1.   Beidh na grúpaí comhdhéanta d’eagraíochtaí páirtithe leasmhara, seachas eintitis phoiblí, arb eagraíochtaí iad a oibreoidh ar leibhéal an Aontais sna réimsí dá dtagraítear in Airteagal 1.

2.   Ainmneoidh eagraíochtaí is comhaltaí a n-ionadaí chun freastal ar chruinnithe na ngrúpaí de réir na n-ítimí atá ar an gclár oibre. D’fhéadfadh níos mó ná ionadaí amháin a bheith ina n-ionadaithe d’eagraíochtaí dá mba rud é go dtabharfadh an Cathaoirleach sin le fios. Beidh ceart vótála amháin ag gach eagraíocht, beag beann ar líon na n-ionadaithe.

3.   Beidh eagraíochtaí is comhaltaí freagrach as a áirithiú go gcuirfidh a n-ionadaithe ardleibhéal saineolais ar fáil.

4.   Eagraíochtaí is comhaltaí nach bhfuil ar a gcumas rannchuidiú go héifeachtach a thuilleadh le pléití an ghrúpa saineolaithe, ar eagraíochtaí iad nach gcomhlíonann, i dtuairim AS AGRI, na coinníollacha a leagtar amach in Airteagal 339 den Chonradh ar Fheidhmiú an Aontais Eorpaigh nó a d’éirigh as oifig, ní iarrfar orthu a thuilleadh a bheith rannpháirteach in aon chruinniú den ghrúpa agus féadfar iad a ionadú ar feadh a bhfuil fágtha dá dtéarma oifige.

1.   Déanfar na heagraíochtaí is comhaltaí a roghnú trí bhíthin glao poiblí ar iarratais a fhoilseofar ar an gClár de Ghrúpaí Saineolaithe an Choimisiúin agus d’eintitis eile den saghas céanna (“an Clár de ghrúpaí saineolaithe”). Thairis sin, féadfar an glao ar iarratais a fhoilsiú ar mhodhanna eile, lena n-áirítear ar shuíomhanna gréasáin tiomanta. Sa ghlao ar iarratais, leagfar amach go soiléir na critéir roghnúcháin, lena n-áirítear an saineolas is gá agus na leasanna a ndéanfar ionadaíocht orthu i ndáil leis an obair atá le déanamh. Is é 4 seachtaine an sprioc-am is giorra le haghaidh iarratas.

2.   Is gá d’eagraíochtaí páirtithe leasmhara clárú sa Chlár Trédhearcachta chun go gceapfar mar chomhaltaí iad.

3.   Is é Ard-Stiúrthóir DG AGRI a cheapfaidh na heagraíochtaí páirtithe leasmhara i measc iarratasóirí a bhfuil inniúlacht agus leibhéal ard saineolais acu sna réimsí dá dtagraítear in Airteagal 1, agus an cumas comhairle a thabhairt i gcomhréir le hAirteagal 2 agus a d’fhreagair an glao poiblí ar iarratais.

4.   Ceapfar eagraíochtaí páirtithe leasmhara ar feadh téarma oifige 5 bliana. Féadfar a dtéarma oifige a athnuachan.

1.   Gníomhóidh na grúpaí ar iarraidh ó AS AGRI, i gcomhréir leis na rialacha cothrománacha.

2.   Tionólfar cruinnithe na ngrúpaí, i bprionsabal, go fíorúil nó ar áitreabh an Choimisiúin, ag brath ar na himthosca.

3.   Cuirfidh DG AGRI seirbhísí rúnaíochta ar fáil. Féadfaidh oifigigh an Choimisiúin ó ranna eile a bhfuil leas acu sna himeachtaí freastal ar chruinnithe na ngrúpaí agus a bhfoghrúpaí.

4.   I gcomhaontú le DG AGRI, féadfaidh gach grúpa a chinneadh, trí thromlach simplí dá chomhaltaí, go mbeidh a chuid pléití oscailte don phobal.

5.   Na miontuairiscí ar an bplé a dhéanfar ar gach pointe ar an gclár agus ar na tuairimí, na moltaí nó na tuarascálacha arna seachadadh ag gach grúpa, beidh siad fóinteach agus iomlán. Dréachtóidh an rúnaíocht na miontuairiscí faoi fhreagracht an Chathaoirligh.

