1.   Leis an Rialachán seo, bunaítear sásra meastóireachta agus faireacháin lena áirithiú go ndéanann na Ballstáit acquis Schengen a chur i bhfeidhm go héifeachtach, go héifeachtúil agus i gceart agus ar an gcaoi sin go gcuidíonn siad leis an muinín fhrithpháirteach a chothabháil i measc na mBallstát agus le limistéar dea-fheidhmiúil a bheith ann gan rialú ag na teorainneacha inmheánacha.

2.   Leis an sásra meastóireachta agus faireacháin a bhunófar, déanfar foráil maidir le gníomhaíochtaí meastóireachta agus faireacháin oibiachtúla neamhchlaonta a bhfuil sé d’aidhm acu na nithe seo a leanas a dhéanamh:

3.   Féadfaidh meastóireachtaí gach gné de acquis Schengen a chumhdach agus cuirfear feidhmiú na n-údarás a chuireann acquis Schengen i bhfeidhm san áireamh iontu. Féadfaidh na meastóireachtaí na réimsí beartais seo a leanas a chumhdach go háirithe: bainistiú na dteorainneacha seachtracha, easpa rialuithe ag na teorainneacha inmheánacha, beartas víosaí, filleadh, córais faisnéise mhórscála, tacú le cur i bhfeidhm acquis Schengen, comhar póilíneachta, comhar breithiúnach in ábhair choiriúla agus cosaint sonraí.

1.   Beidh na Ballstáit agus an Coimisiún freagrach go comhpháirteach as cur chun feidhme an tsásra meastóireachta agus faireacháin, le rannchuidiú ó chomhlachtaí, oifigí agus gníomhaireachtaí ábhartha an Aontais dá dtagraítear in Airteagal 7 i gcomhréir lena sainorduithe féin.

2.   Is ag an gCoimisiún a bheidh ról comhordúcháin foriomlán maidir leis na cláir mheastóireachta bhliantúla agus ilbhliantúla a chur ar bun, ceistneoirí a dhréachtú, sceideal na gcuairteanna a shocrú, cuairteanna a dhéanamh, agus tuarascálacha meastóireachta agus moltaí a dhréachtú. Áiritheoidh sé freisin go ndéanfar na gníomhaíochtaí leantacha agus faireacháin.

3.   Glacfaidh an Chomhairle moltaí i gcás easnaimh thromchúiseacha, meastóireachtaí céaduaire, meastóireachtaí téamacha agus i gcás ina ndéanfaidh an Ballstát a ndearnadh meastóireacht air an dréacht-tuarascáil mheastóireachta ina bhfuil na dréachtmholtaí a chonspóid go substaintiúil. Mar chuid de chéim faireacháin an tsásra meastóireachta agus faireacháin, glacfaidh an Chomhairle cinntí cur chun feidhme maidir le tabhairt chun críche na bpleananna gníomhaíochta i gcás easnaimh thromchúiseacha agus meastóireachtaí céaduaire.

Comhlíonfaidh an Chomhairle a ról polaitiúil maidir le rialachas limistéar Schengen trí na tuarascálacha a thíolaic an Coimisiún a phlé, i gcomhréir le hAirteagal 25, lena n-áirítear staid na himeartha i ndáil le cur chun feidhme na bpleananna gníomhaíochta, agus trí phlé polaitiúil a dhéanamh maidir le acquis Schengen a chur chun feidhme go héifeachtach agus maidir le feidhmiú cuí an limistéir gan rialú ag na teorainneacha inmheánacha. Chuige sin, oibreoidh an Coimisiún agus an Chomhairle go hiomlán i gcomhar ag gach céim den sásra meastóireachta agus faireacháin a dhéanfar faoin Rialachán seo. Go háirithe, cuirfidh an Coimisiún faisnéis ábhartha thráthúil ar fáil don Chomhairle maidir le clársceidealú agus cur chun feidhme na ngníomhaíochtaí meastóireachta agus faireacháin.

4.   Oibreoidh na Ballstáit agus an Coimisiún go hiomlán i gcomhar ag gach céim de na meastóireachtaí ar mhaithe le cur chun feidhme éifeachtach an Rialacháin seo a áirithiú.

5.   Déanfaidh na Ballstáit gach beart, bíodh sé ginearálta nó sonrach, chun tacaíocht agus cúnamh a thabhairt don Choimisiún agus do na foirne i dtaca le cur chun feidhme na ngníomhaíochtaí meastóireachta agus faireacháin.

Áiritheoidh na Ballstáit go mbeidh an Coimisiún agus na foirne a dhéanann gníomhaíochtaí meastóireachta agus faireacháin in ann a gcúraimí a dhéanamh ar bhealach éifeachtach, go háirithe trí ligean don Choimisiún agus do na foirne fiosrúcháin a chur faoi bhráid daoine ábhartha go díreach agus trí rochtain iomlán gan bhac a thabhairt ar na limistéir ar fad, ar na háitribh ar fad agus ar na doiciméid ar fad is gá don ghníomhaíocht mheastóireachta nó faireacháin, lena n-áirítear treoirlínte agus treoracha náisiúnta agus inmheánacha. Tabharfar rochtain ar fhaisnéis rúnaicmithe do bhaill foirne agus do bhreathnóirí a bhfuil imréiteach slándála iomchuí acu arna eisiúint ag údarás inniúil.

6.   Na socruithe taistil is gá chuig an mBallstát a bhfuil cuairt á tabhairt air agus ón mBallstát sin, is é an Coimisiún a bheidh freagrach as na socruithe sin a dhéanamh le haghaidh ionadaithe ón gCoimisiún agus le haghaidh saineolaithe ó na Ballstáit atá ar na foirne.

Is é an Coimisiún a sheasfaidh na costais taistil agus lóistín le haghaidh na saineolaithe a bheidh páirteach sna cuairteanna agus le haghaidh an bhreathnóra agus an saineolaí faoi oiliúint dá dtagraítear in Airteagal 16(2).

Is é an Ballstát a bhfuil cuairt á tabhairt air a bheidh freagrach as an iompar is gá ar an láthair a sholáthar, ach amháin i gcás cuairteanna gan réamhfhógra.

1.   Féadfaidh na meastóireachtaí a bheith in aon cheann de na foirmeacha seo a leanas:

2.   Eagróidh an Coimisiún meastóireachtaí céaduaire tar éis do Bhallstát dearbhú a dhéanamh faoina ullmhacht le haghaidh meastóireachta.

3.   Féadfaidh an Coimisiún meastóireachtaí gan réamhfhógra a eagrú, go háirithe sna cásanna seo a leanas:

4.   Féadfaidh an Coimisiún meastóireachtaí téamacha a eagrú, go háirithe chun measúnú a dhéanamh ar chur chun feidhme athruithe reachtacha suntasacha de réir mar a thosóidh na hathruithe ag teacht i bhfeidhm nó ar chur chun feidhme tionscnamh nua, nó chun measúnú a dhéanamh ar shaincheisteanna i réimsí beartais éagsúla nó ar chleachtais Ballstát a bhfuil dúshláin chomhchosúla rompu.

1.   Oibreoidh an Coimisiún i gcomhar le comhlachtaí, oifigí agus gníomhaireachtaí ábhartha an Aontais a ghlacann páirt i gcur chun feidhme acquis Schengen, agus oibreoidh sé i gcomhar le Gníomhaireacht an Aontais Eorpaigh um Chearta Bunúsacha (FRA).

Féadfaidh an Coimisiún socruithe a dhéanamh leis na comhlachtaí, na hoifigí agus na gníomhaireachtaí sin de chuid an Aontais ar mhaithe le comhar a éascú maidir le cur chun feidhme an Rialacháin seo.

