1.   Déanfar tuarascála a tharchur idir dhá eintiteas, aonad, chomhlacht nó ghníomhaireacht nó níos mó chun cur le bunú na léirithe staide éagsúla, chun cur le hanailís riosca nó chun tacú le hacmhainní freagartha.

2.   Is éard a bheidh sna tuarascálacha:

3.   D’fhéadfadh na tuarascálacha a bheith sna foirmeacha seo a leanas:

1.   Na lárionaid náisiúnta chomhordúcháin, an Ghníomhaireacht Eorpach um an nGarda Teorann agus Cósta (“an Ghníomhaireacht”) nó na heintitis a bhainistíonn na léirithe staide sonracha, dá ngairtear ‘tionscnóirí na dtuarascálacha’, déanfaidh siad na tuarascálacha a tharchur in EUROSUR.

2.   Is é úinéir na léirithe staide, dá ngairtear “an t-úinéir”, a gheobhaidh an tuarascáil agus a bheidh freagrach as í a phróiseáil i gcomhréir leis na rialacha is infheidhme.

3.   Féadfaidh tuarascála in EUROSUR teacht ó na foinsí náisiúnta dá dtagraítear in Airteagal 25(2) agus Airteagal 26(2) de Rialachán (AE) 2019/1896 nó ó fhoinsí na Gníomhaireachta féin.

1.   I gcás ina suíonn tionscnóir tuarascála go bhfuil gaol idir tuarascálacha nó le heilimintí eile den léiriú staide a d’fhéadfadh cur le tuiscint ar an staid agus ar an gcomhthéacs ina n-iomláine, nascfaidh sé an tuarascáil sin leis na heilimintí ábhartha.

2.   Féadfaidh úinéir léirithe staide cur leis na naisc a bhaineann leis an léiriú staide atá á bhainistiú aige nó modhnú a dhéanamh orthu.

1.   Údaráis náisiúnta na mBallstát atá freagrach as bainistiú teorainneacha, lena n-áirítear gardaí cósta sa mhéid go ndéanann siad cúraimí rialaithe teorann, déanfaidh gach lárionad náisiúnta comhordúcháin a áirithiú go ndéanfaidh na húdaráis náisiúnta sin a thuairisciú i sraith tarluithe na léirithe staide ábhartha gach tarlú a bhraitear nuair atá cúraimí rialaithe teorann, feasacht staide agus anailís riosca á ndéanamh acu, mar aon le tarluithe a bhaineann le gluaiseachtaí tánaisteacha neamhúdaraithe, i gcás ina mbeidh siad ar fáil.

2.   Agus cúraimí rialaithe teorann á ndéanamh acu, beidh an Ghníomhaireacht, agus, i gcás inarb ábhartha, na lárionaid idirnáisiúnta chomhordúcháin, faoi réir na hoibleagáide dá dtagraítear i mír 1.

3.   Is mar tháscairí nó mar thuarascálacha ar tharlú aonair nó mar an dá ní sin a dhéanfar tarluithe a thuairisciú in EUROSUR.

1.   Na lárionaid náisiúnta chomhordúcháin agus, i gcás inarb ábhartha agus mar a fhoráiltear sna pleananna oibríochtúla, na lárionaid idirnáisiúnta chomhordúcháin, déanfaidh siad na táscairí maidir le tarluithe ag teorainneacha seachtracha a thuairisciú don Ghníomhaireacht, mar a leagtar amach in Iarscríbhinn 1 agus ag na hamanna a shonraítear san iarscríbhinn sin.

2.   Na sonraí a chomhfhreagraíonn do na táscairí, féadfar iad a fháil ó fhaisnéis agus ó staidreamh atá ar fáil do na húdaráis náisiúnta, lena n-áirítear trí chuardaigh a dhéanamh i mbunachair sonraí ábhartha de chuid an Aontais agus i gcórais faisnéise ar mhórscála, i gcomhréir leis an gcreat dlíthiúil is infheidhme maidir leis na bunachair sonraí agus na córais sin.

