|
31.5.2021 |
GA |
Iris Oifigiúil an Aontais Eorpaigh |
L 190/74 |
RIALACHÁN (AE) 2021/862 ÓN gCOIMISIÚN
an 28 Bealtaine 2021
lena leasaítear Rialachán (CE) Uimh. 2003/2003 ó Pharlaimint na hEorpa agus ón gComhairle a bhaineann le leasacháin chun cineál nua leasacháin CE a áireamh in Iarscríbhinn I
(Téacs atá ábhartha maidir le LEE)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (CE) Uimh. 2003/2003 ó Pharlaimint na hEorpa agus ón gComhairle an 13 Deireadh Fómhair 2003 a bhaineann le leasacháin (1), agus go háirithe Airteagal 31(1) de,
De bharr an mhéid seo a leanas:
|
(1) |
Chuir monaróir uisce formáite potaisiam iarraidh faoi bhráid an Choimisiúin trí údaráis na Sualainne ar an tsubstaint sin a áireamh mar chineál leasacháin nua in Iarscríbhinn I a ghabhann le Rialachán (CE) Uimh. 2003/2003. Forbraíodh an tuaslagán uisce formáite potaisiam chun ionsú níos fearr potaisiam a bhaint amach le duilleoga plandaí a bhfuil géarghá acu leis an gcothaitheach príomhúil sin, amhail torthaí agus glasraí. |
|
(2) |
Comhlíonann an tuaslagán uisce formáite potaisiam, mar a shonraítear in Iarscríbhinn I a ghabhann leis an Rialachán seo, na ceanglais a leagtar síos in Airteagal 14 de Rialachán (CE) Uimh. 2003/2003. Ba cheart, dá bhrí sin, é a áireamh ar liosta na gcineálacha leasachán CE in Iarscríbhinn I a ghabhann leis an Rialachán sin. |
|
(3) |
Ba cheart, dá bhrí sin, Rialachán (CE) Uimh. 2003/2003 a leasú dá réir sin. |
|
(4) |
Tá na bearta dá bhforáiltear sa Rialachán seo i gcomhréir leis an tuairim ón gCoiste arna bhunú le hAirteagal 32 de Rialachán (CE) Uimh. 2003/2003. |
TAR ÉIS AN RIALACHÁN SEO A GHLACADH:
Airteagal 1
Leasaítear Iarscríbhinn I a ghabhann le Rialachán (CE) 2003/2003 i gcomhréir leis an Iarscríbhinn a ghabhann leis an Rialachán seo.
Airteagal 2
Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, 28 Bealtaine 2021.
Thar ceann an Choimisiúin
An tUachtarán
Ursula VON DER LEYEN
IARSCRÍBHINN
Leasaítear Iarscríbhinn I a ghabhann le Rialachán (CE) Uimh. 2003/2003 mar a leanas:
|
|
Sa tábla i Roinn C.1, cuirtear an iontráil seo a leanas leis i ndiaidh iontráil 7:
|