1.   Cuireann an Rialachán seo chun feidhme na rialacha dá dtagraítear i míreanna 2, 3 agus 4 i leith ainmhithe eachaí ar coimeád:

2.   Leagtar síos rialacha ginearálta agus rialacha sonracha sa Rialachán seo chun an córas sainaitheanta agus clárúcháin dá bhforáiltear in Airteagal 108(1) de Rialachán (AE) 2016/429 a chur i bhfeidhm go haonfhoirmeach maidir le hainmhithe eachaí agus catagóirí difriúla díobh, chun a oibriú éifeachtúil a áirithiú, lena n-áirítear:

3.   Leagtar síos leis an Rialachán seo na rialacha maidir leis na foirmeacha samplacha is gá chun Airteagal 112(4) agus Airteagal 115(5) de Rialachán (AE) 2019/6 agus Rialachán Tarmligthe (AE) 2021/577 atá le bheith sa doiciméad aitheantais saolré aonair a chur i bhfeidhm, agus rialacha maidir le cóireálacha áirithe a dhoiciméadú i gcomhréir le Treoir 96/22/CEE.

4.   Leagtar síos leis an Rialachán seo na rialacha maidir leis na foirmeacha samplacha chun an fhaisnéis a leagtar amach i gCaibidil I de Chuid 2 d’Iarscríbhinn V a ghabhann le Rialachán (AE) 2016/1012 agus le Rialachán Tarmligthe (AE) 2017/1940 a bheidh i ndoiciméad aitheantais saolré aonair le haghaidh ainmhithe pórúcháin folaíochta den speiceas eachaí a chur isteach.

1.   Gníomhóidh oibreoir ainmhí eachaí, nach é úinéir nó duine d’úinéirí an ainmhí eachaí é, i gcomhréir leis na rialacha a leagtar síos sa Rialachán seo thar ceann úinéir nó ionadaí úinéirí an ainmhí eachaí agus i gcomhaontú leo.

2.   Féadfaidh Ballstáit agus, i gcás inarb infheidhme, comhlachtaí tarmligthe éileamh a dhéanamh go gcuirfidh an t-úinéir nó ionadaí de chuid na n-úinéirí na hiarratais seo a leanas arna ndéanamh chucu ag oibreoirí isteach:

1.   Tarraingeoidh na Ballstáit liosta suas agus coimeádfaidh siad liosta cothrom le dáta d’údaráis inniúla agus, i gcás inarb infheidhme, de chomhlachtaí tarmligthe, atá freagrach as doiciméid aitheantais saolré aonair a eisiúint le haghaidh ainmhithe eachaí agus cuirfidh siad an liosta sin ar fáil do na Ballstáit eile agus don phobal ar shuíomh gréasáin arna bhunú ag an údarás inniúil.

2.   Beidh ar áireamh sa liosta dá bhforáiltear i mír 1:

3.   Chun cúnamh a thabhairt do na Ballstáit na liostaí cothrom le dáta dá bhforáiltear i mír 1 a chur ar fáil, bunóidh an Coimisiún suíomh gréasáin ag a soláthróidh gach Ballstát nasc díreach chuig an bhfaisnéis a éilítear ar an suíomh gréasáin dá bhforáiltear i mír 1.

1.   Sannfaidh an t-údarás inniúil cód don bhunachar sonraí ríomhaireachta, agus i gcás inarb infheidhme do gach bunachar sonraí arna bhunú faoi chreat an bhunachair sonraí ríomhaireachta ag comhlachtaí tarmligthe, ag cumainn phóir agus ag na heagraíochtaí agus an cumann dá dtagraítear in Airteagal 2(5)(b) a thaifeadann mionsonraí aitheantais na n-ainmhithe eachaí.

2.   An cód dá bhforáiltear i mír 1, beidh sé comhoiriúnach le córas códúcháin UELN agus is éard a bheidh ann cód sé dhigit don bhunachar sonraí ríomhaireachta agus do gach bunachar sonraí arna bhunú faoi chreat an bhunachair sonraí ríomhaireachta, cód ina mbeidh:

1.   Ag tráth chéad aitheantas ainmhí eachaí, déanfaidh an t-údarás inniúil, nó de réir mar is infheidhme an comhlacht tarmligthe, na cumainn phóir agus na heagraíochtaí agus an cumann dá dtagraítear in Airteagal 2(5)(b), mionsonraí aitheantais an ainmhí eachaí a thaifeadadh sa bhunachar sonraí ríomhaireachta faoin gcód uathúil.

2.   Cuimseofar sa chód uathúil dá dtagraítear i mír 1:

3.   Is éard a bheidh sa chód uathúil an tagairt maidir le haon rochtain ar mhalartú sonraí agus an malartú sonraí idir na bunachair sonraí ríomhaireachta agus bunachair sonraí comhlachtaí tarmligthe agus cumann póir agus na eagraíochtaí agus an cumann dá dtagraítear in Airteagal 2(5)(b).

4.   I gcás ina mbunaíonn comhlachtaí tarmligthe, cumainn phóir agus na heagraíochtaí agus an cumann dá dtagraítear in Airteagal 2(5)(b), i gcás ina mbunaíonn siad bunachair sonraí faoi chreat an bhunachair sonraí ríomhaireachta, áiritheoidh siad go mbeidh ar a laghad an fhaisnéis dá bhforáiltear i bpointí 1 go 7 de Chuid A agus i gCuid C de Roinn I agus i gCuid II de Roinn II den doiciméad aitheantais samplach le haghaidh ainmhithe eachaí a leagtar amach i gCuid 1 d’Iarscríbhinn II, léirithe sa bhunachar sonraí ríomhaireachta.

1.   Cuirfidh na Ballstáit bearta teicniúla agus eagraíochtúla iomchuí chun feidhme lena áirithiú go leanfaidh na bunachair sonraí ríomhaireachta ag feidhmiú i gcás ina bhféadfaí cur isteach orthu, agus slándáil, cosaint, sláine agus barántúlacht na faisnéise arna taifeadadh sna bunachair sonraí ríomhaireachta.

2.   Áiritheoidh na Ballstáit, arna iarraidh sin dóibh, go mbeidh ag oibreoirí bunaíochta i leith ainmhithe eachaí arna gcoimeád ar a mbunaíocht, ag oibreoirí ainmhithe eachaí i leith a n-ainmhithe, agus ag oibreoirí seamlais i leith ainmhithe eachaí a chuirtear i láthair lena marú chuig a seamlas, rochtain atá inléite amháin agus saor in aisce, agus an méid sin ar a laghad, ar an bhfaisnéis seo a leanas sa bhunachar sonraí ríomhaireachta maidir leis na hainmhithe eachaí a luadh roimhe seo:

3.   Soláthróidh na Ballstáit rochtain inléite inscríofa do na húdaráis inniúla agus do na comhlachtaí tarmligthe ar an mbunachar sonraí ríomhaireachta chun mionsonraí aitheantais ainmhithe eachaí a iontráil nó chun sonraí a mhalartú idir an bunachar sonraí ríomhaireachta sin agus bunachair sonraí arna gcoimeád ag comhlachtaí tarmligthe.

4.   Soláthróidh na Ballstáit d’údaráis inniúla Ballstáit eile, nó mar is infheidhme do chomhlachtaí tarmligthe sna Ballstáit eile sin arna liostú i gcomhréir le hAirteagal 4(1) rochtain inléite amháin saor in aisce ar an bhfaisnéis atá mionsonraithe i bpointí (a), (b) agus (c) de mhír 2 atá ina mbunachair sonraí ríomhaireachta maidir leis na hainmhithe eachaí a choimeádtar de ghnáth ar a gcríoch.

5.   De mhaolú ar mhír 2 den Airteagal seo, féadfaidh na Ballstáit rochtain inléite inscríofa a dheonú d’oibreoirí ainmhithe eachaí dá dtagraítear in Airteagal 102(4) de Rialachán (AE) 2016/429 agus do thréidlianna freagracha ar thacair sonraí ábhartha sa bhunachar sonraí ríomhaireachta, ar choinníoll go ráthaítear cosaint sonraí i gcomhréir le mír 1 den Airteagal seo.