3.   Na táscairí a bhaineann le gluaiseacht aindleathach earraí thar theorainneacha agus leis an ngáinneáil aindleathach a ghabhann leis sin, gheofar iad i gcomhar leis na húdaráis náisiúnta inniúla agus aird chuí á tabhairt d’oibleagáidí nó do shrianta tuairiscithe eile agus do ról an Choimisiúin.

4.   Sa bhreis ar an oibleagáid tuairiscithe dá dtagraítear faoi mhír 1, féadfaidh tionscnóir tuarascála tuarascáil shonrach a sheoladh sna cásanna seo a leanas:

5.   I gcás ina bhfaighidh an Ghníomhaireacht aon cheann de na táscairí dá dtagraítear i mír 1 trína hacmhainní faireachais féin nó trí chomhar na Gníomhaireachta le hinstitiúidí, comhlachtaí, oifigí, agus gníomhaireachtaí de chuid an Aontais nó le heagraíochtaí idirnáisiúnta, nó trí chomhar na Gníomhaireachta le tríú tíortha, déanfaidh sí na táscairí sa Léiriú Staide Eorpach a thuairisciú agus cuirfidh sí na lárionaid náisiúnta chomhordúcháin ar an eolas ina leith. Sa chás seo, agus le haghaidh na dtáscairí sin, ní bheidh feidhm ag oibleagáid tuairiscithe in Airteagal 7(1).

1.   Na lárionaid náisiúnta chomhordúcháin; agus, i gcás inarb ábhartha agus mar a fhoráiltear sna pleananna oibríochtúla, na lárionaid idirnáisiúnta chomhordúcháin, déanfaidh siad na tarluithe aonair a thuairisciú don Ghníomhaireacht.

2.   Déanfar tarluithe aonair a thuairisciú in EUROSUR sna cásanna seo a leanas:

3.   Mura sonraítear a mhalairt in Iarscríbhinn 2, seolfaidh tionscnóir na tuarascála an chéad tuarascáil ar an tarlú tráth nach déanaí ná 24 uair an chloig tar éis don údarás inniúil ábhartha a fháil amach gur tharla tarlú nó gur dócha go dtarlóidh tarlú.

4.   Déanfaidh tionscnóir na tuarascála tuarascálacha breise a chur isteach de réir mar is iomchuí chun tuarascáil ar tharlú aonair a chomhlánú nó a nuashonrú. Déanfar na tuarascálacha sin a nascadh leis an gcéadtuarascáil ar tharlú aonair agus leis an tarlú arna tuairisciú sa léiriú staide.

5.   Sna tuarascála a ullmhófar faoin Airteagal seo, beidh tuairisc iontu faoi fhreagairt na n-údarás ar na tarluithe lena mbaineann, lena n-áirítear aon ghníomhaíocht a glacadh nó atá beartaithe.

6.   Gan dochar don chéad fhreagairt oibríochtúil, féadfaidh úinéir na tuarascála agus tionscnóir na tuarascálacha faisnéis bhreise nó anailís riosca a iarraidh mar a fhoráiltear in Airteagal 14 chun críocha an mhéid seo a leanas:

7.   Ar bhonn na dtuarascálacha a fuarthas, féadfaidh úinéir an léirithe staide an tarlú a dhúnadh i gcás ina measfar an méid seo a leanas:

I gcás ina ndúnfar tarlú, déanfar an tarlú agus na tuarascálacha éagsúla a bhaineann leis a stóráil agus beidh rochtain orthu sa léiriú staide chun críoch anailíse riosca.

8.   I gcás ina bhfaighidh an Ghníomhaireacht faisnéis leordhóthanach maidir le tarluithe aonair trína hacmhainní faireachais féin nó trí chomhar na Gníomhaireachta le hinstitiúidí, comhlachtaí, oifigí, agus gníomhaireachtaí de chuid an Aontais agus le heagraíochtaí idirnáisiúnta, nó trí chomhar na Gníomhaireachta le tríú tíortha, déanfaidh sí an fhaisnéis sin a thuairisciú sa Léiriú Staide Eorpach agus cuirfidh sí na lárionaid náisiúnta chomhordúcháin ar an eolas ina leith. Sa chás seo, ní bheidh feidhm ag an oibleagáid tuairiscithe i mír 1.

