“1.

Ach amháin nuair a shonraítear a mhalairt i gcás na n-eagraíochtaí is lú dá dtagraítear i bpointe 11, déantar foráil sa tábla i bpointe 12 maidir leis an gcóras caighdeánach chun eagraíocht chothabhála dá dtagraítear in Iarscríbhinn I (Cuid-M), Fochuid Fa fhormheas. Maidir leis an gceadú nach mór a dheonú d’eagraíocht, ní mór é a bheith sa réimse idir aon aicme amháin agus aon rátáil amháin, iad faoi réir ag teorainneacha, agus gach aicme agus rátáil, iad faoi réir ag teorainneacha.

2.

Sa bhreis ar an tábla dá dtagraítear i bpointe 12, ceanglaítear ar an eagraíocht chothabhála cheadaithe raon feidhme a hoibre a léiriú i lámhleabhar na heagraíochta cothabhála.”;

“8.

Beartaítear leis an roinn teorainn an tsolúbthacht a thabhairt do na húdaráis inniúla an ceadú a chur in oiriúint d’aon eagraíocht ar leith. Ní luafar rátálacha ar an gceadú go dtí go ndéantar iad a theorannú go hiomchuí. Sonraítear sa tábla dá dtagraítear i bpointe 12 na cineálacha teorann is féidir a bheith ann. Cé gur san áit dheireanach a liostaítear cothabháil i ngach rátáil aicme, tá sé inghlactha an cúram cothabhála a chur i dtábhacht seachas an t-aerárthach nó an cineál innill nó an monaróir, más oiriúnaí sin don eagraíocht (mar shampla córais eitleonaice a shuiteáil agus an chothabháil lena mbaineann). Leis an lua sin sa roinn teorannacha, léirítear go bhfuil an eagraíocht chothabhála formheasta chun cothabháil a dhéanamh suas go dtí an cineál/cúram áirithe sin, an cineál/cúram sin san áireamh.

9.

Nuair a bhaintear úsáid as na téarmaí sraith, cineál agus grúpa i roinn teorannacha aicmí A agus B, ciallaíonn ‘sraith’ sraith de chineál sonrach amhail Cessna 150 nó Cessna 172 nó an tsraith Beech 55 nó an tsraith Continental O-200, etc.; ciallaíonn ‘cineál’ cineál nó múnla sonrach amhail an cineál Cessna 172RG; is féidir aon líon sraitheanna nó cineálacha a lua; ciallaíonn ‘grúpa’ mar shampla, ‘aerárthach innill aonloine Cessna’ nó ‘innill loiní neamh-shárluchtaithe Lycoming’, etc.

10.

Nuair a bhaintear úsáid as liosta fada cumais a d’fhéadfadh a bheith faoi réir leasuithe go minic, féadfar na leasuithe sin a dhéanamh i gcomhréir leis an nós imeachta ceadaithe indírigh dá dtagraítear i bpointí M.A.604(c) agus M.B.606(c).

11.

Eagraíocht chothabhála nach bhfuil ach fostaí amháin aici chun an chothabháil uile a phleanáil agus a thabhairt i gcrích, ní fhéadfar ach raon feidhme teoranta a bheith ag a rátáil cheadaithe. Is iad seo a leanas na huasteorainneacha is incheadaithe:

Ba cheart a thabhairt faoi deara go bhféadfar an t-údarás inniúil eagraíocht sin a theorannú a thuilleadh i dtéarmaí an cheadaithe ag brath ar acmhainneacht na heagraíochta sin.

12.

Tábla

1.

torthaí reámhiniúchta a dhéanfaidh an eagraíocht de réir na gceanglas is infheidhme dá bhforáiltear in Iarscríbhinn I (Cuid-M), in Iarscríbhinn Vb (Cuid-ML) agus san Iarscríbhinn seo;

2.

doiciméadacht lena léirítear an bealach lena gcomhlíonfaidh siad na ceanglais a leagtar síos sa Rialachán seo.”;

“(a)

Ceapfaidh an eagraíocht bainisteoir cuntasach a bhfuil údarás corparáideach aige chun a áirithiú gur féidir gníomhaíochtaí cothabhála uile na heagraíochta a mhaoiniú agus a thabhairt i gcrích i gcomhréir le Rialachán (AE) 2018/1139 agus a ghníomhartha tarmligthe agus a ghníomhartha cur chun feidhme. Déanfaidh an bainisteoir cuntasach na nithe seo a leanas:

(b)

Ainmneoidh an bainisteoir cuntasach duine nó grúpa daoine a dhéanfaidh ionadaíocht don struchtúr bainistíochta maidir leis na feidhmeanna cothabhála agus ar a mbeidh an fhreagracht a áirithiú go n-oibríonn an eagraíocht i gcomhréir leis an LEC agus leis na nósanna imeachta ceadaithe. Sonrófar go soiléir sna nósanna imeachta an duine a dhéanann ionadaíocht do dhuine ar leith i gcás go bhfuil an duine sin as láthair ar feadh tréimhse fhada.

(c)

Ainmneoidh an bainisteoir cuntasach duine nó grúpa daoine a bheidh freagrach as an bhfeidhm faireacháin ar chomhlíonadh a bhainistiú mar chuid den chóras bainistíochta.”;

“(ca)

Ainmneoidh an bainisteoir cuntasach duine nó grúpa daoine a bheidh freagrach as forbairt, as riar agus as cothabháil próiseas sábháilteachta éifeachtach a bhainistiú mar chuid den chóras bainistíochta.

(cb)

Beidh an duine nó an grúpa daoine a ainmneofar i gcomhréir le pointí (b), (c) agus (ca) freagrach don bhainisteoir cuntasach agus beidh rochtain ag an duine nó ag an ngrúpa daoine ar an mbainisteoir sin chun é nó í a choinneáil ar an eolas mar is ceart faoi chúrsaí comhlíontachta agus sábháilteachta.

