25.11.2022 |
GA |
Iris Oifigiúil an Aontais Eorpaigh |
L 305/1 |
RIALACHÁN TARMLIGTHE (AE) 2022/2300 ÓN gCOIMISIÚN
an 30 Lúnasa 2022
lena bhforlíontar Rialachán (AE) 2021/847 ó Pharlaimint na hEorpa agus ón gComhairle le forálacha maidir le bunú creata faireacháin agus meastóireachta le haghaidh chlár Fiscalis chun comhar a dhéanamh i réimse an chánachais
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) 2021/847 ó Pharlaimint na hEorpa agus ón gComhairle an 20 Bealtaine 2021 lena mbunaítear clár “Fiscalis” chun comhar a dhéanamh i réimse an chánachais agus lena n-aisghairtear Rialachán (AE) Uimh. 1286/2013 (1), agus go háirithe Airteagal 14(2) de,
De bharr an mhéid seo a leanas:
(1) |
In Iarscríbhinn II a ghabhann le Rialachán (AE) 2021/847 liostaítear na táscairí chun tuairisciú a dhéanamh ar dhul chun cinn chlár Fiscalis a bhunaítear leis an Rialachán sin (“an Clár”) i maidir le baint amach na gcuspóirí sonracha a leagtar amach in Airteagal 3(2) den Rialachán sin. |
(2) |
Cé go bhfuil na táscairí a liostaítear in Iarscríbhinn II a ghabhann le Rialachán (AE) 2021/847 oiriúnach chun faireachán bliantúil a dhéanamh ar an bhfeidhmíocht, ní féidir faireachán cuimsitheach agus meastóireacht chuimsitheach a dhéanamh go leormhaith leis na táscairí sin ar ghníomhaíochtaí agus ar thorthaí an Chláir maidir le baint amach a chuspóirí sonracha. Dá bhrí sin, ba cheart táscairí breise a leagan síos mar chuid den chreat faireacháin agus meastóireachta. Ba cheart aschuir, torthaí agus tionchair an Chláir a thomhas leis na táscairí sin. |
(3) |
Chun a áirithiú go mbaileofar na sonraí lena ndéanfar faireachán agus meastóireacht ar an gClár ar bhealach éifeachtúil, éifeachtach, agus go mbaileofar go tráthúil iad, ba cheart ceanglais tuairiscithe chomhréireacha a fhorchur lena seachnaítear tuairisciú dúbailte agus lena n-íoslaghdaítear ualaí riaracháin. |
(4) |
Chun ailíniú a áirithiú le tús na tréimhse tuairiscithe atá nasctha le creat faireacháin agus meastóireachta an Chláir, ba cheart feidhm chúlghabhálach a bheith ag an Rialachán Tarmligthe seo, ón 1 Eanáir 2022, |
TAR ÉIS AN RIALACHÁN SEO A GHLACADH:
Airteagal 1
Táscairí an chreata faireacháin agus meastóireachta agus na ceanglais tuairiscithe
1. Agus faireachán agus meastóireacht á ndéanamh ar an gClár i gcomhréir le hAirteagail 14 agus 15 de Rialachán (AE) 2021/847, úsáidfear na táscairí seo a leanas mar chuid den chreat faireacháin agus meastóireachta:
(a) |
na táscairí a leagtar amach in Iarscríbhinn II a ghabhann le Rialachán (AE) 2021/847; |
(b) |
na táscairí a leagtar amach san Iarscríbhinn a ghabhann leis an Rialachán seo, lena dtomhaisfear aschuir, torthaí agus tionchair an Chláir. |
2. Déanfar na táscairí dá dtagraítear i mír 1 a thomhas go bliantúil, seachas na táscairí tionchair dá dtagraítear i bpointí (1)(a) agus (3) den Iarscríbhinn a ghabhann leis an Rialachán seo, ar táscairí tionchair iad a ndéanfar a thomhas gach 2 bhliain agus mar chuid de na meastóireachtaí eatramhacha agus deiridh, i gcomhréir le hAirteagal 15 de Rialachán (AE) 2021/847.
3. Ar éileamh ón gCoimisiún, cuirfidh faighteoirí chistí an Chláir sonraí agus faisnéis a bhaineann leis na táscairí dá dtagraítear i mír 1 chuig an gCoimisiún, ar táscairí agus faisnéis iad atá ábhartha chun rannchuidiú leis an gcreat faireacháin agus meastóireachta.
Airteagal 2
Teacht i bhfeidhm agus cur i bhfeidhm
Tiocfaidh an Rialachán seo i bhfeidhm an tríú lá tar éis lá a fhoilsithe in Iris Oifigiúil an Aontais Eorpaigh.
Beidh feidhm aige ón 1 Eanáir 2022.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, 30 Lúnasa 2022.
Thar ceann an Choimisiúin
An tUachtarán
Ursula VON DER LEYEN
IARSCRÍBHINN
Liosta táscairí breise maidir le creat faireacháin agus meastóireachta Chlár Fiscalis dá dtagraítear in Airteagail 14 agus 15 de Rialachán (AE) 2021/847
A. Táscairí aschuir
(1) |
Forbairt na gcomhpháirteanna comhchoiteanna de na Córais Leictreonacha Eorpacha:
|
(2) |
Cur i gcrích na gcomhpháirteanna comhchoiteanna de na Córais Leictreonacha Eorpacha:
|
(3) |
Iontaofacht na gCóras Leictreonach Eorpach (acmhainn an Líonra Cumarsáide Choitinn). |
(4) |
Iontaofacht seirbhísí tacaíochta TF:
|
(5) |
Leibhéal tacaíochta maidir le fothú acmhainneachta a soláthraíodh trí ghníomhaíochtaí comhoibríocha (cáilíocht na ngníomhaíochtaí comhoibríocha). |
(6) |
Leibhéal feasachta ar na Cláir. |
B. Táscairí toraidh
(1) |
Leibhéal comhleanúnachais reachtaíochta cánach agus beartais cánach agus a gcur i bhfeidhm (rannchuidiú comhpháirteanna comhchoiteanna nua de na Córais Leictreonacha Eorpacha le cur chun feidhme comhleanúnach dhlí agus bheartas an Aontais a éascú). |
(2) |
Úsáid Príomhchóras Leictreonach Eorpach a bhfuil sé d’aidhm acu idirnascacht agus malartú faisnéise a mhéadú (an líon teachtaireachtaí ó chóras go córas a mhalartaítear). |
(3) |
Leibhéal comhair oibríochtúil idir na húdaráis náisiúnta:
|
(4) |
Feidhmíocht oibríochtúil na n-údarás náisiúnta:
|
C. Táscairí tionchair
(1) |
Forbairt chosaint leasanna airgeadais agus leasanna eacnamaíocha an Aontais agus na mBallstát:
|
(2) |
Rannchuidiú le feidhmiú an mhargaidh inmheánaigh a fheabhsú (an líon cásanna maidir le réamhshárú agus sárú i ndáil le cánachas). |
(3) |
Forbairt iomaíochas an Aontais agus iomaíochta córa laistigh den Aontas (tuairisceáin chánach nó measúnuithe a réamhlíonadh). |