“1.   Cuirfidh an monaróir feithiclí iarratas faoi bhráid an údaráis formheasa ar cheadúnas chun an uirlis ionsamhlúcháin a oibriú le haghaidh cás is infheidhme d’fhonn astaíochtaí CO2 agus ídiú breosla a chinneadh maidir le feithiclí nua atá i ngrúpa feithiclí amháin nó roinnt grúpaí feithiclí (‘ceadúnas’). Ní bheidh feidhm ag ceadúnas aonair ach maidir le cás aonair is infheidhme den sórt sin.

Ní mór tuairisc shásúil ar na próisis a chuir an monaróir feithiclí ar bun d’fhonn an uirlis ionsamhlúcháin a oibriú maidir leis an gcás is infheidhme lena mbaineann, mar a leagtar amach i bpointe (1) d’Iarscríbhinn II, a bheith in éineacht leis an iarratas ar cheadúnas.”;

“4.   Cuirfidh an monaróir feithiclí an t-iarratas ar cheadúnas faoi bhráid an údaráis formheasa ar a dhéanaí in éineacht leis an iarratas ar chineálcheadú CE le haghaidh feithicil ina bhfuil córas innill formheasta maidir le hastaíochtaí de bhun Airteagal 7 de Rialachán (AE) Uimh. 582/2011, in éineacht leis an iarratas ar chineálcheadú CE le haghaidh feithicle maidir le hastaíochtaí de bhun Airteagal 9 den Rialachán sin, in éineacht le hiarratas ar chineálcheadú le haghaidh feithicil iomlán de bhun Rialachán (AE) 2018/858 nó in éineacht leis an iarratas ar fhormheas náisiúnta le haghaidh feithicil aonair. Tá formheas córais innill lánleictrigh agus cineálcheadú CE feithicle lánleictrí maidir le hastaíochtaí dá dtagraítear san abairt roimhe seo teoranta do ghlanchumhacht innill a thomhas i gcomhréir le hIarscríbhinn XIV a ghabhann le Rialachán (AE) Uimh. 582/2011.

Ní mór an t-iarratas ar cheadúnas a bheith bainteach leis an gcás is infheidhme lena n-áirítear an cineál feithicle lena mbaineann an t-iarratas ar chineálcheadú AE.”;

“3.   Tar éis an ceadúnas a fháil, tabharfaidh an monaróir feithiclí fógra don údarás formheasa gan mhoill faoi aon athrú ar na próisis a chuir sé ar bun chun críche an cheadúnais i gcomhair an cháis is infheidhme arna chumhdach leis an gceadúnas a d’fhéadfadh difear a dhéanamh do chruinneas, iontaofacht agus cobhsaíocht na bpróiseas sin.”;

“1.   Cinnfidh monaróir feithiclí astaíochtaí CO2 agus ídiú breosla gach feithicle nua, cé is moite d'fheithiclí nua ina n-úsáidtear na teicneolaíochtaí feithicle a liostaítear i bhFoscríbhinn 1 a ghabhann le hIarscríbhinn III, ar feithiclí iad a bhfuil sé beartaithe iad a dhíol, a chlárú nó a chur i mbun seirbhíse san Aontas agus an leagan is déanaí atá ar fáil den uirlis ionsamhlúcháin dá dtagraítear in Airteagal 5(3) á úsáid aige. Maidir le busanna troma úsáidfidh an monaróir feithiclí nó an monaróir eatramhach an modh a leagtar amach in Iarscríbhinn I, pointe (2).

I gcás teicneolaíochtaí feithicle a liostaítear i bhFoscríbhinn 1 a ghabhann le hIarscríbhinn III a bhfuil sé beartaithe iad a dhíol, a chlárú nó a chur i mbun seirbhíse san Aontas, ní chinnfidh an monaróir feithiclí nó an monaróir eatramhach ach amháin na paraiméadair ionchuir a sonraíodh maidir leis na feithiclí sin sna samhlacha a leagtar amach i dTábla 5 d’Iarscríbhinn III, agus an leagan is déanaí atá ar fáil den uirlis ionsamhlúcháin dá dtagraítear in Airteagal 5(3) á úsáid aige.

Féadfaidh monaróir feithiclí an uirlis ionsamhlúcháin a oibriú chun críche an Airteagail seo ar choinníoll go bhfuil ceadúnas aige a deonaíodh le haghaidh an cháis is infheidhme lena mbaineann i gcomhréir le hAirteagal 7. Oibríonn monaróir eatramhach an uirlis ionsamhlúcháin faoi cheadúnas monaróra feithiclí.”;

“3.   I gcás monaróir feithiclí a dhéanann leoraithe meánmhéide agus leoraithe troma, cruthóidh sé haiseanna cripteagrafacha de chomhad taifead an mhonaróra agus de chomhad faisnéise an chustaiméara.

Cruthóidh monaróir na príomhfheithicle haiseanna cripteagrafacha de chomhad taifead an mhonaróra agus de chomhad faisnéise na feithicle.

Cruthóidh an monaróir eatramhach hais chripteagrafach chomhad faisnéise na feithicle.

I gcás monaróir feithiclí a dhéanann feithiclí iomlána nó feithiclí lánchríochnaithe atá ina mbusanna troma, cruthóidh sé haiseanna cripteagrafacha de chomhad taifead an mhonaróra, de chomhad faisnéise an chustaiméara agus de chomhad faisnéise na feithicle.”;

“5.   I gcás gach feithicle lena ngabhann deimhniú comhréireachta nó, i gcás feithiclí arna bhformheas i gcomhréir le hAirteagal 45 de Rialachán (AE) 2018/858, deimhniú formheasa feithicle aonair, ní mór inphrionta de na haiseanna cripteagrafacha dá dtagraítear i mír 3 den Airteagal seo a bheith san áireamh sa deimhniú sin.”;

“6.   I gcomhréir le pointe 11 d’Iarscríbhinn III, féadfaidh monaróir torthaí na huirlise ionsamhlúcháin a aistriú chuig feithiclí eile.”;

“2.   Beidh airíonna comhpháirteanna, aonad teicniúil ar leithligh nó córas, a mhéid a bhaineann le hastaíochtaí CO2 agus ídiú breosla, dá dtagraítear i bpointí (b) go (g), (i) agus (j) de mhír 1 den Airteagal seo bunaithe ar na luachanna arna gcinneadh, le haghaidh gach comhpháirte, aonaid theicniúil ar leithligh, córais nó le haghaidh a n-aicme faoi seach, más infheidhme, i gcomhréir le hAirteagal 14 agus deimhneofar iad i gcomhréir le hAirteagal 17 (‘luachanna deimhnithe’) nó, in éagmais na luachanna deimhnithe, de réir na luachanna caighdeánacha arna gcinneadh i gcomhréir le hAirteagal 13.”;

“4.   Beidh airíonna inneall cúnta, a mhéid a bhaineann le hastaíochtaí CO2 agus ídiú breosla, bunaithe ar na luachanna cineálacha mar a chuirtear chun feidhme san uirlis ionsamhlúcháin agus mar a leithdháiltear ar fheithicil bunaithe ar an bhfaisnéis ionchuir a chinnfear i gcomhréir le hIarscríbhinn IX.

5.   I gcás bonnleoraí, maidir le hairíonna a bhaineann le hastaíochtaí CO2 agus ídiú breosla comhpháirteanna, aonad teicniúil ar leithligh nó córas dá dtagraítear i mír 1, pointe (g), den Airteagal seo, nach féidir iad a chinneadh i gcomhair na mbonnleoraithe, beidh na hairíonna sin bunaithe ar na luachanna caighdeánacha. I gcás comhpháirteanna, aonad teicniúil ar leithligh agus córas dá dtagraítear i mír 1, pointe (h), roghnóidh an monaróir feithiclí an teicneolaíocht lena mbaineann na caillteanais chumhachta is airde.

6.   I gcás feithiclí atá díolmhaithe ón oibleagáid chun astaíochtaí CO2 agus ídiú breosla a chinneadh faoi Airteagal 9(1), áireofar an fhaisnéis a leagtar amach i dTábla 5 d’Iarscríbhinn III le sonraí ionchuir na huirlise ionsamhlúcháin.

7.   I gcás ina bhfuil sé beartaithe an fheithicil a chlárú, a dhíol nó a chur i mbun seirbhíse le tacar iomlán de bhoinn sneachta agus tacar iomlán de ghnáthbhoinn, féadfaidh an monaróir feithiclí na boinn a roghnú a úsáidfidh sé chun na hastaíochtaí CO2 a chinneadh. I gcás busanna troma, fad is a choimeádtar na boinn a úsáidtear in ionsamhlú na príomhfheithicle leis an bhfeithicil nuair a chláraítear í, nuair a dhíoltar í nó nuair a chuirtear i mbun seirbhíse í, ní bheifear faoi cheangal ionsamhlú príomhfheithicle nua a dhéanamh mar thoradh ar thacair nua boinn a bheith curtha ar an bhfeithicil i gcomhréir le pointe 2 d’Iarscríbhinn I.”;

“7.   I gcás innill chúnta, leithdháileann an uirlis ionsamhlúcháin luachanna cineálacha i gcomhréir leis na teicneolaíochtaí arna roghnú i gcomhréir le hIarscríbhinn IX.

8.   Cinnfear luach caighdeánach na mbonn i gcomhréir le hIarscríbhinn X, pointe 3.2.”;

“9.   Cinnfear na luachanna caighdeánacha le haghaidh comhpháirteanna gléasra cumhachta leictrí i gcomhréir le Foscríbhinní 8, 9 agus 10 a ghabhann le hIarscríbhinn Xb.”;

“1.   Féadfaidh an monaróir feithiclí na luachanna arna gcinneadh i gcomhréir le míreanna 2 go 10 den Airteagal seo a úsáid mar shonraí ionchuir san uirlis ionsamhlúcháin má tá siad deimhnithe i gcomhréir le hAirteagal 17.

2.   Cinnfear na luachanna deimhnithe le haghaidh inneall i gcomhréir le pointí 4, 5 agus 6 d’Iarscríbhinn V.”;

“10.   Cinnfear na luachanna deimhnithe le haghaidh comhpháirteanna gléasra cumhachta leictrí i gcomhréir le pointí 4, 5 agus 6 d’Iarscríbhinn Xb.”;

“2.   Maidir le hinnill, déanfar na luachanna deimhnithe do na baill d’aicme inneall a dhíorthú i gcomhréir le pointí 4, 5 agus 6 d’Iarscríbhinn V.

Maidir le boinn, ní bheidh ach aon chineál boinn amháin in aicme.

Maidir le córais meaisín leictrigh nó comhpháirteanna gléasra cumhachta leictrí comhtháite, déanfar na luachanna deimhnithe do na baill d’aicme de chórais meaisín leictrigh a dhíorthú i gcomhréir le pointe 4 d’Iarscríbhinn Xb.”;

“1.   Cuirfear an t-iarratas ar dheimhniú airíonna a bhaineann le hastaíochtaí CO2 agus ídiú breosla na comhpháirte, an aonaid theicniúil ar leithligh agus na gcóras, nó a n-aicmí faoi seach más infheidhme, faoi bhráid an údaráis fhormheasa.”;

“3.   Ní mór míniú a sholáthar in éineacht leis an iarratas ar dheimhniú ar ghnéithe deartha na comhpháirte, an aonaid theicniúil ar leithligh agus an chórais, nó a n-aicmí faoi seach más infheidhme, a mbíonn éifeacht neamhdhiomaibhseach acu ar airíonna na gcomhpháirteanna, na n-aonad teicniúil ar leithligh nó na gcóras lena mbaineann, a mhéid a bhaineann le hastaíochtaí CO2 agus ídiú breosla.

Ní mór na tuarascálacha tástála ábhartha arna n-eisiúint ag údarás formheasa, torthaí tástála, agus ráiteas ar chomhlíontacht arna eisiúint ag údarás formheasa de bhun phointe 2 d’Iarscríbhinn IV a ghabhann le Rialachán (AE) 2018/858 a bheith in éineacht leis an iarratas chomh maith.”;

“1.   Má chomhlíontar na ceanglais uile is infheidhme, deimhneoidh an t-údarás formheasa luachanna na n-airíonna a bhaineann le hastaíochtaí CO2 agus ídiú breosla na comhpháirte, an aonaid theicniúil ar leithligh agus an chórais, nó a n-aicmí faoi seach más infheidhme.”;

“2.   Beidh feidhm ag an bplean um bearta feabhais maidir leis na cásanna is infheidhme uile agus na grúpaí feithiclí uile a d’aithin an t-údarás formheasa ina iarraidh.”;

