(1)

I gcomhréir le hAirteagal 13 de Threoir 2014/30/AE ó Pharlaimint na hEorpa agus ón gComhairle (2), trealamh leictreach atá i gcomhréir le caighdeáin chomhchuibhithe nó le codanna de chaighdeáin chomhchuibhithe, caighdeáin ar foilsíodh na tagairtí dóibh in Iris Oifigiúil an Aontais Eorpaigh, glactar leis go bhfuil sé i gcomhréir leis na buncheanglais a leagtar amach in Iarscríbhinn I a ghabhann leis an Treoir chéanna, ceanglais a chumhdaítear faoi na caighdeáin chomhchuibhithe sin nó faoi na codanna sin díobh.

(2)

Trí Chinneadh Cur Chun Feidhme C(2016) 7641 (3), rinne an Coimisiún iarraidh ar an gCoiste Eorpach um Chaighdeánú (CEN), Coiste Eorpach na gCaighdeán Leictriteicniúil (Cenelec), agus Institiúid Eorpach na gCaighdeán Teileachumarsáide (ETSI) caighdeáin chomhchuibhithe maidir le comhoiriúnacht leictreamaighnéadach a dhréachtú agus a athbhreithniú chun tacú le Treoir 2014/30/AE.

(3)

Ar bhonn na hiarrata a leagtar amach i gCinneadh Cur Chun Feidhme C(2016) 7641, rinne Cenelec athbhreithniú ar chaighdeán comhchuibhithe EN IEC 60947-3:2009 agus ar an leasú a rinneadh air, is é sin caighdeán EN IEC 60947-3:2009/A1:2012, maidir le comhoiriúnacht leictreamaighnéadach lasc, dínascóirí, dínascóirí lasc agus aonad comhcheangailte fiúsanna ísealvoltais, caighdeáin ar foilsíodh na tagairtí dóibh le Teachtaireacht (2018/C 246/01) ón gCoimisiún (4).

(4)

Is é an toradh a bhí air sin gur glacadh caighdeán comhchuibhithe EN IEC 60947-3:2021 maidir le lascthrealamh ísealvoltais agus trealamh rialaithe: lasca, dínascóirí, dínascóirí lasc agus aonaid comhcheangailte fiúsanna.

(5)

Rinne an Coimisiún measúnú i gcomhar le Cenelec féachaint an gcomhlíonann caighdeán comhchuibhithe EN IEC 60947-3:2021 an iarraidh a leagtar amach i gCinneadh Cur Chun Feidhme C(2016) 7641.

(6)

Comhlíonann caighdeán comhchuibhithe EN IEC 60947-3:2021 na ceanglais is aidhm dó a chumhdach, ceanglais a leagtar amach i dTreoir 2014/30/AE. Is iomchuí dá bhrí sin an tagairt don chaighdeán comhchuibhithe sin a fhoilsiú in Iris Oifigiúil an Aontais Eorpaigh.

(7)

In Iarscríbhinn I a ghabhann le Cinneadh Cur Chun Feidhme (AE) 2019/1326 ón gCoimisiún (5), liostaítear na tagairtí do na caighdeáin chomhchuibhithe a fhágann go nglactar leis go bhfuil comhréir ann le Treoir 2014/30/AE. Chun a áirithiú gur in aon ghníomh amháin a liostófar na tagairtí do chaighdeáin chomhchuibhithe a dréachtaíodh chun tacú le Treoir 2014/30/AE, ba cheart an tagairt do chaighdeán EN IEC 60947-3:2021 a chuimsiú san Iarscríbhinn sin.

(8)

Dá bhrí sin, na tagairtí do chaighdeán comhchuibhithe EN 60947-3:2009 agus don leasú a rinneadh air, is é sin caighdeán EN IEC 60947-3:2009/A1:2012, is gá na tagairtí sin a tharraingt siar ó Iris Oifigiúil an Aontais Eorpaigh.

(9)

Le litir dar dáta an 15 Samhain 2021, caighdeán comhchuibhithe EN 61204-3:2000 maidir le comhoiriúnacht leictreamaighnéadach soláthairtí cumhachta ísealvoltais, aschur SD, caighdeán ar foilsíodh an tagairt dó le Teachtaireacht (2018/C 246/01), chuir ETSI in iúl don Choimisiún gur caighdeán é lena gcumhdaítear luchtairí a thagann faoi raon feidhme chaighdeán comhchuibhithe EN 301 489-34 V1.4.1. Is é tuairim an Choimisiúin agus ETSI i gcomhar le chéile gur féidir caighdeán comhchuibhithe EN 61204-3:2000 a úsáid in ionad chaighdeáin chomhchuibhithe EN 301 489-34 V1.4.1, ós rud é nach den riachtanas a thuilleadh na ceanglais bhreise chosanta i gcaighdeán EN 301 489-34 V1.4.1 le haghaidh an luchtaire a chosaint ar réimsí a ghinfeadh an fón póca.

(10)

Dá bhrí sin, an tagairt do chaighdeán comhchuibhithe EN 301 489-34 V1.4.1., is gá í a tharraingt siar ó Iris Oifigiúil an Aontais Eorpaigh.

(11)

In Iarscríbhinn II a ghabhann le Cinneadh Cur Chun Feidhme (AE) 2019/1326, liostaítear na tagairtí do na caighdeáin chomhchuibhithe a dréachtaíodh chun tacú le Treoir 2014/30/AE, tagairtí a tarraingíodh siar as sraith C d’Iris Oifigiúil an Aontais Eorpaigh. Dá bhrí sin, na tagairtí do chaighdeán comhchuibhithe EN IEC 60947-3:2009 agus don leasú a rinneadh air, is é sin caighdeán EN IEC 60947-3:2009/A1:2012, maille leis an tagairt do chaighdeán comhchuibhithe EN 301 489-34 V1.4.1, is iomchuí iad a chuimsiú san Iarscríbhinn sin.

(12)

Tarraingt siar na dtagairtí do chaighdeán comhchuibhithe EN IEC 60947-3:2009 agus don leasú a rinneadh air, is é sin caighdeán EN IEC 60947-3:2009/A1:2012, is gá í a chur siar ionas go mbeidh a ndóthain ama ag monaróirí ullmhú do chur i bhfeidhm chaighdeán comhchuibhithe EN IEC 60947-3:2021.

(13)

Ionas go mbeidh a ndóthain ama ag monaróirí ullmhú do chur i bhfeidhm chaighdeán comhchuibhithe EN 61204-3:2000 in ionad chaighdeán comhchuibhithe EN 301 489-34 V1.4.1, is gá tarraingt siar na tagartha do chaighdeán comhchuibhithe EN 301 489-34 V1.4.1 a chur siar.

(14)

Dá bhrí sin, ba cheart Cinneadh Cur Chun Feidhme (AE) 2019/1326 a leasú dá réir.

(15)

Ón dáta a fhoilsítear an tagairt do chaighdeán comhchuibhithe in Iris Oifigiúil an Aontais Eorpaigh, is rud é comhlíonadh an chaighdeáin sin a fhágann go nglactar leis go bhfuil comhréir ann leis na bun-cheanglais chomhfhreagracha a leagtar amach i reachtaíocht chomhchuibhithe an Aontais. Dá bhrí sin, ba cheart an Cinneadh seo a theacht i bhfeidhm lá a fhoilsithe,