(1)

Le Rialachán Cur Chun Feidhme (AE) 2019/2072 ón gCoimisiún (2), i gCuid A d’Iarscríbhinn II, leagtar síos liosta na lotnaidí coraintín de chuid an Aontais nach eol a bheith ann i gcríoch an Aontais. Féachtar le Rialachán Cur Chun Feidhme (AE) 2019/2072 le cosc a chur ar theacht isteach, ar bhunú agus ar leathadh lotnaidí coraintín den sórt sin i gcríoch an Aontais trí cheanglais speisialta a leagan amach in Iarscríbhinn VII a ghabhann leis maidir le plandaí áirithe, táirgí planda agus réada eile a thabhairt isteach i gcríoch an Aontais.

(2)

Liostaítear Thaumatotibia leucotreta (Meyrick) (“an lotnaid shonraithe”) i gCuid A d’Iarscríbhinn II a ghabhann le Rialachán Cur Chun Feidhme (AE) 2019/2072 mar lotnaid choraintín de chuid an Aontais, ar lotnaid í nach eol a bheith ann san Aontas. Liostaítear freisin í mar lotnaid tosaíochta san Iarscríbhinn a ghabhann le Rialachán Tarmligthe (AE) 2019/1702 ón gCoimisiún (3).

(3)

Tá ceanglais speisialta ann maidir le roinnt torthaí a thabhairt isteach i gcríoch an Aontais d’fhonn críoch an Aontais a chosaint ar an lotnaid shonraithe. Maidir le torthaí Citrus sinensis Pers. (“na torthaí sonraithe”), leagtar amach na ceanglais speisialta sin i bpointe 62.1(d) d’Iarscríbhinn VII a ghabhann le Rialachán Cur Chun Feidhme (AE) 2019/2072 agus déantar foráil leo maidir leis an rogha cur chuige córas ina gcuirtear réimeanna sonracha cóireála fuaire i bhfeidhm.

(4)

D’iarr Iosrael ar an gCoimisiún aitheantas a thabhairt dá chur chuige córas i leith na dtorthaí sonraithe mar chóras atá coibhéiseach leis na ceanglais speisialta a leagtar síos i bpointe 62.1(d) d’Iarscríbhinn VII a ghabhann le Rialachán Cur Chun Feidhme (AE) 2019/2072.

(5)

An cur chuige córas sin agus é á úsáid maidir leis na torthaí sonraithe, cuimsíonn sé comhlíonadh na gceanglas a bhaineann leis na láithreáin táirgthe i leith faireachán agus rialú ar an lotnaid shonraithe, cigireacht ar na torthaí sonraithe sa láithreán táirgthe agus sna saoráidí pacála, ceanglais maidir le hinrianaitheacht agus cigireacht oifigiúil a dhéantar roimh an onnmhairiú. Cuimsíonn sé pointí criticiúla den nós imeachta cigireachta sna goirt, sna saoráidí pacála agus roimh an onnmhairiú, pointí a mbíonn mar thoradh orthu go gcuirtear an t-onnmhairiú ar fionraí nó go ndiúltaítear dó nuair nach mbaintear amach na tairsí ábhartha.

(6)

Rinne an tÚdarás Eorpach um Shábháilteacht Bia (“an tÚdarás”) measúnú riosca tráchtearraí ar thorthaí Citrus spp. a onnmhairítear ó Iosrael (4). Bhain an measúnú sin leis an dóchúlacht go mbeadh na torthaí saor ó lotnaidí a mhéid a bhaineann leis an lotnaid shonraithe. Thairis sin, rinneadh moltaí sa mheasúnú maidir le cur chuige córas Iosrael a fheabhsú. D’oiriúnaigh Iosrael a chur chuige córas agus na moltaí sin á gcur san áireamh aige.

(7)

Ar bhonn thoradh an mheasúnaithe riosca a rinne an tÚdarás, mar aon le comhlíontacht chomhsheasmhach na dtorthaí lena mbaineann le dlí an Aontais, tá údar maith ann le cur chuige oiriúnaithe córas Iosrael a ghlacadh mar chóras atá coibhéiseach leis na ceanglais speisialta a leagtar síos i bpointe 62.1(d) d’Iarscríbhinn VII a ghabhann le Rialachán Cur Chun Feidhme (AE) 2019/2072.

(8)

D’fhonn a laghad suaite is féidir a dhéanamh ar thrádáil, ba cheart an Rialachán seo a theacht i bhfeidhm an tríú lá tar éis lá a fhoilsithe.

(9)

Ba cheart feidhm a bheith ag an Rialachán seo go dtí an 31 Bealtaine 2025 ionas gur féidir athbhreithniú a dhéanamh air.

(10)

Na bearta dá bhforáiltear sa Rialachán seo, is bearta iad atá i gcomhréir leis an tuairim ón mBuanchoiste um Plandaí, Ainmhithe, Bia agus Beatha,

(1)

ciallaíonn “lotnaid shonraithe”Thaumatotibia leucotreta (Meyrick);

(2)

ciallaíonn “torthaí sonraithe” torthaí Citrus sinensis Pers.

(a)

cóid na láithreán táirgthe; agus

(b)

faoin gceannteideal “Dearbhú Breise” an ráiteas “Comhlíonann an choinsíneacht Rialachán Cur Chun Feidhme (AE) 2022/1659 ón gCoimisiún”.