2.   Féadfaidh an Coimisiún a iarraidh ar chomhlachtaí, oifigí agus gníomhaireachtaí an Aontais dá dtagraítear i mír 1, i gcomhréir lena sainorduithe féin, faisnéis, sonraí staidrimh nó anailísí riosca a sholáthar, lena n-áirítear maidir le héilliú agus an choireacht eagraithe, a mhéid a d’fhéadfadh siad sin dochar a dhéanamh do chur i bhfeidhm acquis Schengen ag na Ballstáit, ar mhaithe le feasacht staide a fheabhsú de réir bhrí Rialachán (AE) 2019/1896 a mhéid a bhaineann le cur chun feidhme acquis Schengen ag na Ballstáit.

Féadfaidh an Ballstát a ndearnadh meastóireacht air tuairim a thabhairt maidir leis an bhfaisnéis a cuireadh ar fáil faoin gcéad fhomhír.

1.   Faoin 31 Lúnasa gach bliain, cuirfidh Frontex anailís riosca faoi bhráid na Comhairle, an Choimisiúin agus na mBallstát chun an clár meastóireachta bliantúil dá dtagraítear in Airteagal 13 a bhunú.

Cumhdófar san anailís riosca dá dtagraítear sa chéad fhomhír gach gné ábhartha a bhaineann le bainistiú comhtháite teorainneacha san Eoraip agus beidh moltaí inti maidir le codanna sonracha de na teorainneacha seachtracha, pointí trasnaithe teorann sonracha, agus suíomhanna sonracha is ábhartha chun meastóireacht a dhéanamh ar chomhlíonadh Threoir 2008/115/CE ó Pharlaimint na hEorpa agus ón gComhairle (22) sna Ballstáit a mbeidh meastóireacht le déanamh orthu an bhliain ina dhiaidh sin i gcomhréir leis an gclár meastóireachta ilbhliantúil arna bhunú de bhun Airteagal 12.

2.   An 31 Lúnasa gach bliain, cuirfidh Frontex faoi bhráid an Choimisiúin anailís riosca ar leith ina mbeidh moltaí maidir le meastóireachtaí gan réamhfhógra sa bhliain ina dhiaidh sin, gan beann ar ord na mBallstát a bhfuil meastóireacht le déanamh orthu gach bliain, i gcomhréir leis an gclár meastóireachta ilbhliantúil arna bhunú de bhun Airteagal 12.

Féadfaidh na moltaí dá dtagraítear sa chéad fhomhír a bheith bainteach le haon réigiún nó limistéar sonrach agus beidh liosta de 10 gcuid shonracha de na teorainneacha seachtracha ar a laghad, agus 10 bpointe trasnaithe teorann shonracha ar a laghad sna moltaí sin, agus ar a laghad 10 suíomhanna sonracha atá ábhartha maidir le meastóireacht a dhéanamh ar chomhlíonadh Threoir 2008/115/CE, mar aon le faisnéis ábhartha eile.

1.   Torthaí na sásraí agus na n-ionstraimí ábhartha, lena n-áirítear gníomhaíochtaí meastóireachta agus faireacháin a dhéanann comhlachtaí, oifigí agus gníomhaireachtaí an Aontais a ghlacann páirt i gcur chun feidhme acquis Schengen, go háirithe an measúnú leochaileachta, gníomhaíochtaí a dhéanann FRA, agus gníomhaíochtaí a dhéanann sásraí agus comhlachtaí faireacháin náisiúnta neamhspleácha, is torthaí iad a bhainfidh an Coimisiún úsáid astu nuair a bheidh na gníomhaíochtaí meastóireachta agus faireacháin á n-ullmhú aige, ar mhaithe le feasacht a fheabhsú maidir le feidhmiú an limistéir gan rialú ag na teorainneacha inmheánacha agus ar mhaithe le dúbláil iarrachtaí agus bearta a thagann salach ar a chéile a sheachaint. Nuair atá sé ar fáil, féadfaidh an Coimisiún, i gcomhaontú leis an mBallstát a ndearnadh meastóireacht air, úsáid a bhaint as torthaí sásraí rialaithe cáilíochta náisiúnta.

2.   Is ina gcomhlánú ar mholtaí a rinneadh de bhun Airteagal 32(7) de Rialachán (AE) 2019/1896 faoin measúnú leochaileachta a bheidh moltaí faoin Rialachán seo.

3.   Féadfaidh an Coimisiún sonraí na dtuarascálacha meastóireachta, pleananna gníomhaíochta agus nuashonruithe maidir le cur chun feidhme na bpleananna gníomhaíochta a chomhroinnt leis na comhlachtaí, oifigí agus gníomhaireachtaí ábhartha náisiúnta agus AE dá dtagraítear i mír 1 ar bhealach slán prapúil.

Déanfar an chomhroinnt faisnéise dá dtagraítear sa chéad fhomhír i gcomhréir le sainorduithe chomhlachtaí, oifigí agus gníomhaireachtaí an Aontais lena mbaineann.

1.   Cuirfidh an Coimisiún clár meastóireachta ilbhliantúil ar bun a chumhdóidh tréimhse 7 mbliana, i gcás inarb iomchuí agus tar éis dó dul i gcomhairle le comhlachtaí, oifigí agus gníomhaireachtaí ábhartha an Aontais dá dtagraítear in Airteagal 7, agus déanfaidh sé é sin 8 mí ar a laghad roimh thús na tréimhse 7 mbliana ina dhiaidh sin.

I ngach timthriall meastóireachta ilbhliantúil, déanfar meastóireacht thréimhsiúil amháin ar gach Ballstát, agus d’fhéadfadh sé, i gcás inarb iomchuí, go ndéanfaí meastóireacht théamach amháin nó níos mó nó meastóireacht gan réamhfhógra amháin nó níos mó orthu, ar bhonn anailísí riosca, reachtaíocht nua nó faisnéis nua a gheobhaidh an Coimisiún i gcomhréir le hAirteagail 7 go 11.

2.   Is trí bhíthin gníomh cur chun feidhme a bhunóidh an Coimisiún an clár meastóireachta ilbhliantúil. Déanfar an gníomh cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 30(2).

Tarchuirfidh an Coimisiún an clár meastóireachta ilbhliantúil chuig Parlaimint na hEorpa agus chuig an gComhairle.

3.   Féadfaidh an clár meastóireachta ilbhliantúil a shainaithint, i gcás inarb ábhartha, na réimsí tosaíochta sonracha laistigh de na réimsí beartais dá dtagraítear in Airteagal 1(3) a bheidh le cumhdach faoi na meastóireachtaí tréimhsiúla agus beidh sceideal ama sealadach le haghaidh na meastóireachtaí sin sa chlár.

Leagfaidh an clár meastóireachta ilbhliantúil amach liosta sealadach de na Ballstáit atá le bheith faoi réir na meastóireachtaí tréimhsiúla, gan dochar do choigeartuithe a dhéanfar faoi mhír 4 den Airteagal seo i mbliain ar leith. An t-ord sealadach ina bhfuil na Ballstáit le bheith faoi réir meastóireacht thréimhsiúil, cuirfear san áireamh ann an t-am a chuaigh thart ó rinneadh an mheastóireacht thréimhsiúil roimhe sin. Cuirfear san áireamh ann freisin toradh na meastóireachtaí a rinneadh roimhe sin, luas chur chun feidhme na bpleananna gníomhaíochta, agus faisnéis ábhartha eile atá ar fáil don Choimisiún, arna bailiú i gcomhréir le hAirteagail 7 go 11, a mhéid a bhaineann le cleachtais na mBallstát i gcur i bhfeidhm acquis Schengen.

4.   Más rud é go gcuireann force majeure cosc ar na meastóireachtaí a dhéanamh i gcomhréir leis an sceideal ama sealadach a bhunófar de bhun mhír 3, féadfaidh an Coimisiún coigeartuithe a dhéanamh ar sceideal ama na meastóireachtaí lena mbaineann, i gcomhaontú leis na Ballstáit lena mbaineann.