(cc)

Beidh an duine nó an grúpa daoine a ainmneofar i gcomhréir le pointí (b), (c) agus (ca) in ann a léiriú go bhfuil an t-eolas ábhartha, an cúlra, agus taithí shásúil aige i réimse na cothabhála aerárthaí nó comhpháirteanna agus léireofar buneolas ar an Rialachán seo.”;

“(d)

Beidh plean daonuaireanta cothabhála ag an eagraíocht chun a áirithiú go bhfuil pearsanra leordhóthanach aici a bhfuil na cáilíochtaí iomchuí acu chun gníomhaíochtaí na heagraíochta a phleanáil agus a thabhairt i gcrích agus chun maoirseacht, cigireacht agus faireachán a dhéanamh orthu i gcomhréir le téarmaí an cheadaithe. Lena chois sin, beidh nós imeachta ag an eagraíocht chun athmheasúnú a dhéanamh ar an obair atá beartaithe nuair is lú infhaighteacht iarmhír an phearsanra le hais an leibhéil foirne a bhí beartaithe le haghaidh seal nó tréimhse oibre áirithe.

(e)

Bunóidh agus rialóidh an eagraíocht inniúlacht an phearsanra atá bainteach le haon chothabháil, athbhreithnithe aeracmhainneachta, bainistíocht sábháilteachta agus faireachán ar chomhlíonadh i gcomhréir le nós imeachta agus de réir caighdeán a chomhaontófar leis an údarás inniúil. Sa bhreis ar an saineolas is gá a bhaineann le feidhm an phoist, ní mór tuiscint ar chur i bhfeidhm phrionsabail na bainistíochta sábháilteachta a bheith ina cuid d’inniúlacht an phearsanra, lena n-áirítear tosca daonna agus saincheisteanna a bhaineann le feidhmíocht an duine, tuiscint atá oiriúnach dá bhfeidhm agus dá bhfreagrachtaí san eagraíocht.”;

(a)

Cuirtear an méid seo a leanas in ionad an fhrása réamhráitigh:

(b)

cuirtear an méid seo a leanas in ionad phointí (1) go (4):

“(k)

Má dhéanann an eagraíocht athbhreithnithe aeracmhainneachta agus má eisíonn sí an deimhniú comhfhreagrach ar athbhreithniú aeracmhainneachta i gcomhréir le pointe ML.A.903 d’Iarscríbhinn Vb (Cuid-ML), beidh pearsanra athbhreithnithe aeracmhainneachta aici atá cáilithe agus údaraithe i gcomhréir le pointe 145.A.37.”;

“(d)

Áiritheoidh an eagraíocht go gcuirfear oiliúint leanúnach leordhóthanach ar an bpearsanra deimhnithe agus ar an bpearsanra tacaíochta uile i ngach tréimhse 2 bhliain chun a áirithiú go mbeidh eolas cothrom le dáta acu ar theicneolaíochtaí ábhartha, ar nósanna imeachta eagraíochta agus ar bhainistíocht sábháilteachta, lena n-áirítear saincheisteanna a bhaineann le tosca daonna.

(e)

Bunóidh an eagraíocht clár um oiliúint leanúnach le haghaidh pearsanra deimhnithe agus pearsanra tacaíochta, lena n-áirítear nós imeachta chun a áirithiú go gcomhlíonfar forálacha ábhartha an phointe seo agus nós imeachta chun a áirithiú go comhlíonfar Iarscríbhinn III (Cuid-66).

(f)

Cé is moite de na cásanna gan choinne a shonraítear i bpointe 145.A.30(j)(5), déanfaidh an eagraíocht measúnú ar an bpearsanra deimhnithe uile maidir lena n-inniúlacht, lena gcáilíochtaí agus lena gcumas a ndualgais deimhnithe atá beartaithe a chomhlíonadh i gcomhréir le nós imeachta sa LEC sula n-eiseofar nó sula n-atheiseofar cead deimhniú a thabhairt don phearsanra sin faoin Iarscríbhinn seo.”;

“(i)

An duine nó na daoine dá dtagraítear i bpointe 145.A.30(c) atá freagrach as an bhfeidhm faireacháin ar chomhlíonadh, fanfaidh siad freagrach freisin as ceadanna deimhniú a thabhairt a eisiúint do phearsanra deimhnithe. Féadfaidh an pearsanra sin daoine eile a ainmniú chun ceadanna deimhniú a thabhairt a eisiúint iarbhír nó a chúlghairm iarbhír i gcomhréir le nós imeachta in LEC.

(j)

Soláthróidh an eagraíocht cóip dá gcead deimhniú a thabhairt do phearsanra deimhnithe i bhformáid dhoiciméadaithe nó i bhformáid leictreonach.

(k)

Taispeánfaidh pearsanra deimhnithe a gcead deimhniú a thabhairt d’aon duine údaraithe laistigh de 24 uair an chloig.

(l)

Ní mór do phearsanra deimhnithe agus do phearsanra tacaíochta a bheith 21 bhliain d’aois ar a laghad.

(m)

Ní fhéadfaidh sealbhóir ceadúnais cothabhála aerárthaí de chatagóir A pribhléidí deimhniúcháin a fheidhmiú ar chineál sonrach aerárthaigh ach amháin tar éis an oiliúint ábhartha ar chúraimí aerárthaí de chatagóir A a chur i gcrích go sásúil, ar oiliúint í a sholáthróidh eagraíocht atá formheasta go hiomchuí i gcomhréir le hIarscríbhinn II (Cuid-145) nó le hIarscríbhinn IV (Cuid-147). San oiliúint sin beidh oiliúint phraiticiúil agus oiliúint theoiriciúil de réir mar is iomchuí le haghaidh gach cúraim a údaraítear. Léireofar gur cuireadh an oiliúint i gcrích go sásúil le scrúdú nó le measúnú san ionad oibre a sholáthróidh an eagraíocht.

(n)

Ní fhéadfaidh sealbhóir ceadúnais cothabhála aerárthaí de chatagóir B2 na pribhléidí deimhniúcháin a bhfuil tuairisc orthu i bpointe 66.A.20(a)(3)(ii) d’Iarscríbhinn III (Cuid-66) a fheidhmiú ach amháin tar éis na nithe seo a leanas a chur i gcrích go sásúil:

San oiliúint ar na cúraimí sin beidh oiliúint phraiticiúil agus oiliúint theoiriciúil de réir mar is iomchuí le haghaidh gach cúraim a údaraítear. Léireofar gur cuireadh an oiliúint i gcrích go sásúil le scrúdú nó le measúnú san ionad oibre. An eagraíocht chothabhála a eisíonn an cead pearsanra deimhnithe, is í a sholáthróidh an oiliúint ar na cúraimí agus an scrúdú/measúnú. Gheofar an taithí phraiticiúil laistigh den eagraíocht chothabhála sin freisin.”;

(1)

beidh bliain amháin ar a laghad de thaithí faighte acu ar aeracmhainneacht leanúnach i gcás seoleitleáin agus balúin agus beidh 3 bliana ar a laghad de thaithí acu i gcás gach aerárthaigh eile;

(2)

beidh cead pearsanra deimhnithe acu le haghaidh na n-aerárthaí comhfhreagracha;

(3)

beidh eolas faighte acu ar Iarscríbhinn I (Cuid-M), ar Fochuid C, nó ar Iarscríbhinn Vb (Cuid-ML), Fochuid C;

(4)

beidh eolas faighte acu ar nósanna imeachta na heagraíochta cothabhála a bhaineann leis an athbhreithniú aeracmhainneachta agus leis an deimhniú ar athbhreithniú aeracmhainneachta a eisiúint.

“(a)

Coinneoidh agus úsáidfidh an eagraíocht sonraí cothabhála reatha is infheidhme a bhfuil gá leo agus cothabháil á déanamh, lena n-áirítear modhnuithe agus deisiúcháin. Ciallaíonn ‘is infheidhme’ ábhartha maidir le haon aerárthach, comhpháirt nó próiseas a shonraítear i dtéarmaí ceadaithe na heagraíochta agus in aon liosta gaolmhar cumais.

I gcás sonraí cothabhála a sholáthraíonn an duine nó an eagraíocht a iarrann an chothabháil, coinneoidh an eagraíocht na sonraí sin agus an obair idir lámha, cé is moite den ghá pointe 145.A.55(a)(3) a chomhlíonadh.”;

“(c)

Bunóidh an eagraíocht nósanna imeachta chun an méid seo a leanas a áirithiú: má fhaightear nós imeachta, cleachtas, faisnéis nó treoir chothabhála míchruinn, neamhiomlán nó débhríoch sna sonraí cothabhála a úsáideann an pearsanra cothabhála, déanfar iad a thaifeadadh mar chuid den scéim inmheánach tuairiscithe sábháilteachta dá dtagraítear i bpointe 145.A.202 agus tabharfar fógra d’údar na sonraí cothabhála.

(d)

Ní fhéadfaidh an eagraíocht treoracha cothabhála a mhodhnú ach amháin i gcomhréir le nós imeachta a shonraítear sa LEC. Maidir le hathruithe ar threoracha cothabhála, léireoidh an eagraíocht go dtiocfaidh caighdeáin chothabhála choibhéiseacha nó fheabhsaithe astu, agus cuirfidh sí údar na dtreoracha cothabhála ar an eolas faoi na hathruithe sin. Chun críocha an phointe seo, ciallaíonn ‘treoracha cothabhála’ treoracha maidir leis an mbealach chun cúram cothabhála áirithe a dhéanamh; ní áirítear iontu dearadh innealtóireachta na ndeisiúchán agus na modhnuithe.

(e)

Soláthróidh an eagraíocht comhchóras cártaí oibre nó bileog oibre lena úsáid ar fud chodanna ábhartha na heagraíochta. Ina theannta sin, déanfaidh an eagraíocht na sonraí cothabhála dá dtagraítear i bpointí (b) agus (d) a thras-scríobh go cruinn ar na cártaí oibre nó ar na bileoga oibre sin, nó déanfaidh sí tagairt bheacht don chúram/do na cúraimí cothabhála áirithe atá sna sonraí cothabhála sin. Féadfar cártaí oibre agus bileoga oibre a ghiniúint le ríomhaire agus a choinneáil i mbunachar sonraí leictreonach a bhfuil cosaint leormhaith aige ar athruithe neamhúdaraithe, agus a bhfuil bunachar sonraí cúltaca leictreonach ann ina leith a nuashonrófar laistigh de 24 uair an chloig tar éis iontráil a dhéanamh sa phríomhbhunachar sonraí leictreonach. Déanfar cúraimí cothabhála casta nó fada a thras-scríobh ar na cártaí oibre nó ar na bileoga oibre agus foroinnfear iad ina gcéimeanna soiléire chun a áirithiú go bhfuil taifead ann ar chur i gcrích an chúraim iomláin cothabhála.

Nuair a sholáthraíonn an eagraíocht seirbhísí cothabhála d’oibreoir aerárthaí a éilíonn go n-úsáidtear a chóras féin cártaí oibre nó bileog oibre, féadfar ansin an córas cártaí oibre nó bileog oibre sin a úsáid. Sa chás sin, bunóidh an eagraíocht nós imeachta chun a áirithiú go ndéanfar na cártaí oibre nó na bileoga oibre sin a chomhlánú i gceart.”;

“(b)

Mar chuid den chóras bainistíochta, cuirfear teorainneacha ar fheidhmíocht an duine, lena n-áirítear baol tuirse don phearsanra cothabhála san áireamh i bpleanáil na gcúraimí cothabhála agus in eagrúchán na sealanna.”;

“(d)

Áiritheoidh an eagraíocht go gcuirfidh córas bainistíochta na heagraíochta san áireamh guaiseacha sábháilteachta eitlíochta a bhaineann le cothabháil a bhíonn á déanamh ag meithleacha seachtracha ag saoráidí na heagraíochta.”;

(1)

tar éis chur i gcrích na cothabhála, déanfar fíorú ginearálta chun a áirithiú go bhfuil an t-aerárthach nó an chomhpháirt saor ó gach uirlis, trealamh agus aon pháirt nó ábhar seachtrach, agus go ndearnadh na painéil rochtana uile a baineadh a athfheistiú;

(2)

cuirfear modh gafa earráidí chun feidhme tar éis aon chúram cothabhála criticiúla a dhéanamh;

(3)

íoslaghdófar an riosca go ndéanfar earráidí le linn na cothabhála agus an riosca go ndéanfar earráidí arís i gcúraimí cothabhála comhionanna;

(4)

déanfar damáiste a mheasúnú, agus déanfar modhnuithe agus deisiúcháin trí úsáid a bhaint as na sonraí a shonraítear i bpointe M.A.304 d’Iarscríbhinn I (Cuid-M) nó i bpointe ML.A.304 d’Iarscríbhinn Vb (Cuid-ML), de réir mar is infheidhme;

(5)

déanfar measúnú ar fhabhtanna aerárthaí i gcomhréir le pointe M.A.403(b) d’Iarscríbhinn I (Cuid-M) nó pointe ML.A.403(b) d’Iarscríbhinn Vb (Cuid-ML), de réir mar is infheidhme”;

“(a)

Eiseoidh pearsanra deimhnithe a údaraíodh go hiomchuí deimhniú scaoilte iarchothabhála thar ceann na heagraíochta nuair a bheidh sé fíoraithe ag an bpearsanra deimhnithe sin go ndearna an eagraíocht an chothabháil uile a ordaíodh i gceart i gcomhréir leis na nósanna imeachta a shonraítear i bpointe 145.A.70, agus infhaighteacht agus úsáid na sonraí cothabhála a shonraítear i bpointe 145.A.45 á gcur san áireamh, agus nach fios aon neamhchomhlíontacht a chuireann sábháilteacht eitilte i mbaol.”;

“(c)

Fabhtanna nua nó orduithe neamhiomlána saothair cothabhála a aithneofar le linn na cothabhála, cuirfear iad ar a súile don duine nó don eagraíocht atá freagrach as aeracmhainneacht leanúnach an aerárthaigh ar mhaithe leis an gcuspóir sonrach comhaontú a fháil chun na fabhtanna sin a cheartú nó chun eilimintí den ordú saothair cothabhála atá in easnamh a chur i gcrích. I gcás ina ndiúltóidh an duine nó an eagraíocht sin go ndéanfar an chothabháil sin faoin bpointe seo, beidh pointe (e) infheidhme.

(d)

Eiseoidh pearsanra deimhnithe a údaraíodh go hiomchuí deimhniú scaoilte iarchothabhála thar ceann na heagraíochta tar éis an chothabháil a ordaíodh a bheith déanta ar chomhpháirt le linn di a bheith lasmuigh den aerárthach. Is é atá sa deimhniú údaraithe um scaoileadh iarchothabhála “Foirm 1 EASA” dá dtagraítear in Aguisín II d’Iarscríbhinn I (Cuid-M) an deimhniú scaoilte iarchothabhála i dtaca leis an gcomhpháirt ach amháin má shonraítear a mhalairt i bpointe M.A.502 d’Iarscríbhinn I (Cuid-M) nó i bpointe ML.A.502 d’Iarscríbhinn Vb (Cuid-ML), de réir mar is infheidhme. Nuair a dhéanann eagraíocht cothabháil ar chomhpháirt chun críocha a húsáide féin, d’fhéadfadh sé nach mbeadh gá le Foirm 1 EASA má dhéanann nósanna imeachta inmheánacha scaoilte na heagraíochta foráil maidir leis sin ina LEC.”;

“(f)

De mhaolú ar phointe 145.A.50(a) agus ar phointe 145.A.42, nuair a choinnítear aerárthach ar talamh ag suíomh seachas an príomhstáisiún gnáthchothabhála nó an príomhionad cothabhála toisc nach bhfuil comhpháirt leis an deimhniú scaoilte iomchuí ar fáil, an eagraíocht a bhfuil conradh aici cothabháil a dhéanamh ar an aerárthach sin, féadfaidh sí comhpháirt a fheistiú ar bhonn sealadach gan an deimhniú scaoilte iomchuí ar feadh uastréimhse 30 uair eitilte nó go dtí go bhfillfidh an t-aerárthach ar an bpríomhstáisiún gnáthchothabhála nó an príomhionad cothabhála den chéad uair, cibé acu is luaithe, faoi réir chomhaontú an duine nó na heagraíochta atá freagrach as aeracmhainneacht leanúnach an aerárthaigh agus faoi réir deimhniú scaoilte oiriúnach a bheith ag an gcomhpháirt sin ach mura bhfuil, í a bheith i gcomhréir le gach ceanglas cothabhála agus oibríochta is infheidhme. Bainfear na comhpháirteanna sin faoin teorainn ama dá bhforáiltear sa chéad abairt den phointe seo mura mbeidh deimhniú scaoilte iomchuí faighte idir an dá linn faoi phointí 145.A.50(a) agus 145.A.42.”;

(1)

Déanfaidh an eagraíocht taifead de mhionsonraí na hoibre cothabhála a dhéantar laistigh de raon feidhme a ceadaithe. Coinneoidh an eagraíocht, ar a laghad, na taifid go léir is gá chun a chruthú gur comhlíonadh na ceanglais go léir chun an deimhniú scaoilte iarchothabhála a eisiúint, lena n-áirítear doiciméid scaoilte an fhochonraitheora, más ann dóibh.

(2)

Soláthróidh an eagraíocht cóip de gach deimhniú scaoilte iarchothabhála don oibreoir nó don chustaiméir, mar aon le cóipeanna de na taifid mhionsonraithe chothabhála a bhaineann leis an obair a rinneadh agus is gá chun comhlíonadh phointe M.A.305 d’Iarscríbhinn I (Cuid-M) nó ML.A.305 d’Iarscríbhinn Vb (Cuid-ML) a léiriú, de réir mar is infheidhme.

(3)

Coinneoidh an eagraíocht cóip de na taifid mhionsonraithe chothabhála go léir (lena n-áirítear deimhnithe scaoilte iarchothabhála) agus d’aon sonraí cothabhála gaolmhara ar feadh 3 mbliana ón dáta a eisíodh deimhniú scaoilte iarchothabhála don aerárthach nó don chomhpháirt lena mbaineann an obair.

(4)

Má chuireann eagraíocht deireadh lena cuid oibríochtaí, aistreoidh sí na taifid chothabhála uile atá ina seilbh agus lena gcumhdaítear na 3 bliana deireanacha chuig an gcustaiméir deireanach nó chuig úinéir an aerárthaigh nó na comhpháirte faoi seach, nó déanfaidh sí iad a stóráil ar an mbealach a shonróidh an t-údarás inniúil.

(1)

Má tá an phribhléid dá dtagraítear i bpointe 145.A.75(f) ag eagraíocht, coinneoidh sí cóip de gach deimhniú ar athbhreithniú aeracmhainneachta a d’eisigh sí, mar aon leis na doiciméid tacaíochta uile, agus cuirfidh sí na taifid sin ar fáil, arna iarraidh sin, d’úinéir an aerárthaigh.

(2)

Coinneoidh an eagraíocht cóip de na taifid uile dá dtagraítear i bpointe (1) ar feadh 3 bliana tar éis an deimhniú ar athbhreithniú aeracmhainneachta a eisiúint.

(3)

Má chuireann eagraíocht deireadh lena cuid oibríochtaí, aistreoidh sí na taifid athbhreithnithe aeracmhainneachta uile atá ina seilbh agus lena gcumhdaítear na 3 bliana deireanacha chuig an úinéir deireanach nó chuig oibreoir an aerárthaigh faoi seach, nó déanfaidh sí iad a stóráil ar an mbealach a shonróidh an t-údarás inniúil.

(i)

taifid ar phríomhphróisis an chórais bainistíochta dá dtagraítear i bpointe 145.A.200;

(ii)

conarthaí, i gcás na conraitheoireachta agus na fochonraitheoireachta araon, dá dtagraítear i bpointe 145.A.205.

(1)

Áiritheoidh an eagraíocht go gcoinneofar na taifid seo a leanas:

(2)

Áireofar sna taifid ar an bpearsanra athbhreithnithe aeracmhainneachta ar fad mionsonraí maidir le haon cháilíocht iomchuí atá acu, mar aon le hachoimre ar an taithí agus ar an oiliúint ábhartha i dtaca leis an aeracmhainneacht leanúnach, agus cóip den údarú athbhreithnithe aeracmhainneachta a d’eisigh an eagraíocht don phearsanra sin.

(3)

Áireofar sna taifid ar an bpearsanra deimhnithe agus pearsanra tacaíochta ar fad na nithe seo a leanas:

(4)

Coinneofar taifid phearsanra fad a oibríonn duine don eagraíocht, agus coinneofar iad ar feadh 3 bliana ar a laghad tar éis don duine an eagraíocht a fhágáil, nó tar éis d’údarú a eisíodh don duine sin a bheith tarraingthe siar.

(5)

Tabharfaidh an eagraíocht don phearsanra dá dtagraítear i bpointí (2) agus (3), arna iarraidh sin dóibh, rochtain ar a dtaifid phearsanra mar a shonraítear sna pointí sin. Ina theannta sin, arna iarraidh sin dóibh, tabharfaidh an eagraíocht chothabhála cóip dá dtaifid phearsanra do gach duine acu ar fhágáil na heagraíochta dóibh.

(1)

maidir leis na tuarascálacha sainordaitheacha tosaigh:

(2)

i gcás inarb ábhartha, a luaithe a shainaithneofar na gníomhaíochtaí atá beartaithe ag an eagraíocht a dhéanamh chun tarluithe comhchosúla a chosc amach anseo, déanfar tuarascáil leantach ina soláthrófar mionsonraí faoi na gníomhaíochtaí sin; maidir leis na tuarascálacha leantacha sin:

(1)

áiritheofar go gcomhaontófar ordú saothair cothabhála nó conradh cothabhála atá soiléir idir an eagraíocht agus an duine nó an eagraíocht a iarrann an chothabháil, chun go mbunófar go soiléir an chothabháil atá le déanamh ionas go bhféadfar na haerárthaí agus na comhpháirteanna a scaoileadh chun seirbhíse i gcomhréir le pointe 145.A.50;

(2)

cumhdófar na gnéithe uile a bhaineann leis an gcothabháil a dhéanamh, lena n-áirítear soláthar agus rialú seirbhísí speisialaithe, agus leagfar síos na caighdeáin ar dá réir a bheartaíonn an eagraíocht a hobair a dhéanamh.”;

(1)

ráiteas arna shíniú ag an mbainisteoir cuntasach lena ndeimhnítear go n-oibreoidh an eagraíocht chothabhála i gcónaí i gcomhréir leis an Iarscríbhinn seo, le hIarscríbhinn I (Cuid-M) agus le hIarscríbhinn Vb (Cuid-ML), de réir mar is infheidhme, agus leis an LEC formheasta. Murab é an bainisteoir cuntasach príomhoifigeach feidhmiúcháin na heagraíochta, déanfaidh an príomhoifigeach feidhmiúcháin an ráiteas a chomhshíniú ansin;

(2)

beartas sábháilteachta na heagraíochta agus na cuspóirí sábháilteachta gaolmhara dá dtagraítear i bpointe 145.A.200(a)(2);

(3)

teideal/teidil agus ainm/ainmneacha an duine/na ndaoine a ainmnítear faoi phointí 145.A.30(b), (c) agus (ca);

(4)

dualgais agus freagrachtaí na ndaoine a ainmnítear faoi phointí 145.A.30(b), (c) agus (ca), lena n-áirítear na hábhair a bhféadfaidh siad plé go díreach leis an údarás inniúil ina leith thar ceann na heagraíochta;

(5)

cairt eagraíochta ina léirítear an chuntasacht agus na línte freagrachta lena mbaineann, a bhunaítear i gcomhréir le pointe 145.A.200(a)(1), idir na daoine go léir dá dtagraítear i bpointí 145.A.30(a), (b), (c) agus (ca);

(6)

liosta den phearsanra deimhnithe agus, más infheidhme, den phearsanra tacaíochta agus den phearsanra athbhreithnithe aeracmhainneachta mar aon le raon feidhme a n-údaraithe;

(7)

tuairisc ghinearálta ar na hacmhainní lucht saothair agus ar an gcóras atá i bhfeidhm chun infhaighteacht an phearsanra a phleanáil, mar a cheanglaítear le pointe 145.A.30(d);

(8)

tuairisc ghinearálta ar na saoráidí ag gach suíomh formheasta;

(9)

sonrú ar raon feidhme obair na heagraíochta atá ábhartha maidir le téarmaí an cheadaithe mar a cheanglaítear le pointe 145.A.20;

(10)

an nós imeachta lena leagtar amach raon na n-athruithe nach n-éilítear leo ceadú roimh ré agus lena gcuirtear síos ar an gcaoi a ndéanfar na hathruithe sin a bhainistiú agus a dtabharfar fógra fúthu don údarás inniúil, mar a cheanglaítear le pointe 145.A.85(c);

(11)

an nós imeachta chun an LEC a leasú;

(12)

na nósanna imeachta ina sonraítear conas a áirithíonn an eagraíocht go gcomhlíonfar an Iarscríbhinn seo;

(13)

liosta de na hoibreoirí tráchtála dá soláthraíonn an eagraíocht seirbhísí cothabhála aerárthaí go rialta, agus na nósanna imeachta gaolmhara;

(14)

i gcás inarb infheidhme, liosta de na heagraíochtaí ar fochonradh dá dtagraítear i bpointe 145.A.75(b);

(15)

liosta de na suíomhanna formheasta lena n-áirítear, i gcás inarb infheidhme, suíomhanna gnáthchothabhála dá dtagraítear i bpointe 145.A.75(d);

(16)

liosta de na heagraíochtaí ar conradh;

(17)

liosta de na modhanna malartacha comhlíontachta atá formheasta faoi láthair agus atá in úsáid ag an eagraíocht.

“(a)

cothabháil a dhéanamh ar aon aerárthach nó comhpháirt a bhfuil sí formheasta ina leith ag na suíomhanna a shainaithnítear sa deimhniú agus sa LEC;

(b)

a shocrú go ndéanfar cothabháil ar aon aerárthach nó comhpháirt a bhfuil sí formheasta ina leith ag eagraíocht eile ar fochonradh a oibríonn faoi chóras bainistíochta na heagraíochta. Tá sé sin teoranta don obair a cheadaítear faoi na nósanna imeachta a bhunaítear i gcomhréir le pointe 145.A.65 agus ní áireofar inti seiceáil cothabháil throm ar aerárthach, ná seiceáil iomlán chothabhála i gceardlann ná inneall nó modúl innill a athchóiriú;”;

“(f)

má tá ceadú sonrach faighte ag an eagraíocht a dhéanamh amhlaidh i gcás aerárthaí a chumhdaítear le hIarscríbhinn Vb (Cuid-ML) agus má tá a príomháit ghnó i gceann de na Ballstáit, féadfaidh sí athbhreithnithe aeracmhainneachta a dhéanamh agus na deimhnithe comhfhreagracha ar athbhreithniú aeracmhainneachta a eisiúint faoi na coinníollacha a shonraítear i bpointe ML.A.903 d’Iarscríbhinn Vb (Cuid-ML).”;

(1)

athruithe ar an deimhniú, lena n-áirítear athruithe ar théarmaí ceadaithe na heagraíochta;

(2)

athruithe i ndáil leis na daoine dá dtagraítear i bpointí 145.A.30(a), (b), (c) agus (ca);

(3)

athruithe ar na línte tuairiscithe idir an pearsanra a ainmneofar i gcomhréir le pointí 145.A.30(b), (c) agus (ca), agus an bainisteoir cuntasach;

(4)

an nós imeachta a mhéid a bhaineann le hathruithe nach n-éilítear leo ceadú roimh ré dá dtagraítear i bpointe (c);

(5)

suíomhanna breise de chuid na heagraíochta seachas iad sin atá faoi réir phointe 145.A.75(c).

(1)

leanfaidh an eagraíocht de bheith i gcomhréir le Rialachán (AE) 2018/1139, lena ghníomhartha tarmligthe agus lena ghníomhartha cur chun feidhme, agus forálacha phointe 145.B.350 den Iarscríbhinn seo maidir leis an láimhseáil torthaí á gcur san áireamh;

(2)

tabharfar rochtain ar an eagraíocht don údarás inniúil mar a shonraítear i bpointe 145.A.140;

(3)

ní thabharfaidh an eagraíocht an deimhniú suas, agus ní dhéanfaidh an t-údarás inniúil é a chur ar fionraí ná a chúlghairm faoi phointe 145.B.355.

(1)

an bhunchúis nó na bunchúiseanna leis an neamhchomhlíontacht a shainaithint, mar aon le ní nó nithe a chuireann léi;

(2)

plean gníomhaíochta ceartaithí a shainiú;

(3)

cur chun feidhme gníomhaíochta ceartaithí a léiriú chun sástacht an údaráis inniúil.

(1)

cuntasacht agus línte freagrachta atá sainithe go soiléir ar fud na heagraíochta, lena n-áirítear cuntasacht dhíreach sábháilteachta an bhainisteora chuntasaigh;

(2)

tuairisc ar fhealsúnachtaí foriomlána agus ar phrionsabail na heagraíochta maidir le sábháilteacht (‘an beartas sábháilteachta’), agus ar na cuspóirí sábháilteachta gaolmhara;

(3)

guaiseacha sábháilteachta eitlíochta a thagann as gníomhaíochtaí na heagraíochta a shainaithint, meastóireacht a dhéanamh orthu agus na rioscaí lena mbaineann a bhainistiú, lena n-áirítear gníomhaíochtaí a dhéanamh chun na rioscaí a mhaolú agus chun a n-éifeachtacht a fhíorú;

(4)

oilteacht agus inniúlacht an phearsanra a choinneáil ar bun chun go mbeidh siad in ann a gcuid cúraimí a dhéanamh;

(5)

doiciméadú ar phríomhphróisis uile an chórais bainistíochta, lena n-áirítear próiseas chun pearsanra a chur ar an eolas faoina bhfreagrachtaí agus an nós imeachta chun an doiciméadacht sin a leasú;

(6)

feidhm chun faireachán a dhéanamh ar chomhlíontacht na heagraíochta leis na ceanglais ábhartha. Áireofar leis an bhfaireachán ar chomhlíonadh córas lena seolfar torthaí chuig an mbainisteoir cuntasach chun a áirithiú go gcuirfear gníomhaíochtaí ceartaitheacha chun feidhme go héifeachtach de réir mar is gá;

(1)

sainaithneoidh sí na cúiseanna leis na hearráidí, na neasteagmhais agus na guaiseacha a tuairiscíodh agus na nithe a chuireann leo, agus tabharfaidh sí aghaidh orthu mar chuid dá próiseas um bainistíocht riosca sábháilteachta i gcomhréir le pointe 145.A.200(a)(3);

(2)

áiritheoidh sí go ndéanfar meastóireacht ar an bhfaisnéis ábhartha aitheanta uile a bhaineann le hearráidí, le neasteagmhais, le guaiseacha agus leis an neamhábaltacht nósanna imeachta a leanúint, agus áiritheoidh sí go bhfuil modh ann leis an bhfhaisnéis a scaipeadh de réir mar is gá.

(1)

beidh an chothabháil i gcomhréir leis na ceanglais is infheidhme;

(2)

is mar chuid de chóras bainistíochta na heagraíochta a mheasfar aon ghuais sábháilteachta eitlíochta a bhaineann le conraitheoireacht nó le fochonraitheoireacht den sórt sin.

(1)

beartais agus nósanna imeachta doiciméadaithe chun tuairisc a thabhairt ar leagan amach an chórais bainistíochta, ar na bealaí agus ar na modhanna chun comhlíontacht le Rialachán (AE) 2018/1139 agus lena ghníomhartha tarmligthe agus lena ghníomhartha cur chun feidhme a shuí. Coinneofar na nósanna imeachta cothrom le dáta agus úsáidfear iad mar na bundoiciméid oibre laistigh den údarás inniúil sin le haghaidh a chúraimí gaolmhara uile;

(2)

líon leordhóthanach pearsanra chun a chúraimí a dhéanamh agus a fhreagrachtaí a chomhlíonadh. Beidh córas i bhfeidhm chun infhaighteacht an phearsanra a phleanáil chun a áirithiú go gcuirfear na cúraimí uile i gcrích i gceart;

(3)

pearsanra atá cáilithe chun na cúraimí atá sannta dóibh a dhéanamh agus a bhfuil an t-eolas agus an taithí is gá acu agus a fhaigheann oiliúint tosaigh arís agus arís eile chun inniúlacht leanúnach a áirithiú;

(4)

saoráidí agus cóiríocht oifige atá leordhóthanach chun go ndéanfaidh an pearsanra na cúraimí a sannadh dóibh;

(5)

feidhm chun faireachán a dhéanamh ar chomhlíontacht an chórais bainistíochta leis na ceanglais ábhartha, agus ar leordhóthanacht na nósanna imeachta, lena n-áirítear próiseas iniúchóireachta inmheánaí agus próiseas um bainistiú riosca sábháilteachta a bhunú. Áireofar san fhaireachán ar chomhlíonadh córas lena seolfar torthaí iniúchóireachta chuig bainistíocht shinsearach an údaráis inniúil chun a áirithiú go gcuirfear chun feidhme gníomhaíochtaí ceartaitheacha de réir mar is gá;

(6)

duine nó grúpa daoine a bheidh freagrach i leith bhainistíocht shinsearach an údaráis inniúil maidir leis an bhfeidhm faireacháin ar chomhlíonadh.

(1)

na torthaí uile a ardaíodh agus aon bheart leantach a rinneadh de thoradh na formhaoirseacht ar dhaoine agus ar eagraíochtaí a dhéanann gníomhaíochtaí ar chríoch Ballstáit, ach ar daoine nó eagraíochtaí iad arna ndeimhniú ag údarás inniúil Ballstáit eile nó ag an nGníomhaireacht;

(2)

faisnéis a eascraíonn as tuairisciú éigeantach agus deonach tarluithe mar a cheanglaítear le 145.A.60.

(1)

go bhfuil córas curtha i bhfeidhm aige chun measúnú tosaigh agus leanúnach a dhéanamh chun a mheas an gcomhlíonann an t-eintiteas cáilithe Iarscríbhinn VI a ghabhann le Rialachán (AE) 2018/1139. Déanfar an córas sin agus torthaí na measúnuithe a dhoiciméadú;

(2)

go bhfuil comhaontú i scríbhinn leagtha síos aige leis an eintiteas cáilithe, arna bhformheas ag an dá pháirtí ar an leibhéal iomchuí bainistíochta, ina leagtar síos na nithe seo a leanas:

(1)

beartais agus nósanna imeachta doiciméadaithe an chórais bainistíochta;

(2)

oiliúint, cáilíochtaí agus údaruithe a phearsanra;

(3)

cúraimí a shannadh, lena gcumhdófar na heilimintí a cheanglaítear le pointe 145.B.205, mar aon le mionsonraí na gcúraimí a shanntar;

(4)

próisis deimhniúcháin agus formhaoirseacht leanúnach ar eagraíochtaí deimhnithe, lena n-áirítear:

(5)

doiciméid a thacaíonn le húsáid modhanna malartacha comhlíonta;

(6)

faisnéis sábháilteachta arna soláthar i gcomhréir le pointe 145.B.125 agus bearta leantacha;

(7)

úsáid forálacha cosanta agus solúbthachta i gcomhréir le hAirteagal 70, le hAirteagal 71(1) agus le hAirteagal 76(4) de Rialachán (AE) 2018/1139.

