(1)

I dTreoir 2006/1/CE ó Pharlaimint na hEorpa agus ón gComhairle (4) déantar foráil maidir le híosleibhéal oscailt an mhargaidh a mhéid a bhaineann le húsáid feithiclí arna bhfruiliú gan tiománaithe chun earraí a iompar de bhóthar.

(2)

Trí fheithiclí fruilithe a úsáid is féidir na costais ar ghnóthais as earraí a iompar ar a gcuntas féin nó ar fruiliú nó ar luaíocht a laghdú, agus is féidir cur lena solúbthacht oibríochtúil san am céanna. Dá bhrí sin, is féidir rannchuidiú le táirgiúlacht agus iomaíochas na ngnóthas lena mbaineann a mhéadú. Anuas air sin, ós rud é, de ghnáth, gur níos nua na feithiclí fruilithe ná an mheán sa fhlít, ar an meán is sábháiltí iad agus is lú an truailliú á dhéanfaidh siad.

(3)

Faoi Threoir 2006/1/CE ní féidir le gnóthais leas iomlán a bhaint as na buntáistí a bhaineann le feithiclí fruilithe a úsáid. Leis an Treoir sin ceadaítear do na Ballstáit srian a chur le húsáid feithiclí fruilithe ag gnóthais atá bunaithe ar a gcríocha faoi seach, feithiclí ar mó ná sé thona a meáchan ualaithe incheadaithe iomlán le haghaidh oibríochtaí iompair ar a gcuntas féin. Thairis sin, ní cheanglaítear ar na Ballstáit úsáid feithiclí fruilithe ar a gcríoch féin a cheadú i gcás inar cláraíodh an fheithicil nó inar cuireadh i gcúrsaíocht í i gcomhréir le dlíthe an Bhallstáit eile seachas Ballstát bunaíochta an ghnóthais a bhfuil an fheithicil fruilithe aige.

(4)

Ionas gur mó an leas a fhéadfaidh gnóthais a bhaint as na buntáistí a ghabhann le feithiclí fruilithe a úsáid, ba cheart an deis a bheith acu feithiclí arna bhfruiliú in aon Bhallstát a úsáid seachas feithiclí arna bhfruiliú i mBallstát bunaíochta na ngnóthas sin amháin. Le féidearthacht den sórt sin, d’fhágfadh sin, go háirithe, gurbh fhusa dóibh freastal ar bhuaicphointí éilimh gearrthéarmacha, séasúracha nó sealadacha nó feithiclí lochtacha nó damáistithe a athsholáthar, agus, ag an am céanna, comhlíonadh na gceanglas sábháilteachta is gá a áirithiú agus dálaí oibre leordhóthanacha do thiománaithe a áirithiú.

(5)

Níor cheart cead a bheith ag na Ballstáit srian a chur, ar a gcríocha faoi seach, le húsáid feithicle arna fruiliú ag gnóthas atá bunaithe ar chríoch Ballstáit eile, i gcás inar cláraíodh an fheithicil nó inar cuireadh i gcúrsaíocht í i gcomhréir leis na dlíthe, na ceanglais sábháilteachta agus na caighdeáin éigeantacha eile is infheidhme i mBallstát agus, más feithicil í lena gceanglaítear cóip dhílis dheimhnithe den cheadúnas Comhphobail i gcomhréir le Rialachán (CE) Uimh. 1072/2009 ó Pharlaimint na hEorpa agus ón gComhairle (5), gur údaraíodh í lena húsáid ag Ballstát bunaíochta an ghnóthais trí bhíthin na cóipe dílse deimhnithe sin.

(6)

Chun soláthar fianaise ábhartha a shimpliú, ba cheart do na Ballstáit doiciméid i bhfoirm leictreonach a aithint freisin mar mhodh chun a chruthú go gcomhlíontar Treoir 2006/1/CE.

(7)

Tá difear mór fós idir na leibhéil chánach ar iompar de bhóthar atá i bhfeidhm ar fud an Aontais. Dá bhrí sin, tá údar maith fós le srianta áirithe, lena ndéantar difear go hindíreach freisin don tsaoirse chun seirbhísí fruilithe feithiclí a chur ar fáil, tá údar maith leo fós d’fhonn saobhadh fioscach a sheachaint. Dá thoradh sin, ba cheart rogha a bheith ag na Ballstáit teorainn a chur leis an bhfad ama a fhéadfaidh gnóthas atá bunaithe ar a gcríocha faoi seach úsáid a bhaint as feithicil fruilithe arna clárú nó arna cur i gcúrsaíocht i mBallstát eile. Ós rud é nach gcomhchuibhítear leis an Treoir seo an cánachas náisiúnta maidir le feithiclí agus go bhfuil nasc idir na rialacha maidir le clárú feithiclí agus cánachas feithiclí, ba cheart an rogha a bheith ag na Ballstáit clárú na feithicle fruilithe a cheangal, ar choinníoll gur féidir leis an bhfeithicil gluaiseacht ar feadh 30 lá ar a laghad sula dtiocfaidh na ceanglais sin chun bheith infheidhme. Ba cheart cead a bheith ag na Ballstáit freisin teorainn a chur le líon na bhfeithiclí den sórt sin arna bhfruiliú ag gnóthas atá bunaithe ar a gcríocha faoi seach. Níor cheart go mbeadh an teorainn sin níos ísle ná sciar áirithe den líon feithiclí atá ar fáil don ghnóthas arna ríomh gan feithiclí arna bhfruiliú i mBallstát eile agus gan a bheith cláraithe i mBallstát bunaíochta an ghnóthais a áireamh.

