CINNEADH (AE) 2022/2071 ÓN mBANC CEANNAIS EORPACH

an 20 Deireadh Fómhair 2022

on maidir le forálacha idirthréimhseacha do chur i bhfeidhm na gcúlchistí íosta ag an mBanc Ceannais Eorpach tar éis an euro a thabhairt isteach sa Chróit (BCE/2022/36)

TÁ BORD FEIDHMIÚCHÁIN AN BHAINC CHEANNAIS EORPAIGH,

Ag féachaint do Reacht an Chórais Eorpaigh Banc Ceannais agus an Bhainc Cheannais Eorpaigh agus go háirithe Airteagal 19.1 agus an chéad fhleasc d’Airteagal 46.2 de,

Ag féachaint do Rialachán (CE) Uimh. 2531/98 ón gComhairle an 23 Samhain 1998 maidir le cur i bhfeidhm na gcúlchistí íosta ag an mBanc Ceannais Eorpach (1),

Ag féachaint do Rialachán (CE) Uimh. 2532/98 ón gComhairle an 23 Samhain 1998 maidir le cumhachtaí an Bhainc Cheannais Eorpaigh smachtbhannaí a fhorchur (2),

Ag féachaint do Rialachán (CE) Uimh. 2533/98 ón gComhairle an 23 Samhain 1998 maidir le bailiú na faisnéise staidrimh ag an mBanc Ceannais Eorpach (3), agus go háirithe Airteagal 5(1) agus 6(4) de,

Ag féachaint do Rialachán (AE) 2021/378 ón mBanc Ceannais Eorpach an 22 Eanáir 2021 maidir le cur i bhfeidhm ceanglas cúlchiste íosta (BCE/2021/1) (4),

Ag féachaint do Rialachán (AE) 2021/379 ón mBanc Ceannais Eorpach an 22 Eanáir 2021 maidir le hítimí chlár comhardaithe institiúidí creidmheasa agus earnáil na n-institiúidí airgeadais airgeadaíochta (BCE/2021/2) (5),

De bharr an méid seo a leanas:

(1)	Toisc gur ghlac an Chróit leis an euro an 1 Eanáir 2023, beidh institiúidí atá lonnaithe sa Chróit faoi réir ceanglas cúlchiste íosta ón dáta sin, i gcómhréir le Rialacháin (AE) 2021/378 (BCE/2021/1).

(2)	Le comhtháthú na n-eintiteas seo i gcóras cúlchiste íosta an Eurochórais, tá gá le forálacha idirthréimhseacha a ghlacadh d’fhonn a gcomhtháthú rianúil a chinntiú gan ualach díréireach a chruthú d’institiúidí i mBallstáit a bhfuil an euro mar airgeadra acu, an Chróit san áireamh.

(3)

Airteagal 5 de Reacht an Chórais Eorpaigh Banc Ceannais agus an Bhainc Cheannais Eorpaigh, tugtar le tuiscint go mbailíonn an BCE, le cúnamh ó na bainc cheannais náisiúnta, an fhaisnéis staidrimh riachtanach ó na húdaráis náisiúnta inniúla nó go díreach ó ghníomhairí eacnamaíocha chun ullmhúchán tráthúil a chinntiú sa réimse staidreamh i bhfianaise an ghlactha leis an euro ag Ballstát,

TAR ÉIS AN CHINEADH SEO A GHLACADH:

Airteagal 1

Sainmhínithe

Chun críocha an Chinnidh seo, beidh feidhm ag na sainmhínithe in Airteagal 2 de Rialacháin (AE) 2021/378 (BCE/2021/1).

Airteagal 2

Forálacha idirthréimhseacha d’institúidí sa Chróit

1. De mhaolú ó Airteagal 8 de Rialachán (AE) 2021/378 (BCE/2021/1), rithfidh idirthréimhse cothabhála ón 1 Eanáir 2023 go dtí an 7 Feabhra 2023 d’institiúidí atá lonnaithe sa Chróit.

2. Saineofar bonn cúlchiste gach institiúide atá lonnaithe sa Chróit don idirthréimhse chothabhála i ndáil le clár comhardaithe an 31 Deireadh Fómhair 2022. Iarrfaidh Hrvatska narodna banka ar institiúidí atá lonnaithe sa Chróit chun a mbonn cúlchiste do Hrvatska narodna banka de réir Rialacháin (AE) 2021//379 (BCE/2021/2) a thuairisciú. Iarrfaidh Hrvatska narodna banka ar institiúidí atá lonnaithe sa Chróit a bhaineann leas as an maolú faoi Airteagal 9(1) nó (2) nó Airteagal 9(5), pointe (a) de Rialachán (AE) 2021//379 (BCE/2021/2) bonn cúlchiste don idirthréimhse chothabhála a ríomh ar bhonn a gclár comhardaithe amhail an 30 Meán Fómhair 2022.

3. Maidir leis an idirthréimhse chothabhála, ríomhfaidh institiúid atá lonnaithe sa Chróit nó Hrvatska narodna banka cúlchistí íosta na hinstitiúide sin. Déanfaidh an páirtí a ríomhann na cúlchistí íosta a ríomh a chur faoi bhráid an pháirtí eile ionas go dtabharfar dóthain ama don pháirtí sin é a fhíorú agus athbhreithnithe a chur isteach. Deimhneoidh an dá pháirtí na cúlchistí íosta arna ríomh, lena n-áirítear aon athbhreithnithe orthu, an 20 Nollaig 2022 ar a dhéanaí. Mura ndeimhníonn an páirtí dá dtugtar fógra méid na gcúlchistí íosta faoin 20 Nollaig 2022, measfar gur admhaigh sé go bhfuil feidhm ag an méid arna ríomh don idirthréimhse cothabhála.

4. Beidh feidhm ag Airteagal 3(2) go (4) de Chinneadh seo mutatis mutandis d’institiúidí atá lonnaithe sa Chróit ionas go bhféadfaidh na hinstitiúidí sin, ar feadh a dtréimhsí cothabhála tosaigh, aon dliteanais atá dlite d’institiúidí sa Chróit a asbhaint óna mboinn chúlchistí, cé nach mbeidh, tráth a ríomhfar na cúlchistí íosta, na hinstitiúidí sin ar liosta na n-institiúidí atá faoi réir ceanglas cúlchiste íosta dá dtagraítear in Airteagal 3(3) de Rialachán (AE) 2021/378 (BCE/2021/1).

Airteagal 3

Forálacha idirthréimhseacha d’institúidí atá lonnaithe i mBallstáit eile a bhfuil an euro mar airgeadra acu

1. Ní bheidh aon tionchar ag an tréimhse chothabhála is infheidhme ar institiúidí atá lonnaithe i mBallstáit eile a bhfuil an euro mar airgeadra acu, de bhun Airteagal 8 de Rialachán (AE) 2021/378 (BCE/2021/1) de bharr na hidirthréimhse chothabhála a bheidh i bhfeidhm d’institiúidí atá lonnaithe sa Chróit.

2. Féadfaidh institiúidí atá lonnaithe i mBallstáit eile a bhfuil an euro mar airgeadra acu cinneadh a dhéanamh aon dliteanais atá dlite ar institiúidí atá lonnaithe sa Chróit a asbhaint óna mboinn chúlchiste do na tréimhsí cothabhála ón 21 Nollaig 2022 go dtí an 7 Feabhra 2023 agus ón 8 Feabhra go dtí an 21 Márta 2023 cé nach mbeidh, tráth a ríomhfar na cúlchistí íosta, na hinstitiúidí sin ar liosta na n-institiúidí atá faoi réir ceanglas cúlchiste íosta a luaitear in Airteagal 3(3) de Rialachán (AE) 2021/378 (BCE/2021/1).

3. Beidh institiúidí atá lonnaithe i mBallstáit eile a bhfuil an euro mar airgeadra acu a mbeartú dliteanais atá dlite d’institiúidí atá lonnaithe sa Chróit a asbhaint de bhun fomhír 2, ar feadh na dtréimhsí cothabhála ón 21 Nollaig 2022 go dtí an 7 Feabhra 2023 agus ón 8 Feabhra go dtí an 21 Márta 2023, a gcúlchistí íosta a ríomh ar bhonn a gclár comhardaithe an 31 Deireadh Fómhair 2022 agus an 31 Nollaig 2022 faoi seach agus tuairisceoidh siad faisnéis staidrimh de réir Chuid 1 d’Iarscríbhinn III a ghabhann le Rialachán (AE) 2021/379 (BCE/2021/2) a lena dtaispeánfar institiúidí atá lonnaithe sa Chróit mar institiúidí atá faoi réir córas cúlchiste íosta an BCE cheana féin.

