(a)

tuairisc ar chóras bainistithe riosca an tsoláthraí TPPUnna, lena n-áirítear a rialachas, chun na rioscaí a eascraíonn as táirgí TPPU a bhainistiú;

(b)

tuairisc ar an ngnó a ndeachaigh an soláthraí TPPUnna ina bhun i ndáil leis an earnáil ina bhfuil an soláthraí TPPUnna ag oibriú, lena n-áirítear cineál na n-infheistíochtaí a rinneadh agus a mbainistiú, cibé acu atá na hinfheistíochtaí gníomhach nó éighníomhach, cibé acu a thairgtear nó nach dtairgtear ráthaíochtaí, cur chun feidhme teicnící maolaithe riosca, méid na ranníocaíochtaí agus luachanna sócmhainní, agus liosta ina mbeidh Ballstát baile an tsoláthraí TPPUnna agus aon Bhallstáit óstacha de chuid an tsoláthraí TPPUnna;

(c)

an fhaisnéis maidir leis na beartais i scríbhinn nach mór do sholáthraithe TPPUnna a bheith i bhfeidhm acu chun aghaidh a thabhairt ar na rioscaí ábhartha;

(d)

faisnéis maidir leis na prionsabail luachála a chuirtear i bhfeidhm chun críoch sócmhainneachta, i gcás inarb infheidhme;

(e)

forléargas ar na rioscaí ábhartha a bhaineann le soláthar TPPU nó atá bainteach leis agus ar an gcaoi a bhfuil sé beartaithe ag an soláthraí TPPUnna na rioscaí sin a bhainistiú, lena n-áirítear rioscaí airgeadais agus leachtachta, rioscaí margaidh, rioscaí creidmheasa, rioscaí clú agus rioscaí a bhaineann le tosca comhshaoil, sóisialta agus rialachais, ach gan a bheith teoranta dóibh sin;

(f)

an fhaisnéis maidir le struchtúr caipitil an tsoláthraí TPPUnna, lena n-áirítear cóimheasa caipitil agus leibhéil giarála;

(g)

faisnéis maidir le conarthaí atá i seilbh soláthraí TPPUnna, nó maidir le conarthaí arna ndéanamh le tríú páirtithe, lena n-áirítear na hoibleagáidí i leith coigilteoirí TPPU le linn chéim an dícharntha, nó i dtaca le fochuntais TPPU a sholáthar.