(1)

Le Rialachán Tarmligthe (AE) 2021/2306 ón gCoimisiún (2) leagtar síos rialacha maidir leis na rialuithe oifigiúla i leith táirgí orgánacha agus táirgí atá á dtiontú a bheartaítear a allmhairiú isteach san Aontas agus maidir leis an deimhniú cigireachta.

(2)

I gcomhréir le hAirteagal 5(3), an chéad fhomhír, de Rialachán Tarmligthe (AE) 2021/2306, tá an deimhniú cigireachta le heisiúint in TRACES agus tá ríomhshéala cáilithe le gabháil leis. Foráiltear leis an bhforáil idirthréimhseach a leagtar síos in Airteagal 11(1) den Rialachán sin, de mhaolú ar Airteagal 5(3), an chéad fhomhír, den Rialachán sin, go dtí an 30 Meitheamh 2022, go bhféadfar an deimhniú cigireachta a eisiúint ar pháipéar tar éis a bheith líonta isteach in TRACES agus priontáilte. Tá an próiseas maidir le clárú na n-údarás rialaithe agus na gcomhlachtaí rialaithe le haghaidh an ríomhshéala cháilithe ar siúl faoi láthair.

(3)

Is é atá in ionradh na Rúise ar an Úcráin an 24 Feabhra 2022 dúshlán eisceachtúil do na húdaráis rialaithe agus do na comhlachtaí rialaithe a aithníodh chun táirgí orgánacha a onnmhairiú ón Úcráin chuig an Aontas, dúshlán nach bhfacthas a leithéid riamh roimhe. San Úcráin, tá cur isteach ar na seirbhísí poist freisin.

(4)

Mar sin, duine údaraithe atá lonnaithe san Úcráin de chuid údaráis rialaithe nó comhlachta rialaithe nach bhfuil ríomhshéala leictreonach aige, ní féidir leis deimhnithe cigireachta leictreonacha a eisiúint go fóill i gcomhréir le hAirteagal 5(3), an chéad fhomhír, de Rialachán Tarmligthe (AE) 2021/2306. Ar an taobh eile, ní féidir leis an duine údaraithe sin úsáid a bhaint as an bhféidearthacht an deimhniú cigireachta a eisiúint ar pháipéar, i gcomhréir leis an bhforáil idirthréimhseach in Airteagal 11(1) den Rialachán sin ach an oiread, i bhfianaise go bhfuil cur isteach ar sheirbhísí poist san Úcráin faoi láthair.

(5)

Sa chomhthéacs sin, is gá dá bhrí sin a cheadú do dhuine údaraithe atá lonnaithe san Úcráin de chuid údaráis rialaithe nó comhlachta rialaithe nach bhfuil ríomhshéala leictreonach aige go fóill, an deimhniú cigireachta a tháirgeadh agus a chur isteach in TRACES i bhformáid leictreonach gan ríomhshéala leictreonach a chur i bhfeidhm i mbosca 18 den deimhniú sin. Ar an gcuma chéanna, is gá a cheadú do na húdaráis inniúla sna Ballstáit ag na poist rialaithe teorann nó ag na pointí scaoilte i saorchúrsaíocht rialaithe allmhairithe a dhéanamh ar dheimhnithe cigireachta den sórt sin agus iad a fhormhuiniú in TRACES le ríomhshéala cáilithe nó ar pháipéar le síniú lámhscríofa an duine údaraithe tar éis a bheith líonta isteach in TRACES agus priontáilte.

(6)

Ba cheart, dá bhrí sin, Rialachán Tarmligthe (AE) 2021/2306 a leasú dá réir sin.

(7)

Mar gheall ar ionradh na Rúise ar an Úcráin agus ar an bhfreagairt láithreach a bhí riachtanach, ba cheart feidhm a bheith ag an Rialachán seo go haisghníomhach ón 24 Feabhra 2022,

(1)

cuirtear an mhír 1a seo a leanas isteach:

(2)

i mír 2, cuirtear an pointe (c) a leanas isteach: