(1)

Le Treoir 2002/81/CE (2) ón gCoimisiún áirítear flumocsaisin mar shubstaint ghníomhach in Iarscríbhinn I a ghabhann le Treoir 91/414/CEE (3) ón gComhairle.

(2)

Maidir leis na substaintí gníomhacha a áirítear in Iarscríbhinn I a ghabhann le Treoir 91/414/CEE, meastar iad a bheith formheasta faoi Rialachán (CE) Uimh. 1107/2009 agus liostaítear iad i gCuid A den Iarscríbhinn a ghabhann le Rialachán Cur Chun Feidhme (AE) Uimh. 540/2011 ón gCoimisiún (4).

(3)

Formheas na substainte gníomhaí flumocsaisin, mar a leagtar amach i gCuid A den Iarscríbhinn a ghabhann le Rialachán Cur Chun Feidhme (AE) Uimh. 540/2011, rachaidh sé in éag an 30 Meitheamh 2022.

(4)

Cuireadh isteach iarratas ar fhormheas na substainte gníomhaí flumocsaisin a athnuachan i gcomhréir le hAirteagal 4 de Rialachán Cur Chun Feidhme (AE) Uimh. 1141/2010 (5) ón gCoimisiún laistigh den tréimhse dá bhforáiltear san Airteagal sin.

(5)

Chuir an t-iarratasóir isteach na sainchomhaid fhorlíontacha a cheanglaítear i gcomhréir le hAirteagal 9 de Rialachán (AE) Uimh. 1141/2010. Chinn an Ballstát is rapóirtéir an t-iarratas a bheith comhlánaithe ina iomláine.

(6)

D’ullmhaigh an Ballstát is rapóirtéir tuarascáil maidir le measúnú ar athnuachan i gcomhairle leis an mBallstát is comhrapóirtéir agus chuir sé faoi bhráid an Údaráis Eorpaigh um Shábháilteacht Bia (“an tÚdarás”) í agus faoi bhráid an Choimisiúin í an 4 Márta 2013.

(7)

Chuir an tÚdarás an tuarascáil maidir le measúnú ar athnuachan in iúl don iarratasóir agus do na Ballstáit chun barúlacha a fháil uathu agus chuir sé na barúlacha a fuarthas ar aghaidh chuig an gCoimisiún. Chuir an tÚdarás an sainchomhad achomair forlíontach ar fáil don phobal freisin.

(8)

An 5 Meitheamh 2014, chuir an tÚdarás a chonclúid in iúl don Choimisiún maidir le cé acu is féidir nó nach féidir coinne (6) a bheith leis go gcomhlíonfaidh flumocsaisin na critéir formheasa dá bhforáiltear in Airteagal 4 de Rialachán (CE) Uimh. 1107/2009. Chuir an Coimisiún tuarascáil athbhreithniúcháin agus dréacht-Rialachán maidir le flumocsaisin faoi bhráid an Bhuanchoiste um Plandaí, Ainmhithe, Bia agus Beatha an 3 Nollaig 2014.

(9)

Ar iarratas ón gCoimisiún, i gcomhréir le hAirteagal 4(7) agus le pointe 3.6.4 d’Iarscríbhinn II a ghabhann le Rialachán (CE) Uimh. 1107/2009 faoi seach, an 15 Nollaig 2016 ghlac an tÚdarás Tuarascáil Eolaíoch maidir le meastóireacht ar shonraí a bhaineann leis an ngá le flumocsaisin a úsáid mar luibhicíd chun baol tromchúiseach do shláinte plandaí a rialú, ar baol é nach féidir a smachtú ar bhealaí eile, modhanna neamhcheimiceacha san áireamh (7), agus an 31 Lúnasa 2018 ghlac sé Conclúid maidir leis an athbhreithniú piaraí ar an measúnú riosca lotnaidicídí i bhfianaise nochtadh diomaibhseach (8).

(10)

An 15 Márta 2019 ghlac an Coiste um Measúnú Riosca (RAC) de chuid na Gníomhaireachta Eorpaí Ceimiceán tuairim ina moltar flumocsaisin a aicmiú mar shubstaint thocsaineach i leith atáirgeadh de chatagóir 2. Tar éis plé a dhéanamh leis na Ballstáit sa Bhuanchoiste um Plandaí, Ainmhithe, Bia agus Beatha i mí Iúil 2019, thug an Coimisiún sainordú don Údarás a Chonclúid maidir le flumocsaisin agus a airíonna suaite inchríneach a nuashonrú de réir na gcritéar a leagtar síos i bpointí 3.6.5 agus 3.8.2 d’Iarscríbhinn II a ghabhann le Rialachán (CE) Uimh. 1107/2009, arna leasú le Rialachán (AE) 2018/605 ón gCoimisiún (9).

