|
29.4.2022 |
GA |
Iris Oifigiúil an Aontais Eorpaigh |
L 126/10 |
RIALACHÁN CUR CHUN FEIDHME (AE) 2022/684 ÓN gCOIMISIÚN
an 28 Aibreán 2022
lena leasaítear Rialachán (AE) 2017/2470 a mhéid a bhaineann le coinníollacha úsáide an bhia núíosaigh “galachta-olagaisiúicríd”
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) 2015/2283 ó Pharlaimint na hEorpa agus ón gComhairle an 25 Samhain 2015 maidir le bianna núíosacha, lena leasaítear Rialachán (AE) Uimh. 1169/2011 ó Pharlaimint na hEorpa agus ón gComhairle, agus lena n-aisghairtear Rialachán (CE) Uimh. 258/97 ó Pharlaimint na hEorpa agus ón gComhairle agus Rialachán (CE) Uimh. 1852/2001 ón gCoimisiún (1), agus go háirithe Airteagal 12 de,
De bharr an mhéid seo a leanas:
|
(1) |
Foráiltear le Rialachán (AE) 2015/2283 nach bhféadfar ach bianna núíosacha atá údaraithe agus a áirítear ar liosta an Aontais de bhianna núíosacha a chur ar an margadh laistigh den Aontas. |
|
(2) |
De bhun Airteagal 8 de Rialachán (AE) 2015/2283, bunaíodh liosta an Aontais de bhianna núíosacha le Rialachán Cur Chun Feidhme (AE) 2017/2470 ón gCoimisiún (2). |
|
(3) |
Ar liosta an Aontais a leagtar amach san Iarscríbhinn a ghabhann le Rialachán Cur Chun Feidhme (AE) 2017/2470, áirítear galachta-olagaisiúicríd mar bhia núíosach údaraithe. |
|
(4) |
De bhun Airteagal 5 de Rialachán (CE) Uimh. 258/97 ó Pharlaimint na hEorpa agus ón gComhairle (3), tá galachta-olagaisiúicríd údaraithe lena cur ar an margadh mar bhia núíosach a mbainfear úsáid as i roinnt bianna, lena n-áirítear bainne foirmle do naíonáin agus bainne foirmle leantach do naíonáin mar a shainmhínítear i Rialachán (AE) Uimh. 609/2013 ó Pharlaimint na hEorpa agus ón gComhairle (4). |
|
(5) |
Le Rialachán Cur Chun Feidhme (AE) 2021/900 ón gCoimisiún (5), údaraíodh athrú ar choinníollacha úsáide an bhia núíosaigh “galachta-olagaisiúicríd”. Go háirithe, méadaíodh ar leibhéal úsáide an bhia núíosaigh “galachta-olagaisiúicríd” i bhforbhianna mar a shainmhínítear i dTreoir 2002/46/CE ó Pharlaimint na hEorpa agus ón gComhairle (6) ó 0,333 kg galachta-olagaisiúicríd/kg de chuid forbhia (33,3 %) go dtí 0,450 kg galachta-olagaisiúicríd/kg de chuid forbhia (45,0 %) don phobal i gcoitinne, seachas naíonáin agus leanaí óga. |
|
(6) |
An 19 Samhain 2019, chuir an chuideachta Dairy Crest Ltd, a thrádálann mar Saputo Dairy UK, (“an t-iarratasóir”) iarratas faoi bhráid an Choimisiúin de bhun Airteagal 10(1) de Rialachán (AE) 2015/2283 chun coinníollacha úsáide an bhia núíosaigh “galachta-olagaisiúicríd” a leasú. Rinne an t-iarratasóir iarraidh chun úsáid galachta-olagaisiúicríde a leathnú go dtí milseogra déiríochta, cáis agus cáis phróiseáilte, im agus saillte inleata atá beartaithe don phobal i gcoitinne. |
|
(7) |
I gcomhréir le hAirteagal 10(3) de Rialachán (AE) 2015/2283, chuaigh an Coimisiún i gcomhairle leis an Údarás Eorpach um Shábháilteacht Bia (“an tÚdarás”) an 21 Nollaig 2020, agus d’iarr an Coimisiún ar an Údarás tuairim eolaíoch a thabhairt trí mheasúnú a dhéanamh ar an leathnú a bheartaítear ar úsáid an bhia núíosaigh “galachta-olagaisiúicríd”. |
|
(8) |
An 14 Meán Fómhair 2021, ghlac an tÚdarás a thuairim eolaíoch maidir le “Sábháilteacht an leathnaithe ar úsáid galachta-olagaisiúicrídí mar Bhia Núíosach de bhun Rialachán (AE) 2015/2283” (7) i gcomhréir le hAirteagal 11 de Rialachán (AE) 2015/2283. |