9.   Déanfaidh an Ghníomhaireacht na tarluithe sin a chur san áireamh nó a nuashonrú de réir mar is iomchuí sa léiriú staide Eorpach.

1.   Déanfaidh gach lárionad náisiúnta comhordúcháin agus, i gcás inarb infheidhme, an lárionad idirnáisiúnta comhordúcháin ábhartha agus an Ghníomhaireacht a áirithiú go dtabharfaidh a n-aonaid atá rannpháirteach in oibríochtaí rialaithe teorann tuairisc ar a n-acmhainní féin sa léiriú staide Eorpach.

2.   Cuimseofar na nithe seo a leanas sna tuarascálacha ar acmhainní dílse in EUROSUR:

1.   Déanfaidh gach lárionad náisiúnta comhordúcháin a áirithiú go ndéanfaidh na haonaid atá rannpháirteach in oibríochtaí rialaithe teorann a gcuid pleananna oibríochtúla a thuairisciú sna léirithe staide náisiúnta.

2.   Lárionaid náisiúnta chomhordúcháin agus i gcás inarb ábhartha, na lárionaid idirnáisiúnta chomhordúcháin, déanfaidh siad na pleananna oibríochtúla a thuairisciú sa léiriú staide Eorpach i gcás ina mbeidh na leibhéil tionchair ag na codanna teorann ag leibhéal ard nó criticiúil nó i gcás oibríochtaí teorann comhpháirteacha nó mear-idirghabhálacha teorann.

3.   Cuimseofar na nithe seo a leanas sna tuarascálacha ar phleananna oibríochtúla:

1.   Féadfaidh na húdaráis ábhartha, na seirbhísí, na gníomhaireachtaí agus na cláir ar an leibhéal náisiúnta agus ar leibhéal an Aontais faisnéis chomhshaoil a thuairisciú i sraith oibríochtaí na léirithe staide ábhartha.

2.   D’fhéadfaí na nithe seo a leanas a bheith sa tuairisciú ar fhaisnéis chomhshaoil in EUROSUR:

1.   Na lárionaid náisiúnta chomhordúcháin, an Ghníomhaireacht agus, i gcás inarb ábhartha, na lárionaid idirnáisiúnta chomhordúcháin, déanfaidh siad soláthar na dtuarascálacha ar anailís riosca a áirithiú d’fhonn sraitheanna anailíse na léirithe staide a nuashonrú.

2.   Áireofar sna tuarascálacha ar anailís riosca ceann amháin nó níos mó de na nithe seo a leanas: táirgí anailíseacha amhail nótaí faisnéise, tuarascálacha anailíseacha, anailís ar thríú tíortha agus próifílí riosca, agus tuarascálacha sonracha ar fhaire na cruinne ina n-úsáidtear córais faisnéise gheospásúla.

3.   Úsáidfear na tuarascálacha anailíse riosca le haghaidh na nithe seo a leanas:

1.   I gcás inar gá tuarascálacha breise a fháil maidir le tarlú sonrach, nó nuair is gá an léiriú staide nuashonrú, féadfaidh na lárionaid náisiúnta chomhordúcháin, an Ghníomhaireacht nó na heintitis a bhainistíonn na léirithe staide sonracha iarraidh ar fhaisnéis a sheoladh chuig ceann amháin nó níos mó de na foinsí dá dtagraítear in Airteagail 25(2) agus 26(2) de Rialachán (AE) 2019/1896.

2.   Féadfaidh iarraidh ar fhaisnéis arna déanamh de bhun mhír 1 a bheith faoi réir leibhéal aicmiúcháin nó srianta sonracha eile maidir le beartas sonraí.

3.   Nascfar na tuarascálacha ar anailís riosca a dhéantar mar fhreagairt ar iarraidh ar fhaisnéis leis an iarraidh bhunaidh ar fhaisnéis.

4.   Beidh feidhm ag prionsabal thoiliú an tionscnóra maidir leis na hiarrataí ar fhaisnéis agus maidir leis na tuarascálacha a dhéantar mar fhreagairt orthu.

