(1)

D’fhonn tiomantas seanbhunaithe don Sásra Aontais um Chosaint Shibhialta (‘an Sásra Aontais’) agus rannchuidiú urghnách leis a aithint, foráiltear le Cinneadh Uimh. 1313/2013/AE go bhféadfaidh an Coimisiún boinn a bhronnadh ar na rannpháirtithe ábhartha.

(2)

Chun boinn an tSásra Aontais sin a bhronnadh (‘boinn UCPM’), ba cheart don Choimisiún na critéir agus na nósanna imeachta a leagadh síos maidir le tiomantas seanbhunaithe don Sásra Aontais agus rannchuidiú urghnách leis a aithint.

(3)

I bhfianaise chur chuige trasearnála an chúnaimh a sholáthraítear tríd an Sásra Aontais, ba cheart boinn UCPM a bhronnadh ar shaoránaigh an Aontais agus ar shaoránaigh tríú tíortha, lena n-áirítear pearsanra cosanta sibhialta, pearsanra bainistithe tubaistí, pearsanra míleata na mBallstát, nó pearsanra údarás nó comhlachtaí ábhartha eile de bharr rannchuidiú a tugadh don Sásra Aontais. Féadfar boinn UCPM a bhronnadh ar dhaoine nádúrtha nó ar mhodúil, lena n-áirítear foirne idirghabhála, foirne cúnaimh theicniúil agus tacaíochta (‘TAST’), agus acmhainneachtaí freagartha eile atá cláraithe sa Chomhchóras Cumarsáide agus Faisnéise Éigeandála (‘CECIS’).

(4)

Chun gníomhaíochtaí an timthrialla bainistithe tubaistí ina iomláine a chumhdach, ba cheart gníomhaíochtaí coisctheacha, ullmhachta agus freagartha a chuimsiú sa raon feidhme ábhartha a bhaineann le haitheantas agus urraim a thabhairt do thiomantas seanbhunaithe don Sásra Aontais agus rannchuidiú urghnách leis.

(5)

I gcomhréir le hAirteagal 20a(3) de Chinneadh Uimh. 1313/2013/AE, ba cheart don Choimisiún dhá chineál bhoinn UCPM a bhronnadh: bonn le haghaidh tiomantas seanbhunaithe agus bonn le haghaidh rannchuidiú urghnách. Is gá mar sin critéir incháilitheachta a shainiú maidir le bronnadh an dá chineál bonn.

(6)

Toisc gur tugadh boinn UCPM isteach sa Sásra Aontais le Cinneadh (AE) 2019/420 ó Pharlaimint na hEorpa agus ón gComhairle (2), an tréimhse atá le cur san áireamh chun incháilitheacht fhaighteoirí féideartha bhoinn UCPM a chinntiú, ba cheart í a shocrú agus dáta glactha an Chinnidh á chur san áireamh, eadhon an 21 Márta 2019.

(7)

Ba cheart don Choimisiún agus do na Ballstáit a bheith i dteideal faighteoirí féideartha a ainmniú. Chun meastóireacht a dhéanamh ar fhaighteoirí féideartha, ba cheart don Bhord Bronnta na hainmniúcháin sin a mheasúnú, ar bord é ina mbeidh ionadaithe an Choimisiúin. Ba cheart don Bhord Bronnta teacht le chéile chun moltaí a chur faoi bhráid an Choimisiúin chun cinneadh a dhéanamh faoi bhoinn UCPM.

(8)

Chun urraim a thabhairt do na faighteoirí ar bhealach iomchuí, ba cheart boinn UCPM a bhronnadh ag searmanas foirmiúil, amhail an Fóram Eorpach um Chosaint Shibhialta nó searmanais fhoirmiúla eile ar bhonn ad hoc.

(9)

Chun cuimsiú a áirithiú agus comhionannas a chur chun cinn, ba cheart cothromaíocht inscne agus dáileadh geografach a chur san áireamh agus cinntí á ndéanamh boinn UCPM a bhronnadh.

(10)

Chun trédhearcacht a áirithiú, ba cheart don Choimisiún clár a choinneáil ar bun maidir le boinn UCPM a bhronntar.

(11)

Tá na bearta dá bhforáiltear sa Chinneadh seo i gcomhréir leis an tuairim ón gCoiste um Chosaint Shibhialta dá dtagraítear in Airteagal 33(1) de Chinneadh Uimh. 1313/2013/AE,

(1)

ciallaíonn ‘duine dea-charachtair’ duine nach bhfuil ciontuithe coiriúla aige nó aici roimhe seo;

(2)

ciallaíonn ‘crógacht shármhaith’ misneach eisceachtúil nó diongbháilteacht chróga is mó ná mar a bheifí ag súil leis agus a léiríodh le linn comhraic;

(3)

ciallaíonn ‘éacht iontach inmholta’ leibhéal an-ard éachta, a théann thar a bhfuil gnách nó iondúil.

(a)

rinneadh iad a imscaradh trí huaire ar a laghad in oibríochtaí freagartha faoin Sásra Aontais;

(b)

léirigh siad tiomantas gairmiúil seanbhunaithe do ghníomhaíochtaí coisctheacha nó ullmhachta faoin Sásra Aontais. Glacfar leis na tréimhsí ama a chaith na faighteoirí incháilithe lena mbaineann ar na gníomhaíochtaí sin mar aitheantas dá dtiomantas.

(a)

rinne siad éacht crógachta sármhaithe, éacht fiúntach neamhghnách nó gníomhaíocht a théann thar a bhféadfaí le réasún ag súil leis le linn oibríocht freagartha faoin Sásra Aontais;

(b)

rinne siad éacht fiúntach neamhghnách ar son fhorbairt an tSásra Aontais i gcoitinne.