1.   

Ciallaíonn “cúram sláinte” na gníomhaíochtaí uile a bhfuil sé de phríomhchuspóir acu stádas sláinte daoine a fheabhsú agus a chothabháil, meath ar stádas sláinte daoine a chosc, agus iarmhairtí na drochshláinte a mhaolú trí eolas sláinte cáilithe a chur i bhfeidhm;

2.   

Ciallaíonn “caiteachas reatha ar chúram sláinte” caiteachas tomhaltais chríochnaithigh de chuid aonad cónaitheach ar earraí agus ar sheirbhísí cúraim sláinte, lena n-áirítear na hearraí agus na seirbhísí cúraim sláinte a sholáthraítear go díreach do dhaoine aonair chomh maith le seirbhísí cúraim sláinte chomhchoitinn;

3.   

Ciallaíonn “feidhmeanna cúraim sláinte” an cineál riachtanais a bhfuil sé d’aidhm ag earraí agus seirbhísí cúraim sláinte a chomhlíonadh nó an cineál cuspóra sláinte atáthar a shaothrú;

4.   

“Cúram leigheasach agus athshlánúcháin othar cónaitheach”: Ciallaíonn “cúram othar cónaithe” an chóireáil agus/nó an cúram a sholáthraítear i saoráid cúraim sláinte d’othair a thógtar isteach go foirmiúil agus ar gá dóibh fanacht thar oíche; Ciallaíonn “cúram leigheasach” na seirbhísí cúraim sláinte a bhfuil sé de phríomhchuspóir acu na siomptóim a mhaolú nó déine tinnis nó díobhála a laghdú, nó gan ligean dó dul in olcas nó dul in aimhréidh i gcaoi a chuirfeadh an bheatha nó an ghnáthfheidhm i mbaol; Ciallaíonn “cúram athshlánúcháin” na seirbhísí chun feidhmeanna agus struchtúir na bhfeidhmeanna agus struchtúr coirp lagaithe a chobhsú, a fheabhsú nó a thabhairt ar ais, chun easpa nó caillteanas feidhmeanna agus struchtúr coirp a chúiteamh, gníomhaíochtaí agus rannpháirtíocht a fheabhsú agus mallachair, aimhréidheanna agus rioscaí leighis a chosc;

5.   

“Cúram leigheasach agus athshlánúcháin lae”: Ciallaíonn “cúram lae” na seirbhísí pleanáilte leighis agus paraileighis a sheachadtar i saoráid cúraim sláinte d’othair a tógadh isteach go foirmiúil chun diagnóis, cóireáil nó cineálacha eile cúraim sláinte a dhéanamh agus a scaoiltear an lá céanna; Ciallaíonn “cúram leigheasach” na seirbhísí cúraim sláinte a bhfuil sé de phríomhchuspóir acu na siomptóim a mhaolú nó déine tinnis nó díobhála a laghdú, nó a chinntiú nach rachaidh sé in olcas nó in aimhréidh i gcaoi a chuirfeadh an bheatha nó an ghnáthfheidhm i mbaol; Ciallaíonn “cúram athshlánúcháin” na seirbhísí chun feidhmeanna agus struchtúir na bhfeidhmeanna agus struchtúr coirp lagaithe a chobhsú, a fheabhsú nó a thabhairt ar ais, chun easpa nó caillteanas feidhmeanna agus struchtúr coirp a chúiteamh, gníomhaíochtaí agus rannpháirtíocht a fheabhsú agus mallachair, aimhréidheanna agus rioscaí leighis a chosc;

6.   

“Cúram leigheasach agus athshlánúcháin othar seachtrach”: Ciallaíonn “cúram othar seachtrach” na seirbhísí leighis agus coimhdeacha a sheachadtar i saoráid cúraim sláinte d’othar nach dtógtar isteach go foirmiúil dó agus nach bhfanann thar oíche; Ciallaíonn “cúram leigheasach” na seirbhísí cúraim sláinte a bhfuil sé de phríomhchuspóir acu na siomptóim a mhaolú nó déine tinnis nó díobhála a laghdú, nó a chinntiú nach rachaidh sé in olcas nó in aimhréidh i gcaoi a chuirfeadh an bheatha nó an ghnáthfheidhm i mbaol; Ciallaíonn “cúram athshlánúcháin” na seirbhísí chun feidhmeanna agus struchtúir na bhfeidhmeanna agus struchtúr coirp lagaithe a chobhsú, a fheabhsú nó a thabhairt ar ais, chun easpa nó caillteanas feidhmeanna agus struchtúr coirp a chúiteamh, gníomhaíochtaí agus rannpháirtíocht a fheabhsú agus mallachair, aimhréidheanna agus rioscaí leighis a chosc;

7.   

“Cúram leigheasach agus athshlánúcháin sa bhaile”: Ciallaíonn “cúram sa bhaile” na seirbhísí leighis, coimhdeacha agus altranais a chaitheann othair sa bhaile agus a mbíonn láithreacht fhisiciúil na soláthraithe i gceist leo; Ciallaíonn “cúram leigheasach” na seirbhísí cúraim sláinte a bhfuil sé de phríomhchuspóir acu na siomptóim a mhaolú nó déine tinnis nó díobhála a laghdú, nó a chinntiú nach rachaidh sé in olcas nó in aimhréidh i gcaoi a chuirfeadh an bheatha nó an ghnáthfheidhm i mbaol; Ciallaíonn “cúram athshlánúcháin” na seirbhísí chun feidhmeanna agus struchtúir na bhfeidhmeanna agus struchtúr coirp lagaithe a chobhsú, a fheabhsú nó a thabhairt ar ais, chun easpa nó caillteanas feidhmeanna agus struchtúr coirp a chúiteamh, gníomhaíochtaí agus rannpháirtíocht a fheabhsú agus mallachair, aimhréidheanna agus rioscaí leighis a chosc;

8.   

“Cúram fadtéarmach othar cónaitheach (sláinte)”: Ciallaíonn “cúram othar cónaitheach” an chóireáil agus/nó an cúram a sholáthraítear i saoráid cúraim sláinte d’othair a thógtar isteach go foirmiúil agus ar gá dóibh fanacht thar oíche; Ciallaíonn “cúram fadtéarmach (sláinte)” réimse seirbhísí cúraim leighis nó altranais agus cúraim phearsanta a sholáthraíonn cabhair le gnáthghníomhaíochtaí a bhfuil sé de phríomhchuspóir acu pian agus fulaingt a mhaolú agus an meath ar stádas sláinte in othair a bhfuil spleáchas fadtéarmach acu a laghdú nó a bhainistiú;

9.   

“Cúram lae fadtéarmach othar (sláinte)”: Ciallaíonn “cúram lae” na seirbhísí pleanáilte leighis agus paraileighis a sheachadtar i saoráid cúraim sláinte d’othair a tógadh isteach go foirmiúil chun diagnóis, cóireáil nó cineálacha eile cúraim sláinte a dhéanamh agus a scaoiltear an lá céanna; Ciallaíonn “cúram fadtéarmach (sláinte)” réimse seirbhísí cúraim leighis nó altranais agus cúraim phearsanta a sholáthraíonn cabhair le gnáthghníomhaíochtaí a bhfuil sé de phríomhchuspóir acu pian agus fulaingt a mhaolú agus an meath ar stádas sláinte in othair a bhfuil spleáchas fadtéarmach acu a laghdú nó a bhainistiú;

10.   

“Cúram fadtéarmach othar (sláinte)”: Ciallaíonn “cúram othar seachtrach” na seirbhísí leighis agus coimhdeacha a sheachadtar i saoráid cúraim sláinte d’othar nach dtógtar isteach go foirmiúil agus nach bhfanann thar oíche; Ciallaíonn “cúram fadtéarmach (sláinte)” réimse seirbhísí cúraim leighis nó altranais agus cúraim phearsanta a sholáthraíonn cabhair le gnáthghníomhaíochtaí a bhfuil sé de phríomhchuspóir acu pian agus fulaingt a mhaolú agus an meath ar stádas sláinte in othair a bhfuil spleáchas fadtéarmach acu a laghdú nó a bhainistiú;

11.   

