“3.   Tacóidh EUTM Somalia, go háirithe, le forbairt an Chórais Oiliúna atá faoi úinéireacht na Somáile d’fhonn freagracht as an oiliúint a thabhairt de réir a chéile do SNAF, i bprionsabal, faoi dheireadh 2024. Déanfaidh EUTM Somalia meantóireacht ar an oiliúint atá faoi úinéireacht na Somáile agus a chuireann an tSomáil ar fáil agus coinneoidh sé a acmhainneacht chun na haonaid atá oilte aige a rianú agus a mheasúnú.”;

“3a.   Cuirfidh EUTM Somalia tacaíocht ar fáil freisin, de réir mar is gá agus laistigh dá acmhainní agus dá chumais, do ghníomhaithe eile de chuid an Aontais agus a sainorduithe faoi seach á gcur chun feidhme acu i réimse na slándála agus na cosanta sa tSomáil, go háirithe do EUCAP Somalia, arna bhunú le Cinneadh 2014/389/CBES ón gComhairle (*1), maidir le hidir-inoibritheacht idir SNAF agus fórsaí póilíneachta na Somáile. Thairis sin, déanfaidh EUTM Somalia tacaíocht a chuirtear ar fáil leis an tSaoráid Eorpach Síochána a éascú, arna bhunú le Cinneadh 2021/509/CBES ón gComhairle (*2), go háirithe trí chomhairle a chur ar SNAF maidir leis an gcúnamh a éilítear a shainaithint, mar aon leis an tSeirbhís Eorpach Gníomhaíochta Seachtraí agus na Ballstáit maidir leis an gcúnamh sin a thabhairt.

“1.   Riarfar costais choiteanna mhisean míleata an Aontais i gcomhréir le Cinneadh (CBES) 2021/509.”;

“9.   EUR 29 802 052 a bheidh sa mhéid tagartha airgeadais le haghaidh na gcostas coiteann a bhaineann le misean míleata an Aontais ar feadh na tréimhse ón 1 Eanáir 2023 go dtí an 31 Nollaig 2024. 0 % a bheidh sa chéatadán den mhéid tagartha sin dá dtagraítear in Airteagal 51(2) de Chinneadh (CBES) 2021/509 do ghealltanais, agus 0 % a bheidh sa chéatadán d'íocaíochtaí.”;