(1)

Bunaítear le Rialachán Tarmligthe (AE) Uimh. 1062/2014 ón gCoimisiún (2) liosta de shubstaintí gníomhacha atá ann cheana a bhfuil meastóireacht le déanamh orthu maidir lena bhformheas féideartha lena n-úsáid i dtáirgí bithicídeacha. Tá dé-ocsaíd charbóin a gineadh ó phrópán, ó bhútán nó ó mheascán den dá rud le dóchán san áireamh sa liosta sin.

(2)

Rinneadh measúnú ar dhé-ocsaíd charbóin a gineadh ó phrópán, ó bhútán nó ó mheascán den dá rud le dóchán lena húsáid i dtáirgí bithicídeacha de chineál táirge 19, éarthaigh agus mealltóirí, mar a thuairiscítear in Iarscríbhinn V a ghabhann le Rialachán (AE) Uimh. 528/2012.

(3)

Ainmníodh an Fhrainc mar an Ballstát is rapóirtéir agus chuir a húdarás inniúil meastóireachta an tuarascáil mheasúnaithe mar aon lena conclúidí faoi bhráid na Gníomhaireachta Eorpaí Ceimiceán (“an Ghníomhaireacht”) an 18 Meán Fómhair 2019.

(4)

I gcomhréir le hAirteagal 7(2) de Rialachán Tarmligthe (AE) Uimh. 1062/2014, ghlac Coiste um Tháirgí Bithicídeacha an tuairim ón nGníomhaireacht an 16 Meitheamh 2020 (3), ag féachaint do chonclúidí an údaráis inniúil meastóireachta.

(5)

De réir na tuairime sin, féadfar a bheith ag súil go gcomhlíonfaidh táirgí bithicídeacha de chineál táirge 19 ina n-úsáidtear dé-ocsaíd charbóin a gineadh ó phrópán, ó bhútán nó ó mheascán den dá rud le dóchán ceanglais Airteagal 19(1)(b) de Rialachán (AE) Uimh. 528/2012. Thángthas ar an gconclúid freisin sa tuairim ón nGníomhaireacht nach cúis imní í an tsubstaint ghníomhach sin agus go bhfuil sí incháilithe lena cur san áireamh in Iarscríbhinn I a ghabhann le Rialachán (AE) Uimh. 528/2012.

(6)

Agus an tuairim ón nGníomhaireacht á cur san áireamh, is iomchuí, dá bhrí sin, dé-ocsaíd charbóin a gineadh ó phrópán, ó bhútán nó ó mheascán den dá rud le dóchán a chur san áireamh in Iarscríbhinn I a ghabhann le Rialachán (AE) Uimh. 528/2012. Ós rud é go ndearnadh measúnú ar dhé-ocsaíd charbóin a gineadh ó phrópán, ó bhútán nó ó mheascán den dá rud le dóchán bunaithe ar shainchomhad substainte gníomhaí a chomhlíonann na ceanglais a leagtar amach in Airteagal 11(1) de Threoir 98/8/CE ó Pharlaimint na hEorpa agus ón gComhairle (4), ba cheart dé-ocsaíd charbóin a gineadh ó phrópán, ó bhútán nó ó mheascán den dá rud le dóchán a chur san áireamh i gcatagóir 6 d’Iarscríbhinn I a ghabhann le Rialachán (AE) Uimh. 528/2012, “Substaintí a bhfuil sainchomhad substainte gníomhaí bailíochtaithe ag Ballstát ina leith i gcomhréir le hAirteagal 7(3) den Rialachán seo nó a bhfuil glactha le sainchomhad den sórt sin ag Ballstát i gcomhréir le hAirteagal 11(1) de Threoir 98/8/CE”.

(7)

Tá bearta idirthréimhseacha in Airteagal 89(3) de Rialachán (AE) Uimh. 528/2012 i gcás ina bhformheastar substaint ghníomhach atá ann cheana agus atá san áireamh sa chlár oibre chun scrúdú córasach a dhéanamh ar shubstaintí gníomhacha atá ann cheana i gcomhréir leis an Rialachán sin. Maidir le dé-ocsaíd charbóin a gineadh ó phrópán, ó bhútán nó ó mheascán den dá rud le dóchán i gcás chineál táirge 19, ba cheart an dáta formheasa chun críocha Airteagal 89(3) den Rialachán sin a shocrú don 1 Iúil 2022 ionas go mbeidh a dhóthain ama ann chun iarratais ar údarú a chur isteach i gcomhréir leis an dara fomhír d’Airteagal 89(3) den Rialachán sin,