|
22.6.2022 |
GA |
Iris Oifigiúil an Aontais Eorpaigh |
L 166/130 |
CINNEADH (AE) 2022/967 ÓN gCOMHAIRLE
an 13 Meitheamh 2022
maidir leis an seasamh atá le glacadh, thar ceann an Aontais Eorpaigh, sa Chomhairle Comhlachais a bunaíodh leis an gComhaontú Comhlachais idir an tAontas Eorpach agus an Comhphobal Eorpach do Fhuinneamh Adamhach agus a mBallstáit, de pháirt, agus Poblacht na Moldóive, den pháirt eile, a mhéid a bhaineann le Clár Oibre Comhlachais AE-Poblacht na Moldóive a ghlacadh
TÁ COMHAIRLE AN AONTAIS EORPAIGH,
Ag féachaint don Chonradh ar Fheidhmiú an Aontais Eorpaigh, agus go háirithe Airteagal 217 i gcomhar le hAirteagal 218(9) de,
Ag féachaint don togra ón gCoimisiún Eorpach,
De bharr an mhéid seo a leanas:
|
(1) |
Síníodh an Comhaontú Comhlachais idir an tAontas Eorpach agus an Comhphobal Eorpach do Fhuinneamh Adamhach agus a mBallstáit, de pháirt, agus Poblacht na Moldóive, den pháirt eile (1) (“an Comhaontú”), an 27 Meitheamh 2014 agus tháinig sé i bhfeidhm an 1 Iúil 2016. |
|
(2) |
De bhun Airteagal 436(1) den Chomhaontú, tugtar de chumhacht don Chomhairle Comhlachais moltaí a ghlacadh, chun cuspóirí an Chomhaontaithe a bhaint amach. |
|
(3) |
Chun cur i bhfeidhm an Chomhaontaithe a éascú, chomhaontaigh na Páirtithe clár oibre Comhlachais a bhunú d’fhonn sraith tosaíochtaí a sholáthar le haghaidh a gcuid oibre comhpháirtí ar bhonn earnáil ar earnáil. |
|
(4) |
Tá an Chomhairle Comhlachais chun an moladh maidir le Clár Oibre Comhlachais AE-Poblacht na Moldóive 2021-2027 a ghlacadh trí nós imeachta i scríbhinn. |
|
(5) |
Is iomchuí an seasamh atá le glacadh thar ceann an Aontais sa Chomhairle Comhlachais a bhunú, ós rud é go mbeidh Clár Oibre Comhlachais AE-Poblacht na Moldóive 2021-2027 ina bhonn leis an gclársceidealú faoin Ionstraim um Chomharsanacht, Forbairt agus Comhar Idirnáisiúnta. |
|
(6) |
Dá bhrí sin, ba cheart seasamh an Aontais sa Chomhairle Comhlachais, maidir le Chlár Oibre Comhlachais AE-Poblacht na Moldóive 2021-2027 a ghlacadh, a bheith bunaithe ar an dréachtmholadh ón gComhairle Comhlachas, |
TAR ÉIS AN CINNEADH SEO A GHLACADH:
Airteagal 1
Maidir leis an seasamh atá le glacadh, thar ceann an Aontais Eorpaigh, sa Chomhairle Comhlachais a bunaíodh leis an gComhaontú Comhlachais idir an tAontas Eorpach agus an Comhphobal Eorpach do Fhuinneamh Adamhach agus a mBallstáit, de pháirt, agus Poblacht na Moldóive, den pháirt eile, maidir le Clár Oibre Comhlachais AE-Poblacht na Moldóive 2021-2027 a ghlacadh, beidh sé bunaithe ar an dréachtmholadh ón gComhairle Comhlachais atá i gceangal leis an gCinneadh seo.
Airteagal 2
Tiocfaidh an Cinneadh seo i bhfeidhm ar dháta a ghlactha.
Arna dhéanamh i Lucsamburg, 13 Meitheamh 2022.
