(1)

Le Rialachán (AE) 2016/429 leagtar síos rialacha maidir le galair ainmhithe is in-tarchurtha chuig ainmhithe nó chuig daoine, lena n-áirítear ceanglais i dtaca le sláinte ainmhithe a dheimhniú go hoifigiúil le haghaidh gluaiseachtaí éagsúla ainmhithe, táirgí geirmeacha agus táirgí de bhunadh ainmhíoch agus ceanglais maidir le hainmhithe, táirgí geirmeacha agus táirgí de bhunadh ainmhíoch a theacht isteach san Aontas. Déantar na ceanglais sin a bhaineann le teacht isteach san Aontas a shonrú a thuilleadh i Rialachán Tarmligthe (AE) 2020/692 ón gCoimisiún (3).

(2)

Foráiltear le hAirteagal 239(2), pointe (a)(iv), de Rialachán (AE) 2016/429 go bhféadfadh an Coimisiún rialacha speisialta a ghlacadh maidir le maoluithe ar na ceanglais ghinearálta a bhaineann le hainmhithe a theacht isteach san Aontas, ar ainmhithe de thionscnamh an Aontais iad agus a aistrítear chuig tríú tír nó críoch, agus a aistrítear ar ais ansin iad chuig an Aontas ón tríú tír nó ón gcríoch sin. Ar bhonn an Airteagail sin rinneadh Airteagal 177 de Rialachán Tarmligthe (AE) 2020/692 a leasú le Rialachán Tarmligthe (AE) 2022/54 ón gCoimisiún (4) chun rialacha speisialta a leagan amach maidir le crúbacha a theacht isteach ar de thionscnamh an Aontais iad, ar crúbacha iad a aistrítear go tríú tír nó go críoch chun bheith rannpháirteach in imeachtaí, taispeántais, léirithe agus seónna (imeachtaí) a eagraítear lasmuigh den Aontas agus a aistrítear ar ais go dtí an tAontas láithreach ina dhiaidh sin.

(3)

I measc nithe eile, leagtar síos le hIarscríbhinn II a ghabhann le Rialachán Cur Chun Feidhme (AE) 2021/403 ón gCoimisiún (5) deimhnithe sláinte ainmhithe/oifigiúla caighdeánacha agus dearbhuithe maidir le hainmhithe talún a theacht isteach san Aontas agus a iompar tríd an Aontas. Mar sin féin, ní áirítear sa Rialachán Cur Chun Feidhme sin aon deimhniú caighdeánach le gabháil le coinsíneachtaí crúbach ar de thionscnamh an Aontais iad, crúbacha a aistrítear chuig tríú tír nó chuig críoch chun bheith rannpháirteach in imeachtaí a eagraítear lasmuigh den Aontas agus a aistrítear ar ais go dtí an tAontas láithreach ina dhiaidh sin. Sa deimhniú sin ba cheart d’údarás inniúil an tríú tír nó na críche ina reáchtáiltear an t-imeacht na ráthaíochtaí is gá a sholáthar a mhéid a bhaineann le comhlíonadh na gceanglas sláinte ainmhithe le haghaidh theacht isteach sonrach sin na n-ainmhithe, dá bhforáiltear in Airteagal 177 de Rialachán Tarmligthe (AE) 2020/692 arna leasú. Ar mhaithe le haon chur isteach míchuí ar chúrsaí trádála a sheachaint, is gá Rialachán Cur Chun Feidhme (AE) 2021/403 a leasú chun foráil maidir leis an deimhniú caighdeánach sin a bheith ag gabháil leis na coinsíneachtaí sin.

(4)

Le Rialachán Cur Chun Feidhme (AE) 2021/404 ón gCoimisiún (6) bunaítear na liostaí de thríú tíortha, de chríocha nó de chriosanna de thríú tír nó de chríoch óna gceadaítear na speicis agus na catagóirí ainmhithe a thagann faoi raon feidhme Rialachán Tarmligthe (AE) 2020/692 a theacht isteach san Aontas. Go háirithe, déantar foráil i gCuid 1 d’Iarscríbhinn II a ghabhann leis an Rialachán Cur Chun Feidhme sin maidir le liosta na dtríú tíortha, na gcríoch nó na gcriosanna de thríú tír nó de chríoch óna gceadaítear crúbacha a theacht isteach san Aontas. Déantar foráil i gCuid 4 den Iarscríbhinn sin maidir le ráthaíochtaí áirithe sláinte ainmhithe a fhéadfaidh a shannadh do thríú tíortha áirithe, do chríocha áirithe nó do chriosanna áirithe de thríú tír nó de chríoch i gcomhréir le hAirteagal 237 de Rialachán (AE) 2016/429. De thoradh na rioscaí ainmhithe sláinte a d’fhéadfadh a bheith i gceist i dtaobh gluaiseachtaí crúbach ar de thionscnamh an Aontais iad, a aistrítear chuig tríú tír nó chuig críoch agus a aistrítear ar ais go dtí an tAontas láithreach ina dhiaidh sin, ba cheart an fhéidearthacht dá bhforáiltear in Airteagal 177 de Rialachán Tarmligthe (AE) 2020/692 maidir le crúbacha den chineál sin a theacht ar ais isteach san Aontas i ndiaidh bheith rannpháirteach in imeachtaí a eagraítear lasmuigh den Aontas a theorannú do thríú tíortha áirithe agus do chríocha áirithe a sholáthraíonn na ráthaíochtaí is gá. Dá bharr sin, ba cheart tuairisc a thabhairt ar an bhféidearthacht sin mar ráthaíocht sláinte ainmhithe i gCuid 4 d’Iarscríbhinn II a ghabhann le Rialachán Cur Chun Feidhme (AE) 2021/404 agus ba cheart í a theorannú do thríú tíortha áirithe nó do chríocha áirithe a údaraítear maidir le crúbacha a theacht isteach san Aontas i gCuid 1 den Iarscríbhinn sin.

(5)

Dá bhrí sin, ba cheart Rialacháin Cur Chun Feidhme (AE) 2021/403 agus (AE) 2021/404 a leasú dá réir.

(6)

Tá na bearta dá bhforáiltear sa Rialachán seo i gcomhréir le tuairim an Bhuanchoiste um Plandaí, Ainmhithe, Bia agus Beatha,

1.

in Airteagal 14, cuirtear isteach pointe nua (l) i ndiaidh phointe (k):

2.

leasaítear Iarscríbhinn II i gcomhréir le hIarscríbhinn I a ghabhann leis an Rialachán seo.