Cuirfidh an Coimisiún Parlaimint na hEorpa agus an Chomhairle ar an eolas gan mhoill faoi theagmhais dá dtagraítear sa chéad fhomhír agus faoin tionchar a mheastar a bheidh acu ar sceidealú meastóireachtaí faoin gclár meastóireachta ilbhliantúil.

1.   Cuirfidh an Coimisiún clár meastóireachta bliantúil ar bun, trí bhíthin gníomh cur chun feidhme, faoin 15 Samhain sa bhliain roimh an mbliain a mbaineann an clár léi. Beidh an clár meastóireachta bliantúil sin bunaithe, go háirithe, ar na hanailísí riosca agus ar fhaisnéis eile a gheobhaidh an Coimisiún i gcomhréir le hAirteagail 7 go 11. Déanfar an gníomh cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 30(2).

2.   Beidh sceideal ama sealadach le haghaidh na meastóireachtaí seo a leanas sa chlár meastóireachta bliantúil:

3.   Tarchuirfidh an Coimisiún an clár meastóireachta bliantúil chuig Parlaimint na hEorpa agus chuig an gComhairle gan mhoill.

Más rud é go gcuireann force majeure cosc ar na meastóireachtaí a dhéanamh i gcomhréir leis an sceideal ama sealadach a bhunófar de bhun mhír 2, féadfaidh an Coimisiún coigeartuithe a dhéanamh ar sceideal ama na meastóireachtaí lena mbaineann, i gcomhaontú leis na Ballstáit lena mbaineann.

Cuirfidh an Coimisiún Parlaimint na hEorpa agus an Chomhairle ar an eolas gan mhoill faoi theagmhais dá dtagraítear sa dara fomhír agus faoin tionchar a mheastar a bheidh acu ar sceidealú meastóireachtaí faoin gclár meastóireachta bliantúil.

1.   Déanfaidh an Coimisiún ceistneoir caighdeánach a chur ar bun agus a nuashonrú trí bhíthin gníomh cur chun feidhme. Déanfar an gníomh cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 30(2).

Agus an ceistneoir á tharraingt suas ag an gCoimisiún, féadfaidh sé dul i gcomhairle leis na comhlachtaí, oifigí agus gníomhaireachtaí ábhartha de chuid an Aontais dá dtagraítear in Airteagal 7.

2.   Cumhdóidh an ceistneoir caighdeánach cur chun feidhme na reachtaíochta ábhartha chomh maith leis na modhanna eagrúcháin agus teicniúla atá ar fáil maidir le cur chun feidhme acquis Schengen, lena n-áirítear iad siúd dá dtagraítear i lámhleabhair, i gcatalóga Schengen agus sna sonraí staidrimh ábhartha.

3.   Faoin 1 Iúil gach bliain, seolfaidh an Coimisiún an ceistneoir caighdeánach chuig na Ballstáit a bhfuil meastóireachtaí tréimhsiúla le déanamh orthu an bhliain dár gcionn i gcomhréir leis an gclár meastóireachta bliantúil.

Cuirfidh na Ballstáit dá dtagraítear sa chéad fhomhír a bhfreagraí ar fáil don Choimisiún faoin 31 Deireadh Fómhair den bhliain chéanna.

Cuirfidh an Coimisiún na freagraí dá dtagraítear sa dara fomhír ar fáil do na Ballstáit eile.

4.   Ar iarraidh ón gCoimisiún, déanfaidh na Ballstáit a ndearnadh meastóireacht orthu a bhfreagraí ar an gceistneoir caighdeánach a nuashonrú agus, má iarrtar sin orthu, freagra a thabhairt ar cheisteanna comhlántacha roimh mheastóireachtaí sonracha. Féadfaidh na Ballstáit na torthaí a chur ar fáil freisin ó shásraí rialaithe cáilíochta náisiúnta agus ó iniúchtaí inmheánacha i gcás inarb ábhartha.

1.   Na baill foirne agus na breathnóirí a bheidh rannpháirteach i ngníomhaíochtaí meastóireachta agus faireacháin, beidh na cáilíochtaí iomchuí acu, lena n-áirítear sáreolas teoiriciúil agus taithí sna réimsí a chumhdaítear faoin sásra meastóireachta agus faireacháin, mar aon le heolas fónta ar phrionsabail, nósanna imeachta agus teicnící na meastóireachta, agus beidh siad in ann cumarsáid a dhéanamh go héifeachtach i dteanga choiteann.

2.   Saineolaithe ó na Ballstáit a bhfuil acquis Schengen ina cheangal orthu ach nach gcuireann i bhfeidhm ina iomláine go fóill é, i gcomhréir leis an Ionstraim Aontachais ábhartha, beidh na saineolaithe sin rannpháirteach i ngníomhaíochtaí meastóireachta agus faireacháin ar gach cuid de acquis Schengen.

1.   Áiritheoidh na Ballstáit agus an Coimisiún, i gcomhar leis na comhlachtaí, oifigí nó gníomhaireachtaí ábhartha de chuid an Aontais dá dtagraítear in Airteagal 7, go bhfaighidh saineolaithe ó na Ballstáit agus ionadaithe ón gCoimisiún oiliúint leordhóthanach le bheith ina meastóirí Schengen.

Áiritheoidh an Coimisiún go n-eagrófar cúrsaí oiliúna le haghaidh meastóirí Schengen le haghaidh gach réimse beartais ábhartha agus go gcuimseoidh siad dea-fheidhmiú na n-údarás maille le gnéithe maidir le cearta bunúsacha arna bhforbairt le rannpháirtíocht FRA.

Déanfaidh an Coimisiún, i ndlúthchomhar leis na Ballstáit agus le comhlachtaí, oifigí nó gníomhaireachtaí ábhartha an Aontais dá dtagraítear in Airteagal 7, na curaclaim oiliúna tosaigh a choimeád cothrom le dáta agus, i gcás inar gá, oiliúint leantach agus oiliúint athnuachana a chur ar fáil.

2.   I gcásanna a bhfuil údar cuí leo, féadfar saineolaí faoi oiliúint ó Bhallstát nó ón gCoimisiún a bheith ar gach foireann a dhéanann meastóireachtaí tréimhsiúla.

3.   Beidh oiliúint leordhóthanach ar bhreathnóirí.

1.   Féadfaidh an Coimisiún díorma saineolaithe a chur ar bun gach bliain i gcomhar leis na Ballstáit, ar saineolaithe iad a bhfuil cúlra gairmiúil acu a chumhdaíonn réimsí beartais, nó, i gcás inarb ábhartha, na réimsí tosaíochta sonracha a leagtar amach sa chlár meastóireachta ilbhliantúil.

2.   I gcomhthráth le cur ar bun an chláir meastóireachta ilbhliantúil i gcomhréir le hAirteagal 13(1), ar iarraidh ón gCoimisiún, ainmneoidh na Ballstáit saineolaí cáilithe amháin nó níos mó in aghaidh gach réimse beartais le haghaidh dhíorma saineolaithe na bliana ina dhiaidh sin. Áiritheoidh gach Ballstát go mbeidh saineolaí ainmnithe amháin ar a laghad in aghaidh gach réimse beartais ar fáil aon tráth ar leith le linn bliain féilire. Féadfaidh an Ballstát an tréimhse 6 mhí ina mbeidh saineolaí ainmnithe ar fáil agus roghanna maidir le meastóireacht ar leith a chur in iúl. Cuirfidh an Coimisiún na roghanna sin san áireamh a mhéad is féidir.

Ní cheanglófar ar na Ballstáit saineolaithe a ainmniú sna réimsí nach ndéantar meastóireacht ar na Ballstáit sin ar chúiseanna oibiachtúla, nó, i gcásanna eisceachtúla, dá ndéanfadh an t-ainmniú difear substaintiúil do chomhlíonadh cúraimí náisiúnta. Má dhéanann Ballstát an t-ainmniú sin, soláthróidh sé, i scríbhinn, cúiseanna cuimsitheacha agus faisnéis maidir leis an staid eisceachtúil sin don Choimisiún.

