1.   I gcás ina gcuireann na Ballstáit ina bPleananna Straitéiseacha CBT infheistíochtaí i sócmhainní inláimhsithe agus doláimhsithe mar a fhoráiltear in earnáil na dtorthaí agus na nglasraí, in earnáil na beachaireachta, in earnáil an fhíona, in earnáil na leannlusanna, in earnáil na hola olóige agus na n-ológ agus in earnálacha eile dá dtagraítear in Airteagal 42, pointe (f), de Rialachán (AE) 2021/2115, déanfaidh siad foráil maidir leis an méid seo a leanas:

Maidir leis na hinfheistíochtaí i sócmhainní inláimhsithe dá dtagraítear sa chéad fhomhír, déanfar iad ag áitreabh an tairbhí nó, i gcás inarb ábhartha, ag áitreabh a chomhaltaí ar táirgeoirí iad nó ag áitreabh a fhochuideachtaí agus an ceanglas 90 % dá dtagraítear in Airteagal 31(7) den Rialachán seo á chomhlíonadh. Mar sin féin, in earnáil na beachaireachta, féadfaidh na Ballstáit foráil a dhéanamh ina bPleananna Straitéiseacha CBT maidir le hinfheistíochtaí i sócmhainní inláimhsithe a dhéantar lasmuigh d’áitreabh an tairbhí.

I gcás ina ndéantar an infheistíocht ar thalamh atá ar cíos faoi rialacha maoine sonracha náisiúnta, féadfaidh gan feidhm a bheith ag an gceanglas de bheith faoi úinéireacht an tairbhí ar choinníoll go raibh an tsócmhainn i seilbh an tairbhí ar feadh na tréimhse a cheanglaítear i mír (b) den chéad fhomhír ar a laghad.

2.   I bPleananna Straitéiseacha CBT na mBallstát, féadfaidh siad foráil a dhéanamh go bhféadfar tacaíocht d’infheistíochtaí i sócmhainní inláimhsithe agus doláimhsithe a mhaoiniú, lena n-áirítear na sócmhainní sin faoi chonarthaí léasúcháin, in aon mhéid amháin nó ina dtráthchodanna a formheasadh, i gcás inarb ábhartha, sa chlár oibríochtúil nó mar a shonraíonn na Ballstáit amhlaidh sna hidirghabhálacha ábhartha.

Maidir leis an tréimhse le haghaidh infheistíocht ar leith dá dtagraítear i mír 1, an chéad fhomhír, pointe (b), i gcás ina mairfidh an tréimhse sin níos faide ná tréimhse an chláir oibríochtúil, áiritheoidh na Ballstáit go bhféadfar í a thabhairt anonn chuig clár oibríochtúil ina dhiaidh sin.

I bPleananna Straitéiseacha CBT na mBallstát, i gcás ina ndéanann siad foráil maidir le tacaíocht d’infheistíochtaí i sócmhainní inláimhsithe agus doláimhsithe, lena saothraítear na cuspóirí agra-chomhshaoil-aeráide dá dtagraítear in Airteagail 46, pointí (e) agus (f), agus 57, pointe (b), de Rialachán (AE) 2021/2115, saothrófar ceann amháin nó níos mó de na cuspóirí a liostaítear in Airteagal 12(1) den Rialachán seo leis na hinfheistíochtaí sin.

3.   I bPleananna Straitéiseacha CBT na mBallstát, féadfaidh siad foráil a dhéanamh maidir le tacaíocht d’infheistíochtaí i sócmhainní inláimhsithe ina bhfuil córais lena ngintear fuinneamh ar choinníoll nach mó an méid fuinnimh a ghintear ná an méid fuinnimh is féidir a úsáid ar bhonn bliantúil le haghaidh ghnáthghníomhaíochtaí an tairbhí.

4.   I bPleananna Straitéiseacha CBT na mBallstát, féadfaidh siad foráil a dhéanamh maidir le hinfheistíochtaí in uisciú ar choinníoll an mhéid seo a leanas:

5.   Féadfar foráil a dhéanamh maidir le tacaíocht d’infheistíochtaí chun suiteáil uisciúcháin atá ann cheana nó cuid de bhonneagar uisciúcháin a fheabhsú faoi na coinníollacha seo a leanas:

Maidir leis na coinníollacha a leagtar amach sa chéad fhomhír, pointí (a) agus (b), ní bheidh feidhm acu maidir le hinfheistíochtaí a dhéantar chun tacú le suiteáil uisciúcháin nó cuid de bhonneagar uisciúcháin atá ann cheana a fheabhsú, infheistíochtaí a bhaineann le taiscumar a chruthú nó infheistíochtaí a bhaineann le huisce athshlánaithe a úsáid nach ndéanann difear do dhobharlach screamhuisce nó uisce dromchla.

6.   Féadfar foráil a dhéanamh maidir le tacaíocht d’infheistíochtaí in uisciú as a dtiocfaidh méadú glan ar an limistéar uiscithe a dhéanann difear do dhobharlach áirithe screamhuisce nó uisce dhromchla faoi na coinníollacha seo a leanas:

7.   Féadfar foráil a dhéanamh maidir le tacaíocht d’infheistíochtaí in úsáid uisce athshlánaithe mar sholáthar uisce malartach ar choinníoll go mbeidh úsáid an uisce sin i gcomhréir le Rialachán (AE) 2020/741 ó Pharlaimint na hEorpa agus ón gComhairle (9).

8.   Féadfar foráil a dhéanamh maidir le tacaíocht d’infheistíochtaí i gcruthú nó i leathnú taiscumair chun críoch an uisciúcháin ar choinníoll nach mbeidh tionchar diúltach suntasach ar an gcomhshaol mar thoradh air.

9.   Áiritheoidh na Ballstáit go ndéanfar an cúnamh airgeadais ón Aontas a aisghabháil ón tairbhí, i gcás ina dtarlóidh aon cheann de na cásanna seo a leanas laistigh den tréimhse dá dtagraítear i mír 1, an chéad fhomhír, pointe (b):

I gcás nach gcomhlíonfaidh an tairbhí na coinníollacha dá bhforáileann na Ballstáit ina bPleananna Straitéiseacha CBT ar bhonn mhíreanna 1 go dtí 8 agus ar bhonn na chéad fhomhíre den mhír seo, áiritheoidh na Ballstáit go ndéanfar an cúnamh airgeadais ón Aontas a aisghabháil i gcomhréir le fad na neamh-chomhlíontachta.

Féadfaidh na Ballstáit a roghnú gan an cúnamh airgeadais ón Aontas a aisghabháil i gcás ina scoirfidh an tairbhí de ghníomhaíocht tháirgiúil de dheasca féimheachta neamhchalaoisí.

Má fhágann comhalta ar táirgeoir é a eagraíocht nó a ghrúpa táirgeoirí, áiritheoidh na Ballstáit go n-aisghabhfaidh an tairbhí an infheistíocht nó a luach iarmharach agus go gcuirfear a luach iarmharach leis an gciste oibríochtúil.

In imthosca a bhfuil údar cuí leo, féadfaidh na Ballstáit foráil a dhéanamh nach gceanglófar ar an tairbhí an infheistíocht nó a luach iarmharach a aisghabháil.

10.   Maidir le sócmhainní ar tugadh tacaíocht d’infheistíochtaí ina leith, i gcás ina ndéanfar iad a athsholáthar, déanfar an méid seo a leanas le luach iarmharach na n-infheistíochtaí arna n-athsholáthar:

D’ainneoin na chéad fhomhíre, ní féidir leis na Ballstáit foráil a dhéanamh ina bPleananna Straitéiseacha CBT maidir le sócmhainní comhionanna a chur in ionad infheistíochtaí.