1.   I gcás ina gcinneann Ballstáit, i gcomhréir le hAirteagal 108(4) de Rialachán (AE) 2016/429, mionsonraí aitheantais ainmhithe eachaí atá ina mbunachair sonraí ríomhaireachta a mhalartú go díreach leis na bunachair sonraí ríomhaireachta comhfhreagracha i mBallstáit eile, déanfar an fhaisnéis dá dtagraítear i bpointí (a), (b) agus (c) d’Airteagal 64 de Rialachán Tarmligthe (AE) 2019/2035 a mhalartú mar shonraí leictreonacha idir bunachair sonraí ríomhaireachta Ballstáit i bhformáid Sainmhíniú Scéimre XML (XSD) arna chur ar fáil ag an gCoimisiún ar bhonn na gcaighdeán ábhartha dá dtagraítear in Airteagal 37 de Rialachán Cur Chun Feidhme (AE) 2019/1715.

2.   Féadfaidh an t-údarás inniúil atá freagrach as an mbunaíocht a bhfuil an t-ainmhí eachaí bogtha chuige le haghaidh gnáthchónaí an fhaisnéis dá dtagraítear i mír 1 a iarraidh ó údarás inniúil na bunaíochta tionscnaimh agus cuirfear stampa ama ar gach tarchur.

1.   Bunóidh na Ballstáit córas ionas go n-áiritheofaí sainiúlacht an chóid a thaispeánann trasfhreagróirí agus a úsáidtear in aitheantóirí leictreonacha, cuir i gcás trasfhreagróirí in-insteallta, clibeanna cluaise leictreonacha nó bandaí cinn crúibe leictreonacha, chun ainmhithe eachaí a rugadh san Aontas a shainaithint nó a scaoileadh i saorchúrsaíocht san Aontas tar éis iad a thabhairt isteach san Aontas ó thríú tír.

2.   Comhlíonfaidh na haitheantóirí leictreonacha na sonraíochtaí teicniúla mar a leagtar amach i gCuid 1 d’Iarscríbhinn I.

3.   Comhlíonfaidh na clibeanna cluaise agus na bandaí cinn crúibe na sonraíochtaí teicniúla mar a leagtar amach i gCuid 2 d’Iarscríbhinn I.

1.   Áiritheoidh oibreoirí ainmhithe eachaí go gcuirfear trasfhreagróirí in-insteallta nó, i gcomhréir le hAirteagal 59(1)(a) de Rialachán Tarmligthe (AE) 2019/2035, clibeanna cluaise in ainmhithe eachaí an tráth céanna, nó gairid roimh an dáta, a líonfar an fhoirm aitheantais is gá chun cur isteach ar eisiúint an doiciméid aitheantais saolré aonair laistigh den tréimhse ama i gcomhair aitheantais a leagtar síos in Airteagal 21.

2.   Áiritheoidh oibreoirí ainmhithe eachaí a bhfuil sé beartaithe iad a bhogadh chuig seamlas i gcomhréir le hAirteagal 43(2) go gcuirfear na modhanna sainaitheantais i bhfeidhm ar an ainmhí eachaí díreach tar éis an doiciméadacht chomhfhreagrach a fháil ón údarás inniúil arna heisiúint i bhformáid arna soláthar ag an údarás inniúil chun na ceanglais faisnéise maidir leis an mbiashlabhra a leagtar amach i Roinn III d’Iarscríbhinn II a ghabhann le Rialachán (CE) Uimh. 853/2004 a chomhlíonadh.

3.   Ní bheidh feidhm ag an moill theoranta idir na modhanna sainaitheantais a chur i bhfeidhm agus an fhoirm aitheantais a líonadh isteach chun iarratas a dhéanamh ar dhoiciméad aitheantais saolré aonair a eisiúint mar a fhoráiltear i mír 1 maidir le sainaithint na n-ainmhithe seo a leanas:

1.   Roimh na modhanna sainaitheantais a chur i bhfeidhm ar an ainmhí eachaí i gcomhréir le hAirteagal 13, áiritheoidh an t-údarás inniúil, nó de réir mar is infheidhme an comhlacht tarmligthe, nó an tréidlia nó an duine cáilithe dá dtagraítear in Airteagal 13(1), go nglacfar bearta chun comharthaí nó marcanna féideartha a thugann aitheantas an ainmhí eachaí roimhe sin le fios trí thrasfhreagróirí in-insteallta nó clibeanna cluaise. Áireofar na míreanna seo a leanas ar a laghad leis na bearta sin:

2.   I gcás ina dtugann na bearta dá bhforáiltear i mír 1 den Airteagal seo le fios go bhfuil trasfhreagróir in-insteallta nó clibeanna cluaise ann a ionphlandaíodh roimhe seo, nó aon mhodh malartach sainaitheantais a cuireadh i bhfeidhm i gcomhréir le hAirteagal 16, a thugann aitheantas a rinneadh roimhe seo le fios i gcomhréir le Roinn 2 de Chaibidil III, déanfaidh an t-údarás inniúil, nó de réir mar is infheidhme an comhlacht tarmligthe, na nithe seo a leanas:

3.   I gcás ina ndeimhnítear gur baineadh trasfhreagróir in-insteallta, clib cluaise nó modh malartach sainaitheantais dá dtagraítear i mír 1(c) gan doiciméid in ainmhí eachaí a rugadh san Aontas, eiseoidh an t-údarás inniúil, nó de réir mar is infheidhme an comhlacht tarmligthe, doiciméad aitheantais dúblach i gcomhréir le hAirteagal 25 nó doiciméad aitheantais athsholáthair i gcomhréir le hAirteagal 26.

1.   Cuirfidh tréidlia nó, i gcás dá bhforáiltear sa reachtaíocht náisiúnta, duine atá údaraithe agus atá oilte agus cáilithe go hiomchuí an modh sainaitheantais i bhfeidhm.

2.   Déanfar an trasfhreagróir in-insteallta a ionphlandú go paireintreach, tar éis an áit ina ngabhfaidh an t-instealladh a ullmhú go hiomchuí, ar an taobh clé de mhuineál an ainmhí eachaí, sa lár idir na hadharca agus an dronnóg agus san áit ina bhfuil an ballnasc núcach.

3.   I gcás ina ndéantar an tsainaithint le clib cluaise i gcomhréir le hAirteagal 59(1)(a) de Rialachán Tarmligthe (AE) 2019/2035, beidh sé greamaithe de chluaisín chluas chlé an ainmhí eachaí.

4.   Déanfaidh an duine nó faoi chúram an duine dá dtagraítear i mír 1 an cód a thaispeánfar tríd an modh sainaitheantais dá dtagraítear i bpointí (a), (b), (c), (e) nó (f) d’Iarscríbhinn III a ghabhann le Rialachán Tarmligthe (AE) 2019/2035 tar éis é a instealladh nó a chur ar an ainmhí eachaí a thaifeadadh sa réimse den fhoirm ainmnithe den fhoirm aitheantais a éilítear chun iarratas a dhéanamh chun an doiciméad aitheantais saolré aonair a eisiúint nó go díreach i gCuid A de Roinn I den doiciméad aitheantais samplach le haghaidh ainmhithe eachaí a leagtar amach i gCuid 1 d’Iarscríbhinn II.

1.   I gcás inar scoir trasfhreagróir de bheith ag feidhmiú agus go dteastaíonn ceann nua, déanfar an t-ainmhí eachaí a shainaithint le trasfhreagróir nua ina dtaispeánfar cód nua, agus i gcás mar sin déanfar cód nua an trasfhreagróra a thaifeadadh sa bhunachar sonraí ríomhaireachta agus i gcás inarb infheidhme i mbunachar sonraí an chomhlachta tarmligthe agus sa doiciméad aitheantais saolré aonair i gCuid C de Roinn I den doiciméad aitheantais samplach le haghaidh ainmhithe eachaí a leagtar amach i gCuid 1 d’Iarscríbhinn II.

2.   Déanfar clib cluaise a ghabhfaidh amú nó a bheidh doléite agus cuireadh ar ainmhí i gcomhréir le hAirteagal 13(3) a athsholáthar le clib cluaise ina dtaispeánfar cód nua, agus i gcás mar sin déanfar an cód nua a thaifeadadh sa bhreis air sin sa bhunachar sonraí ríomhaireachta agus i gcás inarb infheidhme i mbunachar sonraí ríomhaireachta an chomhlachta tarmligthe agus sa doiciméad aitheantais saolré aonair i gCuid C de Roinn I den doiciméad aitheantais samplach le haghaidh ainmhithe eachaí a leagtar amach i gCuid 1 d’Iarscríbhinn II.

3.   Áiritheoidh na hoibreoirí go ndéanfar na modhanna sainaitheantais a athsholáthar a luaithe is féidir tar éis dóibh dul amú nó tar éis dóibh scor de bheith ag feidhmiú i gceart agus in aon chás laistigh de thréimhse arna socrú ag an údarás inniúil nach mó ná 30 lá ón dáta a mbraitear iad a bheith imithe amú nó go bhfuil siad ag mífheidhmiú agus sula bhfágann an t-ainmhí eachaí an bhunaíocht ina mbíonn cónaí air de ghnáth.

4.   De mhaolú ar mhír 2, i gcás ina bhfuil ainmhí eachaí aitheanta le níos mó aitheantóirí ná clib cluaise amháin, féadfaidh an t-údarás inniúil cead a thabhairt go ndéanfaí an chlib cluaise atá doléite nó imithe amú, a athsholáthar le clib nua cluaise le cód aitheantais an ainmhí arna thaispeáint ag an modh sainaitheantais atá fágtha.

5.   Cuirfidh oibreoirí na n-ainmhithe eachaí cláraithe an cumann póir nó an eagraíocht nó an cumann dá dtagraítear in Airteagal 22(2) agus (3) faoi seach ar an eolas faoi aon athrú ar an gcód arna thaispeáint tríd an modh sainaitheantais.

1.   Déanfaidh an t-údarás inniúil na bearta is gá lena áirithiú go ndéanfar, ar mharú nó ar bhás an ainmhí eachaí, na modhanna sainaitheantais a chosaint ó úsáid chalaoiseach ina dhiaidh sin trína aisghabháil agus trína scriosadh, nó trína dhiúscairt in situ.

2.   I gcás nach féidir an trasfhreagróir in-insteallta a fháil ar ais ó chorp ainmhí eachaí a maraíodh mar bhia don duine agus go ndearbhaítear nach bhfuil an fheoil nó cuid den fheoil ina bhfuil an trasfhreagróir oiriúnach mar bhia don duine i gcomhréir le pointe (m) d’Airteagal 45 de Rialachán Cur Chun Feidhme (AE) 2019/627, déanfar diúscairt ar na fotháirgí ainmhí a bheidh ann dá bharr sin chun ceanglais mhír 1 den Airteagal seo a chomhlíonadh.

1.   I gcás ina bhfuil modh malartach sainaitheantais údaraithe ag Ballstát, i gcomhréir le hAirteagal 62 de Rialachán Tarmligthe (AE) 2019/2035, modh atá oiriúnach chun aitheantas ainmhithe eachaí ar coimeád a rugadh ina chríoch a fhíorú, lena n-áirítear marcanna agus marcóirí géiniteacha atá acu de dhúchas nó faighte, áiritheoidh an t-údarás inniúil, nó de réir mar is infheidhme an comhlacht tarmligthe, go bhfuil mionsonraí an mhodha mhalartaigh sainaitheanta sin fíoraithe sula ndéantar na mionsonraí sin a thaifeadadh sa doiciméad aitheantais saolré aonair agus sa bhunachar sonraí ríomhaireachta.

2.   Féadfaidh Ballstáit éileamh a dhéanamh go n-úsáidfí modhanna malartacha fíorúcháin sainaitheantais bunaithe ar mharcóirí géiniteacha mar chomhlánú na gceanglas aitheantais atá leagtha síos in Airteagal 109(1)(d)(ii) de Rialachán (AE) 2016/429 le haghaidh ainmhithe eachaí a rugadh sa Bhallstát sin nó a mbíonn cónaí orthu ann de ghnáth.

3.   Cuirfidh na Ballstáit faisnéis maidir lena modhanna malartacha sainaitheantais údaraithe dá dtagraítear i mír 1 den Airteagal seo, ar fáil don Choimisiún, do na Ballstáit eile agus don phobal ar an suíomh gréasáin dá dtagraítear in Airteagal 4(1).

4.   I gcás ina n-úsáidtear modh malartach sainaitheantais, dá dtagraítear i mír 1 den Airteagal seo, chun ainmhithe eachaí a shainaithint, déanfar na mionsonraí faisnéise a thaifeadadh san fhormáid chuimsitheach den doiciméad aitheantais saolré aonair.

5.   I gcás ainmhithe eachaí a bhfuil dathanna sainiúla orthu, amhail an séabra, i mbunaíochtaí srianta, féadfaidh an t-údarás inniúil a údarú go ndéanfaí léaráid imlíne comhlánaithe a athsholáthar le grianghraf d’ardchaighdeán.

6.   I gcás ina n-úsáidtear modh malartach sainaitheantais, dá dtagraítear i mír 1, soláthróidh an t-oibreoir an bealach chun an fhaisnéis aitheantais sin a rochtain nó seasfaidh sé, más infheidhme, na costais nó iarmhairt na moille a bhainfidh le haitheantas an ainmhí eachaí a fhíorú.

1.   Beidh an doiciméad aitheantais saolré aonair i gceann de na formáidí seo a leanas:

2.   Ní dhéanfar an doiciméad aitheantais saolré aonair a eisiúint ach amháin tar éis an fhaisnéis is gá a iontráil ar a laghad i gcomhréir le pointí 1, 2 agus 4 go 7 de Chuid A agus pointí 12 go 18 de Chuid B agus, i gcás inarb infheidhme i gcomhréir le hAirteagal 16, Roinn X den mhúnla den doiciméad aitheantais le haghaidh ainmhithe eachaí a leagtar amach i gCuid 1 d’Iarscríbhinn II.

3.   Féadfar scáthchruth an ainmhí eachaí sa léaráid imlíne dá bhforáiltear i gCuid B de Roinn I den mhúnla den doiciméad aitheantais le haghaidh ainmhithe eachaí a leagtar amach i gCuid 1 d’Iarscríbhinn II a chur in oiriúint, má eisítear an doiciméad le haghaidh ainmhí eachaí seachas capall.

4.   Féadfaidh an t-údarás inniúil údarú i gcás gnáthdhoiciméad aitheantais, nach líonfar isteach an fhaisnéis seo a leanas ach amháin nuair a rinneadh an t-ainmhí eachaí a eisiamh ó mharú mar bhia don duine i gcomhréir le hAirteagal 39(2):

5.   Ní bheidh an imlíne d’fhairchíní i Roinn X den mhúnla de dhoiciméad aitheantais le haghaidh ainmhithe eachaí a leagtar amach i gCuid 1 d’Iarscríbhinn II de dhíth ach amháin i ndoiciméid aitheantais saolré aonair arna n-eisiúint le haghaidh ainmhithe eachaí nár sainaithníodh le trasfhreagróir in-insteallta nó le clib cluaise agus nach bhfuil marcanna orthu nó le trí dheisealán nó níos lú.