Cuirfidh na Ballstáit an Coimisiún ar an eolas faoin bpointe teagmhála náisiúnta a ainmníodh chun cumarsáid a dhéanamh maidir le saineolaithe a imscaradh.

3.   Tabharfaidh an Coimisiún tuilleadh sonraí san iarraidh maidir le ceanglais ghairmiúla na saineolaithe atá le hainmniú, ag brath ar na meastóireachtaí a chuimsítear sa chlár meastóireachta bliantúil.

4.   Ainmneoidh na Ballstáit saineolaithe laistigh de 6 seachtaine tar éis dóibh an iarraidh dá dtagraítear i mír 2 a fháil.

5.   Áiritheoidh na Ballstáit go gcomhlíonfaidh na saineolaithe na coinníollacha dá dtagraítear in Airteagal 15 agus na ceanglais shonracha a leagtar amach san iarraidh maidir leis an díorma saineolaithe a chur ar bun.

6.   Saineolaithe ar cuireadh an oiliúint iomchuí dá dtagraítear in Airteagal 16 orthu, ainmneofar iad, i gcás inar féidir, ar an díorma saineolaithe a chuirfear ar bun i dtaca leis an mbliain i ndiaidh na bliana sin ina ndearna siad an cúrsa oiliúna ábhartha.

7.   Ina theannta sin, féadfaidh an Coimisiún a iarraidh ar na comhlachtaí, oifigí agus gníomhaireachtaí ábhartha de chuid an Aontais lena mbaineann dá dtagraítear in Airteagal 7 breathnóirí don díorma saineolaithe a ainmniú.

8.   Déanfaidh an Coimisiún measúnú ar na saineolaithe a ainmneofar agus deimhneoidh sé roghnú na saineolaithe don díorma laistigh de sheachtain amháin óna n-ainmniú. Laistigh de mhí amháin ón díorma saineolaithe a bhunú, cuirfidh an Coimisiún na Ballstáit ar an eolas faoi roghnú na saineolaithe do na meastóireachtaí a bheartaítear don bhliain dár gcionn, agus infhaighteacht agus roghanna maidir le meastóireacht ar leith á gcur san áireamh.

9.   I gcás nach gcomhlíonfaidh aon duine de na saineolaithe sna réimsí sonracha na ceanglais dá dtagraítear i mír 3, iarrfaidh an Coimisiún ar an mBallstát lena mbaineann saineolaí nua a ainmniú le haghaidh an réimse tosaíochta shonraigh lena mbaineann.

10.   Áiritheoidh na Ballstáit go mbeidh na saineolaithe ainmnithe ar fáil le haghaidh meastóireachtaí mura rud é nach mór dóibh aghaidh a thabhairt ar staid eisceachtúil amhail staid a dhéanann difear suntasach do chomhlíonadh cúraimí náisiúnta nó do staid phearsanta. Má dhéanann Ballstát staid eisceachtúil den sórt sin a agairt, soláthróidh sé, i scríbhinn, cúiseanna cuimsitheacha agus faisnéis maidir leis an staid sin don Choimisiún.

Mura mbeidh saineolaí ar fáil a thuilleadh le haghaidh an díorma, ainmneoidh an Ballstát lena mbaineann ionadaí laistigh de thréimhse réasúnta ama.

11.   Coimeádfaidh an Coimisiún liosta na saineolaithe atá sa díorma cothrom le dáta agus cuirfidh sé na Ballstáit ar an eolas faoi líon na saineolaithe atá ainmnithe in aghaidh an Bhallstáit agus faoi phróifílí na saineolaithe.

1.   Saineoidh an Coimisiún líon na saineolaithe ó na Ballstáit agus líon na n-ionadaithe ón gCoimisiún a bheidh rannpháirteach i bhfoireann ar bhonn shaintréithe agus riachtanais na gníomhaíochta meastóireachta nó faireacháin. Is é beirt líon uasta na n-ionadaithe ón gCoimisiún a bheidh ar fhoireann. Is é triúr líon íosta na saineolaithe ó na Ballstáit ar fhoireann a bheidh páirteach i gcuairt fógartha nó i gcuairt gan réamhfhógra. Roghnóidh an Coimisiún saineolaithe ón díorma saineolaithe le bheith ina mbaill ar fhoireann.

Agus na foirne á mbunú le haghaidh athchuairteanna agus cuairteanna fíorúcháin ar Bhallstát ar leith, déanfaidh an Coimisiún agus na Ballstáit a ndícheall a áirithiú gurb iad na saineolaithe céanna iad a ghlac páirt sa mheastóireacht ar a laghad leathchuid díobh sin ar an bhfoireann de shaineolaithe ó na Ballstáit.

2.   Nuair a bheidh saineolaithe á roghnú ag an gCoimisiún, tabharfaidh sé aird ar na próifílí is gá le haghaidh gníomhaíocht mheastóireachta nó faireacháin ar leith, agus cuirfidh sé san áireamh an gá atá le cothromaíocht gheografach agus cothromaíocht ó thaobh taithí ghairmiúil de a áirithiú mar aon le hacmhainneacht na n-údarás náisiúnta.

Ní bheidh saineolaithe ó na Ballstáit rannpháirteach i bhfoireann a dhéanann gníomhaíocht mheastóireachta nó faireacháin ar an mBallstát ina bhfuil siad fostaithe.

3.   Tabharfaidh an Coimisiún cuireadh do na saineolaithe roghnaithe díreach tar éis an dáta a shocrófar an ghníomhaíocht mheastóireachta nó faireacháin agus tráth nach déanaí ná 10 seachtaine roimh dháta tosaigh sceidealaithe na gníomhaíochta meastóireachta nó faireacháin. Na saineolaithe ar tugadh cuireadh dóibh, tabharfaidh siad freagra laistigh de sheachtain amháin ón dáta a gheobhaidh siad an cuireadh, i gcomhaontú lena n-údaráis ainmniúcháin.

Seolfar cuirí dá dtagraítear sa chéad fhomhír trí na pointí teagmhála náisiúnta ainmnithe.

4.   I gcás cuairteanna gan réamhfhógra, seolfaidh an Coimisiún na cuirí trí na pointí teagmhála náisiúnta ainmnithe tráth nach déanaí ná coicís roimh an dáta atá sé sceidealaithe tús a chur leis an gcuairt. Tabharfaidh saineolaithe ar tugadh cuireadh dóibh freagra laistigh de 72 uair an chloig ón dáta a gheobhaidh siad an cuireadh, i gcomhaontú lena n-údaráis ainmniúcháin.

5.   Féadfaidh an Coimisiún a iarraidh ar na comhlachtaí, oifigí agus gníomhaireachtaí ábhartha de chuid an Aontais lena mbaineann dá dtagraítear in Airteagal 7 ionadaí a ainmniú, ionadaí a mbeidh taithí ghairmiúil agus taithí allamuigh ábhartha aige, chun páirt a ghlacadh mar bhreathnóir i ngníomhaíocht mheastóireachta nó faireacháin i réimse a gclúdaítear ina sainordú. Beidh feidhm ag na teorainneacha ama a leagtar amach i mír 3 agus mír 4 den Airteagal seo maidir leis an iarraidh agus an freagra.

6.   Más mian le Ballstát saineolaí faoi oiliúint a ainmniú dá dtagraítear in Airteagal 16(2), cuirfidh sé an méid sin in iúl don Choimisiún 6 seachtaine ar a laghad roimh an dáta atá sé sceidealaithe tús a chur leis an meastóireacht.

7.   Na breathnóirí dá dtagraítear i mír 5, tacóidh siad leis an bhfoireann de réir mar a iarrfaidh na príomhshaineolaithe sin orthu, ach ní bheidh siad rannpháirteach i bpróiseas cinnteoireachta inmheánach na foirne.

