|
31.5.2021 |
GA |
Iris Oifigiúil an Aontais Eorpaigh |
L 190/19 |
RIALACHÁN TARMLIGTHE (AE) 2021/860 ÓN gCOIMISIÚN
an 23 Márta 2021
lena leasaítear Rialachán Tarmligthe (AE) 2020/124 a mhéid a bhaineann leis an Iarscríbhinn a ghabhann le bearta caomhnaithe agus forfheidhmithe Eagraíocht Iascaigh an Atlantaigh Thiar Thuaidh (NAFO)
TÁ AN COIMISIÚN EORPACH,
Ag féachaint don Chonradh ar Fheidhmiú an Aontais Eorpaigh,
Ag féachaint do Rialachán (AE) 2019/833 ó Pharlaimint na hEorpa agus ón gComhairle an 20 Bealtaine 2019 lena leagtar síos bearta caomhnaithe agus forfheidhmithe atá infheidhme i Limistéar Rialála Eagraíocht Iascaigh an Atlantaigh Thiar Thuaidh, lena leasaítear Rialachán (AE) 2016/1627 agus lena n-aisghairtear Rialacháin (CE) Uimh. 2115/2005 agus (CE) Uimh. 1386/2007 (1) ón gComhairle, agus go háirithe Airteagal 50(1) de,
De bharr an mhéid seo a leanas:
|
(1) |
Is páirtí é an tAontas den Choinbhinsiún um Chomhar Iltaobhach sa Todhchaí in Iascaigh an Atlantaigh Thiar Thuaidh (“Coinbhinsiún NAFO”), arna fhormheas le Rialachán (CEE) Uimh. 3179/78 ón gComhairle (2). |
|
(2) |
Ghlac Parlaimint na hEorpa agus an Chomhairle Rialachán (AE) 2019/833 chun bearta caomhnaithe agus forfheidhmithe NAFO a ionchorprú i ndlí an Aontais. |
|
(3) |
Is forlíonadh ar Rialachán (AE) 2019/833 é Rialachán Tarmligthe (AE) 2020/124 ón gCoimisiún (3) le roinnt bearta caomhnaithe agus forfheidhmithe NAFO. |
|
(4) |
Is leasú ar Rialachán Tarmligthe (AE) 2020/124 é Rialachán Tarmligthe (AE) 2020/989 ón gCoimisiún (4), le hiarscríbhinní athbhreithnithe NAFO arna nglacadh ag a chruinniú bliantúil in 2019. |
|
(5) |
I mí Mheán Fómhair 2020, ag a chruinniú bliantúil, leasaigh NAFO Cuid VI d’Iarscríbhinn I.E dá bhearta caomhnaithe agus forfheidhmithe, a bhaineann le liosta speiceas táscach na n-éiceachóras leochaileach muirí (VME). Beidh an iarscríbhinn sin ina ceangal ar an Aontas an 1 Nollaig 2020. |
|
(6) |
Ba cheart na hathruithe sin a ionchorprú i ndlí an Aontais freisin. Ba cheart, dá bhrí sin, Rialachán Tarmligthe (AE) 2020/124 a leasú dá réir sin, |
TAR ÉIS AN RIALACHÁN SEO A GHLACADH:
Airteagal 1
Leasaítear an Iarscríbhinn a ghabhann le Rialachán Tarmligthe (AE) 2020/124 i gcomhréir leis an Iarscríbhinn a ghabhann leis an Rialachán seo.
Airteagal 2
Tiocfaidh an Rialachán seo i bhfeidhm an tríú lá tar éis lá a fhoilsithe in Iris Oifigiúil an Aontais Eorpaigh.
Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.
Arna dhéanamh sa Bhruiséil, 23 Márta 2021.
Thar ceann an Choimisiúin
An tUachtarán
Ursula VON DER LEYEN
(1) IO L 141, 28.5.2019, lch. 1.
(2) Rialachán (CEE) Uimh. 3179/78 ón gComhairle an 28 Nollaig 1978 maidir le tabhairt i gcrích an Choinbhinsiúin um Chomhar Iltaobhach sa Todhchaí in Iascaigh an Atlantaigh Thiar Thuaidh ag Comhphobal Eacnamaíochta na hEorpa (IO L 378, 30.12.1978, lch. 1).
(3) Rialachán Tarmligthe (AE) 2020/124 ón gCoimisiún an 15 Deireadh Fómhair 2019 lena bhforlíontar Rialachán (AE) 2019/833 ó Pharlaimint na hEorpa agus ón gComhairle lena leagtar síos bearta caomhnaithe agus forfheidhmithe atá infheidhme i Limistéar Rialála Eagraíocht Iascaigh an Atlantaigh Thiar Thuaidh (IO L 34 I, 6.2.2020, lch. 1).
(4) Rialachán Tarmligthe (AE) 2020/989 ón gCoimisiún an 27 Aibreán 2020 lena leasaítear Rialachán Tarmligthe (AE) 2020/124 a mhéid a bhaineann le forálacha áirithe de bhearta caomhnaithe agus forfheidhmithe Eagraíocht Iascaigh an Atlantaigh Thiar Thuaidh (NAFO), agus Iarscríbhinní a ghabhann leis na bearta sin (IO L 221, 10.7.2020. lch. 5).
IARSCRÍBHINN
Leasaítear an Iarscríbhinn a ghabhann le Rialachán Tarmligthe (AE) 2020/124 ón gCoimisiún mar a leanas:
|
1. |
Cuirtear an méid seo a leanas in ionad Phointe 3:
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||