|
8.4.2022 |
GA |
Iris Oifigiúil an Aontais Eorpaigh |
L 109/67 |
CINNEADH (CBES) 2022/574 ÓN gCOMHAIRLE
an 7 Aibreán 2022
lena leasaítear Cinneadh (CBES) 2017/809 mar thaca le cur chun feidhme Rún 1540 (2004) ó Chomhairle Slándála na Náisiún Aontaithe maidir le neamhleathadh arm ollscriosta agus modhanna a seachadta
TÁ COMHAIRLE AN AONTAIS EORPAIGH,
Ag féachaint don Chonradh ar an Aontas Eorpach, agus go háirithe Airteagal 28(1) agus Airteagal 31(1) de,
Ag féachaint don togra ó Ardionadaí an Aontais do Ghnóthaí Eachtracha agus don Bheartas Slándála,
De bharr an mhéid seo a leanas:
|
(1) |
An 11 Bealtaine 2017, ghlac an Chomhairle Cinneadh (CBES) 2017/809 (1), lena bhforáiltear do thréimhse cur chun feidhme 36 mhí ó dháta thabhairt i gcrích an chomhaontaithe maoinithe dá dtagraítear in Airteagal 3(3) den Chinneadh sin, le haghaidh na dtionscadal dá dtagraítear in Airteagal 1 de. |
|
(2) |
An 16 Meitheamh 2020, ghlac an Chomhairle Cinneadh (CBES) 2020/795 (2) lena leasaítear Cinneadh (CBES) 2017/809 mar thaca le cur chun feidhme Rún 1540 (2004) ó Chomhairle Slándála na Náisiún Aontaithe maidir le neamhleathadh arm ollscriosta agus modhanna a seachadta, trí shíneadh a chur le tréimhse cur chun feidhme an Chinnidh go dtí an 10 Lúnasa 2021. |
|
(3) |
An 21 Meitheamh 2021, ghlac an Chomhairle Cinneadh (CBES) 2021/1025 (3) lena leasaítear Cinneadh (CBES) 2017/809 mar thaca le cur chun feidhme Rún 1540 (2004) ó Chomhairle Slándála na Náisiún Aontaithe maidir le neamhleathadh arm ollscriosta agus modhanna a seachadta, trí shíneadh a chur leis an tréimhse cur chun feidhme go dtí an 25 Aibreán 2022. |
|
(4) |
An 15 Feabhra 2022, d’iarr Oifig na Náisiún Aontaithe um Ghnóthaí Dí-armála (UNODA), atá freagrach as cur chun feidhme teicniúil na dtionscadal dá dtagraítear in Airteagal 1 de Chinneadh (CBES) 2017/809, síneadh 10 mí eile ar thréimhse cur chun feidhme an Chinnidh sin. Chuirfeadh an síneadh atá iarrtha ar chumas UNODA leanúint de chúnamh a chur ar fáil do Bhallstáit na Náisiún Aontaithe a bhfuil Rún 1540 (2004) ó Chomhairle Slándála na Náisiún Aontaithe (“UNSCR 1540”) á chur chun feidhme acu, rannchuidiú a thuilleadh le hathbhreithniú cuimsitheach leanúnach, leanúint de chúnamh a chur ar fáil do Choiste Chomhairle Slándála na Náisiún Aontaithe arna bhunú le UNSCR 1540 go dtí deireadh a shainordaithe a bhfuil síneadh curtha leis go dtí an 30 Samhain 2022, agus na caillteanais a eascraíonn as tionscadail atá fós gan seachadadh de bharr phaindéim COVID-19 a mhaolú. |
|
(5) |
Níl aon impleacht ó thaobh acmhainní airgeadais de le leanúint de na tionscadail dá dtagraítear in Airteagal 1 de Chinneadh (CBES) 2017/809 go dtí an 25 Feabhra 2023. |
|
(6) |
Ba cheart, dá bhrí sin, Cinneadh (CBES) 2017/809 a leasú dá réir sin, |
TAR ÉIS AN CINNEADH SEO A GHLACADH:
Airteagal 1
In Airteagal 5 de Chinneadh (CBES) 2017/809, cuirtear an méid seo a leanas in ionad mhír 2:
“2. Rachaidh an Cinneadh seo in éag an 25 Feabhra 2023.”.
Airteagal 2
Tiocfaidh an Cinneadh seo i bhfeidhm ar dháta a ghlactha.
Arna dhéanamh i Lucsamburg, 7 Aibreán 2022.
Thar ceann na Comhairle
An tUachtarán
J. DENORMANDIE
(1) Cinneadh (CBES) 2017/809 ón gComhairle an 11 Bealtaine 2017 mar thaca le cur chun feidhme Rún 1540 (2004) ó Chomhairle Slándála na Náisiún Aontaithe maidir le neamhleathadh arm ollscriosta agus modhanna a seachadta (IO L 121, 12.5.2017, lch. 39).
(2) Cinneadh (CBES) 2020/795 ón gComhairle an 16 Meitheamh 2020 lena leasaítear Cinneadh (CBES) 2017/809 chun tacú le cur chun feidhme Rún 1540 (2004) ó Chomhairle Slándála na Náisiún Aontaithe maidir le neamhleathadh arm ollscriosta agus modhanna a seachadta (IO L 193, 17.6.2020, lch. 14).
(3) Cinneadh (CBES) 2021/1025 ón gComhairle an 21 Meitheamh 2021 lena leasaítear Cinneadh (CBES) 2017/809 chun tacú le cur chun feidhme Rún 1540 (2004) ó Chomhairle Slándála na Náisiún Aontaithe maidir le neamhleathadh arm ollscriosta agus modhanna a seachadta (IO L 224, 24.6.2021, lch. 22).