Ní bheidh na saineolaithe faoi oiliúint dá dtagraítear i mír 6 rannpháirteach go gníomhach sa ghníomhaíocht mheastóireachta.

8.   Má mhainníonn an Coimisiún deimhniú a fháil maidir le rannpháirtíocht an lín saineolaithe is gá ón díorma 6 seachtaine ar a laghad roimh an dáta a bhfuil sé sceidealaithe tús a chur leis an ngníomhaíocht mheastóireachta nó faireacháin, nó seachtain amháin ar a laghad roimh ré i gcás cuairte gan réamhfhógra, iarrfaidh an Coimisiún ar na Ballstáit ar fad gan mhoill, saineolaithe cáilithe a ainmniú ó lasmuigh den díorma le haghaidh na bhfolúntas sin. Freagróidh na Ballstáit laistigh de 72 uair an chloig ón iarraidh sin a fháil

9.   Ainmneoidh an Coimisiún príomhshaineolaí ón gCoimisiún agus molfaidh sé an príomhshaineolaí ón mBallstát. Ainmneoidh na baill den fhoireann an príomhshaineolaí ón mBallstát a luaithe is féidir tar éis an fhoireann a chur ar bun.

Beidh na príomh-shaineolaithe freagrach go háirithe as an bpleanáil fhoriomlán, gníomhaíochtaí ullmhúcháin, an fhoireann a eagrú, an mheastóireacht a dhéanamh, dréachtú na tuarascála meastóireachta a chomhordú, cur i láthair na tuarascála meastóireachta agus na moltaí, an tseiceáil cáilíochta agus gníomhaíochtaí leantacha, chomh maith le gníomhaíochtaí faireacháin ábhartha, i gcás inarb iomchuí.

1.   Déanfaidh na foirne na gníomhaíochtaí ullmhúcháin uile is gá lena áirithiú go mbeidh na cuairteanna éifeachtúil, cruinn agus comhsheasmhach.

2.   An clár mionsonraithe le haghaidh na gcuairteanna i mBallstát nó i gconsalachtaí Ballstáit, is é an Coimisiún a chuirfidh an clár sin ar bun, i ndlúthchomhar leis na príomhshaineolaithe agus leis an mBallstát lena mbaineann.

D’fhéadfaí a áireamh leis an gclár mionsonraithe dá dtagraítear sa chéad fhomhír cuairteanna ar údaráis agus comhlachtaí náisiúnta, ar eagraíochtaí neamhrialtasacha agus idirnáisiúnta, agus ar eintitis, gníomhaireachtaí agus comhlachtaí eile a thacaíonn leis na Ballstáit i ndáil le cur chun feidhme acquis Schengen.

3.   Le haghaidh cuairteanna fógartha, rachaidh an Coimisiún i gcomhairle leis an mBallstát lena mbaineann agus tabharfaidh sé fógra don Bhallstát sin faoin gclár mionsonraithe 6 seachtaine ar a laghad roimh an dáta atá sé sceidealaithe an chuairt a dhéanamh. Cuirfidh sé ainmneacha na mball den fhoireann agus ainmneacha na mbreathnóirí ar fáil roimh ré. Ainmneoidh an Ballstát lena mbaineann pointe teagmhála chun na socruithe praiticiúla a dhéanamh maidir leis an gcuairt.

4.   Tabharfar cuairteanna gan réamhfhógra tar éis fógra 24 uair a thabhairt roimh ré don Bhallstát lena mbaineann. Tabharfar cuairteanna gan réamhfhógra chuig na teorainneacha inmheánacha gan fógra a thabhairt roimh ré don Bhallstát lena mbaineann. Féadfar cuairteanna gan réamhfhógra a thabhairt gan fógra a thabhairt roimh ré don Bhallstát lena mbaineann i gcásanna ina bhfuil forais a bhfuil bunús leo ag an gCoimisiún lena mheas go bhfuil sáruithe tromchúiseacha déanta ar chearta bunúsacha i gcur chun feidhme acquis Schengen. Ina theannta sin, féadfar cuairteanna fíorúcháin a thabhairt gan fógra a thabhairt roimh ré don Bhallstát lena mbaineann.

Bunóidh an Coimisiún an clár mionsonraithe do chuairteanna gan réamhfhógra. I gcás inar tugadh fógra don Bhallstát faoi chuairt gan réamhfhógra, féadfaidh an Coimisiún dul i gcomhairle leis an mBallstát lena mbaineann maidir leis an amchlár agus leis an gclár mionsonraithe.

1.   Déanfaidh an fhoireann tuarascáil mheastóireachta a dhréachtú tar éis gach meastóireachta.

Nuair a bheidh an tuarascáil mheastóireachta á hullmhú ag na foirne, tabharfaidh siad aird ar na freagraí ar an gceistneoir caighdeánach, ar aon fhaisnéis bhreise a gheofar i gcomhréir le hAirteagail 7 go 11 agus a fhíorófar le linn na gníomhaíochta meastóireachta, agus ar thorthaí na gníomhaíochta meastóireachta. Féadfar ábhar faisnéise agus digiteach a chuimsiú sna tuarascálacha meastóireachta chun tacú leis na torthaí. I gcás ina ndéanfar meastóireacht trí bhíthin cuairte, déanfaidh an fhoireann an tuarascáil mheastóireachta a dhréachtú le linn na cuairte.

Is ar an bhfoireann a bheidh an fhreagracht iomlán as an tuarascáil mheastóireachta a dhréachtú agus as sláine agus cáilíocht na tuarascála a áirithiú. I gcás easaontais, déanfaidh an fhoireann gach iarracht teacht ar chomhréiteach.

Tarchuirfidh an Coimisiún an dréacht-tuarascáil mheastóireachta ina bhfuil na dréachtmholtaí chuig an mBallstát a ndearnadh meastóireacht air laistigh de 4 seachtaine ó dheireadh na gníomhaíochta meastóireachta. Cuirfidh an Ballstát a ndearnadh meastóireacht air a bharúlacha maidir leis an dréacht-tuarascáil mheastóireachta ar fáil laistigh de 2 sheachtain tar éis dó í a fháil. Tionólfar cruinniú maidir le dréachtú arna iarraidh sin don Bhallstát a ndearnadh meastóireacht air, tráth nach déanaí ná 5 lá oibre tar éis na barúlacha a fháil ón mBallstát a ndearnadh meastóireacht air. Léireofar barúlacha an Bhallstáit a ndearnadh meastóireacht air sa dréacht-tuarascáil mheastóireachta i gcás inarb ábhartha.

2.   Déanfar anailís sa tuarascáil mheastóireachta ar na gnéithe cáilíochtúla, cainníochtúla, oibríochtúla, riaracháin agus eagraíochtúla agus liostófar inti na heasnaimh, na réimsí a bhféadfaí feabhas a chur orthu agus na dea-chleachtais a sainaithníodh le linn na meastóireachta.

3.   Féadfar torthaí a mheasúnú mar cheann díobh seo a leanas:

4.   Is trí bhíthin gníomh cur chun feidhme a dhéanfaidh an Coimisiún an tuarascáil mheastóireachta a ghlacadh. Déanfar an gníomh cur chun feidhme sin a ghlacadh i gcomhréir leis an nós imeachta scrúdúcháin dá dtagraítear in Airteagal 30(2). Glacfar an tuarascáil mheastóireachta tráth nach déanaí ná 4 mhí tar éis dheireadh na gníomhaíochta meastóireachta.

Beidh moltaí sa tuarascáil mheastóireachta maidir le gníomhaíochtaí ceartaitheacha arb é is aidhm dóibh aghaidh a thabhairt ar na heasnaimh agus na réimsí a bhféadfaí feabhas a chur orthu a sainaithníodh le linn na meastóireachta agus tabharfar léiriú inti ar na tosaíochtaí maidir lena gcur chun feidhme. Leis an tuarascáil mheastóireachta, féadfar teorainneacha ama réasúnta, arna mbunú i gcomhar leis an mBallstát lena mbaineann, a leagan síos le haghaidh chur chun feidhme na moltaí. I gcás ina sainaithneofar sa mheastóireacht gur ann d’easnamh tromchúiseach, beidh feidhm ag na forálacha sonracha a leagtar amach in Airteagal 22.

Tarchuirfidh an Coimisiún an tuarascáil mheastóireachta chuig Parlaimint na hEorpa agus chuig an gComhairle tráth nach déanaí ná 14 lá tar éis ghlacadh na tuarascála.

5.   I gcás ina ndéanfaidh an Ballstát a mbeidh meastóireacht déanta air, laistigh de 10 lá oibre ó chruinniú an dréachtaithe, ábhar na dréacht-tuarascála meastóireachta a chonspóid go suntasach, nó a mhéid a bhaineann le cineál toraidh, beidh an tuarascáil a ghlacfaidh an Coimisiún teoranta do thorthaí agus ní bheidh moltaí inti. Sna cásanna sin, agus gan dochar d’Airteagal 22, cuirfidh an Coimisiún, tráth nach déanaí ná 4 mhí tar éis dheireadh na gníomhaíochta meastóireachta, togra ar leithligh faoi bhráid na Comhairle maidir le moltaí a ghlacadh trí bhíthin cinneadh cur chun feidhme. Féadfar teorainneacha ama réasúnta arna mbunú i gcomhar leis an mBallstát chun moltaí a chur chun feidhme a leagan síos sa togra, agus tabharfar léiriú ann ar na tosaíochtaí maidir lena gcur chun feidhme.

Glacfaidh an Chomhairle na moltaí a áirítear sa tuarascáil agus tarchuirfidh sí iad chuig Parlaimint na hEorpa agus chuig na parlaimintí náisiúnta.

1.   Laistigh de 2 mhí ón dáta a ghlacfaidh an Coimisiún an tuarascáil mheastóireachta lena n-áirítear moltaí, de bhun Airteagal 20(4), nó a ghlacfar moltaí na Comhairle, de bhun Airteagal 20(5), cuirfidh an Ballstát a ndearnadh meastóireacht air plean gníomhaíochta faoi bhráid an Choimisiúin agus na Comhairle maidir le cur chun feidhme na moltaí uile. Iarrfar ar na Ballstáit eile a mbarúlacha a thabhairt ar an bplean gníomhaíochta.

2.   Tar éis don Choimisiún dul i gcomhairle leis an bhfoireann a rinne an ghníomhaíocht mheastóireachta, cuirfidh sé athbhreithniú ar fáil don Bhallstát a ndearnadh meastóireacht air ar leordhóthanacht an phlean gníomhaíochta laistigh de mhí amháin ón dáta a chuirfear an plean isteach sin.

Mura measfaidh an Coimisiún gur leor an plean gníomhaíochta, déanfaidh an Ballstát a ndearnadh meastóireacht air plean gníomhaíochta athbhreithnithe a chur isteach laistigh de mhí amháin tar éis dó an t-athbhreithniú a fháil. Cuirfidh an Coimisiún an t-athbhreithniú ar an bplean gníomhaíochta faoi bhráid na Comhairle freisin.

3.   Tuairisceoidh an Ballstát a ndearnadh meastóireacht air don Choimisiún agus don Chomhairle maidir le cur chun feidhme a phlean gníomhaíochta gach 6 mhí ón dáta a fhaightear fógra go bhfuarthas an t-athbhreithniú ar an bplean gníomhaíochta go dtí go measfaidh an Coimisiún go bhfuil an plean gníomhaíochta curtha chun feidhme ina iomláine. Féadfaidh an Coimisiún, i gcomhairle leis an mBallstát a ndearnadh meastóireacht air, a cheangal ar an mBallstát a ndearnadh meastóireacht air cloí le minicíocht eile tuairiscithe, agus sin ag brath ar chineál na n-easnamh agus ar staid chur chun feidhme na moltaí.

Mura dtuairisceoidh an Ballstát a ndearnadh meastóireacht air maidir le cur chun feidhme an phlean gníomhaíochta go rialta, cuirfidh an Coimisiún in iúl don Chomhairle agus do Pharlaimint na hEorpa nach bhfuil a gcuid oibleagáidí á gcomhlíonadh ag an mBallstát sin.

Féadfaidh an Coimisiún cuairteanna fíorúcháin a thabhairt chun faireachán a dhéanamh ar dhul chun cinn chur chun feidhme an phlean gníomhaíochta.

I gcás ina measfaidh an Coimisiún go bhfuil an plean gníomhaíochta curtha chun feidhme ina iomláine, cuirfidh sé na Ballstáit ar an eolas faoi thabhairt chun críche an phlean gníomhaíochta.

1.   Ag deireadh na gníomhaíochta meastóireachta, thar ceann na foirne, déanfaidh na príomh-shaineolaithe ón gCoimisiún agus ó na Ballstáit a chur in iúl i scríbhinn don Bhallstát a ndearnadh meastóireacht air gur sainaithníodh easnamh tromchúiseach. Cuirfear an Chomhairle ar an eolas freisin gan mhoill.

Déanfaidh an Ballstát a ndearnadh meastóireacht air bearta ceartaitheacha láithreacha lena n-áirítear, i gcás inar gá, na modhanna oibríochtúla agus airgeadais oiriúnacha uile a shlógadh. Cuirfidh an Ballstát a ndearnadh meastóireacht air an Coimisiún agus na Ballstáit eile ar an eolas gan mhoill faoi na gníomhaíochtaí ceartaitheacha láithreacha a rinneadh nó atá beartaithe. I gcomhthráth leis sin, cuirfidh an Coimisiún comhlachtaí, oifigí agus gníomhaireachtaí ábhartha an Aontais lena mbaineann dá dtagraítear in Airteagal 7 ar an eolas faoin easnamh tromchúiseach i bhfianaise na tacaíochta a d’fhéadfadh siad a thabhairt don Bhallstát a ndearnadh meastóireacht air.

2.   Na torthaí arb é cinneadh gur ann d’easnamh tromchúiseach is toradh orthu, is iad a bheidh san áireamh mar thosaíocht sa tuarascáil mheastóireachta a dhréachtófar i gcomhréir le hAirteagal 20(1), (2) agus (3). Cuirfear in iúl go soiléir i dteideal agus i gconclúid na tuarascála meastóireachta go bhfuil easnamh tromchúiseach ann nó go bhfuil easnaimh thromchúiseacha ann. Beidh dréachtmholtaí ag gabháil leis, lena n-áirítear dréachtmholtaí maidir le gníomhaíochtaí ceartaitheacha láithreacha. Tarchuirfidh an Coimisiún an dréacht-tuarascáil mheastóireachta chuig an mBallstát a ndearnadh meastóireacht air laistigh de 2 sheachtain ó dheireadh na gníomhaíochta meastóireachta.

Cuirfidh an Ballstát a ndearnadh meastóireacht air a bharúlacha maidir leis an dréacht-tuarascáil mheastóireachta ar fáil laistigh de 10 lá oibre tar éis dó í a fháil. Tionólfar cruinniú maidir le dréachtú arna iarraidh sin don Bhallstát a ndearnadh meastóireacht air, tráth nach déanaí ná 5 lá oibre tar éis na barúlacha a fháil ón mBallstát a ndearnadh meastóireacht air.

3.   Ar mhórchúiseanna práinne a bhfuil údar cuí leo a bhaineann leis an easnamh tromchúiseach, glacfaidh an Coimisiún an tuarascáil mheastóireachta tráth nach déanaí ná 6 seachtaine tar éis dheireadh na gníomhaíochta meastóireachta trí bhíthin gníomh cur chun feidhme atá infheidhme láithreach i gcomhréir leis an nós imeachta dá dtagraítear in Airteagal 30(3). Tarchuirfidh an Coimisiún an tuarascáil mheastóireachta chuig Parlaimint na hEorpa.