11.   Ní dhéanfaidh na Ballstáit foráil maidir le tacaíocht d’infheistíochtaí a shonraítear mar idirghabhálacha ina bPleananna Straitéiseacha CBT, má fhaigheann na hidirghabhálacha sin tacaíocht de bhun Airteagal 58(1), an chéad fhomhír, pointí (h) go (k), den Rialachán sin.

1.   I gcás ina gcuirfidh na Ballstáit san áireamh ina bPleananna Straitéiseacha CBT idirghabhálacha lena saothrófar cuspóirí agra-chomhshaoil-aeráide in earnáil na dtorthaí agus na nglasraí, in earnáil na beachaireachta, in earnáil an fhíona, in earnáil na leannlusanna, in earnáil na hola olóige agus na n-ológ agus in hearnálacha eile dá dtagraítear in Airteagal 42, pointe (f), de Rialachán (AE) 2021/2115, déanfaidh siad foráil ina bPleananna Straitéiseacha CBT go saothrófar ceann amháin de na cuspóirí seo a leanas leis na hidirghabhálacha a chumhdaítear:

Áiritheoidh na Ballstáit go gcuirfidh tairbhithe fianaise ar fáil ar a mhéid a mheastar go ndéanfar rannchuidiú dearfach le cuspóir comhshaoil amháin nó níos mó tráth a dhéanfar an clár oibríochtúil a mholtar, an idirghabháil nó an leasú ar chlár nó ar idirghabháil den sórt sin a chur isteach lena bhformheas.

2.   Maidir leis na hidirghabhálacha dá dtagraítear i mír 1, déanfar iad ag áitreabh an tairbhí nó, i gcás inarb ábhartha, ag áitreabh a chomhaltaí ar táirgeoirí iad nó ag áitreabh a fhochuideachtaí agus an ceanglas 90 % dá dtagraítear in Airteagal 31(7) den Rialachán seo á chomhlíonadh. Mar sin féin, in earnáil na beachaireachta, féadfaidh na Ballstáit foráil a dhéanamh ina bPleananna Straitéiseacha CBT maidir leis na hidirghabhálacha sin a dhéantar lasmuigh d’áitreabh an tairbhí. Maidir le tairbhe agus tionchar breise na hidirghabhála a bhaineann le cuspóirí agra-chomhshaoil-aeráide a bhfuil coinne leo, ní mór iad sin a léiriú ex-ante trí shonraíochtaí tionscadail nó trí dhoiciméid theicniúla eile a bheidh le cur ar fáil ag an tairbhí tráth a dhéanfar an oibríocht, an clár oibríochtúil nó leasú ar an gclár sin nó ar an oibríocht sin a chur isteach lena bhformheas, lena léireofar na torthaí a d’fhéadfaí a bhaint amach trí chur chun feidhme na hidirghabhála.

3.   Agus an caiteachas a bheidh le cumhdach á chinneadh, cuirfidh na Ballstáit san áireamh na costais bhreise a thabhaítear agus ioncam a tharscaoiltear de thoradh na n-idirghabhálacha a bhaineann le cuspóirí agra-chomhshaoil-aeráide a cuireadh chun feidhme, agus na spriocanna a socraíodh.

4.   Áiritheoidh na Ballstáit maidir le tairbhithe a chuireann idirghabhálacha a bhaineann le cuspóirí agra-chomhshaoil-aeráide chun feidhme go mbeidh rochtain acu ar an eolas agus ar an bhfaisnéis ábhartha is gá chun na hidirghabhálacha sin a chur chun feidhme, agus go gcuirfear oiliúint iomchuí ar fáil dóibh siúd a dteastaíonn sí uathu, mar aon le rochtain ar shaineolas chun cabhrú le feirmeoirí a thugann gealltanas a gcórais táirgthe a athrú.

5.   Áiritheoidh na Ballstáit go ndéanfar foráil sna cláir oibríochtúla maidir le clásal athbhreithnithe le haghaidh oibríochtaí a chuirtear chun feidhme faoi idirghabhálacha a bhaineann le cuspóirí agra-chomhshaoil-aeráide in earnáil na dtorthaí agus na nglasraí, in earnáil na leannlusanna, in earnáil na hola olóige agus na n-ológ boird, agus in earnálacha eile dá dtagraítear in Airteagal 42, pointe (f), de Rialachán (AE) 2021/2115, chun a áirithiú go ndéanfar iad a choigeartú i gcás leasuithe ar aon chaighdeáin, ar aon cheanglais nó ar aon oibleagáidí sainordaitheacha ábhartha.

1.   I gcás ina gcuirfidh na Ballstáit san áireamh ina bPleananna Straitéiseacha CBT idirghabhálacha cóitseála in earnáil na dtorthaí agus na nglasraí, in earnáil na leannlusanna, in earnáil na hola olóige agus na n-ológ, nó in earnálacha eile dá dtagraítear in Airteagal 42, pointe (f), de Rialachán (AE) 2021/2115, déanfaidh siad foráil ina bPleananna Straitéiseacha CBT go saothrófar ceann amháin de na cuspóirí seo a leanas leis na hidirghabhálacha a chumhdaítear:

2.   Eagraíocht táirgeoirí, comhlachas eagraíochtaí táirgeoirí, eagraíocht táirgeoirí trasnáisiúnta, comhlachas eagraíochtaí táirgeoirí trasnáisiúnta nó grúpa táirgeoirí a bheidh sa soláthraí cóitseála. Tairbheoidh soláthraí na cóitseála den tacaíocht don idirghabháil chóitseála.

3.   Eagraíocht táirgeoirí, comhlachas eagraíochtaí táirgeoirí, eagraíocht táirgeoirí trasnáisiúnta, comhlachas eagraíochtaí táirgeoirí trasnáisiúnta nó grúpa táirgeoirí, na comhaltaí aonair nó neamh-chomhaltaí aonair, ar táirgeoirí iad, d’eagraíocht táirgeoirí, dá comhlachais nó dá grúpa táirgeoirí a bheidh i bhfaighteoir na cóitseála.

4.   Íocfar na costais incháilithe uile a bhaineann leis an ngníomhaíocht cóitseála leis an soláthraí cóitseála a chuireann an idirghabháil sin san áireamh ina chlár oibríochtúil.

5.   Ní dhéanfar idirghabhálacha cóitseála a sheachfhoinsiú.

1.   I gcás ina gcuirfidh na Ballstáit san áireamh ina bPleananna Straitéiseacha CBT idirghabhálacha cistí frithpháirteacha in earnáil na dtorthaí agus na nglasraí, in earnáil na leannlusanna, in earnáil na hola olóige agus na n-ológ, nó in earnálacha eile dá dtagraítear in Airteagal 42, pointe (f), de Rialachán (AE) 2021/2115, déanfaidh siad foráil maidir leis na coinníollacha cur chun feidhme le haghaidh an chostais riaracháin a bhaineann le cistí frithpháirteacha a bhunú, a líonadh agus, i gcás inarb iomchuí, a athlíonadh.

2.   Is é an cúnamh airgeadais ón Aontas agus an ranníocaíocht ón tairbhí a bheidh sa chaiteachas incháilithe ar an gcostas riaracháin a bhaineann le cistí frithpháirteacha a bhunú in earnáil na dtorthaí agus na nglasraí, in earnáil na leannlusanna, in earnáil na hola olóige agus na n-ológ, nó in earnálacha eile dá dtagraítear in Airteagal 42, pointe (f), de Rialachán (AE) 2021/2115. Ní rachaidh méid an chaiteachais incháilithe thar 20 %, 16 % nó 8 % de ranníocaíocht an tairbhí le caipiteal an chiste fhrithpháirtigh sa chéad bhliain, sa dara bliain nó sa tríú bliain a bheidh sé i bhfeidhm, faoi seach.