Beidh sé seo gan dochar don oibleagáid ar institiúidí faisnéis staidrimh a thuairisciú do na tréimhsí lena mbaineann de réir Cuid 2 de Thábla 1 d’Iarscríbhinn I a ghabhann le Rialachán (AE) 2021/379 (BCE/2021/2), ina dtaispeánfar fós na hinstitiúidí atá lonnaithe sa Chróit mar bhainc atá lonnaithe sa “Chuid eile den domhan”.

Tabharfar tuairisc ar na táblaí de réir na dteorainneacha ama agus na nósanna imeachta atá leagtha síos i Rialachán (AE) 2021/379 (BCE/2021/2).

4. Maidir leis na tréimhsí cothabhála a thosóidh i Nollaig 2022 agus Feabhra 2023, déanfaidh institiúidí atá lonnaithe i mBallstáit eile a bhfuil an euro mar acu agus a bhaineann leas as an maolú faoi Airteagal 9(1) nó (2) nó Airteagal 9(5), pointe (a), de Rialachán (AE) 2021/379 (BCE/2021/2) agus socríonn leo dliteanais atá dlite d’institiúidí atá lonnaithe sa Chróite a asbhaint de bhun fomhír 2, beidh a gcuid cúlchistí íosta a ríomh ar bhonn a gclár comhardaithe an 30 Meán Fómhair 2022 agus tuairisceoidh siad faisnéis staidrimh de réir Chuid 1 d’Iarscríbhinn III a ghabhann le Rialachán (AE) 2021/379 (BCE/2021/2) ina dtaispeánfar institiúidí atá lonnaithe sa Chróit mar institiúidí atá faoi réir córas cúlchiste íosta an BCE cheana féin.

Maidir leis na tréimhsí cothabhála a thosóidh i Márta agus Bealtaine 2023, déanfaidh institiúidí atá lonnaithe i mBallstáit eile a bhfuil an euro mar acu agus a bhaineann leas as an maolú faoi Airteagal 9(1) nó (2) nó Airteagal 9(5), pointe (a), de Rialachán (AE) 2021/379 (BCE/2021/2) agus socríonn leo dliteanais atá dlite d’institiúidí atá lonnaithe sa Chróite a asbhaint de bhun fomhír 2, beidh a gcuid cúlchistí íosta a ríomh ar bhonn a gclár comhardaithe an 31 Meán Nollaig 2022 agus tuairisceoidh siad faisnéis staidrimh de réir Chuid 1 d’Iarscríbhinn III a ghabhann le Rialachán (AE) 2021/379 (BCE/2021/2) ina dtaispeánfar institiúidí atá lonnaithe sa Chróit mar institiúidí atá faoi réir córas cúlchiste íosta an BCE cheana féin.

Beidh sé seo gan dochar don oibleagáid ar institiúidí faisnéis staidrimh a thuairisciú do na tréimhsí lena mbaineann de réir Tábla 1 i Cuid 2 d’Iarscríbhinn I a ghabhann le Rialachán (AE) 2021/379 (BCE/2021/2), ina dtaispeánfar fós na hinstitiúidí atá lonnaithe sa Chróit mar bhainc atá lonnaithe sa “Chuid eile den domhan”.

Tabharfar tuairisc ar an bhfaisnéis staidrimh de réir na dteorainneacha ama agus na nósanna imeachta atá leagtha síos i Rialachán (AE) 2021/379 (BCE/2021/2).

Airteagal 4

Forálacha críochnaitheacha

1. Tiocfaidh an Treoirlíne seo in éifeacht an lá a thabharfar fógra do na seolaithe.

2. Beidh feidhm aige ón 1 Samhain 2022.

3. Gan forálacha speisialta a bheith ann sa Chinneadh seo, beidh feidhm ag na forálacha sna Rialacháin (AE) 2021/378 (BCE/2021/1) and (AE) 2021/379 (BCE/2021/2).

Airteagal 5

Seolaithe

Tá an Cinneadh seo dírithe ar Hrvatska narodna banka, institiúidí atá lonnaithe sa Chróit agus institiúidí atá lonnaithe i mBallstáit eile a bhfuil an euro mar airgeadra acu.

Arna dhéanamh in Frankfurt am Main, an 20 Deireadh Fómhair 2022.

Uachtarán BCE

Christine LAGARDE

(1) IO L 318, 27.11.1998, lch. 1.

(2) IO L 318, 27.11.1998, lch. 4.

(3) IO L 318, 27.11.1998, lch. 8.

(4) IO L 73, 3.3.2021, lch. 1.

(5) IO L 73, 3.3.2021, lch. 16.