4.   I bhfianaise na dtorthaí, déanfaidh an fhoireann moltaí a dhréachtú maidir le gníomhaíochtaí ceartaitheacha a bheidh dírithe ar aghaidh a thabhairt ar an easnamh tromchúiseach a sainaithníodh sa tuarascáil mheastóireachta.

Laistigh de 6 seachtaine ó ghlacadh na tuarascála meastóireachta, cuirfidh an Coimisiún an tuarascáil mheastóireachta faoi bhráid na Comhairle mar aon le togra le haghaidh moltaí le haghaidh gníomhaíochtaí ceartaitheacha a bheidh dírithe ar aghaidh a thabhairt ar an easnamh tromchúiseach a sainaithníodh le linn na meastóireachta, agus léiriú ar na tosaíochtaí maidir lena gcur chun feidhme.

Glacfaidh an Chomhairle moltaí laistigh de 1 mhí amháin ón dáta a gheofar an togra.

Tarchuirfidh an Chomhairle na moltaí chuig Parlaimint na hEorpa agus chuig na parlaimintí náisiúnta.

Socróidh an Chomhairle teorainneacha ama comhréireacha le haghaidh chur chun feidhme na moltaí a bhaineann le heasnamh tromchúiseach agus sonróidh sí minicíocht an tuairiscithe a dhéanfaidh an Ballstát a ndearnadh meastóireacht air don Choimisiún agus don Chomhairle i ndáil le cur chun feidhme a phlean gníomhaíochta.

5.   Má nochtar, trí chuairt, easnamh tromchúiseach a mheastar gur bagairt thromchúiseach é ar bheartas poiblí nó ar shlándáil inmheánach laistigh den limistéar gan rialú ag teorainneacha inmheánacha, nó má aithnítear é ar bhonn an bhaoil gur sárú sistéamach ar chearta bunúsacha é, cuirfidh an Coimisiún Parlaimint na hEorpa agus an Chomhairle ar an eolas faoi sin láithreach bonn.

Pléifidh an Chomhairle an t-ábhar faoi phráinn agus déanfaidh sí a dícheall moltaí a ghlacadh, ar bhonn togra ón gCoimisiún, trí bhíthin gníomh cur chun feidhme, lena leagtar amach bearta iomchuí chun tionchar an easnaimh thromchúisigh ar an mbeartas poiblí nó ar an tslándáil inmheánach laistigh den limistéar gan rialú ag teorainneacha inmheánacha, nó an tsáraithe shistéamaigh ar chearta bunúsacha, a leigheas nó a theorannú, laistigh de 2 sheachtain tar éis di an togra a fháil. Beidh an Cinneadh ón gComhairle lena leagfar amach na moltaí sin gan dochar d’Airteagal 29 de Rialachán (AE) 2016/399 agus Airteagal 42(1) de Rialachán (AE) 2019/1896.

Tarchuirfidh an Chomhairle na moltaí chuig Parlaimint na hEorpa.

6.   Cuirfidh an Ballstát a ndearnadh meastóireacht air a phlean gníomhaíochta faoi bhráid an Choimisiúin agus na Comhairle laistigh de mhí amháin tar éis ghlacadh na moltaí. Iarrfar ar na Ballstáit eile a mbarúlacha a thabhairt ar an bplean gníomhaíochta. Tarchuirfidh an Coimisiún an plean gníomhaíochta chuig Parlaimint na hEorpa.

Tar éis dul i gcomhairle leis an bhfoireann a rinne an ghníomhaíocht mheastóireachta déanta aici, cuirfidh an Coimisiún athbhreithniú ar leordhóthanacht an phlean gníomhaíochta ar fáil don Bhallstát a ndearnadh meastóireacht air laistigh de 2 sheachtain tar éis a thíolactha. Mura measfaidh an Coimisiún gur leordhóthanach an plean gníomhaíochta, déanfaidh an Ballstát a ndearnadh meastóireacht air plean gníomhaíochta athbhreithnithe a chur isteach laistigh de 2 sheachtain tar éis dó an t-athbhreithniú a fháil.

Cuirfidh an Coimisiún a athbhreithniú ar an bplean gníomhaíochta faoi bhráid na Comhairle agus tarchuirfidh sé é chuig Parlaimint na hEorpa.

Tuairisceoidh an Ballstát a ndearnadh meastóireacht air don Choimisiún agus don Chomhairle maidir le cur chun feidhme a phlean gníomhaíochta go dtí go measfaidh an Coimisiún go bhfuil an plean gníomhaíochta curtha chun feidhme ina iomláine.

7.   Ar mhaithe leis an dul chun cinn atá déanta i gcur chun feidhme na moltaí a bhaineann leis an easnamh tromchúiseach a fhíorú, eagróidh an Coimisiún athchuairt atá le déanamh tráth nach déanaí ná bliain amháin ó dháta na gníomhaíochta meastóireachta.

Dréachtóidh an fhoireann tuarascáil athchuairte i gcomhréir le hAirteagal 20(1) ina ndéanfar measúnú ar an dul chun cinn atá déanta maidir le moltaí na Comhairle a chur chun feidhme agus ina gcinnfear cé acu a tugadh nó nár tugadh aghaidh ar an easnamh tromchúiseach.

Glacfaidh an Coimisiún tuarascáil maidir le hathchuairt trí bhíthin gníomh cur chun feidhme. Glacfar an gníomh cur chun feidhme sin i gcomhréir leis an nós imeachta scrúdúcháin dá dtagraítear in Airteagal 30(2). Cuirfidh an Coimisiún an tuarascáil athchuairte faoi bhráid na Comhairle.

8.   Féadfaidh an Chomhairle a seasamh maidir leis an tuarascáil athchuairte a chur in iúl, agus i gcás inarb iomchuí, féadfaidh sí a iarraidh ar an gCoimisiún togra a thíolacadh ina mbeidh moltaí le haghaidh gníomhaíochtaí ceartaitheacha darb aidhm aghaidh a thabhairt ar an easnamh tromchúiseach leanúnach arna shainaithint sa tuarascáil athchuairte. Sa chás sin, beidh feidhm ag mír 6 agus mír 7.

9.   I gcásanna ina measann an Coimisiún gur féidir an plean gníomhaíochta a thabhairt chun críche, eagróidh sé cuairt fíorúcháin agus cuirfidh sé an Chomhairle ar an eolas faoi thoradh na cuairte fíorúcháin sin. Cuirfidh an Coimisiún in iúl do Pharlaimint na hEorpa gur féidir an plean gníomhaíochta a thabhairt chun críche.

Déanfaidh an Chomhairle, ar bhonn an togra ón gCoimisiún, agus toradh na cuairte fíorúcháin á chur san áireamh aici, cinneadh cur chun feidhme a ghlacadh lena bhformheasfar tabhairt chun críche an phlean gníomhaíochta.

1.   I bhfianaise na dtorthaí, beidh dréachtmholtaí le haghaidh gníomhaíochtaí ceartaitheacha ag gabháil leis an tuarascáil mheastóireachta tar éis meastóireacht chéaduaire a dhréachtófar i gcomhréir le hAirteagal 20(1) go (4).

Cuirfidh an Coimisiún togra faoi bhráid na Comhairle go nglacfadh sí na moltaí lena mbaineann tráth nach déanaí ná 4 mhí tar éis dheireadh na gníomhaíochta meastóireachta.

2.   Glacfaidh an Chomhairle moltaí. Féadfaidh sí teorainneacha ama a shocrú le haghaidh cur chun feidhme moltaí sonracha.

Tarchuirfidh an Chomhairle na moltaí chuig Parlaimint na hEorpa agus chuig na parlaimintí náisiúnta.

