(1)

Le Rialachán Tarmligthe (AE) 2021/2066 ón gCoimisiún (2), déantar foráil maidir le cur chun feidhme na hoibleagáide gabhálacha a thabhairt i dtír le haghaidh stoic ghrinnill áirithe sa Mheánmhuir, agus feidhm leis ón 1 Eanáir 2022 go dtí 31 Nollaig 2024.

(2)

An 9 Bealtaine 2022, chuir an Spáinn, an Fhrainc agus an Iodáil (“Grúpa Ardleibhéil Pescamed”), moladh comhpháirteach faoi bhráid an Choimisiúin ina moltar síneadh a chur le díolúintí áirithe ón oibleagáid gabhálacha a thabhairt i dtír i gcás iascaigh ghrinnill sa Mheánmhuir Thiar, agus tuairimí Chomhairle Chomhairleach na Meánmhara á gcur san áireamh.

(3)

Rinne an Coiste Eolaíoch, Teicniúil agus Eacnamaíoch um Iascach (“STECF”) measúnú ar an moladh comhpháirteach idir an 16 agus an 20 Bealtaine 2022 (3).

(4)

An 8 Iúil 2022, chuir Grúpa Ardleibhéil Pescamed moladh comhpháirteach nuashonraithe isteach a ndearna STECF measúnú air freisin.

(5)

Faoi Airteagal 18 de Rialachán (AE) Uimh. 1380/2013 ó Pharlaimint na hEorpa agus ón gComhairle (4), rinne an Coimisiún breithniú ar an moladh comhpháirteach an 8 Iúil 2022 i bhfianaise mheasúnú STECF chun a áirithiú go bhfuil sé comhoiriúnach leis na bearta caomhnaithe ábhartha, lena n-áirítear an oibleagáid gabhálacha a thabhairt i dtír.

(6)

Moltar sa mholadh comhpháirteach nuashonraithe an 8 Iúil 2022 síneadh a chur leis na díolúintí ard-inmharthanachta, mar a fhoráiltear in Airteagal 15(4), pointe (b), de Rialachán (AE) Uimh. 1380/2013, arna bhunú le haghaidh breallaigh mhaighdeogacha (Venus spp.), Muiríní (Pecten jacobaeus) agus breallaigh chroise (Venerupis spp.) a ghabhtar le dreidirí meicnithe.

(7)

Maidir le breallaigh mhaighdeogacha (Venus spp.), tháinig STECF ar an gconclúid go bhfuil meastacháin láidre ard-inmharthanachta san fhaisnéis tacaíochta. Measann an Coimisiún gur cheart síneadh a chur leis an díolúine dá bhrí sin.

(8)

Maidir le muiríní (Pecten jacobaeus) agus breallaigh chroise (Venerupis spp.), chuir STECF i dtábhacht gur gá fianaise bhreise a chur isteach a mhéid a bhaineann le muiríní (Pecten jabobaeus). Tugann an Coimisiún dá aire go bhfuil staidéir eolaíocha agus foilseacháin ann maidir leis an dá speiceas sin agus speicis dhébhlaoscacha chomhchosúla eile a ghabhann dreidirí meicnithe in imchuacha farraige eile a ndearna STECF measúnú orthu san am a chuaigh thart. Maidir leis na cosúlachtaí idir muiríní na Meánmhara Thiar (Pecten jacobaeus) agus le breallaigh chroise (Venerupis spp.), déanfar ard-inmharthanacht na speiceas sin a mheas i ndáil leis an dá speiceas sin agus iarrfar ar na Ballstáit staidéir a fhorbairt sa Mheánmhuir Thiar.

(9)

Ós rud é go bhfuil an fhianaise maidir le rátaí marthanais muiríní (Pecten jacobaeus) agus breallaigh chroise (Venerupis spp.) neamhchonclúideach agus gur tháinig STECF ar an gconclúid gur gá tuilleadh fianaise eolaíche maidir leis an inmharthanacht a thabhairt maidir leis na speicis dhébhlaoscacha sin sa Mheánmhuir Thiar, measann an Coimisiún nár cheart síneadh a chur leis an díolúine ach ar feadh tréimhse ghearr. Ba cheart do na Ballstáit lena mbaineann, dá bhrí sin, an fhianaise eolaíoch ábhartha a chur faoi bhráid STECF chun go ndéanfaidh STECF meastóireacht air.

(10)

Sa mholadh comhpháirteach nuashonraithe uathu an 8 Iúil 2022, rinne na Ballstáit lena mbaineann athnuachan ar a ngealltanas roghnaíocht an trealaimh iascaireachta a mhéadú i gcomhréir le torthaí na gclár taighde reatha chun gabhálacha de thaisme a laghdú agus a theorannú agus go háirithe gabhálacha faoi bhun íosmhéideanna tagartha caomhnaithe a laghdú agus a theorannú.

(11)

Ina theannta sin, gheall na Ballstáit lena mbaineann sa mholadh comhpháirteach nuashonraithe an 8 Iúil 2022 go ndéanfaidh siad limistéir iata bhreise a shainaithint chun básmhaireacht i measc na n-iasc óg a laghdú, i gcás ina bhfuil fianaise ann go bhfuil líon ard iasc óg ann.

(12)

Tá na bearta a mholtar sa mholadh comhpháirteach nuashonraithe an 8 Iúil 2022 i gcomhréir le hAirteagal 15(4), 15(5), pointe (b), agus le hAirteagal 18(3) de Rialachán (AE) Uimh. 1380/2013. Ba cheart, dá bhrí sin, Rialachán Tarmligthe (AE) 2021/2066 a leasú dá réir.

(13)

Ós rud é go bhfuil tionchar díreach ag na bearta dá bhforáiltear sa Rialachán seo ar phleanáil an tséasúir iascaireachta le haghaidh shoithí an Aontais agus ar na gníomhaíochtaí eacnamaíocha a bhaineann leo, ba cheart an Rialachán seo a theacht i bhfeidhm láithreach tar éis a fhoilsithe. Ba cheart feidhm a bheith aige ó dháta níos déanaí, áfach.

(a)

i mír 1, cuirtear an méid seo a leanas in ionad phointí (a), (b) agus (c):

(b)

cuirtear an méid seo a leanas in ionad mhír 3: