(1)

Foráiltear le hAirteagal 39 de Rialachán Cur Chun Feidhme (AE) 2017/892 ón gCoimisiún (2) go bhféadfar dleacht allmhairiúcháin bhreise dá dtagraítear in Airteagal 182(1) de Rialachán (AE) Uimh. 1308/2013 a chur i bhfeidhm maidir leis na táirgí a liostaítear in Iarscríbhinn VII a ghabhann leis an Rialachán Cur Chun Feidhme sin agus le linn na dtréimhsí a liostaítear inti. Maidir le cainníocht aon cheann de na táirgí a chuirtear i saorchúrsaíocht ar feadh aon cheann de na tréimhsí cur i bhfeidhm a leagtar amach san Iarscríbhinn sin, ní mór feidhm a bheith ag an dleacht allmhairiúcháin bhreise sin i gcás inar mó í ná truicearmhéid na n-allmhairí i gcás an táirge sin in aon bhliain amháin. Ní fhorchuirfear dleachtanna breise allmhairiúcháin nuair nach dócha go suaithfidh na hallmhairí margadh an Aontais, nó i gcás ina mbeadh na héifeachtaí díréireach i gcomparáid leis an gcuspóir atá beartaithe.

(2)

I gcomhréir le hAirteagal 182(1), an dara fomhír, de Rialachán (AE) Uimh. 1308/2013 truicearmhéideanna na n-allmhairí lena bhféadfaí tús a chur le cur i bhfeidhm dleachtanna allmhairiúcháin breise ar thorthaí agus ar ghlasraí áirithe, tá siad bunaithe ar na sonraí allmhairiúcháin agus ar na sonraí maidir le tomhaltas intíre le haghaidh na 3 bliana roimhe sin. Ar bhonn na sonraí arna gcur in iúl ag na Ballstáit le haghaidh na mblianta 2018, 2019 agus 2020, ba cheart na truicearmhéideanna i gcás torthaí agus glasraí áirithe a shocrú le haghaidh na mblianta 2022 agus 2023.

(3)

Ós rud é go dtosóidh an tréimhse ina gcuirfear i bhfeidhm dleachtanna allmhairiúcháin breise a d’fhéadfadh a bheith ann mar a leagtar amach í in Iarscríbhinn VII a ghabhann le Rialachán Cur Chun Feidhme (AE) 2017/892 an 1 Eanáir i gcás roinnt táirgí, ba cheart feidhm a bheith ag an Rialachán seo ón 1 Eanáir 2022,