3.   Maidir leis an gcostas riaracháin a bhaineann le cistí frithpháirteacha a bhunú in earnáil na dtorthaí agus na nglasraí, in earnáil na leannlusanna, in earnáil na hola olóige agus na n-ológ, nó in earnálacha eile dá dtagraítear in Airteagal 42, pointe (f), de Rialachán (AE) 2021/2115, ní fhéadfaidh tairbhí tacaíocht a fháil le haghaidh an chostais sin ach uair amháin agus laistigh de na chéad 3 bliana d’fheidhmiú an chiste fhrithpháirtigh amháin.

I gcás nach ndéanann tairbhí iarratas ar an tacaíocht sin ach sa dara bliain nó sa tríú bliain d’fheidhmiú na gcistí frithpháirteacha, 16 % nó 8 % de ranníocaíocht an tairbhí le caipiteal an chiste fhrithpháirtigh sa dara nó sa tríú bliain dá fheidhmiú, faoi seach, a bheidh sa tacaíocht sin.

4.   I gcás ina gcuirfidh na Ballstáit san áireamh ina bPleananna Straitéiseacha CBT idirghabhálacha cistí frithpháirteacha in earnáil an fhíona dá dtagraítear in Airteagal 58(1), an chéad fhomhír, pointe (l), de Rialachán (AE) 2021/2115, cuirfidh siad teorainn leis an tacaíocht ón Aontas le haghaidh an chostais riaracháin a bhaineann le cistí frithpháirteacha a bhunú in earnáil an fhíona le haghaidh na méideanna seo a leanas:

Ní rachaidh an tréimhse tacaíochta thar 3 bliana.

1.   I gcás ina gcuirfidh na Ballstáit san áireamh ina bPleananna Straitéiseacha CBT idirghabhálacha in earnáil na dtorthaí agus na nglasraí, in earnáil na hola olóige agus na n-ológ boird, in earnáil an fhíona nó in earnálacha eile dá dtagraítear in Airteagal 42, pointe (f), de Rialachán (AE) 2021/2115, i bhfoirm úlloird, garráin ológ nó fíonghoirt a athphlandú tar éis grafadh éigeantach ar chúiseanna sláinte nó fíteashláintíochta nó, i gcás úllord agus garrán ológ, chun oiriúnú don athrú aeráide, áiritheoidh siad go gcomhlíonfaidh na tairbhithe Rialachán (AE) 2016/2031 ó Pharlaimint na hEorpa agus ón gComhairle (11) agus na hidirghabhálacha seo á gcur chun feidhme acu.

2.   Maidir leis an gcaiteachas le haghaidh úlloird nó garráin ológ a athphlandú, ní rachaidh sé thar 20 % den chaiteachas iomlán faoi gach clár oibríochtúil nó idirghabháil ábhartha.

1.   I gcás ina gcuirfidh na Ballstáit san áireamh ina bPleananna Straitéiseacha CBT idirghabhálacha in earnáil na dtorthaí agus na nglasraí, in earnáil an fhíona, in earnáil na leannlusanna, in earnáil na hola olóige agus na n-ológ boird nó in earnálacha eile dá dtagraítear in Airteagal 42, pointe (f), de Rialachán (AE) 2021/2115, i bhfoirm “glasbhuainte” i gcás na n-earnálacha sin agus i bhfoirm “neamhbhuainte” i gcás na n-earnálacha sin seachas earnáil an fhíona, áiritheoidh na Ballstáit go mbeidh na hidirghabhálacha sin sa bhreis ar ghnáthchleachtais saothraithe, agus go mbeidh siad éagsúil ó ghnáthchleachtais saothraithe, agus go mbainfidh siad le 100 % de tháirgeadh ionchasach an táirge lena mbaineann i ndáileacht ar leith.

Is é a bheidh sa “ghlasbhuaint” buaint na dtáirgí réamhaibí neamh-indíolta go léir i limistéar áirithe nach ndearnadh damáiste dóibh roimh an nglasbhuaint. Is é a bheidh sa “neamhbhuaint” deireadh a chur leis an timthriall reatha táirgthe sa limistéar lena mbaineann i gcás ina bhfuil an táirge forbartha go maith agus de cháilíocht shlán, chóir agus indíolta.

2.   Áiritheoidh na Ballstáit go gcuirfear na hidirghabhálacha glasbhuainte chun feidhme le linn na séasúr fáis sula mbainfidh an táirge an chéim indíolta amach agus nach ndéanfar na hidirghabhálacha sin i leith na dtáirgí atá á mbuaint ar an ngnáthbhealach cheana.

3.   I bPleananna Straitéiseacha CBT na mBallstát, socróidh siad uasteorainneacha ama le linn an tséasúir táirgthe i ndáil le cur i bhfeidhm na n-idirghabhálacha glasbhuainte maidir le gach táirge atá faoi réir na n-idirghabhálacha sin mar aon le coinníollacha incháilitheachta eile i ndáil leis an nglasbhuaint agus leis an neamhbhuaint, lena n-áirítear cineálacha agus catagóirí táirgí i gcás inarb ábhartha.

4.   Déanfaidh na Ballstáit cúiteamh airgeadais a eisiamh le haghaidh idirghabhálacha neamhbhuainte a dhéanfar i gcás ina mbainfear táirgeadh tráchtála as an limistéar lena mbaineann le linn an ghnáth-thimthrialla táirgthe.

5.   Leis an tacaíocht don glasbhuaint, ní chumhdófar ach na táirgí atá ar na goirt go fisiceach agus a ndéantar iad a ghlasbhuaint go hiarbhír. Maidir le hearnálacha eile seachas earnáil an fhíona, socróidh na Ballstáit na méideanna cúitimh le haghaidh na glasbhuainte agus na neamhbhuainte, lena gcuimseofar cúnamh airgeadais ón Aontas agus an ranníocaíocht ón eagraíocht táirgeoirí, ón gcomhlachas eagraíochtaí táirgeoirí, ón eagraíocht táirgeoirí trasnáisiúnta, ón gcomhlachas eagraíochtaí táirgeoirí trasnáisiúnta nó ón ngrúpa táirgeoirí, in aghaidh íocaíochtaí in aghaidh an heicteáir, ar leibhéal a chomhfhreagraíonn do leibhéal nach mó ná 90 % den uasleibhéal tacaíochta le haghaidh aistarraingtí ón margadh, seachas dáileadh saor, is infheidhme maidir leis an táirge céanna.

6.   Déanfaidh na Ballstáit foráil nach mór don tairbhí réamhfhógra a thabhairt d’údaráis inniúla an Bhallstáit i scríbhinn nó le modhanna leictreonacha sula mbeartóidh sé glasbhuaint nó neamhbhuaint a dhéanamh.