|
(9) |
Ina thuairim eolaíoch, chinn an tÚdarás, maidir leis an mbia núíosach ina bhfuil méid ≥ 57 % d’ábhar tirim galachta-olagaisiúicríde, lachtós agus siúicrídí gaolmhara, go bhfuil sé sábháilte faoin leathnú a bheartaítear ar a úsáid i milseogra déiríochta, cáis agus cáis phróiseáilte, im agus saillte inleata, agus dá bhrí sin is iomchuí coinníollacha úsáide na galachta-olagaisiúicríde a leasú. |
|
(10) |
Leis an bhfaisnéis a sholáthraítear san iarratas agus sa tuairim ón Údarás, tá forais leordhóthanacha ann chun a shuíomh go bhfuil na hathruithe a bheartaítear ar choinníollacha úsáide an bhia núíosaigh i gcomhréir le hAirteagal 9 agus Airteagal 12(1) de Rialachán (AE) 2015/2283 agus ba cheart iad a fhormheas. |
|
(11) |
Dá bhrí sin, ba cheart an Iarscríbhinn a ghabhann le Rialachán Cur Chun Feidhme (AE) 2017/2470 a leasú dá réir. |
|
(12) |
Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha, |
TAR ÉIS AN RIALACHÁN SEO A GHLACADH:
Airteagal 1
Leasaítear an Iarscríbhinn a ghabhann le Rialachán Cur Chun Feidhme (AE) 2017/2470 i gcomhréir leis an Iarscríbhinn a ghabhann leis an Rialachán seo.
Airteagal 2
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, 28 Aibreán 2022.
Thar ceann an Choimisiúin
An tUachtarán
Ursula VON DER LEYEN
(1) IO L 327, 11.12.2015, lch. 1.
(2) Rialachán Cur Chun Feidhme (AE) 2017/2470 ón gCoimisiún an 20 Nollaig 2017 lena mbunaítear liosta an Aontais de bhianna núíosacha i gcomhréir le Rialachán (AE) 2015/2283 ó Pharlaimint na hEorpa agus ón gComhairle maidir le bianna núíosacha (IO L 351, 30.12.2017, lch. 72).
(3) Rialachán (CE) Uimh. 258/97 ó Pharlaimint na hEorpa agus ón gComhairle an 27 Eanáir 1997 maidir le bianna núíosacha agus comhábhair núíosacha bia (IO L 43, 14.2.1997, lch. 1).
(4) Rialachán (AE) Uimh. 609/2013 ó Pharlaimint na hEorpa agus ón gComhairle an 12 Meitheamh 2013 maidir le bia a cheaptar lena úsáid mar bhia do naíonáin agus do leanaí óga, maidir le bia chun críocha speisialta míochaine, agus maidir le hionadach ar an aiste bia iomlán chun meáchan a rialú agus lena n-aisghairtear Treoir 92/52/CEE ón gComhairle, Treoracha 96/8/CE, 1999/21/CE, 2006/125/CE, agus 2006/141/CE ón gCoimisiún, Treoir 2009/39/CE ó Pharlaimint na hEorpa agus ón gComhairle, agus Rialacháin (CE) Uimh. 41/2009 agus (CE) Uimh. 953/2009 ón gCoimisiún (IO L 181, 29.6.2013, lch. 35).
(5) Rialachán Cur Chun Feidhme (AE) 2021/900 ón gCoimisiún an 3 Meitheamh 2021 lena n-údaraítear athrú ar choinníollacha úsáide an bhia núíosaigh “galachta-olagaisiúicríd” faoi Rialachán (AE) 2015/2283 ó Pharlaimint na hEorpa agus ón gComhairle agus lena leasaítear Rialachán Cur Chun Feidhme (AE) 2017/2470 ón gCoimisiún (IO L 197, 4.6.2021, lch. 71).
(6) Treoir 2002/46/CE ó Pharlaimint na hEorpa agus ón gComhairle an 10 Meitheamh 2002 maidir le comhfhogasú dhlíthe na mBallstát a bhaineann le forbhianna (IO L 183, 12.7.2002, lch. 51).
(7) EFSA Journal [Iris EFSA] 2021:19(10):6844.
IARSCRÍBHINN
|
|
Cuirtear an méid seo a leanas in ionad na hiontrála do “galachta-olagaisiúicríd” i dTábla 1 (Bianna Núíosacha Údaraithe) den Iarscríbhinn a ghabhann le Rialachán Cur Chun Feidhme (AE) 2017/2470:
|
||||||||||||||||||||||||||||||||||||||||||||||||||||||||||||||||