(a)

is in aghaidh na bliana airgeadais talmhaíochta a bheidh an phleanáil aschur agus déanfar í mar a leanas:

(b)

is in aghaidh na bliana airgeadais talmhaíochta a dhéanfar tuairisciú ar aschuir agus déanfar é sin ar na hidirghabhálacha uile a ndearnadh íocaíochtaí lena n-aghaidh laistigh den bhliain airgeadais talmhaíochta lena mbaineann mar a leanas:

(c)

ní dhéanfar aschuir a ghintear le hidirghabháil a phleanáil agus a thuairisciú ach uair amháin faoin táscaire aschuir a bhaineann leis an idirghabháil sin sa Phlean Straitéiseach CBT;

(d)

i gcás ina n-áirítear le hidirghabháil tacaíocht i bhfoirm deontas agus ionstraimí airgeadais, ríomhfar an táscaire aschuir le haghaidh gach cineáil tacaíochta;

(e)

comhfhreagróidh an luach aschuir a thuairisceofar don sciar den chaiteachas a íocadh go héifeachtach le haghaidh an aschuir sin laistigh den bhliain airgeadais talmhaíochta lena mbaineann. Déanfar aschuir pháirteacha a thuairisciú le haghaidh idirghabhálacha a chuirtear i gcrích go páirteach sa bhliain airgeadais talmhaíochta áirithe sin.

(a)

agus táscairí aschuir a úsáidtear le haghaidh imréiteach feidhmíochta á dtuairisciú, áireoidh na Ballstáit na luachanna comhiomlána seo a leanas freisin:

(b)

Soláthróidh na Ballstáit luachanna go bliantúil le haghaidh na dtáscairí aschuir seo a leanas nach n-úsáidtear le haghaidh imréiteach feidhmíochta:

(a)

i gcás luachanna comhiomlána táscairí aschuir a bhaineann le hidirghabhálacha a chumhdaítear leis an gcóras comhtháite riaracháin agus rialaithe dá dtagraítear in Airteagal 65(1) de Rialachán (AE) 2021/2116 (an “córas comhtháite”) agus a bhaineann le hidirghabhálacha a íoctar ina n-iomláine laistigh den bhliain airgeadais agus nach gcumhdaítear leis an gcóras comhtháite, déanfar na haschuir a áireamh ina n-iomláine i gcónaí;

(b)

i gcás luachanna comhiomlána táscairí aschuir a bhaineann le hidirghabhálacha nach gcumhdaítear leis an gcóras comhtháite a íoctar i dtráthchodanna difriúla thar roinnt blianta, déanfar aschuir pháirteacha a chomhaireamh.

(a)

leis na haschuir atá beartaithe, áireofar na haschuir a ghintear le maoiniú náisiúnta breise;

(b)

tuairisceofar aschuir a ghintear le maoiniú náisiúnta breise ar leithligh ó na haschuir a ghintear le caiteachas poiblí eile seachas maoiniú náisiúnta breise;

(c)

ní chuirfear san áireamh aschuir a ghintear le maoiniú náisiúnta breise chun críche imréitigh feidhmíochta;

(d)

cuirfear san áireamh aschuir a ghintear le maoiniú náisiúnta breise agus luachanna comhiomlána táscairí aschuir á ríomh chun críche faireacháin, cumarsáide agus meastóireachta.

(a)

i gcás ina gcumhdaítear aonad aschuir le roinnt idirghabhálacha ábhartha, nó roinnt oibríochtaí laistigh den idirghabháil chéanna, ní dhéanfar an t-aonad aschuir sin a áireamh ach uair amháin agus an luach comhiomlán á ríomh;

(b)

le luachanna comhiomlána táscairí aschuir a bhaineann le hidirghabháil a chumhdaítear leis an gcóras comhtháite agus a thuairiscítear sa tuarascáil bhliantúil ar fheidhmíocht le haghaidh na bliana airgeadais talmhaíochta N-1, áireofar líon na n-aonad dá dtugtar íocaíocht pháirteach nó íocaíocht iomlán sa bhliain airgeadais talmhaíochta N-1 i ndáil le hidirghabhálacha a thuairiscítear sa bhliain N-2;

(c)

i gcás ina gcuirtear teidlíochtaí íocaíochta nó uastairseacha i bhfeidhm, tuairisceoidh na Ballstáit an limistéar ábhartha ar cinneadh é a bheith incháilithe d’íocaíocht tar éis rialuithe riaracháin agus sula gcuirfidh siad na teorainneacha sin i bhfeidhm faoi na táscairí aschuir ábhartha.

(a)

Sainaithneoidh na Ballstáit nasc idir táscairí toraidh agus cuspóirí sonracha. Féadfar táscaire toraidh a nascadh le níos mó ná cuspóir sonrach amháin;

(b)

nascfar idirghabhálacha leis na táscairí toraidh uile a bhfuil na hidirghabhálacha sin ina rannchuidiú leo go díreach agus go mór;

(c)

ní shannfar don táscaire toraidh sin ach oibríochtaí laistigh d’idirghabháil atá ina rannchuidiú go díreach nó go mór le táscaire toraidh;

(d)

féadfaidh idirghabháil aonair, nó oibríocht aonair laistigh d’idirghabháil amháin, a bheith ina rannchuidiú le níos mó ná táscaire toraidh amháin;

(e)

sannfar luach an aschuir a ghintear le hoibríocht ina iomláine don táscaire toraidh ábhartha nó do na táscairí toraidh ábhartha i gcónaí, lena n-áirítear i gcás ina nasctar é le tuilleadh táscairí toraidh;

(f)

gealltanais bhainistíochta agus infheistíochtaí lena rannchuidítear leis an gcuspóir céanna, nascfar iad sin le táscairí toraidh ar leithligh, seachas i gcás tháscairí toraidh R.43 agus R.44;

(g)

nascfar táscaire toraidh R.35 le hidirghabhálacha in earnáil na beachaireachta a áirítear sa chineál idirghabhála dá dtagraítear in Airteagal 55(1), pointe (b), de Rialachán (AE) 2021/2115. Ní thuairisceofar na hidirghabhálacha sin ach amháin faoi tháscaire toraidh R.35;

(h)

limistéir atá faoi réir CRB agus DRTC amháin, ní áireofar iad i ríomh na dtáscairí toraidh, seachas i gcás táscaire toraidh R.4, atá ceaptha go sonrach chun an sciar den limistéar talmhaíochta dá dtugtar tacaíocht ioncaim CBT agus atá faoi réir coinníollachta a ghabháil.

(a)

ríomhfar luachanna le haghaidh táscairí toraidh ina n-iomláine le haghaidh na bliana airgeadais talmhaíochta ina ndéantar an chéad íocaíocht, fiú amháin mura ndéantar ach íocaíocht pháirteach sa bhliain airgeadais thalmhaíochta lena mbaineann;

(b)

de mhaolú ar phointe (a), i gcás tháscaire toraidh R.37, déanfar luachanna a áireamh ina n-iomláine tráth a chríochnófar an oibríocht;

(c)

maidir le luachanna a bhaineann le híocaíochtaí i bhfoirm airleacan dá dtagraítear in Airteagal 32(4), pointe (a) agus (5) agus in Airteagal 44(2), an dara fomhír, agus (3) de Rialachán (AE) 2021/2116, ní áireofar iad sin i gcainníochtú na dtáscairí toraidh ábhartha roimh sheachadadh an aschuir chomhfhreagraigh;

(d)

ríomhfar luachanna bliantúla le haghaidh tháscairí toraidh R.4, R.5, R.6, R.7, R.8, R.11, R.12, R.13, R.14, R.19, R.20, R.21, R.22, R.23, R.24, R.25, R.29, R.30, R.31, R.33, R.34, R.43 agus R.44;

(e)

ríomhfar luachanna carnacha le haghaidh tháscairí toraidh R.1, R.2, R.3, R.9, R.10, R.15, R.16, R.17, R.18, R.26, R.27, R.28, R.32, R.35, R.36, R.37, R.38, R.39, R.40 R.41 agus R.42;

(f)

baineann táscaire toraidh R.4 leis an limistéar a chumhdaítear le gach cineál idirghabhála i bhfoirm íocaíochtaí díreacha dá dtagraítear i dTeideal III, Caibidil II de Rialachán (AE) 2021/2115 mar aon le tacaíocht do limistéar faoi shrianta nádúrtha nó faoi shrianta eile a bhaineann go sonrach le limistéar dá dtagraítear in Airteagal 71 den Rialachán sin agus le tacaíocht do mhíbhuntáistí de thoradh ceanglais éigeantacha áirithe a bhaineann go sonrach le limistéar dá dtagraítear in Airteagal 72 den Rialachán sin;

(g)

baineann táscaire toraidh R.6 le gach cineál idirghabhála i bhfoirm íocaíochtaí díreacha dá dtagraítear i dTeideal III, Caibidil II, de Rialachán (AE) 2021/2115, seachas idirghabhálacha i bhfoirm na híocaíochta barrshonraí le haghaidh cadáis dá dtagraítear in Airteagal 36 den Rialachán sin;

(h)

baineann táscaire toraidh R.7 le gach cineál idirghabhála i bhfoirm íocaíochtaí díreacha dá dtagraítear i dTeideal III, Caibidil II de Rialachán (AE) 2021/2115 seachas idirghabhálacha i bhfoirm na híocaíochta barrshonraí le haghaidh cadáis dá dtagraítear in Airteagal 36 den Rialachán sin, mar aon le tacaíocht do limistéir faoi shrianta nádúrtha nó faoi shrianta eile a bhaineann go sonrach le limistéar dá dtagraítear in Airteagal 71 den Rialachán sin agus le tacaíocht do mhíbhuntáistí de thoradh ceanglais éigeantacha áirithe a bhaineann go sonrach le limistéar dá dtagraítear in Airteagal 72 den Rialachán sin;

(i)

de mhaolú ar phointe (h), i gcás ina ndearann na Ballstáit idirghabhálacha i gcomhréir le hAirteagal 72 de Rialachán (AE) 2021/2115 lena dtacaítear le limistéir foraoise agus leis na limistéir sin amháin, féadfar na hidirghabhálacha sin a nascadh le táscaire toraidh R.30, faoi réir an mhéid seo a leanas:

(j)

baineann táscaire toraidh R.38 le hidirghabhálacha le haghaidh LEADER dá dtagraítear in Airteagal 77(1), pointe (b) de Rialachán (AE) 2021/2115. Ina bPlean Straitéiseach CBT, agus an plean sin á chur isteach lena fhormheas i gcomhréir le hAirteagal 118 de Rialachán (AE) 2021/2115, socróidh na Ballstáit sprioc le haghaidh tháscaire toraidh R.38, ar sprioc í lena léireofar daonra na tuaithe a mheastar a chumhdófar le straitéisí forbartha áitiúla faoi stiúir an phobail dá dtagraítear in Airteagal 32 de Rialachán (AE) 2021/1060 ó Pharlaimint na hEorpa agus ón gComhairle (3). Nuair a roghnófar na straitéisí forbartha áitiúla uile faoi Phlean Straitéiseach CBT, modhnóidh an Ballstát lena mbaineann an Plean Straitéiseach CBT i gcás inarb ábhartha chun an ranníocaíocht bhreise a mheastar a bheidh ann de thoradh chur chun feidhme na straitéisí forbartha áitiúla a roghnaíodh a chur leis na spriocluachanna atá ann cheana. Féadfar naisc breise idir na hidirghabhálacha le haghaidh LEADAR agus na comhtháscairí toraidh a leagtar amach in Iarscríbhinn I a ghabhann le Rialachán (AE) 2021/2115 a áireamh leis sin;

(k)

Táscairí toraidh R.12, R.14, R.19, R.20, R.21, R.22, R.23, R.24, R.29, R.31, R.33 agus R.34, ar táscairí toraidh iad a bhaineann le limistéar, ní bhaineann siad ach le cleachtais chomhshaoil dheonacha a théann níos faide ná ceanglais shainordaitheacha a íoctar i heicteáir faoi éiciscéimeanna dá dtagraítear in Airteagal 31 de Rialachán (AE) 2021/2115, le gealltanais agra-chomhshaoil-aeráide dá dtagraítear in Airteagal 70 de Rialachán (AE) 2021/2115, agus le hidirghabhálacha ábhartha in earnálacha áirithe dá dtagraítear i dTeideal III, Caibidil III de Rialachán (AE) 2021/2115;

(l)

de mhaolú ar phointe (k), féadfaidh na Ballstáit freisin táscairí toraidh R.12, R.14, R.19, R.20, R.21, R.22, R.23, R.24, R.29, R.31, R.33 agus R.34 a nascadh le hidirghabhálacha seachas iad sin dá dtagraítear i bpointe (k), ar choinníoll go rachaidh na cleachtais dá dtugtar tacaíocht níos faide ná ceanglais shainordaitheacha ábhartha agus go rannchuideofar go mór agus go díreach leis na táscairí toraidh ábhartha leo;

(m)

cuirfear maoiniú náisiúnta breise san áireamh i ndáil le táscairí toraidh a ríomh.