7.   Ina bPleananna Straitéiseacha CBT, socróidh na Ballstáit an méid seo a leanas:

8.   Áiritheoidh na Ballstáit:

1.   I gcás ina gcuirfidh na Ballstáit san áireamh ina bPleananna Straitéiseacha CBT idirghabhálacha maidir le stóráil le chéile dá dtagraítear in Airteagal 47(2), pointe (c), de Rialachán (AE) 2021/2115, déanfaidh siad foráil maidir le táirge a aistarraingt ón margadh go sealadach le linn tréimhse ina mbíonn brú áirithe ón margadh ann, agus glacfaidh siad rialacha chun a áirithiú go stórálfar an táirge faoi fhreagracht an tairbhí i ndálaí lena gcaomhnófar a ghnáthluach tráchtála agus i leith na rialacha sláintíochta is infheidhme. Maidir le táirgí a mbíonn seilfré gairid acu agus iad úr, déanfaidh na Ballstáit foráil go stórálfar an táirge i bhfoirm reoite nó i bhfoirm phróiseáilte. Maidir le táirgí a dteastaíonn tréimhse aibithe áirithe lena n-aghaidh le linn a ngnáthphróisis táirgthe, nó i gcás ina méadaítear luach an táirge de bharr an phróisis aibithe sin, ní bheidh na táirgí sin incháilithe le haghaidh stóráil le chéile ach amháin nuair a thabharfar an tréimhse aibithe chun críche ina hiomláine.

2.   Socróidh na Ballstáit an t-íosfhad stórála agus an t-uasmhéid cúitimh in aghaidh an aonaid táirge agus in aghaidh an lae stórála, mar aon leis na dálaí stórála ábhartha i gcás gach táirge a ndéantar foráil ina bPleananna Straitéiseacha CBT maidir leis an idirghabháil seo ina leith. An t-uasmhéid a fhéadfar a mhaoiniú leis an gciste oibríochtúil, ní bheidh sé sin níos airde ná suim chostas na stórála fisicí, san fhoirm reoite nó phróiseáilte i gcás inarb ábhartha, agus an costas airgeadais de bharr luach an táirge a dhíluailiú ar phraghsanna margaidh reatha. Maidir leis na costais a d’fhéadfadh a bheith ann a bhaineann le táirgí a reo nó a phróiseáil nó díluacháil an táirge a d’fhéadfadh a bheith ann, ní chuirfear iad san áireamh san uasmhéid. Socróidh na Ballstáit freisin na nósanna imeachta rialaithe, lena n-áirítear seiceálacha ar an láthair, chun a áirithiú nach gcuirfear táirgí eile in ionad na dtáirgí sin agus go ndéanfar na dálaí stórála agus an tréimhse stórála a urramú.

1.   Sna hearnálacha dá dtagraítear in Airteagal 42 de Rialachán (AE) 2021/2115, déanfaidh na Ballstáit foráil maidir le híocaíochtaí tacaíochta ar bhonn na gcostas iarbhír a thabhaíonn an tairbhí, costais a léirítear le doiciméid, amhail sonraisc, a chuirfidh na tairbhithe isteach chun idirghabháil a shonraítear ina bPlean Straitéiseach CBT a chur chun feidhme.

Mar sin féin, féadfaidh na Ballstáit a roghnú foráil a dhéanamh maidir le tacaíocht a íoc ar bhonn rátaí comhréidhe caighdeánacha, scálaí caighdeánacha na gcostas aonaid nó cnapshuimeanna. Agus na rátaí comhréidhe sin, na scálaí sin, agus na cnapshuimeanna sin á mbunú, cuirfidh na Ballstáit sainiúlachtaí réigiúnacha nó áitiúla san áireamh agus bunóidh siad a ríomh ar fhianaise dhoiciméadach lena léireofar gur léiriú é an ríomh sin ar phraghas margaidh na n-oibríochtaí nó na ngníomhaíochtaí a chumhdaítear leis an idirghabháil lena mbaineann.

2.   In earnáil na dtorthaí agus na nglasraí, urramóidh na Ballstáit na huasmhéideanna caiteachais agus na costais chóiriúcháin a fhéadfar a íoc i ndáil leis na hidirghabhálacha ábhartha a shonraítear ina bPleananna Straitéiseacha CBT a leagtar amach in Iarscríbhinní V agus VII.

3.   I gcás ina ndéanfaidh na Ballstáit foráil ina bPleananna Straitéiseacha CBT maidir le tacaíocht a íoc i bhfoirm rátaí comhréidhe caighdeánacha, scálaí caighdeánacha na gcostas aonaid nó cnapshuimeanna, déanfar athbhreithniú orthu sin go tréimhsiúil chun innéacsú nó athrú eacnamaíoch a chur san áireamh.

4.   I gcás ina n-úsáidfidh na Ballstáit an modh ríofa atá cóir, cothromasach agus infhíoraithe arna bhunú de bhun Airteagal 44(2), pointe (a), de Rialachán (AE) 2021/2115, coimeádfaidh siad an fhianaise dhoiciméadach uile a bhaineann le rátaí comhréidhe caighdeánacha, scálaí caighdeánacha na gcostas aonaid nó cnapshuimeanna caighdeánacha a bhunú agus lena n-athbhreithniú dá dtagraítear i mír 3 den Airteagal seo.

5.   I gcás ina gcuirfidh na Ballstáit san áireamh ina bPleananna Straitéiseacha CBT idirghabhálacha in earnáil an fhíona a bhaineann le fíonghoirt a athstruchtúrú agus a athchóiriú agus le hinfheistíochtaí i sócmhainní inláimhsithe agus doláimhsithe, beidh feidhm ag na rialacha seo a leanas:

6.   Ní bheidh feidhm ag an Airteagal seo maidir le cúnamh airgeadais ón Aontas le haghaidh fotháirgí fíonóireachta a dhriogadh a dhéantar i gcomhréir leis na srianta a leagtar síos i gCuid II, Roinn D, d’Iarscríbhinn VIII a ghabhann le Rialachán (AE) Uimh. 1308/2013.

1.   Le cineálacha caiteachais a chumhdaítear leis na cineálacha idirghabhála dá dtagraítear i dTeideal III, Caibidil III, de Rialachán (AE) 2021/2115, ní dhéanfar cáin bhreisluacha ar an gcaiteachas incháilithe arna thabhú ag an tairbhí a chúiteamh, ach amháin i gcás nach bhfuil sí inghnóthaithe faoin reachtaíocht náisiúnta CBL.

2.   Ní chuirfear na cineálacha caiteachais a liostaítear in Iarscríbhinn II san áireamh sna cineálacha caiteachais dá dtagraítear i mír 1.

3.   Maidir leis na cineálacha caiteachais a liostaítear in Iarscríbhinn III, measfaidh na Ballstáit go bhfuil siad incháilithe agus na hidirghabhálacha ábhartha á sainiú acu agus féadfar iad a chumhdach leis na cláir oibríochtúla nó mar a shonraíonn na Ballstáit sna hidirghabhálacha ábhartha. Féadfaidh na Ballstáit a mheas ina bPleananna Straitéiseacha CBT go bhfuil cineálacha caiteachais eile incháilithe, ar choinníoll nach liostaítear iad in Iarscríbhinn II.

4.   Bunóidh na Ballstáit ina bPleananna Straitéiseacha CBT na coinníollacha faoina bhféadfar an caiteachas a bhaineann leis na hidirghabhálacha dá dtagraítear in Airteagail 11 agus 12 a áireamh mar chaiteachas lena rannchuidítear leis na cuspóirí 15 % agus 2 % de chaiteachas faoi chláir oibríochtúla dá dtagraítear in Airteagal 50(7), pointí (a) agus (c), de Rialachán (AE) 2021/2115, faoi seach, agus leis an gcuspóir 5 % de chaiteachas faoi idirghabhálacha dá dtagraítear in Airteagal 60(4) den Rialachán sin. Maidir leis na cuspóirí ábhartha a leagtar amach in Airteagail 46 agus 57 den Rialachán sin, faoi seach, le haghaidh earnáil na dtorthaí agus na nglasraí agus le haghaidh earnáil an fhíona, leis na coinníollacha sin, áiritheofar go saothrófar na cuspóirí sin go héifeachtach leis na hidirghabhálacha sin.