(8)

Chun forfheidhmiú srian ag Ballstát, ar úsáid feithiclí fruilithe ag gnólacht arna bhunú ar a chríoch, ar feithiclí fruilithe iad a cláraíodh nó a cuireadh i gcúrsaíocht, a fheabhsú, i gcomhréir le dlíthe Ballstáit eile, ba cheart cead a bheith ag an mBallstát bunaíochta a cheangal nach mbeidh fad an chonartha fruilithe níos faide ná an fad ama a cheadaítear chun an fheithicil lena mbaineann a úsáid. Is féidir an bhailíocht a ghabhann le cóipeanna dílse deimhnithe den cheadúnas Comhphobail arna n-eisiúint i gcomhréir le Rialachán (CE) Uimh. 1072/2009 a theorannú don tréimhse a chomhfhreagraíonn d’fhad an chonartha fruilithe. Is féidir freisin cláruimhir na feithicle fruilithe a chur in iúl ar na cóipeanna dílse deimhnithe sin.

(9)

Níor cheart, trí fheithiclí fruilithe a chur i gcúrsaíocht, bac a chur ar an bhfaireachán agus an rialú a dhéantar ar dhlíthiúlacht na n-oibríochtaí iompair arna ndéanamh ag gnóthais i mBallstáit seachas a mBallstát bunaíochta. I gcomhréir le Rialachán (CE) Uimh. 1071/2009 ó Pharlaimint na hEorpa agus ón gComhairle (6), tá na huimhreacha clárúcháin feithiclí atá ar fáil do ghnóthas iompair le bheith i gcláir leictreonacha náisiúnta. Ba cheart a áireamh leis sin freisin aon fheithiclí arna bhfruiliú i mBallstát seachas i mBallstát bunaíochta an ghnóthais. Foráiltear le Rialachán (CE) Uimh. 1071/2009 freisin d’inrochtaineacht na sonraí atá sna cláir leictreonacha náisiúnta ag údaráis inniúla Ballstát eile. Ba cheart a bheith in ann cuardaigh spriocdhírithe a dhéanamh sna cláir leictreonacha náisiúnta maidir le feithiclí a bhfuil cláruimhreacha acu arna n-eisiúint ag Ballstáit seachas an Ballstát bunaíochta.

(10)

Chun a áirithiú go gcomhlíonfar an oibleagáid cláruimhir feithicle fruilithe arna húsáid ag gnóthas a ghabhann d’iompar earraí de bhóthar ar fruilliú nó ar luaíocht a iontráil sna cláir leictreonacha náisiúnta ar bhealach aonfhoirmeach, ba cheart cumhachtaí cur chun feidhme a thabhairt don Choimisiún a bhaineann leis na híoscheanglais maidir leis na sonraí atá le clárú sna cláir leictreonacha náisiúnta. Ba cheart na cumhachtaí sin a fheidhmiú i gcomhréir le Rialachán (AE) Uimh. 182/2011 ó Pharlaimint na hEorpa agus ón gComhairle (7).

(11)

Chun gur féidir oibríochtaí iompair ar a gcuntas féin a dhéanamh ar bhonn níos éifeachtúla, níor cheart cead a bheith ag na Ballstáit a thuilleadh srian a chur leis an bhféidearthacht feithiclí fruilithe a úsáid faoi chomhair oibríochtaí den sórt sin. Mar sin féin, chun saincheisteanna fioscacha a d’fhéadfadh a bheith ann a sheachaint, ba cheart an fhéidearthacht arb í srian a chur le húsáid feithiclí fruilithe faoi chomhair oibríochtaí iompair ar a gcuntas féin a choimeád d’fheithicil atá cláraithe lasmuigh de Bhallstát bunaíochta an ghnóthais a bhfuil feithiclí á n-úsáid aige.