6.   Tabharfar áit anatamaíoch ionphlandú trasfhreagróra in-insteallta le fios sa léaráid imlíne dá bhforáiltear i gCuid B de Roinn I den mhúnla de dhoiciméad aitheantais le haghaidh ainmhithe eachaí a leagtar amach i gCuid 1 d’Iarscríbhinn II.

1.   Comhlíonfaidh an doiciméad aitheantais saolré aonair na ceanglais bhreise mar a leagtar amach i gCuid 2 d’Iarscríbhinn II.

2.   I gcás na gcásanna ar a dtugtar tuairisc in Airteagal 21(4) go n-eisítear an doiciméad aitheantais saolré aonair san fhormáid chuimsitheach ina gcuimsítear dhá chuid ina bhfuil an fhormáid chaighdeánach dá dtagraítear in Airteagal 17(1) agus Roinn IV go X á gcur isteach mar iomlán doroinnte i bpóca an chumhdaigh, mar a leagtar amach i bpointe (b) de Chuid 2 d’Iarscríbhinn II, bunófar leis an gcód uathúil a chuirfear isteach i Roinn IV an nasc idir an fhormáid chaighdeánach ar thaobh amháin agus Roinn IV go X ar an taobh eile.

1.   Nuair a dhéantar trasfhreagróir in-insteallta a ionphlandú in ainmhí eachaí i gcomhréir le hAirteagal 11, cuirfidh an t-údarás inniúil nó an comhlacht tarmligthe an fhaisnéis seo a leanas isteach sa doiciméad aitheantais saolré aonair:

2.   I gcás inar sainaithníodh ainmhí eachaí roimhe sin le trasfhreagróir in-insteallta nach gcomhlíonann na caighdeáin ISO reatha, cuirfear an córas léite isteach i bpointe 5 de Chuid A de Roinn I den mhúnla de dhoiciméad aitheantais le haghaidh ainmhithe eachaí a leagtar amach i gCuid 1 d’Iarscríbhinn II.

1.   I gcás ina n-eisítear an doiciméad aitheantais saolré aonair in éineacht le cárta plaisteach nó cárta cliste, comhlíonfaidh na cártaí sin na ceanglais a leagtar amach in Iarscríbhinn III.

2.   Féadfaidh na Ballstáit úsáid na bhfeidhmchlár digiteach a údarú ar ghairis leictreonacha iniompartha ina dtaispeánfar ar a laghad na mionsonraí aitheantais atá stóráilte sa bhunachar sonraí ríomhaireachta chun an t-ainmhí eachaí a shainaithint le linn gluaiseachtaí:

3.   Ní údaróidh Ballstáit áfach an úsáid a bhainfear as cártaí plaisteacha, cártaí cliste nó feidhmchláir dhigiteacha ar ghairis leictreonacha iniompartha mar an t-aon doiciméad aitheantais i gcás go mbeidh an ghluaiseacht chuig seamlas.

1.   Áiritheoidh oibreoir ainmhí eachaí go ndéanfar ainmhí eachaí faoina chúram nó faoina cúram a shainaithint laistigh de thréimhse ama a bheidh le cinneadh ag an mBallstát agus nach faide ná 12 mhí tar éis dáta breithe an ainmhí agus in aon chás, sula bhfágann an t-ainmhí an bhunaíocht inar rugadh é ar feadh tréimhse níos faide ná 30 lá, ach amháin sna cásanna a leanas:

2.   De mhaolú ar mhír 1 den Airteagal seo, féadfaidh cumainn phóir a bhfuil pórleabhair bunaithe acu le haghaidh ainmhithe pórúcháin folaíochta den speiceas eachaí, i gcomhréir leis na ceanglais aitheantais a leagtar síos i bpointe 1 de Chuid 3 d’Iarscríbhinn I a ghabhann le Rialachán (AE) 2016/1012, go ndéanfaí na hainmhithe a shainaithint agus é a dhéanamh mar “searrach ag diúl” na máthar ar a bhfuil sé ag brath.

3.   De mhaolú ar mhíreanna 1 agus 2, féadfar doiciméad aitheantais saolré aonair nua a eisiúint tráth ar bith:

4.   Déanfar doiciméad aitheantais saolré aonair nua a eisiúint san fhormáid chuimsitheach nó líonfar isteach an gnáthdhoiciméad aitheantais atá ann cheana agus déanfar doiciméad aitheantais cuimsitheach de trí Ranna IV go X den mhúnla de dhoiciméad aitheantais le haghaidh ainmhithe eachaí a dhéanamh de mar a leagtar amach i gCuid 1 d’Iarscríbhinn II a ghabhann leis an Rialachán seo i gcás ainmhí eachaí a dhéanfar:

5.   Sula ndéanfar doiciméad aitheantais saolré aonair nua a eisiúint i gcomhréir le míreanna 3 agus 4 agus sula ndéanfar é a sheachadadh chuig oibreoir an ainmhí eachaí, urghabhfaidh an t-údarás inniúil nó de réir mar is infheidhme an comhlacht tarmligthe, an doiciméad aitheantais saolré aonair atá ann cheana, agus beidh sé le neamhbhailiú agus déanfar neamhbhailiú an doiciméid aitheantais atá ann cheana agus eisiúint an doiciméid aitheantais saolré aonair nua a thaifeadadh sa bhunachar sonraí ríomhaireachta le tagairt don chód uathúil a sannadh ar dtús báire don ainmhí eachaí.

1.   Déanfaidh an t-údarás inniúil, nó de réir mar is infheidhme an comhlacht tarmligthe, sa Bhallstát ina bhfuil an bhunaíocht ina rugadh an t-ainmhí eachaí, ar iarratas ón oibreoir, doiciméid aitheantais saolré aonair a eisiúint agus a sheachadadh le haghaidh ainmhithe eachaí seachas ainmhithe eachaí dá dtagraítear i mír 2 agus 3.

Ar iarraidh ón oibreoir, féadfaidh an t-údarás inniúil, nó de réir mar is infheidhme an comhlacht tarmligthe, an doiciméad aitheantais saolré aonair dá dtagraítear sa chéad fhomhír a eisiúint san fhormáid chaighdeánach.

2.   Cumainn phóir a dhéanann cláir pórúcháin atá formheasta i gcomhréir le hAirteagal 8 nó 12 de Rialachán (AE) 2016/1012 sa Bhallstát ina bhfuil an bhunaíocht ina rugadh an t-ainmhí eachaí, ar iarratas ón oibreoir, eiseoidh siad doiciméid aitheantais chuimsitheacha le haghaidh ainmhithe eachaí cláraithe dá dtagraítear in Airteagal 2(5)(a) agus le haghaidh ainmhithe eachaí a bheidh le taifeadadh i roinn fhorlíontach de phórleabhar don phór lena mbaineann,

3.   Cónaidhmeanna náisiúnta, brainsí nó údaráis d’eagraíochtaí idirnáisiúnta nó de chumainn idirnáisiúnta a bhainistíonn capaill i gcomhair iomaíochta nó rásaíochta sa Bhallstát ina bhfuil an bhunaíocht ina rugadh an t-ainmhí eachaí, eiseoidh siad ar iarratas ón oibreoir, doiciméid aitheantais chuimsitheacha le haghaidh ainmhithe eachaí cláraithe dá dtagraítear in Airteagal 2(5)(b).

4.   Cé is moite de chás ina ndéanfar an dá chúram, eisiúint agus seachadadh doiciméad aitheantais saolré aonair cuimsitheach a tharmligean chuig cumainn phóir, eagraíochtaí agus cumainn dá dtagraítear i míreanna 2 agus 3 faoi seach, déanfaidh an t-údarás inniúil, nó de réir mar is infheidhme an comhlacht tarmligthe, an doiciméad aitheantais saolré aonair arna eisiúint i gcomhréir le mír 2 nó 3 a sheachadadh don oibreoir is iarratasóir dá dtagraítear i míreanna 2 agus 3 faoi seach.

