13.12.2022 |
GA |
Iris Oifigiúil an Aontais Eorpaigh |
L 319/84 |
CINNEADH (CBES) 2022/2443 ÓN gCOMHAIRLE
an 12 Nollaig 2022
lena leasaítear Cinneadh 2010/96/CBES maidir le misean míleata de chuid an Aontais Eorpaigh chun rannchuidiú le hoiliúint a chur ar fhórsaí slándála na Somáile
TÁ COMHAIRLE AN AONTAIS EORPAIGH,
Ag féachaint don Chonradh ar an Aontas Eorpach, agus go háirithe Airteagail 42(4) agus 43(2) de,
Ag féachaint don togra ó Ardionadaí an Aontais do Ghnóthaí Eachtracha agus don Bheartas Slándála,
De bharr an mhéid seo a leanas:
(1) |
An 15 Feabhra 2010, ghlac an Chomhairle Cinneadh 2010/96/CBES (1), lena mbunaítear misean míleata de chuid an Aontais Eorpaigh chun rannchuidiú le hoiliúint a chur ar fhórsaí slándála na Somáile (EUTM Somalia). |
(2) |
An 10 Nollaig 2020, ghlac an Chomhairle Cinneadh (CBES) 2020/2032 (2), lena gcuirtear síneadh le sainordú EUTM Somalia go dtí an 31 Nollaig 2022. |
(3) |
I gcomhthéacs an Athbhreithnithe Straitéisigh Iomlánaigh ar rannpháirtíocht CBSC sa tSomáil agus i gCorn na hAfraice, mhol an Coiste Polaitiúil agus Slándála go gcuirfí síneadh breise le sainordú EUTM Somalia go dtí an 31 Nollaig 2024. |
(4) |
Ba cheart Cinneadh 2010/96/CBES a leasú dá réir, |
TAR ÉIS AN CINNEADH SEO A GHLACADH:
Airteagal 1
Leasaítear Cinneadh 2010/96/CBES mar a leanas:
(1) |
Leasaítear Airteagal 1 mar a leanas:
|
(2) |
leasaítear Airteagal 10 mar a leanas:
|
(3) |
in Airteagal 12, cuirtear an méid seo a leanas in ionad mhíreanna 2 agus 3: “2. Cuirfear deireadh le sainordú mhisean míleata an Aontais an 31 Nollaig 2024. 3. Déanfar an Cinneadh seo a aisghairm amhail ó dháta dúnta Cheanncheathrú an Aontais, na hoifige idirchaidrimh agus tacaíochta in Nairobi agus na cille tacaíochta sa Bhruiséil, i gcomhréir leis na pleananna arna bhformheas chun misean míleata an Aontais a fhoirceannadh, agus gan dochar do na nósanna imeachta maidir le cuntais mhisean míleata an Aontais a iniúchadh agus a thíolacadh, a leagtar síos i gCinneadh (CBES) 2021/509.”. |
Airteagal 2
Tiocfaidh an Cinneadh seo i bhfeidhm ar dháta a ghlactha.
Arna dhéanamh sa Bhruiséil, an 12 Nollaig 2022.
Thar ceann na Comhairle
An tUachtarán
J. BORRELL FONTELLES
(1) Cinneadh 2010/96/CBES ón gComhairle an 15 Feabhra 2010 maidir le misean míleata de chuid an Aontais Eorpaigh chun cuidiú le hoiliúint Fhórsaí Slándála na Somáile (IO L 44, 19.2.2010, lch. 16).
(2) Cinneadh (CBES) 2020/2032 ón gComhairle an 10 Nollaig 2020 lena leasaítear Cinneadh 2010/96/CBES maidir le Misean Míleata de chuid an Aontais Eorpaigh chun rannchuidiú le hoiliúint fhórsaí slándála na Somáile (IO L 419, 11.12.2020, lch. 28).