22.2.2022 |
GA |
Iris Oifigiúil an Aontais Eorpaigh |
L 41/19 |
RIALACHÁN CUR CHUN FEIDHME (AE) 2022/250 ÓN gCOIMISIÚN
an 21 Feabhra 2022
lena leasaítear Rialachán Cur Chun Feidhme (AE) 2021/403 a mhéid a bhaineann le deimhniú sláinte ainmhithe/oifigiúil caighdeánach nua a chur leis le haghaidh ainmhithe den chineál caorach agus den chineál gabhair teacht isteach i dTuaisceart Éireann ón mBreatain Mhór agus lena leasaítear Rialachán (AE) 2021/404 a mhéid a bhaineann leis an liosta de thríú tíortha óna n-údaraítear d’ainmhithe den chineál caorach agus den chineál gabhair teacht isteach san Aontas
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint do Rialachán (AE) 2016/429 ó Pharlaimint na hEorpa agus ón gComhairle an 9 Márta 2016 maidir le galair in-tarchurtha ainmhithe agus lena leasaítear agus lena n-aisghairtear gníomhartha áirithe i réimse na sláinte ainmhithe (“Dlí maidir le Sláinte Ainmhithe”) (1), agus go háirithe Airteagal 230(1), Airteagal 238(3) agus Airteagal 239(3) de,
Ag féachaint do Rialachán (AE) 2017/625 ó Pharlaimint na hEorpa agus ón gComhairle an 15 Márta 2017 maidir le rialuithe oifigiúla agus gníomhaíochtaí oifigiúla eile arna ndéanamh lena áirithiú go gcuirtear i bhfeidhm dlí an bhia agus na beatha, rialacha maidir le sláinte agus leas ainmhithe, sláinte plandaí agus táirgí cosanta plandaí, lena leasaítear Rialacháin (CE) Uimh. 999/2001, (CE) Uimh. 396/2005, (CE) Uimh. 1069/2009, (CE) Uimh. 1107/2009, (AE) Uimh. 1151/2012, (AE) Uimh. 652/2014, (AE) 2016/429 agus (AE) 2016/2031 ó Pharlaimint na hEorpa agus ón gComhairle, Rialachán (CE) Uimh. 1/2005 agus Rialachán (CE) Uimh. 1099/2009 ón gComhairle agus Treoracha 98/58/CE, 1999/74/CE, 2007/43/CE, 2008/119/CE agus 2008/120/CE ón gComhairle agus lena n-aisghairtear Rialachán (CE) Uimh. 854/2004 ó Pharlaimint na hEorpa agus ón gComhairle, agus Rialachán (CE) Uimh. 882/2004 ó Pharlaimint na hEorpa agus ón gComhairle, Treoracha 89/608/CEE, 89/662/CEE, 90/425/CEE, 91/496/CEE, 96/23/CE, 96/93/CE agus 97/78/CE agus Cinneadh 92/438/CEE ón gComhairle (Rialachán maidir le Rialuithe Oifigiúla) (2) agus go háirithe Airteagal 90, an chéad fhomhír, pointe (a) agus pointe (c), agus Airteagal 126(3) de,
De bharr an mhéid seo a leanas:
(1) |
Le Rialachán Cur Chun Feidhme (AE) 2021/403 ón gCoimisiún (3), leagtar síos rialacha maidir le deimhnithe sláinte ainmhithe dá bhforáiltear i Rialachán (AE) 2016/429 agus maidir le deimhnithe sláinte ainmhithe/oifigiúla ar bhonn Rialacháin (AE) 2016/429 agus (AE) 2017/625, rudaí is gá maidir le teacht isteach san Aontas ainmhithe talún. Go háirithe, na deimhnithe sláinte ainmhithe agus na deimhnithe sláinte ainmhithe/oifigiúla atá le húsáid maidir le teacht isteach san Aontas catagóirí áirithe crúbach, déantar foráil in Airteagal 14 den Rialachán Cur Chun Feidhme sin go gcomhfreagróidh siad do dheimhnithe caighdeánacha áirithe a leagtar amach in Iarscríbhinn II a ghabhann leis. Tagraíonn an tAirteagal sin, inter alia, don deimhniú caighdeánach “OV/CAP-X”, rud a leagtar amach i gCaibidil 4 den Iarscríbhinn sin, agus nach mór a úsáid maidir le ainmhithe den chineál caorach agus den chineál gabhair teacht isteach san Aontas. |
(2) |
Le Rialachán Cur Chun Feidhme (AE) 2021/404 ón gCoimisiún (4), bunaítear na liostaí de thríú tíortha, de chríocha nó de chriosanna de thríú tír nó de chríoch óna gceadaítear na speicis agus na catagóirí ainmhithe a thagann faoi raon feidhme Rialachán Tarmligthe (AE) 2020/692 ón gCoimisiún (5) teacht isteach san Aontas. Go háirithe, déantar tagairt in Airteagal 3 den Rialachán Cur Chun Feidhme sin do Chuid 1 d’Iarscríbhinn II a ghabhann leis ina leagtar amach an liosta de thríú tíortha, de chríocha nó de chriosanna de thríú tír nó de chríoch óna gceadaítear crúbacha teacht isteach san Aontas. |