5.   Maidir le seachadadh an doiciméid aitheantais saolré aonair i gcomhréir le mír 4, bunóidh an t-údarás inniúil, nó de réir mar is iomchuí an comhlacht tarmligthe, na nósanna imeachta maidir leis na nithe a leanas:

1.   Áiritheoidh na húdaráis inniúla, nó de réir mar is infheidhme an comhlacht tarmligthe, agus na cumainn phóir, na heagraíochtaí agus na cumainn dá dtagraítear in Airteagal 22(2) agus (3) faoi seach go mbeidh ord agus uimhriú Ranna na ndoiciméad aitheantais mar a leagtar amach sa mhúnla de dhoiciméad aitheantais le haghaidh ainmhithe eachaí i gCuid 1 d’Iarscríbhinn II fós gan athrú agus go mbeidh i gcás na Ranna sin ina soláthraítear an spás le haghaidh go leor iontrálacha, go mbeidh líon leordhóthanach leathanach áirithe sa doiciméad aitheantais.

2.   Tá an t-údarás inniúil, nó de réir mar is infheidhme an comhlacht tarmligthe, nó na cumainn phóir agus na heagraíochtaí agus na cumainn dá dtagraítear in Airteagal 22(2) agus (3) faoi seach freagrach as bainistíocht shlán na ndoiciméad aitheantais fholmha agus chomhlánaithe ar a n-áitreabh.

3.   I gcás ina bhfuil modh malartach sainaitheantais údaraithe, déanfaidh an t-údarás inniúil, nó de réir mar is infheidhme an comhlacht tarmligthe, nó na cumainn phóir agus na heagraíochtaí agus na cumainn dá dtagraítear in Airteagal 22(2) agus (3) faoi seach an fhaisnéis i bpointe 6 nó 7 de Chuid A de Roinn I a iontráil agus, i gcás inarb infheidhme, i Roinn X den mhúnla de dhoiciméad aitheantais le haghaidh ainmhithe eachaí a leagtar amach i gCuid 1 d’Iarscríbhinn II agus déanfaidh sé an fhaisnéis sin a thaifeadadh sa bhunachar sonraí ríomhaireachta.

1.   Ar iarratas ó oibreoir an ainmhí eachaí, eiseoidh an t-údarás inniúil, nó i gcás inarb infheidhme an comhlacht tarmligthe, doiciméad sealadach, marcáilte mar sin, i gcomhréir leis an múnla den doiciméad aitheantais sealadach a leagtar amach in Iarscríbhinn IV, lena gceadaítear do na hainmhithe eachaí iad a bhogadh nó a iompar laistigh den Bhallstát céanna ar feadh tréimhse nach faide ná 45 lá, fad agus a dhéanfar an doiciméad aitheantais a thabhairt suas don údarás inniúil, nó i gcás inarb infheidhme don chomhlacht tarmligthe, chun mionsonraí aitheantais a thabhairt cothrom le dáta ann.

2.   Déanfar an doiciméad aitheantais sealadach dá bhforáiltear i mír 1 a fhorlíonadh le foirm i gcomhréir le Roinn II den mhúnla de dhoiciméad aitheantais le haghaidh ainmhithe eachaí a leagtar amach i gCuid 1 d’Iarscríbhinn II chun an fhaisnéis a iontráil i gcomhréir le hAirteagal 40.

3.   I gcomhréir le hAirteagal 66(3) de Rialachán Tarmligthe (AE) 2019/2035, ní iompróidh oibreoirí ainmhithe eachaí a mbeidh doiciméad sealadach ag gabháil leo mar a fhoráiltear i mír 1 chuig seamlas chun iad a mharú mar bhia don duine.

4.   D’fhéadfadh sé nach n-éileofaí doiciméad sealadach le haghaidh ainmhí eachaí dá bhfuil mionsonraí aitheantais ar fáil i bhfeidhmchláir dhigiteacha ar ghairis leictreonacha iniompartha agus ar ainmhí eachaí é a choimeádtar i mBallstát a rinne úsáid feidhmchlár digiteach a údarú agus a chur chun feidhme ar ghairis leictreonacha iniompartha i gcomhréir le hAirteagal 20(2).

1.   Eiseofar doiciméad aitheantais dúblach sna cásanna seo a leanas:

2.   Sna cásanna a dtugtar tuairisc orthu i mír 1, déanfaidh an t-údarás inniúil atá freagrach as an limistéar riaracháin ina mbíonn an t-ainmhí eachaí ar coimeád de ghnáth, nó de réir mar is infheidhme an comhlacht tarmligthe, na nithe seo a leanas ar iarratas ón oibreoir:

3.   Déanfar mionsonraí an doiciméid aitheantais dhúblaigh arna eisiúint i gcomhréir le mír 2 a iontráil trí thagairt a dhéanamh don chód uathúil sa bhunachar sonraí ríomhaireachta.

4.   I gcás inar eisigh comhlacht eisiúna nach ann dó níos mó agus nach bhfuil comharba air an doiciméad aitheantais saolré aonair bunaidh a chuaigh amú roimh dháta chur i bhfeidhm an Rialacháin seo, déanfaidh an t-údarás inniúil nó de réir mar is infheidhme an comhlacht tarmligthe sa Bhallstát ina mbíonn cónaí ar an ainmhí eachaí an doiciméad aitheantais saolré aonair dúblach a eisiúint i gcomhréir le mír 2.

1.   Eiseofar doiciméad aitheantais saolré aonair athsholáthair d’ainmhí eachaí i gcás:

2.   Sna cásanna a dtugtar tuairisc orthu i mír 1, déanfaidh an t-údarás inniúil atá freagrach as an limistéar riaracháin ina mbíonn an t-ainmhí eachaí ar coimeád de ghnáth, nó de réir mar is infheidhme an comhlacht tarmligthe, na nithe seo a leanas ar iarratas ón oibreoir nó ar iarraidh ón údarás inniúil:

3.   Déanfar mionsonraí an doiciméid aitheantais athsholáthair arna eisiúint i gcomhréir le mír 2 a iontráil trí thagairt a dhéanamh don chód uathúil sa bhunachar sonraí ríomhaireachta.

1.   I gcás ina maraítear ainmhí eachaí, glacfar leis na bearta seo a leanas faoi chúram an údaráis inniúil i dtaca leis an doiciméad aitheantais saolré aonair:

2.   I ngach cás ina dtarlaíonn bás nó cailliúint, lena n-áirítear gadaíocht, ainmhí eachaí nach dtagraítear dó i mír 1 den Airteagal seo, cuirfidh oibreoir an ainmhí eachaí an doiciméad aitheantais saolré aonair ar ais laistigh d’uastréimhse 30 lá ó dháta báis nó caillteanais an ainmhí eachaí chuig an údarás inniúil, nó de réir mar is infheidhme an comhlacht tarmligthe, arna thabhairt le fios i gCuid A nó arna thabhairt cothrom le dáta i gCuid C de Roinn I den mhúnla de dhoiciméad aitheantais le haghaidh ainmhithe eachaí a leagtar amach i gCuid 1 d’Iarscríbhinn II.

1.   Cuirfidh na Ballstáit nósanna imeachta chun feidhme chun na doiciméid aitheantais saolré aonair neamhbhailíochtaithe a sheoladh ar ais chuig an údarás inniúil nó chuig an gcomhlacht tarmligthe dá bhforáiltear i bpointe (c)(ii) d’Airteagal 27(1).

2.   Féadfaidh na Ballstáit pointe teagmhála a bhunú chun an fianú dá dtagraítear i bpointe (c)(i) d’Airteagal 27(1) nó na doiciméid aitheantais dá dtagraítear i bpointe (c)(ii) d’Airteagal 27(1) a fháil lena dháileadh ina dhiaidh sin ar an gcomhlacht eisiúna faoi seach, i gcás doiciméad aitheantais saolré aonair arna eisiúint roimh dháta chur i bhfeidhm an Rialacháin seo, nó chuig an údarás inniúil, nó de réir mar is infheidhme an comhlacht tarmligthe, ar a gcríoch.