1.   Déanfaidh an Ghníomhaireacht liostaí faire a bhunú agus a choinneáil ar bun chun acmhainní braite agus anailís riosca an Gharda Teorann agus Cósta Eorpaigh a fheabhsú agus chun acmhainní freagartha iomchuí a spreagadh.

2.   Beidh na nithe seo a leanas sna liostaí faire:

3.   D’fhéadfaí na nithe seo a leanas a bheith sna liostaí faire:

1.   Déanfaidh tionscnóir na tuarascála ar tharlú nó tionscnóir na tuarascála ar anailís riosca measúnú ar leibhéal muiníne na faisnéise a tuairiscíodh nuair a bheidh meiteashonraí na tuarascála á gcruthú aige.

2.   Is ar bhonn na gcritéar seo a leanas a dhéanfar measúnú ar an leibhéal muiníne:

3.   Tabharfaidh an t-úinéir aird ar an leibhéal muiníne a bhaineann leis an tuarascáil chun an léiriú staide a nuashonrú dá réir.

1.   Déanfaidh tionscnóir na tuarascála ar tharlú nó tionscnóir na tuarascála ar anailís riosca measúnú ar leibhéal tionchair na faisnéise a tuairiscíodh nuair a bheidh meiteashonraí na tuarascála á gcruthú aige.

2.   Léireoidh an leibhéal tionchair an tionchar foriomlán atá ag an bhfaisnéis a tuairiscíodh maidir leis na nithe seo a leanas:

3.   Déanfaidh tionscnóirí na tuarascála dá dtagraítear i mír 1 leibhéal tionchair a shannadh do gach tuarascáil ar tharlú agus ar anailís riosca.

4.   I gcás ina mbainfidh tuarascáil le tarlú a ndearnadh tuairisciú air cheana féin sa léiriú staide, nascfaidh an tionscnóir an tuarascáil leis an tarlú sin.

5.   Sannfaidh na húinéirí leibhéal tionchair do na tarluithe nó déanfaidh siad modhnú orthu ar bhonn na dtuarascálacha a fuarthas agus a gcuid anailíse riosca féin.

1.   Déanfaidh gach lárionad náisiúnta comhordúcháin a áirithiú go dtabharfaidh na haonaid atá rannpháirteach i bhfaireachas teorainneacha muirí tuairisc ar shoithí sna cásanna seo a leanas:

2.   Déanfaidh an t-aonad rannpháirteach an fhaisnéis a tharchur chuig a lárionad náisiúnta comhordúcháin féin agus, i gcás oibríochta comhpháirtí nó mear-idirghabhála teorann, déanfaidh sé í a tharchur chuig an lárionad idirnáisiúnta comhordúcháin comhfhreagrach, i gcomhréir leis an bplean oibríochtúil.

3.   Na lárionaid náisiúnta chomhordúcháin agus, i gcás inarb iomchuí, na lárionaid idirnáisiúnta chomhordúcháin, déanfaidh siad a léirithe staide féin a nuashonrú agus an fhaisnéis sin a thuairisciú don Ghníomhaireacht d’fhonn an léiriú staide Eorpach a nuashonrú.

1.   Agus faireachas ar theorainneacha muirí á dhéanamh acu, údaráis na mBallstát a bhfuil cúnamh á thabhairt acu d’aon soitheach nó d’aon duine atá i nguais ar muir, i gcomhréir lena n-oibleagáid faoin dlí muirí idirnáisiúnta, tabharfaidh siad aird ar an bhfaisnéis agus ar na breathnóireachtaí ábhartha uile a bhaineann le teagmhas a d’fhéadfadh a bheith ina theagmhas Cuardaigh agus Tarrthála, agus déanfaidh siad an fhaisnéis sin a tharchur chuig an Lárionad Comhordúcháin Tarrthála Muirí atá freagrach, agus cuirfidh siad a lárionad náisiúnta comhordúcháin ar an eolas d’fhonn an tarlú sin a nuashonrú sna léirithe staide ábhartha.

2.   Má shuíonn údaráis na mBallstát go soiléir nach mbaineann an teagmhas Cuardaigh agus Tarrthála le beatha imirceach a chosaint agus a shábháil ná leis an gcoireacht trasteorann, féadfaidh siad cinneadh a dhéanamh gan an lárionad náisiúnta comhordúcháin a chur ar an eolas.

3.   Agus oibríochtaí faireachais ar theorainneacha muirí á ndéanamh ag an nGníomhaireacht, agus i gcomhréir le Rialachán (AE) Uimh. 656/2014 ó Pharlaimint na hEorpa agus ón gComhairle (15), beidh an Ghníomhaireacht faoi réir na hoibleagáide céanna agus an ceann dá dtagraítear i mír 1.

4.   Le linn oibríocht Cuardaigh agus Tarrthála, déanfaidh an lárionad náisiúnta comhordúcháin inniúil an léiriú staide náisiúnta a nuashonrú agus an fhaisnéis sin a thuairisciú don Ghníomhaireacht d’fhonn an léiriú staide Eorpach a nuashonrú.

5.   Déanfar na léirithe staide a nuashonrú go rialta chun críocha na nithe seo a leanas:

6.   Tabharfaidh an lárionad náisiúnta comhordúcháin tuairisc don Ghníomhaireacht faoi fhoirceannadh oibríochta Cuardaigh agus Tarrthála laistigh de 24 uair an chloig tar éis an oibríocht a bheith foirceannta.

1.   Déanfaidh gach lárionad náisiúnta comhordúcháin a áirithiú go dtabharfaidh na haonaid atá rannpháirteach i bhfaireachas teorainneacha aeir tuairisc ar eitiltí seachtracha sna cásanna seo a leanas:

2.   Déanfaidh na gníomhaireachtaí agus na comhlachtaí náisiúnta atá páirteach i bhfaireachas teorainneacha aeir an fhaisnéis sin a tharchur chuig a lárionad náisiúnta comhordúcháin féin nó, i gcás oibríochta comhpháirtí nó mear-idirghabhála teorann, déanfaidh siad í a tharchur chuig an lárionad idirnáisiúnta comhordúcháin comhfhreagrach, i gcomhréir leis an bplean oibríochtúil.

3.   An lárionad náisiúnta comhordúcháin agus, i gcás inarb iomchuí, an lárionad idirnáisiúnta comhordúcháin, déanfaidh siad a léirithe staide féin a nuashonrú agus an fhaisnéis sin a thuairisciú don Ghníomhaireacht d’fhonn an léiriú staide Eorpach a nuashonrú.

1.   Agus faireachán á dhéanamh aici ar fheidhmiú teicniúil agus oibríochtúil EUROSUR i gcomhréir le hAirteagal 23 de Rialachán (AE) 2019/1896, féadfaidh an Ghníomhaireacht, i ndlúthchomhar leis na húdaráis náisiúnta inniúla, táscairí teicniúla agus ceanglais maidir le tuairisciú ar tharlú aonair a bhunú, chun faireachán a dhéanamh ar an stádas oibríochtúil agus ar cháilíocht na seirbhíse a chuireann córais agus líonraí éagsúla na mBallstát agus na Gníomhaireachta ar fáil, rud atá nasctha le comhchuid theicniúil EUROSUR agus atá mar chuid de, mar a shainmhínítear in Airteagal 27.

2.   Úsáidfear na táscairí le haghaidh an mhéid seo a leanas:

3.   Tabharfaidh na Ballstáit agus an Ghníomhaireacht tuairisc ar aon teagmhas aonair a dhéanann difear do chomhchodanna teicniúla EUROSUR nó do shlándáil sonraí EUROSUR.

1.   I sraitheanna tarluithe agus anailíse an léirithe staide Eorpaigh, beidh foshraith ann maidir le gluaiseachtaí tánaisteacha neamhúdaraithe. I gcás ina mbeidh fáil orthu, beidh foshraitheanna maidir le gluaiseachtaí tánaisteacha neamhúdaraithe le fáil i sraitheanna tarluithe agus sraitheanna anailíse an léirithe staide náisiúnta freisin, chun treochtaí, líon agus bealaí na n-imirceach a thuiscint.