“3.   Áiritheoidh an monaróir go ndéanfar nós imeachta amháin as gach 25 nós imeachta dá dtagraítear sa dara fomhír de mhír 1, nó, le heisceacht i gcomhair bonn, aon nós imeachta amháin in aghaidh na bliana, a bhaineann le comhpháirt, aonad teicniúil ar leithligh agus córas, nó lena n-aicmí faoi seach más infheidhme, a chur faoi mhaoirseacht údarás formheasa a bheidh difriúil ón údarás a bhí páirteach i ndeimhniú airíonna a bhaineann le hastaíochtaí CO2 agus ídiú breosla na comhpháirte, an aonaid theicniúil ar leithligh, an chórais nó, más infheidhme, leis na haicmí faoi seach lena mbaineann de bhun Airteagal 16.”;

“2.   Beidh feidhm ag an bplean um bearta feabhais maidir leis na comhpháirteanna, na haonaid theicniúla ar leithligh agus na córais go léir, nó maidir lena n-aicmí faoi seach más infheidhme, a d’aithin an t-údarás formheasa ina iarraidh.”;

“5.   Coimeádfaidh an monaróir taifead ar gach comhpháirt, aonad teicniúil ar leithligh nó córas a dhéanfar a aisghairm agus a dheisiú nó a mhodhnú agus ar an gceardlann a dhéanann an deisiú nó an modhnú sin. Beidh rochtain ag an údarás formheasa ar thaifid den sórt sin ar iarratas le linn chur chun feidhme an phlean um bearta feabhais agus ar feadh thréimhse 5 bliana tar éis don phlean a bheith curtha chun feidhme go hiomlán.

Déanfaidh an monaróir na taifid sin a stóráil ar feadh 10 mbliana.”;

“6.   I gcás ina ndiúltaíonn an t-údarás formheasa don phlean um bearta feabhais, nó ina suíonn an t-údarás formheasa nach bhfuil na bearta feabhais á gcur i bhfeidhm i gceart, déanfaidh sé na bearta is gá chun comhlíontacht airíonna a bhaineann le hastaíochtaí CO2 agus ídiú breosla na comhpháirte, an aonaid theicniúil ar leithligh agus an chórais, agus a n-aicmí faoi seach más infheidhme, a áirithiú nó déanfaidh sé an deimhniú ar airíonna a bhaineann le hastaíochtaí CO2 agus ídiú breosla a tharraingt siar.”;

“2.   Beidh feidhm ag na hoibleagáidí dá dtagraítear in Airteagal 9 mar a leanas:

Maidir le ZE-HDVanna, He-HDVanna agus feithiclí débhreosla i ngrúpaí 1, 2, 3, 4, 5, 9, 10, 4v, 5v, 9v, 10v, 11, 12, agus 16 mar a shainmhínítear i dTábla 1 d’Iarscríbhinn I nár cuireadh Airteagal 9 i bhfeidhm ina leith i gcomhréir le pointí (a) go (g) den chéad fhomhír den mhír seo, cinnfidh an monaróir feithiclí na paraiméadair ionchuir arna sonrú do na feithiclí sin sna samhlacha a leagtar amach in Iarscríbhinn III, Tábla 5, agus an leagan is déanaí atá le fáil den uirlis ionsamhlúcháin dá dtagraítear in Airteagal 5(3) á úsáid aige. I gcás den sórt sin, measfar na hoibleagáidí dá dtagraítear in Airteagal 9 a bheith comhlíonta chun críche mhír 1 den Airteagal seo.

Chun críche na míre seo, is é dáta sínithe an deimhnithe comhréireachta a úsáidfear mar an dáta táirgthe agus i gcás nár eisíodh aon deimhniú comhréireachta, an dáta ar cuireadh uimhir aitheantais na feithicle ar na codanna ábhartha den fheithicil den chéad uair.

3.   Beidh feidhm ag na bearta feabhais faoi Airteagail 21(5) agus 23(6) maidir le feithiclí dá dtagraítear i mír 1, pointí (a), (b) agus (c), den Airteagal seo de bhun imscrúdaithe ar theip feithicle sa nós imeachta tástála fíorúcháin a leagtar amach in Iarscríbhinn Xa ón 1 Iúil 2023 ar aghaidh agus maidir le feithiclí dá dtagraítear i mír 2, pointí (d) agus (g), den Airteagal seo ón 1 Iúil 2024 ar aghaidh.”;