D’fhéadfadh comhlacht idirchaidrimh dá dtagraítear in Airteagal 103(1) de Rialachán (AE) 2017/625 a bheith i gceist leis an bpointe teagmhála sin.

3.   I gcás inarb infheidhme, i gcomhréir le mír 2 den Airteagal seo, cuirfear mionsonraí an phointe teagmhála ar fáil do na Ballstáit eile agus don phobal ar an suíomh gréasáin arna bhunú i gcomhréir le hAirteagal 4(1).

4.   Déanfaidh an comhlacht eisiúna, i gcás doiciméad aitheantais saolré aonair arna eisiúint roimh dháta chur i bhfeidhm an Rialacháin seo, nó an t-údarás inniúil, nó de réir mar is infheidhme an comhlacht tarmligthe, a fuair faisnéis ar bhás nó ar chailliúint ainmhí eachaí i gcomhréir le hAirteagal 27 a iontráil nó a líonadh isteach, nó i gcás comhlacht eisiúna, iarrfaidh sé ar an údarás inniúil na taifid maidir leis na mionsonraí aitheantais atá i ndoiciméad aitheantais an ainmhí eachaí a seoladh ar ais a iontráil nó a líonadh isteach sa bhunachar sonraí ríomhaireachta.

5.   I gcás ina gceadaítear le rialacha nós imeachta údaráis inniúil, nó de réir mar is infheidhme an chomhlachta tarmligthe, áiritheoidh an t-údarás inniúil, nó de réir mar is infheidhme an comhlacht tarmligthe, go ndéanfar doiciméid aitheantais saolré aonair a neamhbhailiú go héifeachtach, sula ndéanfar iad a sheoladh ar ais chuig an úinéir i gcuimhne an ainmhí eachaí, chun aon úsáid chalaoiseach den doiciméad aitheantais saolré aonair nó an fhaisnéis atá istigh ann a chosc.

1.   Áiritheoidh oibreoirí na n-ainmhithe eachaí go ndéanfar na mionsonraí aitheantais seo a leanas ar a laghad sa doiciméad aitheantais saolré aonair a choimeád cothrom le dáta agus ceart ag gach tráth:

2.   I gcás inar gá na mionsonraí aitheantais i Roinn I go III den mhúnla den doiciméad aitheantais le haghaidh ainmhithe eachaí a leagtar amach i gCuid 1 d’Iarscríbhinn II a thabhairt cothrom le dáta, taiscfidh oibreoir an ainmhí eachaí an doiciméad aitheantais leis an údarás inniúil, nó de réir mar is infheidhme an comhlacht tarmligthe, sa Bhallstát ina bhfuil cónaí ar an ainmhí eachaí:

3.   Áiritheoidh an t-oibreoir go gcoinneofar an fhaisnéis i Ranna IV go IX cothrom le dáta agus ceart i gcomhréir leis na rialacha arna mbunú ag an gcumann póir, ag an eagraíocht nó ag an gcumann a d’eisigh an doiciméad i gcomhréir le hAirteagal 22(2) nó (3).

4.   D’ainneoin Airteagal 66(1) de Rialachán Tarmligthe (AE) 2019/2035, i gcás athrú úinéireachta, tabharfar an doiciméad aitheantais saolré aonair ar lámh don úinéir nua.

1.   Déanfaidh an t-údarás inniúil, nó de réir mar is infheidhme an comhlacht tarmligthe, na nithe a leanas:

2.   Na cumainn phóir, na heagraíochtaí agus na cumainn a d’eisigh doiciméid aitheantais saolré aonair i gcomhréir le hAirteagal 22(2) nó (3), cuirfidh siad an t-údarás inniúil nó de réir mar is infheidhme an comhlacht tarmligthe a sheachaid an doiciméad don oibreoir i gcomhréir le hAirteagal 22(4), cuirfidh siad ar an eolas é maidir le haon leasú a rinneadh ar Ranna I go III den mhúnla de dhoiciméad aitheantais le haghaidh ainmhithe eachaí a leagtar amach i gCuid 1 d’Iarscríbhinn II d’aon doiciméad aitheantais saolré aonair a d’eisigh siad.

1.   Anuas ar na ceanglais a leagtar síos in Airteagal 60 de Rialachán Tarmligthe (AE) 2019/2035 maidir leis na maoluithe chun ainmhithe eachaí ar coimeád a mhaireann faoi choinníollacha leathfhiáine a shainaithint, déanfar an fhaisnéis a sholáthróidh na Ballstáit maidir leis na daonraí d’ainmhithe eachaí agus na limistéir ina gcoimeádtar na hainmhithe sin faoi choinníollacha leathfhiáine a choimeád cothrom le dáta agus beidh mionsonraí geografacha de limistéar na bunaíochta ina bhfuil na hainmhithe eachaí sin á gcoimeád ag gabháil leo.

2.   I gcás ina ndéantar ainmhithe eachaí a bhí ar coimeád faoi choinníollacha leathfhiáine a bhaint ón daonra eachaí chun iad a iompar chuig seamlas, de mhaolú ar Airteagal 43(1), féadfaidh an t-údarás inniúil an ghluaiseacht chuig seamlas sa Bhallstát sin a údarú i gcomhréir leis an maolú dá bhforáiltear in Airteagal 43(2) nó áiritheoidh sé inrianaitheacht gan bhriseadh na n-ainmhithe sin trí bhíthin bearta coibhéiseacha.

1.   Leagfaidh an t-údarás inniúil síos na rialacha agus na nósanna imeachta chun go mbeidh oibreoirí bunaíochtaí a choimeádann ainmhithe eachaí in ann marc bailíochta a fháil le haghaidh ainmhí eachaí amháin nó níos mó a choimeádtar de ghnáth ar an mbunaíocht sin, mar a éilítear don mhaolú ó fhad bailíochta an deimhnithe sláinte ainmhithe dá bhforáiltear in Airteagal 92(2)(a) de Rialachán Tarmligthe (AE) 2020/688.

2.   Déanfaidh an t-údarás inniúil iniúchadh ar an mbunaíocht, nó déanfar iniúchadh ar an mbunaíocht ar a shon, agus eiseoidh sé an marc bailíochta dá dtagraítear i mír 1 le haghaidh na n-ainmhithe eachaí a bhíonn ina gcónaí de ghnáth ar an mbunaíocht sin ach na coinníollacha a leanas a chomhlíonadh:

3.   Déanfar an marc bailíochtaithe dá dtagraítear i mír 1 a iontráil sa doiciméad aitheantais i gcomhréir leis an treoir dá bhforáiltear i Roinn III den mhúnla de dhoiciméad aitheantais le haghaidh ainmhithe eachaí a leagtar amach i gCuid 1 d’Iarscríbhinn II.

4.   Déanfar eisiúint marc bailíochtaithe dá dtagraítear i mír 1 a thaifeadadh sa bhunachar sonraí ríomhaireachta le tagairt do chód uathúil an ainmhí eachaí.

1.   Déanfaidh an chónaidhm náisiúnta den Chónaidhm Idirnáisiúnta Eachaíochta i gcomhair rannpháirtíocht i gcomórtais eachaí, cibé acu a dhéantar iad ar bhonn áitiúil, réigiúnach, náisiúnta nó idirnáisiúnta, nó an t-údarás inniúil rásaíochta i gcomhair rannpháirtíocht i rásaí, na rialacha agus na nósanna imeachta a leagan síos le haghaidh an iarratais a dhéanfaidh oibreoirí ainmhí eachaí cláraithe chun ceadúnas dá bhforáiltear in Airteagal 92(2) de Rialachán Tarmligthe (AE) 2020/688 a fháil don ainmhí eachaí sin.

