(1)

Foráiltear le Rialachán (AE) 2015/2283 nach bhféadfar ach bianna núíosacha atá údaraithe agus a áirítear ar liosta an Aontais a chur ar an margadh laistigh den Aontas.

(2)

De bhun Airteagal 8 de Rialachán (AE) 2015/2283, glacadh Rialachán Cur Chun Feidhme (AE) 2017/2470 ón gCoimisiún (2) lena mbunaítear liosta Aontais de bhianna núíosacha údaraithe.

(3)

An 20 Eanáir 2014, chuir an chuideachta Yakult Pharmaceutical Industry Co., Ltd. in iúl don Choimisiún, de bhun Airteagal 5 den Rialachán (CE) Uimh. 258/97 ó Pharlaimint na hEorpa agus ón gComhairle (3), go raibh sé ar intinn aici “galachta-olagaisiúcríd” a chur ar an margadh mar bhia núíosach a mbainfear úsáid aisti i roinnt bianna, lena n-áirítear bainne foirmle do naíonáin agus bainne foirmle leantach do naíonáin mar a shainmhínítear i Rialachán (AE) Uimh. 609/2013 ó Pharlaimint na hEorpa agus ón gComhairle (4). Dá bhrí sin, cuireadh galachta-olagaisiúcríd ar liosta an Aontais de bhianna núíosacha.

(4)

An 3 Márta 2020, chuir an chuideachta Yakult Pharmaceutical Industry Co., Ltd. (“an t-iarratasóir”) iarratas faoi bhráid an Choimisiúin i gcomhréir le hAirteagal 10(1) de Rialachán (AE) 2015/2283 chun coinníollacha úsáide an bhia núíosaigh “galachta-olagaisiúcríd” a athrú. D’iarr an t-iarratasóir méadú ar uasleibhéal úsáide an bhia núíosaigh galachta-olagaisiúcríd i bhforbhianna ó 0,333 kg GOS/kg i bhforbhianna (33,3 %) go 0,450 kg GOS/kg i bhforbhianna (45,0 %) don phobal i gcoitinne. Le linn an phróisis iarratais, d’aontaigh an t-iarratasóir leanaí óga agus naíonáin a chur as an áireamh san iarraidh.

(5)

I gcomhréir le hAirteagal 10(3) de Rialachán (AE) 2015/2283, chuaigh an Coimisiún i gcomhairle leis an Údarás Eorpach um Shábháilteacht Bia (“an tÚdarás”) an 18 Meitheamh 2020, agus d’iarr sé air tuairim eolaíoch a thabhairt trí mheasúnú a dhéanamh maidir le leathnú ar úsáid galachta-olagaisiúcríde mar bhia núíosach.

(6)

An 17 Nollaig 2020, ghlac an tÚdarás a thuairimí eolaíocha maidir le “Sábháilteacht i ndáil athrú ar choinníollacha úsáide galachta-olagaisiúcrídí mar comhábhar bhia núíosaigh i bhforbhianna de bhun Rialachán (AE) 2015/2283” (5). Tá an tuairim sin i gcomhréir leis na ceanglais faoi Airteagal 11 de Rialachán (AE) 2015/2283.

(7)

De réir a thuairimí féin, tháinig an tÚdarás ar an gconclúid go bhfuil an méadú atá beartaithe maidir le huasleibhéal úsáide galachta-olagaisiúcríde mar bhia núíosach i bhforbhianna sábháilte faoi na hathruithe úsáide atá beartaithe.

(8)

Is leor na forais sa tuairim ón Údarás chun a shuí go gcomhlíonann galachta-olagaisiúcríd faoin úsáid atá beartaithe agus na leibhéil úsáide atá beartaithe na ceanglais faoi Airteagal 12(1) de Rialachán (AE) 2015/2283.

(9)

Ba cheart, dá bhrí sin, an Iarscríbhinn a ghabhann le Rialachán Cur Chun Feidhme (AE) 2017/2470 a leasú dá réir.

(10)

Tá na bearta dá bhforáiltear sa Rialachán seo i gcomhréir leis an tuairim ón mBuanchoiste um Plandaí, Ainmhithe, Bia agus Beatha,