RIALACHÁN TARMLIGTHE (AE) 2021/466 ÓN gCOIMISIÚN

an 17 Samhain 2020

lena bhforlíontar Rialachán (AE) 2019/1700 ó Pharlaimint na hEorpa agus ón gComhairle trí líon agus teideal na n-athróg a shonrú do réimse an ioncaim agus na ndálaí maireachtála ar an tsláinte agus ar an gcaighdeán maireachtála atá ag na daoine

(Téacs atá ábhartha maidir le LEE)

TÁ AN COIMISIÚN EORPACH,

Ag féachaint don Chonradh ar Fheidhmiú an Aontais Eorpaigh,

Ag féachaint do Rialachán (AE) 2019/1700 ó Pharlaimint na hEorpa agus ón gComhairle an 10 Deireadh Fómhair 2019 lena mbunaítear creat comhchoiteann le haghaidh staidreamh Eorpach a bhaineann le daoine agus le teaghlaigh, bunaithe ar shonraí ar leibhéal an duine aonair arna mbailiú ó shamplaí, lena leasaítear Rialacháin (CE) Uimh. 808/2004, (CE) Uimh. 452/2008 agus (CE) Uimh. 1338/2008 ó Pharlaimint na hEorpa agus ón gComhairle, agus lena n-aisghairtear Rialachán (CE) Uimh. 577/98 ón gComhairle agus Rialachán (CE) Uimh. 1177/2003 ó Pharlaimint na hEorpa agus ón gComhairle (1), agus go háirithe Airteagal 6(1) de,

De bharr an mhéid seo a leanas:

(1)	Chun na riachtanais a shainaithnítear sna topaicí mionsonraithe ábhartha a chumhdach, ba cheart don Choimisiún uimhir agus teideal na n-athróg a shonrú le haghaidh an tacair sonraí sa réimse dálaí maireachtála (EU-SILC).

(2)

Is ionstraim ríthábhachtach í an suirbhé ar staidreamh an Aontais ar ioncam agus dálaí maireachtála (“suirbhé EU-SILC”) chun faisnéis a chur ar fáil a cheanglaítear leis an Seimeastar Eorpach agus Colún Eorpach na gCeart Sóisialta, go háirithe maidir le dáileadh ioncaim, bochtaineacht agus eisiamh sóisialta. Cuireann sé faisnéis ar fáil freisin faoi chúram sláinte, faoi thosca sláinte, stádas sláinte agus míchumas ón modúl a bhíonn ann trí huaire in aghaidh na bliana ar an tSláinte, agus sonraí faoi fholláine agus rannpháirtíocht shóisialta agus chultúrtha ón modúl a bhíonn ann sé huaire in aghaidh na bliana ar an gCaighdeán Maireachtála atá ag na daoine.

(3)	Ní rachaidh líon na n-athróg a bheidh le bailiú thar 5 % de líon na n-athróg a bailíodh le haghaidh réimse na ndálaí maireachtála tráth theacht i bhfeidhm do Rialachán (AE) 2019/1700 an 3 Samhain 2019.

TAR ÉIS AN RIALACHÁN SEO A GHLACADH:

Airteagal 1

Leagtar amach san Iarscríbhinn uimhir agus teideal na n-athróg don mhodúl a bhíonn ann trí huaire in aghaidh na bliana ar an tSláinte agus don mhodúl a bhíonn ann sé huaire in aghaidh na bliana ar an gCaighdeán Maireachtála atá ag na daoine.

Airteagal 2

Tiocfaidh an Rialachán seo i bhfeidhm an fichiú lá tar éis lá a fhoilsithe in Iris Oifigiúil an Aontais Eorpaigh.

Beidh an Rialachán seo ina cheangal go huile agus go hiomlán agus beidh sé infheidhme go díreach i ngach Ballstát.

Arna dhéanamh sa Bhruiséil, 17 Samhain 2020.

Thar ceann an Choimisiúin

An tUachtarán

Ursula VON DER LEYEN

(1) IO L 261 I, 14.10.2019, lch. 1.

IARSCRÍBHINN

Líon agus teidil na n-athróg don mhodúl a bhíonn ann trí huaire in aghaidh na bliana ar an tSláinte agus don mhodúl a bhíonn ann sé huaire in aghaidh na bliana ar an gCaighdeán Maireachtála atá ag na daoine sa réimse a bhaineann le hioncam agus le dálaí maireachtála.