(3) |
Le Rialachán (CE) Uimh. 999/2001 ó Pharlaimint na hEorpa agus ón gComhairle (6), leagtar síos rialacha maidir le heinceifileapaití spúinseacha in-tarchurtha (TSEnna) a chosc in ainmhithe. Go sonrach, leagtar síos le Caibidil E d’Iarscríbhinn IX a ghabhann leis an Rialachán sin na riachtanais le haghaidh allmhairiú ainmhithe den chineál caorach agus den chineál gabhair isteach san Aontas. |
(4) |
I gcomhréir leis an gComhaontú maidir le Ríocht Aontaithe na Breataine Móire agus Thuaisceart Éireann a bheith ag tarraingt siar as an Aontas Eorpach agus as an gComhphobal Eorpach do Fhuinneamh Adamhach (An Comhaontú um Tharraingt Siar), agus go háirithe Airteagal 5(4) den Phrótacal maidir le hÉirinn/Tuaisceart Éireann i gcomhréir le hIarscríbhinn 2 a ghabhann leis an bPrótacal sin, tá feidhm ag Rialacháin (CE) Uimh. 999/2001, (AE) 2016/429 agus (AE) 2017/625, agus ag na gníomhartha ón gCoimisiún a bhunaítear orthu, maidir leis an Ríocht Aontaithe i ndáil le Tuaisceart Éireann tar éis dheireadh na hidirthréimhse dá bhforáiltear sa Chomhaontú um Tharraingt Siar. Dá réir sin, tá ainmhithe beo a sheoltar ón mBreatain Mhór go Tuaisceart Éireann faoi réir an chórais is infheidhme maidir le hallmhairí ó aon tríú tír. |
(5) |
Le Rialachán (AE) 2022/175 (7), leasaíodh na ceanglais a leagtar síos in Iarscríbhinn IX a ghabhann le Rialachán (CE) Uimh. 999/2001 maidir le teacht isteach san Aontas ainmhithe den chineál caorach agus den chineál gabhair a bhfuil sé beartaithe iad a phórú, lena gceadaítear, go dtí an 31 Nollaig 2024, teacht isteach na n-ainmhithe sin i dTuaisceart Éireann ón mBreatain Mhór nuair a thagann siad ó ghabháltais sa Bhreatain Mhór atá ag gabháil don phróiseas 3 bliana chun stádas a bhaint amach mar ghabháltas a bhfuil riosca rialaithe na scráibí clasaicí ag baint leis. Ba cheart an ceanglas allmhairiúcháin nua sin a fheiceáil i ndeimhniú caighdeánach nua sonrach le haghaidh na n-ainmhithe sin dá bhforáiltear i Rialachán Cur Chun Feidhme (AE) 2021/403. Dá réir sin, is gá Airteagal 14 agus Iarscríbhinn II a ghabhann leis an Rialachán Cur Chun Feidhme sin a leasú. |
(6) |
Ina theannta sin, ós rud é nach bhfuil feidhm ag an gceanglas nua allmhairiúcháin a leagtar síos in Iarscríbhinn IX a ghabhann le Rialachán (CE) Uimh. 999/2001 ach maidir le hainmhithe den chineál caorach agus den chineál gabhair a thagann ó ghabháltais sa Bhreatain Mhór, is gá úsáid an deimhnithe chaighdeánaigh nua a leagtar síos in Iarscríbhinn II a ghabhann le Rialachán Cur Chun Feidhme (AE) 2021/403 a theorannú don Bhreatain Mhór, i gCuid 1 d’Iarscríbhinn II a ghabhann le Rialachán Cur Chun Feidhme (AE) 2021/403. Dá bhrí sin, is gá na hiontrálacha maidir leis an Ríocht Aontaithe in Iarscríbhinn II a ghabhann le Rialachán Cur Chun Feidhme (AE) 2021/404 a leasú dá réir. |
(7) |
Dá bhrí sin, ba cheart Rialacháin Cur Chun Feidhme (AE) 2021/403 agus (AE) 2021/404 a leasú dá réir. |
(8) |
Tá na bearta dá bhforáiltear sa Rialachán seo i gcomhréir le tuairim an Bhuanchoiste um Plandaí, Ainmhithe, Bia agus Beatha, |
TAR ÉIS AN RIALACHÁN SEO A GHLACADH:
Airteagal 1
Leasaítear Rialachán Cur Chun Feidhme (AE) 2021/403 mar a leanas:
(1) |
in Airteagal 14, cuirtear an pointe (m) seo a leanas leis:
|
(2) |
leasaítear Iarscríbhinn II i gcomhréir le hIarscríbhinn I a ghabhann leis an Rialachán seo. |
Airteagal 2
Leasaítear Iarscríbhinn II a ghabhann le Rialachán Cur Chun Feidhme (AE) 2021/404 i gcomhréir le hIarscríbhinn II a ghabhann leis an Rialachán seo.