1.   Costais pearsanra a thabhaíonn an tairbhí, fochuideachtaí de réir bhrí Airteagal 31(7) nó, faoi réir fhormheas na mBallstát, comharchumann atá ina chomhalta d’eagraíocht táirgeoirí, measfar go bhfuil siad incháilithe le haghaidh tacaíochta má thabhaítear iad i ndáil le hidirghabháil ar leith dár tugadh tacaíocht a ullmhú, a chur chun feidhme nó i ndáil le hobair leantach a ghabhann léi.

Is é a bheidh sna costais phearsanra sin, inter alia, costais a bhaineann le pearsanra a fhostaíonn an tairbhí agus na costais a chomhfhreagraíonn don sciar uaireanta oibre a chuireann a bhaill foirne isteach agus idirghabháil á cur chun feidhme acu.

Áiritheoidh na Ballstáit go gcuirfidh an tairbhí doiciméid tacaíochta isteach lena leagfar amach mionsonraí maidir leis an obair iarbhír a rinneadh i ndáil leis an idirghabháil áirithe agus gur féidir luach chostas ábhartha an phearsanra a mheasúnú agus a fhíorú go neamhspleách. Ní rachaidh luach chostas an phearsanra a bhaineann le hidirghabháil ar leith thar na costais a bhfuil glacadh coitianta leo ar an margadh atá i gceist le haghaidh an chineáil chéanna seirbhíse.

Chun na costais phearsanra a bhaineann le hidirghabháil a chur chun feidhme ag pearsanra buan an tairbhí a chinneadh, is tríd na hollchostais bhliantúla fostaíochta dhoiciméadaithe is déanaí maidir leis na fostaithe sonracha a d’oibrigh i gcur chun feidhme na hoibríochta a roinnt ar 1 720 uair an chloig a fhéadfar an ráta de réir na huaire is infheidhme a ríomh, nó ar bhonn pro rata i gcás fostaithe páirt-aimseartha.

Maidir leis na hidirghabhálacha “cur chun cinn, cumarsáid agus margaíocht” agus “gníomhaíochtaí cumarsáide” dá dtagraítear in Airteagal 47(1), pointe (f), agus (2), pointe (l), de Rialachán (AE) 2021/2115 agus maidir le gníomhaíochtaí eagraíochtaí idirchraoibhe agus an cur chun cinn agus an chumarsáid a dhéantar i dtríú tíortha dá dtagraítear in Airteagal 58(1), an chéad fhomhír, pointí (i), (j) agus (k), den Rialachán sin, ní rachaidh an caiteachas a íoctar as na costais riaracháin agus pearsanra a thabhaíonn na tairbhithe go díreach thar 50 % de chostas foriomlán na hidirghabhála.

2.   Costais riaracháin a thabhaíonn an tairbhí, fochuideachtaí de réir bhrí Airteagal 31(7) nó, faoi réir fhormheas na mBallstát, comharchumann atá ina chomhalta d’eagraíocht táirgeoirí, measfar go bhfuil siad incháilithe le haghaidh tacaíochta má thabhaítear iad i ndáil le hidirghabháil ar leith dár tugadh tacaíocht a ullmhú, a chur chun feidhme nó i ndáil le hobair leantach a ghabhann léi.

Measfar go bhfuil na costais riaracháin incháilithe mura dtéann siad thar 4 % de na costais incháilithe iomlána a bhaineann leis an idirghabháil a cuireadh chun feidhme.

I gcás ina ndéanann comhlacht seachtrach atá neamhspleách agus cáilithe na hiniúchtaí sin, measfar go bhfuil na costais ar iniúchtaí seachtracha incháilithe le haghaidh tacaíochta.

3.   Féadfaidh na Ballstáit foráil a dhéanamh ina bPleananna Straitéiseacha CBT, i gcás earnáil na dtorthaí agus na nglasraí, earnáil na leannlusanna, earnáil na hola olóige agus na n-ológ boird nó i gcás earnálacha eile dá dtagraítear in Airteagal 42, pointe (f), de Rialachán (AE) 2021/2115, maidir le ráta comhréidh caighdeánach le haghaidh na gcostas pearsanra agus riaracháin a bhaineann leis an gclár oibríochtúil a bhainistiú nó an clár oibríochtúil a ullmhú, a chur chun feidhme agus leis an obair leantach a ghabhann leis suas le huasmhéid 2 % den chlár oibríochtúil formheasta, lena gcuimsítear an cúnamh airgeadais ón Aontas agus ranníocaíocht na heagraíochta táirgeoirí, an chomhlachais eagraíochtaí táirgeoirí, na heagraíochta táirgeoirí trasnáisiúnta, an chomhlachais eagraíochtaí táirgeoirí trasnáisiúnta nó an ghrúpa táirgeoirí.

1.   I gcás ina gcuirfidh na Ballstáit san áireamh ina bPlean Straitéiseach CBT idirghabhálacha i bhfoirm “aistarraingtí ón margadh le haghaidh dáileadh saor in aisce nó le haghaidh cinn scríbe eile” dá dtagraítear in Airteagal 47(2), pointe (f), de Rialachán (AE) 2021/2115, is ar bhonn scálaí na gcostas aonaid, costais a shocraítear de réir an achair idir an áit aistarraingthe agus áit seachadta le haghaidh dáileadh saor in aisce, a shocróidh siad na costais iompair a bhaineann le dáileadh saor in aisce na dtáirgí uile a aistarraingítear ón margadh faoi cháir oibríochtúla. Ní féidir ach costais iompair suas le hachar 750 km a chúiteamh.

2.   Íocfar na costais iompair leis an bpáirtí iarbhír a iompraíonn costas airgeadais na hoibríochta iompair i gceist. Beidh an íocaíocht faoi réir doiciméid tacaíochta a thíolacadh lena ndeimhneofar, go háirithe:

3.   Beidh cóireáil na dtáirgí a aistarraingítear ón margadh le haghaidh dáileadh saor in aisce faoi chláir oibríochtúla faoi réir na gcoinníollacha seo a leanas:

1.   Maidir leis an gcineál idirghabhála “aistarraingtí ón margadh le haghaidh dáileadh saor in aisce nó le haghaidh cinn scríbe eile” dá dtagraítear in Airteagal 47(2), pointe (f), de Rialachán (AE) 2021/2115, i ndáil leis na táirgí a liostaítear in Iarscríbhinn V, suim na gcostas iompair, suim chostais chóiriúcháin na dtáirgí le haghaidh dáileadh saor in aisce dá dtagraítear in Airteagal 33 den Rialachán seo, agus iad á gcur leis an méid tacaíochta d’aistarraingtí ón margadh, ní rachaidh siad thar mheánphraghas margaidh “iar-eagraíocht táirgeoirí” an táirge lena mbaineann sna 3 bliana roimhe sin, lena n-áirítear tar éis próiseála i gcás inarb ábhartha.

