1.   Déanfaidh na húdaráis inniúla suirbhé oifigiúil braite le haghaidh láithreacht na lotnaide sonraithe ar na láithreáin táirgthe, ar láithreáin táirgthe iad ina bhfuil na plandaí a liostaítear in Iarscríbhinn I, ar plandaí iad atá beartaithe lena n-athphlandú, nó ina bhfuil prátaí atá beartaithe le haghaidh táirgeadh tiúbair prátaí atá beartaithe iad a chur, le plandú nó le stóráil faoi dálaí ina bhfuil na fréamhacha nó codanna eile den phlanda i dteagmháil dhíreach le hithir an láithreáin táirgthe.

2.   Déanfar na suirbhéanna oifigiúla braite sa tréimhse idir buaint an bhairr is déanaí agus plandú na bplandaí nó na dtiúbair prátaí le haghaidh plandú dá dtagraítear i mír 1.

De mhaolú ar an gcéad fhomhír, féadfar an suirbhé oifigiúil braite a dhéanamh:

3.   Ní cheanglófar suirbhé oifigiúil braite maidir leis na nithe seo a leanas:

4.   Déanfaidh na Ballstáit taifead oifigiúil de thorthaí na suirbhéanna oifigiúla braite agus cuirfidh siad ar fáil don Choimisiún iad, arna iarraidh sin, i gcomhréir leis an teimpléad atá leagtha amach in Iarscríbhinn IV.

1.   I gcás láithreáin táirgthe ina bhfuil tiúbair prátaí atá beartaithe lena gcur, nó plandaí a liostaítear i bpointe 1 d’Iarscríbhinn I agus atá beartaithe le haghaidh táirgeadh plandaí lena bplandú, le plandú nó le stóráil, beidh sampláil agus tástáil chun láithreacht na lotnaide sonraithe, arna déanamh i gcomhréir le hIarscríbhinn III, i gceist leis an suirbhé oifigiúil braite.

2.   I gcás láithreáin táirgthe ina bhfuil plandaí atá liostaithe i bpointí 2 agus 3 d’Iarscríbhinn I, ar plandaí iad atá beartaithe le haghaidh táirgeadh plandaí lena bplandú, le plandú nó le stóráil, beidh sampláil agus tástáil le haghaidh na lotnaide sonraithe i gceist leis an suirbhé oifigiúil braite, arna ndéanamh i gcomhréir le hIarscríbhinn III.

3.   De mhaolú ar mhír 2, ní bheidh gá le sampláil agus tástáil le haghaidh na lotnaide sonraithe más fíor an méid seo leanas maidir leis an láithreán táirgthe:

1.   I gcás ina bhfuarthas go raibh na lotnaidí sonraithe i láthair i láithreán táirgthe le linn suirbhé oifigiúil braite nó suirbhé faireacháin oifigiúil, dá dtagraítear in Airteagal 6, agus gur deimhníodh go hoifigiúil an láithreacht sin leis na tástálacha dá dtagraítear in Airteagal 4 agus in Airteagal 7(2), ainmneoidh na húdaráis inniúla an láithreáin sin mar láithreán inmhíolaithe.

2.   Plandaí sonraithe de thionscnamh láithreán táirgthe a ainmnítear mar láithreán inmhíolaithe de bhun mhír 1, nó plandaí sonraithe a bhí i dteagmháil le hithir inar aimsíodh na lotnaidí sonraithe, ainmneofar na plandaí sonraithe sin go hoifigiúil mar phlandaí inmhíolaithe.

1.   Déanfar suirbhéanna faireacháin oifigiúla rioscabhunaithe gach bliain ar láithreáin táirgthe a úsáidtear chun prátaí a tháirgeadh, seachas prátaí atá beartaithe chun tiúbair prátaí a tháirgeadh a bhfuil sé beartaithe iad a chur, chun dáileadh na lotnaidí sonraithe ar na láithreáin sin a chinneadh.

2.   Déanfaidh na Ballstáit tuairisciú don Choimisiún agus do na Ballstáit eile faoin 30 Aibreán gach bliain maidir le torthaí na suirbhéanna faireacháin dá dtagraítear i mír 1, ar suirbhéanna iad a cuireadh i gcrích i gcaitheamh na bliana féilire roimhe sin i gcomhréir leis an teimpléad a leagtar amach in Iarscríbhinn IV.

1.   Déanfar na suirbhéanna faireacháin oifigiúla ar 0,5 % ar a laghad den acraíocht a úsáidtear sa bhliain ábhartha chun prátaí a tháirgeadh, seachas prátaí atá beartaithe le haghaidh tiúbair prátaí a tháirgeadh lena gcur.

2.   Is éard a bheidh i gceist leis na suirbhéanna faireacháin oifigiúla sin sampláil agus tástáil le haghaidh láithreacht na lotnaidí sonraithe, i gcomhréir le pointe 2 d’Iarscríbhinn III.