“Cúram fadtéarmach othar sa bhaile (sláinte)”: Ciallaíonn “cúram sa bhaile” na seirbhísí leighis, coimhdeacha agus altranais a chaitheann othair sa bhaile agus a mbíonn láithreacht fhisiciúil na soláthraithe i gceist leo; Ciallaíonn “cúram fadtéarmach (sláinte)” réimse seirbhísí cúraim leighis nó altranais agus cúraim phearsanta a sholáthraíonn cabhair le gnáthghníomhaíochtaí a bhfuil sé de phríomhchuspóir acu pian agus fulaingt a mhaolú agus an meath ar stádas sláinte in othair a bhfuil spleáchas fadtéarmach acu a laghdú nó a bhainistiú;

12.   

Ciallaíonn “seirbhísí coimhdeacha (nach sonraítear de réir feidhme)” na seirbhísí cúraim sláinte nó na seirbhísí fadtéarmacha a bhaineann le cúram nach sonraítear de réir feidhme agus nach sonraítear de réir modh soláthair, ar seirbhísí iad a chaitheann an t-othar go díreach, go háirithe le linn teagmháil neamhspleách leis an gcóras sláinte agus nach cuid dhílis iad de phacáiste seirbhíse cúraim, amhail seirbhísí saotharlainne nó íomháithe nó iompar othar agus tarrtháil éigeandála;

13.   

Ciallaíonn “cógais agus earraí leighis neamh-mharthanacha eile (nach sonraítear de réir feidhme)” táirgí cógaisíochta agus earraí leighis neamh-mharthanacha atá beartaithe lena n-úsáid chun galar a dhiagnóisiú, a leigheas, a mhaolú nó a chóireáil, lena n-áirítear cógais fhorordaithe agus drugaí thar an gcuntar, i gcás nach sonraítear an fheidhm agus an modh soláthair;

14.   

Ciallaíonn “fearais theiripeacha agus earraí leighis eile (nach sonraítear de réir feidhme)” earraí leighis marthanacha lena n-áirítear feistí ortótacha a thacaíonn le míchumaí agus/nó mínormáltachtaí chorp an duine nó a cheartaíonn iad, fearais ortaipéideacha, próistéisí nó síntí saorga a chuirtear in ionad cuid den chorp atá ar iarraidh, agus feistí próistéiticeacha eile lena n-áirítear ionchlannáin a chuirtear in ionad feidhmiúlacht struchtúir bhitheolaíoch atá ar iarraidh nó lena bhforlíontar feidhmiúlacht na struchtúr sin, agus feistí leighis teicniúla, i gcás nach sonraítear an fheidhm agus an modh soláthair;

15.   

Ciallaíonn “cúram coisctheach” aon bheart a bhfuil sé d’aidhm aige líon nó déine gortuithe agus galar, agus na hainiarmhairtí agus aimhréidheanna a bhaineann leo, a sheachaint nó a laghdú;

16.   

Ciallaíonn “córas rialachais agus sláinte agus riarachán maoinithe” seirbhísí a dhíríonn ar an gcóras sláinte seachas ar chúram sláinte díreach, a threoraíonn feidhmiú an chórais sláinte agus a thacaíonn leis, agus a mheastar a bheith comhchoiteann, toisc nach leithdháiltear iad ar dhaoine aonair sonracha ach a théann chun tairbhe d’úsáideoirí uile an chórais sláinte;

17.   

Cuimsítear le “seirbhísí cúraim sláinte eile nach n-aicmítear in áit ar bith eile” aon seirbhís cúraim sláinte eile nach n-aicmítear in HC.1 go HC.7;

18.   

Ciallaíonn “scéimeanna maoinithe cúraim sláinte” na cineálacha socruithe maoinithe trína bhfaigheann daoine seirbhísí sláinte, lena n-áirítear íocaíochtaí díreacha ó theaghlaigh le haghaidh seirbhísí agus earraí agus socruithe maoinithe tríú páirtí;

19.   