2.   Ní eiseoidh na heagraíochtaí agus na húdaráis dá dtagraítear i mír 1 an ceadúnas dá dtagraítear sa mhír sin ach amháin má chomhlíontar na coinníollacha a leanas:

3.   Déanfar an ceadúnas a iontráil sa doiciméad aitheantais i gcomhréir leis an treoir dá bhforáiltear i Roinn III den mhúnla de dhoiciméad aitheantais le haghaidh ainmhithe eachaí a leagtar amach i gCuid 1 d’Iarscríbhinn II.

4.   Déanfar eisiúint ceadúnais a thaifeadadh sa bhunachar sonraí ríomhaireachta le tagairt do chód uathúil an ainmhí eachaí.

1.   Líonfaidh ceann díobh seo a leanas isteach an fhaisnéis maidir leis an úinéir i Roinn IV den mhúnla de dhoiciméad aitheantais le haghaidh ainmhithe eachaí a leagtar amach i gCuid 1 d’Iarscríbhinn II:

2.   De mhaolú ó mhír 1, féadfar an fhaisnéis maidir leis an úinéir a sholáthar i bhformáid deimhniú úinéireachta nó cárta clárúcháin, ar choinníoll go dtaifeadtar an cárta sin sa bhunachar sonraí ríomhaireachta, agus go ndéantar tagairt ann:

3.   Déanfar an deimhniú úinéireachta nó an cárta rollaithe dá bhforáiltear i mír 2 a sheoladh ar ais chuig an údarás inniúil nó chuig na heagraíochtaí agus na húdaráis dá dtagraítear i mír 1 den Airteagal seo má fuair an t-ainmhí eachaí bás nó má díoladh é, má cailleadh é, má goideadh é, nó má maraíodh é.

1.   I gcás ina n-éilítear leis na rialacha agus le rialacháin eagraíochta nó údaráis dá dtagraítear in Airteagal 33(1) go dtabharfaí rochtain ar chomórtais agus ar rásaí eachaí ar leith, ar vacsaíní sonracha agus ar thástáil sláinte shonrach:

2.   I gcás inar údaraigh an t-údarás inniúil go n-úsáidfí cártaí cliste nó feidhmchláir dhigiteacha ar ghairis leictreonacha iniompartha i gcomhréir le hAirteagal 20(2), déanfar an fhaisnéis i mír 1(a) agus (b) a áireamh freisin sna cártaí cliste nó sna feidhmchláir dhigiteacha sin ar ghairis leictreonacha iniompartha.

1.   Oibreoirí ainmhithe eachaí a tháinig isteach san Aontas ó thríú tír, déanfaidh siad iarratas chuig údarás inniúil áit chónaithe an ainmhí eachaí, nó de réir mar is infheidhme chuig an gcomhlacht tarmligthe, chun doiciméad aitheantais saolré aonair a eisiúint nó chun an doiciméad aitheantais atá ann cheana dá dtagraítear in Airteagal 36 den Rialachán seo a eisiúint sa bhunachar sonraí ríomhaireachta, laistigh de thréimhse 30 lá ón dáta a dhéantar an nós imeachta custaim a líonadh isteach lena scaoileadh i saorchúrsaíocht mar a leagtar síos in Airteagal 201 de Rialachán (AE) Uimh. 952/2013.

2.   I gcás nach gcomhlíonann an doiciméad aitheantais atá ann cheana dá dtagraítear i mír 1 na ceanglais a leagtar síos in Airteagal 17, déanfaidh an t-údarás inniúil, nó de réir mar is infheidhme an comhlacht tarmligthe, ar iarraidh ón oibreoir:

3.   I gcás nach féidir an doiciméad aitheantais atá ann cheana dá dtagraítear in Airteagal 36 a leasú ionas go gcomhlíonfaidh sé na ceanglais a leagtar síos in Airteagal 17, ní mheasfar go bhfuil sé bailí chun críoch aitheantais i gcomhréir leis an Rialachán seo, agus déanfar an t-ainmhí eachaí a shainaithint, i gcomhréir le hAirteagal 21(3), trí dhoiciméad nua aitheantais saolré aonair a eisiúint bunaithe ar an bhfaisnéis a bheidh sa doiciméad aitheantais a chuirfear isteach ar tháinig an t-ainmhí eachaí isteach san Aontas.

1.   Measfar go mbeidh ainmhithe eachaí beartaithe lena marú mar bhia don duine mura ndéanfar iad a eisiamh ar bhealach do-athraithe óna marú mar bhia don duine tríd an iontráil ábhartha a líonadh isteach agus a shíniú i gCuid II de Roinn II den mhúnla de dhoiciméad aitheantais le haghaidh ainmhithe eachaí a leagtar amach i gCuid 1 d’Iarscríbhinn II ag ceachtar díobh seo a leanas:

2.   Cuirfear moill ar mharú ainmhí eachaí a tháirgeann bia ar feadh tréimhse 6 mhí ar a laghad:

1.   Roimh aon chóireáil le táirge íocshláinte tréidliachta arna údarú i gcomhréir le hAirteagal 8(4) de Rialachán (AE) 2019/6, nó táirge íocshláinte arna chur i bhfeidhm i gcomhréir le hAirteagal 112(4) de sin, nó ina bhfuil substaint atá áirithe sa liosta substaintí arna bhunú i gcomhréir le hAirteagal 115(5) de sin, deimhneoidh an tréidlia freagrach stádas an ainmhí mar a bhfuil sé beartaithe é a mharú nó mar a bhfuil sé eisiata ó mharú mar bhia don duine agus doiciméadaithe sa doiciméad aitheantais saolré aonair, agus i gcás ina soláthraítear rochtain, sa bhunachar sonraí ríomhaireachta.

2.   I gcás ina n-éilíonn tásc a bhaineann le hainmhí eachaí a bhfuil sé beartaithe é a mharú mar bhia don duine go ndéanfaí táirge íocshláinte a thabhairt i gcomhréir le hAirteagal 112(4) de Rialachán (AE) 2019/6 agus gur aontaigh an t-oibreoir cóireáil den sórt sin a ghlacadh thar ceann an úinéara, áiritheoidh an tréidlia freagrach go mbeidh an t-ainmhí eachaí lena mbaineann roimh an gcóireáil, dearbhaithe ar bhealach do-athraithe mar ainmhí nach bhfuil sé beartaithe é a mharú mar bhia don duine ach Cuid II de Roinn II den mhúnla de dhoiciméad aitheantais le haghaidh ainmhithe eachaí a leagtar amach i gCuid 1 d’Iarscríbhinn II a ghabhann leis an Rialachán seo a líonadh isteach agus a shíniú.

3.   I gcás ina n-éilíonn tásc a bhaineann le hainmhí eachaí a bhfuil sé beartaithe é a mharú mar bhia don duine go ndéanfaí táirge íocshláinte ina bhfuil substaint atá áirithe sa liosta a leagtar amach i Rialachán (AE) Uimh. 1950/2006 ón gCoimisiún a thabhairt agus gur aontaigh an t-oibreoir cóireáil den sórt sin a ghlacadh thar ceann an úinéara, iontrálfaidh an tréidlia freagrach na mionsonraí riachtanacha den táirge íocshláinte ina bhfuil substaintí den sórt sin i gCuid III de Roinn II den mhúnla de dhoiciméad aitheantais le haghaidh ainmhithe eachaí a leagtar amach i gCuid 1 d’Iarscríbhinn II a ghabhann leis an Rialachán seo.

Iontrálfaidh an tréidlia freagrach an dáta, arna fhorordú, arb é an uair dheireanach ar tugadh an táirge íocshláinte sin agus cuirfidh sé an t-oibreoir ar an eolas maidir leis an dáta a rachaidh an tréimhse aistarraingthe 6 mhí in éag.