Airteagal 3
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, 21 Feabhra 2022.
Thar ceann an Choimisiúin
An tUachtarán
Ursula VON DER LEYEN
(1) IO L 84, 31.3.2016, lch. 1.
(2) IO L 95, 7.4.2017, lch. 1.
(3) Rialachán Cur Chun Feidhme (AE) 2021/403 ón gCoimisiún an 24 Márta 2021 lena leagtar síos rialacha maidir le cur i bhfeidhm Rialacháin (AE) 2016/429 agus (AE) 2017/625 ó Pharlaimint na hEorpa agus ón gComhairle maidir le deimhnithe sláinte ainmhithe caighdeánacha agus deimhnithe sláinte ainmhithe/oifigiúla caighdeánacha, maidir le coinsíneachtaí de chatagóirí áirithe ainmhithe talún agus a dtáirgí geirmeacha, deimhniúchán oifigiúil maidir leis na deimhnithe sin a thabhairt isteach san Aontas agus maidir lena ngluaiseachtaí idir na Ballstáit, agus lena n-aisghairtear Cinneadh 2010/470/AE (IO L 113, 31.3.2021, lch. 1).
(4) Rialachán Cur Chun Feidhme (AE) 2021/404 ón gCoimisiún an 24 Márta 2021 lena leagtar síos na liostaí de thríú tíortha, de thríú críocha nó de chriosanna díobh óna gceadaítear ainmhithe, táirgí geirmeacha agus táirgí de bhunadh ainmhíoch teacht isteach san Aontas i gcomhréir le Rialachán (AE) 2016/429 ó Pharlaimint na hEorpa agus ón gComhairle (IO L 114, 31.3.2021, lch. 1).
(5) Rialachán Tarmligthe (AE) 2020/692 ón gCoimisiún an 30 Eanáir 2020 lena bhforlíontar Rialachán (AE) 2016/429 ó Pharlaimint na hEorpa agus ón gComhairle a mhéid a bhaineann le rialacha maidir le coinsíneachtaí ainmhithe áirithe, táirgí geirmeacha agus táirgí de bhunadh ainmhíoch teacht isteach san Aontas, agus maidir lena ngluaiseacht agus lena láimhseáil tar éis iad a thabhairt isteach (IO L 174, 3.6.2020, lch. 379).
(6) Rialachán (CE) Uimh. 999/2001 ó Pharlaimint na hEorpa agus ón gComhairle an 22 Bealtaine 2001 lena leagtar síos rialacha maidir le heinceifileapaití spúinseacha in-tarchurtha áirithe a chosc (IO L 147, 31.5.2001, lch. 1).
(7) Rialachán (AE) 2022/175 ón gCoimisiún an 9 Feabhra 2022 lena leasaítear Iarscríbhinn IX a ghabhann le Rialachán (CE) Uimh. 999/2001 ó Pharlaimint na hEorpa agus ón gComhairle a mhéid a bhaineann le coinníollacha allmhairiúcháin le haghaidh gluaiseachtaí ainmhithe den chineál caorach agus den chineál gabhair a bhfuil sé beartaithe iad a phórú ón mBreatain Mhór isteach i dTuaisceart Éireann (IO L 29, 10.2.2022, lch. 1).