Thar ceann na Comhairle
An tUachtarán
M. FESNEAU
DRÉACHT
MOLADH Uimh. ../2022 Ó CHOMHAIRLE COMHLACHAIS AE-POBLACHT NA MOLDÓIVE
an …
maidir leis an gClár Oibre Comhlachais AE-Poblacht na Moldóive
TÁ COMHAIRLE COMHLACHAIS AE-POBLACHT NA MOLDÓIVE,
Ag féachaint don Chomhaontú Comhlachais idir an tAontas Eorpach agus an Comhphobal Eorpach do Fhuinneamh Adamhach agus a mBallstáit, de pháirt, agus Poblacht na Moldóive, den pháirt eile,
De bharr an mhéid seo a leanas:
|
(1) |
Síníodh an Comhaontú Comhlachais idir an tAontas Eorpach agus an Comhphobal Eorpach do Fhuinneamh Adamhach agus a mBallstáit, de pháirt, agus Poblacht na Moldóive, den pháirt eile (1) (‘an Comhaontú’), an 27 Meitheamh 2014 agus tháinig sé i bhfeidhm an 1 Iúil 2016. |
|
(2) |
I gcomhréir le hAirteagal 436(1) den Chomhaontú, tugtar de chumhacht don Chomhairle Comhlachais moltaí a ghlacadh, chun cuspóirí an Chomhaontaithe a bhaint amach. |
|
(3) |
De bhun Airteagal 453(1) den Chomhaontú, tá na Páirtithe chun na bearta ginearálta nó sonracha a dhéanamh is gá chun a n-oibleagáidí faoin gComhaontú a chomhlíonadh agus tá siad le háirithiú go mbaintear amach na cuspóirí a leagtar amach sa Chomhaontú. |
|
(4) |
Le hAirteagal 11 de Rialacha Nós Imeachta na Comhairle Comhlachais, foráiltear maidir leis an bhféidearthacht cinntí a ghlacadh trí nós imeachta i scríbhinn idir na seisiúin má chomhaontaíonn an dá Pháirtí amhlaidh. |
|
(5) |
Chomhaontaigh an tAontas agus Poblacht na Moldóive a gcomhpháirtíocht a chomhdhlúthú trí shraith tosaíochtaí a chomhaontú le haghaidh na tréimhse 2021–2027 i dtaca leis an obair chomhpháirteach chun cuspóirí an chomhlachais pholaitiúil agus na lánpháirtíochta eacnamaíche a bhaint amach mar a leagtar amach sa Chomhaontú. |
|
(6) |
Chomhaontaigh na Páirtithe sa Chomhaontú ar théacs Chlár Oibre Comhlachais AE-Poblacht na Moldóive le haghaidh 2021–2027, rud a bheidh ina thaca le cur chun feidhme an Chomhaontaithe, agus ina ndíreofar ar chomhar maidir le leasanna coiteanna a sainaithníodh go comhpháirteach, |
TAR ÉIS AN MOLADH SEO A GHLACADH:
Airteagal 1
Molann an Chomhairle Comhlachais go gcuirfidh na Páirtithe Clár Oibre Comhlachais AE-Poblacht na Moldóive chun feidhme, mar a leagtar amach san Iarscríbhinn (*1).
Airteagal 2
Cuirfear Clár Oibre Comhlachais AE-Poblacht na Moldóive, mar a leagtar amach san Iarscríbhinn, in ionad Chlár Oibre Comhlachais AE-Poblacht na Moldóive a glacadh an 19 Lúnasa 2017.
Airteagal 3
Tiocfaidh an Moladh seo i bhfeidhm ar dháta a ghlactha.
Arna dhéanamh i/in/sa …,
Thar ceann na Comhairle Comhlachais
An Cathaoirleach
(1) IO AE L 260, 30.8.2014, lch. 4.
(*1) Féach doiciméad St 6701/22 ADD 2 ag https://register.consilium.europa.eu