB á chur san áireamh. I gcás ionstraimí eile ina bhfuil toimhde go ngabhann priacail iarmharacha leo, ba cheart d’institiúidí a mheas an gcomhlíonann na hionstraimí sin an sainmhíniú a leagtar amach in Airteagal 325u(2), pointe (b), den Rialachán sin.

(4)

I bhfianaise an chineáil neamhchaighdeánaigh de go leor de na hionstraimí a ngabhann priacal iarmharach leo, ba cheart liosta neamh-uileghabhálach priacal, ar priacail nár cheart a bheith iontu féin ina spreagadh do chur san áireamh ionstraime faoin sainmhíniú ar ionstraimí lena ngabhann priacail iarmharacha, a shonrú freisin d’fhonn deimhneacht dhlíthiúil agus trédhearcacht níos fearr a sholáthar. Mar sin féin, ba cheart d’institiúidí a mheas an bhféadfaí ionstraim atá neamhchosanta ar na priacail sin a mheas mar ionstraim atá neamhchosanta ar phriacal iarmharach má chomhlíonann an ionstraim ceann de na coinníollacha eile dá dtagraítear in Airteagal 325u(2) de Rialachán (AE) Uimh. 575/2013.

(5)

Tá an Rialachán seo bunaithe ar na dréachtchaighdeáin theicniúla rialála a chuir an tÚdarás Baincéireachta Eorpach faoi bhráid an Choimisiúin.

(6)

Rinne an tÚdarás Baincéireachta Eorpach comhairliúcháin phoiblí oscailte a reáchtáil maidir leis na dréachtchaighdeáin theicniúla rialála ar a bhfuil an Rialachán seo bunaithe, rinne sé anailís ar na costais agus ar na tairbhí a d’fhéadfadh a bheith ag baint leo ann agus d’iarr sé comhairle ar an nGrúpa Geallsealbhóirí Baincéireachta arna bhunú i gcomhréir le hAirteagal 37 de Rialachán (AE) Uimh. 1093/2010 ó Pharlaimint na hEorpa agus ón gComhairle (2).

(a)

priacal a eascraíonn as idirbhearta inar féidir an oibleagáid seachadta a chomhlíonadh laistigh de raon ionstraimí inseachadta agus i gcás ina bhfuil an deis ag an gcontrapháirtí an ionstraim is lú luach de na hionstraimí sin a sheachadadh;

(b)

priacal go n-athrófaí luaineacht intuigthe ionstraime a bhfuil roghnaíocht aici, i gcoibhneas le luaineacht intuigthe ionstraimí eile a bhfuil roghnaíocht acu a bhfuil an ionstraim fholuiteach agus an aibíocht chéanna acu, ach a bhfuil airgeadúlacht dhifriúil acu;

(c)

priacal comhghaoil a eascraíonn as rogha innéacs, i gcás ina gcomhlíonann an t-innéacs na coinníollacha a leagtar amach in Airteagal 325i(3) de Rialachán (AE) Uimh. 575/2013;

(d)

priacal comhghaoil a eascraíonn as céadrogha i ngnóthas comhinfheistíochta a bhfuil tagarmharc innéacs á rianú aige, i gcás ina gcomhlíonann an rianú na coinníollacha a leagtar amach in Airteagal 325j(2) de Rialachán (AE) Uimh. 575/2013 agus ina gcomhlíonann an t-innéacs na coinníollacha a leagtar amach in Airteagal 325i(3) den Rialachán sin;

(e)

priacal díbhinne a eascraíonn as ionstraim dhíorthach ar mó ná íocaíochtaí díbhinne atá ina hionstraim fholuiteach.