(11)

An 29 Meán Fómhair 2020 d’fhoilsigh an tÚdarás a chonclúid cothrom le dáta (10) maidir leis na hairíonna suaite inchríneach agus aird á tabhairt ar na critéir a leagtar síos i bpointe 3.6.5 agus 3.8.2 d’Iarscríbhinn II a ghabhann le Rialachán (CE) Uimh. 1107/2009, arna leasú le Rialachán (AE) 2018/605. D’iarr an Coimisiún ar an iarratasóir a bharúlacha féin a chur isteach i leith chonclúid an Údaráis agus, i gcomhréir leis an tríú mír d’Airteagal 17(1) de Rialachán (AE) Uimh. 1141/2010, i leith na dréacht-tuarascála athbhreithniúcháin. Chuir an t-iarratasóir a bharúlacha isteach, agus rinneadh scrúdú cúramach orthu.

(12)

Maidir le húsáid ionadaíoch amháin nó níos mó a bhaintear as táirge cosanta plandaí amháin ar a laghad ina bhfuil an tsubstaint ghníomhach flumocsaisin, suíodh gur comhlíonadh na critéir formheasa dá bhforáiltear in Airteagal 4 de Rialachán (CE) Uimh. 1107/2009.

(13)

I Rialachán Cur Chun Feidhme (AE) 2015/408 (11) ón gCoimisiún liostaítear flumocsaisin mar shubstaint atá inbhreithnithe lena hionadú bunaithe ar iar-aicmiú comhchuibhithe na substainte mar shubstaint thocsaineach i leith atáirgeadh de chatagóir 1B i gcomhréir le Rialachán (CE) Uimh. 1272/2008 (12) ó Pharlaimint na hEorpa agus ón gComhairle.

(14)

I bhfianaise aicmiú nuashonraithe flumocsaisin mar shubstaint thocsaineach i leith atáirgeadh de chatagóir 2 faoi Rialachán Tarmligthe (AE) 2021/849 (13) ón gCoimisiún, ní chomhlíonann sí na critéir a thuilleadh chun go measfaí gur substaint í atá le hionadú de bhun Airteagal 24 de Rialachán (CE) Uimh. 1107/2009. Dá réir sin, ba cheart an iontráil le haghaidh flumocsaisine a scriosadh ó Iarscríbhinn a ghabhann le Rialachán Cur Chun Feidhme (AE) 2015/408.

(15)

Is iomchuí, dá bhrí sin, an formheas ar fhlumocsaisin a athnuachan.

(16)

An measúnú riosca maidir le hathnuachan fhormheas na substainte gníomhaí flumocsaisin, bunaítear é ar líon teoranta úsáidí ionadaíocha, úsáidí nach gcuireann srian, áfach, ar na húsáidí lena bhféadfar táirgí cosanta plandaí a bhfuil flumocsaisin iontu a údarú. Is iomchuí dá bhrí sin gan an srian a choimeád maidir le húsáid a bhaint as flumocsaisin mar luibhicíd.

(17)

I gcomhréir le hAirteagal 14(1) de Rialachán (CE) Uimh. 1107/2009 i gcomhar le hAirteagal 6, pointe (f), de agus i bhfianaise an eolais eolaíoch reatha agus an eolais theicniúil reatha, is gá, mar sin féin, foráil a dhéanamh maidir le coinníollacha áirithe.

(18)

Chun cur leis an muinín as an gconclúid nach bhfuil airíonna suaite inchríneach ag flumocsaisin, ba cheart don iarratasóir measúnú nuashonraithe a chur ar fáil, i gcomhréir le pointe 2.2(b) d’Iarscríbhinn II a ghabhann le Rialachán (CE) Uimh. 1107/2009 maidir leis na critéir a leagtar síos i bpointí 3.6.5 agus 3.8.2 d’Iarscríbhinn II a ghabhann leis an Rialachán sin.

(19)

Dá bhrí sin, ba cheart Rialachán Cur Chun Feidhme (AE) Uimh. 540/2011 a leasú dá réir.

(20)

Le Rialachán Cur Chun Feidhme (AE) 2021/745 (14) ón gCoimisiún, cuireadh síneadh le tréimhse formheasa flumocsaisin go dtí an 30 Meitheamh 2022 chun go bhféadfar an próiseas athnuachana a chur i gcrích sula rachaidh an tréimhse formheasa sin in éag. Mar sin féin, ós rud é go ndearnadh cinneadh maidir leis an bhformheas a athnuachan roimh an dáta éaga sin ar cuireadh síneadh leis, ba cheart feidhm a bheith ag an Rialachán seo a luaithe agus is féidir.

(21)

Na bearta dá bhforáiltear sa Rialachán seo, is bearta iad atá i gcomhréir leis an tuairim ón mBuanchoiste um Plandaí, Ainmhithe, Bia agus Beatha,