Ciallaíonn “scéimeanna rialtais” scéimeanna um maoiniú cúraim sláinte a ndéanann an dlí nó an rialtas a saintréithe a chinneadh agus ina leagtar síos buiséad ar leithligh le haghaidh an chláir agus aonad rialtais a bhfuil freagracht fhoriomlán aige as;

20.   

Ciallaíonn “scéimeanna árachais sláinte sóisialta” socrú maoinithe chun rochtain ar chúram sláinte a áirithiú le haghaidh grúpaí daonra sonracha trí rannpháirtíocht éigeantach a chinneann an dlí nó an rialtas, agus cáilitheacht atá bunaithe ar ranníocaíochtaí árachais sláinte a bheith íoctha ag na daoine aonair lena mbaineann nó thar a gceann;

21.   

Ciallaíonn “scéimeanna árachais príobháideacha éigeantacha” socrú maoinithe chun rochtain ar chúram sláinte a áirithiú le haghaidh grúpaí daonra sonracha trí rannpháirtíocht éigeantach a chinneann an dlí nó an rialtas agus cáilitheacht atá bunaithe ar pholasaí árachais sláinte a cheannach;

22.   

Ciallaíonn “scéimeanna árachais sláinte deonacha” scéimeanna atá bunaithe ar pholasaí árachais sláinte a cheannach, nach ndéanann an rialtas éigeantach agus ina bhféadfaidh an rialtas préimheanna árachais a fhóirdheonú go díreach nó go hindíreach;

23.   

Ciallaíonn “scéimeanna maoinithe institiúidí neamhbhrabúis” socruithe maoinithe neamhéigeantacha agus cláir a bhfuil teidlíocht sochair neamhranníocach acu atá bunaithe ar thabhartais ón bpobal i gcoitinne, ón rialtas nó ó chorparáidí;

24.   

Ciallaíonn “scéimeanna maoinithe fiontar” go príomha socruithe ina ndéanann fiontair seirbhísí sláinte a sholáthar nó a mhaoiniú dá bhfostaithe gan dul i muinín scéim de chineál árachais;

25.   

Ciallaíonn “íocaíocht teaghlaigh dhíreach” íocaíocht dhíreach le haghaidh earraí agus seirbhísí cúraim sláinte ó ioncam príomha nó ó choigilteas an teaghlaigh, i gcás ina ndéanann an t-úsáideoir an íocaíocht tráth a cheannaítear earraí nó a úsáidtear na seirbhísí;

26.   

Ciallaíonn “scéimeanna maoinithe sa chuid eile den domhan” socruithe airgeadais lena bhfuil baint ag aonaid institiúideacha atá ina gcónaí thar lear nó atá á mbainistiú acu, ach a bhailíonn acmhainní, a chomhthiomsaíonn iad agus a cheannaíonn earraí agus seirbhísí cúraim sláinte thar ceann cónaitheoirí, gan a gcistí a sheoladh trí scéim chónaitheach;

27.   

Ciallaíonn “soláthraithe cúraim sláinte” na heagraíochtaí agus na gníomhaithe arb é a bpríomhghníomhaíocht earraí agus seirbhísí cúraim sláinte a sholáthar, chomh maith leis na heagraíochtaí agus na gníomhaithe sin nach bhfuil soláthar cúraim sláinte ach ar cheann dá ngníomhaíochtaí;

28.   

Ciallaíonn “ospidéal” na bunaíochtaí ceadúnaithe atá ag gabháil go príomha do sholáthar seirbhísí leighis, diagnóiseacha agus cóireála lena n-áirítear seirbhísí lia, altranais agus seirbhísí sláinte eile a sholáthar d’othair chónaithe agus na seirbhísí cóiríochta speisialaithe a theastaíonn ó othair chónaithe. Ina theannta sin, is féidir leis na bunaíochtaí sin seirbhísí cúraim lae, cúram othar seachtrach agus cúram sláinte baile a sholáthar freisin;

29.   

Ciallaíonn “saoráidí cúraim fhadtéarmaigh cónaithe” bunaíochtaí a bhíonn ag gabháil go príomha do chúram fadtéarmach cónaithe a sholáthar ina gcomhcheanglaítear an t-altranas, an mhaoirseacht nó cineálacha eile cúraim de réir mar atá siad ag teastáil ó na cónaitheoirí, i gcás ina bhfuil cuid shuntasach den phróiseas táirgthe agus den chúram a sholáthraítear ina meascán de sheirbhísí sláinte agus sóisialta agus go bhfuil na seirbhísí sláinte go príomha ar leibhéal an chúraim altranais i gcomhcheangal le seirbhísí cúraim phearsanta;

30.   

Ciallaíonn “tairgeoirí cúraim sláinte shiúlaigh” bunaíochtaí atá ag gabháil go príomha do sheirbhísí cúraim sláinte a sholáthar go díreach d’othair sheachtracha nach dteastaíonn seirbhísí d’othair chónaitheacha uathu, lena n-áirítear oifigí liachleachtóirí ginearálta agus oifigí speisialtóireachta agus bunaíochtaí atá ag sainfheidhmiú i gcóireáil cásanna lae agus i seachadadh seirbhísí cúraim baile;

31.   

Ciallaíonn “soláthraithe seirbhísí coimhdeacha” bunaíochtaí a sholáthraíonn seirbhísí coimhdeacha sonracha go díreach d’othair sheachtracha faoi mhaoirseacht gairmithe sláinte agus nach gcuimsítear faoi eipeasóid cóireála na n-ospidéal, na saoráidí cúraim altranais, na soláthraithe cúraim siúlaigh nó na soláthraithe eile;

32.   

Ciallaíonn “miondíoltóirí agus soláthraithe eile earraí leighis” bunaíochtaí arb é a bpríomhghníomhaíocht earraí leighis a mhiondíol leis an bpobal i gcoitinne lena gcaitheamh nó lena n-úsáid ag an duine aonair nó ag teaghlach, lena n-áirítear feistiú agus deisiú a dhéantar in éineacht le díol;

33.   

Ciallaíonn “soláthraithe cúraim choiscthigh” eagraíochtaí a sholáthraíonn cláir choisctheacha chomhchoiteanna agus feachtais chomhchoiteanna coisctheacha/cláir sláinte poiblí chomhchoiteanna go príomha do ghrúpaí sonracha de dhaoine aonair nó don daonra uile, amhail gníomhaireachtaí cur chun cinn sláinte agus cosanta nó institiúidí sláinte poiblí mar aon le bunaíochtaí speisialaithe arb é a bpríomhghníomhaíocht cúram coisctheach príomhúil a sholáthar;

34.   

Ciallaíonn “soláthraithe seirbhísí riaracháin agus maoinithe na gcóras cúraim sláinte” bunaíochtaí a bhíonn ag gabháil go príomha do rialáil gníomhaíochtaí gníomhaireachtaí a sholáthraíonn cúram sláinte agus do riarachán foriomlán na hearnála cúraim sláinte, lena n-áirítear riarachán maoinithe sláinte;

35.   

Ciallaíonn “an chuid eile den gheilleagar” soláthraithe cúraim sláinte chónaithigh eile nach n-aicmítear in áit ar bith eile, lena n-áirítear teaghlaigh mar sholáthraithe seirbhísí pearsanta sláinte sa bhaile do bhaill teaghlaigh, i gcásanna ina gcomhfhreagraíonn siad d’íocaíochtaí aistrithe sóisialta a dheonaítear chun na críche sin chomh maith le gach tionscal eile a thairgeann cúram sláinte mar ghníomhaíocht thánaisteach;

36.   

Ciallaíonn “an chuid eile den domhan” na haonaid neamhchónaitheacha uile a sholáthraíonn earraí cúraim sláinte agus seirbhísí cúraim sláinte chomh maith leis na haonaid neamhchónaitheacha a bhfuil baint acu le gníomhaíochtaí a bhaineann le sláinte.