2.   Maidir leis an gcineál idirghabhála “aistarraingtí ón margadh le haghaidh dáileadh saor in aisce nó le haghaidh cinn scríbe eile” dá dtagraítear in Airteagal 47(2), pointe (f), de Rialachán (AE) 2021/2115, ar cineál idirghabhála é is infheidhme maidir le táirgí seachas na táirgí sin a liostaítear in Iarscríbhinn V a ghabhann leis an Rialachán seo, socróidh na Ballstáit uasmhéideanna tacaíochta ina gcuimseofar an cúnamh airgeadais ón Aontas, an ranníocaíocht náisiúnta i gcás inarb ábhartha agus an ranníocaíocht ón eagraíocht táirgeoirí, ón gcomhlachas eagraíochtaí táirgeoirí, ón eagraíocht táirgeoirí trasnáisiúnta, ón gcomhlachas eagraíochtaí táirgeoirí trasnáisiúnta nó ón ngrúpa táirgeoirí, ar leibhéal nach rachaidh thar 40 % de na meánphraghsanna margaidh “iar-eagraíocht táirgeoirí” sna 5 bliana roimhe sin i gcás dáileadh saor in aisce agus ar leibhéal nach rachaidh thar 30 % de na meánphraghsanna margaidh “iar-eagraíocht táirgeoirí” sna 5 bliana roimhe sin le haghaidh cinn scríbe eile seachas dáileadh saor in aisce.

3.   Maidir le heagraíocht táirgeoirí, an comhlachas eagraíochtaí táirgeoirí, an eagraíocht táirgeoirí trasnáisiúnta, an comhlachas eagraíochtaí táirgeoirí trasnáisiúnta nó an grúpa táirgeoirí, i gcás ina bhfaigheann sé nó sí cúiteamh ó thríú páirtithe le haghaidh táirgí aistarraingthe, laghdófar an tacaíocht dá dtagraítear sa chéad fhomhír faoi mhéid atá coibhéiseach leis an gcúiteamh a fuarthas. Chun a bheith incháilithe le haghaidh tacaíochta, ní chuirfear na táirgí lena mbaineann ar an margadh tráchtála arís.

4.   Is mar seo a leanas a bheidh sciar na n-aistarraingtí ón margadh a dhéantar laistigh d’aon bhliain ar leith, seachas le haghaidh dáileadh saor in aisce, maidir le haon táirge ar leith de chuid aon eagraíochta táirgeoirí ar leith, aon chomhlachais eagraíochtaí táirgeoirí ar leith, aon eagraíochta táirgeoirí trasnáisiúnta ar leith, aon chomhlachais eagraíochtaí táirgeoirí trasnáisiúnta ar leith nó aon ghrúpa táirgeoirí ar leith:

Más rud é nach bhfuil faisnéis ar fáil faoi mhéid an táirgthe mhargaithe a bhaineann le haon cheann nó gach ceann de na blianta roimhe sin, úsáidfear méid an táirgthe mhargaithe ar aithníodh an eagraíocht táirgeoirí, an comhlachas eagraíochtaí táirgeoirí, an eagraíocht táirgeoirí trasnáisiúnta, an comhlachas eagraíochtaí táirgeoirí trasnáisiúnta nó an grúpa táirgeoirí lena aghaidh.

Mar sin féin, ní chuirfear san áireamh i sciar na n-aistarraingtí ón margadh méideanna na n-aistarraingtí le haghaidh dáileadh saor in aisce a dhiúscraítear ar cheann amháin de na bealaí dá dtagraítear in Airteagal 52(6) de Rialachán (AE) 2021/2115 nó aon cheann scríbe coibhéiseach eile a fhormheasfaidh na Ballstáit dá dtagraítear in Airteagal 27(2) den Rialachán seo.

5.   I ndáil leis na táirgí a liostaítear in Iarscríbhinn V, an tacaíocht d’aistarraingtí ón margadh in earnáil na dtorthaí agus na nglasraí, ina gcuimseofar an cúnamh airgeadais ón Aontas agus ranníocaíocht na heagraíochta táirgeoirí, ní bheidh sí níos mó ná na méideanna a leagtar amach san Iarscríbhinn sin.

Maidir leis an gcúnamh airgeadais ón Aontas i gcás ina ndéantar torthaí agus glasraí a aistarraingt ón margadh, ar torthaí agus glasraí iad a dhiúscraítear trí dháileadh saor in aisce ar eagraíochtaí, ar fhondúireachtaí agus ar hinstitiúidí carthanachta dá dtagraítear in Airteagal 52(6) de Rialachán (AE) 2021/2115, ní chumhdófar leis sin ach an íocaíocht le haghaidh na dtáirgí a dhiúscraítear i gcomhréir le míreanna 1 agus 2 den Airteagal seo i gcás inarb iad na costais dá dtagraítear in Airteagal 33 den Rialachán seo a bheidh sna costais chóiriúcháin.

1.   I gcás ina gcuirfidh na Ballstáit ina bPleananna Straitéiseacha CBT idirghabhálacha i bhfoirm “aistarraingtí ón margadh le haghaidh dáileadh saor in aisce nó le haghaidh cinn scríbe eile” in earnáil na dtorthaí agus na nglasraí, in earnáil na hola olóige agus na n-ológ boird agus in earnálacha eile dá dtagraítear in Airteagal 42, pointe (f), de Rialachán (AE) 2021/2115, cinnfidh siad na cinn scríbe is incheadaithe le haghaidh táirgí a aistarraingítear ón margadh agus áiritheoidh siad nach mbeidh aon tionchar diúltach ar an gcomhshaol ná aon iarmhairt fhíteashláintíochta dhiúltach de thoradh na haistarraingthe nó de thoradh a gcinn scríbe.

2.   Arna iarraidh sin d’eagraíochtaí, d’fhondúireachtaí nó d’institiúidí carthanachta dá dtagraítear in Airteagal 52(6), pointe (a), de Rialachán (AE) 2021/2115, féadfaidh na Ballstáit údarú a thabhairt do na heagraíochtaí, na fondúireachtaí nó na hinstitiúidí carthanachta ranníocaíocht a iarraidh ó fhaighteoirí deiridh na dtáirgí arna n-aistarraingt ón margadh.

Maidir leis na heagraíochtaí, na fondúireachtaí nó na hinstitiúidí carthanachta dá dtagraítear in Airteagal 52(6), pointe (a), de Rialachán (AE) 2021/2115 lena mbaineann, i gcás ina bhfaighidh siad an t-údarú sin, coimeádfaidh siad cuntais airgeadais le haghaidh na hoibríochta i gceist.

Féadfaidh na Ballstáit íocaíocht chomhchineáil a cheadú ó thairbhithe dáilte saor in aisce le próiseálaithe táirgí, i gcás nach ndéanfar ach costais phróiseála a chúiteamh leis an íocaíocht sin agus i gcás ina nglacfaidh an Ballstát ina ndéanfar an íocaíocht rialacha lena n-áiritheofar go mbeidh na táirgí próiseáilte beartaithe lena gcaitheamh ag na faighteoirí deiridh dá dtagraítear sa dara fomhír.

Déanfaidh na Ballstáit gach beart is gá chun teagmhálacha agus comhar a éascú idir eagraíochtaí táirgeoirí agus eagraíochtaí, fondúireachtaí agus institiúidí carthanachta dá dtagraítear in Airteagal 52(6), pointe (a), de Rialachán (AE) 2021/2115.

3.   Féadfar táirgí a aistarraingítear chuig an tionscal lena bpróiseáil ina dtáirgí neamhbhia a dhiúscairt. Glacfaidh na Ballstáit forálacha mionsonraithe chun a áirithiú nach dtarlóidh aon saobhadh iomaíochta le haghaidh na dtionscal lena mbaineann laistigh den Aontas nó le haghaidh táirgí allmhairithe agus chun a áirithiú nach gcuirfear táirgí aistarraingthe ar an margadh tráchtála bia arís. Úsáidfear an t-alcól a bheidh mar thoradh ar dhriogadh chun críoch tionsclaíoch nó fuinnimh agus chun na gcríoch sin amháin.