3.   Cuirfidh an Ballstát a ndearnadh meastóireacht air faoi bhráid an Choimisiúin agus na Comhairle plean gníomhaíochta chun na moltaí go léir a chur chun feidhme.

Tar éis don Choimisiún dul i gcomhairle leis an bhfoireann a rinne an ghníomhaíocht mheastóireachta, cuirfidh sé athbhreithniú ar leordhóthanacht an phlean gníomhaíochta ar fáil agus, laistigh de mhí amháin ón dáta a chuirfear an plean isteach, cuirfidh sé sin in iúl don Bhallstát a ndearnadh meastóireacht air.

Mura measfaidh an Coimisiún gur leor an plean gníomhaíochta, cuirfidh an Ballstát a ndearnadh meastóireacht air plean gníomhaíochta athbhreithnithe isteach.

Tuairisceoidh an Ballstát a ndearnadh meastóireacht air don Choimisiún agus don Chomhairle maidir le cur chun feidhme a phlean gníomhaíochta gach 6 mhí ón dáta a fhaightear fógra go bhfuarthas an t-athbhreithniú.

4.   I gcás ina gcinnfear sa tuarascáil mheastóireachta nár chomhlíon an Ballstát a ndearnadh meastóireacht air na coinníollacha is gá maidir le acquis Schengen a chur i bhfeidhm, eagróidh an Coimisiún athchuairt amháin nó níos mó.

Dréachtóidh an fhoireann tuarascáil athchuairte i gcomhréir le hAirteagal 20(1) go (4) ina ndéanfar measúnú ar an dul chun cinn atá déanta maidir le moltaí na Comhairle a chur chun feidhme.

Glacfaidh an Coimisiún an tuarascáil athchuairte trí bhíthin gníomh cur chun feidhme. Glacfar an gníomh cur chun feidhme sin i gcomhréir leis an nós imeachta scrúdúcháin dá dtagraítear in Airteagal 30(2). Cuirfidh an Coimisiún an tuarascáil athchuairte agus togra le haghaidh moltaí ón gComhairle, más iomchuí, faoi bhráid na Comhairle go nglacfadh sí iad trí chinneadh cur chun feidhme.

5.   Agus é ag meas an féidir an plean gníomhaíochta a thabhairt chun críche, eagróidh an Coimisiún cuairt fíorúcháin sula dtabharfar an phlean gníomhaíochta chun críche.

Cuirfidh an Coimisiún Parlaimint na hEorpa agus an Chomhairle ar an eolas faoi thoradh na cuairte fíorúcháin. Cuirfidh an Coimisiún in iúl do Pharlaimint na hEorpa agus don Chomhairle gur féidir an plean gníomhaíochta a thabhairt chun críche.

Déanfaidh an Chomhairle, ar bhonn an togra ón gCoimisiún, agus toradh na cuairte fíorúcháin á chur san áireamh aici, cinneadh cur chun feidhme a ghlacadh lena bhformheasfar tabhairt chun críche an phlean gníomhaíochta.

6.   Na Ballstáit a bhfuil cinneadh ón gComhairle glactha ina leith lena sonraítear go bhfuil forálacha acquis Schengen le cur i bhfeidhm go hiomlán, déanfar meastóireacht orthu i gcomhréir le hAirteagal 1(2), pointe (a), tráth nach déanaí ná bliain amháin tar éis chur i bhfeidhm iomlán acquis Schengen sa Bhallstát sin. Déanfar an clár meastóireachta bliantúil a thabhairt cothrom le dáta chun na críche sin.

1.   Measfaidh na baill foirne, na breathnóirí agus na saineolaithe faoi oiliúint gur faoi rún a bheidh aon fhaisnéis a gheobhaidh siad agus iad ag comhlíonadh a gcuid dualgas.

2.   Cinnfear stádas rúnaicmiúcháin na dtuarascálacha a bheith “íogair neamh-rúnaicmithe” i gcomhréir le Cinneadh (AE, Euratom) 2015/443. Déanfar iad a aicmiú mar “RESTREINT UE/EU RESTRICTED” de réir bhrí Chinneadh (AE, Euratom) 2015/444, i gcás ina gceanglaítear aicmiú den sórt sin de bhun Airteagal 5(3) den Chinneadh sin nó tar éis iarraidh a bhfuil údar léi a fháil ón mBallstát a ndearnadh meastóireacht air.

Cinnfidh an Coimisiún, tar éis dó dul i gcomhairle leis an mBallstát lena mbaineann, cén chuid den tuarascáil mheastóireachta a fhéadfar a chur ar fáil don phobal.

3.   Is i gcomhréir leis na rialacha slándála is infheidhme a dhéanfar faisnéis agus doiciméid rúnaicmithe a tharchur agus a láimhseáil chun críocha an Rialacháin seo. Ní chuirfidh na rialacha sin bac ar fhaisnéis a chur ar fáil do Pharlaimint na hEorpa ná do chomhlachtaí, oifigí agus gníomhaireachtaí ábhartha an Aontais dá dtagraítear in Airteagal 7.

1.   Ní bheidh saineolaithe ó Éirinn rannpháirteach ach amháin sa mheastóireacht ar an gcuid de acquis Schengen ar údaraíodh Éire le bheith rannpháirteach inti.

2.   Cumhdóidh na meastóireachtaí cur i bhfeidhm éifeachtach agus éifeachtúil acquis Schengen ag Éirinn a mhéid a bhaineann leis an gcuid sin de acquis Schengen ar údaraíodh Éire le bheith rannpháirteach inti, agus an chuid sin amháin.

3.   Ní bheidh Éire rannpháirteach ach amháin i nglacadh na moltaí ag an gComhairle a mhéid a bhaineann leis an gcuid de acquis Schengen ar údaraíodh Éire le bheith rannpháirteach inti.

1.   Tabharfaidh coiste cúnamh don Choimisiún. Beidh an coiste sin ina choiste de réir bhrí Rialachán (AE) Uimh. 182/2011.

2.   I gcás ina ndéantar tagairt don mhír seo, beidh feidhm ag Airteagal 5 de Rialachán (AE) Uimh. 182/2011.

I gcás nach dtugann an coiste aon tuairim, ní dhéanfaidh an Coimisiún an dréachtghníomh cur chun feidhme a ghlacadh agus beidh feidhm ag Airteagal 5(4), an tríú fomhír, de Rialachán (AE) Uimh. 182/2011.

3.   I gcás ina ndéantar tagairt don mhír seo, beidh feidhm ag Airteagal 8 de Rialachán (AE) Uimh. 182/2011, i gcomhar le hAirteagal 5 de.

1.   Cuirfear an chéad chlár meastóireachta ilbhliantúil agus an chéad chlár meastóireachta bliantúil faoin Rialachán seo ar bun faoin 1 Nollaig 2022 agus cuirfear tús leo an 1 Feabhra 2023.

Sa chéad chlár meastóireachta ilbhliantúil faoin Rialachán seo, cuirfear san áireamh na meastóireachtaí a rinneadh cheana faoin dara clár ilbhliantúil a glacadh faoi Rialachán (AE) Uimh. 1053/2013 agus déanfar an chéad chlár meastóireachta ilbhliantúil a tharraingt suas sa tslí go leanfar den chlár sin.

2.   Úsáidfear an ceistneoir caighdeánach a glacadh faoi Rialachán (AE) Uimh. 1053/2013 go dtí go mbunófar an ceistneoir caighdeánach dá bhforáiltear faoi Airteagal 14 den Rialachán seo.

3.   I gcás meastóireachtaí a dhéanfar roimh an 1 Feabhra 2023, déanfar na tuarascálacha meastóireachta agus na moltaí a ghlacadh i gcomhréir le Rialachán (AE) Uimh. 1053/2013. Déanfar gníomhaíochtaí leantacha agus faireacháin na meastóireachtaí sin, ag tosú le tíolacadh na bpleananna gníomhaíochta, i gcomhréir leis an Rialachán seo.