1.   I gcás ina n-éilíonn tásc a bhaineann le hainmhí eachaí arna shainaithint le doiciméad aitheantais sealadach cóireáil le táirge íocshláinte tréidliachta atá údaraithe i gcomhréir le hAirteagal 8(4) de Rialachán (AE) 2019/6, nó táirge íocshláinte arna chur i bhfeidhm i gcomhréir le hAirteagal 112(4) den Rialachán sin, nó táirge ina bhfuil substaint atá áirithe sa liosta substaintí a leagtar amach i Rialachán (CE) Uimh. 1950/2006 ón gCoimisiún, déanfaidh an tréidlia freagrach, roimh an táirge íocshláinte a thabhairt, na nithe a leanas:

2.   Tar éis na bearta dá bhforáiltear i mír 1 den Airteagal seo a bheith tugtha i gcrích, déanfaidh an tréidlia freagrach na nithe a leanas:

3.   Ní bheidh feidhm ag mír 2(b) den Airteagal seo i gcás inar deonaíodh don tréidlia freagrach rochtain dhíreach ar an mbunachar sonraí ríomhaireachta chun mionsonraí faisnéise a iontráil, mionsonraí faisnéise a bhaineann le heisiamh an ainmhí eachaí ó stádas ainmhí a bhfuil sé beartaithe é a mharú mar bhia don duine aige, nó an fhaisnéis nach ndéanfar na hainmhithe a mharú ar feadh tréimhse 6 mhí ón dáta a dhéanfar an táirge íocshláinte a thabhairt.

1.   Tar éis na bearta dá bhforáiltear in Airteagal 39(2) a thabhairt i gcrích, lóisteálfaidh oibreoir an ainmhí eachaí an doiciméad aitheantais saolré aonair leis an údarás inniúil, nó de réir mar is infheidhme leis an gcomhlacht tarmligthe, nó soláthróidh sé an fhaisnéis ar líne i gcás ina bhfuil rochtain den sórt sin ar an mbunachar sonraí ríomhaireachta bunaithe, laistigh d’uastréimhse 7 lá ón dáta a dhéantar Cuid II de Roinn II den mhúnla de dhoiciméad aitheantais le haghaidh ainmhithe eachaí a leagtar amach i gCuid 1 d’Iarscríbhinn II a shíniú.

2.   Féadfaidh na Ballstáit bearta a ghlacadh lena áirithiú, trí mhaolú ó cheanglais d’oibreoirí a leagtar síos in Airteagal 29(2), go ndéanfaidh an tréidlia freagrach na nithe seo a leanas:

1.   I gcás ina n-éilíonn tásc a bhaineann le hainmhí eachaí nach bhfuil sainaitheanta i gcomhréir le hAirteagal 58, 67 nó 68 de Rialachán Tarmligthe (AE) 2019/2035 cóireáil le táirge íocshláinte a thugtar i gcomhréir le hAirteagal 112(4) de Rialachán (AE) 2019/6 nó ina bhfuil substaint atá áirithe sa liosta a leagtar amach i Rialachán (CE) Uimh. 1950/2006 ón gCoimisiún, measfar go mbeidh an t-ainmhí eachaí sainaitheanta chun críoch Airteagal 112(4) nó Airteagal 115(5) de Rialachán (AE) 2019/6 ar choinníoll go gcomhlíontar na coinníollacha i míreanna 2 go 5 den Airteagal seo.

2.   Déanfaidh an tréidlia freagrach, roimh an táirge íocshláinte dá dtagraítear i mír 1 a thabhairt, nó láithreach tar éis é a thabhairt i gcás ina bhfuil beatha ainmhí i mbaol, na nithe a leanas:

3.   De mhaolú ar mhír 2(b) den Airteagal seo, ní éileofar eisiamh an ainmhí eachaí ó mharú mar bhia don duine faoi na coinníollacha seo a leanas:

4.   Tar éis na bearta dá bhforáiltear i mír 2 den Airteagal seo a bheith tugtha chun críche agus tar éis an chóireáil a bheith tugtha, eiseoidh an tréidlia freagrach an fhoirm aitheantais a bheidh líonta isteach agus sínithe agus soláthróidh sé é d’oibreoir an ainmhí eachaí.

5.   Ar thíolacadh na foirme aitheantais dá dtagraítear i mír 4 agus laistigh de 7 lá ón dáta a líontar isteach í, déanfaidh oibreoir an ainmhí eachaí iarratas ar an údarás inniúil, nó de réir mar is infheidhme ar an gcomhlacht tarmligthe, chun

6.   De mhaolú ar mhír 5, féadfaidh na Ballstáit bearta a ghlacadh lena áirithiú, go ndéanfaidh an tréidlia freagrach, laistigh de thréimhse 7 lá ó dháta sínithe na foirme aitheantais dá dtagraítear i mír 4

1.   Beidh an méid seo a leanas ag gabháil le hainmhithe eachaí a bheidh le marú fad agus a bheidh siad á mbogadh nó á n-iompar chuig seamlas:

2.   De mhaolú ar mhír 1, féadfaidh an t-údarás inniúil ainmhithe eachaí nach bhfuil aon doiciméad aitheantais eisithe ina leith a údarú le marú, le hiompar go díreach ón mbunaíocht inar rugadh an t-ainmhí chuig seamlas laistigh den Bhallstát céanna ar choinníoll:

1.   An fhaisnéis a éilítear chun Codanna I agus II den deimhniú zóiteicniúil a chomhlánú i Roinn V den mhúnla de dhoiciméad aitheantais le haghaidh ainmhithe eachaí a leagtar amach i gCuid 1 d’Iarscríbhinn II a ghabhann leis an Rialachán seo, soláthróidh an cumann póir nó an comhlachas pórúcháin a bhunaigh pórleabhar ina n-iontráiltear an t-ainmhí eachaí pórúcháin folaíochta nó atá incháilithe lena iontráil, an fhaisnéis sin.

2.   Beidh Codanna I agus II den deimhniú zóiteicniúil mar a leagtar amach san Iarscríbhinn a ghabhann le Rialachán Tarmligthe (AE) 2017/1940 le fáil sa doiciméad aitheantais saolré aonair nó i ndoiciméad aitheantais dúblach le haghaidh ainmhithe pórúcháin folaíochta den speiceas eachaí agus comhlíonfaidh siad iad seo a leanas:

3.   Coimeádfaidh doiciméad aitheantais saolré aonair arna eisiúint san fhormáid chuimsitheach a bhailíocht má áirítear leathanach breise leis ina bhfuil ainm an chumainn póir eisiúna, an phóir agus na roinne forlíontaí, chomh maith le huimhir an phórleabhair agus faisnéis ábhartha eile a bhaineann le hainmhí eachaí a taifeadadh i roinn fhorlíontach de phórleabhar atá bunaithe nó coimeádta ag an gcumann póir eisiúna a chuireann a chlár pórúcháin arna fhormheas i gcomhréir le hAirteagal 8 nó 12 de Rialachán (AE) 2016/1012 i gcrích.

Beidh an leathanach breise i bhformáid nach féidir a mheascadh le Roinn V den mhúnla de dhoiciméad aitheantais le haghaidh ainmhithe eachaí a leagtar amach i gCuid 1 d’Iarscríbhinn II a ghabhann leis an Rialachán seo agus ní chuirfidh sé isteach ar ord na Ranna atá inti.

1.   I gcomhréir le hAirteagal 86(a) agus (c) de Rialachán Tarmligthe (AE) 2019/2035:

2.   Ar iarraidh ón oibreoir, cuirfidh an t-údarás inniúil nó de réir mar is infheidhme an comhlacht tarmligthe, Roinn III den mhúnla de dhoiciméad aitheantais le haghaidh ainmhithe eachaí a leagtar amach i gCuid 1 d’Iarscríbhinn II a ghabhann leis an Rialachán seo le doiciméad aitheantais saolré aonair arna eisiúint roimh dháta chur i bhfeidhm an Rialacháin seo, ar choinníoll go gcomhlíontar na coinníollacha maidir le marc bailíochtaithe nó ceadúnas a eisiúint i gcomhréir le pointe (a) nó (b) d’Airteagal 92(2) de Rialachán Tarmligthe (AE) 2020/688.