1.   Maidir le faighteoirí na dtáirgí a aistarraingítear le haghaidh dáileadh saor in aisce sna hearnálacha dá dtagraítear in Airteagal 42, pointí (a), (e) agus (f), de Rialachán (AE) 2021/2115, déanfaidh siad an méid seo a leanas:

Mar a thagraítear sa chéad fhomhír, pointe (b), féadfaidh na Ballstáit a chinneadh nach gá d’fhaighteoirí taifid a choimeád má fhaigheann siad cainníochtaí is lú ná uasmhéid a bheidh le cinneadh ag na Ballstáit bunaithe ar anailísiú riosca doiciméadaithe.

2.   Faighteoirí na dtáirgí a aistarraingítear le haghaidh cinn scríbe eile seachas dáileadh saor in aisce, déanfaidh siad an méid seo a leanas:

1.   Táirge a aistarraingítear ón margadh le haghaidh cinn scríbe eile seachas dáileadh saor in aisce, sna hearnálacha dá dtagraítear in Airteagal 42, pointí (a), (e) agus (f), de Rialachán (AE) 2021/2115, comhlíonfaidh sé an caighdeán agus na rialacha ábhartha maidir le margú an táirge sin dá dtagraítear i Rialachán (AE) Uimh. 1308/2013, seachas na rialacha maidir le táirgí a chur i láthair agus a mharcáil.

I gcás ina n-aistarraingeofar torthaí agus glasraí ar an mórchóir, comhlíonfar na híoscheanglais Aicme II mar a shainmhínítear i Rialachán Cur Chun Feidhme (AE) Uimh. 543/2011 ón gCoimisiún (12).

Mar sin féin, maidir le miontáirgí ó earnáil na dtorthaí agus na nglasraí, mar a shainmhínítear sa chaighdeán ábhartha, comhlíonfaidh siad an caighdeán margaíochta is infheidhme, na forálacha i ndáil le táirgí a chur i láthair agus a mharcáil san áireamh.

2.   I gcás nach leagtar síos caighdeán margaíochta sonrach maidir le toradh nó glasra ar leith, comhlíonfar na híoscheanglais a leagtar amach in Iarscríbhinn VI. Féadfaidh na Ballstáit rialacha breise a leagan amach lena bhforlíonfar na híoscheanglais sin.

1.   Maidir le luach an táirgthe mhargaithe le haghaidh eagraíocht táirgeoirí, eagraíocht táirgeoirí trasnáisiúnta, nó grúpa táirgeoirí sna hearnálacha dá dtagraítear in Airteagal 42, pointí (a), (e) agus (f), de Rialachán (AE) 2021/2115, ríomhfar é sin ar bhonn tháirgeadh na heagraíochta táirgeoirí, na heagraíochta táirgeoirí trasnáisiúnta, nó an ghrúpa táirgeoirí féin agus a chomhaltaí nó a comhaltaí ar táirgeoirí iad a chuireann an eagraíocht sin nó an grúpa sin ar an margadh, agus ní áireofar leis sin ach táirgeadh na dtáirgí sin a n-aithnítear an eagraíocht táirgeoirí, an eagraíocht táirgeoirí trasnáisiúnta, nó an grúpa táirgeoirí lena n-aghaidh. Féadfar táirgí nach gá a bheith i gcomhréir leis na caighdeáin mhargaíochta a áireamh i luach an táirgthe mhargaithe, i gcás nach bhfuil feidhm ag na caighdeáin sin.

Maidir le luach an táirgthe mhargaithe i gcás comhlachas eagraíochtaí táirgeoirí nó comhlachas eagraíochtaí táirgeoirí trasnáisiúnta, ríomhfar é sin ar bhonn an táirgthe a mhargaíonn an comhlachas eagraíochtaí táirgeoirí nó an comhlachas eagraíochtaí táirgeoirí trasnáisiúnta féin agus a chomhaltaí ar táirgeoirí iad, agus ní áireofar leis sin ach táirgeadh na dtáirgí sin a n-aithnítear an comhlachas eagraíochtaí táirgeoirí nó an comhlachas eagraíochtaí táirgeoirí trasnáisiúnta lena n-aghaidh. Mar sin féin, i gcás ina bhformheasfar cláir oibríochtúla le haghaidh comhlachas eagraíochtaí táirgeoirí nó comhlachas eagraíochtaí táirgeoirí trasnáisiúnta agus ar leithligh le haghaidh a eagraíochtaí táirgeoirí ar comhaltaí iad, ní chuirfear luach an táirgthe mhargaithe a áiríodh le haghaidh chláir oibríochtúla na gcomhaltaí san áireamh maidir le luach tháirgeadh margaithe an chomhlachais a ríomh.

Thairis sin, maidir le hearnálacha a liostaítear in Airteagal 42, pointí (e) agus (f), de Rialachán (AE) 2021/2115, féadfaidh sé go n-áireofar le luach an táirgthe mhargaithe luach an táirgthe a chumhdaítear le conarthaí a chaibidlíonn an eagraíocht táirgeoirí, an eagraíocht táirgeoirí trasnáisiúnta, an comhlachas eagraíochtaí táirgeoirí, an comhlachas eagraíochtaí táirgeoirí trasnáisiúnta nó an grúpa táirgeoirí ar son a chomhaltaí nó a comhaltaí.

2.   Déanfar luach an táirgthe mhargaithe a ríomh nuair a bheidh na táirgí úr nó ag an gcéad chéim phróiseála ar a margaítear an táirge de ghnáth, ar an mórchóir i gcás inar féidir táirgí a mhargú ar an mórchóir, agus ní áireofar leis sin an costas ar thuilleadh próiseála ná an costas ar thuilleadh cóiriúcháin ná luach na dtáirgí próiseáilte deiridh. Ina bPleananna Straitéiseacha CBT, cuirfidh na Ballstáit in iúl an bealach a ríomhtar luach an táirgthe mhargaithe le haghaidh gach earnála.

Luach an táirgthe mhargaithe maidir le torthaí agus glasraí atá beartaithe lena bpróiseáil, arna gclaochlú i gceann amháin de na táirgí torthaí agus glasraí próiseáilte a liostaítear in Iarscríbhinn I, Cuid X, a ghabhann le Rialachán (AE) Uimh. 1308/2013 nó in aon táirge próiseáilte dá dtagraítear sa mhír seo, ag eagraíocht táirgeoirí, comhlachas eagraíochtaí táirgeoirí, a chomhaltaí nó a comhaltaí ar táirgeoirí iad nó a bhfochuideachtaí i gcomhréir le mír 7 den Airteagal seo, as a stuaim féin nó trí sheachfhoinsiú, ríomhfar an luach sin mar ráta comhréidh sa chéatadán a chuirtear i bhfeidhm maidir le luach sonraisc na dtáirgí próiseáilte sin. Is iad seo a leanas na rátaí comhréidhe a bheidh ann:

3.   Féadfaidh na Ballstáit cead a thabhairt don tairbhí luach na bhfotháirgí a áireamh i luach an táirgthe mhargaithe.

4.   Áireofar luach na n-aistarraingtí ón margadh le haghaidh dáileadh saor in aisce i luach an táirgthe mhargaithe. Maidir leis na táirgí a mhargaíonn an eagraíocht táirgeoirí, an comhlachas eagraíochtaí táirgeoirí, an eagraíocht táirgeoirí trasnáisiúnta, an comhlachas eagraíochtaí táirgeoirí trasnáisiúnta nó an grúpa táirgeoirí le linn na tréimhse lena mbaineann, is ar bhonn mheánphraghas na dtáirgí sin a ríomhfar luach na n-aistarraingtí le haghaidh dáileadh saor in aisce.