6.   A mhéid is féidir, is de chomhthoil a ghlacfaidh na grúpaí a dtuairimí, a mholtaí nó a thuarascálacha. I gcás vóta, cinnfear toradh na vótála trí thromlach simplí de na comhaltaí. Beidh sé de cheart ag na comhaltaí a chaith vóta freasúra nó a staon ó vótáil go ndéanfaí na cúiseanna lena seasamh a dhoiciméadú i gceangal leis na tuairimí, na moltaí nó na tuarascálacha.

1.   Féadfaidh AS AGRI fo-ghrúpaí a bhunú chun scrúdú a dhéanamh ar shaincheisteanna ar bhonn na dtéarmaí tagartha arna sainiú ag DG AGRI. Feidhmeoidh na foghrúpaí i gcomhréir leis na rialacha cothrománacha agus tuairisceoidh siad don ghrúpa. Déanfar iad a lánscor a luaithe a chomhlíonfar a sainordú.

2.   Comhaltaí de na foghrúpaí nach comhaltaí den ghrúpa iad, roghnófar iad trí ghlao poiblí ar iarratais, i gcomhréir le hAirteagal 4 agus leis na rialacha cothrománacha.

1.   Féadfar stádas breathnóra a bhronnadh ar dhaoine aonair, ar eagraíochtaí, lena n-áirítear eagraíochtaí páirtithe leasmhara, chomh maith le heintitis phoiblí nach iad údaráis na mBallstát, trí chuireadh díreach a chur orthu i gcomhréir leis na rialacha cothrománacha.

2.   Ainmneoidh eagraíochtaí agus eintitis a cheaptar mar bhreathnóirí a n-ionadaithe.

3.   Féadfaidh an Cathaoirleach cead a thabhairt do bhreathnóirí agus dá n-ionadaithe a bheith rannpháirteach i bpléití an ghrúpa agus a fhoghrúpaí agus saineolas a sholáthar. Ní bheidh aon cheart vótála acu, áfach, agus ní ghlacfaidh siad páirt i bhfoirmliú na moltaí ná ní chuirfidh siad comhairle ar na grúpaí ná ar a gcuid fo-ghrúpaí.

1.   Clárófar na grúpaí agus a bhfoghrúpaí ar an gClár de Ghrúpaí Saineolaithe.

2.   A mhéid a bhaineann le comhdhéanamh na ngrúpaí agus na bhfo-ghrúpaí, foilseofar na sonraí seo a leanas sa Chlár de ghrúpaí saineolaithe:

3.   Cuirfear gach doiciméad ábhartha, lena n-áirítear na cláir oibre, na miontuairiscí agus aighneachtaí na rannpháirtithe ar fáil ar an gClár de ghrúpaí saineolaithe nó trí nasc ón gClár chuig suíomh gréasáin, inar féidir an fhaisnéis sin a fháil. Ní bheidh rochtain ar shuíomhanna gréasáin tiomanta coinníollach ar chlárú úsáideoirí ná ar aon srian eile. Go sonrach, foilseofar an clár oibre agus doiciméid chúlra ábhartha eile in am trátha roimh an gcruinniú, agus foilseofar na miontuairiscí go tráthúil ina dhiaidh sin. Ní fhéadfar eisceachtaí ó fhoilsiú a dhéanamh ach i gcás ina meastar go ndéanfadh nochtadh doiciméid dochar do chosaint leasa phoiblí nó phríobháidigh mar a shainítear in Airteagal 4 de Rialachán (CE) Uimh. 1049/2001 ó Pharlaimint na hEorpa agus ón gComhairle (8).

1.   Ní íocfar rannpháirtithe i ngníomhaíochtaí na ngrúpaí agus na bhfoghrúpaí as na seirbhísí a chuireann siad ar fáil.

2.   Aisíocfaidh an Coimisiún na costais taistil agus chothaithe a thabhóidh rannpháirtithe i ngníomhaíochtaí na ngrúpaí agus na bhfoghrúpaí, seachas nuair a dhéanfar freastal fíorúil ar na gníomhaíochtaí. Déanfar an aisíocaíocht i gcomhréir leis na forálacha atá i bhfeidhm laistigh den Choimisiún agus laistigh de theorannacha na leithreasuithe atá ar fáil arna leithdháileadh ar ranna an Choimisiúin faoin nós imeachta bliantúil chun acmhainní a leithdháileadh.