IARSCRÍBHINN

Cuirtear na daoine agus an t-eintiteas seo a leanas le liosta na ndaoine nádúrtha agus dlítheanacha, na n-eintiteas agus na gcomhlachtaí a leagtar amach in Iarscríbhinn I a ghabhann le Rialachán (AE) Uimh. 269/2014:

Daoine

	Ainm	Faisnéis aitheantais	Ráiteas ar Chúiseanna	Dáta an liostaithe
“1263.	Mohammad Hossein BAGHERI محمد حسین باقری	Áit bhreithe: Tehran na hIaráine Náisiúntacht: Iaránach Inscne: Fireann Grád: Major-General Post: Ceann Foirne ar Fhórsaí Armtha na hIaráine	Tá an Maor-Ghinearál Mohammad Hossein Bagheri ina Cheann Foirne ar Fhórsaí Armtha na hIaráine. Déanann sé maoirseacht ar an gclár míleata maidir le hAerfheithiclí Gan Foireann (UAV) agus tá ról tábhachtach aige i gcomhar cosanta na hIaráine le Cónaidhm na Rúise. Tá baint aige freisin le leathnú UAVanna de dhéantús na hIaráine thar lear; sa cháil sin, d'oscail sé líne cóimeála sa Táidsíceastáin a bhí ceaptha le dróin Ababil-2 a onnmhairiú. Ghlac sé páirt freisin i bhforbairt dróin Mohajer-6 agus bhí baint aige lena soláthar do Chónaidhm na Rúise lena n-úsáid sa chogadh foghach i gcoinne na hÚcráine. Dá bhrí sin, tá an Maor-Ghinearál Mohammad Hossein Bagheri freagrach as tacú le gníomhaíochtaí a bhaineann an bonn d’iomláine chríochach, de cheannasacht agus de neamhspleáchas na hÚcráine nó ar bagairt iad na gníomhaíochtaí sin ar an méid sin.	20.10.2022
1264.	Sayed Hojatollah QUREISHI سید حجت الله قریشی dá ngairtear freisin Sayyed Hojatolah GHOREISHI	Náisiúntacht: Iaránach Inscne: Fireann Grád: Ginearál Post: Head of the Supply, Research, and Industrial Affairs Division ag an Iranian Ministry of Defense and Armed Forces Logistics (MODAFL)	Is é Ginearál Sayed Hojatollah Qureishi Ceann an Supply, Research, and Industrial Affairs Division ag an Iranian Ministry of Defense and Armed Forces Logistics (MODAFL) agus tá sé freagrach as caibidlíocht a dhéanamh don chomhaontú le Cónaidhm na Rúise maidir le soláthar Aerfheithiclí Gan Foireann de dhéantús na hIaráine (UAVanna) lena n-úsáid sa chogadh foghach i gcoinne na hÚcráine. Dá bhrí sin, tá an Ginearál Sayed Hojatollah Qureishi freagrach as tacú le gníomhaíochtaí a bhaineann an bonn d’iomláine chríochach, de cheannasacht agus de neamhspleáchas na hÚcráine nó ar bagairt iad na gníomhaíochtaí sin ar an méid sin.	20.10.2022
1265.	Saeed AGHAJANI / Saeed Ara Jani / Said Ara Jani / Said Agha Jani سعید آقاجانی	Dáta breithe: 3.4.1969 Inscne: Fireann Pas: Pas V47528711 (Iran) Náisiúntacht: Iaránach Grád: Briogáidire-Ghinearál Post: Commander of the Islamic Revolutionary Guard Corps - Aerospace Force (IRGC ASF) UAV Command	Is é an Briogáidire-Ghinearál Saeed Aghajani Ceannasaí an Islamic Revolutionary Guard Corps Aerospace Force (IRGC ASF) UAV Command, arb é cnámh droma an chláir maidir le hAerfheithiclí Gan Foireann de chuid na hIaráine é. Stiúrann agus maoirsíonn an Briogáidire-Ghinearál Saeed Aghajani an phleanáil, an trealamh agus an oiliúint a mhéid a bhaineann le hoibríochtaí UAV san Iaráin; áirítear leis sin dróin a sholáthar do chomhghuaillithe idirnáisiúnta de chuid na hIaráine, lena n-áirítear Cónaidhm na Rúise. Dá bhrí sin, tá an Briogáidire-Ghinearál Saeed Aghajani freagrach as tacú le gníomhaíochtaí a bhaineann an bonn d’iomláine chríochach, de cheannasacht agus de neamhspleáchas na hÚcráine nó ar bagairt iad na gníomhaíochtaí sin ar an méid sin.	20.10.2022”

Eintitis

Ainm

Faisnéis aitheantais

Ráiteas ar Chúiseanna

Dáta an liostaithe

“119.

Shahed Aviation Industries ar a dtugtar freisin Shahed Aviation Industries Research Center

صنایع هوایی شاهد

مرکز تحقیقات صنایع هوایی شاهد

Is cuideachta í Shahed Aviation Industries san Iaráin a bhfuil baint aici le Islamic Revolutionary Guard Corps Aerospace Force agus atá freagrach as sraith Shahed d’Aerfheithiclí Gan Foireann na hIaráine (UAVanna) a dhearadh agus a fhorbairt. Cuireadh sraith Shahed de dhróin ar fáil do Chónaidhm na Rúise agus úsáidtear iad sa chogadh foghach i gcoinne na hÚcráine. Dá bhrí sin, tá Shahed Aviation Industries freagrach as tacú go hábharach le gníomhaíochtaí a bhaineann an bonn d’iomláine chríochach, de cheannasacht agus de neamhspleáchas na hÚcráine nó ar bagairt iad na gníomhaíochtaí sin ar an méid sin.

20.10.2022”