(1)

Le Rialachán (CE) Uimh. 1831/2003 foráiltear maidir le húdarú breiseán lena n-úsáid i gcothú ainmhithe agus maidir leis na forais agus na nósanna imeachta atá ann chun an t-údarú sin a dheonú nó a dhiúltú. Le hAirteagal 10 den Rialachán sin foráiltear maidir le hathmheastóireacht a dhéanamh ar bhreiseáin a údaraíodh de bhun Threoir 70/524/CEE ón gComhairle (2).

(2)

Le Treoir 70/524/CEE údaraíodh dé-ocsaíd tíotáiniam, gan teorainn ama, mar bhreiseán dathúcháin (oibreáin dathúcháin atá údaraithe chun earraí bia a dhathú de réir rialacha an Chomhphobail) le haghaidh cat agus madraí. Údaraíodh é freisin, gan teorainn ama, i mbeatha ainmhithe le haghaidh gach speicis ainmhíoch, seachas cait agus madraí, faoi choinníollacha áirithe. Ina dhiaidh sin cuireadh an táirge sin i gClár na mbreiseán beathaithe mar tháirge a bhí ann cheana, i gcomhréir le hAirteagal 10(1) de Rialachán (CE) Uimh. 1831/2003.

(3)

I gcomhréir le hAirteagal 10(2) de Rialachán (CE) Uimh. 1831/2003 i gcomhar le hAirteagal 7 de, cuireadh isteach iarratas chun athmheastóireacht a dhéanamh ar dhé-ocsaíd tíotáiniam mar bhreiseán beathaithe le haghaidh gach speicis ainmhíoch. D’iarr an t-iarratasóir go n-aicmeofaí an breiseán sin i gcatagóir na mbreiseán “breiseáin chéadfacha” agus san fheidhmghrúpa “dathúcháin: substaintí a chuireann dath ar ábhair bheatha nó a chuireann dath ar ábhair bheatha an athuair”. Bhí na sonraí agus na doiciméid a cheanglaítear faoi Airteagal 7(3) de Rialachán (CE) Uimh. 1831/2003 ag gabháil leis an iarratas.

(4)

Thug an tÚdarás Eorpach um Shábháilteacht Bia (“an tÚdarás”) dá aire, ina thuairim ón 5 Bealtaine 2021 (3), nach bhféadfadh sé teacht ar chonclúid maidir le sábháilteacht dé-ocsaíde tíotáiniam don spriocspeiceas, do thomhaltóirí agus don chomhshaol, mar tá easpa sonraí sonracha ann a bhaineann lena húsáid mar bhreiseán beathaithe agus ós rud é nach féidir géineatocsaineacht na gcáithníní dé-ocsaíde tíotáiniam a chur as an áireamh, tá ábhair imní ann maidir le sábháilteacht an bhreiseáin don spriocspeiceas (go háirithe i gcás ainmhithe fadsaolacha agus ainmhithe atáirgeacha), do thomhaltóirí agus d’úsáideoirí. Cheal staidéar maidir le dé-ocsaíd tíotáiniam, níorbh fhéidir leis an Údarás teacht ar chonclúid i dtaca leis an measúnú ar éifeachtaí an bhreiseáin ar na súile agus ar an gcraiceann. Thug an tÚdarás dá aire freisin go bhféadfadh dé-ocsaíd tíotáiniam a bheith carcanaigineach i leith oibrithe má ionanálaíonn siad é agus, ós rud é nach féidir géineatocsaineacht na gcáithníní dé-ocsaíde tíotáiniam a chur as an áireamh, ba cheart a mheas gur cúis imní fhéideartha bhreise é d’úsáideoirí a láimhseálann an breiseán. Rinne an tÚdarás fíorú freisin ar an tuarascáil faoi mhodh anailíse an bhreiseáin beathaithe agus é i mbeatha arna cur isteach ag an tSaotharlann Tagartha a bunaíodh le Rialachán (CE) Uimh. 1831/2003.

(5)

Léirítear le tuairim an Údaráis an 5 Bealtaine 2021, mar sin, nár suíodh nach bhfuil éifeacht dhíobhálach ag dé-ocsaíd tíotáiniam ar shláinte ainmhithe, ar shláinte an duine ná ar an gcomhshaol nuair a úsáidtear í mar bhreiseán beatha san fheidhmghrúpa “dathúcháin: substaintí a chuireann dath ar ábhair bheatha nó a chuireann dath ar ábhair bheatha an athuair”.

(6)

Mar sin léirítear leis an measúnú ar dhé-ocsaíd tíotáiniam nach gcomhlíontar na coinníollacha údaraithe, dá bhforáiltear in Airteagal 5 de Rialachán (CE) Uimh. 1831/2003, agus dá réir sin ba cheart údarú dé-ocsaíde tíotáiniam mar bhreiseán beathaithe a bhaineann leis an bhfeidhmghrúpa “dathúcháin: substaintí a chuireann dath ar ábhair bheatha nó a chuireann dath ar ábhair bheatha an athuair” a dhiúltú.

(7)

Mar sin de, ba cheart an breiseán beathaithe dé-ocsaíd tíotáiniam agus beatha ina bhfuil sí a tharraingt siar ón margadh a luaithe is féidir. Ba cheart tréimhse ama teoranta a cheadú, áfach, le haghaidh stoic reatha na dtáirgí sin a tharraingt siar ón margadh chun gur féidir le hoibreoirí an oibleagáid maidir le tarraingt siar a chomhlíonadh mar is ceart.

(8)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,