IARSCRÍBHINN I
Leasaítear Iarscríbhinn II a ghabhann le Rialachán Cur Chun Feidhme (AE) 2021/403 mar a leanas:
(1) |
sa tábla ina liostaítear na deimhnithe sláinte ainmhithe caighdeánacha agus na deimhnithe sláinte ainmhithe/oifigiúla agus na dearbhuithe sláinte ainmhithe/oifigiúla maidir le teacht isteach san Aontas agus le hiompar tríd an Aontas, sa roinn le haghaidh crúbach, cuirtear an iontráil seo a leanas isteach tar éis na hiontrála “OV/CAP-X”:
|
(2) |
cuirtear isteach an Chaibidil 4a seo a leanas idir Caibidlí 4 5: “CAIBIDIL4A DEIMHNIÚ SLÁINTE AINMHITHE/OIFIGIÚIL CAIGHDEÁNACH MAIDIR LE hAINMHITHE DEN CHINEÁL CAORACH AGUS LE hAINMHITHE DEN CHINEÁL GABHAIR TEACHT ISTEACH I dTUAISCEART ÉIREANN ÓN mBREATAIN MHÓR IS INFHEIDHME GO DTÍ AN 31 NOLLAIG 2024 (DEIMHNIÚ CAIGHDEÁNACH ‘OV/CAP-X-NI’)
|
IARSCRÍBHINN II
I gCuid 1 d’Iarscríbhinn II a ghabhann le Rialachán Cur Chun Feidhme (AE) 2021/404, cuirtear an méid seo a leanas in ionad na hiontrála le haghaidh na Ríochta Aontaithe:
“GB an Ríocht Aontaithe |
GB-1 |
Bó-ainmhithe |
Ainmhithe atá le coimeád a thuilleadh(1) agus a bhfuil sé beartaithe iad a mharú |
BOV-X, BOV-Y |
|
BRU, BTV, EBL, EVENTS |
|
|
Ainmhithe den chineál caorach agus ainmhithe den chineál gabhair |
Ainmhithe atá le coimeád a thuilleadh(1) agus a bhfuil sé beartaithe iad a mharú |
OV/CAP-X, OV/CAP-X-NI (1) OV/CAP-Y |
|
BRU, BTV, EVENTS |
|
|
||
Muc-ainmhithe |
Ainmhithe atá le coimeád a thuilleadh(1) agus a bhfuil sé beartaithe iad a mharú |
SUI-X, SUI-Y |
|
ADV |
|
|
||
Ainmhithe den chineál camaill |
Ainmhithe atá le coimeád a thuilleadh(1) |
CAM-CER |
|
BTV |
|
|
||
Ainmhithe den chineál fia |
Ainmhithe atá le coimeád a thuilleadh(1) |
CAM-CER |
|
BTV |
|
|
||
Crúbacha eile |
Ainmhithe atá le coimeád a thuilleadh(1) |
RUM, RHINO, HIPPO |
|
BTV(2) |
|
|
||
GB-2 |
Bó-ainmhithe |
Ainmhithe atá le coimeád a thuilleadh(1) agus a bhfuil sé beartaithe iad a mharú |
BOV-X, BOV-Y |
|
BRU, TB, BTV, EBL, EVENTS |
|
|
|
Ainmhithe den chineál caorach agus ainmhithe den chineál gabhair |
Ainmhithe atá le coimeád a thuilleadh(1) agus a bhfuil sé beartaithe iad a mharú |
OV/CAP-X, OV/CAP-X-NI (1) OV/CAP-Y |
|
BRU, BTV, EVENTS |
|
|
||
Muc-ainmhithe |
Ainmhithe atá le coimeád a thuilleadh(1) agus a bhfuil sé beartaithe iad a mharú |
SUI-X, SUI-Y |
|
ADV |
|
|
||
Ainmhithe den chineál camaill |
Ainmhithe atá le coimeád a thuilleadh(1) |
CAM-CER |
|
BTV |
|
|
||
Ainmhithe den chineál fia |
Ainmhithe atá le coimeád a thuilleadh(1) |
CAM-CER |
|
BTV |
|
|
||
Crúbacha eile |
Ainmhithe atá le coimeád a thuilleadh(1) |
RUM, RHINO, HIPPO |
|
BTV(2) |
|
|
(1) Níl feidhm ag OV/CAP-X-NI ach amháin maidir le hainmhithe den chineál caorach agus den chineál gabhair teacht isteach i dTuaisceart Éireann ón mBreatain Mhór go dtí an 31 Nollaig 2024 i gcomhréir le hAirteagal 14, pointe (m), de Rialachán Cur Chun Feidhme (AE) 2021/403 ón gCoimisiún”.