(1)

Le Treoir 2009/116/CE ón gComhairle (2) áiríodh olaí pairifín Uimh. CAS 64742-46-7, Uimh. CAS 72623-86-0 agus Uimh. CAS 97862-82-3 mar shubstaintí gníomhacha in Iarscríbhinn I a ghabhann le Treoir 91/414/CEE ón gComhairle (3).

(2)

Maidir leis na substaintí gníomhacha a áirítear in Iarscríbhinn I a ghabhann le Treoir 91/414/CEE, meastar iad a bheith formheasta faoi Rialachán (CE) Uimh. 1107/2009 agus liostaítear iad i gCuid A den Iarscríbhinn a ghabhann le Rialachán Cur Chun Feidhme (AE) Uimh. 540/2011 ón gCoimisiún (4).

(3)

De réir fhormheas na substaintí gníomhacha olaí pairifín Uimh. CAS 64742-46-7, Uimh. CAS 72623-86-0 agus Uimh. CAS 97862-82-3, mar a leagtar amach i gCuid A den Iarscríbhinn a ghabhann le Rialachán Cur Chun Feidhme (AE) Uimh. 540/2011, ní cheadaítear a n-úsáid ach amháin mar fheithidicíd agus acairicíd.

(4)

I gcomhréir le hAirteagal 7(1) de Rialachán (CE) Uimh. 1107/2009, an 30 Meán Fómhair 2014, chuir Total Fluids iarratas faoi bhráid na Gréige, an Ballstát is rapóirtéir, ina n-iarrtar leasú ar choinníollacha formheasa olaí pairifín Uimh. CAS 64742-46-7, Uimh. CAS 72623-86-0 agus Uimh. CAS 97862-82-3 chun go gceadófaí a n-úsáid mar fhuingicíd. Chinn an Ballstát is rapóirtéir an t-iarratas a bheith inghlactha.

(5)

Rinne an Ballstát is rapóirtéir measúnú ar úsáid nua olaí pairifín Uimh. CAS 64742-46-7, Uimh. CAS 72623-86-0 agus Uimh. CAS 97862-82-3 a ndearnadh an t-iarratas ina leith in 2014 i ndáil leis na héifeachtaí a d’fhéadfadh a bheith ann ar shláinte an duine agus ar shláinte ainmhithe agus ar an gcomhshaol i gcomhréir le hAirteagal 4 de Rialachán (CE) Uimh. 1107/2009, agus d’ullmhaigh sé dréacht-tuarascáil mheasúnachta a cuireadh faoi bhráid an Údaráis Eorpaigh um Shábháilteacht Bia (“an tÚdarás”) agus an Choimisiúin an 6 Feabhra 2018.

(6)

I gcomhréir le hAirteagal 12(1) de Rialachán (CE) Uimh. 1107/2009, scaip an tÚdarás an tuarascáil mheasúnachta athbhreithnithe ar an iarratasóir agus ar na Ballstáit chun barúlacha a fháil agus chuir sé ar fáil go poiblí í. I gcomhréir le hAirteagal 12(3) de Rialachán (CE) Uimh. 1107/2009, iarradh faisnéis bhreise ar an iarratasóir.

(7)

An 23 Meán Fómhair 2021, chuir an tÚdarás a chonclúid (5) in iúl don Choimisiún maidir le cé acu an féidir nó nach féidir coinne a bheith leis go gcomhlíonfaidh úsáid nua olaí pairifín Uimh. CAS 64742-46-7, Uimh. CAS 72623-86-0 agus Uimh. CAS 97862-82-3 na critéir formheasa dá bhforáiltear in Airteagal 4 de Rialachán (CE) Uimh. 1107/2009.

(8)

Chuir an Coimisiún aguisín a ghabhann leis an tuarascáil athbhreithniúcháin maidir le holaí pairifín Uimh. CAS 64742-46-7, Uimh. CAS 72623-86-0 agus Uimh. CAS 97862-82-3 mar aon le dréacht den Rialacháin seo faoi bhráid an Bhuanchoiste um Plandaí, Ainmhithe, Bia agus Beatha an 27 Eanáir 2022.

(9)

D’iarr an Coimisiún ar an iarratasóir barúlacha a chur isteach maidir leis an aguisín a ghabhann leis an tuarascáil athbhreithniúcháin, agus scrúdaíodh na barúlacha sin go cúramach.

(10)

Maidir le húsáid ionadaíoch amháin nó níos mó a bhaintear as táirge cosanta plandaí amháin ar a laghad ina bhfuil olaí pairifín Uimh. CAS 64742-46-7, Uimh. CAS 72623-86-0 agus Uimh. CAS 97862-82-3, agus an táirge sin á úsáid mar fhuingicíd, suíodh go gcomhlíontar na critéir formheasa dá bhforáiltear in Airteagal 4 de Rialachán (CE) Uimh. 1107/2009. Dá bhrí sin, maidir leis na forálacha sonracha a leagtar síos i bhformheas olaí pairifín Uimh. CAS 64742-46-7, Uimh. CAS 72623-86-0 agus Uimh. CAS-97862-82-3, is iomchuí na forálacha sin a leasú chun an úsáid mar fhuingicíd a áireamh i dteannta na n-úsáidí mar fheithidicíd agus mar acairicíd.

(11)

Dá bhrí sin, ba cheart Rialachán Cur Chun Feidhme (AE) Uimh. 540/2011 a leasú dá réir.

(12)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,