Modúl	Topaic mhionsonraithe	Aitheantóir na hathróige	Ainm na hathróige
Sláinte	Cúram sláinte (6 athróg a bailíodh)	HS200	Ualach airgeadais an chúraim leighis (seachas cógais leighis)
		HS210	Ualach airgeadais chúram na bhfiacla
		HS220	Ualach airgeadais na gcógas leighis
		PH090	Líon na gcomhairliúchán le dochtúir ginearálta nó le dochtúir teaghlaigh le 12 mhí anuas
		PH080	Líon na gcomhairliúchán le fiaclóir, ortódóntóir, nó speisialtóir cúraim fiacla eile le 12 mhí anuas
		PH100	Líon na gcomhairliúchán le speisialtóir leighis nó máinliachta (seachas fiaclóir, ortódóntóir, nó speisialtóir eile i gcúram na bhfiacla) le 12 mhí anuas
	Tosca sláinte (8 n-athróg a bailíodh)	PH110A	ICM 1 Meáchan
		PH110B	ICM 2 Airde
		PH122	Cineál gníomhaíochta coirp le linn do dhuine a bheith ag obair
		PH132	Minicíocht na ngníomhaíochtaí coirp (seachas an obair)
		PH142	Minicíocht ite torthaí (seachas sú torthaí)
		PH152	Minicíocht ite glasraí nó sailéid (seachas sú glasraí)
		PH171	Minicíocht caite tobac (lena n-áirítear toitíní leictreonacha nó gairis leictreonacha chomhchosúla)
		PH180	Minicíocht ólta alcóil d’aon chineál
	Sonraí maidir le stádas sláinte agus míchumas (6 athróg a bailíodh)	PH101	Radharc lag, fiú agus spéaclaí nó lionsaí tadhaill á gcaitheamh
		PH111	Éisteacht lag, fiú agus áis éisteachta á caitheamh
		PH121	Deacrachtaí siúil nó deacrachtaí dul suas céimeanna
		PH131	Deacrachtaí le rudaí a thabhairt chun cuimhne nó deacrachtaí aird a dhíriú ar rudaí
		PH141	Deacrachtaí (le féinchúram, ar nós deacrachtaí) ag an duine é féin a ní nó a chóiriú
		PH151	Deacrachtaí cumarsáide (an ghnáthchaint a úsáid, mar shampla, daoine eile a thuiscint nó a bheith intuigthe ag daoine eile)
Caighdeán maireachtála	Folláine (7 n-athróg a bailíodh)	PW241	Ag brath go bhfuil tú fágtha ar leataobh
		PW030	Sástacht le do staid airgeadais
		PW160	Sástacht le do chuid caidreamh pearsanta
		PW120	Sástacht le bainistiú do chuid ama féin (méid ama fóillíochta)
		PW230	Uaigneas
		PW090	Sonas
		PW180	Cuidiú a fháil ó dhaoine eile
	Rannpháirtíocht shóisialta agus chultúrtha (13 athróg a bailíodh)	PS010	A mhinice a théann tú chun na pictiúrlainne
		PS020	A mhinice a fhreastalaíonn tú ar léirithe beo (drámaí, ceolchoirmeacha, ceoldrámaí, léirithe bailé agus damhsa)
		PS030	A mhinice a thugann tú cuairt ar shuíomhanna cultúrtha
		PS040	A mhinice a fhreastalaíonn tú ar imeachtaí beo spóirt
		PS041	Cleachtadh na n-ealaíon
		PS042	An léitheoireacht (lena n-áirítear ríomhleabhair nó closleabhair, le linn na bliana)
		PS050	A mhinice a bhuaileann tú le baill teaghlaigh (daoine muinteartha)
		PS060	A mhinice a bhuaileann tú le cairde
		PS070	Minicíocht do chuid teagmhála le baill teaghlaigh (daoine muinteartha)
		PS080	Minicíocht na teagmhála le do chuid cairde
		PS110	Rannpháirtíocht i ngníomhaíochtaí deonacha foirmeálta
		PS111	Rannpháirtíocht i ngníomhaíochtaí deonacha neamhfhoirmeálta
		PS102	Saoránacht ghníomhach