(1)

comhlíonadh na gceanglas is infheidhme maidir le heagraíochtaí, sula n-eiseoidh sé deimhniú eagraíochta;

(2)

comhlíontacht leanúnach le ceanglais is infheidhme na n-eagraíochtaí atá deimhnithe aige;

(3)

cur chun feidhme bearta iomchuí sábháilteachta a éilíonn an t-údarás inniúil i gcomhréir le pointí 145.B.135(c) agus (d).

(1)

tacófar leis trí dhoiciméadacht atá beartaithe go sonrach chun treoir a sholáthar do phearsanra atá freagrach as formhaoirseacht maidir lena bhfeidhmeanna a dhéanamh;

(2)

soláthróidh sé torthaí na ngníomhaíochtaí formhaoirseachta do na heagraíochtaí lena mbaineann;

(3)

beidh sé bunaithe ar mheasúnuithe, ar iniúchtaí agus ar chigireachtaí agus, más gá, ar chigireachtaí gan fhógra;

(4)

soláthróidh sé don údarás inniúil an fhianaise is gá i gcás ina bhfuil gá le tuilleadh gníomhaíochta, lena n-áirítear na bearta dá bhforáiltear i bpointe 145.B.350.

(1)

measúnuithe, iniúchtaí agus cigireachtaí, lena n-áirítear na nithe seo a leanas, de réir mar is iomchuí:

(2)

cruinnithe a thionóltar idir an bainisteoir cuntasach agus an t-údarás inniúil chun a áirithiú go bhfanann an dá pháirtí ar an eolas maidir le gach saincheist shuntasach.

(1)

tá sé léirithe ag an eagraíocht gur féidir léi guaiseacha sábháilteachta eitlíochta a shainaithint go héifeachtach agus na rioscaí gaolmhara a bhainistiú;

(2)

tá comhlíontacht phointe 145.A.85 léirithe ar bhonn leanúnach ag an eagraíocht agus tá smacht iomlán aici ar na hathruithe go léir;

(3)

níor eisíodh aon toradh leibhéal 1;

(4)

cuireadh gach gníomhaíocht cheartaitheach chun feidhme laistigh den tréimhse ama ar ghlac an t-údarás inniúil léi nó ar chuir sé síneadh léi dá bhforáiltear i bpointe 145.B.350.

(1)

an deimhniú a leagtar síos in Aguisín III “Foirm 3-145 EASA” a eisiúint i gcomhréir leis an gcóras aicmithe agus rátála dá bhforáiltear in Aguisín II;

(2)

an LEC a fhormheas go foirmiúil.

(1)

aon mhainneachtain rochtain a thabhairt don údarás inniúil ar shaoráidí na heagraíochta dá dtagraítear i bpointe 145.A.140 le linn gnáthuaireanta oibriúcháin agus tar éis dhá iarraidh i scríbhinn;

(2)

an deimhniú eagraíochta a fháil nó a bhailíocht a choinneáil ar bun trí fhalsú a dhéanamh ar an bhfianaise dhoiciméadach a cuireadh isteach;

(3)

aon fhianaise ar mhíchleachtas nó ar úsáid chalaoiseach an deimhnithe eagraíochta;

(4)

easpa bainisteora chuntasaigh.

(1)

Má fhaightear aon toradh leibhéal 1, déanfaidh an t-údarás inniúil beart láithreach iomchuí chun gníomhaíochtaí na heagraíochta lena mbaineann a chosc nó srian a chur leo agus, más iomchuí, déanfaidh sé beart chun an deimhniú a chúlghairm nó é a theorannú nó a chur ar fionraí ina iomláine nó i bpáirt, ag brath ar mhéid an toradh leibhéal 1, go dtí go n-éireoidh le gníomhaíocht cheartaitheach óna eagraíocht.

(2)

Má tá aon toradh leibhéal 2 ann, déanfaidh an t-údarás inniúil na nithe seo a leanas:

(3)

Má theipeann ar an eagraíocht plean gníomhaíochta ceartaithí inghlactha a chur isteach, nó má theipeann uirthi an ghníomhaíocht cheartaitheach a dhéanamh laistigh den tréimhse ama ar ghlac an t-údarás inniúil léi nó ar chuir an t-údarás inniúil síneadh léi, ardófar an toradh go leibhéal 1 agus déanfar beart mar a leagtar síos i bpointe (d)(1).

(4)

Déanfaidh an t-údarás inniúil taifead de na torthaí ar fad a d’ardaigh sé nó a cuireadh in iúl dó i gcomhréir le pointe (e) agus, i gcás inarb infheidhme, déanfaidh sé taifead de na bearta forfheidhmiúcháin a chuir sé i bhfeidhm, chomh maith leis na gníomhaíochtaí ceartaitheacha uile agus na dátaí a cuireadh clabhsúr ar na torthaí uile.

(1)

i gcás aon mhír ar measadh a feidhmíocht a bheith neamhéifeachtach;

(2)

i gcás ina sainaithnítear go bhfuil sé d’acmhainn ag mír a bheith ina cúis le neamhchomhlíontacht faoi phointí (b) nó (c);

(3)

nuair a bhíonn moltaí nó feabhsuithe ina n-ábhar spéise ar mhaithe le feidhmíocht sábháilteachta fhoriomlán na heagraíochta.