(12)

Ba cheart don Choimisiún faireachán a dhéanamh ar chur chun feidhme agus iarmhairtí Threoir 2006/1/CE agus tuarascáil a tharraingt suas 4 bliana i ndiaidh dháta thrasuí na Treorach seo ar a dhéanaí. Ba cheart aird chuí a thabhairt sa tuarascáil sin ar thionchar na Treorach seo ar shábháilteacht ar bhóithre, ar an gcomhshaol trí thagairt d’athruithe ar aois agus ar chineál-chomhdhéanamh na gcabhlach feithiclí, agus ar ioncaim chánach, ag féachaint go háirithe don údar atá leis na srianta dá bhforáiltear sa Treoir seo. Ba cheart a mheas sa tuarascáil freisin an raibh deacrachtaí i ndáil le forfheidhmiú na Treorach seo ag baint lena cur chun feidhme, forfheidhmiú rialacha cabatáiste san áireamh. I bhfianaise na tuarascála sin, ba cheart don Choimisiún a mheas an gá gníomhaíocht a dhéanamh sa réimse sin amach anseo.

(13)

Ós rud é nach féidir leis na Ballstáit cuspóirí na Treorach seo a ghnóthú go leordhóthanach agus, de bharr nádúr trasteorann an iompair de bhóthar agus na saincheisteanna ar de chúram na Treorach seo iad, gur fearr is féidir iad a ghnóthú ar leibhéal an Aontais, féadfaidh an tAontas bearta a ghlacadh, i gcomhréir le prionsabal na coimhdeachta a leagtar amach in Airteagal 5 den Chonradh ar an Aontas Eorpach. I gcomhréir le prionsabal na comhréireachta a leagtar amach san Airteagal sin, ní théann an Treoir seo thar a bhfuil riachtanach chun na cuspóirí sin a ghnóthú.

(14)

Ba cheart, dá bhrí sin, Treoir 2006/1/CE a leasú dá réir,

(1)

leasaítear Airteagal 2 mar a leanas:

(2)

cuirtear an méid seo a leanas in ionad Airteagal 3:

(3)

cuirtear an tAirteagal seo a leanas isteach:

(*3)  Rialachán Cur Chun Feidhme (AE) 2016/480 ón gCoimisiún an 1 Aibreán 2016 lena mbunaítear rialacha comhchoiteanna a bhaineann le hidirnascadh na gclár leictreonach náisiúnta ar ghnóthais iompair de bhóthar agus lena leasaítear Rialachán (AE) Uimh 1213/2010 (IO L 87, 2.4.2016, lch. 4)."

(*4)  Rialachán (AE) 2016/679 ó Pharlaimint na hEorpa agus ón gComhairle an 27 Aibreán 2016 maidir le daoine nádúrtha a chosaint i ndáil le sonraí pearsanta a phróiseáil agus maidir le saorghluaiseacht sonraí den sórt sin, agus lena n-aisghairtear Treoir 95/46/CE (An Rialachán Ginearálta maidir le Cosaint Sonraí) (IO L 119, 4.5.2016, lch. 1)."

(*5)  Treoir 2006/22/CE ó Pharlaimint na hEorpa agus ón gComhairle an 15 Márta 2006 maidir le coinníollacha íosta le haghaidh chur chun feidhme Rialacháin (CE) Uimh. 561/2006 agus (AE) Uimh.165/2014 agus Treoir 2002/15/CE a mhéid a bhaineann le reachtaíocht shóisialta a bhaineann le gníomhaíochtaí iompair de bhóthar, agus lena n-aisghairtear Treoir 88/599/CEE ón gComhairle (IO L 102, 11.4.2006, lch. 35).”."

(4)

cuirtear na hAirteagail seo a leanas isteach:

(*6)  Rialachán (AE) Uimh. 165/2014 ó Pharlaimint na hEorpa agus ón gComhairle an 4 Feabhra 2014 maidir le tacagraif in iompar de bhóthar, lena n-aisghairtear Rialachán (CEE) Uimh. 3821/85 ón gComhairle maidir le trealamh taifeadta in iompar de bhóthar agus lena leasaítear Rialachán (CE) Uimh. 561/2006 ó Pharlaimint na hEorpa agus ón gComhairle maidir le comhchuibhiú reachtaíochta sóisialta áirithe a bhaineann le hiompar de bhóthar (IO L 60, 28.2.2014, lch. 1)."

(*7)  Rialachán (AE) Uimh. 182/2011 ó Pharlaimint na hEorpa agus ón gComhairle an 16 Feabhra 2011 lena leagtar síos na rialacha agus na prionsabail ghinearálta a bhaineann leis na sásraí maidir le rialú ag na Ballstáit ar fheidhmiú cumhachtaí cur chun feidhme ag an gCoimisiún (IO L 55, 28.2.2011, lch. 13).”."