2.   Beidh foshraitheanna ar fheidhmiú teicniúil EUROSUR le fáil i sraith oibríochtaí an léirithe staide Eorpaigh. Sna foshraitheanna sin beidh tuairisc le fáil ar na nithe seo a leanas:

3.   Beidh foshraitheanna faisnéise sonracha eile sa léiriú staide chun taispeáint na faisnéise do na húsáideoirí a éascú.

4.   Déanfar gach léiriú staide a bhunú i ndoiciméad ina sonrófar an tsraith agus na foshraitheanna agus an beartas sonraí is infheidhme.

1.   Agus léiriú staide á bhunú acu i gcomhréir le hAirteagal 27 de Rialachán (AE) 2019/1896, áiritheoidh na Ballstáit agus an Ghníomhaireacht go ndéanfar ailíniú leis na nithe seo a leanas:

2.   Cuimseofar na nithe seo a leanas sna rialacha maidir le léiriú staide sonrach a bhunú agus a chomhroinnt:

1.   Áireofar i gcomhchodanna EUROSUR comhchodanna náisiúnta agus comhchuid Eorpach.

2.   Is éard a bheidh i ngach comhchuid náisiúnta na córais agus na líonraí náisiúnta a úsáideann na Ballstáit i dtaca leis na léirithe staide a bhunú, tuairisciú, feasacht staide agus anailís riosca, agus i dtaca le tacú le pleanáil agus stiúradh oibríochtaí rialaithe teorann, lena n-áirítear an bonneagar, an t-eagrúchán, an pearsanra agus na hacmhainní faisnéise is gá chun tacú leis. Na hidirnaisc idir na comhchodanna laistigh de Bhallstát agus idir na Ballstáit, beidh siad mar chuid de na comhchodanna náisiúnta.

3.   Déanfaidh an chomhchuid Eorpach na comhchodanna náisiúnta a chomhlánú. Beidh an t-idirnasc leis na comhchodanna náisiúnta mar chuid di. Is éard a bheidh inti an Líonra Cumarsáide agus na córais agus na líonraí a úsáideann an Ghníomhaireacht i dtaca leis na léirithe staide a bhunú, tuairisciú, feasacht staide agus anailís riosca, agus i dtaca le tacú le pleanáil agus stiúradh oibríochtaí rialaithe teorann.

1.   Beidh gach Ballstát freagrach as na nithe seo a leanas:

2.   Déanfaidh an lárionad náisiúnta comhordúcháin na nithe seo a leanas:

1.   Is éard a bheidh i gcomhchuid sheachtrach EUROSUR na córais agus na líonraí, lena n-áirítear an bonneagar, an t-eagrúchán, an pearsanra agus na hacmhainní faisnéise is gá chun tacú leis, ar córais agus líonraí nach cuid de EUROSUR iad agus a ndéantar an méid seo a leanas leo:

2.   Is leis an gcomhchuid sheachtrach an t-idirnasc idir an chomhchuid sheachtrach agus EUROSUR. Déanfar é a shonrú sna rialacha lena mbunaítear an léiriú staide sonrach ábhartha.

1.   Cuimseofar i slándáil sonraí EUROSUR an bainistiú agus na gníomhaíochtaí teicniúla is gá chun leibhéal cosanta iomchuí a ghnóthú chun sonraí agus faisnéis EUROSUR a láimhseáil, chun déileáil le timpeallacht bhagartha atá ag athrú, agus chun gur féidir leis na comhlachtaí agus na gníomhaireachtaí náisiúnta éagsúla atá páirteach in EUROSUR agus sa Ghníomhaireacht a gcuid misin a chomhlíonadh. Áireofar i slándáil sonraí EUROSUR dearbhú faisnéise, slándáil fhisiceach, slándáil phearsanta agus slándáil tionscail.

2.   Cuimseofar na nithe seo a leanas i slándáil sonraí EUROSUR:

1.   Déanfaidh an Ghníomhaireacht slándáil iomlán EUROSUR a áirithiú, agus aird chuí á tabhairt aici ar an ngá atá le formhaoirseacht agus lánpháirtiú ceanglas slándála i ngach comhchuid EUROSUR.