5.   Ní áireofar i luach an táirgthe mhargaithe ach táirgeadh na heagraíochta táirgeoirí, an chomhlachais eagraíochtaí táirgeoirí, na heagraíochta táirgeoirí trasnáisiúnta, an chomhlachais eagraíochtaí táirgeoirí trasnáisiúnta, an ghrúpa táirgeoirí, a chomhaltaí nó a comhaltaí ar táirgeoirí iad a mhargaíonn an eagraíocht táirgeoirí sin, an comhlachas eagraíochtaí táirgeoirí sin, an eagraíocht táirgeoirí trasnáisiúnta sin, an comhlachas eagraíochtaí táirgeoirí trasnáisiúnta sin nó an grúpa táirgeoirí sin.

Maidir le táirgeadh na gcomhaltaí ar táirgeoirí iad de chuid na heagraíochta táirgeoirí, an chomhlachais eagraíochtaí táirgeoirí, na heagraíochta táirgeoirí trasnáisiúnta, an chomhlachais eagraíochtaí táirgeoirí trasnáisiúnta nó an ghrúpa táirgeoirí a mhargaíonn eagraíocht táirgeoirí eile, comhlachas eagraíochtaí táirgeoirí eile, eagraíocht táirgeoirí trasnáisiúnta eile, comhlachas eagraíochtaí táirgeoirí trasnáisiúnta eile nó grúpa táirgeoirí eile a ainmníonn a n-eagraíocht féin, áireofar sin i luach tháirgeadh margaithe na heagraíochta, an chomhlachais nó an ghrúpa a mhargaíonn an táirgeadh. Cuirfear toirmeasc ar an áireamh dúbailte.

6.   Seachas i gcás ina bhfuil feidhm ag mír 7, táirgeadh margaithe na heagraíochta táirgeoirí, an chomhlachais eagraíochtaí táirgeoirí, na heagraíochta táirgeoirí trasnáisiúnta, an chomhlachais eagraíochtaí táirgeoirí trasnáisiúnta nó an ghrúpa táirgeoirí, déanfar é a shonrasc ag an gcéim dar teideal “iar-eagraíocht táirgeoirí, iarchomhlachas eagraíochtaí táirgeoirí, iar-eagraíocht táirgeoirí trasnáisiúnta, iarchomhlachas eagraíochtaí táirgeoirí trasnáisiúnta nó iarghrúpa táirgeoirí” nuair a bheidh an táirgeadh margaithe réidh lena margú, gan na nithe seo a leanas a áireamh:

7.   Mar sin féin, féadfar luach an táirgthe mhargaithe a ríomh ag an gcéim dar teideal “iar-fhochuideachta” ar an mbonn a leagtar amach i mír 6, ar choinníoll go mbeidh ar a laghad 90 % de scaireanna nó de chaipiteal na fochuideachta:

8.   I gcás seachfhoinsithe, déanfar luach an táirgthe mhargaithe a ríomh ag an gcéim dar teideal “iar-eagraíocht táirgeoirí, iarchomhlachas eagraíochtaí táirgeoirí, iar-eagraíocht táirgeoirí trasnáisiúnta, iarchomhlachas eagraíochtaí táirgeoirí trasnáisiúnta nó iarghrúpa táirgeoirí” agus áireofar leis sin luach eacnamaíoch breise na gníomhaíochta a sheachfhoinsíonn an eagraíocht táirgeoirí, an comhlachas eagraíochtaí táirgeoirí, an eagraíocht táirgeoirí trasnáisiúnta, an comhlachas eagraíochtaí táirgeoirí trasnáisiúnta nó an grúpa táirgeoirí chuig a chomhaltaí nó a comhaltaí, tríú páirtithe nó chuig fochuideachta eile seachas an fhochuideachta sin dá dtagraítear i mír 7.

9.   I gcás laghdú ar tháirgeadh de bharr tubaiste nádúrtha, teagmhas aeráide, galair plandaí nó ainmhithe nó inmhíoluithe lotnaidí, aon slánaíocht árachais a fuarthas i leith gníomhaíochtaí árachais buainte nó táirgthe dá dtagraítear in Airteagal 18, nó gníomhaíochtaí coibhéiseacha a bhainistíonn an eagraíocht táirgeoirí, an comhlachas eagraíochtaí táirgeoirí, an eagraíocht táirgeoirí trasnáisiúnta, an comhlachas eagraíochtaí táirgeoirí trasnáisiúnta nó an grúpa táirgeoirí, a chomhaltaí nó a comhaltaí ar táirgeoirí iad, de bharr na gcúiseanna sin, féadfar iad a chur san áireamh i luach an táirgthe mhargaithe le haghaidh na tréimhse tagartha 12 mhí ina ndéanfar an íocaíocht iarbhír.

1.   Cinnfidh na Ballstáit tréimhse thagartha 12 mhí le haghaidh gach eagraíocht táirgeoirí, comhlachas eagraíochtaí táirgeoirí, eagraíocht táirgeoirí trasnáisiúnta, comhlachas eagraíochtaí táirgeoirí trasnáisiúnta nó grúpa táirgeoirí, tréimhse nach gcuirfear tús léi roimh an 1 Eanáir den bhliain ar 3 bliana a bheidh ann roimh an mbliain a n-iarrtar an chabhair lena haghaidh agus a chríochnóidh tráth nach déanaí ná an 31 Nollaig den bhliain roimh an mbliain a n-iarrtar an chabhair lena haghaidh.

Tréimhse chuntasaíochta na heagraíochta táirgeoirí, an chomhlachais eagraíochtaí táirgeoirí, na heagraíochta táirgeoirí trasnáisiúnta, an chomhlachais eagraíochtaí táirgeoirí trasnáisiúnta nó an ghrúpa táirgeoirí a bheidh sa tréimhse thagartha 12 mhí.

Ní athrófar an mhodheolaíocht maidir leis an tréimhse thagartha a shocrú le linn cláir ach amháin i gcásanna ina bhfuil údar cuí leis sin a dhéanamh.

2.   Cinnfidh na Ballstáit cé acu de na bealaí seo a leanas a ríomhfar an uasteorainn maidir le cúnamh airgeadais ón Aontas chuig an gciste oibríochtúil gach bliain:

3.   I gcás laghdú 35 % ar a laghad ar luach táirgthe mhargaithe táirge le haghaidh bliain áirithe i ndáil le meánluach na 3 thréimhse thagartha 12 mhí roimhe sin, beidh feidhm ag an méid seo a leanas:

Sa dá chás, an eagraíocht táirgeoirí, an comhlachas eagraíochtaí táirgeoirí, an eagraíocht táirgeoirí trasnáisiúnta, an comhlachas eagraíochtaí táirgeoirí trasnáisiúnta nó an grúpa táirgeoirí, cruthóidh siad d’údarás inniúil an Bhallstáit lena mbaineann nach raibh na cúiseanna sin faoina fhreagracht nó faoina freagracht ná faoina rialú.

I gcás ina gcruthóidh an eagraíocht táirgeoirí, an comhlachas eagraíochtaí táirgeoirí, an eagraíocht táirgeoirí trasnáisiúnta, an comhlachas eagraíochtaí táirgeoirí trasnáisiúnta nó an grúpa táirgeoirí don Bhallstát lena mbaineann nach raibh na cúiseanna sin faoina fhreagracht nó faoina freagracht ná faoina rialú agus go ndearna siad na bearta coisctheacha is gá, measfar gur 100 % den mheánluach sna 3 thréimhse thagartha 12 mhí roimhe sin a bheidh i luach táirgthe mhargaithe an táirge sin.