3.   I gcás ina n-úsáideann na Ballstáit an méid sampla dá dtagraítear i bpointe 6 d’Iarscríbhinn III, tabharfaidh siad fógra don Choimisiún agus do na Ballstáit eile faoi shonraí na limistéar inar úsáideadh an méid sampla sin.

1.   I láithreán táirgthe atá ainmnithe go hoifigiúil mar inmhíolaithe de bhun Airteagal 5(1), cuirfidh na húdaráis inniúla, nó na hoibreoirí gairmiúla faoi mhaoirseacht oifigiúil na n-údarás inniúil, na bearta uile seo a leanas i bhfeidhm chun na lotnaidí sonraithe a dhíothú:

2.   Má dhéantar láithreáin táirgthe atá le húsáid chun prátaí a tháirgeadh, seachas prátaí atá beartaithe le haghaidh táirgeadh tiúbair prátaí lena gcur, a ainmniú go hoifigiúil mar láithreáin atá inmhíolaithe de bhun Airteagal 5(1), beidh na láithreáin táirgthe sin faoi réir cláir rialaithe oifigiúil arb é is aidhm dó a áirithiú nach scaipfear na lotnaidí sonraithe amach as na láithreáin táirgthe sin.

Leis an gclár rialuithe oifigiúil dá dtagraítear sa chéad fhomhír, cuirfear gach ceann de na gnéithe seo a leanas san áireamh, de réir mar is infheidhme:

Tabharfaidh na Ballstáit fógra don Choimisiún agus do na Ballstáit eile faoin gclár rialaithe oifigiúil.

3.   Déanfar méid frithsheasmhachta na gcineálacha prátaí a chainníochtú i gcomhréir leis an tábla caighdeánach scórála a leagtar amach i bpointe 1 d’Iarscríbhinn V.

Déanfar tástáil le haghaidh frithsheasmhachta i gcomhréir leis an bprótacal a leagtar amach i bpointe 2 d’Iarscríbhinn V.

1.   Cuirfidh na húdaráis inniúla, nó na hoibreoirí gairmiúla faoi mhaoirseacht oifigiúil na n-údarás inniúil, gach ceann de na bearta seo a leanas i bhfeidhm i leith plandaí sonraithe a ainmníodh mar phlandaí inmhíolaithe de bhun Airteagal 5, chun na lotnaidí sonraithe a dhíothú:

2.   Leis na bearta a dhéantar faoi mhír 1, pointe (b), cuirfear san áireamh na córais táirgthe agus margaíochta ar leith le haghaidh phlandaí óstacha na lotnaide sonraithe sa Bhallstát lena mbaineann agus saintréithe dhaonra na lotnaide sonraithe.

1.   Déanfaidh oibreoirí gairmiúla, agus aon duine eile a fhaigheann amach faoi aon siomptóm a bhaineann leis an lotnaid shonraithe, ar siomptóm é a eascraíonn as cliseadh nó athrú ar éifeachtacht cineáil phráta fhrithsheasmhacha, ar cliseadh nó athrú é a bhaineann le hathrú amhrasta ar phataitíopa na lotnaide sonraithe nó pataitíopa nua, fógra a thabhairt do na húdaráis inniúla ina leith sin.

2.   I ngach cás a thuairiscítear de bhun mhír 1, agus nuair a bheidh siad ar an eolas faoi chásanna den sórt sin, déanfaidh na húdaráis inniúla imscrúdú ar an speiceas néimeatóide prátaí agus, i gcás inarb infheidhme, ar an bpaititíopa nó ar an ngrúpa nimhneachta atá i gceist, agus deimhneoidh siad go bhfuil siad i láthair trí na modhanna iomchuí.

3.   Faoin 31 Eanáir gach bliain, tabharfaidh na Ballstáit fógra don Choimisiún agus do na Ballstáit eile faoi shonraí na ndeimhnithe a rinneadh de bhun mhír 2 a mhéid a bhaineann leis an mbliain roimhe sin.

1.   Féadfaidh na húdaráis inniúla athshampláil a dhéanamh ar láithreán táirgthe inmhíolaithe arna ainmniú de bhun Airteagal 5(1), agus féadfaidh siad tástáil a dhéanamh, i gcomhréir le ceann de na modhanna seo a leanas:

Féadfar an tréimhse dá bhforáiltear i mír 1, pointe (a), a laghdú go dtí trí bliana ar a laghad, más rud é gur cuireadh chun feidhme bearta rialaithe éifeachtacha atá formheasta go hoifigiúil.

2.   Mura ndeimhnítear go bhfuil na lotnaidí sonraithe i láthair, tar éis an athshamplála oifigiúla agus na tástála oifigiúla dá dtagraítear i mír 1, déanfaidh na húdaráis inniúla an taifead oifigiúil dá dtagraítear in Airteagal 3(4) agus in Airteagal 5(1) a nuashonrú agus aon srianta arna bhforchur ar an láithreán táirgthe a chúlghairm láithreach.