2.   Beidh an Ghníomhaireacht freagrach as slándáil sonraí na comhchoda Eorpaí.

3.   Beidh gach Ballstát freagrach as slándáil sonraí a chomhchoda náisiúnta.

4.   Áiritheoidh an Ghníomhaireacht agus na Ballstáit go ndéanfar na rialuithe, na próisis agus na pleananna a ailíniú chun go mbeidh slándáil sonraí EUROSUR dearbhaithe go cothrománach agus go héifeachtach, ar bhonn próiseas foriomlán um bainistiú rioscaí slándála.

5.   Leagfar amach i gcomhaontuithe, socruithe agus pleananna oibríochtúla lena mbunaítear an léiriú staide sonrach na freagrachtaí maidir le slándáil sonraí na comhchoda seachtraí dá bhforáiltear in Airteagal 26.

6.   Glacfaidh an Ghníomhaireacht caighdeáin lena leagfar síos na ceanglais fheidhmiúla slándála agus na ceanglais dearbhaithe slándála maidir le rochtain ar theicneolaíochtaí a chuireann slándáil ar fáil do EUROSUR agus láimhseáil na dteicneolaíochtaí sin a rialú.

7.   Déanfaidh gach Ballstát agus an Ghníomhaireachta a áirithiú go nglacfar na céimeanna is gá chun na caighdeáin dá dtagraítear i mír 6 a chomhlíonadh, go ndéanfar réasúnú leordhóthanach le comhlíonadh na gceanglas agus le rialú na rioscaí a dhoiciméadú, agus go gcomhlíonfar aon cheanglas breise maidir le slándáil na gcóras, agus aird iomlán á tabhairt ar chomhairle ó shaineolaithe.

8.   Mar chuid den tuairisciú ar cháilíocht na sonraí agus ar cháilíocht na seirbhíse, tabharfaidh gach Ballstát agus an Ghníomhaireacht tuairisc do EUROSUR maidir le haon teagmhas slándála a dhéanann difear do shlándáil sonraí EUROSUR.

9.   I gcás ina bhféadfadh oibríocht EUROSUR difear a dhéanamh do shlándáil an Aontais nó a Bhallstát:

1.   Agus sonraí agus faisnéise EUROSUR á láimhseáil acu, déanfaidh gach Ballstát agus an Ghníomhaireacht a áirithiú go bhfuil rialuithe slándála, próisis agus pleananna i bhfeidhm lena n-áireofar méid áirithe cosanta a bheidh coibhéiseach ar a laghad leis an méid cosanta a rathaítear le rialacha an Choimisiúin maidir le slándáil a leagtar amach i gCinneadh (AE, Euratom) 2015/444 agus i gCinneadh (AE, Euratom) 2015/443 ón gCoimisiún (16).

2.   Cuirfidh na Ballstáit an Coimisiún agus an Ghníomhaireacht ar an eolas láithreach faoi ghlacadh rialacha náisiúnta slándála atá ábhartha maidir le EUROSUR, de réir mar a thagraítear dóibh i mír 1.

3.   Daoine nádúrtha a bhfuil cónaí orthu i dtríú tíortha agus eintitis dhlíthiúla arna mbunú i dtríú tíortha, ní fhéadfaidh siad déileáil le sonraí EUROSUR ach amháin i gcás ina mbeidh siad faoi réir rialacha slándála sna tíortha sin faoina n-áireofar méid áirithe cosanta atá coibhéiseach ar a laghad leis an méid cosanta a rathaítear le rialacha an Choimisiúin maidir le slándáil.

4.   Féadfar aitheantas a thabhairt do choibhéis na rialacha slándála atá i bhfeidhm i dtríú tír trí chomhaontú a dhéanamh leis an tír sin.

5.   Mar chuid de chur chun feidhme chomhchuid Eorpach EUROSUR, tacóidh an Ghníomhaireacht le malartú comhfhreagrach tuarascálacha EUROSUR agus le hidirnascadh na gcomhchodanna náisiúnta ar leibhéal neamhaicmithe agus ar leibhéal rúnaicmithe araon.