(a)

Maidir le haonad atá ina rannchuidiú le cainníochtú táscaire toraidh, i gcás ina gcumhdaítear é sin le roinnt idirghabhálacha, nó le roinnt oibríochtaí laistigh den idirghabháil chéanna, atá nasctha leis an táscaire toraidh céanna, ní dhéanfar an t-aonad sin a áireamh ach uair amháin i gcainníochtú an táscaire toraidh;

(b)

le táscairí aschuir a bhaineann le hidirghabháil a chumhdaítear leis an gcóras comhtháite agus a thuairiscítear sa tuarascáil bhliantúil ar fheidhmíocht le haghaidh na bliana airgeadais talmhaíochta N-1, áireofar líon na n-aonad dá dtugtar íocaíocht pháirteach nó íocaíocht iomlán sa bhliain airgeadais talmhaíochta N-1 i ndáil le hidirghabhálacha a thuairiscítear sa bhliain N-2;

(c)

i gcás ina gcuirtear teidlíochtaí íocaíochta nó uastairseacha i bhfeidhm, tuairisceoidh na Ballstáit an limistéar ábhartha ar cinneadh é a bheith incháilithe d’íocaíocht tar éis rialuithe riaracháin agus sula gcuirfidh siad na teorainneacha sin i bhfeidhm faoi na táscairí toraidh ábhartha;

(d)

de mhaolú ar phointe (a), féadfar glacadh le háireamh dúbailte i gcás tháscairí toraidh R.1, R.2, R.3, R.10 agus R.28.

(a)

luachanna na dtáscairí comhthéacs a úsáidtear mar ainmneoirí táscairí toraidh, socrófar iad le haghaidh thréimhse iomlán an Phlean Straitéisigh CBT. Má tá údar cuí leis, féadfaidh na Ballstáit na luachanna sin a thabhairt cothrom le dáta mar chuid de leasú ar Phlean Straitéiseach CBT i gcomhréir le hAirteagal 119 de Rialachán (AE) 2021/2115;

(b)

de mhaolú ar phointe (a), maidir leis an tuairisciú, tabharfar ainmneoirí le haghaidh tháscairí toraidh R.6, R.7 agus R.11 cothrom le dáta gach bliain.

(a)

de réir earnála i gcás tháscaire toraidh R.11;

(b)

de réir an fhochatagóra i gcás tháscaire toraidh R.17;

(c)

de réir an aistrithe go feirmeoireacht orgánach agus an fheirmeoireacht orgánach a choinneáil ar bun i gcás tháscaire toraidh R.29;

(d)

de réir an chineáil talún i gcás tháscaire toraidh R.33;

(e)

de réir inscne i gcás tháscaire toraidh R.36;

(f)

de réir an speicis beostoic i gcás tháscairí toraidh R.43 agus R.44.

(a)

Bainfear úsáid as comhéifeachtaí Eurostat chun ainmhithe a thiontú ina n-aonaid beostoic i gcás táscairí aschuir agus táscairí toraidh, i gcás inarb ábhartha;

(b)

De mhaolú ar phointe (a), féadfar na comhéifeachtaí tiontúcháin simplithe a chuirtear ar fáil sa tábla seo a leanas a úsáid:

(c)

féadfar na comhéifeachtaí tiontúcháin a chuirtear ar fáil sa tábla a leagtar amach i bpointe (b) a mhéadú nó a laghdú i gcásanna ina bhfuil údar cuí leis agus féadfar iad a mhíniú sa Phlean Straitéiseach CBT agus fianaise eolaíoch á cur san áireamh;

(d)

féadfar catagóirí ainmhithe eile a chur leis an tábla a leagtar amach i bpointe (b) go heisceachtúil i gcásanna ina bhfuil údar cuí leis sin, agus déanfar an chomhéifeacht tiontúcháin le haghaidh aon cheann de na catagóirí sin a bhunú agus a mhíniú sa Phlean Straitéiseach CBT agus fianaise eolaíoch á cur san áireamh.