1.   Bunaítear Bord um Chreidiúnú Slándála EUROSUR (“an Bord um Chreidiúnú”) laistigh den Ghníomhaireacht.

2.   Mar údarás um chreidiúnú slándála, beidh an Bord um Chreidiúnú freagrach as na nithe seo a leanas i ndáil le creidiúnú slándála le haghaidh EUROSUR:

3.   Sa straitéis um chreidiúnú slándála dá dtagraítear i mír 2, pointe (a), déanfaidh an Bord um Chreidiúnú na nithe seo a leanas a leagan amach:

4.   Déanfaidh an Bord um Chreidiúnú a chúraimí go neamhspleách agus comhaid á láimhseáil, iniúchtaí ar chóras slándála á ndéanamh, cinntí á n-ullmhú agus a chuid cruinnithe á n-eagrú aige.

1.   Is éard a bheidh sa Bhord um Chreidiúnú aon ionadaí amháin in aghaidh an Bhallstáit agus beirt ionadaithe ón gCoimisiún.

2.   Rúnaí ainmnithe de chuid an Bhoird um Chreidiúnú a bheidh in oifigeach slándála na Gníomhaireachta.

3.   Déanfaidh an Bord um Chreidiúnú a rialacha nós imeachta a leagan síos agus ainmneoidh sé a chathaoirleach.

4.   Murab ann do chomhthoil, rachaidh an Bord um Chreidiúnú i muinín na vótála tromlaigh.

5.   Féadfaidh an Bord um Chreidiúna foghrúpaí a bhunú chun imscrúdú a dhéanamh ar ábhair theicniúla.

6.   Coinneoidh an Bord um Chreidiúna bord bainistíochta na Gníomhaireachta agus stiúrthóir feidhmiúcháin na Gníomhaireachta agus an Coimisiún ar an eolas faoi aon chinneadh a dhéanfaidh sé.

1.   Gan dochar d’Airteagal 35, déanfaidh an t-eintiteas atá freagrach as comhpháirt EUROSUR rochtain úsáideora ar a líonraí, a chórais agus a fheidhm a bhainistiú.

2.   I gcás ina dtabharfaí rochtain dhíreach do bhall foirne ar chóras nó ar fheidhm na Gníomhaireachta a úsáidtear chun críoch EUROSUR, déanfaidh an Ghníomhaireacht cearta rochtana a chomhordú leis an lárionad náisiúnta comhordúcháin ábhartha.

3.   I gcás ina dtabharfaí rochtain dhíreach do bhall foirne na Gníomhaireachta ar chóras nó ar fheidhm náisiúnta a úsáidtear chun críoch EUROSUR, déanfaidh an Ballstát freagrach cearta rochtana a chomhordú le stiúrthóir feidhmiúcháin na Gníomhaireachta.

1.   Ní fhéadfaí na comhchodanna náisiúnta a nascadh le EUROSUR ach amháin i gcás ina mbeidh a slándáil sonraí coibhéiseach le slándáil sonraí EUROSUR.

2.   Na rialacha dá dtagraítear in Airteagal 26 maidir le bunú agus comhroinnt léirithe staide sonracha, áireofar sna rialacha sin forálacha maidir le slándáil sonraí ina sonraítear an cineál faisnéise a d’fhéadfaí a mhalartú agus an leibhéal aicmithe.

3.   Is faoi réir formheas roimh ré ón mBord um Chreidiúnú a bheidh aon idirnascadh comhchoda seachtraí le EUROSUR.

1.   Cé go bhféadfadh faisnéis a bhaineann go hindíreach le daoine nádúrtha atá in-sainaitheanta a bheith sna sonraí arna bpróiseáil ag EUROSUR go heisceachtúil, ní dhéanfar sonraí den sórt sin a phróiseáil faoi chuimsiú EUROSUR chun na daoine nádúrtha sin a shainaithint.

2.   I gcás inar gá, i ngeall ar shonraí a phróiseáil in EUROSUR agus ar bhonn eisceachtúil, sonraí pearsanta seachas uimhreacha aitheantais long agus aerárthaí a phróiseáil, scriosfar na sonraí pearsanta sin a luaithe a ghnóthófar an cuspóir a bhaineann lena bpróiseáil.